教育王國
標題: 3 歲兒子情況 [打印本頁]
作者: Evachan^_^ 時間: 20-3-12 16:45 標題: 3 歲兒子情況
兒子半年前評估ASD, 現在k1，排o/e 位。近期因為在家工作所以在家教他，但感覺到非常氣餒。
教他配對連一條斜線，他都不做和專登亂連。認字和寫字更加不願意。
他對車，停車場等很執迷，一出街就不斷講車呀，停車場。自問自答。很想出街因為可以玩scooter , 玩單車或睇車。
語言大概表達到想要什麼，但非常多太空話。有些顏色只記得英文又唔記得中文。
已經有語言治療，上私家小組，幼兒導師。
你們有沒有差不多的情況？可以點做？好擔心他不能上主流。
謝謝......
作者: ivertam 時間: 20-3-13 08:33
Evachan^_^ 發表於 20-3-12 16:45 
兒子半年前評估ASD, 現在k1，排o/e 位。近期因為在家工作所以在家教他，但感覺到非常氣餒。
教他配對連一 ...
我小朋友也和你一樣！
作者: Evachan^_^ 時間: 20-3-13 08:39
ivertam 發表於 20-3-13 08:33
我小朋友也和你一樣！
咁你宜家點教佢呀？
作者: ivertam 時間: 20-3-13 09:22
Evachan^_^ 發表於 20-3-13 08:39
咁你宜家點教佢呀？
很難教，他都不聽，他想要的做的要即刻滿足，不是就大吵大鬧，起歡扒地上玩，平時出去和在家都很吵，叫他细聲點也冇用，學校又常常投訴，他睡覺了才回服平靜，一天動過不停，叫他座定1-2分鐘也做不到，做功課又不做，但他是識做，就是不做，我也不知道應該怎樣教！
作者: 小熊野 時間: 20-3-13 09:50
建議多聽治療師和幼兒導師意見，這段時間在家多做家居訓練
小手肌問題，可以與他多玩小手肌活動，如夾夾、蓋印等，加強前三指力度和空間感，有需要時也要找找職業治療師幫忙
加油
作者: 小熊野 時間: 20-3-13 09:55
先做多些線條練習，如直、橫線
如他喜歡車，可叫他用筆畫線，你用車行過他的線作路
同時，也可鼓勵他完成練習後，可帶他外出玩一陣scooter 或玩單車作獎勵
言語方面，當他說了英文，建議可幫他加上中文，讓他知道
希望小小意見能幫上忙啦
作者: 小菜豆 時間: 20-3-13 13:35
本帖最後由 小菜豆 於 20-3-13 13:38 編輯
小兒都係三歲K1, 自傾及專注不足
英文尚且可以每日閱讀和做功課
中文就完全放棄了, 同以上媽媽一樣, 只用廣東話同佢做家居練習, 畫線條, 剪紙填色等
教配對方面, 我教都很勞氣, 但正如妳所講, 其實佢地識做的, 只係玩野。我因為返工, 配對或學校功課放低佢自己做, 工人姐姐睇住, 我回家對答案, 結果又做到。工人竟然說仔仔Smart, 她教了少少, 就自己做。
我諗一來冇媽咪在身邊, 冇得懶。
二來工人用英文教, 是他們興趣。
妳可以試下放手唔教佢, 做完同佢一齊review或用英文教他做。
放假只想他有少許時間持續學習, 不敢迫太得緊, 怕他失去學習興趣。
作者: Evachan^_^ 時間: 20-3-13 16:52
謝謝妳們的回覆和分享！
我覺得佢可能係識，不過成日玩野唔做。隻腳永遠係郁來郁去....已經有俾獎勵（如餅仔）但都唔得。
小菜豆你點教剪紙和填色？我個仔就係亂剪和亂填....
咁如果用英文教，但學校用中文。咁之後點算好呢？......
作者: 小菜豆 時間: 20-3-16 15:15
本帖最後由 小菜豆 於 20-3-16 15:18 編輯
小菜豆你點教剪紙和填色？我個仔就係亂剪和亂填
最初我都係任佢亂剪,
我仔2019年11月已經開始到校服務,
帶佢去做職業治療果陣治療師俾白紙佢任剪, 治療師都係話俾佢練下手指肌就夠。
後來放假剪紙材料由到校導師e-mail俾我。主要印d正方格同斜線跟住剪, 其實佢協調唔到, 我拿住紙, 佢拿剪刀, 我轉動紙方向俾佢剪, 佢而家有意識唔好剪爛d線。
填色最初都係買填色薄亂填, 後來佢開始識講"唔好出界",冇幾耐就真係唔填出界, 由用一隻色填, 而家識配搭唔同顏色。不過填色係佢興趣, 假期已經消秏咗一盒顏色筆同大量填色薄。亂填都唔緊要啦, 當俾佢練揸筆, 以前用權頭, 而家識用手指夾筆填色了.
咁如果用英文教，但學校用中文。咁之後點算好呢？
原則上用中文教, 不過講講下被佢帶咗去英文。
治療師有講過, 就算用英文講完, 都要至少用中文重複一次。
不過我懶冇做到。
放假小朋友癡多咗媽咪, 唔想媽咪返工, 佢玩野果陣我就要挾佢, 唔聽話媽咪返工, 佢就專心返。
獎勵唔得, 就搵野要挾佢地啦。加油
!
作者: Evachan^_^ 時間: 20-3-16 15:20
多謝你既分享！等我明天試下！你個仔好叻呀！
你個仔有沒有勁鐘意望車同玩車，如果有，你有冇stop 佢？
作者: 小菜豆 時間: 20-3-16 15:42
本帖最後由 小菜豆 於 20-3-16 15:51 編輯
回覆 Evachan^_^ 的帖子
你個仔有沒有勁鐘意望車同玩車，如果有，你有冇stop 佢？當然有啊!, 呢d係自閉傾向特癥呀!
屋企有幾百部玩具車, 但係唔會俾佢任玩。
全部俾我收埋佢拿唔到嘅地方。
留黎做終極獎勵和王牌, 應付佢失控情況, 平時任玩佢就唔珍惜了。
雖然佢地話就話自傾, 其實都古惑, 要留多d有利自己嘅資源對付佢地。
作者: Evachan^_^ 時間: 20-3-16 18:15
你有好多車呀⋯⋯咁你個仔都幾聽話...我覺得呀仔會勁扭計如果唔見哂d車車。
作者: 小菜豆 時間: 20-3-17 01:32
本帖最後由 小菜豆 於 20-3-17 09:18 編輯
回覆 Evachan^_^ 的帖子
係佢面前梗係收唔到玩具車啦。趁夜晚瞓覺攞，佢揸住瞓果d都收曬。
而家間中俾一架車佢玩，佢又知我收埋唔俾我搵到。問佢車車收埋係邊就奸笑唔理我，大家鬥爭智鬥力。
工人初黎時，見識過佢被沒收玩具車有幾癲，都唔會私底下俾佢玩。驚搞佢唔掂。除咗積木，平時家中冇玩具放置俾佢任玩。
其實佢哋知只有媽咪會俾車，所以只會扭媽咪。
平時得佢同工人，冇媽咪冇玩具車冇零食冇電子產品，
冇野扭就乖乖地係屋企，食飯，讀書，純過鵪鶉。
作者: Evachan^_^ 時間: 20-3-17 10:54
媽咪你好勁，好有辨法呀！
作者: 小菜豆 時間: 20-3-17 11:27
本帖最後由 小菜豆 於 20-3-17 11:32 編輯
Evachan^_^ 發表於 20-3-17 10:54
媽咪你好勁，好有辨法呀！
不是啦! 我都苦腦緊點教佢中文同數學...
不過我奉行3樣重點: 是我嬸嬸教我的, 其實都有D似<超級奶爸>的節目。
1. 小朋友是白紙一張, 大人給他們什麼他們就吸收什麼。
2. 平時一定要謝絕零食,電子產品, 呢兩樣只會引起小朋友扭計而冇益嘅野。
3. 不要無條件俾佢地喜歡嘅野, 要同佢地講條件, 當佢地做到妳要求才獎勵佢。
4. 不要被小朋友控制大人, 應該大人控制小朋友, 即是不要小朋友扭計時, 大人就即刻妥協滿足佢。
我好怕做情緒失控嘅家長, 又冇本事做虎媽, 唯為用物質限制的方法令佢地聽話。即是媽咪有好多佢想要嘅野, 但要媽咪滿意才俾你玩。
作者: Evachan^_^ 時間: 20-3-17 17:55
講得好啱！(emoji)(emoji)
咁你其實點教個仔英文呢？我試用書教但佢都係好快就走開.....有沒有特別的方法？
你個仔又有沒有太空話呢？如果有，你會點做呢？
作者: 小菜豆 時間: 20-3-18 08:25
本帖最後由 小菜豆 於 20-3-18 09:36 編輯
Evachan^_^ 發表於 20-3-17 17:55
講得好啱！(emoji)(emoji)
咁你其實點教個仔英文呢？我試用書教但佢都係好快就走開.....有沒有特別的方法 ...
咁你其實點教個仔英文呢？我試用書教但佢都係好快就走開.....有沒有特別的方法？
最初我同個仔讀英文書佢都逃走。
但係工人又做到，個仔平日同工人你一句我一句講英文，
我問佢地講咩嘢，工人話佢背咗書裡面內容。
唯有學工人打開書教佢讀，我第一次都要show下糖糖氹佢一齊讀, 我讀一句叫佢跟住讀一句，有d長句子就分開讀,
雖然三歲唔識睇英文字，但係都讀到，
有時見到識嘅英文字母佢會主動指住this is “A”,
有時佢地見到書裡面嘅繪圖, 主動講番故事內容，搵番英文興趣。
而家最成功就係英文，每朝都持續到一日一本書。8本學校圖書一個禮拜循環咁讀。
而家放工返黎問佢"Have you reading today?"
佢就答: Today is Tuesday, "Brown bear brown bear what do you see"(書名)
其實未開始教Tuesday果d, 不過佢地用英文學習會吸收快過大人教, 英文程度出返晒黎。學英文方法個個小朋友不一樣, 不過英文係佢地興趣, 搵啱方法就會好順利。
你個仔又有沒有太空話呢？如果有，你會點做呢？
兩歲講得最多BB話,
而家少咗, 我講返佢以前嘅BB話俾佢聽, 佢都唔記得。
作者: Evachan^_^ 時間: 20-3-19 13:37
好厲害呀可以讀到出來！咁佢會不會入國際學校好d？
我都好想個仔可以咁叻.....
今日強行捉佢睇學校d書，都只是㚒硬我自己讀，唔知佢有冇聽入耳，叫佢跟讀又唔肯......
作者: 小菜豆 時間: 20-3-19 14:12
本帖最後由 小菜豆 於 20-3-19 14:25 編輯
Evachan^_^ 發表於 20-3-19 13:37
好厲害呀可以讀到出來！咁佢會不會入國際學校好d？
我都好想個仔可以咁叻.....
俾D糖或新車引誘佢啦, 小朋友有動機就肯做架喇
英文叻係錯覺黎架!
佢係A仔包埋語言DELAY, 所以影響溝通以至社交。
即係佢學語文能力低, 中文從國際語言同小朋友黎講係好難學, 英文係好容易。
語言遲緩嘅小朋友咁啱接觸呢兩種語言, 就會揀咗英文黎溝通, 中文就自然更加逃避咗。
語言治療師話佢英文係啱佢3歲程度, 佢係英文環境有晒溝通醒目。
但換返中文就連兩歲小朋友都不如。
社工同語言治療師有見過小朋友 CASE係最後只能讀國際學校。
不過小兒而家3歲能力未定晒, 趁治療黃金期去訓練改善中文。
(真心我都貪英文有優勢, 所以將中文睇得冇咁重)
作者: Evachan^_^ 時間: 20-3-19 15:26
咁起碼都有一種語言講到吖... 叫做有個解決辦法。我覺得你個仔性格都是乖的，叫做易d教！(emoji)(emoji)
作者: 小菜豆 時間: 20-3-19 17:46
本帖最後由 小菜豆 於 20-3-20 13:21 編輯
Evachan^_^ 發表於 20-3-19 15:26
咁起碼都有一種語言講到吖... 叫做有個解決辦法。我覺得你個仔性格都是乖的，叫做易d教！(emoji)(emoji)
...
如果話佢乖, 咁就因為已經將佢調教咗係大人控制以內。小朋友係白紙, 要相信管教嘅作用。
佢兩歲半之前都好情緒失控, 每天扭計要車車同零食, 我唔俾就向我掉車車發脾氣。喊到嘔。
印傭叫我"俾佢啦,唔俾佢喊架" 佢又只親近印傭, 因為印傭縱佢, 滿足佢。喊就俾零食車車, 所以日喊夜喊。
我好嬲印傭教壞佢, 怒炒印傭之後親自調教個仔。
佢每掉一架車, 我就收一架, 再掉再收, 掉晒冇晒車就發爛渣爆喊,又喊到嘔。
由得佢喊到攰瞓著, 雖然係絕情, 但係起碼我冇鬧過佢一句。
第二日第三日佢拉住我要車車, 我唔都俾, 一直大半個月佢都冇掂過車車。
家中冇玩具, 只能同我玩, 我教佢講"THANK YOU", 佢肯講, 我俾車車佢玩一陣。
佢喜出望外, 開始意識到有車車, 係因為聽話才有得玩。
果段時間一直訓練佢講完THANK YOU就俾車或糖。
之後再教佢其他野, 例如"CAN YOU GIVE ME, PLEASE"
佢做到就獎勵佢, 一直到而家訓練同獎勵變成一種習慣同規矩。
作者: 小菜豆 時間: 20-3-20 13:17
本帖最後由 小菜豆 於 20-3-20 13:27 編輯
Evachan^_^ 發表於 20-3-19 15:26
咁起碼都有一種語言講到吖... 叫做有個解決辦法。我覺得你個仔性格都是乖的，叫做易d教！(emoji)(emoji)
...
新菲傭見到我教佢最初都驚搞唔掂, 我叫佢唔俾零食同玩具就冇問題。
所以佢都扭唔到菲傭。全家都冇人縱佢了。以前係公共埸所見到4,5 歲嘅小朋友扭得好癲, 我覺得對於小朋友和家長都是悲劇。
兩歲我仔都試過見到玩具店有車想要, 我唔買佢竟然瞓地下大喊,
果陣我就驚佢再大D教唔到。
作者: Evachan^_^ 時間: 20-3-22 11:05
小菜豆 發表於 20-3-20 13:17
新菲傭見到我教佢最初都驚搞唔掂, 我叫佢唔俾零食同玩具就冇問題。
所以佢都扭唔到菲傭。全家都冇人縱佢了 ...
好！咁我都會對呀仔嚴厲d！
d人成日話A仔好記性，但是例如我問他剛剛食咗乜，昨晚去左邊，教他動物名，顔色名都成曰唔記得喎⋯⋯
你地個仔係咪咁？又有乜方法教？
作者: ggty2003 時間: 20-3-22 14:06
提示: 作者被禁止或刪除 內容自動屏蔽
作者: 小菜豆 時間: 20-3-23 13:50
本帖最後由 小菜豆 於 20-3-23 15:06 編輯
Evachan^_^ 發表於 20-3-22 11:05
好！咁我都會對呀仔嚴厲d！
d人成日話A仔好記性，但是例如我問他剛剛食咗乜，昨晚去左邊，教他動物名，顔 ...
心理學家果陣有講過一般A仔係記性好。
我仔係答唔出自己經歷, 即係"剛剛食咗乜，昨晚去左邊"
我問佢校園生活佢都唔講, 除咗問班主任
不過唔問果陣又自爆, 例如無啦啦講"你今日係學校痾屎俾老師鬧",(你同我代名詞分唔到),老師又話冇發生過。
治療導師話佢地語言弱, 可能用詞不當, 件事可能係佢只係去小便, 老師反應緊張問佢係咪去廁所。而且佢地未掌握尋日, 今日嘅時間概念。初一去表弟屋企拜年, 變咗"你尋日去同表弟玩。
教他動物名，顔色名, 如果用同一本書教, 用同一本書考佢就識。
如果睇A書教完佢顏色,再用B書問佢, 或指住件衫問乜野色, 佢地就答唔到。
或睇書教咗佢狗狗, 係街上見到真狗佢地又未必答到。
因為佢地認知遲緩, 學習只係好系統咁牢記, 但唔識應用, 即換咗第二個形式或情境就唔識答。但係可以多做訓練改善。
作者: '奶茶 時間: 20-3-23 19:17
ggty2003 發表於 20-3-22 14:06
其實每個患自閉症嘅小朋友都唔同架, 專長同弱項都唔係個個一樣
你有冇諗過揾 aba 上門導師呀? 我請開個個 ...
想要上門ABA導師資料pm..thx
作者: Evachan^_^ 時間: 20-4-7 12:18
請問大家有沒有好的專注力訓練和聽力治療俾小朋友？在港島區
謝謝！
作者: chun719 時間: 20-4-7 13:40
小菜豆 發表於 20-3-23 13:50
心理學家果陣有講過一般A仔係記性好。
我仔係答唔出自己經歷, 即係"剛剛食咗乜，昨晚去左邊"
我問佢校園生 ...
睇完你既分享幾好，好似搵到方法試下同個小朋友做
希望各位同路人都搵到方法教自己既小朋友
想問下你係幾時開始發現佢有奇怪
當初係點樣發現佢自傾?
而家排緊E位? 咁幾時開始識講野?
我而家個仔2歲都係識講 媽媽 爺爺 麻麻咋
佢眼神又差 , 唔太望人 , 都好擔心....
作者: Evachan^_^ 時間: 20-4-7 14:10
chun719 發表於 20-4-7 13:40
睇完你既分享幾好，好似搵到方法試下同個小朋友做
希望各位同路人都搵到方法教自己既小朋友
想問下你係幾 ...
而家收哂d車，雖然他沒扭計話要，但多了好多太空話自言自語，有多左自轉，玩手咁.....
我疏忽左，一直唔察覺，他2歲都有d詞語，只是以為男子比較遅。他的徵兆是玩眼，高處跳下，BB話，不聽話。
你有評估未？
作者: 小菜豆 時間: 20-4-8 14:34
chun719 發表於 20-4-7 13:40
睇完你既分享幾好，好似搵到方法試下同個小朋友做
希望各位同路人都搵到方法教自己既小朋友
想問下你係幾 ...
我自己冇發現囝囝什麼問題,直到歲半去健康院打針, 被姑娘懷疑自傾, 2歲再去健康院發展監察唔合格, 姑娘話佢有自我行為轉介去CAC。"而家排緊E位? 咁幾時開始識講野?"
而家係已經拿到O位(On-site service), 到學校服務, 治療師去幼稚園為小朋友治療。
呢個係2017開始政府撥款推行的特殊幼兒服務, 縮短幼兒等候治療時間。
佢兩歲都冇出聲講過野, 淨係識指住想要嘅野, 係有一次未到兩歲去探知館玩被小朋友拿走佢手上玩具,
佢突然爆咗"我架"兩個字, 我就覺得佢係識講野。但之後都只係講"車車"同"milk milk"。返N班同學識傾計交朋友, 老師都話冇聽過佢把聲。
係BK另一個帖, 有幾個經驗媽媽傾開, 都有ASD囝囝, 有D兩個ASD加一個ADHD仔,
都係要用方法同技巧管教ASD小朋友, 因為佢地智力係正常, 好多都讀書好叻甚至升BAND1中學,
只係好自我中心, 活係自己世界, 所以行為連接唔到外界,情緒差同任性,
要利用管教介入, 調整佢地行為, 日後慢慢成長就冇咁自閉同任性。
越早透過管教介入係越容易塑造佢地。
| 歡迎光臨 教育王國 (/) |
Powered by Discuz! X1.5 |