教育王國

標題: 如果7點出門口，4點半先放學回到家，辛唔辛苦？ [打印本頁]

作者: 日本太太 時間: 20-1-31 21:54 標題: 如果7點出門口，4點半先放學回到家，辛唔辛苦？

因為學校比較遠，7點就要出門口，爸爸送佢返學，放學3點半，然後工人接佢，4點半到家
坐鐵全程無位坐

6年辛苦嗎？

如果唔係就要考慮搬屋

作者: virgokaren 時間: 20-1-31 22:29 標題: 回覆樓主:

坐校車可以接受

作者: 1998Ruby1998 時間: 20-1-31 22:36

咁樣搬屋好啲。識人學校近、但早上堂同校車多人，所以 7 點上車，落車 4 點鬆啲。

睇你能唔能夠 keep 到早睡早起好習慣。唔少人都係為讀書，7 點未夠就出門，都係靠習慣靠恆心。

作者: 日本太太 時間: 20-1-31 22:37

virgokaren 發表於 20-1-31 22:29
坐校車可以接受

校車時間太早，要6：15左右
同埋未必有點對點

作者: 日本太太 時間: 20-1-31 22:40

1998Ruby1998 發表於 20-1-31 22:36
咁樣搬屋好啲。識人學校近、但早上堂同校車多人，所以 7 點上車，落車 4 點鬆啲。

睇你能唔能夠 keep 到早 ...

搬屋又引申另一個問題，就係要放租自己單位，再租出面，要兩者配合到都唔易

如果租客突然唔租，我又要交租，又或者業主唔租比我... Etc

好頭痕

作者: 1998Ruby1998 時間: 20-1-31 22:43

日本太太發表於 20-1-31 22:40
搬屋又引申另一個問題，就係要放租自己單位，再租出面，要兩者配合到都唔易

如果租客突然唔租，我又要交 ...

本帖最後由 1998Ruby1998 於 20-1-31 22:45 編輯

咁唯有習慣下。

或者會唔會可以校車揀另一條路線？即係你遲少少出門但搭車去到校車站再上車。見過有人咁做，因為有啲校車不斷兜大彎，計落可以遲半個鐘出門。以前我嗰間 30 分鐘地鐵到，但因為兜去其他區，7 點上車，4 點幾落車，都係要靠早睡早起，咁就挨左 6 年的，都 OK。

辛苦唔辛苦係相對，小朋友冇比較，習慣左自然覺得冇問題，佢鍾意學校就更加唔覺得辛苦。

作者: 日本太太 時間: 20-1-31 23:05

1998Ruby1998 發表於 20-1-31 22:43
本帖最後由 1998Ruby1998 於 20-1-31 22:45 編輯

咁唯有習慣下。

有計過坐車轉校車呢個方法，但同自己送返學差不多時間
接放學都可以坐校車嘅，但都係要去落車點pick up，又係煩，倒不如直接去學校接

我覺得我女會唔慣的原因係，而家間幼稚園係樓下，佢訓到8點先慢慢嘆早餐，行落去5分鐘就到 :goo

到時可能會吃力點

要平衡下所有possible ways

作者: scgift 時間: 20-1-31 23:27 標題: 回覆樓主:

來回全程冇得坐，我係大人都覺得辛苦啦

如果唔搬的話，真係難為個小朋友

如果你個小朋友好似我嗰個咁易攰就超慘了。我個小朋友朝早瞓到7：40，8：10出門，放學15：35返到屋企(學校與屋企距離10分鐘步行路程)。就算夜晚瞓足10小時，第二日一過小息已經開始攰，午飯後更是魂魄離體。

小朋友有幾鍾意學校都冇用架，攰就係攰!

作者: Charlotte_mom 時間: 20-1-31 23:28

要唸埋學校有不同返學時間（如間中返晏），爸爸要返工時間未必配合到，咁工人頂唔頂得住先？

作者: Charlotte_mom 時間: 20-1-31 23:29

一般幼稚園返9:00，小學返8:00，一升小學要碼早起一小時係無可避免的（無論學校遠唔遠）

作者: Poyau 時間: 20-2-1 00:07 標題: 回覆樓主:

時間上唔算特別長
不過無得坐就辛苦啲

作者: 日本太太 時間: 20-2-1 00:10

scgift 發表於 20-1-31 23:27
來回全程冇得坐，我係大人都覺得辛苦啦如果唔搬的話，真係難為個小朋友

如果你個小 ...

咁如果揀搬出去，就可以好似你咁啦，訓到7：40

作者: 日本太太 時間: 20-2-1 00:11

Poyau 發表於 20-2-1 00:07
時間上唔算特別長
不過無得坐就辛苦啲

如果想坐都得，坐校車囉，但要先坐西轉校車，回程一樣落校車再轉鐵，時間長多少少

作者: 日本太太 時間: 20-2-1 00:12

Charlotte_mom 發表於 20-1-31 23:28
要唸埋學校有不同返學時間（如間中返晏），爸爸要返工時間未必配合到，咁工人頂唔頂得住先？
...

所以我先咁糾結

仲要諗埋細仔，又要報幼稚園啦，工人要接送兩個

作者: NNbaby 時間: 20-2-1 00:51

係無得坐辛苦，小學生書包真係重，大人拎都辛苦
工人要帶埋細仔出去接大女放學嗎？

作者: tkinwong 時間: 20-2-1 07:25

係辛苦。要視乎間學校樓主有幾鍾意，值唔值得咁做。

除了小朋友辛苦，樓主老公都辛苦。如果間學校係咁好（或者講得白啲係出名的名校），咁都係唯有照試吓頂唔頂得住，頂唔住就搬屋，舊屋放租。

作者: 日本太太 時間: 20-2-1 07:58

NNbaby 發表於 20-2-1 00:51
係無得坐辛苦，小學生書包真係重，大人拎都辛苦
工人要帶埋細仔出去接大女放學嗎？
...

買左個有碌的書包比佢

好似水價客個啲

細仔唔駛出去，放婆婆度

作者: 日本太太 時間: 20-2-1 08:00

tkinwong 發表於 20-2-1 07:25
係辛苦。要視乎間學校樓主有幾鍾意，值唔值得咁做。

除了小朋友辛苦，樓主老公都辛苦。如果間學校係咁好（ ...

爸爸唔辛苦，返工都係學校附近，係早左返，不過又可以早少少放工

呢間學校都係我心儀的，但其實屋企附近都有另一個offer, 當然無咁出名，所以先咁難揀

作者: NNbaby 時間: 20-2-1 10:03

日本太太發表於 20-2-1 07:58
買左個有碌的書包比佢好似水價客個啲

細仔唔駛出去，放婆婆度

有碌書包好重架，碌過地下再揹上身好污糟，小學生係會前面有水氹都就咁碌過去

作者: Diversifyedu 時間: 20-2-1 10:09

NNbaby 發表於 20-2-1 10:03
有碌書包好重架，碌過地下再揹上身好污糟，小學生係會前面有水氹都就咁碌過去
...

有碌書包真心唔建議用，拖唔到上樓梯，揹上身又重，寧願用買餸車袋住到學校門口先攞岀嚟放入去。

作者: 日本太太 時間: 20-2-1 10:11

NNbaby 發表於 20-2-1 10:03
有碌書包好重架，碌過地下再揹上身好污糟，小學生係會前面有水氹都就咁碌過去
...

我個款係架車仔同書包分開的，可以叫姐接個時先帶埋

錯重點

不過唔好講話書包，咁長途返學都辛苦，只係學校附近都貴租，步行範圍租唔到，最後都係要坐校車，只係搬近左少少無咁辛苦

作者: NNbaby 時間: 20-2-1 11:07

日本太太發表於 20-2-1 10:11
我個款係架車仔同書包分開的，可以叫姐接個時先帶埋

錯重點

如果學校好心儀，又係一條龍/升中勁，都值得長途跋涉去讀，或者你開名vs，應該有更多具體意見

作者: NNbaby 時間: 20-2-1 11:08

日本太太發表於 20-2-1 10:11
我個款係架車仔同書包分開的，可以叫姐接個時先帶埋

錯重點

本帖最後由 NNbaby 於 20-2-1 11:17 編輯

搬到有點對點校車已經差好遠，未必一定要搬學校附近
朋友仔東九龍去南區，校車唔洗半個鐘，但就要早起身搭校車

作者: 日本太太 時間: 20-2-1 14:29

NNbaby 發表於 20-2-1 11:07
如果學校好心儀，又係一條龍/升中勁，都值得長途跋涉去讀，或者你開名vs，應該有更多具體意見
...

不是一條龍呀，不過都出名嘅，陳守仁
我自己住屯門
其實搬去元朗，校車時間都好好多了

作者: Charlotte_mom 時間: 20-2-1 16:20

如果可以搬嘅，計劃下囉，話晒一讀6年（順便考慮埋升中校網）

作者: 1998Ruby1998 時間: 20-2-1 20:53

我中小學朋友元朗出油尖旺，不過係女校（以前係直屬）。佢都係 7 點出門口，阿媽車佢返學，然後放學去附近補習社，再夜晚車佢返去。佢咁樣就 6 年，然後中學又係 7 點唔夠出門。計埋姐妹校一共 23X 人爭唔超過 140 個直屬位，佢都考到頭 6 成入返。

TSL 考頭 6 成，都應該係 Band 1 池，係油尖旺裡面「非龍非直屬非聯繫學校」裡面最好。但長遠都係搬好，始終遠左啲，而且屯門網唔利孩子升中。又唔洗搬去學校附近，你有車，搬出少少都已經幫助好大。我暫時都諗到幾個可搬嘅地方，近啲又利升中啲啲。不過都要睇你 budget 幾多。TSL 升中多數都係留係九龍區，尤其多入顏寶鈴、李國寶，所以搬出去好啲。往後讀中學只會越來越繁忙同遲放學，你都唔想仔仔 6 年後返到屋企冇耐就天黑，甚至 6、7 點先補習完返屋企。

作者: assado 時間: 20-2-1 21:17 標題: 回覆樓主:

冇校車, 全程企多, 6年都辛苦, 小朋友書包都重, 如有轆書包, 有學校吾俾用, 建議搬屋。

作者: WinnieCatCat 時間: 20-2-1 21:43

日本太太發表於 20-1-31 21:54
因為學校比較遠，7點就要出門口，爸爸送佢返學，放學3點半，然後工人接佢，4點半到家
坐鐵全程無位坐 :thin ...

我同你有d似，住得偏遠返市區小學。早上6:45出門、爸爸車返學，放學坐校車，再在校車站駁車回家，4:30返到。以為咁樣好特別？慢慢發現you are not alone。我小朋友有同學，也是爸爸送返學、放學坐校車，雖然有校車點對點，但校車上車時間6點幾，所以爸爸寧願車返學讓小朋友瞓晏半小時。再誇d係有同學日日包架的士由新界出來返學。而住我那區很多小朋友也跨區返學，人人6點幾便出門。辛苦嗎？其他人聽見一定覺辛苦，但親身經歷過，習慣了又冇乜嘢。小朋友習慣做嘢快手，課堂上如老師畀時間做功課，亦會嗱嗱聲做。本來諗住小朋友在爸爸車上可瞓多陣，點知佢醒左就瞓唔返，現在會利用早上車程溫下習。唯一取捨的，是只會參加星期五的學校課外活動。

雖然說孟母三遷，但香港地真係唔係話搬就搬，負擔得到的，可能住屋面積變小居住環境冇禁理想，仲可能要顧慮埋長老的互相支援。我中學時未有馬鐵，有同學住馬鞍山每天坐巴士三小時來回返學。住得遠的人，自有生存之道。

除非你打算一直在屯門升中，如想升中多點選擇，陳守仁是很吸引的。試一年，如太辛苦轉返入屯門應也不難

作者: 日本太太 時間: 20-2-1 21:49

1998Ruby1998 發表於 20-2-1 20:53
我中小學朋友元朗出油尖旺，不過係女校（以前係直屬）。佢都係 7 點出門口，阿媽車佢返學，然後放學去附近 ...

介唔介意分享下近啲又利升中的選擇？
如搬的話，我暫時考慮緊
1.元朗2.荃灣3.美孚4.荔景5.奧運
搬去奧運其實真係好貴，同埋好細

作者: 日本太太 時間: 20-2-1 21:55

WinnieCatCat 發表於 20-2-1 21:43
我同你有d似，住得偏遠返市區小學。早上6:45出門、爸爸車返學，放學坐校車，再在校車站駁車回家，4:30返到 ...

好明白

其實搬出去真係好吸引，但真係只可以搬去兩房細單位。自己物業有三房兩廁，一家四口加狗狗姐姐住岩岩好，搬出去要租返咁大單位真係幾吃力。
同埋我媽媽都係住附近，搬左就少個靠山。
辛苦我諗一定會，只係諗緊佢越來越大，功課越來越繁重，想比多啲時間佢休息下。
如果就返校車時間，近得來又平租的話，我只諗到元朗yoho, 但老公反對，你知啦近排元朗好多事

作者: 1998Ruby1998 時間: 20-2-1 22:17

日本太太發表於 20-2-1 21:49
介唔介意分享下近啲又利升中的選擇？
如搬的話，我暫時考慮緊
1.元朗2.荃灣3.美孚4.荔景5.奧運

本帖最後由 1998Ruby1998 於 20-2-1 22:21 編輯

本帖最後由 1998Ruby1998 於 20-2-1 22:19 編輯

元朗、荃灣都唔夠好，美孚、荔景就好啲。奧運當然最近，但我都知好貴，又細。我諗緊如果你租得起奧運 2房的話，黃埔新村會唔會考慮下？有三房但舊，近返學，升中又可以九龍城，2 萬月租應該有。另外諗起藍田啲居屋 (康X苑)，好彩嘅話，匯景同麗港城都可能有盤。上述都有 3 房，但都一定冇 Yoho 咁新，可能都係得實用 450-600 左右。藍田升中 not the best but better。

香港十八區，我只係諗到油塘、TKL係未生過事 (油塘多公僕、TKL 地鐵上蓋搞唔到)。不過我諗上述最安全都係黃埔新村。

作者: 日本太太 時間: 20-2-1 23:00

1998Ruby1998 發表於 20-2-1 22:17
本帖最後由 1998Ruby1998 於 20-2-1 22:21 編輯

本帖最後由 1998Ruby1998 於 20-2-1 22:19 編輯

多謝分享，岩岩即刻睇左黃埔新村啲租盤，呎價都唔平，去到$38，如果咁租奧運仲好，慳返校車錢

九龍東暫時唔考慮住，因為太遠媽咪，所以剩下美孚荔景可以揀。
其實美孚新村係幾好，唯一缺點係舊

以上係「如果搬」的前提下

比起我地個年代，而家啲小朋友讀書已經好辛苦，做父母都盡量想比一個好啲既讀書條件佢，讀唔讀得成就睇佢自己啦

作者: Dordormummum 時間: 20-2-2 01:26

你得一個小朋友嗎？如果得一個我會搬。我而家小朋友都係7點出門，4點零番到。其實小左時間俾佢玩同做功課，勁快又食飯訓覺。

我等埋細女睇下讀咩，都會搬番近學校
慳番好多時間

作者: 1998Ruby1998 時間: 20-2-2 06:03

回覆日本太太的帖子

本來都諗起碧麗花園同旺角昌明大廈、富榮花園（富榮花園係 TSL 隔離），應該平過黃埔新村，可以留意下。不過如果你要近娘家嘅話，美孚新村應該最 fit 你，但好似呎價都唔平。租奧運嗰啲你好大機會都係租 2 房，但唔太建議你屈就 2 房，始終你有工人又有小朋友，佢哋兩個冇可能一間房。如果你同小朋友同一間，最多只挨到五六年級，除非之後你畀工人返鄉下+只會三人世界唔會生多個。
嗰陣我屋企都係孟母三遷，為升中而遷。死慳死抵唔去旅行唔豪食唔豪著，終於換到樓。

陳守仁始終冇中學部，呈分一定更繁忙，要好有心理準備同自律先得。雖然話學校唔算谷，但身邊家長都會好緊張，好容易令你動搖、不安。到時候升中又要琴棋書畫，如果加入埋校隊，操練到 5、6 點。

作者: 日本太太 時間: 20-2-2 08:47

Dordormummum 發表於 20-2-2 01:26
你得一個小朋友嗎？如果得一個我會搬。我而家小朋友都係7點出門，4點零番到。其實小左時間俾佢玩同做功課， ...

就係兩個先煩，仲要唔同性別

如果搬的話，細佬就要再考幼稚園，又煩多樣
到時一個小學，一個幼稚園，唔同地區的的接送都要安排下

作者: 日本太太 時間: 20-2-2 08:52

1998Ruby1998 發表於 20-2-2 06:03
回覆日本太太的帖子

本來都諗起碧麗花園同旺角昌明大廈、富榮花園（富榮花園係 TSL 隔離），應該平過黃 ...

我仲要係一仔一女

同性別屈蛇都可以住同房，但而家我一家五口始終都係要住三房

富榮係好選擇，但唔多租盤，可能要搵下暗盤

讀得陳守仁都係想佢升中理想啲，但如果返放學成兩個幾小時真係好浪費時間，對佢唔公平

好難取捨，呢幾個月諗到頭都爆

作者: gracelam 時間: 20-2-3 11:47

日本太太發表於 20-2-1 14:29
不是一條龍呀，不過都出名嘅，陳守仁
我自己住屯門
其實搬去元朗，校車時間都好好多了

純粹個人認為，為左TSL長途跋涉返學唔多值得。

作者: minichong28 時間: 20-2-3 12:13

我地6:15am上校車, 住西貢, 九龍塘名小返學, 4:30pm返到屋企, 幼稚園到而家小二都係咁, 小朋友習慣左, 暫時功課都應付到, 9:00am上床, 9:30pm前瞓, 都觀察緊升高小時功課仲係咪可以應付到, 如果攪唔掂, 可能都要被迫搬出市區

當然, 住慣郊區唔想出市區住....

作者: tummypooh 時間: 20-2-3 21:07

老實講，如果經濟許可，搬家又維持到原有生活質素，更係個個都住係學校側邊最好。但我估呢樣嘢應該幾唔現實。

咁調返轉，為左小朋友多一小時至個半小時時間訓覺或做功課，你要由住700尺變做住400尺，環境好變做環境一般，你覺得值唔值？呢樣嘢人人唔同。到時住細左，放嘢都冇地方放，小朋友冇地方用，可能又引發爭執。

現實中，我見好多小朋友六點半唔夠就已經上左校車，仲要唔少。我有時通宵加班六點三四返到屋企，樓下已有校車有小朋友。

都係個句，冇得比較，只能睇餸食飯。

作者: popochiny 時間: 20-2-4 00:05

可以考慮下駿發花園，在舊油天對面，可以經天橋行去富榮花園，都很方便。雖然近果欄，但屋苑內自成一各，很企理的。有三房一套的則

作者: lovegeneration 時間: 20-2-4 11:49

你仲未考慮到放學之後有好多校隊訓練，interest classes, 起碼都4:30pm或之後先完。小朋友返到屋企已經近6點，仲未做功課、沖涼同食飯。除非你小朋友放棄所有呢啲班…

作者: b3410 時間: 20-2-4 16:20

屯門出來有好多保姆車，大西北好多小朋友都係從幼稚園就搭保姆車返學。可以問一問自己住的街坊鄰居保姆車資料。

作者: ainnai 時間: 20-2-4 20:53

日本太太發表於 20-2-2 08:52
我仲要係一仔一女同性別屈蛇都可以住同房，但而家我一家五口始終都係要住三房

富榮係好選擇 ...

可租富榮花園，3房2廁，大約2萬租

歡迎光臨教育王國 (/)