教育王國

標題: 新年流流俾女激親 [打印本頁]

作者: sweetapplebb 時間: 20-1-26 13:56 標題: 新年流流俾女激親

日日一起身就要玩手機遊戲，限時間佢玩，够鍾又唔肯俾，最後我警告佢及不情願被沒收。昨日我要沒收手機，唔俾我總總向我吐口水，激死我，打佢又打番我，最後打到佢哭。
4年級女仔已經咁，我老公又係衰做壞榜樣，除左返工外，就係打遊戲機，所以個女學埋。
昨日應承今日溫默書，今日是旦抄d詞語課本叫做溫左。
一日要玩幾次電話，唔俾就話我唔俾佢自由，係到吵
只生一個都另我頭痛。

作者: Soundervolt 時間: 20-1-26 15:01

sweetapplebb 發表於 20-1-26 13:56
日日一起身就要玩手機遊戲，限時間佢玩，够鍾又唔肯俾，最後我警告佢及不情願被沒收。昨日我要沒收手機，唔 ...

仲未到青春期都咁，過多兩年仲麻煩

作者: sweetapplebb 時間: 20-1-26 15:05

回覆 Soundervolt 的帖子

係呀激到我嘔血，我已刪除佢所有遊戲，哭到我虐待佢咁

作者: Soundervolt 時間: 20-1-26 15:18

sweetapplebb 發表於 20-1-26 15:05
回覆 Soundervolt 的帖子

係呀激到我嘔血，我已刪除佢所有遊戲，哭到我虐待佢咁 ...

四年級已經大個女，好好傾下就快要面對升中學嘅問題....用對抗心態唔可以根治問題，如果對抗閙罵可以解決問題，教仔女就變得容易。試吓搵一啲空間可以讚下佢，去令佢續步對學業建立信心。

作者: Jane1983 時間: 20-1-26 15:40

趁佢仲細，仲聽你講，及早教佢。唔係到升中，青春期就好難教。

你同佢感情一定要好，呢個係所有管教的根本。親子關係好，就算打罵和約束，佢知你愛佢為佢好，佢會接受。同一件事、同一個做法，感情唔好，佢覺得你無理管佢，會叛逆，會有憎恨父母的心。

作者: 1998Ruby1998 時間: 20-1-26 19:45 標題: 回覆樓主：

本帖最後由 1998Ruby1998 於 20-1-26 19:53 編輯

唔係要沒收，係要佢自動上繳。要保持語氣同耐性。邊個出手，邊個輸，所以你一出手打佢，已經係輸左。

鏟 game 當然喊到七彩，因為你睇唔出個遊戲對佢嘅價值。對你而言係一個遊戲，對佢而言係一個好朋友。

但睇你描述，唔覺你有事前事後“講道理”呢一環節，你只有警告、情緒失控、懲罰。女女會學你先惡、情緒失控呢兩樣野，再大啲有報仇之心就學足你呢套。何必呢！

冷靜啲，做家長一定要冷靜，一定唔可以打人，仔女會學你去打其他人，變得往後唔識用言語同人交涉，只識得暴力解決。一習慣左就好難改。

作者: sunnymama2 時間: 20-1-27 13:14 標題: 回覆樓主:

打機真係好頭痛

阿仔學校的社工講過，家長有咩問題可以揾佢幫忙，佢好有信心解決。

唯獨是沉迷打機，係佢最冇信心，係好難搞掂的。

作者: MrBeast 時間: 20-1-27 14:32

打佢做乜，打（爛）部機仲好
y ma 教路：有交帶有自由。

同女講：要用自己手機用就要show 到比你睇有自控能力。

e加就約法三章訂一些計分制，如做完功課可玩15mins

作者: ar_mak 時間: 20-1-27 17:20

提示: 作者被禁止或刪除內容自動屏蔽

作者: Yanamami 時間: 20-1-29 10:57

ar_mak 發表於 20-1-27 17:20
Ｓ網友：四年級已經大個女，好好傾下就快要面對升中學嘅問題。

屋企有个爸爸做榜样，呢个case係绝症｡从來同－个家庭出唔同既教育方向、理念(有时係四大長老)，就好难搞｡甚至点搞都無用｡

唔知楼主係女細个时係点对待电子產品？会唔会細細个已用电子奶咀？佢要自己番学所以小四已有自己有机？用咩plan?

我係觉得到四年班已好难搞，連學校校工都話，初小既你兇下佢，佢仲会驚。高小既，啋你都傻，你大唔到佢｡

作者: yaijing 時間: 20-1-29 11:22

提示: 作者被禁止或刪除內容自動屏蔽

作者: minichong28 時間: 20-1-29 11:24

爸爸想個女好, 首先要以身作則, 唔係阿女只會覺得唔公平, 攪唔掂爸爸, 阿女唔會攪得掂

作者: Jane1983 時間: 20-1-29 12:32

回覆 ar_mak 的帖子

麥哥，梗係細好教，你無見過青春期唔大唔細，藐嘴藐舌，同佢講咩都好炆憎的衰樣？同佢傾計都難，仲想撥亂返正，祝你好運

至於罰，打同鬧，做幾多，點樣有效，真係睇每一段親子關係。朋友個女讀名女校，佢話佢老婆係佢女升中後，做得唔對仍然會兜把星，然後兩母女抱頭痛哭。今時今日，佢女讀大學了，兩母女關係好好。

作者: ar_mak 時間: 20-1-29 21:58

提示: 作者被禁止或刪除內容自動屏蔽

作者: ar_mak 時間: 20-1-29 22:02

提示: 作者被禁止或刪除內容自動屏蔽

作者: ar_mak 時間: 20-1-29 22:17

提示: 作者被禁止或刪除內容自動屏蔽

作者: yaijing 時間: 20-1-29 23:33

提示: 作者被禁止或刪除內容自動屏蔽

作者: ar_mak 時間: 20-1-30 00:09

提示: 作者被禁止或刪除內容自動屏蔽

作者: ar_mak 時間: 20-1-30 00:16

提示: 作者被禁止或刪除內容自動屏蔽

作者: Jane1983 時間: 20-1-30 19:54 標題: 回覆樓主：

本帖最後由 Jane1983 於 20-1-30 23:02 編輯

會唔會打機成癮，其實好睇一個人的性情。有d人就係比較容易斷捨離，係沉迷一段時間後，會停落黎抽身而出，out grow佢，或者唔想比一樣嘢束縛住。我識唔少呢種人，呢d係個人性情，唔係父母特別管教有方。

而好沉迷的情況，有可能佢本身對讀書的興趣已經不大，或者讀得麻麻，成就感有限。你比樣咁好玩的嘢distract 佢，佢當然會揀打機，唔會揀溫習或睇課外書。

另外，亦可能小朋友生活單調，除咗返學，就係補習，咁打機係生活中唯一有趣味性的活動，點可能唔沉迷！？

要打破個局面，就要從根本出發。

作者: licpd 時間: 20-1-30 22:04

要自小陪養多的興趣！運動，音樂，閱讀和其他世藝！我女有五六樣課外野可以好花時簡，跟本無時簡打機！

作者: MrBeast 時間: 20-1-31 07:29

yaijing 發表於 20-1-29 23:33
其實小朋友沉迷打機問題好多父母都經歷緊。明知禁止打機係冇可能，但比小孩自由地打更加唔可以。唯一可 ...

我做法類似，instead of 獎勵，我說是free time, 佢自己決定點用，inc 打機

作者: Alicham 時間: 20-2-11 15:50

sweetapplebb 發表於 20-1-26 13:56
日日一起身就要玩手機遊戲，限時間佢玩，够鍾又唔肯俾，最後我警告佢及不情願被沒收。昨日我要沒收手機，唔 ...

試下培養多d興趣

作者: ToMing123 時間: 20-2-12 01:59

本帖最後由 ToMing123 於 20-2-12 01:59 編輯

阿女係咪冇其他嗜好，或者係咪個個同學仔都玩，佢要玩先有話題？阿女反應咁激烈，一埋牙就約法三章好難成事。試下你都玩埋一份，叫佢教你玩，有共同話題改善咗緊張關係，又可以了解下個女諗乜，佢地興啲咩，之後都容易傾啲。同時你又介紹下你既嗜好興趣俾佢，或者揾其他活動俾佢試，分散投資，唔使淨係沉迷打機。

作者: iyhas 時間: 20-2-13 16:33

本帖最後由 iyhas 於 20-2-13 16:34 編輯

古語有云, 為老不尊, 教壞子孫
爸爸日打機夜打機, 如何叫女兒唔打機?

打個比喻, 大人一路食薯片飲汽水食老麥, 一路話食依啲野冇益, 阿女你唔好食
你覺得有冇說服力?

歡迎光臨教育王國 (/)