教育王國
標題: 在職媽媽vs全職媽媽 [打印本頁]
作者: wss049 時間: 20-6-18 14:46 標題: 在職媽媽vs全職媽媽
各位媽媽我自己係一位在職媽媽(返九五時間穩定的)兩個小朋友（2,4 yr）大仔將會入讀國際學校反而令我覺得想多啲時間陪佢哋因為好多朋友話小朋友十歲前都仲會黐住你再大啲就唔再黐你所以都想享受而家同小朋友嘅時間(講緊嚟緊6-8年時間)但另一方面我其實自己好鍾意自己份工作，又驚對佢哋會癲會成日鬧佢其實好多時返工時就係可以畀我有番自己嘅時間抽離一下佢哋。、我都唔識點樣去取捨。錢對我們屋企不是一個經濟問題但係我自己都真係好鍾意份工作所以都唔捨得但又想珍惜下同佢哋嘅時間想聽下不同媽媽嘅意見覺得應該做個全職媽媽vs在職媽媽好？
作者: yankiyan 時間: 20-6-18 14:49
本帖最後由 yankiyan 於 20-6-18 14:50 編輯
人各有志
我唔鍾意做ftm日日係屋企湊仔
必須要時間抽離一下
作者: yaijing 時間: 20-6-18 15:31
提示: 作者被禁止或刪除 內容自動屏蔽
作者: Osiana 時間: 20-6-18 15:43
wss049 發表於 20-6-18 14:46 
各位媽媽我自己係一位在職媽媽(返九五時間穩定的)兩個小朋友（2,4 yr）大仔將會入讀國際學校反而令我覺得想 ...
另外，又睇下你份工有幾多假期有幾彈性，因為小朋友返學後，，如果有活動，你好想去參與，咁如果假期少，咁會miss 咗好多 precious moments. 當你見到有d 小朋友係台上表演，目光係咁找尋父母有無嚟、坐邊度，個個有父母接嗰種失落，就算你平時要返工，如果你抽到時間去到大部份呢d 節目，我覺得問題不大。
我自己需要返工，但我覺得係我能力範圍做到最好。如果可以全職係好好，不過都要睇自己性格是否適合，眼見有不少媽媽全職反而令小朋友無空間去發展。 有時候，人生有少許遺憾，反而更珍惜自己所擁有。
作者: 細佬Bebe 時間: 20-6-18 17:00 標題: 回覆樓主：
本帖最後由 細佬Bebe 於 20-6-18 17:18 編輯
份工唔駛加班 我會做落去 打風流工好過全職媽好多了！
令自己同社會唔脫節 對小朋友發展都好
我覺得小朋友對住一個有work life balance既媽 好過對住全職媽媽 你自己都要有遠見 有知識 先可以guide住小朋友既人生路
我仔出世多年 我大部份時間係在職媽 呢年幾係全職媽 會係佢返學後做返野 懷念有自己世界既生活 雖然辛苦但十年後 （佢十幾歲唔理你時 自己又人老珠黃時）一定覺得值！
過來人經驗 做全職媽 頭幾個月就好美好 耐左真係枯燥到爆 同埋時間太多都未必會用哂佢度 最後未又係去左做facial, shopping, yoga and tea 其實真係唔係咁正嫁咋 我有工人 得一個小孩 湊仔唔辛苦 但唔可以話正到想成世都咁過
你有兩個 唔同歲數 就算國際學校 你顧佢地學業 同佢地去explore都足夠你無哂自己既時間
錢銀方面 經濟不是問題 係靠哂老公 定你自己有家底夠你同一對仔女食成世，國際學校學費加出國留學 （一個小朋友500萬計）
如果係前者 你自己真係唸清楚 男人有錢有事業 touchwood萬一離婚 你連仔女都爭唔贏
你自己有個富爸爸 有三五千萬留俾你 就唔同講法
其實又唔駛係一個life changing既決定既
可唔可以考慮下 做一兩年全職媽 試下過下癮 返返職場有問題嗎？仲搵唔搵得返唔駛加班既工？ 相信減人工對你應該唔重要 如果減人工後都可搵返一份唔駛加班既工 做一兩年全職媽 拎個回憶都係唔錯
頭半年會唔適應 過左半年 先唸下自己想點
我自己覺得 人生有好多角色
人地既媽媽 人地既老婆 自己 人地個女 人地既朋友 每個角色都60分 好過其中一個角色100分 （仲要你覺得自己係一個犧牲者 100分既阿媽 你老公同仔女未必覺 分分鐘仲唸點解個阿媽咁無所事事）
同轉做全職媽呢個決定 老公又點睇？
作者: ykydg 時間: 20-6-18 17:37
鍾意份工就繼續做，長期係屋企需要好高情商，小朋友鍾意媽咪開心，佢地睇得出。ftm長期係屋企難免會發脾氣勞氣。或者同公司商量no pay leave 半年試下。
作者: meimeimandy 時間: 20-6-18 18:39
我覺得除左經濟仲有幾方面考慮，例如老公支唔支持（有d男人好反對女人做ftm;亦有vice versa, regardless of有冇經濟考慮）
仲有你強調自己好中意份工
有左小朋友亦要做自己鍾意嘅嘢，如果正常9-5，又可以有需要時請假support小朋友嘅學校活動，我覺得夠時間陪小朋友喇
畢竟佢哋返學都6、7個鐘，同你返工時間都唔差太遠
最重要係，將來如果再搵工，唔知搵唔搵到同而家一樣你咁享受嘅
我有返工但我小朋友都好黐我呀
作者: 細佬Bebe 時間: 20-6-18 19:33
ykydg 發表於 20-6-18 17:37
鍾意份工就繼續做，長期係屋企需要好高情商，小朋友鍾意媽咪開心，佢地睇得出。ftm長期係屋企難免會發脾氣 ...
No pay leave而家啲公司應該超歡迎 係一個好時機去試
作者: 細佬Bebe 時間: 20-6-18 19:35
meimeimandy 發表於 20-6-18 18:39
我覺得除左經濟仲有幾方面考慮，例如老公支唔支持（有d男人好反對女人做ftm;亦有vice versa, regardless of ...
本帖最後由 細佬Bebe 於 20-6-18 19:37 編輯
係 我老公就係任我揀無立場 最緊要我開心
但試過先知 原來全職湊仔 要日日開心 都唔容易 可能因為疫情 少左出街 無得去旅行 係無咁多姿多采
疫情前可帶佢去唔同地方 care free and 開心好多
而我身邊有唔少男性朋友都prefer老婆有份唔太chur可兼顧家庭既工 全因女人太多時間好煩 唔係旨在佢地收入
作者: mandy_ng207 時間: 20-6-18 20:15
其實真係人睇你好，你睇人好
我係working mum, 亦同一班幼稚園開始認識嘅家長好熟，佢哋多數係full time mom.
佢哋會羨慕我返工有私人時間，我就會因為自己無法接放學而感到內疚。
但我哋好幸運，可以互補不足，我因為返工算輕鬆，可以幫手睇學校通告（原來俾個細路纏住係好難靜靜地上網睇通告嘅），而佢哋就幫手接我仔放學，間唔中湊我仔上佢哋屋企玩，等我放工去接。其實咁都幾好呀，大家都贏
呢段時間辭咗工真係唔容易搵返，我覺得可以keep住份工試吓先嘅，如果學校嘅文化係需要好多家校合作，好多家長義工可以做，到時先辭工都未遲呀
作者: wss049 時間: 20-6-18 23:04
回覆 yaijing 的帖子
你好犀利冇請工人自己一手一腳做清潔煮飯湊小朋友其實你份全職媽媽工仲辛苦過在職媽媽返工因為沒有放工時間。
作者: wss049 時間: 20-6-18 23:14
ykydg 發表於 20-6-18 17:37
鍾意份工就繼續做，長期係屋企需要好高情商，小朋友鍾意媽咪開心，佢地睇得出。ftm長期係屋企難免會發脾氣 ...
作者: wss049 時間: 20-6-18 23:22
細佬Bebe 發表於 20-6-18 17:00
份工唔駛加班 我會做落去 打風流工好過全職媽好多了！
令自己同社會唔脫節 對小朋友發展都好
作者: yaijing 時間: 20-6-18 23:26
提示: 作者被禁止或刪除 內容自動屏蔽
作者: aurora0326 時間: 20-6-19 00:03
可以繼續工作，做你喜歡的事，媽媽開心積極工作，孩子也會耳濡目染。可以放工後及週末利用碎片時間做有質量的陪伴~
我在孩子2歲前做全職媽媽，全心全意陪伴孩子，自認是非常有耐心並且能控制情緒的人，但時間久了也偶爾會覺得崩潰。後來回到職場，選了非常flexible的工作，時間自由，有自己的事業圈子，也有陪伴孩子的時間，整個人非常開心！心態平和，也更能在陪伴孩子的時候更用心，更能體會到親子時光的寶貴和快樂。孩子都能體會到這些，也懂得媽媽需要有自己的空間，還經常會說，我以後會像媽媽一樣努力工作~
媽媽不用太擔心，不管怎麼選擇都好，都是追求一種平衡，時間及情緒上的平衡~其實只要媽媽開心，全家都會開心~
作者: ykydg 時間: 20-6-19 06:21
回覆 aurora0326 的帖子
講得太好，重點係平衡
作者: 細佬Bebe 時間: 20-6-19 23:07
wss049 發表於 20-6-18 23:22
多謝你的分享。我老公很支持我佢話我可以繼續做如果將來做得唔開心先至辭職或唔做都可以。佢話覺得冇乜需要 ...
本帖最後由 細佬Bebe 於 20-6-19 23:18 編輯
你老公都好好呀 亦好合情理
我都覺得係咁 難得你有份鐘意既工 （香港無咩人會不停講 好鐘意自己份工 =P) 我覺得唔好為左幾年時光而放棄 老左得返仔女同家庭時 人難免會失落
當初我生完頭幾個月 都有唸過唔做 但當時唔捨得份工（當時好做）再過多幾年 做得唔開心先唔做
而家試過做全職媽媽一段時間 有得著既 但其實真無想像中咁enjoyable
我返工時好貪靚 但湊仔真係令你無咩動力去扮靚 唔駛好耐就變黃面婆
同埋我䑁得夫妻關係都會變得更平淡 話題少左單一左
同老實講 我覺得男人 如果長年養住個老婆係屋企做黃面婆 真心好欣賞同感激老婆既付出有幾多個
打風流工比做全職媽好多了！面上有光采多了 子女都會尊敬你多啲 （覺得媽媽係獨立有能力既女性）
我唔知你兩個小孩有無一個女 外國有一個研究指出 在職媽媽對個女將來既事業有正面影響 個女將來事業都因為有媽媽既好榜樣而會好啲
而個仔都會比較尊敬女性 會傾向搵個叻既老婆
你有一份鐘意同唔駛加班既工 得到既收入就算唔駛供佢地讀書 多左既錢將來實有用掛 留返子女創業都好呀
又對子女有正面影響 至少都要做到wok/唔開心時 先考慮放棄掛
作者: dairymeow 時間: 20-6-20 18:17
其實都要睇下你適唔適合ftm嘅生活?
我係working mom，小朋友讀國際學校。 班上有好多ftm，佢哋會安排好多playdate、興趣班帶小朋友去。你要預咗你嘅生活大多數圍繞住小朋友，同其他ftm一齊，去飲tea，做facial，做運動咁。
我唔知你做邊行，如果你而家辭職唔做，遲啲想再揾工會唔會無咗競爭力? 我好多朋友做咗ftm後都無再做返嘢。
作者: wss049 時間: 20-6-21 00:08
dairymeow 發表於 20-6-20 18:17
其實都要睇下你適唔適合ftm嘅生活?
我係working mom，小朋友讀國際學校。 班上有好多ftm，佢哋會安排好多pl ...
作者: TingTing0001 時間: 20-6-21 11:02
搵份可以 home office 既工/轉 part time..
作者: mandy_ng207 時間: 20-6-21 12:55
wss049 發表於 20-6-21 00:08
如果離開職場不可能返回現職位可能要再由低做起所以一旦離開都唔會諗住再返轉頭。之前都冇咁嘅念頭想做全職 ...
有時現實就係咁兩難，既然工作對你都有幾多好處，咪做住先，你屋企有工人姐姐帶去playdate已經好好，我哋group有個working mum 都係叫工人帶去，小朋友唔會悶呀～
作者: Jmachi 時間: 20-6-21 17:17
wss049 發表於 20-6-18 14:46
各位媽媽我自己係一位在職媽媽(返九五時間穩定的)兩個小朋友（2,4 yr）大仔將會入讀國際學校反而令我覺得想 ...
同你想法差唔多。小朋友一個就嚟四歲,一個就嚟七歲! 因為知道小朋好快唔會再癡我. 我個人覺得，同子女培養感情真係要在小時候培養.因為過咗10歲，開始踏入青春期，佢哋根本都唔想聽你講嘢，何來培養感情！所以要爭取在他們小的時候,同佢哋多啲聯絡感情！
所以剛剛由在職媽媽,轉左做一個全職媽媽！現在已經離職一個月，每日都好多嘢做，都唔覺得太悶！同時又可以同自己媽媽多左時間相處，每星期除咗星期天見到之外.自己也會找一日閑日，同佢出街食Lunch! 感覺好充實,好滿足. 因為媽媽年紀開始大了,都想多少少時間陪伴左右!
作者: 細佬Bebe 時間: 20-6-23 19:57
dairymeow 發表於 20-6-20 18:17
其實都要睇下你適唔適合ftm嘅生活?
我係working mom，小朋友讀國際學校。 班上有好多ftm，佢哋會安排好多pl ...
好正常
再做返野大多少左錢 職位都可能有少調整
同埋對左小朋友一段長時間 又唔捨得同佢地見少啲 有機會無咁親密
另外 媽媽又要重新適應職場既壓力 做全職媽雖然唔係超爽 但壓力點都細過working mom
作者: LuckySesame 時間: 20-6-24 22:29
dairymeow 發表於 20-6-20 18:17
其實都要睇下你適唔適合ftm嘅生活?
我係working mom，小朋友讀國際學校。 班上有好多ftm，佢哋會安排好多pl ...
作者: regina12hk 時間: 20-7-5 13:18
原本plan定今個月尾辭職，信都打埋，老公突然失業，我仲應唔應該辭呢？但老公話可以搵過第二份工
作者: 964000 時間: 20-7-5 13:35
regina12hk 發表於 20-7-5 13:18
原本plan定今個月尾辭職，信都打埋，老公突然失業，我仲應唔應該辭呢？但老公話可以搵過第二份工 ...
現在的環境，我係你不會辭。
作者: Radiomama 時間: 20-7-5 14:23
regina12hk 發表於 20-7-5 13:18
原本plan定今個月尾辭職，信都打埋，老公突然失業，我仲應唔應該辭呢？但老公話可以搵過第二份工 ...
梗係做到老公搵到第二份工先再plan啦！女人仔，無事業心唔緊要，輕鬆啲打份都得。
作者: 小寶貝兒 時間: 20-7-5 15:28
regina12hk 發表於 20-7-5 13:18
原本plan定今個月尾辭職，信都打埋，老公突然失業，我仲應唔應該辭呢？但老公話可以搵過第二份工 ...
一定係做到老公搵到新工，雖然我相信你哋會有一筆儲備，但你有工作，老公心理負擔冇咁大，搵工都易d搵到啱心水既工（而唔會因為怕家庭財政壓力而求其搵份冇咁鐘意既工），相信你老公會盡力去搵工，咁你既planning都係推遲數月姐，對小朋友影響不會太大
作者: DengCK 時間: 20-7-7 17:57
除非相信自己EQ極高，或者做FTM都會請工人，否則都係繼續做野啦！我識一FTM，個細路都讀中學，仲係會深夜鬧細路功課、趕佢出屋門口咁，好恐怖。例外，男人要變只需要一秒鐘，佢而家話唔介意你伸手板問佢拎錢，點知第時會點先？
作者: mimibama 時間: 20-7-9 17:17
regina12hk 發表於 20-7-5 13:18
原本plan定今個月尾辭職，信都打埋，老公突然失業，我仲應唔應該辭呢？但老公話可以搵過第二份工 ...
我三年前同你一樣, 決定辭職前老公失業, 所以留下, 當時仔仔升K3, 本來想陪他至升小順利过渡後才返出來做野, 當時被迫繼續做好吾開心, 又攪升小, 人都癲, 感恩後來換了老細, 吾洗再OT, 又升到心儀小學, 而家老公份工好穩定, 我都決定 keep 住做野, 有時好多野你控制吾到, 但船到橋頭自然直, 吾系太辛苦就做住先都ok 呀
作者: Samantha_Mex 時間: 20-8-15 04:06
好多WKM 會試下做FTM, 試過幾日自己湊就發現好辛苦怕怕，但當你辭左份工，無後路咁做FTM，你自然會諗到方法打好呢份工。
小朋友一手一腳自己湊大，可以增進親子感情、教好生活自理、待人接物、發掘小朋友興趣、帶小朋友周圍玩去探索、參予學校活動，可能放棄職場好可惜，有時日對夜對都有勞氣嘅時候，但因為你夠了解個小朋友，知點同佢相處，大部份時候其實都會湊得好輕鬆。
時間分配得好的話，你依然可以有番自己生活架，最起碼唔可以俾自己同個社會脫節，平衡得好就唔會做一個有壓力嘅ftm。
| 歡迎光臨 教育王國 (/) |
Powered by Discuz! X1.5 |