教育王國

標題: 準備升小一 [打印本頁]

作者: nanakochan 時間: 20-3-25 16:36 標題: 準備升小一

仔仔今年高班，停課期間，我每日都有教新野俾佢學，數學做緊小學四年級，中英文程度大概二三年級，有啲問題想請教過來人：
1）數學教快嘅原因係因為佢經常問我相關嘅問題，我得閒教啲，佢又學啲，佢pick up到，教吓教吓，我就決定跟小學課程嚟教，因為比較有系統，跟咗一排，佢係學到，但我發覺咁樣教法好dry, 例如教HCF LCM，有冇咩方法可以擴闊數學嘅領域，其實主要係阿媽覺得好悶，仔仔依然覺得好有趣

2）科普方面，佢有恆常閱讀習慣，但只要有某個topic，佢就會非常沉迷，早排沉迷恐龍，最近沉迷史前生物等等，可以鑽研得好深入，但要啟發佢嘅興趣，每次都要有一個切入點，例如帶佢去完恐龍博物館，佢就研究恐龍，去完海洋公園，佢就鑽研魚類，我想佢學習多啲比較貼地同社會息息相關嘅嘢，佢學習能力唔錯，可以分析比較複雜嘅題材，但就欠缺一個切入點，疫情期間又冇得出街，大家有冇啲好提議，或者好書推介？

謝謝

作者: MNIF 時間: 20-3-25 19:36

提示: 作者被禁止或刪除內容自動屏蔽

作者: nanakochan 時間: 20-3-25 21:48

可唔可以具體少少講下你嘅做法，我哋基督教家庭，之前有返教會，有一定信仰基礎，謝謝

作者: yaijing 時間: 20-3-25 22:19

提示: 作者被禁止或刪除內容自動屏蔽

作者: MNIF 時間: 20-3-25 23:22

提示: 作者被禁止或刪除內容自動屏蔽

作者: nanakochan 時間: 20-3-26 00:05

最基本是個有良知的人，品格培養我們從來沒有忽視，他是一個溫和的孩子，目前觀察硬知識是他的強項，但不是能言善辯能歌善舞好charismatic嗰種，希望他能夠以專業知識回饋社會

作者: kisani 時間: 20-3-26 01:19

nanakochan 發表於 20-3-25 16:36
仔仔今年高班，停課期間，我每日都有教新野俾佢學，數學做緊小學四年級，中英文程度大概二三年級，有啲問題 ...

日後打算跳級嗎? 若不，怕唔怕佢升小後上堂會感到沉悶而失去學習興趣同專注?

作者: LeeCC 時間: 20-3-26 07:46

本帖最後由 LeeCC 於 20-3-26 08:18 編輯

我認為不要再教小學可以學到的學術，反而繼續培養佢自學研究一些學校無得讀或無甘重視的科目或課題，例如天文，地理，氣候變化，歷史，生物，藝術音樂，最緊要佢有興趣就可以，無需要理會學校考試考唔考，佢本身甘叻，將來應該無需要日讀夜讀才有好成績，培養佢用多出的時間做喜歡的研究，唔好進入有時間就打機的生活模式

一，滿足佢求知欲
二，訓練佢自學，過程中媽咪可以教佢找資料歸納做筆記的技巧，唔係等人餵知識，自學能力比學術更重要
三，唔會同學校知識重複，將來上學就唔會悶

作者: MrBeast 時間: 20-3-26 09:13

我會從適應小學生活方向去諗，might do an iq test, 主要是find out 那一方面需要pay attention 和輔助，balance 一下

作者: nanakochan 時間: 20-3-26 09:21

kisani 發表於 20-3-26 01:19
日後打算跳級嗎? 若不，怕唔怕佢升小後上堂會感到沉悶而失去學習興趣同專注? ...

跳級應該唔會了，我好想佢同同齡嘅小朋友一起成長，其實仔仔自己本身唔覺得有任何過人之處，因為我教佢的時候成日話’阿xxx已經學識左，佢練習多幾次就可以，我諗你都得，不如你試吓啦’，所以喺佢心目中，佢以為佢識嘅嘢其他同學都識，從來沒有優越感。暫時老師冇投訴佢唔專心，但老師有留意到佢學嘢快啲，當佢做完課堂上嘅嘢之後，老師會比額外嘅嘢佢做，有次老師叫佢抄歌詞，佢又照做，好搞笑。同埋學校嘅教法同屋企嘅教法有不同之處，所以佢都好願意坐定定聽老師講。

作者: nanakochan 時間: 20-3-26 09:30

LeeCC 發表於 20-3-26 07:46
我認為不要再教小學可以學到的學術，反而繼續培養佢自學研究一些學校無得讀或無甘重視的科目或課題，例如天 ...

謝謝你的提點，非常有用，尤其是自學嗰方面，而家佢自己睇書的話，佢可以自行查閱傳統中英文字典，真係好睇佢興趣，例如佢近來沉迷緊史前生物，平時亦都會攞幾本唔同嘅書作內容比對，求真的精神我自問不及他，但我唔肯定佢識唔識歸納重點，我只係知道佢應該理解到。另外一啲比較複雜嘅概念，佢應該都要從旁指導，例如佢睇完一堆星球嘅書籍，要理解日蝕同月蝕，還是需要媽媽在附近畫圖或者攞個模型出嚟講解一下佢先掌握到，我都好想佢能夠自學，但有啲概念的確比較複雜。爸爸媽媽數理出身，歷史地理知識沒有很豐富，講真我近日都惡補緊歷史，以防仔仔突如其來的問題問到我口啞啞。

請問你有冇多少少關於訓練小朋友自學的經驗可以分享一下

屋企甚少用電子產品，有啲人話睇幾條YouTube片你仔仔應該學到，但我仲係比較抗拒呢個方法

作者: nanakochan 時間: 20-3-26 09:30

LeeCC 發表於 20-3-26 07:46
我認為不要再教小學可以學到的學術，反而繼續培養佢自學研究一些學校無得讀或無甘重視的科目或課題，例如天 ...

本帖最後由 nanakochan 於 20-3-26 09:32 編輯

謝謝MrBeast回覆, 上小學會再同老師傾下，睇吓有冇需要做IQ Test

作者: jli008 時間: 20-3-26 11:02

提示: 作者被禁止或刪除內容自動屏蔽

作者: MNIF 時間: 20-3-26 12:52

提示: 作者被禁止或刪除內容自動屏蔽

作者: MrBeast 時間: 20-3-26 14:12

nanakochan 發表於 20-3-26 09:30
本帖最後由 nanakochan 於 20-3-26 09:32 編輯

謝謝MrBeast回覆, 上小學會再同老師傾下，睇吓有冇需要 ...

小學對普通小朋友來說是一個很大的轉變，資優的若在沒有足夠支援的學校更難（都是看ek網友分享）。就算未必是資優，一些處理資優兒的技巧可以都可以用得上，不防早一點準備

作者: nanakochan 時間: 20-3-26 15:04

多謝各位的建議，好有啟發性，近日疫情影響，心情煩躁不安，每天待在家裏，想着想着育兒失了方向，現在思路比較清晰了，謝謝各位

作者: MNIF 時間: 20-3-26 15:06

提示: 作者被禁止或刪除內容自動屏蔽

作者: LeeCC 時間: 20-3-26 15:14

樓主不如去隔離資優教育版睇下

作者: MrBeast 時間: 20-3-26 15:28

MNIF 發表於 20-3-26 15:06
我有點疑問，資優兒定義是什麼？如何介定?想了解吓。

ek 臥虎藏龍，不想班門弄斧，只知以前好簡單iq130+，有錯或補充歡迎其他資優家長搭咀

作者: MNIF 時間: 20-3-26 16:19

提示: 作者被禁止或刪除內容自動屏蔽

作者: MrBeast 時間: 20-3-26 16:37

MNIF 發表於 20-3-26 16:19
明白。我都有看過隔離版資優兒嘅情況，不過都係攪唔清楚，若然話高IQ ,咁應該叫智優兒比較合適。但係所謂資 ...

只知e加細分了，eg, 可以有音樂資優，但唔清楚點計，我有fd test 過score 130 但佢話唔算資優

作者: MNIF 時間: 20-3-26 17:22

提示: 作者被禁止或刪除內容自動屏蔽

作者: MrBeast 時間: 20-3-26 17:56

MNIF 發表於 20-3-26 17:22
如果咁細分，有冇語言資優？如果有，我仔90%係語言資優果種(三歲左右計)記得當年幼稚園老師，俾分大埔教育 ...

有ar, C家做好貴架，唔知正苦個d點樣可以伸請到，不過若冇什麼問題chk 唔chk 其實冇乜所謂

作者: deco99 時間: 20-3-28 20:00 標題: 回覆樓主

小朋友中英數都超前咁多，我覺得家長無必要再教咁多，由得小朋友自主閱讀，自己睇書explore，自學都係好重要嘅能力。

作者: nanakochan 時間: 20-3-28 23:39

謝謝大家的意見，着實非常寶貴，尤其鼓勵孩子自學那方面，因為有陣時要跟佢嘅興趣和進度，媽媽都有啲壓力，有時佢問邊樣，我就要惡補邊樣，而且他的興趣有時很偏門，鼓勵他自學可以解決很多問題

作者: ok_ko 時間: 20-3-30 14:19

本帖最後由 ok_ko 於 20-3-30 14:20 編輯

nanakochan 發表於 20-3-25 16:36
仔仔今年高班，停課期間，我每日都有教新野俾佢學，數學做緊小學四年級，中英文程度大概二三年級，有啲問題 ...

首先恭喜你有個聰明的孩子。

我個人認爲每個小孩都有不錯的潛能，當然程度上，各人在不同領域的先天條件有所不同。把他們的潛能發揮到什麽程度，會因應不同背景和期望，達到不同程度而已。

香港對資優兒童的支援是不多的。在確定你小孩是資優兒童後，其實也就是知道吧了。後來的，還是要看家長的安排了。

簡單而言，舉數學科爲例，小孩在K3已經學會了小4的課程。發現是資優後，政府還不是把他送上小一。最多是同時送他去資優學院。但你不要期望在那裏能得到什麽。那裏不是有系統地培養天才的地方。不竟，他們也不希望小孩在正常學校上數學課時有衝突。學校課程有的，資優學院都不會故意先教。假如你要維持小孩的領先情況，很大可能都要靠自己。你參照學校課程來培養小孩，其實是不錯的做法。問題可能是你能教到何時。舉你說的LCM/HCF為例，他要真的明白LCM/HCF的用途，首先要教會他明白該概念，從而能應用。不然，他接受的只是一些背誦方法而已。舉例說，給了你多少隻脚，你懂得讓他利用LCM/HCF找出雞牛的數量；或者利用LCM能算出一個甲子為60 ；找出一塊最短的布，可分別剪成多塊長度為B或 C 或 D的布等等。建議學到某領域，就在該領域教他解難。既有趣，又可以讓他真正明白。你說希望能擴闊數學的領域，我理解成你希望能擴闊該範圍的應用，而不是增加範圍。但無論那種情況，這本身對你自己（假如還是堅持自己教）是有要求的。

有一點我是十分贊同，孩子要學會自學。我以上所寫的是想説明培養小孩首先要培養正確的學習態度。懂算不代表明白！當然，你的小孩可能真的明白小4的數。

作者: nanakochan 時間: 20-3-31 11:27 標題: 回覆樓主：

本帖最後由 nanakochan 於 20-3-31 11:28 編輯

謝謝回覆，我仔仔係一個唔太識表現自己嘅小朋友，係幼稚園裏面，都要一啲同佢好熟嘅老師先至發現佢同其他細路仔其實有啲唔同，不過咁樣亦都係我想要嘅，唔想小朋友俾人標籤，至於會唔會埋沒佢可能有嘅天份我真係唔識處理
佢三歲前已經學識四則運算，當時我以為佢真係識，點知一出文字題佢就有啲吃力，於是用咗兩年時間到反覆訓練解題及思維，依家處理數學問題的時候，我都幾確定佢真係識嘅，有時我坐喺佢隔離，睇吓佢點appr oach個問題，明顯有好大進步，佢似乎過咗learning curve最平嗰個位，然後上升得好快, 依家我哋係星期六日會教新topic，星期一至五，就做相關練習，平日我哋都要返工，佢都係自己一個喺屋企諗，似乎都OK

你哋提到嘅自學，我都覺得好緊要，始終唔可以乜都靠父母，父母亦都唔係樣樣叻，所以佢自己可以自學嘅話會好好多，我覺得作為父母嘅角色可以啟發思維同埋引起他的興趣為先，但有啲範疇父母都覺得唔易handle，上星期我哋一齊睇童書，故事係由一篇類似詩篇寫成的，本書都算好出名，結果大人細路一路睇一路打喊露...我都覺得自己講得好悶，其他文學修為比較好嘅人應該可以演繹得好啲...去到呢啲位我就覺得唔容易

作者: pckpck 時間: 20-4-1 05:38

我仔又係k3，數學又係小四程度，分數果d ,又係特別鍾意英文，佢哋係易吸收，根本唔使點好吃力教，講兩個句就明，所以由返佢哋鍾意學咪教，鍾意玩咪玩，我仔都係會打機成日睇電視嘅小朋友，當返普通小朋友咪得

作者: ok_ko 時間: 20-4-1 11:52

nanakochan 發表於 20-3-31 11:27
謝謝回覆，我仔仔係一個唔太識表現自己嘅小朋友，係幼稚園裏面，都要一啲同佢好熟嘅老師先至發現佢同其他細 ...

我信奉卡爾威特的教育。從一方面看，哪怕小朋友真的是天才，沒機會讓他發揮出來，最後可以是很平庸。另一角度看，一個普通的小孩，得到合適的培養，也可以把本身潛能盡可能發揮出來，從而變得不普通。因此，父母的角式十分重要。在這條路上，要判斷的可能是要提供合適的規劃給小朋友而已。繼續努力！

作者: Nomos 時間: 20-4-7 14:46

nanakochan 發表於 20-3-25 16:36
仔仔今年高班，停課期間，我每日都有教新野俾佢學，數學做緊小學四年級，中英文程度大概二三年級，有啲問題 ...

請問你仔仔會入邊間小學, 學術好强啊

歡迎光臨教育王國 (/)