教育王國
標題: 我姪女下個月尾生，有甚麼興趣班推薦？ [打印本頁]
作者: 心曠神怡 時間: 20-4-26 01:08 標題: 我姪女下個月尾生，有甚麼興趣班推薦？
我姪女係第一胎，完全不知道要怎樣培育女兒，一知道有BB就好擔心個女以後好像自己一樣，沒有甚麼成就，大學又入吳到，中學又不是甚麼名校，比人笑，賺錢又幸苦。佢想個女以後可以有更好成就，一定要讀到大學，做醫生，我連自己個仔女都吳係好搞得掂，同佢又吳係住係同一度，所以想大家幫下手：）大家都係點樣湊女？可吳可以比啲例子，有沒有甚麼貼士
作者: Radiomama 時間: 20-4-26 08:06
首先，改變自己的想法，做人不一定要入名校、入唔到不會比人笑、入到大學也不一定搵到份好工、賺錢必然辛苦㗎！另外點解一定要讀醫科做醫生，如果佢唔想，咁得唔得？
孩子出生是一個獨立的個體，要尊重佢。父母有培育和教養責任，要愛護、不要一味諗興趣班。我姐姐個仔在四歲前每日只去公園睇住D樹、望天玩和跑步，他的性格就是這樣培育起來，溫馴又健康，小朋友不用急於上興趣班的。
作者: 心曠神怡 時間: 20-4-26 13:41
回覆 Radiomama 的帖子
多謝你建議啊，都係驚細佬長大後會後悔以前學太小野，沒有甚麼一技之長。
作者: Yanamami 時間: 20-4-26 15:49
本帖最後由 Yanamami 於 20-9-29 19:30 編輯
心曠神怡 發表於 20-4-26 01:08 
我姪女係第一胎，完全不知道要怎樣培育女兒，一知道有BB就好擔心個女以後好像自己一樣，沒有甚麼成就，大學 ...
理念好扭曲下……我諗小学前，父母親自陪伴，俾好多唔同經历佢(去沙灘、赤腳跑草地、捉蝸牛蝌蚪、伴讀、去超市街市買餸、坐渡海輪/叮叮/山頂䌫車、行山、整曲奇、去公園、郵局寄信……)，肯放时间係佢身上，陪住佢大就係成功既－半。外判乜班物班，只係配菜｡配菜當主菜－定死｡全家轉睇英文台，英文兒歌故事卡通日日俾語景佢，語文要早早开始浸(但唔系上乜班物班)，曰子有功｡男仔最好参加下童軍同玩下运动，强身健体之餘消耗精力，減少中打机毒｡千万千万咪用电子奶咀……
作者: haihaimom 時間: 20-4-27 21:40
本帖最後由 haihaimom 於 20-4-27 21:46 編輯
回覆 心曠神怡 的帖子
如果有人可以三言兩詞教到人點培育，就冇人出書喇，送本育兒書俾佢自己睇下先，幼兒期點教，小學階段點教，青春期要點相處，唔係入到名校就做到醫生，做醫生要好勤力，放棄好多娛樂，父母做個好榜樣先喇。https://my-best.tw/85061
教你點揀書
作者: 钧熹 時間: 20-4-27 23:45
個人覺得幼稚園階段都可以玩泥沙，有一個快樂開心充滿愛的童年係好重要！這是奠定人生基色的時候。
作者: nkd 時間: 20-4-28 07:38
從BB開始，爸爸媽媽就多D同佢傾計，抽多D時間陪佢玩，一齊讀書，係最重要的。一齊的時間多，先至可以教佢做人的態度、基本的道理，領略讀書和活動的趣味。這是什麼班花幾多錢都不會幫到BB的。
中文人家庭，能力可以的話，盡量送上英文幼稚園，和每天固定時間讀幾頁英文書。
讀不到大學的人，賺錢可能更多，更輕鬆。做醫生又忙又辛苦，仲要不斷學新知識，BB第時真心想做呢行先好呀。
作者: GreenMaDad 時間: 20-4-28 12:19
不知道樓主姪女住邊區，不過我提議新手媽媽慢慢研究邊區中學校風比較好。
講真，以樓主姪女的情況，不要太強求小孩入名校，入不到名校但做事踏實，生活幸運的人也不少。
反而到中學時，小孩識到甚麼類型朋友很重要，尤其近來童黨新聞多左，小孩誤入壞圈子就很麻煩。
作者: stewie_griffin 時間: 20-4-29 01:15
心曠神怡 發表於 20-4-26 01:08
我姪女係第一胎，完全不知道要怎樣培育女兒，一知道有BB就好擔心個女以後好像自己一樣，沒有甚麼成就，大學 ...
其實唔係 bb 要上咩學習班，反而叫姪女學多啲嘢仲好。父母識多啲嘢，睇多啲書（唔係八卦雜誌或者言情小說），小朋友自自然然會跟到嗰種「讀書人」嘅氣質，如果父母碌吓 facebook 就當睇咗新聞，對時事不聞不問，冇探索知識嘅態度，就算點催谷小朋友都唔會有用。到小朋友冇咁困身之後，父母去讀啲持續進修課程，令自己本身唔好為自己嘅教育水平自卑先，一家人有良好學習態度，小朋友讀唔讀、或讀咩興趣班都唔係問題。
作者: Nicolechan082 時間: 20-5-4 17:14
父母的陪伴好重要，同埋性格的培養，性格好的孩子對壓力嘅反應都會比較正面，佢亦會對佢鍾意嘅野有較大的堅持，與其去佢生都未生出黎就諗俾佢讀咩興趣班，倒不如諗吓點樣培養佢嘅性格同自信，令佢可以走更長既路。 **我有教小朋友見都好多都因為父母硬要佢學冇興趣就半途而廢
作者: stillgood20 時間: 20-5-5 12:48
本帖最後由 stillgood20 於 20-5-5 12:48 編輯
前人智慧: 一命, 二運, 三風水, 四積陰德, 五讀書.
我自己做咗幾十年人. 眼見自己也好, 身邊朋友, 鄰居,…
好似有d 道理.
現今, 可能複雜咗, 仲有姓名學, 胎教, 資源, 和資質也有影響.
太好玩了!
作者: Pli822 時間: 20-5-8 09:35
The staff said the campus doesn’t have any PN vacancies at the time being. (Although someone has released places?)
作者: mrs.3845 時間: 20-5-12 12:01
心曠神怡 發表於 20-4-26 01:08
我姪女係第一胎，完全不知道要怎樣培育女兒，一知道有BB就好擔心個女以後好像自己一樣，沒有甚麼成就，大學 ...
讀醫都唔係重要嘅，人嘅品格比較重要
作者: 王林 時間: 20-5-15 08:50 標題: 回覆樓主:
本帖最後由 王林 於 20-5-16 17:38 編輯
作者: iirisfantasy 時間: 20-5-18 16:44
其實，我個人建議一切先從身教開始...阿B都未出世就諗要去上咩興趣班，似乎超於常理...阿B咩性情，成長到某時段當時坊間興趣班有咩選擇(相信不斷地變化中)，可以到時網上搜集資料找合適小孩的。坊間由PLAYGROUP開始，真係應有盡有..興趣呢個字要看是家長興趣，還是以小孩可以表達出來興趣為考慮因素
學識不是一切亦不能單靠學校就可以做醫生，家長都須先以品德培養為首無論是做任何職業吧~
個人感想，不喜勿插。
作者: NevilleEx 時間: 20-5-19 22:07
興趣班盡可能根據小朋友的能力,興趣及發展進行, 但最好不要太過過量...
坊間有些補習社或會以興趣/快樂來包裝, 如九X彎那間"數X家" (在石門, 黃埔也有分店)... 那裡雖然sell快樂學數學... 但其實和一般補習社一樣, 不斷叫小朋友做練習(而且練習本身有不少錯漏, 內容不切實際的地方), 還會亂sell家長其課程, 亂加一些所謂的奧數元素, 但教的人也不大清楚... 參加前宜多作比較... (雖然她們有所謂的試堂, 但由於試堂後或會轉由其他人教, 因為經常換導師)
最後, 勸大家一句, 不要盡信廣告及fb的宣傳內容... 因不少都是過期或誤導成分居高...
作者: HahaKelly 時間: 20-7-24 14:47
提示: 作者被禁止或刪除 內容自動屏蔽
作者: kirstyau 時間: 20-8-25 11:37
心曠神怡 發表於 20-4-26 01:08
我姪女係第一胎，完全不知道要怎樣培育女兒，一知道有BB就好擔心個女以後好像自己一樣，沒有甚麼成就，大學 ...
頭幾年切勿用電子奶嘴，屋企亦盡量少睇電視，頭一年都係訓練大小肌肉，同接觸不過質感（去沙灘），伴讀，同時借/買勁多不同書籍。培養到閱讀 一生受用。
作者: jli008 時間: 20-8-25 12:12
提示: 作者被禁止或刪除 內容自動屏蔽
作者: 小曳人 時間: 20-8-27 20:51
你如果係有心一定要做醫生，沈爸爸可能幫到你
不過....
我係小朋友細細個已經向"learning is fun" 嘅方向走，孩子都鍾意學習，反而做唔做醫生... 我係希望佢唔好做醫生嘅
咁多專業，點解要揀個無生活嘅專業？
作者: Radiomama 時間: 20-8-28 22:22
小曳人 發表於 20-8-27 20:51
你如果係有心一定要做醫生，沈爸爸可能幫到你
不過....
題外話：做醫生又唔一定無晒生活嘅，大家都識嘅沈祖堯醫生，好family㗎，畫畫書法跑步樣樣都掂。
作者: 小曳人 時間: 20-8-29 08:11
Radiomama 發表於 20-8-28 22:22
題外話：做醫生又唔一定無晒生活嘅，大家都識嘅沈祖堯醫生，好family㗎，畫畫書法跑步樣樣都掂。
...
不過，女醫生有樣好，就係捱過咗，攞到醫生牌之後，結婚生仔，大把半職可以做，都幾唉~
作者: Azzurro 時間: 20-9-2 13:04
每年五萬文憑試考生，幾乎最好的百分之一才能考到醫科
之前首先最好要考到band 1a學校
再之前要進入很好的小學
在之前最好進入名牌幼稚園
你準備好了沒有？
作者: natra 時間: 20-9-26 12:28 標題: 回覆樓主:
去書店書局，看看有什麼教養孩子的書，好多係分年齡教，未夠1歲的點教，歲的點教，2歲又點教，等等，睇左呢d書先
作者: KCB988 時間: 21-5-7 04:45
彈琴、羽毛球
作者: LilyChuMama 時間: 21-7-8 11:18
小女孩 大少少可以考慮芭蕾舞
作者: judy 時間: 21-7-9 09:42
我姪女係第一胎，完全不知道要怎樣培育女兒，一知道有BB就好擔心個女以後好像自己一樣，沒有甚麼成就，大學又入吳到，中學又不是甚麼名校，比人笑，賺錢又幸苦。佢想個女以後可以有更好成就，一定要讀到大學，做醫生，我連自己個仔女都吳係好搞得掂，同佢又吳係住係同一度，所以想大家幫下手：）大家都係點樣湊女？可吳可以比啲例子，有沒有甚麼貼士
作者: esmehouse 時間: 21-7-13 08:41
培養品德修養重要過學業啦 
作者: ABC-DAD 時間: 21-7-16 16:40
資源唔多嘅話，善用圖書館社區資源等等會比太早參與乜班物班好。
作者: chrisycy 時間: 21-7-18 10:48
心曠神怡 發表於 20-4-26 01:08
我姪女係第一胎，完全不知道要怎樣培育女兒，一知道有BB就好擔心個女以後好像自己一樣，沒有甚麼成就，大學 ...
要先由自己開始，可以叫姪女去上一些關於原生家庭的課堂，改變自己才可改變命運
如果覺得自己什麼都唔得，好容易跌入高期望的父母或者放棄型父母，咁就好麻煩
| 歡迎光臨 教育王國 (/) |
Powered by Discuz! X1.5 |