教育王國

標題: 比人話儍 [打印本頁]

作者: mo515 時間: 20-4-13 22:06 標題: 比人話儍

小朋友巳5歲，自閉加有限智能，今日比小朋友出去跑下，有個小朋友同我仔話玩，但聽到小朋友話我仔儍，話佢唔識講嘢，我仔不是唔識講嘢，只是有時九唔搭八，我知道應該不要介懷，但心中仍不喜歡，講真邊個喜歡自己個仔比人話儍？
好擔心升小學返主流學校

作者: wycheung24 時間: 20-4-13 22:21

提示: 作者被禁止或刪除內容自動屏蔽

作者: 親親小寶 時間: 20-4-14 01:19

mo515 發表於 20-4-13 22:06
小朋友巳5歲，自閉加有限智能，今日比小朋友出去跑下，有個小朋友同我仔話玩，但聽到小朋友話我仔儍，話佢 ...

其實人哋講咩真係控制唔到，唯有係教自己小朋友唔好介懷人哋講嘢嘢，免得自己唔開心，教佢每個人總有嘢叻同唔叻。我哋做家長嘅最重要嘅係安撫自己小朋友嘅感受

作者: glamourstar 時間: 20-4-14 02:57

明白媽媽嗰種心痛，我自己都有一個三歲嘅自閉發展遲緩小朋友，（依家都未有乜嘢單字識講）都預咗之後佢成長條路，都會好難行，會有機會被歧視、同白眼。作為媽媽，我哋一定要堅強啲，唔好俾其他人/小朋友嘅說話影響，要多啲為我哋小朋友打氣，鼓勵佢。亦都唔好同其他小朋友比較，小朋友每日都有進步，能開心，健康成長就夠啦。

作者: mo515 時間: 20-4-14 08:17

glamourstar 發表於 20-4-14 02:57
明白媽媽嗰種心痛，我自己都有一個三歲嘅自閉發展遲緩小朋友，（依家都未有乜嘢單字識講）都預咗之後佢成 ...

我都明白，其實現在E 位又接近停晒，自己同佢做訓練，都覺得佢進步咗，我成日逼佢做訓練，我知道佢好辛苦，特別是言語治療，可能他講嘢唔叻，每次做佢都有少少抗拒

作者: helenwky01 時間: 20-4-15 19:02

提示: 作者被禁止或刪除內容自動屏蔽

作者: unfunny 時間: 20-4-19 22:19

mo515 發表於 20-4-13 22:06
小朋友巳5歲，自閉加有限智能，今日比小朋友出去跑下，有個小朋友同我仔話玩，但聽到小朋友話我仔儍，話佢 ...

我仔都係自閉加有限智能，宜家主流小學4年級，首先自己要豁出去接受阿仔成績排到可能最後，科科不合格，要自己接受求學不是求分數，明白阿仔返學目的為咩？我本人希望阿仔返學可以學習與人相處及溝通，自理能力，尼啲係我哋教唔到，學術分數差因為言語理解及表達差影響好大，加上教書又快又多，對我地小朋友來說未消化又有新野，所以大人小朋友都辛苦架，我都經歷過好多難受嘅野架，喊完同自己講唔好同人比，他每次有進步，什麼也值得架，你要升小一前跟他準備一下，例如學校要守規矩、服從老師指令，特別寫字要有心理準備係多同埋抄好手冊。

作者: wingrio 時間: 20-6-18 14:45

回覆 mo515 的帖子

其實就算正常小朋友都會比其他人蝦主流/特殊學校亦一樣有惡人

最緊要係教識小朋友點保護好自己

歡迎光臨教育王國 (/)