教育王國

標題: On 男校 [打印本頁]

作者: ucw 時間: 20-4-14 22:57 標題: On 男校

適逢自行分配學位派offers，又一時手痕，寫咗啲對比較多人關注學校嘅睇法。數據上，其他熱心網友有大量資源，不必班門弄斧。人人皆有所好，如有得罪，文責當在於己。學校排名以英文簡稱排序。

—-

DBS（男拔）：音樂體育班霸，係學校多年傳統，亦係前任張校長嘅legacy。有得必有失，公開試平均成績落後喇沙等主要對手。想收窄差距以至打平，但收幾多學術人幾多體藝人難以拿捏。戰線眾多既為blessing，亦為挑戰—-特別是以升學主義及 ”交數“ 比拼益烈的香港。

LSC（喇沙）：學術同皇仁打平。體育close second，但要超越男拔就要收多啲運動員。收到未必贏男拔但成績又保唔住，係喇沙努力避免嘅情況。佢哋想追Co-Ed嘅（學術上吸引到仔唔去喇沙），但中文科關係，加上學生基數大（七班），平均數好難再起太多。派位制度下，已經將大抽獎入喇沙嘅比例盡量壓縮（238個位中，214個係自行/喇沙小學），所以都已經做到盡。音樂上中樂仍係班霸，然西樂則仍為男拔佔優。

QC（皇仁）：keep住每年有狀元係維持學校名氣最有效嘅方法。音樂同體育個別單項係學界前列，但受制學生基數（四班），無咩空間再上。官校關係，非保留學額多於同級對手，所以又係，已經盡做。學校管理上，QC於八九十年代較為hands-off，學生較為自由。近年師生關係較緊張，現任校長會如何處理，可以留意。

SJC（聖若瑟）：與喇沙同屬喇沙會，基於辦學團體理念，轉直資係無得傾。學校於會考時代屢出狀元，令文憑試時代受到壓力。校方於學校發展計劃明言，學生重英輕中乃須處理弱項。學業為先亦影響該校以往廣泛參與的體藝等活動。個別項目其實努力向上（如籃球）。

SPC（聖保羅）：自轉直資後，公開試成績收復千禧年前後的失地（於4+率反映）唯反映學生公開試表現的數據（未有5+率）仍較難與他校作比較。除資源因素，亦多少與其身為港島區僅有直資男校的市場定位有關。音樂參與較多，體育個別項目突出（如羽毛球）。

WYHK（香港華仁）：港華轉直資申請遭否決，而大抽獎比例亦已盡量壓縮（大多數是自行分配及華仁小學），反映港華正力求追回失地，但短期未有很快方法。華小作為feeder school 對港華影響有幾大，缺乏資料判斷。值得留意嘅係，新校長會帶來甚麼改變。

WYK（九龍華仁）：與港華同屬耶穌會，九華於學術成績上相對而言比較穩定。中文科曾為其硬傷（約1/3獲3以下）但近年已較改善（收窄至不足兩成）。曾經頗為自由的學風於文憑試時代已見改變。體藝仍有較廣泛參與。

YWC (英華）：會考年代後期，公開試成績下降。中小學轉直資後如何重拾輝煌乃英華頭號問題。如果Pre-S1 HKAT成績可推測公開試表現，英華由2014-2019年HKAT平均分數已靠近SPC甚至QC水平。公開試成績預期未來幾年（2023-25）會提升，而非英華小學轉直資後首屆（即今年）。所以，如何於此期間（2020-2022）說服top students加入英華就考工夫。

體藝方面，體育投入比音樂大，亦較多突圍項目（如籃球），亦為維持學生榮譽感。

作者: NNbaby 時間: 20-4-14 23:25

support

作者: 思思baby 時間: 20-4-14 23:52 標題: 回覆樓主:

好詳細

作者: chanti 時間: 20-4-15 00:10

ucw 發表於 20-4-14 22:57
適逢自行分配學位派offers，又一時手痕，寫咗啲對比較多人關注學校嘅睇法。數據上，其他熱心網友有大量資源 ...

會否有女校版？期待

作者: wendycyp 時間: 20-4-15 00:47

好詳細，謝謝

作者: boboT 時間: 20-4-15 08:48 標題: 回覆樓主:

見到 DB 收好多純學術

作者: flower9 時間: 20-4-15 08:53

提示: 作者被禁止或刪除內容自動屏蔽

作者: nkf 時間: 20-4-15 10:21

ucw 發表於 20-4-14 22:57
適逢自行分配學位派offers，又一時手痕，寫咗啲對比較多人關注學校嘅睇法。數據上，其他熱心網友有大量資源 ...

皇帝唔見左? 咁會搞到皇后好寂寞，要去尋夫啵。

作者: ucw 時間: 20-4-15 10:42

回覆 nkf 的帖子

KC (英皇)

KC 同 QC 同是官校，同樣要預留一定數目非保留學額作大抽獎，所以喺intake上比較被動。名牌效應亦有分別 (QC 喺學術上執官校牛耳多年)，而KC 喺會考年代後期係遇過低潮 (亦衎生過轉直資討論)。

如果學校發展計劃(SDP) 係 any guide, 最急切挑戰並非回不回到七八十年代嘅名聲，而係學生學習及閱讀動機 (In which 唔係 KC 獨有)。

學生人數減少，兼要集中工夫於學業、體藝等OLE相比以往無咁活躍。

作者: nkf 時間: 20-4-15 10:54

ucw 發表於 20-4-15 10:42
回覆 nkf 的帖子

KC (英皇)

太好，皇帝返來了，皇后不再寂寞，唔該哂!

作者: kiwi2007 時間: 20-4-15 14:19

本帖最後由 kiwi2007 於 20-4-15 14:20 編輯

路過，講兩句，英皇書院:
~創於 1926年，法定一級歷史建築
~據聞現任鄧校長是 SPC 校友，未知會否借鏡保羅人的長處而帶領 KC 再創高峯
~聯繫小學包括:李陞、南區官小、般官小及香島官小
~自行位每年約500人申請，全部人也有面試機會
~KC有個教育基金，儲備尚算豐厚(接近8位數字)，所以好多學生活動也是免費的，包括校際朗誦及音樂節
~坊間總愛以「平民學校」稱呼 KC, 因為您真係唔會見到返學/放學時有大量名牌房車在學校附近接送少爺; 也不會有人穿著/佩戴價值數千元的名牌皮鞋/皮帶;亦不會有學生於午飯時飛的士去馬會/酒店食luxurious lunch
~校風樸實，典型書生look, 十分配合校花-無花果( Fig)實而不華的特徵
~揀得 KC, 家長大概都知道英皇現在的實況:不是至神至勁的 choice、沒有勁催谷、沒有勁靚和先進校園設施、沒有極具吸引的宣傳和公關技巧..., 所有野也是低調的
~坊間總愛說KC 已不及當年勇。It is very true. 或者真係以前太叻，所以後勁不繼，原因太多，未能盡錄，總之 u pick it if u like it
~至叻的會考年代，連住元朗的叻女也會跳槽去 KC。而校內有7個實驗室，預科班時有一班叫做 pre-medical class,可想而知當年同學的濃厚學習氣氛和鬥心

作者: bobbob 時間: 20-4-15 14:30

nkf 發表於 20-4-15 10:54
太好，皇帝返來了，皇后不再寂寞，唔該哂!

題外話，應該係女皇，唔係皇后

作者: fatman69 時間: 20-4-15 14:57

ucw 發表於 20-4-15 10:42
回覆 nkf 的帖子

KC (英皇)

陳慧琳，蓋明輝都係校友？

作者: hippoo 時間: 20-4-15 15:49

謝謝你!
可否分享埋其他B1A / 名男女中學

作者: Duffy15 時間: 20-4-15 18:06

全部都係神男校，可否提供下band 2男校資料，例如：陳瑞祺喇沙，九龍鄧鏡波，德信等等

作者: hkpapa852 時間: 20-4-15 18:15

fatman69 發表於 20-4-15 14:57
陳慧琳，蓋明輝都係校友？

KC曾試過中六收女生。記得N年前有單花邊新聞係講有人影到身穿KC校服既少男少女係唔記得邊個有名建築物（好似係前立法會大樓）旁拍拖。

作者: cornelius 時間: 20-4-16 09:47

本帖最後由 cornelius 於 20-4-16 09:47 編輯

fatman69 發表於 20-4-15 14:57
陳慧琳，蓋明輝都係校友？

我是舊生，未有聽聞這兩位是校友，反而鄧麗盈(藝名，即當年曾與蔡楓華一起主持勁歌金曲那位)係我個師姐。

另外，莫文蔚個爸爸曾做過英皇校長，他們姓Morris，學校六個House其中一個以此命名，我也是屬於Morris House的。

作者: fatman69 時間: 20-4-16 11:42

cornelius 發表於 20-4-16 09:47
我是舊生，未有聽聞這兩位是校友，反而鄧麗盈(藝名，即當年曾與蔡楓華一起主持勁歌金曲那位)係我個師姐。
...

我在書局看見一本KC160週年特刊，看過知名校友一欄，在演藝界中有其名字。

作者: 232 時間: 20-4-18 00:06

kiwi2007 發表於 20-4-15 14:19
路過，講兩句，英皇書院:
~創於 1926年，法定一級歷史建築
~據聞現任鄧校長是 SPC 校友，未知會否借鏡保羅 ...

鄧校長from SPC??
你從哪裡得知

作者: nkd 時間: 20-5-8 15:36

八大行星，四大天王？

原來跟字母排列。

作者: DOCTORGG 時間: 20-5-8 17:10

hkpapa852 發表於 20-4-15 18:15
KC曾試過中六收女生。記得N年前有單花邊新聞係講有人影到身穿KC校服既少男少女係唔記得邊個有名建築物（好 ...

資深傳媒人潘麗瓊小姐以ㄧ張亮麗的會考成績單在1980 考入KC 就讀預科。男校女生！

歡迎光臨教育王國 (/)