教育王國

標題: 怎樣才算是多活動的Band 1 中學? [打印本頁]

作者: 小余 時間: 20-4-22 01:59 標題: 怎樣才算是多活動的Band 1 中學?

即使是一些所謂“齋讀書”無乜活動的中學，一些傳統嘅"XX學會"或“XX球隊”之類仍然係會有。
另一方面，一些所謂“多活動”的中學，特別的活動可能都係學界得獎的的“XX球隊”（即係要入隊必須要已經達到高水平），位少又多人爭餐飽的STEM/robot workshop之類(要"獲選"才有得join，即係要乖要成績好啦)...
咁好似我哋呢啲小朋友無話標青，無特異功能的，其實咪又係得返果啲老老套套嘅XX學會比佢玩? 其實同啲“齋讀書無活動”嘅中學比較，其實有什麼分別?

作者: ucw 時間: 20-4-22 02:08

回覆小余的帖子

中學六年，或者就係畀佢搵自己喜歡嘅，然後鑽研落去。
唔同學校唔同學會/校隊實質點操作，係意思意思，或是啖啖肉，難一概而論。

作者: boboT 時間: 20-4-22 04:13

小余發表於 20-4-22 01:59
即使是一些所謂“齋讀書”無乜活動的中學，一些傳統嘅"XX學會"或“XX球隊”之類仍然係會有。
另一方面，一 ...

課外活動唔係所有人的主菜，普通人家去啲課外活動強校連玩都無份玩。
課外活動亦唔係一間學校內所有學生重點，升學始終睇成績，讀書始終求學問。

作者: mcl203 時間: 20-4-22 06:22

小余發表於 20-4-22 01:59
即使是一些所謂“齋讀書”無乜活動的中學，一些傳統嘅"XX學會"或“XX球隊”之類仍然係會有。
另一方面，一 ...

好多活動嘅，就算運動都有好多嘅，要玩嘅一定有計～～～

作者: YmOra 時間: 20-4-22 07:25

小余發表於 20-4-22 01:59
即使是一些所謂“齋讀書”無乜活動的中學，一些傳統嘅"XX學會"或“XX球隊”之類仍然係會有。
另一方面，一 ...

個人認為，多活動嘅中學係比一般既定常規活動多，及少學校會有的活動而有的就是多活動之中學。至於，供過於求就必需經過競爭，當然，如果中學係為咗推廣該活動嘅話，人數應該不會有限制。如我校之"中國舞"係出名亦多人報名，報名人數係無限制，人人皆有機會學習。有關個別活動之資料，你可以去聽簡介會時向有關學會咨詢清楚，這些都是升中選校其中要知的考慮。

作者: b3410 時間: 20-4-22 09:14

其實，我覺得多唔多活動，係睇學校的策略，發展方向，是否學業（DSE成績）第一，還是全人發展。具體就係預留幾多時間你，還是很容易區分的。
如果好多功課，多補堂，補習，考試測驗，每日返學上堂功課溫書已經用盡所有時間精力，就算學校參加幾十個club, team，也沒有精力去“活動”。

反之，少測考，功課適量，彈性大，同學有自己的時間，才可能去參加各種活動。如果自己有興趣而學校沒有的活動，可以幾個朋友一起創建一個學會，自己做fundamental member, 幾過癮。

作者: Charlotte_mom 時間: 20-4-22 09:29

小女小兒都係運動白痴，某程度上理解樓主疑慮
我認同，如果活動比賽都係選尖子，一般平民百姓無得join，佢有誇啦啦嘅校隊都唔關我事，除非學校team spirit好強，同校真心好想去做啦啦隊打氣都與有榮焉（有嘅，但去到全港稱霸級數又有team spirit嘅學校唔多）

咁情況下我會留意學校所謂多元發展有無顧及平民百姓（雖然好難8，真係要問返校內家長至知），例如一般黎講學生做領袖生嘅機會（su, 社，班，咩咩委員，sub com，好多架wor）。攪唔同嘅活動，是否每次只讓果幾個尖子參加。例如班代表、班際壁報比賽、社際xx比賽、司儀等，唔駛尖子至做得丫

作者: naicha 時間: 20-4-22 10:12

我反而覺得活動同校隊無關, D運動校隊, 樂團, 合唱團, 出去比賽係另一樣嘢, 特定有才能的同學玩。

學會嗰啲要自己主動報名, 但有D多活動的學校其實好多班際表演, 例如聖誕表演, 好多嘢策劃又多嘢玩的年度開放日, 每班都要玩(即係班裡的學生點都有負責的部份), 又會有咩設計比賽呀(fashion呀, 環保呀etc), 總之想玩冇話冇機會, 一定會assign到d嘢比你, 如果一心自己摺埋就冇計啦....

作者: mcl203 時間: 20-4-22 10:18

似乎，樓主所指嘅活動，並非係指靜態活動喎～～～

歡迎光臨教育王國 (/)