教育王國

標題: 停課期間的一點感想 [打印本頁]

作者: euniceyuyan 時間: 20-5-2 23:51 標題: 停課期間的一點感想

小女今年讀K2，這學期原本是凖備小一升學考試的重要時期（不考慮參加小一派位）。不料從過年停課到現在，而據目前情形看，這學期複課已無望。下學期一開學，即將面對名直資和私小的面試。

我原本很焦慮，但經過這幾個月，不禁感嘆塞翁失馬焉知非福。之前小女天天上學，我忙於工作，並無太多時間照顧她的學習。這幾個月由於疫情，我的工作也按下了暫停鍵，主要工作轉換成家庭教師，全職輔導小朋友的功課和學習。說到小女，8月生，算是細b，加上祇是資質平平，並非特別活躍的那一類，在面試中想來沒什麼優勢。不料停課這幾個月，有了明顯的進步。首先，是中文水平有提高。因為小女的母語是英文，之前我們也沒有特意去教中文，三歲時還不會讀詩。停課期間，我開始教她背古詩（用英文去解釋）。一開始小朋友很難記住，我將古詩配上古琴曲，教她唱出來。如此，就很容易記住了。現在，小朋友已會背十幾首古詩。下一步，我打算教她認識這些詩中所有的字。除了背詩，每天也要讀幾篇中文故事（普通話和廣東話）。其次，是英文閱讀。小女雖然口語沒問題，但認識的單詞有限。所以這段時間通過閱讀英文書籍，增加詞匯量。目前小女已能自己讀出全本Ten apples up on top和Green eggs and ham。劍橋樹的1-6冊，以及其他的英文書輪流讀。再次，數學方面，我花的功夫比較少，小女的數學和邏輯思維較好，平時問些數學題，或拿撲克牌玩加減法游戲。目前已會20以內加減法。

另外，雖然不去上學，幼稚園還是通過zoom開了網課，星期一至星期五，每日下午上一個半小時到兩個半小時不等。尤其是星期一、三、五的下午，上足兩個半小時，大人和小朋友都很疲惫。

當然了，小朋友也有玩的時間，下棋啊畫畫啊，出去滑板車踩單車。不知不覺，一天天就過去了。算算時間，離面試們還有4個多月，每天有一點點進步就好。一起努力吧！如果也有在準備小朋友面試的家長，也歡迎和我交流，大家分享心得。

作者: Yukipooh 時間: 20-5-3 00:24

同你一樣都係九月升小一，媽媽你已經好叻，仲比我勤力好多，我學校都冇zoom上堂, 只係有拍片，我都好擔心佢跟唔上，同返小學嘅時候會好辛苦，希望大家一齊努力(emoji)(emoji)

作者: waiwaisir2046 時間: 20-5-3 10:58

回覆 euniceyuyan 的帖子

請問點先可以教小朋友串字?
有時用拼音拆字
我自己又唔係好識

作者: euniceyuyan 時間: 20-5-3 11:41

你問中文還是英文串字吖？

作者: euniceyuyan 時間: 20-5-3 11:44

waiwaisir2046 發表於 20-5-3 10:58
回覆 euniceyuyan 的帖子

請問點先可以教小朋友串字?

英文還是中文串字呢？

作者: ceresves 時間: 20-5-3 11:59

我的感想是：我並沒有因疫情而可以work from home，但要學的仍是要學，要追成績的仍是要追，學校學費依舊要交，補習錢仲用多過之前，可幸的是小兒及小女已上第一個岸，不用愁面試。

作者: waiwaisir2046 時間: 20-5-3 12:27

回覆 euniceyuyan 的帖子

英文tks

作者: euniceyuyan 時間: 20-5-3 12:32

waiwaisir2046 發表於 20-5-3 12:27
回覆 euniceyuyan 的帖子

英文tks

小女學校的英文課及Cambrige Starters課程中，都有教到串字。如果你不太識教，恐怕要外補英文課了。

作者: waiwaisir2046 時間: 20-5-3 12:35

回覆 euniceyuyan 的帖子

收到收到

作者: renaya 時間: 20-5-3 13:14

ceresves 發表於 20-5-3 11:59
我的感想是：我並沒有因疫情而可以work from home，但要學的仍是要學，要追成績的仍是要追，學校學費依舊要 ...

同感。呢段期間不敢鬆懈，雖然囡囡已經有間好唔錯嘅龍小做backup，但點都要為小一面試做好準備。希望努力再加上半點運氣，順利升到自己小學或者有其他更適合嘅學校。

作者: pizzafat 時間: 20-5-4 19:21

euniceyuyan 發表於 20-5-2 23:51
小女今年讀K2，這學期原本是凖備小一升學考試的重要時期（不考慮參加小一派位）。不料從過年停課到現在，而 ...

你同囡囡都好努力呀，咁睇阿囡程度都幾ok ，應該唔洗擔心

我仔都係K2，但我無得WFH，學校又無咩support，真係好擔心面試會無offer ...每晚返去都趕住跟功課自己教，唔知小朋友吸收到幾多

作者: DengCK 時間: 20-5-4 20:49

今次疫情完全係對full time mom/home office mom大為有利。

作者: euniceyuyan 時間: 20-5-4 23:00

DengCK 發表於 20-5-4 20:49
今次疫情完全係對full time mom/home office mom大為有利。

如果全職媽媽，惟有利用假期幫小朋友補習，或平日安排一些學習日程交給工人姐姐或其他照顧者跟進。昨天在微信群和其他媽媽交流時，有媽媽推薦《基礎漢字五百》，話對小朋友認字很有幫助，不妨一試。

作者: 小曳人 時間: 20-5-5 11:53

近期已有報章話長假期會令學習退步，加劇貧富懸殊
長假期初睇到一位寫專欄嘅後生仔，講佢自己SARS時嘅學習經驗
於是，我決意打做一個孩子長大會話"正"嘅長假期！

作者: iababy 時間: 20-5-7 11:24

小曳人發表於 20-5-5 11:53
近期已有報章話長假期會令學習退步，加劇貧富懸殊
長假期初睇到一位寫專欄嘅後生仔，講佢自己SARS時嘅學習 ...

請問可否分享一下你會點打造一個"正"的長假期?

作者: 小曳人 時間: 20-5-7 16:23

iababy 發表於 20-5-7 11:24
請問可否分享一下你會點打造一個"正"的長假期?

我有兩個仔，佢地嘅能力 / 興趣好唔同

大仔係學習能力超強，學校課程太淺，覺得超無聊，我地本身預備咗同佢分科報考IAL，最終今期取消咗，而佢去到3月已經ready 數學，之後老師轉教Phy，最近feedback係佢跟得好快(好多野佢本身識)，除實驗問題之外，其他無問題，呢個其實係意外收獲，因為仔係未接受過任何物理嘅正規課堂教授，只係自己睇過少量相關百科書
in short: 呢個係一個超充實，極愉快，進度好快、餵飽寶寶書蟲嘅學習假期

細仔，係個手腳慢嘅小四生，平日放學做功課、溫習、練琴，好多時已經夠鐘瞓覺，成日話好想睇書，但無時間！假期初，我見佢攞起暑期响外地買嘅the world worst teacher... 佢話好搞笑，我二話不說就上網訂埋其他world worst 系列，佢亦好快食咗，我又買埋David Williams 另外嘅書，依家努力食書中！雖然佢唔似哥哥 (正宗書蟲)，但我好希望咁多空餘時間，佢可以慢慢探索書本嘅趣味，有時間我亦會同佢講佢鍾意嘅生物/進化/地球演變相關科普書，上網搵下相關資料，好希望除咗可以痴多d媽媽之外，亦希望佢享受另類學習機會

歡迎光臨教育王國 (/)