教育王國
標題: 做錯的媽媽!!! [打印本頁]
作者: 芙蓉808 時間: 20-2-29 10:09 標題: 做錯的媽媽!!!
現狀1:仔憎恨媽媽，上年8月6月至今啞巴唔講野，甚至媽咪掂過的都唔搞
2:仔沉溺網絡日20個鐘以上，乜都唔做，包括衝涼等
3:老師，社工電話唔聽，唔做功課
前因
更年期(單親媽媽)對青春期(就來14歲，獨仔)
1:仔社交6年傳統小學一個知己都沒，二次(8歲，11歲)心理學家評估語言資優的問題，太成熟同同學溝通唔到
2:由傳統小學轉入band1一條龍中學入精英班，12月時擁有自己電話沉溺網絡成績中下，平均分61幾跌出精英班
3:暑假變本加厲，通宵達旦網絡，媽媽家事煩癲左鬧，開片，打。
4:中二日子由前暑假8月6日至今無傾過，仔啞左，更狠的發洩係網絡，體育堂訓教!考試訓教0分(英寫做)，平均分差的合格!
5:學校老師，社工電話唔接，等位社工排緊寄宿位家庭俾他
補充自己:仔2歲離婚!自己15歲沒爸爸，唯一相依為命細佬肝癌19年走左，家姐破產!
而家更加無能為力晚晚徬徨，心酸，心痛，流淚， 無助!怎有回頭路嗎？好想要返以前相親相愛的親人，日子怎過?
作者: IloveJJ 時間: 20-2-29 11:20
提示: 作者被禁止或刪除 內容自動屏蔽
作者: Gella77 時間: 20-2-29 12:58
其實你哋係冇溝通，嘗試下，每日講幾句，就算你講嘢個仔唔聽都好，或者其實佢聽到，只係唔想回應。凡事都有個過程，慢慢嚟，卑多D耐心同愛心個仔！加油，你自己都要搵一D感興趣嘅事做下。你哋前面嘅路都好長，暫時嘅唔開心同失望慢慢都會過去！
作者: 芙蓉808 時間: 20-2-29 13:01
回覆 IloveJJ 的帖子
多謝曬你!希望黑暗過左，光明到來!
作者: 芙蓉808 時間: 20-2-29 13:11
回覆 Gella77 的帖子
路漫漫其修遠兮，吾將上下而求索!多謝你!
作者: Jane1983 時間: 20-2-29 13:11 標題: 回覆樓主:
等緊社工安排寄宿家庭給他，即是以後不跟你住？為何有這樣的安排？
態度溫和，試吓同佢講番嘢先。
作者: 芙蓉808 時間: 20-2-29 13:15
回覆 Jane1983 的帖子
係!社工排緊，兒子同意!同媽媽唔肯傾
作者: MrBeast 時間: 20-2-29 14:40
本帖最後由 MrBeast 於 20-2-29 14:44 編輯
芙蓉808 發表於 20-2-29 10:09 
現狀1:仔憎恨媽媽，上年8月6月至今啞巴唔講野，甚至媽咪掂過的都唔搞
2:仔沉溺網絡日20個鐘以上，乜都唔做 ...
唔采你是因為（3）？
咁佢都要食反，有冇試過留紙仔講聲sorry, 好後悔，不過都是緊張佢，就算覺得阿媽有什麼不對都唔好jo jud 自己⋯
我覺得不要長編大論，分幾次每次一兩句。
分開一陣子也未必是壞事，不過講明你唔想，同時問下佢自己是否真想，有沒有關係較好的親友，傾下才決定
作者: Jane1983 時間: 20-2-29 15:26
回覆 芙蓉808 的帖子
搞到關係咁差，主要癥結係邊？佢嬲你乜嘢？你要想清楚，先可以真正修補到關係。
大家相見如冰，唔係一朝一夕的事，復原亦需要一段時間，唔好太心急。開始傾計先，努力去做，比心機。
作者: 芙蓉808 時間: 20-2-29 17:17
MrBeast 發表於 20-2-29 14:40
唔采你是因為（3）？
咁佢都要食反，有冇試過留紙仔講聲sorry, 好後悔，不過都是緊張佢，就算覺得阿媽有什 ...
作者: 芙蓉808 時間: 20-2-29 17:35
Jane1983 發表於 20-2-29 15:26
回覆 芙蓉808 的帖子
搞到關係咁差，主要癥結係邊？佢嬲你乜嘢？你要想清楚，先可以真正修補到關係。
作者: Jane1983 時間: 20-2-29 18:06
芙蓉808 發表於 20-2-29 17:35
估係3，阿媽哦，煩，鬧打，更年期對青春期的開片太恐怖。而家面對一日平均20個鐘帶耳筒掛係網絡世界，又撞 ...
打鬧太勁係唔得，會滋生仇恨。不過唔做都做咗，而家下定決心，以後心平氣和好好修補關係。
暫時唔好愁學業住，搞好關係先。
作者: MrBeast 時間: 20-2-29 18:16
芙蓉808 發表於 20-2-29 17:17
係3，維持左半年，講左Sorry一排後仔仔又沉迷唔聽，做。阿媽又來過發癲打人，大家誠信沒理 ...
你自己有沒有同社工傾過？有冇什麼建議你可以做到，改變自己永遠是易過改變別人
作者: MrBeast 時間: 20-2-29 18:30
有看過這版打機個故事嗎（長）？不防和仔仔傾下看完的感想
作者: 芙蓉808 時間: 20-2-29 18:44
MrBeast 發表於 20-2-29 18:30
有看過這版打機個故事嗎（長）？不防和仔仔傾下看完的感想
作者: 芙蓉808 時間: 20-2-29 19:42
回覆 MrBeast 的帖子
係，一失足成千古恨!社工建議分開養自律。同仔傾過改變自己唔打人，但係仲係不眠不休沉溺網絡不自製，影響健康，學業。唯有分開我都的起心肝同意。
作者: MrBeast 時間: 20-2-29 21:03
芙蓉808 發表於 20-2-29 19:42
回覆 MrBeast 的帖子
係，一失足成千古恨!社工建議分開養自律。同仔傾過改變自己唔打人，但係仲係不眠不休 ...
利申我不是社工by training. 不過去過一些相關講座，standard technique 都是大家約法三章，簽紙為盟，例明賞和罰，但不能單向，一起決定細節，和你fan錯亦要被處罰，處罰可以是一些無聊野，例如一起去跑步遊水等等，idea is 有後果但未,必有direct bad feeling。另外找一些發sid 方法，避免火星撞地球，人有情緒好正常，亦唔好期望一日就改到，但你有心做一定會做到
作者: Jane1983 時間: 20-2-29 21:44
回覆 芙蓉808 的帖子
分開住之後，會有幫佢改善沉迷打機的program嗎？
作者: 芙蓉808 時間: 20-2-29 21:49
回覆 MrBeast 的帖子
係一個自負的孩童，小學訂規則話規則死的，人係活的!話最憎講條件會唔做，絞辯超叻!眼前接落幾個月匿屋企電玩沉溺，覆水難收，到時沒功課交及老師，社工電話唔肯接唔去返學呢。進退兩難呀！唯有關係行先，任玩但我心戚戚!諗唔到其他方案!
作者: 芙蓉808 時間: 20-2-29 21:56
Jane1983 發表於 20-2-29 21:44
回覆 芙蓉808 的帖子
分開住之後，會有幫佢改善沉迷打機的program嗎？
作者: MrBeast 時間: 20-2-29 22:00
Jane1983 發表於 20-2-29 21:44
回覆 芙蓉808 的帖子
分開住之後，會有幫佢改善沉迷打機的program嗎？
作者: MrBeast 時間: 20-2-29 22:10
本帖最後由 MrBeast 於 20-2-29 22:12 編輯
芙蓉808 發表於 20-2-29 21:49
回覆 MrBeast 的帖子
係一個自負的孩童，小學訂規則話規則死的，人係活的!話最憎講條件會唔做，絞辯超叻! ...
咁佢都唔係錯哂，有時我都是咁教小朋友，最重要是要小朋友明白一些校規背後的用意和後果。我小朋友把口唔叻，較容易處理，不過就咁，若果有日這個打機問題發生在我身上，我估我會首先問知唔知什麼叫破斧沉舟，然後打爛部機，尤其是唔做功課的話咁就冇需要用手機（whatsapp 同學）
作者: Jane1983 時間: 20-2-29 22:22
芙蓉808 發表於 20-2-29 21:56
社工話會有規律唔會放任打，其實我都想佢要自己有心至得，沒心介好難，希望有用吧 ...
邊個會每日monitor 住佢打幾多？寄宿家庭會咁上心嗎？戒毒好緊要。佢醒番，先有心智去思考前途和親情。
作者: 芙蓉808 時間: 20-2-29 22:33
回覆 MrBeast 的帖子
我都係咁做，但搶我手機唔俾用攬抄，我發癲擺衫架打人，摑面等!後尾因讀中學有午歺費少吃 自己又買左一個二千七電話，話之你。
作者: Danielhk 時間: 20-2-29 23:25
本帖最後由 Danielhk 於 20-2-29 23:32 編輯
芙蓉808 發表於 20-2-29 22:33
回覆 MrBeast 的帖子
我都係咁做，但搶我手機唔俾用攬抄，我發癲擺衫架打人，摑面等!後尾因讀中學有午歺費 ...
為何控制不到打機時間？
為何可以有錢買新手機？
自己買縮衣少食買新手機，告訴你。
此時你錯過一個最佳溝通機會。
沉迷打機，任何父母第一應對就是控制時間，時間控制不到就會打爛部機。
控制打機時間就是，先協議雙方可接受時間，之後監督執行。
可以密碼設定，控制手機數據量，控制家中WiFi。
最簡單就是，到了時間就把手機收走，代為保管。
協商打機時間，也必須附有條件，比如完成當日功課，每日不超過兩小時,....
你兒子資優，此類人通常固執力驚人。他可以堅持數月不開口講話，可以長時間重複異常單調乏味的事情。一旦說服他，其實還是講道理的。
關鍵是他認可，他接受。目前你們關係如此糟糕。
武俠小說都講：任何人都有致命弱點。你必須利用他的弱點，打開溝通管道，逐步收緊打機時間。
看你描述，你都不是一個很理性的人。母子關係緊張時，缺失一個其他人扮演調解，緩衝的角色，這都是造成今日局面的一個原因。
自己先樂觀起來，從改變自己做起。
自己充滿自信，充滿歡樂時，兒子也會感受得到。
即使他寄居，也要讓他留戀和你曾經生活的日子。比你的美食，或者你們曾經一起的娛樂活動，哪怕只有那一瞬間的感動。
作者: 芙蓉808 時間: 20-2-29 23:36
回覆 芙蓉808 的帖子
硬碰硬唔俾網絡仔仔惡行1:開住空調，打開門窗
2:夜晚鎖電腦樓下避開衝突，2個鐘後返家門反鎖沒得入屋，後尾報警至入到
3:夜晚電視開到最大聲唔俾你訓
4:搶電話唔俾我用攬抄
5:搞爛曬屋企
6:唔返屋企出面打
7:有事出門阻住你唔俾出
次次我都整癲曬，開片!而後又😭的日子好恐怖!你有張良計，我有過墻梯!
作者: 芙蓉808 時間: 20-3-1 00:01
回覆 Danielhk 的帖子
係!控製及協調打機時間都做足，但不認可，不接受!溝通唔到。暫時都揾唔到致命弱點去針對改善佢，唯有改變自己，見步行步!多謝你!
作者: Danielhk 時間: 20-3-1 00:01
芙蓉808 發表於 20-2-29 23:36
回覆 芙蓉808 的帖子
硬碰硬唔俾網絡仔仔惡行1:開住空調，打開門窗
----除此之外，是否因為你太吵？讓他有窒息的感覺？
2:夜晚鎖電腦樓下避開衝突，2個鐘後返家門反鎖沒得入屋，後尾報警至入到
----避衝突，很好的做法啊。
----你為何反鎖？想兒子夜宿街頭？
3:夜晚電視開到最大聲唔俾你訓
---你都知，他不想聽，你為何不靜下來，想一想？
4:搶電話唔俾我用攬抄
----正常做法。
5:搞爛曬屋企
----有樣學樣，忍無可忍
6:唔返屋企出面打
----逼人太甚，物極必反
7:有事出門阻住你唔俾出
----和講道理的人講道理，不講道理的話，只有硬來了。
--------你列的罪狀，我看來，都算正常，自然反應。
作者: 芙蓉808 時間: 20-3-1 04:25
回覆 Danielhk 的帖子
2:係我避開，佢唔俾我入屋一個巴掌拍唔響，一定有雙方原因，所以我都係做錯的媽媽導至如今結局!面對眼前來緊日以繼夜不眠不休打機無能力去化斛，而分開生活!
作者: 芙蓉808 時間: 20-3-1 05:01
回覆 Danielhk 的帖子
仔目標打機，捉住我弱點去達到，沒曬責任感，監護人又無能為力，唯有等佢醒的日子，分開的結局。驚幾個月後更難以自拔唔返學呢。
作者: MrBeast 時間: 20-3-1 07:49
本帖最後由 MrBeast 於 20-3-1 07:52 編輯
芙蓉808 發表於 20-2-29 23:36
回覆 芙蓉808 的帖子
硬碰硬唔俾網絡仔仔惡行1:開住空調，打開門窗
咁激
又好難怪你出手。我有個朋友佢有個朋友個女唔肯返學，於是在我朋友家住過一排，分開一下都是好的，之後你要照顧下自己哦，找朋友傾下、找樣興趣玩下
作者: S-Kwok 時間: 20-3-1 08:03
MrBeast 發表於 20-2-29 22:00
good question. 我諗我或者唔比帶手機
我估係限制用手機時間。
作者: Jane1983 時間: 20-3-1 09:16
Danielhk 發表於 20-3-1 00:01
1:開住空調，打開門窗----其實不是大問題，好處想，可以通風。但只須少少。
----除此之外，是否因為你太吵 ...
2，3 － 應該係樓主仔對佢，唔係佢對佢仔。即係小朋友鎖門唔比亞媽入，亞媽要報警。小朋友開大電視唔比大人訓，以視不滿。
作者: 芙蓉808 時間: 20-3-1 11:00
回覆 Jane1983 的帖子
係!唔俾佢打機就唔俾我訓，唔俾行，控製我。我要有精神去返工，次次佢贏。
作者: Danielhk 時間: 20-3-1 11:33
本帖最後由 Danielhk 於 20-3-1 11:39 編輯
芙蓉808 發表於 20-3-1 11:00
回覆 Jane1983 的帖子
係!唔俾佢打機就唔俾我訓，唔俾行，控製我。我要有精神去返工，次次佢贏。 ...
他次次贏？真是無法想像。
即使不講道理，大家硬碰硬，你是成年人，都無理由隨便放棄原則。
網絡停，金錢停，手機停，全部打爛，就打爛，不要修理。阻止你返工，就不要返工，大家一起餓死。一人住酒店，眼不見心不煩。他還有通天本領了？（只是個例子，請勿照抄）
作者: 芙蓉808 時間: 20-3-1 12:08
回覆 Danielhk 的帖子
有諗我去其他度訓，但獨留佢又犯法，我要生活要精神，規則最終保護我自己先，俾玩。
作者: Jane1983 時間: 20-3-1 12:28
回覆 芙蓉808 的帖子
你仔有無Adhd或類似的問題？如果無，佢玩到咁癲咁大，都幾得人驚。
作者: Danielhk 時間: 20-3-1 13:26
芙蓉808 發表於 20-3-1 12:08
回覆 Danielhk 的帖子
有諗我去其他度訓，但獨留佢又犯法，我要生活要精神，規則最終保護我自己先，俾玩。 ...
這生活比坐監好嗎？
縮手縮腳，軟不行，硬不行，更可悲的是，任由小孩子脅迫。
不過，現在說這些都於事無補。一切要向前看。在找到寄居家庭前，不能改變兒子，也要改變自己，讓自己樂觀自信。美好的，內心強大的人，總會于無形之中對周圍人產生積極影響。
作者: 芙蓉808 時間: 20-3-1 13:37
回覆 Jane1983 的帖子
評估係無
作者: 芙蓉808 時間: 20-3-1 13:52
回覆 Danielhk 的帖子
生活負重前行，盡力而行!坐監萬萬唔得!希望經曆過佢有醒返的日子，避風港永遠為佢開，自嘲打機著，無也好過吸毒品，外做威作禍。
作者: MrBeast 時間: 20-3-1 14:32
Danielhk 發表於 20-3-1 11:33
他次次贏？真是無法想像。
即使不講道理，大家硬碰硬，你是成年人，都無理由隨便放棄原則。
作者: Jane1983 時間: 20-3-1 14:33
你仔讀小學、中學、課外活動或者教會，有無邊科的老師/導師同佢比較傾到計，可以connect with佢，觸動到佢？如果有，搵佢幫吓手，開導吓佢。
作者: MrBeast 時間: 20-3-1 14:48
芙蓉808 發表於 20-3-1 11:00
回覆 Jane1983 的帖子
係!唔俾佢打機就唔俾我訓，唔俾行，控製我。我要有精神去返工，次次佢贏。 ...
點都好，認一時之氣，咪講d收唔返的說話，就算比你贏場交，但輸個仔，咁有乜用。打，就一定要介，因為終有一日你唔夠佢打。
作者: howardchan6 時間: 20-3-2 00:16
咁佢小學時同你相處如何? 學校行為如何? 由傳統名小學入得band 1 中學品行應該有返咁上下? 係長久積累定真係1次衝突360度大變?
他沉迷那款遊戲? 有與朋友一起玩?
或者可以先從這些問題入手，看看從那環節出現問題。
作者: little_yolky 時間: 20-3-2 14:17
芙蓉808 發表於 20-2-29 22:33
回覆 MrBeast 的帖子
我都係咁做，但搶我手機唔俾用攬抄，我發癲擺衫架打人，摑面等!後尾因讀中學有午歺費 ...
點解你要發癲攞衫架打人？佢搶你手機，你報警等警司警誡佢。佢攞飯錢，就唔俾午餐費，你早D起身整飯佢帶。
作者: 芙蓉808 時間: 20-3-2 16:11
回覆 howardchan6 的帖子
社交有問題難頂，狂行俠!小學中意睇書，小說書不離手，母子感情深厚乜都講!上中學中意Minecraft,，undertale等遊戲無可自拔，青春期態度唔受控，2母子劍弩拔張至今日局面
作者: GreenMaDad 時間: 20-3-2 16:28
看了樓主的第一帖文，見到最後樓主寫自己家庭事，自己第一反應是小朋友可能一早潛意式將自己家庭與同學家庭比較，不是講錢問題，而是"幸福"指數，其實大部分小朋友都是這樣，很容易將自己的父母跟其他小朋友比較，樓主小朋友應該明白他不應埋怨樓主，但家庭的問題確實令他難有幸福的感覺，所以他不想跟樓主傾計，埋首打機可能是他逃避樓主的方法。
之前好像有其他人提過，樓主首先要自己開心起來，每個小朋朋友有自己獨特之處，大朋友也一樣，我明白生活艱難，但樓主應該能從生活中找到樂趣。樓主自己開心, 得閒煮或買小朋友喜歡的食物，或者小朋友會不再疏遠樓主。
作者: MrBeast 時間: 20-3-2 17:10
本帖最後由 MrBeast 於 20-3-2 17:12 編輯
little_yolky 發表於 20-3-2 14:17
唔俾午餐費，你早D起身整飯佢帶。 ...
咁好似有d罰埋自己wor，梗係送個鬧鐘等佢自己起身整，起唔到身就煎隻旦火腿三文治搞掂，心情好先煮好野佢食
作者: little_yolky 時間: 20-3-2 22:03
GreenMaDad 發表於 20-3-2 16:28
看了樓主的第一帖文，見到最後樓主寫自己家庭事，自己第一反應是小朋友可能一早潛意式將自己家庭與同學家庭 ...
唔怪得之我兩個點衰都有個譜，因為我阿Q，覺得自己好幸福
作者: little_yolky 時間: 20-3-2 22:07
MrBeast 發表於 20-3-2 17:10
咁好似有d罰埋自己wor，梗係送個鬧鐘等佢自己起身整，起唔到身就煎隻旦火腿三文治搞掂，心情好先煮好野佢 ...
乜你咁講嘢㗎！
記得C6當年又係唔食飯儲錢買嘢，搞到12旨腸出血，99就日日整飯要佢帶，直到中學畢業
作者: MrBeast 時間: 20-3-2 22:17
little_yolky 發表於 20-3-2 22:07
乜你咁講嘢㗎！
記得C6當年又係唔食飯儲錢買嘢，搞到12旨腸出血，99就日日整飯要佢帶，直到中學畢業:meow ...
若果真食到出血，阿媽再攬住阿仔喊，個場面係咪好感人呢
作者: little_yolky 時間: 20-3-2 22:23
MrBeast 發表於 20-3-2 22:17
咩呀，有野食ga wor，呢個係父母嘅責任泥ga ma，但冇話要餐餐唔同.
若果真食到出血，阿媽再攬住阿仔喊，個 ...
笑死我啦！
不過，你有無睇蠟筆小新㗎，同一種食材唔可以響一日中出現㗎！我細個時，阿媽餐餐日日都唔會重覆餸菜既。今日食過，聽日、後日都唔會再出現。
作者: Jane1983 時間: 20-3-2 23:20
little_yolky 發表於 20-3-2 22:07
乜你咁講嘢㗎！
記得C6當年又係唔食飯儲錢買嘢，搞到12旨腸出血，99就日日整飯要佢帶，直到中學畢業:meow ...
你99有無鬧爆你老公呢？因為買嘢唔食飯，整壞身體，真係好過份，我實有排鬧佢 
作者: MrBeast 時間: 20-3-3 00:00
little_yolky 發表於 20-3-2 22:23
笑死我啦！
不過，你有無睇蠟筆小新㗎，同一種食材唔可以響一日中出現㗎！我細個時，阿媽餐餐日 ...
作者: bobbob 時間: 20-3-3 00:25
MrBeast 發表於 20-3-3 00:00
有一排好中意睇，所以搞到講野無里頭law, e加唔睇la, 費事小朋友學左佢 ...
作者: kirstyau 時間: 20-3-3 01:23
芙蓉808 發表於 20-2-29 10:09
現狀1:仔憎恨媽媽，上年8月6月至今啞巴唔講野，甚至媽咪掂過的都唔搞
2:仔沉溺網絡日20個鐘以上，乜都唔做 ...
辛苦了媽媽， 自己才疏學淺，冇咩幫到你，但想講你已經好叻，識搵人求助，上黎EK抒發下好過谷埋谷埋，仔仔終有一日會明白媽媽苦心，分開下可能大家都好D，有時仔女係要比人教可能還好，祝早日和好如初。
作者: peter1 時間: 20-3-3 03:01
本帖最後由 peter1 於 20-3-30 18:00 編輯
辛苦了。 沒有更好的建議。加油。
作者: yuyueng 時間: 20-3-3 20:18
芙蓉808 發表於 20-2-29 23:36
回覆 芙蓉808 的帖子
硬碰硬唔俾網絡仔仔惡行1:開住空調，打開門窗
作者: NNbaby 時間: 20-3-4 01:41
有無諗過係你自己更年期發作先，定仔仔反叛行為出現先？當個仔開始有少少偏差行為出現前，你係咪已經發晒癲打鬧？
你個仔成個小學階段都交唔到好朋友，又係單親，你可以話係佢唯一依靠，佢既成長應該好寂寞。宜家佢日日咁對你，你辛苦佢都辛苦，社工建議分開都係好。
同意網友話你要改變自己先，變得開心，唔好衝動激動，如果星期六日仔會返屋企就買啲好嘢一齊食，甚至你試玩佢沉迷既game同佢tune 啱 chanel，俾佢知你願意為佢改變。
作者: YmOra 時間: 20-3-5 10:37
父母與子女的關係是世上最重要最重要的事情，關係變差勢係假，總之會破壞之間關係嘅一切事情行為一概不做。成長路途裏，小孩子要學，大人亦要學。只是大人要比孩子做得更好才可以以身作則，我大大力指嘅係用愛心用溫柔做妳倆嘅建築材料重建關係。知你難受辛苦，亦鼓勵妳不放棄努力加油。從今天起重新嚟過，改變自己，只要係對之間關係有建樹嘅都偉大地改變吧！希望在明天，美景亦在明天。努力加油呀！
作者: Danielhk 時間: 20-3-5 16:29
近日心境大變，逐漸頓悟明白“子女與父母關係不好的人，將來子女也無法處理與配偶的關係”。
所以衷心希望樓主能處理好與兒子的關係。這決定了孩子一世的幸福。
作者: Jane1983 時間: 20-3-5 16:35
回覆 Danielhk 的帖子
頓悟係剎那間，何來逐漸？有咩大事發生令你咁大感觸，網上大家匿名，唔怕分享吓。
作者: Jane1983 時間: 20-3-5 16:38
本帖最後由 Jane1983 於 20-3-5 16:43 編輯
呢個世界好多唔正常的父母，仔女同佢相處唔到，唔一定係仔女的問題。不在和諧幸福的家庭成長，小孩日後亦唔一定無幸福的婚姻。前車之鑑，佢可能更願意付出都未定。
作者: Danielhk 時間: 20-3-5 16:56
Jane1983 發表於 20-3-5 16:38
呢個世界好多唔正常的父母，仔女同佢相處唔到，唔一定係仔女的問題。不在和諧幸福的家庭成長，小孩日後亦唔 ...
與父母關係，這是一個人的第一段親密關係。長達二十年左右。
這段關係不如意的話。再與其他人建立親密關係，幾乎是不可能的。除非未來配偶達到心靈導師的程度。
作者: Jane1983 時間: 20-3-5 17:08
回覆 Danielhk 的帖子
香港可悲之處係。60、70年代生的嬰兒，多數係祖父母湊大，父母係晚飯後tag along的。80、90年代的嬰兒，多數係菲傭湊大。
你講出生與父母一段20年的關係，實情係未必你心目中咁鐵。
作者: little_yolky 時間: 20-3-5 22:54
Jane1983 發表於 20-3-5 16:35
回覆 Danielhk 的帖子
頓悟係剎那間，何來逐漸？有咩大事發生令你咁大感觸，網上大家匿名，唔怕分享吓。 ...
那個叫漸悟，同頓悟唔同。
作者: little_yolky 時間: 20-3-5 23:00
Jane1983 發表於 20-3-5 17:08
回覆 Danielhk 的帖子
香港可悲之處係。60、70年代生的嬰兒，多數係祖父母湊大，父母係晚飯後tag along的 ...
我以為60、70年代好多FTM，所以一般都係父母帶大呢。80年代，好多獨留子女在家，90年代後，印尼加入，就真係外藉傭工好普遍。80年代，香港得兩間大學，一個家庭你要佢全英溝通請菲傭，當時唔係咁容易。
作者: Jane1983 時間: 20-3-5 23:36
本帖最後由 Jane1983 於 20-3-6 08:05 編輯
little_yolky 發表於 20-3-5 23:00
我以為60、70年代好多FTM，所以一般都係父母帶大呢。80年代，好多獨留子女在家，90年代後，印尼加入，就真 ...
一個人在孩童時期能夠同主要照顧者建立到一個信任的關係，果種依戀係佢日後和異性關係發現的依歸。
作者: Jane1983 時間: 20-3-5 23:40
little_yolky 發表於 20-3-5 22:54
那個叫漸悟，同頓悟唔同。
我呢幾年無頓悟，又無漸悟，精神上好乾涸。
作者: little_yolky 時間: 20-3-5 23:43
Jane1983 發表於 20-3-5 23:40
我呢幾年無頓悟，又無漸悟，精神上好乾涸。
作者: Danielhk 時間: 20-3-6 13:02
Jane1983 發表於 20-3-5 23:40
我呢幾年無頓悟，又無漸悟，精神上好乾涸。
看到橋洞下睡覺的無家可歸者；
聽聞這次疫情有人滅門；
每次都無答案。
但過段時間，又會頭腦冒出這個問題。
或許只有讓自己忙碌到無時間，才不去思考。
但這是鴕鳥，問題仍然在那兒。
作者: Jane1983 時間: 20-3-6 13:20
回覆 Danielhk 的帖子
我唔係無努力，臨訓有做mindfulness果d正面思維嘢，但無乜用。 
因為我有時放唔低一d小事，久唔久就會諗番起唔開心。我想自救諗通佢，但都係無乜用。
作者: 芙蓉808 時間: 20-3-6 15:02
多謝曬各位!小樓昨夜又東風!關係重要性!孩兒孤伶一人網絡沉溺無以自拔!為人父母僅想扶佢上岸而陪葬左10幾年建立的關係，呢2年反復發癲的我倆，往事不堪回首!10年建立起穩固關係根基呢2年毀之一旦，可悲!現在唯有由佢自食其果自醒呢，努力挽回己曾擁有過10年美好回憶!希望，驀然回首，那人卻在燈火欄柵處!
作者: little_yolky 時間: 20-3-6 15:09
Danielhk 發表於 20-3-6 13:02
我不定期會在內心詢問生命的意義。
看到橋洞下睡覺的無家可歸者；
明知無答案既嘢諗嚟做乜？嘥時間嘥精神。生命既意義就係努力讓自己快樂地活著！
作者: boboT 時間: 20-3-6 15:36
回覆 芙蓉808 的帖子
你首要工作係淡化仇恨, 修補關係, 這個要你先收歛, 再假以時日.最重要係親子關係, 關係差就乜都無得傾.
作者: Danielhk 時間: 20-3-6 15:41
本帖最後由 Danielhk 於 20-3-6 16:22 編輯
芙蓉808 發表於 20-3-6 15:02
多謝曬各位!小樓昨夜又東風!關係重要性!孩兒孤伶一人網絡沉溺無以自拔!為人父母僅想扶佢上岸而陪葬左10幾年 ...
我給不出很好的建議。是我能力不夠。
我知道並深信，一定有辦法。
請不要輕言放棄。
暫時疲憊，就好好休息調整。
調整後，還是要精神百倍去積極面對和處理。
如果換做我，無數次嘗試失敗後，無辦法，最後我會選擇一起沉迷網絡。（僅僅是假設，風險很大，請勿照抄。）
真希望此時能有人出現，能給你提供一些好的建議。
PS：“驀然回首，那人卻在燈火闌珊處”,“柳暗花明又一村”
這些詩詞，都有個共同道理：遇到難題，讚且放一放，或許突然就有了轉機，有了破解之道。
作者: minimami 時間: 20-3-6 16:40
本帖最後由 minimami 於 20-5-7 12:03 編輯
Deleted
作者: MrBeast 時間: 20-3-6 16:54
芙蓉808 發表於 20-3-6 15:02
多謝曬各位!小樓昨夜又東風!關係重要性!孩兒孤伶一人網絡沉溺無以自拔!為人父母僅想扶佢上岸而陪葬左10幾年 ...
https://www.hk01.com/親子/319120/親子關係-老生常談萬年金句-子女好與壞-在乎溝通與關懷
作者: MrBeast 時間: 20-3-6 17:00
例如，instead of 做哂功課未，可以問多唔多功課，如果太累就休息十分鐘食個tea 先
作者: Danielhk 時間: 20-3-6 17:14
minimami 發表於 20-3-6 16:40
我都做人阿媽，雖然小朋友仲細，但或多或少可以體會樓主心情。
我細個家境唔好，同阿媽響初中時都好似你同 ...
謝謝你的分享。
作者: minimami 時間: 20-3-6 18:30
本帖最後由 minimami 於 20-5-7 12:03 編輯
Deleted
作者: 芙蓉808 時間: 20-3-6 19:13
回覆 minimami 的帖子
多謝曬你的苦口婆心的教導!我都係更年期做怪，本脾氣暴躁更火上添油!現在、末來的日子會盡力調適自己迎接挑戰，也相信沒有過不去的坎，母子10年根基雖倒了，但溫謦記憶猶存，日子會有功的，也相信仲會有希望!
作者: little_yolky 時間: 20-3-6 21:02
minimami 發表於 20-3-6 16:40
我都做人阿媽，雖然小朋友仲細，但或多或少可以體會樓主心情。
我細個家境唔好，同阿媽響初中時都好似你同 ...
吓？！要捱到大學？我以為捱到中四就得⋯⋯
作者: minimami 時間: 20-3-7 00:07
本帖最後由 minimami 於 20-5-7 12:02 編輯
Deleted
作者: minimami 時間: 20-3-7 00:10
本帖最後由 minimami 於 20-5-7 12:02 編輯
Deleted
作者: little_yolky 時間: 20-3-8 22:33
minimami 發表於 20-3-7 00:10
回覆 芙蓉808 的帖子
加油呀媽媽，欣賞你知道錯知錯求助知道要改！比個機會自己改過贏返個仔，亦都比機會 ...
其實，俾機會個仔既同時，都係俾緊機會自己
作者: rainkay 時間: 20-3-13 23:21
minimami 發表於 20-3-6 16:40
我都做人阿媽，雖然小朋友仲細，但或多或少可以體會樓主心情。
我細個家境唔好，同阿媽響初中時都好似你同 ...
講得好好，好認同，好感動。
作者: 芙蓉808 時間: 20-12-27 15:10
更新: 原來，唯一的寄宿家庭希望社工話呢個年紀好難安排到(同埋個度的人都係有問題，驚近朱者赤，近墨者黑)不了了之，又一年。
束手無策唔溝通啞左仔就2年了，頭痕的自己都壓力爆煲變
慢性蕁麻診(風癩)發作？
返學期太短暫，等待開學，學校安排心理學家在校評估仔仔在安排。中二成績平均分46分，見紅升中三。
逆境中艱辛求存，心力交瘁!希望前路有曙光!
作者: estw 時間: 20-12-28 20:57
芙蓉808 發表於 20-12-27 15:10
更新: 原來，唯一的寄宿家庭希望社工話呢個年紀好難安排到(同埋個度的人都係有問題，驚近朱者赤，近 ...
樓主好替你難過，這類暴風少年，我都經歷過，當年日日以淚洗面。你係單親就更辛苦，不過可幸你仔現時未去到最壞，仲有機會修補親子關係，記住千祈千祈吾好動手吾好打，打帶黎嘅傷痛好深，好難復原。吾好囉唆，佢扮啞你就扮傻，只要暗中關心。反叛期嘅少年，你愈吾俾，佢就愈要，你愈要佢做，佢就愈吾做。學習問題即管交俾學校處理，吾需要為功課成績而同佢嘈，你只要做返媽媽要做嘅，就係催寒問暖，就如對朋友咁。記住一個字“愛”，唯有以愛才能挽回你同吖仔嘅關係，尤其呢個世代，再吾可以用上一代嘅模式，打，鬧，鎖門等方法。
以上少少個人經驗希望幫到你，望樓主吾好太灰，要善待自己，疫情期間雖然吾可以週圍去，得閒响屋企睇下電視煲下劇等自己輕鬆下，你冇咁緊張時，吖仔亦自然會放鬆防護機制。
作者: a_for_apple 時間: 20-12-29 11:16 標題: 回覆樓主:
會唔會考慮一下安排仔仔轉讀寄宿中學？赤柱航海學校，香港仔工業中學等，起碼嚮嗰度老師有校規，社監亦有規矩，你自己照顧佢嘅壓力亦可以減少。
作者: 芙蓉808 時間: 20-12-29 15:38
estw 發表於 20-12-28 20:57
樓主好替你難過，這類暴風少年，我都經歷過，當年日日以淚洗面。你係單親就更辛苦，不過可幸你仔現時未去 ...
作者: 芙蓉808 時間: 20-12-29 15:40
a_for_apple 發表於 20-12-29 11:16
會唔會考慮一下安排仔仔轉讀寄宿中學？赤柱航海學校，香港仔工業中學等，起碼嚮嗰度老師有校規，社監亦有規 ...
作者: a_for_apple 時間: 20-12-29 23:47
芙蓉808 發表於 20-12-29 15:40
要仔仔溝通到，肯去先有辦法!
如果佢肯去寄宿家庭，相信都好大機會肯嘅，搵抽社工心平氣和傾下，面對面又好，whatsapp 又好，寫紙仔又好。不過最重要係做媽媽嘅唔好再打佢了，你知道呢個年紀打係冇用，只會越打越衰。打，其實只係阿媽你用嚟發洩自己情緒嘅方法，點打都幫唔到件事，只會令阿仔越嚟越憎你。你要阿仔改變係難，但最重要係你自己先改變，令阿仔見到，感受到你真係盡力去改而唔係紙上談兵。你就算返工，都總有放假嘅日子，多啲陪下佢，煮下佢鐘意食嘅嘢，如果佢肯出街，陪佢去想去嘅地方，踩下單車，行下山。當然開頭一定會踫釘，但不斷試，唔好灰心。成績已經係其次，佢打機先唔好理，如果佢肯出街，自然就冇得打機，希望慢慢可以改變。加油啊!
作者: estw 時間: 20-12-29 23:53
芙蓉808 發表於 20-12-29 15:38
扮傻愛中求存，做緊!謝謝你!
加油！親子路上遇上荊棘，係難行，但只要吾放棄總會跨過的。祝福你，為你祈禱，願主賜你有足夠的智慧，懂得如何在這複雜的世代守護兒子
作者: Aloha0808 時間: 20-12-30 15:25
早幾個月前我都同阿女炒咗大穫，這次的過程跟以往唔同，我罵了她很久(偶有挑釁言詞)，又扔她的東西和拿她的sim卡.......以往我罵她， 她會覺得委屈和喊，但今次...歷時差不多一小時，她沒有喊，只有用對抗嘅眼神望著我，全程半句説語也沒有説。這個不尋常的反應，使我有怯的感覺，覺得事情可能無灣轉，恐怕從始關係破裂！及後我反省箇中問題，知自己罵她時太兇，我都有錯！隨後，我因我的兇狠態度跟她道歉了，抱了她幾下…….。
感恩，阿女學校早前辦了一個課程，主題是家長與青春期的子女溝通，這裡有六、七十位來自不同階層的家長，令我驚嘆嘅係，大部份家長都同樣面著與反判期子女相處問題，這刻我終發現，這不只是我小朋友的個別問題，而是一個普遍青春期出現的問題！
課程同時加深了對這群暴風少年的認識，他們呢個階段除了適應生理上的變化外，心理、情緒、社交及價值觀等，幾乎每天都在改變，就連他們自己也在這巨大的轉變中，試著搞清楚自己是誰，若這過程中得不到父母的了解和支持，就更令他們感到孤單和無助。要說成人有壓力，少年人不是同樣有壓力嗎？ 為何自己會被最親的人用最兇狠的態度指罵？究竟自己犯了甚麼彌天大罪呢？幸好，我懸崖勒馬，未致做成嚴重後果。
這課程還有一個好重要的提醒，就是『與子女的關係比學業成續重要』，當關係和學業間出現衝突時，我們記緊要想清楚，關係破裂了，修補就不容易，關係好的話，我們還有推動他們向前的機會。
昨天，我和亞女一起看樓主的分享，之後問了她一個問題，若送她去寄宿，她有甚麼想法？她說有兩個可能：一、原本已想獨立的，會覺得無乜嘢 二、仍然依賴慣屋企的，就會覺得被離棄。 最後她還補充了一句，寄宿完回家又點呢？關係就會好翻嗎？ - 這是少年人的睇法，決定一些重要事情前，不妨了解他們的睇法。
作者: a_for_apple 時間: 20-12-30 23:05
Aloha0808 發表於 20-12-30 15:25
早幾個月前我都同阿女炒咗大穫，這次的過程跟以往唔同，我罵了她很久(偶有挑釁言詞)，又扔她的東西和拿她的 ...
多謝分享!
作者: blackpeppercrab 時間: 20-12-31 13:51
孩子不知道你愛他，你打他，他便恨你了！你甚麼也不是，更甚於陌生人。
孩子不能打，打是侮辱！
作者: dorothywing 時間: 21-1-1 00:07
2020過去啦，展望新一年有好開始，祝願樓主跟亞仔破冰，過返以前相親相愛的日子。2021～加油
作者: 芙蓉808 時間: 21-1-1 00:57
謝謝大家的鼓勵和分享，希望天下沒不是的父母，父母的學堂千變萬化，不停的學習改進中，犯錯改過自新，為兒子，也為自己!新一年新開端，祝大家合家團圓，新年快樂!祝香港早日疫情跨過，正常生活!
作者: 芙蓉808 時間: 21-1-1 01:07
Aloha0808 發表於 20-12-30 15:25
早幾個月前我都同阿女炒咗大穫，這次的過程跟以往唔同，我罵了她很久(偶有挑釁言詞)，又扔她的東西和拿她的 ...
| 歡迎光臨 教育王國 (/) |
Powered by Discuz! X1.5 |