教育王國

標題: 三年級小朋友超級心散⋯點算？ [打印本頁]

作者: angel-papa 時間: 20-1-16 23:15 標題: 三年級小朋友超級心散⋯點算？

剛剛考完試，結果暫時未知，可是溫書過程實在痛苦(emoji)⋯

唔知是否有好多男孩子都是這樣，琴日溫完嘅嘢，第二日再問返會好似乜都唔記得咁！即係白費心機⋯⋯

一路溫書嘅時候，個心淨係諗住幾時有得去玩、又或者喺度發緊白日夢⋯再唔係又話要去廁所、一陣又話要食茶點、溫左半個鐘左右佢又開始瞌眼瞓⋯⋯

連我自己都唔敢睇考試出嚟嘅結果⋯

請問有冇人可以指點一下？點樣可以令到小朋友沒有這樣心散⋯
我淨係想佢專心啲⋯還是其實我小朋友有不專心嘅問題，要去到睇醫生呢？

作者: Jane1983 時間: 20-1-17 08:40 標題: 回覆樓主：

本帖最後由 Jane1983 於 20-1-17 14:00 編輯

佢一日裏面，你有無劃定比佢玩的時間？如果你一日比1個鐘私人時間佢，任佢睇電視、玩玩具、訓覺咁都得。一個鐘之後在做功課和溫習，咁佢可能會心甘命抵，願意專心。

作者: Soundervolt 時間: 20-1-17 08:54

angel-papa 發表於 20-1-16 23:15
剛剛考完試，結果暫時未知，可是溫書過程實在痛苦(emoji)⋯ 唔知是否有好多男孩子都是這樣，琴日溫 ...

首先可以去搵醫生做下檢查，睇吓係唔係有專注力不足嘅問題，如果喺身體嘅問題，可以有藥物嘅幫助。另一方面，要對小朋友培養對學習有正確態度，最主要有學習動機，點解要學習知識？知識對日常生活有什麼需要？當小朋友對某些事情有興趣就會專注及認真。打個比喻，小朋友鍾意打機，因為有興趣就會變得十分專注，電玩當中嘅日文或英文指令，亦因為要去玩，所以無師自通亦可以認識當中英文或日文生字嘅解釋，呢尐都係”動機”所在。所以要從小朋友嘅興趣入手，再喺興趣當中發展學習動機，令佢哋感受到知識對佢地本身嘅重要性，從而產生正確嘅學習態度。

作者: 小曳人 時間: 20-1-17 09:50

心散定專注力不足？未睇醫生前，可以留意少少野，e.g 日常生活當中，多唔多食化學野？糖、汽水、junk food? 有無試過cut 呢d野，效果如何？

我有朋友仔仔見過學校社工、EP，都話佢ADHD，佢cut junk food 加食supplement，有明顯進步，當中亦有用精油幫手，總之幫得到嘅都試，課堂上老師亦有讚佢大有進步

佢試過俾仔食一粒糖，即刻興奮到坐唔定，從此唔敢俾佢食糖！

作者: 1998Ruby1998 時間: 20-1-17 09:57

本帖最後由 1998Ruby1998 於 20-1-17 09:58 編輯

聽落似似地輕微 ADHD/專注力弱，同醫生講下情況好啲。冇事就繼續努力，有事都可以儘早幫仔仔。

有冇硬性時間表？即係講左一個鐘（或者 16:00-17:00）任玩就一個鐘，之後就要收拾心情溫一個鐘。同埋培養正確態度，想其他人對佢認真、守承諾，佢自己先要認真同守承諾。要畀佢知道，你付出咁多，佢亦要付出一樣多。
同埋一定要 cut 零食，汽水、餅乾、糖果，全部考試都一定唔可以掂。呢啲本來無益，同埋會影響專注力，糖份、添加劑會易令人 hyper。

作者: chuheadlacool 時間: 20-1-17 13:54 標題: 回覆樓主:

專注力不足可以邊度check?

作者: angel-papa 時間: 20-1-17 18:00

原來介食零食，汽水、餅乾、糖果真係咁重要！

咁佢又真係日日都有食糖果或者餅乾之類的東西⋯⋯ 學校小息都會食這些東西⋯ 不過冇諗過影響會咁大

亦都未試過俾佢任玩一個鐘，因為平時都係姐姐照顧，已經好自由。但係電視一定冇得睇，因為我掹咗條線，想睇都冇辦法！

當我同佢溫書嘅時候，就係放假嘅日子，所以佢成日覺得放假都要溫書⋯

我會試吓再睇下同佢介食⋯ 但係唔食呢啲可以食啲咩呢

請問有冇好提議？

專注能力我真係好混亂⋯因為叫佢自己砌Lego的、砌模型，佢可以砌好耐⋯ 個幾鐘嘅冇問題！但係一去到溫書就20分鐘都頂唔順⋯

運動方面其實已經有做運動，常常都有玩球類運動的訓練班，佢又好鍾意又好專心練習咁⋯ 我都搞唔清係唔係專注力有問題⋯

作者: 1998Ruby1998 時間: 20-1-17 21:20

難怪！吸收咁多糖份同添加劑，對小朋友腦部發展唔好，改食水果、自家製茶點。之前阿妹就係做練習前同中間都食糖，容易分心，同佢講完「食糖會蠢、唔識做練習」就即刻戒，專注力有提升返。

識幾個 ADHD，綜合返佢哋特徵，佢哋玩、睇電視可以好專心，但有樣野唔同嘅就係，佢哋就算好專心，肢體會繼續郁，例如隻腳會放上凳，甚至踎係度，明明做係度溫書，佢偏要走黎走去、企係度唔坐。不過呢啲，學校老師應該留意到，會投訴。如果強迫專心 20 分鐘，佢哋明顯專注力同體能下滑，feel 到佢哋「攰」。

所以有 ADHD 小朋友嘅家長屋企都唔會有太多零食，幾乎要「戒糖」，有啲極端到飲兩口汽水，即刻 hyper 到夜晚訓唔著。

作者: asweetmom 時間: 20-1-19 16:45 標題: 回覆樓主:

過目不忘的人萬中無一，大家都是凡人而已。

作者: mytambb 時間: 20-1-20 11:32

angel-papa 發表於 20-1-16 23:15
剛剛考完試，結果暫時未知，可是溫書過程實在痛苦(emoji)⋯ 唔知是否有好多男孩子都是這樣，琴日溫 ...

本帖最後由 mytambb 於 20-1-20 11:37 編輯

已經過了三年，理論上不是專注力不足或過度活躍。否則學校應該一早捉咗佢去做評估。的確男仔是比較難集中，比較好動活潑。可以試試行為改善（behavioural modifications)；如獎或罪，使用計時器等

如仍然不放心，可找私家教育心理學或職業治療師做一個詳細的評估。

非藥物治療是首先考慮的方法。如嚴重個案，可找精神科醫生，醫生可能會使用藥物治療，但藥物始終有一些副作用，必須留意。

歡迎光臨教育王國 (/)