教育王國

標題: 2個月已發現BB有事 (5個月update) [打印本頁]

作者: okhandy 時間: 20-3-2 06:48 標題: 2個月已發現BB有事 (5個月update)

本帖最後由 okhandy 於 20-5-20 00:40 編輯

2個月多d,
-成日扭抱喊，不分晝夜，，
-好難逗笑，最近這星期在換片墊上才引到佢笑，有望我但短時間
-個頭會追有聲玩具望
-叫名、人聲叫佢冇反應
-唔望人。
-試過好誇張同佢傾計，係我哋以為佢望我地，但我哋個頭一郁原來佢放空。或者好慢咁立一立你
-餵奶不望我，有時逼佢望住但我感覺佢沒大興趣
-直抱時什麼人也當透明，哄埋去好不耐煩
-照鏡不會停留望

我覺得bb有問題，我想救佢，但2個幾月可以點做？
唔想錯過黃金時間

但同時又覺得點解咁早出現病症！我見到個女就不停諗佢將來會發展成點，好唔開心！
女仔自閉我又驚好嚴重

作者: 0030 時間: 20-3-3 09:59

去母嬰健康院同醫生/姑娘反映下你的顧慮，聽下專業意見～不要自己估估下～自己嚇自己～

作者: okhandy 時間: 20-3-3 15:21

回覆 0030 的帖子

健康院話現時太細。無野可以做。我也不知道可以點做

作者: terrenandtania 時間: 20-3-7 23:01

2個幾月bb? 我諗你唔好唔緊張住，一般bb都2個幾月以上才開始有有意識的笑，所以現在你話好難逗笑係正常的吧
2個月前同一舊飯差唔多，你要做的是多同佢講嘢，用誇張表情語調引佢，唱下歌又得，用手搖鈴引佢玩多啲追視，大多兩三個月才看看她反應如何吧

作者: RaindyCheuk 時間: 20-3-14 20:00 標題: 回覆樓主:

2個月既bb視覺都未發展好，佢地係望野一遍模糊架，所以佢唔係唔望你，係望唔清你，現階段望黑白既野比彩色野更刺激視覺，自閉症要再觀察，大d識唔識手指野，會唔會用腳尖行路，會唔會鐘意玩轉既野，佢依家真係重細，唔好自己嚇自己住

作者: ggty2003 時間: 20-3-22 14:16

提示: 作者被禁止或刪除內容自動屏蔽

作者: okhandy 時間: 20-3-23 08:46

Bb 3 個月了。眼神接觸仍然冇改善，尤其抱住、近距離或者餵奶。只會在換片墊笑，但都唔係望實我笑。
其他時間冇笑容。
另外，佢未有意識抓物。平躺時手腳不會遞高。

Bb其實仲有腸胃問題。
咁細個已經咁😭

作者: 親親小寶 時間: 20-4-14 01:22

樓主，你留意下會唔會自己有d產後抑鬱？bb得嗰兩三個月你想佢點？

作者: glamourstar 時間: 20-4-14 02:40

媽媽可能擔心得太早啦，我大女幾個月大時都唔多望人，好難引佢笑，半歲後會好啲。依家5歲半好聰明正常。反而我細仔，兩個月大時已經識笑，同我眼神接觸好好，歲半時反而俾健康院姑娘發現佢有自閉症嘅症狀

轉介CAC, 1歲9個月確診。妳可以留意吓，但唔洗太擔心住。

作者: okhandy 時間: 20-5-20 00:37

update一吓，bb好快五個月了，仍然令我擔心。1。佢本身都少發聲，自從四個月打完針之後，完全無用聲音回應過我地。即係除咗喊，無出過聲。但有smile, 無哈哈笑。In general 都係 "cool" bb。對住父母會好D.
2。遠距離會望人。抱住或近就擰歪面，死唔肯望你，迫都迫唔到。寧願合埋眼
3。肌肉好緊張，對腳伸到好直。
4。一定要企，直抱，其他姿勢唔鐘意。
5。倒流問題。要食抗嘔奶奶粉。

作者: lobb2015 時間: 20-6-5 07:11 標題: 回覆樓主:

樓主，我仔兩歲幾被診斷為自閉。我第一次做媽媽，冇睇過有關資料。之前一點都留意不到。
其實我仔bb時常常大哭，一定要抱，瞓覺好醒瞓。因為冇睇資料，我冇留意佢當時有冇望人有冇應聲等。
你識得留意這些是好好。叻過我。
我覺得咁，你有擔心你可以向健康院姑娘提出，你要話要求見醫生。如果姑娘話聽落覺得冇事，你唔好接受。你要要求見醫生，親自同醫生講你的觀察。你話希望盡快轉介去做評估。
同時，我建議你睇住bb成長指標，有甚麼應該識做但唔識做。記錄好。呢啲都可以同姑娘醫生講。回想以前，我bb好多嘢都遲。遲識坐，坐咗好易跌，遲識爬，好少爬，遲識企，遲識行。我仔小手肌唔好，唔能夠用正常手勢拿星星餅食。當時我望住啲指標，心諗，哈啲指標係咪錯㗎，冇一樣做到嘅?其實當時就應該發現唔妥了。
最後，佢係因為手肌問題，一歲頭已經被健康院轉介，一歲中去兒童評估中心見職員，兩歲頭接受評估。其實我都唔知原來評估自閉症。我以為只係處理佢手指問題。
即係我地排咗約一年先至有得做評估。當然啦，如果你出面俾錢做快啲。
我欣賞你識得留意bb發展，請你做行動啦。
最後希望你bb冇事。

作者: okhandy 時間: 20-6-5 10:20

回覆 lobb2015 的帖子

我下次見健康院係bb六個月打針。到時會見醫生。其間我都見過2個兒科醫生，佢地都話"你同BB講多啲嘢先啦". 我諗係太細佢地唔會做咩轉介，我send email去協x問，佢地都無覆我，唔知係咪太細? 其實我日日都有同BB講野，玩，但佢死都唔開口回應/發聲。
如果有D咩方法幫到佢麻煩告訴我。我都唔知從何入手。
因為我有join whatsapp同期媽媽，我知其他BB係點。會丫咕咕，會望人，自言自語，Bu口水，但我bb乜都無。

作者: lobb2015 時間: 20-6-5 12:50

okhandy 發表於 20-6-5 10:20
回覆 lobb2015 的帖子

我下次見健康院係bb六個月打針。到時會見醫生。其間我都見過2個兒科醫生，佢地都話" ...

咁細個，我見呢度啲家長多數都係話得不到轉介，不可評估住。我仔一歲多已經得到轉介是因為手指活動太差。他不能正常用拇指食指拿起星星餅。但轉介之後都要等。
現在我介紹你一些唔駛錢的訓練方法。現在bb仲細，任你「舞」，是很易訓練的，因為不會反抗 say no嘛。
你要多俾刺激佢。同佢講嘢。集中講一隻語言先。唔好又中又英。你一路同佢講嘢一路要有動作配合。例如要用手指住啲嘢。
同佢睇豐富顏色的書。一路睇一路講嘢一路指。
同佢按摩手腳背心口肚仔。用普通潤膚露就得。目的是給他刺激。不要大力。要舒服。一路按摩一路講嘢。
多去公園，玩遊樂設施。咁細個未識坐，就上網睇吓有咩活動可做。例如用毛巾卷住個身又轆番出嚟，或者放bb在大毛巾中間，兩個大人拎起好似吊床咁輕輕搖。可惜有疫情，否則去波波池同沙灘都好。
留意腸胃有冇問題。考慮食益生菌。外國有啲人話自閉同腸道健康有關。
多曬太陽。去沙灘要除衫曬背。吸收維他命D。
可考慮買益生菌，維他命D，omega 3 ，魚油，俾bb食。
參加 play group。你可以見到bb同其他同齡的有甚麼差異。有經驗的導師也可以給你意見。你要自己開口問。因為啲導師有時驚得罪人，唔夠膽主動講你bb有問題。我地當年 playgroup 老師有明示暗示我仔有問題。可惜我完全唔識，唔知佢地提緊我。你識得上嚟問，已經叻過我好多。
咁細個唔好諗針灸住。大啲可能要諗。
問定有提供服務的機構，私人又好，公營又好，問定幾時可評估，幾時可訓練。
祝好運。

作者: day_day_baby 時間: 20-6-26 10:47

我個仔二歲時確診有輕度自閉和小手肌問題再加發展遲緩。馬上轉去有特殊班的糼兒院讀書，因有老師照護，
我再四出去找一些社區舉辦的課程給他。一般4-6堂一個課程，幾佰元一個課程
你和他一起上堂可以學到老師怎樣和小朋友溝通。回家自己訓練
例如：去宜家家俬買個小隧道和他玩⋯⋯
多去沙灘，公園，打千秋等訓練小朋友前額和五感
多些約其他小朋友一齊玩每個小朋友都是uniqe ，不要和其他小朋友比較太多。
現在上了正常小學，和一般小朋友無分別。
不要太緊張。
反而家長自己要注意自己情絮和健康
不要似我因太緊張去左睇精神科
努力

歡迎光臨教育王國 (/)