教育王國

標題: ST Cath. vs 學之園 (凱帆校) K1 [打印本頁]
作者: pepperlunch    時間: 20-4-23 00:14     標題: ST Cath. vs 學之園 (凱帆校) K1

本帖最後由 pepperlunch 於 20-4-23 08:31 編輯

本帖最後由 pepperlunch 於 20-4-23 00:23 編輯

SC及LH都收了我小朋友K1，但下個月初就要決定讀邊一間了，希望大家可以俾啲意見我。

我知呢類嘅post有唔少，我都睇了唔少，叫做有些概念。但其實要決定選擇邊一間，都好視乎每個家庭背景、小朋友性格、同想要啲乜野。

我小朋友係12月B，上年1月夠兩歲做細B喺其他幼稚園讀咗半年N班，同年9月於同校升讀K1，有學卷。但疫情問題，只係返咗4個月K1。因為想仔仔將來升讀直資/私小，所以今年決定重讀K1做大B。

我都爬了唔少文，嘗試綜合網上家長對呢兩間幼稚園嘅睇法，就係SC (相比LH) 比較happy school，教出嚟啲學生比較presentable (呢個都好多人提過)，但學術就無LH咁深，無LH咁谷，而課程亦無好似LH咁有systematic，有自己一套教材，所以有啲家長就話SC學生需要出面惡補 (但個人認為LH都應該有唔少惡補例子，唔少家長都因為有人補我補心態，唔好輸在起跑線)。

另外，亦有家長提及過小朋友在SC學習自理能力相比LH比較遜色。而大家相同或類似嘅地方就係語境好，升上小一成績亮麗。但其實無話邊間升小成績比另一間好啲，個人認為跟本無得比較，有些家長話LH好些，但可能只係因為LH比較公開升小數據，並唔代表SC升小成績相比無咁好，只係無實質數據。

小朋友性格好動，我地目標係一二線直私，並唔係神校，想小朋友可以愉快學習。所以希望大家可以俾啲意見，感激不盡

(補充) 我們都是全職上班，日間主要都由工人姐姐及外婆照顧。


作者: Chubu    時間: 20-4-23 02:00

邊間比較就腳？ 升小成績應該2間都唔使擔心，係睇你鍾意邊間教學模式。前輩讀曬兩間，LHd家長比較平民，懶媽媽可以讀LH，全部野學校搞掂曬。st cat 家長social status 相對比較高，社會圈子高D，但放學要外補自己跟。睇你鍾意邊類。
以上是以入一二線直私為目標，要入神校我建議讀st cat然後補全科再加興趣班面試班乜都上齊。因為st cat 個名始終好聽小小
作者: popofat    時間: 20-4-23 02:07

咁樓主有冇考慮自己作為家長可以付出幾多時間。如果不是full time mum. LH 有教材，透明度高，可能比較適合。兩間都係好學校，看看那一間比較配合自己屋企資源吧！
作者: Dollys    時間: 20-4-23 15:25

pepperlunch 發表於 20-4-23 00:14
本帖最後由 pepperlunch 於 20-4-23 00:23 編輯

SC及LH都收了我小朋友K1，但下個月初就要決定讀邊一間了， ...
SC k好容易入，LH尤其係凱帆，好難入。
如果比較升小數據，
無論神校，一二線，
凱帆校都比sc整體更好！
作者: Kitty_gigi    時間: 20-4-23 15:35

如果唔係ftm, 又想happy d, 就sc la.... LH要父母投入好多時間
作者: wg_ann    時間: 20-4-23 17:54     標題: 回覆樓主:

兩間都係好學校，基本上入邊個都唔覺有大分別。
既然係雙職家庭又target直私，可考慮下自己需唔需要考小支援，另外LH都多活動俾家長自由參與（如聖誕表演，運動會等），雖然不是強制，家長願唔願意請假參與下學校活動。
作者: hariet909    時間: 20-4-24 00:47

pepperlunch 發表於 20-4-23 00:14
本帖最後由 pepperlunch 於 20-4-23 00:23 編輯

SC及LH都收了我小朋友K1，但下個月初就要決定讀邊一間了， ...

你的情況來說，SC較合適。
作者: estherpang    時間: 20-4-24 01:25

性格好動，希望愉快學習；呢兩個條件覺得SC 會比較適合

另外，雙職家長有機會覺得LH 會辛苦，因為expect 家長投入度高，同埋課程方面都expect 家長自己要跟多d

再另另外，外唔外補同讀邊間幼稚無關，其實純粹取決於定長自己心態。邊間幼稚園都有人補到顛；正如SC 一樣有人零外補考入神校。所以切勿道聽途說
作者: pepperlunch    時間: 20-4-24 15:29

好多謝大家嘅意見！ 大家講嘅都係好有道理
作者: pepperlunch    時間: 20-4-25 00:15

hariet909 發表於 20-4-24 00:47
你的情況來說，SC較合適。

點解你覺得SC比較合適既？係咪因為我地全職工作，可能無咁多時間參與學校活動呀？
作者: pepperlunch    時間: 20-4-25 00:23

popofat 發表於 20-4-23 02:07
咁樓主有冇考慮自己作為家長可以付出幾多時間。如果不是full time mum. LH 有教材，透明度高，可能比較適合 ...

我都聽過LH要家長參與學校活動相對比較多，以為唔係full time mum反而跟得吃力添。
作者: popofat    時間: 20-4-25 00:40

pepperlunch 發表於 20-4-25 00:23
我都聽過LH要家長參與學校活動相對比較多，以為唔係full time mum反而跟得吃力添。
...

我好朋友兩個小朋友都係LH, 佢話大部份同學都係雙職家長。因為LH 配套好，只要跟住學校進度，升小成績都不俗，不一定要外補。
作者: NNbaby    時間: 20-4-25 11:10

比較過兩間教材，覺得LH深啲，有啟迪班，升小支援多啲。
作者: hariet909    時間: 20-4-25 13:00

pepperlunch 發表於 20-4-25 00:15
點解你覺得SC比較合適既？係咪因為我地全職工作，可能無咁多時間參與學校活動呀？
...

是的。LH老師需要家長跟得好貼，而且每月都有活動（上學時間）需要出席，多時一個月會有兩次，大部分家長都是兩個一起去的，如果兩公婆都不方便經常請假，並不建議讀LH。

另外，LH需要做很多親子功課，如經常會有親子手勞作，對勞作的要求亦高，必需按時交回。不用說課餘溫習了，學校需要家長付出很多。如果父母工作繁忙，很難兼顧。
作者: ggyan    時間: 20-4-25 13:18

hariet909 發表於 20-4-25 13:00
是的。LH老師需要家長跟得好貼，而且每月都有活動（上學時間）需要出席，多時一個月會有兩次，大部分家長 ...

LH 用家，雙職家長，我覺得學校課程有系統，家長好輕鬆冇乜野跟。親子功課其實全年只有開放日果一份，而且是optional交的。家長同小朋友都好喜歡學校。供參考～
作者: 50267612    時間: 20-4-25 13:27

有SC一定揀SC! 傳統名幼、升神小冇得輸！
作者: wg_ann    時間: 20-4-25 14:40

hariet909 發表於 20-4-25 13:00
是的。LH老師需要家長跟得好貼，而且每月都有活動（上學時間）需要出席，多時一個月會有兩次，大部分家長 ...

不知你是否LH用家，但LH其實非常非常少親子勞作，一年只有一份，用作開放日展示，而且亦是optional, 家長hea做或者唔交都無所謂，但確實有好多家長（包括我）好俾心機去做，因為LH家長好多都好投入。日常功課小朋友自己完成，老師上堂講一次，小朋友有留心在家一定可自己完成，而且唔係親子功課，基本上唔洗點跟。
作者: schrodinger    時間: 20-4-26 22:28

提示: 作者被禁止或刪除 內容自動屏蔽
作者: JN1999    時間: 20-4-26 23:30

兩間風格唔同，一樣係好學校

要名氣，有background就SC

LH 就一般裝備到小朋友考到不錯的直私

作者: Carolnmtsui    時間: 20-4-27 11:37

回覆 pepperlunch 的帖子

如果想升神校，兩間一樣要有特别技能或者是學術超班。如目標係一，二線直私，兩間一樣要父母肯花時間去跟。 相對LH支援好d但SC壓力小，英語口語好，相對Happy過LH.
作者: DengCK    時間: 20-5-13 00:11

話Lh好多親子勞作，一定唔係讀LH。如上面其中一位所講，LH一年得一份親子勞作，就係for開放日

至於話SC比Lh happy school,我就認為無乜幼稚園係唔happy的，而我小朋友在LH讀，佢同佢d同學仔都好happy

呢兩間學校，就好似買藍籌股定買有概念新股。如果要傳统名氣就SC
作者: KuenMa    時間: 20-6-5 16:25

其實我的兒子已長大了,  他是SC畢業生,  今天也是看到有關SC的話題才入來看看,  只想說一下我的經驗

SC真的是一間happy school.  小朋友無壓力,  家長開心,  功課量小,
上直資小學時函接非常順利, 當時我也是在職媽媽,  回家時不用為他的功課操心,  只是和他玩, 看書, 睇電視,  大家開心渡過了幼稚園的幾年

SC的家長多專業人士,  會俾錢子女讀很多興趣班和課外活動,  但是否有補習就不知道了,  也不知道SC現時的情況,   希望幫到你呢
作者: nicoleyying    時間: 20-6-17 19:47

schrodinger 發表於 20-4-26 22:28
通常一SC vs LH，LH家長就會湧出黎支持學校，而SC家長通常就慳返啖氣。

以家長對學校忠誠度黎講，一定係LH ...

我兩位小朋友讀LH，學校真係好重視家校合作，同父母有好多溝通，所以家長對學校真係有好大歸屬感。

大女今年K3，喺疫情期間，學校真係用上好多資源繼續敎學，小朋友每一日都有繼續上堂做功課，一復課就同佢哋準備小一適應，對於LH嘅挑剔，就真係學費貴咗啲，但我覺得係值得畀。

大女未入LH 之前，亦聽過話LH 課程深，我地係雙職家庭，都有怕會跟得吃力，但其實功課+勞作係適量，如之前幾位LH 家長講，一定冇逼而且係可應付，LH 絕對係一間有學術嘅happy school。我有一年出席過學校課程focus group，有家長問會唔會L1 開始寫字，學校答唔會，因為K1小手肌未發展成熟，唔適合寫字，我好impresses, 學校係真係以學生發展行先而唔係一味谷，佢哋係真係有方法train 小朋友同令小朋友鍾意返學。比起好多話返happy school 之後又不斷外補好好多

今年升小遊戲又社運又疫情，真係唔容易，感恩LH train 得大女好好，升小過程好順利。LH 對升小嘅支援係無容置疑，有人可能覺得咁進取train 小朋友interview, 好學店feel, 我只可以話百貨應百客，我target 係直私小學，我覺得同學校work 得好好，校長好樂意幫忙又會搵好多舊生家長分享。對我好有幫助

作者: pepperlunch    時間: 20-6-17 20:46

nicoleyying 發表於 20-6-17 19:47
我兩位小朋友讀LH，學校真係好重視家校合作，同父母有好多溝通，所以家長對學校真係有好大歸屬感。

大女 ...

好多謝你意見呀，你講得好詳細。我地都係雙職家庭，你既意見的確令我放下好多疑慮。我絕對相信LH係一間好學校，只係擔心正如外間所講一味谷，怕小朋友讀得辛苦。
作者: bananawi    時間: 20-6-17 21:15

pepperlunch 發表於 20-6-17 20:46
好多謝你意見呀，你講得好詳細。我地都係雙職家庭，你既意見的確令我放下好多疑慮。我絕對相信LH係一間好 ...

小朋友讀緊
真心課程係深，好多野要家長係屋企教導

但我小朋友好鐘意返學同埋屋企自學。

LH 成功在於係誘導小朋友學習興趣
作者: 譚何蓉頣    時間: 20-6-17 21:17

考到凱帆LH同SC..你小朋友應該很醒目，資質好好
呢兩間幼稚園都是很好的，小朋友資質好，加上你又肯栽培，其實讀呢兩間幼稚園任何其中一間，結果都會是很好的，從自己個心出發，揀間自己最心儀就好。不過如果兩間都心儀， 因SC 需要家長參與度較高，如果雙職父母，則LH 較略勝一籌。只屬個人意見，
作者: pepperlunch    時間: 20-6-17 21:25

譚何蓉頣 發表於 20-6-17 21:17
考到凱帆LH同SC..你小朋友應該很醒目，資質好好
呢兩間幼稚園都是很好的，小朋友資質好，加上你又肯栽培， ...

SC需要家長參與度較高架？我真係唔識人讀SC，網上亦唔太多人講SC有關呢方面資料，所以比較唔到。反而我一開始覺得LH比SC更需要家長參與度多啲添，因為網上都睇唔少話LH老師同家長都有定期溝通，亦有唔少親子活動。
作者: pepperlunch    時間: 20-6-17 23:41

bananawi 發表於 20-6-17 21:15
小朋友讀緊
真心課程係深，好多野要家長係屋企教導

要令到小朋友對學習有興趣係好緊要，又再了解多啲LH，多謝你這位用家分享呀！
作者: Novemberboy    時間: 20-6-24 18:37

schrodinger 發表於 20-4-26 22:28
通常一SC vs LH，LH家長就會湧出黎支持學校，而SC家長通常就慳返啖氣。

以家長對學校忠誠度黎講，一定係LH ...

哈哈，十分同意你所講
作者: Orlando2020    時間: 20-10-13 22:02     標題: 回覆樓主：

本帖最後由 Orlando2020 於 20-10-13 22:03 編輯

Delete
作者: Burtbe    時間: 20-11-4 20:39

pepperlunch 發表於 20-6-17 21:25
SC需要家長參與度較高架？我真係唔識人讀SC，網上亦唔太多人講SC有關呢方面資料，所以比較唔到。反而我一 ...

本帖最後由 Burtbe 於 20-11-4 20:45 編輯

SC 我地雙職家長，放工就對下功課，通常自動做好，除非吾識，之後全玩玩同玩。起碼3至4樣功課，但好快完成，因為上堂開心，放學記住老師吩付要带的物件，返家一入門已經告訴我地明天帶乜乜乜，無乜需要参與功課上問題。家長義工只有時間先参與。free到爆。
提一下同埋今年開始加深左課程。班主任都有講深左同多左功課做，課程緊密左。
但我眼見，日日開心返學。
外補其實睇家長，有時人有我有心態多D，吾係個個外補，畫畫音樂就多D。
作者: keechoi    時間: 20-11-14 03:23

考直私sc會好d
LH都好，但校長會轉來轉去
作者: 快樂火雞    時間: 20-11-14 17:59

講名氣LH同SC現在已經差不多，LH谷小小。如果難以取捨就揀近的。
作者: Dayc    時間: 21-1-10 00:47

pepperlunch 發表於 20-4-23 00:14
本帖最後由 pepperlunch 於 20-4-23 00:23 編輯

SC及LH都收了我小朋友K1，但下個月初就要決定讀邊一間了， ...

請問樓主最後揀左邊間？
過了一學期，有沒有甚麼經驗分享？
作者: HappyCheerBaby    時間: 21-1-10 01:50

我用依兩間學校身份回答你，依兩間都係好學校，我唔覺得依兩間學校經常要求家長好多參與，我以前會覺得讀SC考小一好D, 但今時今日，學之園考小一有機會入名校，原因係學之園教學配套好，學術程度高，有啟迪班可以協助小一面試。
作者: 黃大力    時間: 21-1-10 13:50

都唔同級數，SC明顯高一班，LH最好係青衣個間
作者: pepperlunch    時間: 21-1-11 00:28

Dayc 發表於 21-1-10 00:47
請問樓主最後揀左邊間？
過了一學期，有沒有甚麼經驗分享？

最後，我地都係揀咗LH。返咗幾個月，LH既教材係幾好，有自己一套教材。就算依家要網課，睇得出佢地都好有心機做。網課後，每日老師都會上載短片，教小朋友做家課。我小朋友都好鍾意睇佢地啲片。

至於係咪谷，暫時我地都覺得OK，未算太過谷。但教既野，的確係有啲深。Phonic有啲生字我都唔識，但K1就要學。

另外，家長通告就有啲亂。有啲就經電郵，有啲就經學校app，有啲就每星期功課時夾埋。有時想搵番都要諗下喺邊到見到個通告。
作者: a_bah0704    時間: 21-1-11 13:22

keechoi 發表於 20-11-14 03:23
考直私sc會好d
LH都好，但校長會轉來轉去

大囡2013入LH LV讀K1, 那時任職的校長仍在，已7年多了。近來聽講TY branch校長也是因為校內升職所以才轉校長。
作者: happypapa11    時間: 21-1-12 04:02

黃大力 發表於 21-1-10 13:50
都唔同級數，SC明顯高一班，LH最好係青衣個間

同意
雖然LH既教材係好，但始終sc、kv高一班。
作者: 黃大力    時間: 21-1-12 11:31

本帖最後由 黃大力 於 21-1-12 11:31 編輯
happypapa11 發表於 21-1-12 04:02
同意
雖然LH既教材係好，但始終sc、kv高一班。

LH青衣學術強，乖，整體水平中上，其他LH分校稍次
SC普遍英文程度高過其他幼稚園，性格自信，中上遊個堆好勁搶盡名小學位，但也有一堆普通才能小朋友

KV全學術型強攻型，但多數小朋友表現不夠主動內向，也有一堆普通才能小朋友

作者: Dayc    時間: 21-1-21 08:58

pepperlunch 發表於 21-1-11 00:28
最後，我地都係揀咗LH。返咗幾個月，LH既教材係幾好，有自己一套教材。就算依家要網課，睇得出佢地都好有 ...

謝謝詳細分析




歡迎光臨 教育王國 (/) Powered by Discuz! X1.5