教育王國
標題: SKH vs SH， [打印本頁]
作者: hehe1860 時間: 20-5-9 23:27 標題: SKH vs SH，
本帖最後由 hehe1860 於 20-5-9 23:37 編輯
獨女，大B， 好動，應該點揀？N無，可以搬屋但真心唔敢揀SKH,太大風險，但怕後悔
作者: andyan324 時間: 20-5-10 17:50
sh 啦
作者: moiselle2015 時間: 20-5-10 21:31
SKH! we are also N無, I personally think SKH has the best curricular and principal
作者: 12246 時間: 20-5-10 22:02
SH for sure
作者: princesscupcake 時間: 20-5-10 23:14 標題: 回覆樓主:
目標小學？
作者: Poyau 時間: 20-5-10 23:34 標題: 回覆樓主:
SH升小入聖心私有優勢
作者: hehe1860 時間: 20-5-11 06:41
本帖最後由 hehe1860 於 20-5-11 06:43 編輯
回覆 princesscupcake 的帖子
無特別目標，唔知佢讀成點，其實可以升聖小已經好滿足，當然如果成績唔差幾間神校都會試，但N無都係試吓，當見識下！當初In呢兩間都下試吓，無特別train,可能因為大B收掛，得一個，唔想佢大壓力，都想佢開心！所以好矛盾
佢又勁好動，唔係特別聽話乖乖坐定定做功課嗰隻，所以好想佢入SHK啲Happy School，覺得會適合佢！但怕太happy 升小好危險
已經同老婆傾咗好耐，都冇結果，所以想求下各大神意見
作者: mel_yao 時間: 20-5-11 16:43
hehe1860 發表於 20-5-11 06:41 
回覆 princesscupcake 的帖子
無特別目標，唔知佢讀成點，其實可以升聖小已經好滿足，當然如果成績唔差幾 ...
最緊要了解你同太太係咩類型家長， 考小家長一定要進取， 聖心係龍亦唔係百分百， 叫左有個小保障
作者: hariet909 時間: 20-5-11 17:39
一定聖幼
作者: nicc99 時間: 20-5-11 18:32
樓主，聖心啦，有升小back up，升小壓力冇咁大。雖然今年聖幼開4班，競爭大左，都係有back up。
SKH 女仔仲要難入啲，明白你哋會唔捨得放棄嘅。
作者: 阿豬媽@C 時間: 20-5-12 18:28
hehe1860 發表於 20-5-11 06:41
回覆 princesscupcake 的帖子
無特別目標，唔知佢讀成點，其實可以升聖小已經好滿足，當然如果成績唔差幾 ...
你的內容有好幾個誤解:
“唔想佢大壓力” + “唔係乖乖坐定定做功課個隻” — 或者你要了解一下SH 私小的功課量, 尤其小朋友坐唔定做功課, 入聖小真係會好吃力。
“勁好動” - SH 天主教學校對女仔的儀態要求唔會低, 未必會讀得開心。
Skh 絕對不是happy school. 可能 bk skh 家長比較低調, 爸爸請自行爬文一下。
另外, ‘升小好危險’ — 恕我直言, 請問你有了解過skh 女生都升去邊幾間小學嗎？ 入你心目中 “幾間神校”的%有幾多? 爸爸可以上skh 學校的網站看看。
我認識好多放棄龍校如SH, PC, MS, 名幼如SC, VIC, LH 等入Skh 的. 甚至女仔放spk入skh的都有. 當然有人穩穩陣陣入龍校搵, 亦有人非常進取，希望盡所能爭取入神校, 呢個要睇返爸爸媽媽想/可以付出的，及希望獲得的.
如樓上所寫, Skh個curriculum 同校長是我見過幾間名/神幼中最好的.
最後, 呢位爸爸, 溫馨建議你又不如你先詳細了解下兩間幼稚園個curriculum 及佢哋畢業生入讀的小學先。
加油💪
作者: hehe1860 時間: 20-5-12 20:35
本帖最後由 hehe1860 於 20-5-12 20:38 編輯
回覆 阿豬媽@C 的帖子
多謝你建議，我太太其實都問過部份有offer 嘅家長，佢哋有K2-3現讀生，SKH課程係幾間名幼中算無咁深！同大部份都勁外補！而就係大家所講校長有幾神，畢業生有幾好成績，我先咁依依不捨！
而我女女好動，我怕SH呢類傳統學校會讀得唔開心！我相信SKH 無SH果種嚴格！我哋好心軟，硬唔起心腸，interview 都係佢自己鐘意點就點，完全無上堂無train,我太太甚至interview 同老師講我哋湊女好 “free style “咁都得！，
但佢仲細，未來讀成點，Interview表現點無人知，我老婆就pay save ,想要SH,有私小做back up, 但我比較傾向SKH,有更大機會有更好發展，但始終N無，真心無乜信心！如果將來搞一輪，仲差過或同聖心 私小差唔多，又大風險，今年In 幼及揀幼我都想死！由3個前開始出offer 到而家同老婆傾過幾十次，我自己爬文都不下的100次，SKH 真心低調無乜人講！阿女好幸運，佢表現一般，又N無都有唔錯Offer，就係呢二個我哋真心諗都無諗過嘅offer,令我哋用咗好耐先有共識由呢二間中決定一間，而家就嚟最後決定就更心大心細，我一個決定就影響到佢未來，好難！真心想聽多小小意見！
作者: a_c2612 時間: 20-5-12 21:12
其實skh跟住入到神校，呢個係雞先蛋先嘅問題
你上網可以揾到skh以前叫咩名，咁你就會明白其實有不少家長都係神校alumni
作者: andyan324 時間: 20-5-12 21:45
a_c2612 發表於 20-5-12 21:12
其實skh跟住入到神校，呢個係雞先蛋先嘅問題
你上網可以揾到skh以前叫咩名，咁你就會明白其實有不少家長都 ...
同意
作者: princesscupcake 時間: 20-5-12 22:15
hehe1860 發表於 20-5-12 20:35
回覆 阿豬媽@C 的帖子
多謝你建議，我太太其實都問過部份有offer 嘅家長，佢哋有K2-3現讀生，SKH課程係幾 ...
本帖最後由 princesscupcake 於 20-5-13 00:34 編輯
SH 吾算嚴，識人讀得好開心～
銅鑼灣嗰間傳統學校嚴好多
唔揀SKH會後悔啲咩？
作者: hehe1860 時間: 20-5-12 22:50
SKH啲家長話學校好有愛，畢業生升小又好，SH考其他學校無SKH 咁嘅學校support! 但N無嘅我哋，真係無乜信心，怕最後考小乜都無！
雖然如果好彩，有聖小已經好滿足！
矛盾在我心底係得SKH 真係好愛錫小朋友，好有愛！好唔想放棄！
作者: jo_rob 時間: 20-5-12 22:53
其實你讀SKH, 最後升小一考到聖心 好差咩？
SKH 呢3年其實好開心wor, 小朋友會喜歡返學，其實回望SKH3年，唔會有後悔
作者: DengCK 時間: 20-5-12 23:54
我識人係SPCC舊生入到SKH。 我都懷疑SKH多入SPCC係咪雞先多先的問題
作者: princesscupcake 時間: 20-5-13 00:50 標題: 回覆樓主:
點解偏向認為 SKH 會有較大機會有更佳發展？
作者: hehe1860 時間: 20-5-13 01:32
本帖最後由 hehe1860 於 20-5-13 01:32 編輯
都係因為啲家長講到學校好support 升小，先覺得有支援，安心啲咋！又話校長好support
作者: Usagicat 時間: 20-5-13 03:16
女仔，聖心並不嚴格，亦比較同網另一女校free. 用家利申。
不過， 自己谷就一定。 SKH 同聖心一樣需要外補。 識女仔SKH Offer, 叩門聖心， 棄SKH. 亦有人聖心正取， SKH Call 棄聖心。
今年240個位， 但畢業年私小係三班。 而且未來聖幼上聖私玩法有變， 幼稚園三年唔可以hea.
如果aim high, 取SKH. 3年之後再考十幾間小學。 play safe 取SH, 小學叫做有少少Back up. 今年SH K3 出去外闖成績也不俗， 佐敦女校及黃竹坑都有收穫。
作者: snakebee 時間: 20-5-13 09:09
Usagicat 發表於 20-5-13 03:16
女仔，聖心並不嚴格，亦比較同網另一女校free. 用家利申。
不過， 自己谷就一定。 SKH 同聖心一樣需要外補 ...
想請問你話將來聖幼升上聖私小有變係 幾多年後嘅事？ 因為以我所知暫時聖私小會優先取錄聖幼生，我有冇錯？
另外想知道聖幼係唔係好死板同埋偏淺？ 上到小一會唔會追得好辛苦？聖私小係唔係好催谷？
作者: KBoyboy 時間: 20-5-13 10:04
你好，爸爸，我係SKH現用家，不過小朋友係男仔，我哋3年前就係放棄龍幼，揀咗SKH。
考小除咗學校，自己都要付出，唔好以為入咗SKH就一定會考到理想學校，身邊有spcc 舊生今年考唔到，如果你放棄龍，你預咗要付出心理身理去考小，壓力都好大，自己衡量一下，尤其如果你想小朋友係冇壓力下成長。
不過SKH絕對係一間非常好嘅學校，我哋冇後悔揀咗，雖然考小過程好辛苦
作者: 阿豬媽@C 時間: 20-5-13 11:03
本帖最後由 阿豬媽@C 於 20-5-13 13:57 編輯
hehe1860 發表於 20-5-12 20:35
回覆 阿豬媽@C 的帖子
多謝你建議，我太太其實都問過部份有offer 嘅家長，佢哋有K2-3現讀生，SKH課程係幾 ...
明白你和太太的分歧. 為小朋友選學校不是一件容易的事, 因為無人會知道邊一條路會有'最好'的結果, 往往回頭看, 會諗, 如果當初選另一條路會唔會有好D的outcome?
其實有好多個scenario:
1) 入SH, 有SH私小offer, 再考入神校, 甘你一定唔會後侮.
2) 入SH, 咩都考唔到, 繼續上SH 私小 - K3 的時候一定好慶幸選左龍.
3) 入SH, 升唔上SH私小, 又考到 '神校' 學校 - 鬆一口氣
4) 入SH, 升唔上SH私小, 但又咩都考唔到 - 機會好細, 但到時會好徬徨, 可能會後侮無選SKH
5) 入SKH, 考入神校 - 皆大歡喜
6) 入SKH, 考唔到入神校, 入普通直私學校 - 你地會OK 嗎?
7) 入SKH, 一間學校都考唔到, 等大抽獎 - 你(或太太)一定會好後侮唔入SH.
當然, 有幾個考慮的地方:
- 如果 (只是如果) 你女兒唔適合SH, 讀得唔係太開心, 你地又發現佢唔適合讀傳統學校, 你地仲會唔會俾佢上SH私小? 我認識一d小朋友, 入龍私, 上龍小, 但讀得一D都唔開心, 因為小朋友好動, 學校老師投訴佢太多問題, 太多野講 (老師眼中的坐唔定). 依家唔上唔落, 小朋友唔開心, 但又考唔到俾佢依家呢間龍小更好的小學 (轉唔走), 但又拉唔下依家龍小的光環轉去一間教學方式適合佢D, 成績/名氣無甘好的學校...
你和太太到時會點?
- 小朋友又malleable, 好多野唔試又唔知佢得唔得.
- 如我之前所寫: 要睇番爸爸媽媽想/可以付出的, 及希望獲得的. 如果最壞的scenario, 係你同太太都接受到的, go ahead. 不過請記住, 世上無free lunch, 絕對無可能完全 'hea 湊' 又冀望小朋友考神小. (如果 'hea 湊', 就算你小朋友上到SH 私小, 你同小朋友會好stressful)
p.s. 老生常談: 不是為孩子選擇最好的學校,是在自己接受到的成績標準中, 為孩子選擇最合適佢的學校.aim high vs play safe, 好好考慮一下以上的. 共勉之.
(What I've typed is solely based on my own experiences and education philosophies. Sorry, it's all over the place as I don't have much time to elaborate (already spent too long typing the above). Hopefully this would give you and your wife some fruit for thought).
作者: Usagicat 時間: 20-5-13 12:00
snakebee 發表於 20-5-13 09:09
想請問你話將來聖幼升上聖私小有變係 幾多年後嘅事？ 因為以我所知暫時聖私小會優先取錄聖幼生，我有冇錯 ...
今年k2, 明年k3 已經係新玩法。
教法唔死板， 而且專題topic 教得好深入， 有同SC 用家比對過。暫時聖幼功課同以前PN 的幼稚園差不多， 同一級計。 當然Soft skill 冇咁好， 券幼同私幼分別。
聖私會有適應期比小朋友，始終聖幼每年最後選擇上私的只有四五十人. 但都係按孩子能力吧。考級頭會覺得輕鬆，級尾可能已經出了九牛二虎之力。各人感受不同.
作者: snakebee 時間: 20-5-13 12:32
Usagicat 發表於 20-5-13 12:00
今年k2, 明年k3 已經係新玩法。
教法唔死板， 而且專題topic 教得好深入， 有同SC 用家比對過。暫時聖幼功 ...
原來咁少小朋友選擇繼續上聖心小。咁讀完聖幼啲小朋友通常去咗邊？
作者: Usagicat 時間: 20-5-13 12:33
snakebee 發表於 20-5-13 12:32
原來咁少小朋友選擇繼續上聖心小。咁讀完聖幼啲小朋友通常去咗邊？
學校網頁已經有
作者: princesscupcake 時間: 20-5-13 12:35 標題: 回覆樓主：
本帖最後由 princesscupcake 於 20-5-13 12:46 編輯
聖心幼本身吾係私校，咁佢哋有一大批家長唔想入私小都係常態。
作者: hehe1860 時間: 20-5-13 14:25
回覆 Usagicat 的帖子
想問下你小朋友同同學，考小考成點，多唔多人要大抽獎？
多唔多人升到心儀私小？
校長係咪真係好support
Thanks
作者: hehe1860 時間: 20-5-13 14:34
本帖最後由 hehe1860 於 20-5-13 14:46 編輯
回覆 阿豬媽@C 的帖子
預咗正常咁谷，每日放學一堂外補或活動！上AM 再中午上一個鐘應該唔會太辛苦，仲大把時間佢玩
我見佢之前日日上學校課外活動，都好開心，上堂佢暫時ok
其實已經放棄另外二間仲谷嘅學校，但揀到呢兩間真係好難決定！但應該會揀SH,有backup 考小，一家都冇咁大壓力！始終考學校都係實力+運氣，隨時運氣仲緊要！
雖然經濟壓力唔大，但係攞個幾千蚊學費，去SH外補真係可以做多好多野，可以得著更大！
多謝大家意見，我諗未到6月都下唔到最後決定
作者: clawc 時間: 20-5-13 17:14
係SH，好動唔緊要，但最重要係收放自如，叫你跳就跳，要你停就停，要夠聽話。仲有學習態度要有，比哂重點生字你去讀，計落份評估到的，唔洗讀多，但唔好讀少。
第一年老師溫柔體貼，第二年開始有要求，做唔到會有說話聽。
SKH唔清楚(emoji)(emoji)♀️
緊記小心因爲名氣錯配。大家都加油！
作者: Yeahly_ly 時間: 20-5-13 21:19
過來人分享....有龍㨂龍啦
SH幼稚園都可以考到DG
點都係靠父母train
作者: nicc99 時間: 20-5-13 23:14
Usagicat 發表於 20-5-13 12:00
今年k2, 明年k3 已經係新玩法。
教法唔死板， 而且專題topic 教得好深入， 有同SC 用家比對過。暫時聖幼功 ...
請問今年K3 轉左咩玩法？
小女今年有幸有SH，但私小只有3班，都幾擔心最後入唔到
請問SH課程係咪好淺？聽好多人講課程好淺。
作者: Usagicat 時間: 20-5-14 13:19
nicc99 發表於 20-5-13 23:14
請問今年K3 轉左咩玩法？
小女今年有幸有SH，但私小只有3班，都幾擔心最後入唔到
咁你可以搬到11網再抽津小，唔一定入私。
功課深淺， 因人而異。我自己有再發功。
作者: eeie 時間: 20-5-16 03:12
小囡6年前有相同煩惱，左揀右諗，最後選了聖心，當然亦十分不捨SKH,但現實考慮，N無嘛；初時對SH抱觀望，以為會好傳統，好守舊；但是越讀越欣賞，佢地每年做的專題好精彩，小朋友德育教得好好，到K3比一般人大機會入私小，有offer的更可以安心出去考更心儀的，不用大包圍式報太多學校, 現在我仍然很感謝SH
| 歡迎光臨 教育王國 (/) |
Powered by Discuz! X1.5 |