教育王國
標題: 困獸鬥很累 [打印本頁]
作者: sweetapplebb 時間: 20-4-28 11:20 標題: 困獸鬥很累
現在的小朋友驕生慣養,有的真的不懂珍惜現在拥有一切,好似父母欠佢,應該為佢做事。唔使番學日子,我女10歲日日hea,最基本連刷牙,洗臉都唔主動去做,煮早餐會嫌東嫌西,
功課唔踢唔做。嘔血
作者: Jane1983 時間: 20-4-28 11:56
回覆 sweetapplebb 的帖子
如果你覺得嘔血,你要佢自己做。要佢自理番自己既嘢,呢個要求唔過份。
至於早餐,佢自己可以倒cereal加牛奶,但佢無做開,開爐就唔好。
作者: lauralinnn 時間: 20-4-28 12:07
刷牙洗面都無做啊?咁又誇張佐滴吧
作者: Jane1983 時間: 20-4-28 12:13
回覆 lauralinnn 的帖子
應該係指唔主動,三催四請果類。
作者: sweetapplebb 時間: 20-4-28 12:26
回覆 Jane1983 的帖子
係呀,超級唔自覺,唔主動,我已經不停提醒佢要做咩,都係hea
作者: S-Kwok 時間: 20-4-28 13:05
sweetapplebb 發表於 20-4-28 11:20 
現在的小朋友驕生慣養,有的真的不懂珍惜現在拥有一切,好似父母欠佢,應該為佢做事。唔使番學日子,我女10 ...
停課期間,無需按時上堂嗎?
唔提佢做功課,無得交,學校會點處理?
刷好牙洗完臉先有早餐食,自己整簡單早餐,如果醬三文治,唔整唔好食 

作者: Jane1983 時間: 20-4-28 13:14
回覆 sweetapplebb 的帖子
趁佢讀緊小學,仲受教,好好教。呢d嘢改得到。
我女高小時,一樣有好多離譜嘢,例如唔肯紮頭髮、唔鍾意自己開樽裝凍飲......我執正黎做,一定要佢自己做。佢咪自己做lor。
作者: tummypooh 時間: 20-4-28 17:21
回覆 Jane1983 的帖子
呢樣真係要各家庭成員配合。好似我要我個女整理返自己啲嘢,皇后即話你想你個女第日大左俾人當工人使咪咁樣教佢囉。
再同個女講,第日搵男朋友老公要叻的,唔使自己做。
當然仲有其他痴線的說話。
我真係無語*1000000。

作者: Jane1983 時間: 20-4-28 18:28
回覆 tummypooh 的帖子
唔係卦,而家講緊普通自理,唔係洗衫洗廁所拖地煮四餸一湯一腳踢wor。
我覺得現代女性懂得照顧自己,妥善處理生活細節,係必須的。喜歡比人伺候,同無人幫就完全唔掂,係兩回事呀!不過家家有自己一套,我又唔敢多言。
作者: tummypooh 時間: 20-4-28 18:44
回覆 Jane1983 的帖子
我就係覺得小朋友要學識基本自理。但......唉~~~~
惟有係背面先教佢。
作者: Jane1983 時間: 20-4-28 18:47
回覆 tummypooh 的帖子
咁委屈?
你太太咁早洗定你女腦,要嫁個有錢人 
作者: tummypooh 時間: 20-4-28 19:03
回覆 Jane1983 的帖子
將自己未能完成的目標加給小朋友嘛~~~
佢真係俾呢啲思想佢架.......
同搵學校一樣,邊有咁多神校,個個都想去神校
邊有咁多有錢人~~~
作者: sweetapplebb 時間: 20-4-28 19:15
作為阿媽,做野勤力,屋企都企理乾淨,但個女就係咁懶,日日閙佢都未有改善,好好講道理左邊入右邊出。唔使番學,功課要3催4請拖拖拉拉,好似我讀書 。
本身有返PT,而家請假跟功課辛苦過返工,好勞氣。
自理能力係無論男女都容易做到既最基本野,睇下個人肯唔肯做。
作者: sweetapplebb 時間: 20-4-28 19:19
回覆 Jane1983 的帖子
我女都係留長頭髮,之前唔肯自己扎頭髮,成日要我幫佢扎,我就當然想佢自己扎,所以我就同佢講,帶佢剪短頭髮,佢又唔制。而家係屋企,佢睇心情,有時會自己扎到整齊,大多數唔扎,我唔理佢。
作者: Jane1983 時間: 20-4-28 19:22
回覆 sweetapplebb 的帖子
基本儀容,作為女性係應該有要求的。
作者: sweetapplebb 時間: 20-4-28 19:23
回覆 tummypooh 的帖子
你老婆教壞個女,就需要家庭成員配合啦。唔應該灌輸這d唔好思想,對個女將來都無得益。我作為阿媽,一定想個女有自理能力,獨立,將來唔使依靠男人。
作者: Mrs.Luckycat 時間: 20-4-28 19:23
sweetapplebb 發表於 20-4-28 11:20 
現在的小朋友驕生慣養,有的真的不懂珍惜現在拥有一切,好似父母欠佢,應該為佢做事。唔使番學日子,我女10 ...
我估好多小朋友都係咁?
撇除唔會自動波呢個問題,你哋關係好嗎?佢錫你嗎?如果無咩其他大問題,唔好太激心喇。

作者: sweetapplebb 時間: 20-4-28 19:25
回覆 Jane1983 的帖子
我女而家4年級,希望佢慢慢改善過來啦,中學應該開始注重儀容。
作者: sweetapplebb 時間: 20-4-28 19:32
回覆 Mrs.Luckycat 的帖子
關係唔差既,大多數係因為叫佢做功課,唔好玩咁耐電話引起吵鬧。佢會講憎我呀等傷害說話,同埋搏嘴,搏到我激死。但如果平時生活好地地,排除以上做功課野都ok既。
作者: sweetapplebb 時間: 20-4-28 19:34
回覆 S-Kwok 的帖子
暫時3催4請做功課底下,無欠交功課,只係大人辛苦,要催佢督促佢,唔係,佢唔主動做。
作者: Jane1983 時間: 20-4-28 21:40
sweetapplebb 發表於 20-4-28 19:25 
回覆 Jane1983 的帖子
我女而家4年級,希望佢慢慢改善過來啦,中學應該開始注重儀容。 ...
樓上講得對,最緊要keep住感情好,咁你日復日,月復月,可以慢慢教佢。

作者: sweetapplebb 時間: 20-4-29 17:43
唉。。真係唔易教,閙佢,佢就發脾氣。淨係做功課,我都頭痛,佢淨係做要上網交既,其他自行對答案唔使交既功課一路拖,唔做。無論電腦,Ipad睇網上教學,做功課,做做下就睇youtube跟著停曬落來,唔做
作者: boyboobee 時間: 20-5-4 18:49 標題: 回覆樓主:
唔自理已經係標準,我個10歲係自己整跌倒瀉嘢都唔理,走咗去就算,八達通都年年唔見一、兩次,因為次次返到屋企都係随處放,有鍾意食嘅嘢會自己食哂,包括妹妹努力得到嘅獎勵。

作者: MandyShek 時間: 20-5-5 09:15
回覆 boyboobee 的帖子
自己倒瀉都唔執會有D過份, 全家有無人講得佢聽....或者了解下佢後面的行為動機我識幾個10歲行為唔會咁自我, 我覺得係專登做出來,等你地留意
作者: boyboobee 時間: 20-5-5 11:24
MandyShek 發表於 20-5-5 09:15 
回覆 boyboobee 的帖子
自己倒瀉都唔執會有D過份, 全家有無人講得佢聽....或者了解下佢後面的行為動機我識 ...
冇人講得佢聽,佢係非常自我中心,亦唔知點解,想同佢溝通,佢亦拒絕,只係一味叫人唔好理佢。

作者: MandyShek 時間: 20-5-5 11:29
回覆 boyboobee 的帖子
提早反叛期...
作者: Jane1983 時間: 20-5-5 12:06
回覆 boyboobee 的帖子
佢先得10歲,就係小學四年班左右。衣食住行,生活上所有嘢都係屋企安排,點有可能由得佢?你而家唔教,遲d仲難教 
同埋佢咁的做法,第日出國讀書或做嘢,邊有同學或同事會包容佢呀!
作者: Jane1983 時間: 20-5-5 12:11
回覆 boyboobee 的帖子
整唔見嘢,呢d係男仔比較常見,多d提佢,慢慢會好d。
一年唔見1、2次算好。我女以前有個好friend的男同學,三年級時試過一年唔見7次件校服jacket,有好幾次係學校Lost & Found都搵唔番。後來佢大個咗,就無咁大頭蝦。
作者: boyboobee 時間: 20-5-5 12:29
Jane1983 發表於 20-5-5 12:11 
回覆 boyboobee 的帖子
整唔見嘢,呢d係男仔比較常見,多d提佢,慢慢會好d。
係八達通先係一年唔見一兩次,其他嘢係每星期都會唔見十樣八樣,佢用嘅袋、牀、書枱、衣柜,擺放到好似鴨街地攤嘅二手貨咁亂,從不執拾,每年都唔見唔知幾多本由圖書館借的書,遺失學校交給每位學生暫用的職責掛章(清潔員、圖書館館理員之類),遺失課本、功課、衣物、電話,真係数之不盡,要提醒的話,要24小時跟着她,每一件她踫過的物件都要提醒,並且看到她完成放好才可,只提醒的話,她是不會做的。

作者: little_yolky 時間: 20-5-5 12:30
Jane1983 發表於 20-5-5 12:06 
回覆 boyboobee 的帖子
佢先得10歲,就係小學四年班左右。衣食住行,生活上所有嘢都係屋企安排,點有可能 ...
其實睇完大家既分享,我都唔好對阿細咁harsh⋯⋯但我同C6明明覺得自己已經好寬容⋯⋯

作者: boyboobee 時間: 20-5-5 12:35
Jane1983 發表於 20-5-5 12:06 
回覆 boyboobee 的帖子
佢先得10歲,就係小學四年班左右。衣食住行,生活上所有嘢都係屋企安排,點有可能 ...
要教便要放棄工作,放棄一切自己時間和生活,無論要她做甚麼,只提醒是沒用的,要看着她做,做功課也一樣要每题檢查,否則她會跳做,中間留空一些。而且她做完還會仇視你,不跟你講話,關係非常差。為了緩和關係,她又回復甚麼都不做。這樣來來回回幾年了,完全冇辦法。

作者: Jane1983 時間: 20-5-5 12:48
回覆 little_yolky 的帖子
你兩個女其實都好乖。雖然各有自己的小問題,但都好錫和尊重父母,呢樣好難得。
作者: jli008 時間: 20-5-5 12:54
提示: 作者被禁止或刪除 內容自動屏蔽
作者: Jane1983 時間: 20-5-5 12:55
回覆 boyboobee 的帖子
你要想辦法扭轉佢被人教之後的仇視反應。呢個唔單只破壞親子關係,亦令佢好難改善自己,以及日後同其他人的關係。
佢問佢,佢做得唔好,係咪人地唔可以出聲話佢?父母、老師係咪應該由得佢錯?佢係咪覺得咁樣先合理?養不教,父之過,生得佢出,就有責任要教好佢。佢唔想比人話,就做番好自己本份。
作者: boyboobee 時間: 20-5-5 13:10
Jane1983 發表於 20-5-5 12:55 
回覆 boyboobee 的帖子
你要想辦法扭轉佢被人教之後的仇視反應。呢個唔單只破壞親子關係,亦令佢好難改善 ...
呢D已經同佢傾過無数次,學校有輔導員及老師跟進,但依然無進展,而且越大越唔理家長老師嘅說話。

作者: boyboobee 時間: 20-5-5 13:19
jli008 發表於 20-5-5 12:54 
或許你該放輕鬆些,不要用自己內心的規則定下要求,試著代入孩子想法,慢慢去調整. 已經10歲了,用的時間一定會 ...
佢會不停反捕捉我地大人諗乜,佢會用扮做功課、扮乖去得到大人信任而放鬆畀佢,一旦佢有咗呢D空間,佢又會回復原狀,然後又再等下一次,周而復始。而且仲有個妹妹,每天時間不夠用啊!

作者: Jane1983 時間: 20-5-5 14:16
boyboobee 發表於 20-5-5 13:10 
呢D已經同佢傾過無数次,學校有輔導員及老師跟進,但依然無進展,而且越大越唔理家長老師嘅說話。
...
咁佢除了無手尾,甩甩漏漏之外,讀書成績、品行如何?
小朋友無得唔理佢,亦無得話理唔到佢。

作者: boyboobee 時間: 20-5-5 14:34 標題: 回覆樓主:
沉迷電話遊戲,脾氣暴臊。雖然唔温習,成績仲可以維持中下游。

作者: Jane1983 時間: 20-5-5 14:37
回覆 boyboobee 的帖子
其實比人鬧完,乖番一陣,無鬧又放鬆番,跟住又做錯比人鬧,週而復始。其實亦係正常現象,人性係咁,唔係佢特別頑劣。
作者: Jane1983 時間: 20-5-5 14:41
回覆 boyboobee 的帖子
你比佢玩電話,佢沉迷電話遊戲,係你做錯了。佢玩物喪志,所以先有以後果d唔好的行為 —— 倒瀉嘢唔理,因為趕住去打機。脾氣暴躁,你同佢講嘢,要佢做功課,阻住佢打機......
作者: boyboobee 時間: 20-5-5 16:41
Jane1983 發表於 20-5-5 14:41 
回覆 boyboobee 的帖子
你比佢玩電話,佢沉迷電話遊戲,係你做錯了。佢玩物喪志,所以先有以後果d唔好的行 ...
我沒有给她玩電話,除了功課需要,我都沒給她玩,但她會想盡辦法取得電話用,她會以做功课為由用電話,但取得後可能用來玩,要監察着她用,只能晚上自己回家後,這樣可能要半夜才可完成功課,又或自己放棄工作,白天陪她用電話做作業。

作者: Jane1983 時間: 20-5-5 19:15
boyboobee 發表於 20-5-5 16:41 
我沒有给她玩電話,除了功課需要,我都沒給她玩,但她會想盡辦法取得電話用,她會以做功课為由用電話,但 ...
手機不要有遊戲,亦要限制使用時間。睇吓學校功課要用幾耐,定下時限,到時間即刻收機。或者直頭停WiFi。
10歲仲係好在乎、好愛父母的年齡,越大只會越難。而家仲唔搞,日後仲痛苦。比心機!

作者: boyboobee 時間: 20-5-5 19:28
Jane1983 發表於 20-5-5 19:15 
手機不要有遊戲,亦要限制使用時間。睇吓學校功課要用幾耐,定下時限,到時間即刻收機。或者直頭停WiFi。
...
定呢D規矩正是需要放棄工作或深夜做功課,先可以控制到時間&收發電話呢!

作者: Jane1983 時間: 20-5-5 19:40
回覆 boyboobee 的帖子
不能單留兒童在家,日常誰人看管她?就算工人,關wifi或者收電話都可以代勞吧。
辭職照顧小朋友當然好,但都要顧及父母意願和經濟考慮。
作者: boyboobee 時間: 20-5-5 20:16
Jane1983 發表於 20-5-5 19:40 
回覆 boyboobee 的帖子
不能單留兒童在家,日常誰人看管她?就算工人,關wifi或者收電話都可以代勞吧。
工人做不到,經常開了就忘了關,工人連自己的電話也守不住,被孩子拿去玩,我們的電話密碼鎖不停改,孩亦想盡辦法偷看,用指紋鎖,她可以等大人睡着了用大人的手指開,現在已經用到臉容析別鎖,而且在張開眼狀態才析別了。

作者: Jane1983 時間: 20-5-5 22:04
boyboobee 發表於 20-5-5 20:16 
工人做不到,經常開了就忘了關,工人連自己的電話也守不住,被孩子拿去玩,我們的電話密碼鎖不停改,孩亦 ...
工人受薪,幫你打工,佢都可以做唔到?連要求工人簡單的工作,你都接受佢呢樣果樣做唔到。咁可能你對女兒、工人的管理風格真係太寬鬆? 

作者: little_yolky 時間: 20-5-5 22:16
Jane1983 發表於 20-5-5 22:04 
工人受薪,幫你打工,佢都可以做唔到?連要求工人簡單的工作,你都接受佢呢樣果樣做唔到。咁可能你對女兒 ...
其實,唔通我屋企係軍訓家庭?⋯⋯

作者: Jane1983 時間: 20-5-5 22:38
little_yolky 發表於 20-5-5 22:16 
其實,唔通我屋企係軍訓家庭?⋯⋯
你係要求高d
但我經常比我家姐話太鬆,都覺得樓上家長太寬鬆。

作者: sweetapplebb 時間: 20-5-5 23:15
回覆 boyboobee 的帖子
你講緊既10歲係女女,無估錯吧??
其實玩太多遊戲真係會行為倒退,脾氣燥.
作者: little_yolky 時間: 20-5-5 23:21
Jane1983 發表於 20-5-5 22:38 
你係要求高d
但我經常比我家姐話太鬆,都覺得樓上家長太寬鬆。
但係⋯⋯我同C6都覺得我哋好寬容喔⋯⋯

作者: boyboobee 時間: 20-5-5 23:21
sweetapplebb 發表於 20-5-5 23:15 
回覆 boyboobee 的帖子
你講緊既10歲係女女,無估錯吧??
係女呀,佢本身更小時候已經被發現情緒不穩,上課中途都可以突然自己喊,所以學校都有畀佢參加過情緒控制的訓練班,已經有所改善,但仍然有一定問題,我經常要提醒佢calm down的,經過學習,現在提醒佢都可以馬上有效,已經算好的了。

作者: sweetapplebb 時間: 20-5-5 23:38
我女係屋企蝦我,唔聽話,佢係驚老師的,大多數學生係老師出句聲好過家長講幾句.
我老公係機迷,搞到我女學佢鍾意遊戲.
而家無論用電腦,Ipad上網睇學校教學影片,做功課,我女功課未做或者做做下,就會按出去睇you tube.
好好地同佢講做功課先,唔聽,最後要我用盡方法搶部Ipad,佢就盡量攪實Ipad唔交俾我,最後我拎左Ipad佢就
大哭,等佢泠靜完一陣,先乖番D做功課.這個畫面經常發生.
我都同我老公講左,電視遊戲平日唔好俾佢玩,星期六,日先玩,有時都要放鬆下.
作者: sweetapplebb 時間: 20-5-5 23:39
回覆 little_yolky 的帖子
你既小朋友幾乖咁哦,幾歲呀
作者: little_yolky 時間: 20-5-5 23:44
sweetapplebb 發表於 20-5-5 23:39 
回覆 little_yolky 的帖子
你既小朋友幾乖咁哦,幾歲呀
咪就係唔乖我先辛苦囉。剛剛11歲,大既12歲。我兩個雖然唔乖,但從來無好似你哋D咁失控。

作者: sweetapplebb 時間: 20-5-5 23:48
我女失控係因為電子產品太吸引,導致唔做功課,勞氣.
自理方面,我日日監督佢,望佢慢慢改善.
作者: Jane1983 時間: 20-5-6 07:30
回覆 little_yolky 的帖子
小朋友係要過有規律,有學習的生活,太寬鬆,任得佢係唔得。你C6幾寬容,你就要求高d lor 
如果亞大係我女,應該鬧少一半 
作者: S-Kwok 時間: 20-5-6 09:08
Jane1983 發表於 20-5-6 07:30 
回覆 little_yolky 的帖子
小朋友係要過有規律,有學習的生活,太寬鬆,任得佢係唔得。你C6幾寬容,你就要 ...
如果阿大係我女,我瞓著都會笑 

作者: Jane1983 時間: 20-5-6 09:39
回覆 S-Kwok 的帖子
哈哈,亞大係好多優點。
不過Yolky話亞大唔梳頭,整到額頭有暗瘡,呢樣我實哦到佢煩 
作者: 車車Wong 時間: 20-5-6 11:22
本帖最後由 車車Wong 於 20-5-6 11:25 編輯
回覆 Jane1983 的帖子
睇完您嘅回覆,我卒之明白亞仔點解脾氣最近咁差曳咗咁多,我咁解單都察覺唔到,真喺要好好檢討吓。沉迷電話遊戲,玩物喪志!
作者: Jane1983 時間: 20-5-6 11:44
回覆 車車Wong 的帖子
當局者迷,越親近有時越睇唔到。
作者: ar_mak 時間: 20-5-6 11:45
提示: 作者被禁止或刪除 內容自動屏蔽
作者: Jane1983 時間: 20-5-6 13:50
boyboobee 發表於 20-5-5 23:21 
係女呀,佢本身更小時候已經被發現情緒不穩,上課中途都可以突然自己喊,所以學校都有畀佢參加過情緒控制 ...
本帖最後由 Jane1983 於 20-5-6 13:51 編輯
佢情緒不穩,係咪因為亞妹?佢會唔會係覺得父母偏心細妹,所以唔開心?
雖然父母自覺做得好公平,但有d小朋友對父母分咗一半比細佬妹,又或者眼見父母對照顧細果個,係會好困擾。

作者: boyboobee 時間: 20-5-6 13:55
Jane1983 發表於 20-5-6 13:50 
本帖最後由 Jane1983 於 20-5-6 13:51 編輯
佢情緒不穩,係咪因為亞妹?佢會唔會係覺得父母偏心細妹, ...
妹妹未出生前已經有的問題,妹妹出生後問題更嚴重了也是真的,但也不能因此認定是受妹妹的來到而影響惡化。

作者: boyboobee 時間: 20-5-6 14:05
ar_mak 發表於 20-5-6 11:45 
我建議係先將手提電話做一個定義,例如佢會係通訊工具?社交平台?或者係一部遊戲機?然後就每一項使用功能 ...
我們都不停攪其他活動引導她把專注力去其他地方,但大部份她都不感興趣,拒絕參加,包括她以前喜歡的活動,她能連續2個星期除了吃飯和上廁所,其他時間都鎖自己在房內玩電話,無論叫她外出參加任何活動也拒絕,直到我將屋企網絡cut咗,電話咭都停咗,佢先離開間房,恢復正常嘅生活方式。佢嘅上瘾程度,真係好似吸毒咁,會為咗上唔到網而情緒失控,會因為突然斷網而瘋狂不斷打電話畀我,那怕已經提前通知佢該段時間我正在開會,佢仍然會狂打電話畀我的。

作者: Jane1983 時間: 20-5-6 14:40
回覆 boyboobee 的帖子
佢先得10歲多,無可能任由佢鎖自己在房,除了吃飯和上廁所不出來吧。仲要講緊兩個星期!是一天都唔可以接受呢。
你不如當佢係一個addict,想辦法幫佢戒毒,全套program,全面檢討你的育兒方法。咁樣落去,真係唔睇好。
作者: boyboobee 時間: 20-5-6 15:12
Jane1983 發表於 20-5-6 14:40 
回覆 boyboobee 的帖子
佢先得10歲多,無可能任由佢鎖自己在房,除了吃飯和上廁所不出來吧。仲要講緊兩個 ...
為咗佢,自己都非常疲累,每一日都用好多時間响佢身上,而同時又要照顧到妹妹,仲要兼顧工作。工人姐姐同補習老師都换咗好多個,都畀佢搞到人地唔想再做。好彩嘅係妹妹冇呢D問題,比較易帶。

作者: Jane1983 時間: 20-5-6 18:13
回覆 boyboobee 的帖子
你心目中有什麼方案?你提過放棄工作全力教她,你認真有這個打算?
作者: boyboobee 時間: 20-5-6 18:14
Jane1983 發表於 20-5-5 22:04 
工人受薪,幫你打工,佢都可以做唔到?連要求工人簡單的工作,你都接受佢呢樣果樣做唔到。咁可能你對女兒 ...
孩子要求用電話做e-class homework,工人要給孩子電話,但工人不可能甚麼都不做,坐在旁邊看着孩子,只要一走開,孩子一定用電話去玩。工人若每天坐三小時看着,那其他家務事就無法幹了。而且還有個妹妹,需要更多照顧。這孩子是要人甚麼都不做,完全貼身監督才可令她執行該做的事,要有人犧牲自己一切個人時間,甚麼都不做,只跟着她一人,才有可能糾正的了。

作者: boyboobee 時間: 20-5-6 18:15
Jane1983 發表於 20-5-6 18:13 
回覆 boyboobee 的帖子
你心目中有什麼方案?你提過放棄工作全力教她,你認真有這個打算?
經濟能力上不許可呢!

作者: Jane1983 時間: 20-5-6 18:33
回覆 boyboobee 的帖子
train好工人,限時使用手機,夠鐘收手機或者關Wi-Fi,呢個係必須行的一步。難極都要做。佢一日仲係迷落去,失心瘋咁,你講咩都唔入耳。
搵一日,可以係晚上佢臨訓你陪佢傾吓計,兩個人靜靜地交吓心。你要搵到個位觸動佢心靈,10歲人仔如果無陷入電子產品的迷陣中,無喪失理智,佢果份童心應該仲係好愛父母,願意為父母做個好孩子。你趁佢未到青春期,搵番佢和你果份聯繫。你要努力吓,再大就更難。
作者: boyboobee 時間: 20-5-6 18:43
Jane1983 發表於 20-5-6 18:33 
回覆 boyboobee 的帖子
train好工人,限時使用手機,夠鐘收手機或者關Wi-Fi,呢個係必須行的一步。難極都 ...
本帖最後由 boyboobee 於 20-5-6 18:46 編輯
夠鐘收電話,工人一向做得到,只係冇辦法做到肯定孩子用個電話係做功課,除非坐响旁邊監察住佢做乜,咁個工人就做唔到家務同照顧唔到妹妹。其實講咁多,重點並非只係用幾耐咁簡單,而係到咗孩子手,點肯定佢用嚟做乜,方法就係要有人全程貼身監察,否則佢一定用去玩,事後就算欠交亦毫不在乎。至於傾計,佢會每次都話明白,每次都認錯,每次都可以舉一反三去反映佢明白點樣唔好,然後一離開我嘅視線範圍,又繼續玩了。

作者: Jane1983 時間: 20-5-6 21:32
boyboobee 發表於 20-5-6 18:43 
本帖最後由 boyboobee 於 20-5-6 18:46 編輯
夠鐘收電話,工人一向做得到,只係冇辦法做到肯定孩子用個 ...
佢話知錯會改,你覺得佢係真心,但後來受唔住引誘?定係順口應,根本無誠意?
你係媽媽?一定要想辦法打動佢的良知和對你的愛,幫佢行番正軌。你可以暴怒,收機一了百了,放工一齊捱夜做。亦可以對住佢喊,令佢明白你的失望和難過,但一定唔可以由得佢。
時間唔係你呢邊,咁樣落去你一定輸,輸咗個女,有排痛苦。

作者: boyboobee 時間: 20-5-6 21:42
Jane1983 發表於 20-5-6 21:32 
佢話知錯會改,你覺得佢係真心,但後來受唔住引誘?定係順口應,根本無誠意?
你係媽媽?一定要想辦法打 ...
本帖最後由 boyboobee 於 20-5-6 21:45 編輯
明顯並不真心,她只是想敷衍過去。
無法打動她的良知,跟她說了多少話也沒用,因為要糾正她,所以幾年來我每天只睡不到4小時,把部份工作放到半夜做,因為她故意拖延,讓補習費由每月正常1千多元變成3、4千元(她可以中途去睡覺,補習老師要哄她起來,也會中途去吃東西),也因此父母要增加工作去補上這些额外開支,甚至妹妹的興趣班要取消,但她無動於衷。這些都是她知道的了,告訴她我們都在幫她,但她不能只看我們做,她也要努力的,可惜電話在她心中的份量太重了。

作者: Jane1983 時間: 20-5-6 22:04
boyboobee 發表於 20-5-6 21:42 
本帖最後由 boyboobee 於 20-5-6 21:45 編輯
明顯並不真心,她只是想敷衍過去。
佢係咪太身處溫室,唔知米貴? 會不斷打電話搵你,即使你講明工作唔得閒,佢唔知work ethics,佢唔明份工對屋企緊要?竟然會補緊習去訓覺,佢唔知父母按時間計錢?
你要令佢貼地,唔好比佢活係電子遊戲的世界。要比佢知父母工作係put food on the table,補習要錢,佢唔應該浪費,做人有權利,亦有義務......
弄得不好,你分分鐘養佢一世,佢仲比面色你睇。你千方百計都要諗辦法打動佢,佢先得10歲,你食鹽多過佢食米,你無理由唔夠佢玩。

作者: boyboobee 時間: 20-5-6 22:11
Jane1983 發表於 20-5-6 22:04 
佢係咪太身處溫室,唔知米貴? 會不斷打電話搵你,即使你講明工作唔得閒,佢唔知work ethics,佢唔明份工 ...
佢知父母要辛苦賺錢,佢自己更害怕辛苦,但如果要她忍受去幫輕家人的負擔,她會選擇由家人去辛苦。

作者: b3410 時間: 20-5-6 23:12
boyboobee 發表於 20-5-6 21:42 
本帖最後由 boyboobee 於 20-5-6 21:45 編輯
明顯並不真心,她只是想敷衍過去。
既然這樣,為什麼不直接收電話?10歲的孩子,父母責任最大,如果現在不下決心改變,將來大了可能就是另一位網友的孩子。 https://www.edu-kingdom.com/forum.php?mod=viewthread&tid=2905186&extra=page%3D1
反正她也不在乎功課學業,網上功課交不交也沒有所謂。不如打去學校,請老師豁免她的網上功課,或者可以特別安排,她可以打印出來,紙上寫出來。因為同沉迷網絡遊戲對一個孩子的影響來比較,學業/功課,都不是那麽重要,至少在沒有解決網絡問題的時候。我會同學校講清楚小朋友現在的問題,不適合再做網上學習/網上功課。如果學校老師有心,希望可以一起幫助小朋友。
補習,既然會去睡覺,那就不用補了。就是因為你們緊張學業,擔心她功課跟不上,才讓她可以繼續恃寵而驕。
有時候不夠狠心,一直不捨得取捨,其實才是對小朋友最狠心的做法。
作者: b3410 時間: 20-5-6 23:16
boyboobee 發表於 20-5-6 22:11 
佢知父母要辛苦賺錢,佢自己更害怕辛苦,但如果要她忍受去幫輕家人的負擔,她會選擇由家人去辛苦。
...
10歲,還好細個,可能未必識諗咁多。可以改變,不過要你哋自己改變咗先。
如同一個病態賭徒,你因為唔忍心,不停的繼續借錢俾佢,其實就係幫兇。
作者: boyboobee 時間: 20-5-6 23:27
b3410 發表於 20-5-6 23:12 
既然這樣,為什麼不直接收電話?10歲的孩子,父母責任最大,如果現在不下決心改變,將來大了可能就是另一位 ...
本帖最後由 boyboobee 於 20-5-6 23:33 編輯
因為收了電話,又無法完成學校的eHomework。要等自己回家才陪她做,便每天都要晚上11點後,甚至12點才能完成eHomework, 不過你建議把她的功课改為Hard copy是可以執行的方法。 至於補習是已經停了,當初補習卻是學校要求的,並非她不懂,只因她小一上學期便成了欠交之冠,補習只為了檢查她是否完成齊了功課。

作者: jli008 時間: 20-5-6 23:28
提示: 作者被禁止或刪除 內容自動屏蔽
作者: b3410 時間: 20-5-6 23:32
boyboobee 發表於 20-5-6 23:27 
因為收了電話,又無法完成學校的eHomework。要等自己回家才陪她做,便每天都要晚上11點後,甚至12點才能完 ...
所以說和學校商量,可否豁免功課
作者: boyboobee 時間: 20-5-6 23:37
b3410 發表於 20-5-6 23:32 
所以說和學校商量,可否豁免功課
我們試過不用她做功課,收了電話,她就幾個星期都趟在牀上,或故意弄哭妹妹。

作者: ar_mak 時間: 20-5-7 01:00
提示: 作者被禁止或刪除 內容自動屏蔽
作者: ar_mak 時間: 20-5-7 01:16
提示: 作者被禁止或刪除 內容自動屏蔽
作者: boyboobee 時間: 20-5-7 01:19
ar_mak 發表於 20-5-7 01:00 
回覆 boyboobee 的帖子
有個媽媽,佢個情況真係同你十足十,最後守得雲開。
關係還算可以,只要唔接觸到佢D“問題”就可以。

作者: ar_mak 時間: 20-5-7 01:33
提示: 作者被禁止或刪除 內容自動屏蔽
作者: MrBeast 時間: 20-5-7 07:35
boyboobee 發表於 20-5-6 23:37 
我們試過不用她做功課,收了電話,她就幾個星期都趟在牀上,或故意弄哭妹妹。
...
小朋友好叻試父母底線,一定要堅持鬥耐性,最好訂一些規則,至少一些原則,有罰亦有賞。
故意搞妹妹,罰一星期無手機玩,若已冇得玩,就記落簿,或改為冇得出街(疫情過後)。
有冇試過:
請補習老師上門,主要是完成功課,老師報告完成功課父母在家時可玩30分鐘手機,但千其唔好心軟,30就30
set up router or parental control 等佢只可在特定情況先玩到電玩
最後,多些溝通與關懷,咁先長久
作者: boyboobee 時間: 20-5-7 07:45
MrBeast 發表於 20-5-7 07:35 
小朋友好叻試父母底線,一定要堅持鬥耐性,最好訂一些規則,至少一些原則,有罰亦有賞。
故意搞妹妹,罰一 ...
任何獎罰規定都冇用,佢唔介意任何形式懲罰,佢可以冇哂電話就趟牀上一個月都可以,冇嘢做咪整喊妹妹。好多謝大家提供意見,不過呢D全部都做過哂,除非經濟上許可自己不工作,亦不用照顧家中其他任何人,用自己所有時間去照顧佢一個,否則呢D方法仍然無法完整執行。

作者: little_yolky 時間: 20-5-7 07:59
ar_mak 發表於 20-5-7 01:16 
你話你個女讀書考包尾,都冇你講呢句可以令人咁傷心。
你都講得啱,所以我都唔好成日自怨自艾,我已經比好多人幸福了,係兩個唔夠叻啫,唔好咁多要求。

作者: MrBeast 時間: 20-5-7 08:11
本帖最後由 MrBeast 於 20-5-7 08:13 編輯
boyboobee 發表於 20-5-7 07:45 
任何獎罰規定都冇用,佢唔介意任何形式懲罰,佢可以冇哂電話就趟牀上一個月都可以,冇嘢做咪整喊妹妹。好 ...
明白,所以我之前話要堅持,你放棄佢就知你底線係邊。我之前小朋友都有唔合作經驗,我冇用罸這個字但就話priveleges revoked, 大家僵持左兩個禮拜左右,我就主動問是否想之後都是咁樣,第一次唔出聲,過左一兩個禮拜後我再問。
除非你本身是社工,我唔建議你放棄工作去處理這問題,沒有相關training,日日對住只會令你更mung,先起口角繼而動武。所以雖然社工未必幫到乜,但都不防找他們傾下
作者: Jane1983 時間: 20-5-7 08:30
回覆 boyboobee 的帖子
大家鬥堅持。
唔可以打機。
唔可以鎖門困自己係房。
唔可以由朝到黑攤係床上。
日中要從事有建設性的活動,可以係睇書、做功課或者做簡單家務。
佢係一個無生活能力的10歲孩童,你一定能力改變佢行為。要有決心。
作者: MrBeast 時間: 20-5-7 08:54
本帖最後由 MrBeast 於 20-5-7 08:57 編輯
Jane1983 發表於 20-5-7 08:30 
回覆 boyboobee 的帖子
大家鬥堅持。
反而我覺得有時候要抽身,佢唔做功課老師係罰佢,唔係父母,留班被同學笑係佢。父母已有提供物質上支援,再加一點心0支援和guidance就责任完成. 我之前要破斧沉舟,連書都冇得睇(佢可以自己去學校library借),唔做有建設性的我唔理,黑口黑面當睇唔到,但做破壞性的就加重刑罰
作者: Jane1983 時間: 20-5-7 08:56
little_yolky 發表於 20-5-7 07:59 
你都講得啱,所以我都唔好成日自怨自艾,我已經比好多人幸福了,係兩個唔夠叻啫,唔好咁多要求。:thinking ...
咁又唔係wor。你可以有高要求,繼續push佢地做得更好。
但呢個係on going的目標,在推動的過程中唔好覺得佢地差,或者有莫大缺點。

作者: Jane1983 時間: 20-5-7 09:04
MrBeast 發表於 20-5-7 08:54 
反而我覺得有時候要抽身,佢唔做功課老師係罰佢,唔係父母,留班被同學笑係佢。父母已有提供物質上支援, ...
細路黑面攤係床度,就係表示不滿的一種方法。不滿乜嘢?邊個對佢唔住?完全唔可以接受,一定要佢起身從事有意義的活動。
呢個世界邊個可以咁樣生活?以後佢中三畢業,日日黑口黑面攤係屋企,旨意邊個睇佢面色,養佢過世?
唔想有果日,今日就要做好。

作者: b3410 時間: 20-5-7 09:06
boyboobee 發表於 20-5-6 23:37 
我們試過不用她做功課,收了電話,她就幾個星期都趟在牀上,或故意弄哭妹妹。
...
戒遊戲,我覺得有時好似解毒,冇的玩,個心一下子空咗。不過10歲的小朋友,還是比較大機會改變。學業暫時放一放,放工後的時間不是用來追功課,而是陪她玩,除了打機玩電話癱在床,其他想玩什麼都可以。落去打波,跑步,踩單車,做運動。屋企砌lego,做手工,唱歌跳舞,總之幫她變回一個正常的小朋友是第一步。她發現原來除了打機,還有很多有趣的玩樂,就可以戒電話了。
作者: IloveJJ 時間: 20-5-7 09:42
提示: 作者被禁止或刪除 內容自動屏蔽
作者: MrBeast 時間: 20-5-7 09:48
本帖最後由 MrBeast 於 20-5-7 09:59 編輯
Jane1983 發表於 20-5-7 09:04 
細路黑面攤係床度,就係表示不滿的一種方法。不滿乜嘢?邊個對佢唔住?完全唔可以接受,一定要佢起身從事 ...
不是說去鼓勵這種behaviour,公司下屬就話去micro manage low will low skill, 但父母唔可以炒一個青春期的小朋友。試諗下若有一位好朋友for some reasons 有咁態度,你又會點樣和用什麼語氣去勸佢呢?
ps 找到behaviour 背後原因才是皇道,eg, 會不會是覺得樣樣就阿妹唔公平、etc
pps 每個家庭情況都獨特,若其實做得ok但想提升一下,做法就會不同
作者: MrBeast 時間: 20-5-7 09:50
boyboobee 發表於 20-5-7 07:45 
任何獎罰規定都冇用,佢唔介意任何形式懲罰,佢可以冇哂電話就趟牀上一個月都可以,冇嘢做咪整喊妹妹。好 ...
知己知彼 百戰百勝,她真的沒有任何野佢喜歡或厭惡嗎?
作者: b3410 時間: 20-5-7 09:52
IloveJJ 發表於 20-5-7 09:42 
無錯!
其實根本就好似毒癮咁,要強硬咁中止,我仔都試過睇電視睇得多,有咁既徵狀,我咪成部電視掹咗佢, ...
對小朋友的愛和關心一分唔會少,不過應該狠心的時候一定要狠心。從小朋友角度出發。
作者: b3410 時間: 20-5-7 09:56
MrBeast 發表於 20-5-7 09:50 
知己知彼 百戰百勝,她真的沒有任何野佢喜歡或厭惡嗎?
以前一定有,不過在戒電腦(好似吸毒上癮)階段,處於病態,lost of all interest, 全部世界只有遊戲。其實真的是一種疾病。作為父母,應該諗點樣幫佢醫病。
作者: little_yolky 時間: 20-5-7 10:00
Jane1983 發表於 20-5-7 08:56 
咁又唔係wor。你可以有高要求,繼續push佢地做得更好。
但呢個係on going的目標,在推動的過程中唔好覺得 ...
拿,所以我無做錯既
歡迎光臨 教育王國 (/) |
Powered by Discuz! X1.5 |