教育王國
標題: 中文打字學哪一種好? [打印本頁]
作者: pingu_k 時間: 20-2-10 12:38 標題: 中文打字學哪一種好?
想小朋友(小六)得閒學中文打字，請問大家覺得學哪一種好?
速成?(我自己用這種)
還是廣東/PTH拼音已夠?(c6用廣東拼音)
還是學番倉頡較好?
先多謝大家意見! 
作者: star_skn 時間: 20-2-10 14:13
速成最快上手。
PTH拼音，小朋友學校係普教中定粵教中？若係普教中/普通話ok，可能佢一早識拼音
作者: pingu_k 時間: 20-2-10 14:41
star_skn 發表於 20-2-10 14:13 
速成最快上手。
PTH拼音，小朋友學校係普教中定粵教中？若係普教中/普通話ok，可能佢一早識拼音 ...
THANKS!
因為當年我自己學時，D人話學倉頡最好，識的話，打字會好快，所以我先諗是否應叫小朋友學倉頡
PTH拼音小朋友都算識的，但打中文字係咪慢些?
作者: MrBeast 時間: 20-2-10 15:35
本帖最後由 MrBeast 於 20-2-10 15:41 編輯
小學課程教倉，但小六前我叫小朋友轉拼，學校亦容許，一石二鳥
ps speed 不是我考慮因素
作者: Danielhk 時間: 20-2-10 17:24
本帖最後由 Danielhk 於 20-2-10 17:48 編輯
倉頡，拼音我都試過。
個人還是喜歡拼音。
倉頡必須知道個字如何寫。腦袋裡有字，然後拆字。
拆字需要訓練，即使過了拆字關。打字時忘記字型，一切都是零。
速成拆字比倉頡快。如果練過倉頡，然後轉速成，拆字不是問題。
從使用習慣上，我們打字時，腦子裡是“聲”而非“形”
所以使用“聲”輸入是趨勢。
可以預見，長期來講：語音輸入會強于手寫輸入。
短期來講：“聲”類打字法，優於“形”類打字法。
作者: 1998Ruby1998 時間: 20-2-10 20:14
九方係最容易同快學識，有字型、筆劃、拼音等，不過就要畀錢，同埋出面搵工，呢個只係好過冇，但裝唔到等於「形同廢人」。
我學唔到速成，所以評論唔到。
我知有學校教倉頡，比速成好嘅地方就係唔洗望螢幕揀字（速成容易啲眼殘睇過龍），唯獨要花多少少時間記點樣拆字，有啲比較少見嘅字可能會唔識拆。
拼音都係容易上手，因為識讀就一定打得出，但問題就係「識唔識讀」，尤其係普通話拼音，有啲字例如「揩」、「殄」，呢啲未必識讀，咁速成、倉頡就可以解決。
我用拼音。記音容易過記點樣拆字。等於小時候默書，一定記得點讀但要練幾次先識寫得正確。
作者: pingu_k 時間: 20-2-10 20:19 標題: 回覆樓主:
多謝大家的意見!!或者我試試俾佢睇睇倉頡，睇下佢有無興趣研究! 唔得，就用普通話拼音
作者: pingu_k 時間: 20-2-10 20:19
1998Ruby1998 發表於 20-2-10 20:14
九方係最容易同快學識，有字型、筆劃、拼音等，不過就要畀錢，同埋出面搵工，呢個只係好過冇，但裝唔到等於 ...
九方應較少公司用，對嗎?THANKS
作者: 1998Ruby1998 時間: 20-2-10 21:38
回覆 pingu_k 的帖子
係，始終要畀錢，而且條 key 好似有限裝幾多次。以前啲人用 Yahoo 字典打，依家冇左。舊電腦可能自己上網裝拼音，新電腦應該有拼音。記得上次見工用 laptop 做 test，兩部都有拼音功能。
作者: pingu_k 時間: 20-2-10 22:28
1998Ruby1998 發表於 20-2-10 21:38
回覆 pingu_k 的帖子
係，始終要畀錢，而且條 key 好似有限裝幾多次。以前啲人用 Yahoo 字典打，依家冇左 ...
有咁多其他選擇，就不需用要付錢的了 
作者: emmyfok 時間: 20-2-11 13:00
初學嚟講，任何輸入法都不會打得快，但如果小朋友識普通話，拼音好快上手。
作者: 王家爸爸 時間: 20-2-11 14:01
我喜歡用拼音多啲，普通話拼音同廣東話拼音都有用。
作者: pingu_k 時間: 20-2-11 14:09 標題: 回覆樓主:
多謝大家!其實如拼音OK，就無需要特別去學倉頡/速成輸入法，係唔係呢?
作者: bobbob 時間: 20-2-11 15:00
pingu_k 發表於 20-2-11 14:09
多謝大家!其實如拼音OK，就無需要特別去學倉頡/速成輸入法，係唔係呢?
作者: pingu_k 時間: 20-2-11 15:11
bobbob 發表於 20-2-11 15:00
我學咗30年倉頡都唔識，咁多年來都係用粵拼，你話得唔得？
我當年也是學倉頡的，但放低太耐，現在剩番速成，也算不錯吧 
作者: jli008 時間: 20-2-11 18:41
提示: 作者被禁止或刪除 內容自動屏蔽
作者: YmOra 時間: 20-2-11 21:42
倉頡係先苦後甜，阿女十分抗拒學，要易上手嘅就算，佢話學習多數用英文打字好少用中文，就更難要佢學速度快嘅輸入法。
作者: little_yolky 時間: 20-2-12 14:36
1998Ruby1998 發表於 20-2-10 20:14
九方係最容易同快學識，有字型、筆劃、拼音等，不過就要畀錢，同埋出面搵工，呢個只係好過冇，但裝唔到等於 ...
我當年響中大校外進修學倉頡，個半鐘就識晒，但大前提係先識英文打字會快好多。依家老咗，打字無咁快，一分鐘只可以打大概60字。之前有個student helper，一分鐘100字，D keyboard敲打聲十分悅耳
作者: pingu_k 時間: 20-2-12 14:39
little_yolky 發表於 20-2-12 14:36
我當年響中大校外進修學倉頡，個半鐘就識晒，但大前提係先識英文打字會快好多。依家老咗，打字無咁快，一 ...
係，好羨慕打字快果D 
作者: pingu_k 時間: 20-2-12 14:41
YmOra 發表於 20-2-11 21:42
倉頡係先苦後甜，阿女十分抗拒學，要易上手嘅就算，佢話學習多數用英文打字好少用中文，就更難要佢學速度快 ...
我自己當年覺得學拆字都幾好玩的
作者: pingu_k 時間: 20-2-12 14:42
jli008 發表於 20-2-11 18:41
正常有心學好普通話中文,打字也用拼音最好.
中學課程內其實還有普通話拼音嗎？
作者: YmOra 時間: 20-2-12 14:48
pingu_k 發表於 20-2-12 14:41
我自己當年覺得學拆字都幾好玩的
有同感呀！
就算我點樣講得好玩或好用，新一代係嚴難學就係難學，無計？！
作者: pingu_k 時間: 20-2-12 15:00
YmOra 發表於 20-2-12 14:48
有同感呀！就算我點樣講得好玩或好用，新一代係嚴難學就係難學，無計？！
...
後生一輩應該覺得慳番d時間打機、上網好過
作者: IloveJJ 時間: 20-2-12 16:28
提示: 作者被禁止或刪除 內容自動屏蔽
作者: 1998Ruby1998 時間: 20-2-12 16:39
little_yolky 發表於 20-2-12 14:36
我當年響中大校外進修學倉頡，個半鐘就識晒，但大前提係先識英文打字會快好多。依家老咗，打字無咁快，一 ...
我唔識筆順又唔識正確打字手勢，宜家一分鐘 70 左右，已經收貨
我好記得初中第一堂 ICT，老師話睇邊個最快打完一個句子，都有二十幾隻字。有同學十秒都唔洗已經打完 
作者: pingu_k 時間: 20-2-12 19:02
IloveJJ 發表於 20-2-12 16:28
間間不同，我仔學校有。
至於打字，個人認為打字最重要是方便使用，所以用拼音還是倉頡速成就視乎個人能 ...
明白，THANKS!
作者: OLAF1023 時間: 20-2-13 21:40
我小朋友全部係學倉頡，因為父母都係。小學階段已學識，不用望KEYBOARD打。
我覺得一係就唔學，一係就學最好，所以唔畀學速成，你識倉頡，就自然識速成了！
你只要記得個秘決，學倉頡一啲都唔難。
我哋手機電腦都唔準裝手寫板，當你冇咗呢樣嘢，環境就會逼你學識了！
語音輸入，好少用，因為佢哋中文都講得唔正，根本就識別唔到佢講乜！
一句嘢錯幾個字，又要返轉頭改，仲麻煩仲嘥時間仲慢。
就算佢哋間唔中唔識拆字，都識用倉頡打速成。所以打字問題不大。
當然會要求佢哋之後查返個碼出嚟。
通常都係因為搵SIRI，先會用語音。
拼音沒有評論，不過我見好多公司都係問你中文打字有幾快？幾多個字/MIN，用倉頡定速成，冇乜聽請人係問拼音打字幾快。
不過其實很多公司都以英文為主，除非有大陸生意，識中文打字叫做有一技防身，就算同朋友WHATSAPP，都唔駛下下錄音。
作者: pingu_k 時間: 20-2-13 22:38
OLAF1023 發表於 20-2-13 21:40
我小朋友全部係學倉頡，因為父母都係。小學階段已學識，不用望KEYBOARD打。
我覺得一係就唔學，一係就學最 ...
多謝你分享! 
或者趁現在這個Long Vacation，比我仔得閒慢慢記下倉頡碼
作者: OLAF1023 時間: 20-2-14 13:41
回覆 pingu_k 的帖子
GOOD IDEA⋯⋯我覺得點都有益過打機！其實坊間應該仲有啲類似GAME咁嘅嘢一路畀小朋友/成人學倉頡，感覺係邊玩但又學到嘢！
不仿去搵吓！
作者: pingu_k 時間: 20-2-14 14:04
OLAF1023 發表於 20-2-14 13:41
回覆 pingu_k 的帖子
GOOD IDEA⋯⋯我覺得點都有益過打機！其實坊間應該仲有啲類似GAME咁嘅嘢一路畀小朋友 ...
好的，THANK YOU
作者: jli008 時間: 20-2-15 10:47
提示: 作者被禁止或刪除 內容自動屏蔽
作者: pingu_k 時間: 20-2-15 11:00
jli008 發表於 20-2-15 10:47
回覆 pingu_k 的帖子
各校各不同,我女學校也有.
THANKS! 或者我會比佢試倉頡+pTH拼音 PTH拼音佢本身大致handle到，而我見佢對倉頡都有些興趣，咁倉頡更好的是不用再從一組字內再選
作者: MrBeast 時間: 20-2-15 11:07
本帖最後由 MrBeast 於 20-2-15 11:11 編輯
我想若你期望子女將來的職業其中一個要求是打中文快（我不是說完全沒有用），其實講真e加學邊隻都冇乜所謂
作者: pingu_k 時間: 20-2-15 11:13
MrBeast 發表於 20-2-15 11:07
我想若你期望子女將來的職業其中一個要求是打中文快（我不是說完全沒有用），其實講真e加學邊隻都冇乜所謂 ...
其實我係想佢遲些中學做功課、大學寫paper,或日常有任何工作有需要用到時，方便自己吧
作者: MrBeast 時間: 20-2-15 11:17
pingu_k 發表於 20-2-15 11:13
其實我係想佢遲些中學做功課、大學寫paper,或日常有任何工作有需要用到時，方便自己吧
...
中文我personally 揀最易上手和effective use of time.
作者: pingu_k 時間: 20-2-15 11:28
MrBeast 發表於 20-2-15 11:17
英文重要些吧，懂touch type ma?
中文我personally 揀最易上手和effective use of time.
...
現在多了咁多時間，樣樣野都輪住學下做下，不用咁悶
作者: MrBeast 時間: 20-2-15 12:25
pingu_k 發表於 20-2-15 11:28
現在多了咁多時間，樣樣野都輪住學下做下，不用咁悶
作者: pingu_k 時間: 20-2-15 12:52
MrBeast 發表於 20-2-15 12:25
totally up2u. 我之前囤左些片和書，片就清得8899
請問有哪些片可介紹
作者: MrBeast 時間: 20-2-15 13:00
pingu_k 發表於 20-2-15 12:52
請問有哪些片可介紹
作者: pingu_k 時間: 20-2-15 13:56
MrBeast 發表於 20-2-15 13:00
green book n 我不是藥神 我們覺得好睇哦，不過人人口味未必一樣
謝謝!我去睇睇!
作者: MAMAMEEE 時間: 20-2-16 23:38
請教一下，在中一/中二，需要幾多是中文打字呢？
作者: 洋蔥頭媽咪 時間: 20-2-21 19:45
本帖最後由 洋蔥頭媽咪 於 20-2-21 23:03 編輯
pingu_k 發表於 20-2-10 12:38
想小朋友(小六)得閒學中文打字，請問大家覺得學哪一種好?
速成?(我自己用這種)
個人會建議學倉頡，我自己用速成唔太快，但我有同事倉頡好叻，真係可以打得好快，連我呀頭打文件都會揾佢。
我都叫我仔學倉頡，有同佢講將來工作中/英文打字少不了，就算見工好多公司都考中/英文打字，而且多數公司都只有装倉頡/速成，須然九方/拼音.....學識都可以打得快，但倉頡會較普遍，所以學倉頡一定冇衰。
之前我買左隻碟比呀仔自己學，部首佢都自學過但赖用，屋企電腦有裝手寫板，佢多數用手寫，平日大部份嘢佢喜歡打英文。最近唔駛返學响屋企得閒，見佢自己拎番隻碟黎練，倉頡好快已經上番手，但要快一定要打多啲先得。
作者: 洋蔥頭媽咪 時間: 20-2-21 19:56
MAMAMEEE 發表於 20-2-16 23:38
請教一下，在中一/中二，需要幾多是中文打字呢？
我仔就好少用中文打字，可能係英中，間中有但唔多。
作者: kirstyau 時間: 20-2-22 12:15
洋蔥頭媽咪 發表於 20-2-21 19:56
我仔就好少用中文打字，可能係英中，間中有但唔多。
本帖最後由 kirstyau 於 20-2-22 12:16 編輯
阿女交網上中文功課， 用電話手寫完再send返去電腦
本來心軟想買個手寫板畀佢，但爸爸又話唔好，咁即係佢一定唔會學好中文打字。
作者: IloveJJ 時間: 20-2-22 12:22
提示: 作者被禁止或刪除 內容自動屏蔽
作者: 洋蔥頭媽咪 時間: 20-2-22 12:23
本帖最後由 洋蔥頭媽咪 於 20-2-22 12:24 編輯
kirstyau 發表於 20-2-22 12:15
本帖最後由 kirstyau 於 20-2-22 12:16 編輯
阿女交網上中文功課， 用電話手寫完再send返去電腦
我覺得佢地想學自然會學，年青人好難迫㗎啦，可以照提供比佢，引導多啲。所以我買隻蝶比呀仔，佢哋無聊可能又會拎黎學
作者: kirstyau 時間: 20-2-22 12:28
洋蔥頭媽咪 發表於 20-2-22 12:23
我覺得佢地想學自然會學，年青人好難迫㗎啦，可以照提供比佢，引導多啲。所以我買隻蝶比呀仔，佢哋無聊可 ...
快快樂樂學倉頡其實幾好玩 我個時學。
作者: kirstyau 時間: 20-2-22 12:29
IloveJJ 發表於 20-2-22 12:22
爸爸通常都好有智慧的
本帖最後由 kirstyau 於 20-2-22 12:30 編輯
阿媽通常衰心軟
隔離個post。
作者: 洋蔥頭媽咪 時間: 20-2-22 12:30
kirstyau 發表於 20-2-22 12:28
快快樂樂學倉頡其實幾好玩 我個時學。
作者: kate_85 時間: 20-4-22 10:25
拼音會快好多，而且可以提升埋普通話能力；倉頡就一定要識寫字先打得出，呢家好多時候大家都提筆忘字
作者: happylife28 時間: 20-7-30 05:17
提示: 作者被禁止或刪除 內容自動屏蔽
作者: b3410 時間: 20-7-30 09:31
kate_85 發表於 20-4-22 10:25
拼音會快好多，而且可以提升埋普通話能力；倉頡就一定要識寫字先打得出，呢家好多時候大家都提筆忘字 ...
我哋都係用拼音。
作者: fishballbaby 時間: 20-7-31 10:29
我自己用倉頡，而阿囝用普通話拼音，因為自幼稚園開始學，對佢來說唔使特別學就識得打，但是我覺得慢了點
作者: dingyan 時間: 20-7-31 14:21
我都想知大家小朋友用咩輸入法。我自己用拼音，但記得之前係圖書館用電腦，好似冇得揀拼音？唔知學校電腦會唔會有呢？前老板鬼鬼哋，中文麻麻，都係用拼音，似乎而家拼音輸入法係香港都多人用？咁仲使唔使練倉頡呢？
作者: 結結巴巴 時間: 20-8-2 09:28
fishballbaby 發表於 20-7-31 10:29
我自己用倉頡，而阿囝用普通話拼音，因為自幼稚園開始學，對佢來說唔使特別學就識得打，但是我覺得慢了點
...
作者: 小余 時間: 20-8-20 01:42 標題: 回覆樓主:
本人用倉頡，但聽講速成係可以打得更快。
諗過轉漢語拼音，但發現自己的拼音不夠強的話，一用就變烏龜。
作者: SeptKid 時間: 20-8-20 20:08
pingu_k 發表於 20-2-10 12:38
想小朋友(小六)得閒學中文打字，請問大家覺得學哪一種好?
速成?(我自己用這種)
倉頡最好
作者: S-Kwok 時間: 20-8-21 08:37
pingu_k 發表於 20-2-10 12:38
想小朋友(小六)得閒學中文打字，請問大家覺得學哪一種好?
速成?(我自己用這種)
我會揀倉頡。
我仔學校普通話教學, 就用普通話併音輸入。
我自己喜歡倉頡，識拆碼會打得好快。
作者: 洋蔥頭媽咪 時間: 20-8-21 11:09
S-Kwok 發表於 20-8-21 08:37
我會揀倉頡。
我仔學校普通話教學, 就用普通話併音輸入。
我自己喜歡倉頡，識拆碼會打得好快。
其實學倉頡著數啲，始終將來見工好多公司冇咁多輸入法比你揀，但普遍公司一定會有倉頡同速成囉！
作者: pingu_k 時間: 20-8-25 14:16 標題: 回覆樓主:
多謝大家的分享！ 結果我仔自學倉頡，雖然無太積極練習，但至少識咗D規則，無聊時打吓，都係個好開始！配合埋佢已識的 PTH拼音，將來做功課都夠應付吧？！
| 歡迎光臨 教育王國 (/) |
Powered by Discuz! X1.5 |