教育王國

標題: 阿仔18 個月有自閉徵兆 [打印本頁]

作者: 最愛錫面珠 時間: 20-3-4 01:10 標題: 阿仔18 個月有自閉徵兆

阿仔歲半去健康院打預防針，姑娘提問問題除左吃飯、吃奶方面，其他全部都吾過關。講太空話、吾識叫爸爸媽咪、吾識聽指令、時不時用腳尖行路、無眼神交流、鐘意開門關門、玩車仔。吾識用手指指嘢。醫生幫我寫轉介信去公立醫院睇專科醫生，我自己都去協x、心想、報左評估服務，但都要等。想問下大家，除咗呢啲，我仲可以做啲乜嘢或者點樣做？真係好無助⋯⋯

作者: bbba05 時間: 20-3-4 12:05

最愛錫面珠發表於 20-3-4 01:10
阿仔歲半去健康院打預防針，姑娘提問問題除左吃飯、吃奶方面，其他全部都吾過關。講太空話、吾識叫爸爸媽咪 ...

我諗第一件事去做咗評估先，協康嗎？等得耐唔耐？評估咗先知實際有咩問題，要點處理/訓練。同時可以睇吓關於自閉症的書，了解多d這個病。自己放鬆d, 父母有好嘅心理質素去幫助孩子好重要。

作者: 最愛錫面珠 時間: 20-3-4 19:48

bbba05 發表於 20-3-4 12:05
我諗第一件事去做咗評估先，協康嗎？等得耐唔耐？評估咗先知實際有咩問題，要點處理/訓練。同時可以睇吓關 ...

謝謝關心，我已經約左去私人機構做自閉評估，希望之後可以針對阿仔的情況睇吓有乜訓練做可以幫到距。個心覺得吾可以咁樣等落去，每一日的等待都係煎熬。

作者: bbba05 時間: 20-3-4 19:51

最愛錫面珠發表於 20-3-4 19:48
謝謝關心，我已經約左去私人機構做自閉評估，希望之後可以針對阿仔的情況睇吓有乜訓練做可以幫到距。個心 ...

明白你嘅心情。

作者: 曉如1312 時間: 20-3-5 16:39

最愛錫面珠發表於 20-3-4 01:10
阿仔歲半去健康院打預防針，姑娘提問問題除左吃飯、吃奶方面，其他全部都吾過關。講太空話、吾識叫爸爸媽咪 ...

首先當然先做評估，如果真係有問題，就搵適合既訓練比佢，再等政府既資助訓練。你小朋友仲細，越早訓練越追得快的，不用太擔心

作者: 最愛錫面珠 時間: 20-3-5 23:30

曉如1312 發表於 20-3-5 16:39
首先當然先做評估，如果真係有問題，就搵適合既訓練比佢，再等政府既資助訓練。你小朋友仲細，越早訓練越追 ...

多謝關心，雖然約咗做評估，但係又驚如果做訓練，阿仔咁細個接吾接受？有無用？唉，好似越諗越多問題。

作者: vanemama 時間: 20-3-6 16:24

及早做治療係好事黎啊. 至於小朋友適應成點，接唔接受，我諗都是乎治療師同佢夾唔夾，治療師好唔好等等因素. 唔好太擔心啦，自己上網讀多D，了解多D小朋友既需要，睇下有冇D家長訓練或分享可以學下屋企可以做D咩.. 慢慢黎

作者: 最愛錫面珠 時間: 20-3-7 10:05

vanemama 發表於 20-3-6 16:24
及早做治療係好事黎啊. 至於小朋友適應成點，接唔接受，我諗都是乎治療師同佢夾唔夾，治療師好唔好等等因素 ...

系啊，我先生對個仔希望好大，而家打擊好大，我又要照顧仔女，又要安慰距，都吾知點樣做好！我連傷心的時間都無。

作者: vanemama 時間: 20-3-7 22:58

唔好灰心啊，你個仔咁細，及早治療仲有好多時間追！加油

作者: 最愛錫面珠 時間: 20-3-7 23:16

vanemama 發表於 20-3-7 22:58
唔好灰心啊，你個仔咁細，及早治療仲有好多時間追！加油

雖然好攰，但係系呢度見到你哋的鼓勵，我會加油的！

作者: stephaniechen 時間: 20-3-10 12:27

提示: 作者被禁止或刪除內容自動屏蔽

作者: 小菜豆 時間: 20-3-11 17:21

而家醫學進步,
好多小朋友被發現自閉症傾向, 我仔都係。
其實好輕微, 唔洗擔心。係比較自我嘅小朋友。
唔係妳睇電影自閉加智障果D。
一般係3-6歲治療黃金期改善得到。
佢地智力正常, 有D高智商, 所以叫高功能自閉症。
行為,自理,社交,情緒當然要透過訓練改善,
學術唔洗擔心,佢地一般記憶力特強。

作者: 最愛錫面珠 時間: 20-3-11 21:13

stephaniechen 發表於 20-3-10 12:27
加油呀！有特殊需要既小朋友家長係唔容易，但好好既係，你小朋友仲好細，仲係黃金期，咁細個已經發現可以有 ...

嗯嗯⋯⋯多謝關心

作者: 最愛錫面珠 時間: 20-3-11 21:24

小菜豆發表於 20-3-11 17:21
而家醫學進步,
好多小朋友被發現自閉症傾向, 我仔都係。
其實好輕微, 唔洗擔心。係比較自我嘅小朋友。

呢幾日心情一直都吾好，見到你地的留言，又俾左D力量我，明天會更好，繼續努力。

作者: ggty2003 時間: 20-3-22 14:14

提示: 作者被禁止或刪除內容自動屏蔽

作者: 最愛錫面珠 時間: 20-3-24 21:48

ggty2003 發表於 20-3-22 14:14
加油呀!! 小朋友仲細, 接受有效嘅治療嘅話好大機會可以大個同其他小朋友一齊玩. 你可以做完評估之後再搵適 ...

請問你穩個Aba治療師貴吾貴？可否pm距的資料俾我？

作者: Ks918 時間: 20-3-28 17:33

加油，我仔也是歲半開始接受訓練，6歲時已追及同齡之小朋友，所以不用太擔心，你的心路歷程我也經過，我那時積極面對，過程有沮喪亦有開心的時刻，我同時亦要安撫先生的情緒丶照顧小朋友，所以很明白，請記住不要絶望，前面是光明可見的，加油

作者: Maymay133 時間: 20-4-9 16:26

我仔都18個月～都覺得有自閉徵兆但剛打疫苗姑娘話叫我再等等先～
有乜問題2歲打返去約～
我都好擔心過左黃金期

作者: vanemama 時間: 20-4-10 13:25

Maymay133 發表於 20-4-9 16:26
我仔都18個月～都覺得有自閉徵兆但剛打疫苗姑娘話叫我再等等先～
有乜問題2歲打返去約～
我都好擔心過左黃 ...

我個仔2歲開始覺得有問題。排期做assessment 排左好耐，最後等唔切自己搵私人assessment。最後診斷真係自閉，兩歲半先開始做 ABA。老師話佢落後好多（當時連仿說都冇）。雖然依家好密集咁上堂，進步左好多，但始終有太多要追。我都不禁諗如果當時早D開始治療就好啦..

媽咪自己最了解自己小朋友，如果真係覺得有問題就唔好等啦。起碼自己research 下唔同治療，學習下屋企有咩可以自己做住先。我地既ABA老師會教我地喺屋企可以點樣加強訓練，咁樣無論屋企或上堂都無時無刻push 佢進步。加油啊(emoji)(emoji)

作者: 最愛錫面珠 時間: 20-4-13 01:03

Ks918 發表於 20-3-28 17:33
加油，我仔也是歲半開始接受訓練，6歲時已追及同齡之小朋友，所以不用太擔心，你的心路歷程我也經過，我那 ...

(emoji)多謝你嘅鼓勵，我會加油的！

作者: 最愛錫面珠 時間: 20-4-13 01:09

Maymay133 發表於 20-4-9 16:26
我仔都18個月～都覺得有自閉徵兆但剛打疫苗姑娘話叫我再等等先～
有乜問題2歲打返去約～
我都好擔心過左黃 ...

最好自己出去穩機構幫小朋友做個評估先，無事就最好，有問題的話就可以睇吓有乜方法可以幫到距，吾好浪費黃金期。

作者: glamourstar 時間: 20-4-14 03:07

最愛錫面珠發表於 20-3-4 01:10
阿仔歲半去健康院打預防針，姑娘提問問題除左吃飯、吃奶方面，其他全部都吾過關。講太空話、吾識叫爸爸媽咪 ...

你小朋友嘅情況，同我細仔當年嘅情況差唔多一模一樣，所以你而家要盡快去搵協康會（或者其他合資格嘅機構）嘅心理學家/精神科醫生做評估，盡快排位，因為排服務需要好長時間（一年半至兩年）另外，就係要喺坊間搵一啲機構，去幫小朋友做密集治療訓練，如果屋企有能力，亦都可以請一啲治療師上門做訓練，愈快確診，愈快可以排服務。我明白你同你先生一定好痛苦，好似我同我先生當年起初否定牙仔有問題，拖延左幾個月先至去搵專家做評估，浪費左幾個月嘅時間。你都可以上網多啲去了解呢個病，或者報讀一啲課程，例如「努力試」，去學習點樣係屋企幫小朋友做訓練。加油，希望幫到你

歡迎光臨教育王國 (/)