教育王國

標題: 樂沛兒幼稚園 [打印本頁]

作者: NatNatBao 時間: 20-4-19 10:43 標題: 樂沛兒幼稚園

本帖最後由 NatNatBao 於 20-4-19 10:46 編輯

有冇用家可以分享樂沛兒幼稚園, 例如語境、師資、課程深淺等...? 我小朋友報咗K1.

上網見話呢間學校D老師都幾nice, 毎班都唔多學生，不過其實學校一班到底有幾多個N, K1, K2 & K3 學生?

我見討論區唔多有關呢間幼稚園的討論...請用家分享一下, 謝謝!!

作者: chiucy 時間: 20-4-19 11:50

我都想知

作者: My-jade 時間: 20-4-22 16:15

朋友讀過，好像一班十幾人

作者: Xinletter 時間: 20-4-22 16:52

如果有其他心儀學校，我會考慮其他。因為我都是N班家長，感覺學校課程只是催谷，不斷要求參與學校額外下午興趣班去補足課程。例如現在學校停課，通常都要家長問左學校下一步先有答案，學校好似無乜計劃及方案，感覺好差，所以退學了

作者: NatNatBao 時間: 20-4-23 09:59

回覆 Xinletter 的帖子

我依家仲有考慮土瓜灣方方。
可以麻煩你分享下學校點樣催谷學生呀？下午興趣班可以唔報嗎？唔報會小朋友唔會跟唔上？
現在停課，學校不是有用Zoom上堂嗎？請問可否詳細D講下點解你覺得學校無乜計劃及方案？
我想報樂沛兒K1, 上網爬文見到有家長話樂沛兒老師好有愛心，課程用STEAM教學以引發小朋友的好奇心，每班有一位國語、一位英語老師及一位廣東話班主任，似乎幾好....
你小朋友是男定女？佢鍾意返樂沛兒嗎?

作者: My-jade 時間: 20-4-23 15:35

我朋友話幾好，升小唔錯，小一上傳統學校都應付到，中英文基礎好。

作者: Xinletter 時間: 20-4-24 09:17

回覆 NatNatBao 的帖子

學校每月都派通告，有兩文三語班上，好似上完去考試既。我見放學後有學生留校食飯，食完去上堂。應該唔報都得，但跟唔跟到課程就唔肯定了。

作者: Xinletter 時間: 20-4-24 09:22

回覆 Xinletter 的帖子

Zoom好似係3月先有，早前話拍片，然後又改分組zoom，後來又接到電話先話三十幾人一齊zoom。老師係好既，不過只是覺得學校行政一般

作者: My-jade 時間: 20-4-24 10:31

本帖最後由 My-jade 於 20-4-24 10:33 編輯

我朋友話佢沒有上下午的班，但仔仔都跟到，但係今次停課都係空前絕後，其實好多幼稚園剛剛開始都有些亂，唔止這一間幼稚園，我自己小朋友的私立幼稚園(不是樂沛兒)都是三月開始Zoom，第一次老師都唔太識用，小朋友大叫老師唔識Mute

，搞到畫面不停轉，到現在老師掌握好好，我都沒有投訴，因為疫情下人人都不容易，自己既然是選擇了私立，就一起走下去，今次是沒有人可以預計的事。

作者: Bobobeemama 時間: 20-4-27 20:03

Xinletter 發表於 20-4-24 09:22
回覆 Xinletter 的帖子

Zoom好似係3月先有，早前話拍片，然後又改分組zoom，後來又接到電話先話三十幾人一 ...

請問你小朋友一班有幾人？官網課室啲圖片好似吾大，會吾會好迫？

作者: Xinletter 時間: 20-4-28 14:39

回覆 Bobobeemama 的帖子

因為是N班，上學期每個月都有學生夠2歲就插班，去到上學期尾，見家長見到名單已經有24-26人，係逼既。有問過老師，話下學期都有7-8個新生。如果正常開學，應該會有成30人一班。每個月都有新生要適應，所以我個女返黎會話xx喊...

作者: eden_mom 時間: 20-5-7 19:40

本帖最後由 eden_mom 於 20-5-7 19:58 編輯

我小朋友舊年都係讀N班，可能哥哥讀其他幼稚園有對比，樂沛兒的課室空間算大，今年囝仔上咗K1，一直非常滿意佢哋兩文三語嘅課程，以佢嘅交學費，能夠比到咁高質素嘅課程同師資，香港好難搵。舊年好些同學仔，就算去咗龍校上K1，都專登返嚟讀課後班。我小朋友暫時仍然要瞓晏覺，所以冇參加課後班，但程度都追得上，仲讀得好開心，三個班主任都好有心❤️
比起哥哥嘅九龍塘幼稚園，樂沛兒深淺適中。之前哥哥讀嘅學校程度非常深，學校支援少，要放學自己出去搵補習班。但弟弟喺樂沛兒讀，我放晒手俾老師，佢而家兩文三語都好流利，自己可以識得讀英文同普通話嘅教科書，上學期仲參加左普通話朗誦比賽，個個同學都攞到名次，超開心!
我一向好少上社交平台，不過近來疫情緣故，留喺屋企時間多咗，無意間睇到呢個post。
佢哋係停課咁耐除咗zoom同老師互動兩日之外，仲每日都有兩文三語教學短片，keep住仔仔程度。好欣賞學校由校長到校工姐姐，都充滿活力同愛心！你地放心揀呢間學校！雖然學校只有五年，又唔算大校，但過去幾年畢業生都好出眾，你哋上網睇吓佢個網頁同埋Facebook就知

作者: noelip 時間: 20-5-29 01:04

Xinletter 發表於 20-4-22 16:52
如果有其他心儀學校，我會考慮其他。因為我都是N班家長，感覺學校課程只是催谷，不斷要求參與學校額外下午 ...

我都是Ｎ班家長，感覺真是好差，行政混亂，大失所望！所以都退學了

作者: mamaman2017 時間: 20-5-29 12:10

回覆 NatNatBao 的帖子

點解唔繼續方方?

作者: CalvinFong 時間: 20-6-6 14:11

我個小朋友係樂沛兒畢業生，學校做得好好，外藉老師全都是英美籍，好少外籍老師咁有愛心，學校嘅跨學科好有啟發性。
好感謝學校團隊上下一心，校董同校長會有個別傾談，幫我哋如何選擇合適小學，我個小朋友同其他同學仔都考入好理想嘅直資/私立小學❤️❤️❤️

歡迎光臨教育王國 (/)