教育王國

標題: repeat P1 vs repeat k1 [打印本頁]

作者: yubaba 時間: 20-1-16 15:08 標題: repeat P1 vs repeat k1

小兒本來以細B身份, 正就讀一間語境不錯環境好好的私幼K1, 但此校一向考直私一般。幸運地今年以超大B身份考獲skh offer. 求高人或有經驗人分享意見, 我究竟給他轉校repeat K1? 一或在原校升k2, 到考P1時若考不到心儀, 就有多一次考P1機會, 到時先repeat p1? 希望各位經歷了升小的超大B、大B、中B、細B的爸爸媽媽分享下你們的看法同經驗🙏🙏🙏

作者: Poyau 時間: 20-1-16 15:20 標題: 回覆樓主:

請問升小目標是那類型學校

作者: yubaba 時間: 20-1-16 15:33

回覆 Poyau 的帖子

我哋偏向喜歡傳統名校 , 有中小學部的。新派直資私小亦都唔抗拒。

作者: Poyau 時間: 20-1-16 15:39

yubaba 發表於 20-1-16 15:33
回覆 Poyau 的帖子

我哋偏向喜歡傳統名校 , 有中小學部的。新派直資私小亦都唔抗拒。 ...

SKH名氣大對升名校直私有幫助

作者: yubaba 時間: 20-1-16 15:42

回覆 Poyau 的帖子

這就是我考skh原因。不過, 唔知值唔值花多一年同放棄原校語境。

作者: Poyau 時間: 20-1-16 15:52

yubaba 發表於 20-1-16 15:42
回覆 Poyau 的帖子

這就是我考skh原因。不過, 唔知值唔值花多一年同放棄原校語境。 ...

現就讀的私幼語境不錯環境好好
名氣如何? 有名的未必值得重讀

作者: 1998Ruby1998 時間: 20-1-16 16:02 標題: 回覆樓主：

本帖最後由 1998Ruby1998 於 20-1-16 16:03 編輯

如果將來係考慮讀直私唔玩抽獎的話，細 B 可以找讀住 P1 官津，然後第二年考嗰幾間大熱，起碼學術、品德都有返咁上下。

如果係想一擊即中，唔想 repeat P1 悶親小朋友，咁 K1 重讀。

作者: yubaba 時間: 20-1-16 16:17

Poyau 發表於 20-1-16 15:52
現就讀的私幼語境不錯環境好好
名氣如何? 有名的未必值得重讀

算出名, 但「名氣」一般。在山上的那間。

作者: Awyleung 時間: 20-1-16 17:38

回覆 yubaba 的帖子

Repeat k1 讀冇龍幼唔抵，因為考小一都各自發功，找間有龍先repeat

作者: yubaba 時間: 20-1-16 18:15

回覆 Awyleung 的帖子

咁無龍收, 如果做細B考小一, 會否好唔著數?

作者: tummypooh 時間: 20-1-16 19:28

老實講，細B去面試直私小一，一般都係較輸蝕。當然梗有啲例外。如果你小朋友哥哥或姐姐，或者你強力操練，咁就可能唔同。

如果你目標係直私，你可以睇下你而家個間同SKH的直私升學率比較一下。

我就係P1先REPEAT再考多次的。

作者: yubaba 時間: 20-1-16 19:46

回覆 tummypooh 的帖子

原校雖然大部分人一講就識, 但講到考直私成績, 一定不及skh。以你過內人經驗, 點解會選擇repeat p1 而當初不repeat PN or K1?

作者: tummypooh 時間: 20-1-16 20:09

回覆 yubaba 的帖子

哈哈，因為我當初冇諗咁多啫。
不過另一方面係我小朋友K3報名考直私小一時，我已打定輸數，因為雖然老師話佢發展係跟得上，但好明顯同大半年個啲小朋友已經見到有距離，所以都係諗住報黎當練習定明年再戰。

所以就又佢讀住小一先，大多年，再加上小一開左學幾個月再去面試，點都有著數掛（呢個可能只適合我呢種自由放牧型家長，冇操過小一面試）。就算真係咁慘再考多年都考唔到，都可以正常咁讀上去，唔使浪費一年，惟有呢六年讀好啲，中間跳船或升中再戰。

咁好彩俾佢考到的龍或有直屬中學，咪轉囉，用一年時間換六年後小個煩惱嘛。

作者: lskstephen 時間: 20-1-16 22:40

yubaba 發表於 20-1-16 15:08
小兒本來以細B身份, 正就讀一間語境不錯環境好好的私幼K1, 但此校一向考直私一般。幸運地今年以超大B身份考 ...

SKH

作者: yubaba 時間: 20-1-16 22:42

lskstephen 發表於 20-1-16 22:40
SKH

點解呢?

作者: fadgare 時間: 20-1-16 23:44 標題: 回覆樓主:

skh+超大，考spcc/db機會必定比普通幼+細b大，這個必然，但不是必入。問題在於你想幾時利用repeat這個機會？有些人P1考番神校P1，又得咗，即repeat轉校。唔得呢？咪繼續細b讀返原本果間，對小朋友/家長來講冇乜嘢。如果k1 repeat，到時考唔到神校，你會否覺得哂咗一年/心有不甘？但你已經repeat咗，冇得再repeat，只能等考插班。如果你小朋友係好醒，細b一樣可以有一線offer，只不過未必係神校咁解。咁你可以「讀住先」，P1再試，又或者好叻仔，考插班P2也可。當然，如果係諗住做大一定乜都好啲/好喜歡skh，又另當別論。

作者: LittleButter 時間: 20-1-17 00:23

本帖最後由 LittleButter 於 20-1-17 00:27 編輯

我個人就會選擇repeat K1 (因為家中小兒也是repeat PN的)，不過這只是我個人的看法，亦未必適合、套用在每個小孩子的！因為我也認同樓上部分家長的意見！所以，不同的家庭、父母的要求、孩子的質素也有所不同，很難一概而論！只可以説説自己的經驗好了！

Repeat PN/ K1的好：
-孩子仍然很細，其實根本未知道什麼是repeat! 反之，小朋友到P1, 大概已經6歲，其實已經知道發生什麼事，朋友/同學圈子中知道個個都升P2, 只有自己一個repeat, 縱然去另一學校就讀，也必須要先處理好孩子的心靈健康，才是真正需要關注的！

-另外，男仔真的一般比女仔發展慢D，尤其在年幼階段。我個人比較喜歡男仔可以從小建立自信心多d，這樣對他一路的成長也是影響深遠。這是我所相信的，也是我親身經歷我家兒子1st 與 2nd 年讀PN 的明顯分別。然後一直見證他由2nd PN 至現在(P3), 自信心是與日俱增的！

不過，正如上面也有家長所言：不要期望repeat 左K1，就一定等於考小一時必有亮麗的成績/有很多的offer. 其實，兩者不存在必然的關係！我個人認為如果既然這樣選擇了repeat K1，就要相信不論是否得到好的小一offer，已經是為兒子選上了一條美好的道路，培養他更有自信的過程是沒有白費、也不會後悔的！

作者: MrBeast 時間: 20-1-17 08:18

本帖最後由 MrBeast 於 20-1-17 08:19 編輯

Poyau 發表於 20-1-16 15:39
SKH名氣大對升名校直私有幫助

有冇高人深入研究過是因為父母勁定課程好呢？

作者: Poyau 時間: 20-1-17 08:33

MrBeast 發表於 20-1-17 08:18
有冇高人深入研究過是因為父母勁定課程好呢？

見以下分享各方配合之成果

http://www.edu-kingdom.com/forum.php?mod=viewthread&tid=3807729

作者: lskstephen 時間: 20-1-17 10:57

回覆 yubaba 的帖子

跟其他網友分享差不多

1. SKH 對 target 聖公會神校有幫助
2. Repeat K1 對小朋友心理適應相對容易

作者: kyleebc 時間: 20-1-17 13:26

我仔以前是SKH, 不保證百份百入神校, 我們不是舊生, 小朋友要外補、有去面試班和學樂器, 回想起考小一對父母是煎熬。可能我們幸運, 最後有直資男校收,而我們覺得就讀聖公會幼稚園係有加分的作用。

作者: adrianbaby2013 時間: 20-1-17 16:10

Of course repeat K1 better than repeat P1, 不排除學校覺得你已有小學讀緊而不給予offer, 留返俾沒有小學backup的學生

作者: dreamdream081 時間: 20-1-17 17:48

yubaba 發表於 20-1-16 15:08
小兒本來以細B身份, 正就讀一間語境不錯環境好好的私幼K1, 但此校一向考直私一般。幸運地今年以超大B身份考 ...

Repeat K1

作者: karenaleung 時間: 20-1-17 20:30

yubaba 發表於 20-1-16 15:08
小兒本來以細B身份, 正就讀一間語境不錯環境好好的私幼K1, 但此校一向考直私一般。幸運地今年以超大B身份考 ...

面試看重小朋友面試的表現，多過來自哪一間幼稚園。我覺得幼稚園名氣冇直接關係，課程設計，學習環境才重要。小朋友面試的表現，取決於父母，學校培養，及自身天資性格等。當中尤以父母培養最為重要。
SKH當然有小朋友入神校（其他幼稚園也有），我識嘅SKH入到神校嘅係N無或有關係, 有啲有關係都一樣考不到。做父母，當然係覺得但凡有一點幫助，都寧願做左先。所以，如果不是重讀，我覺得當然選SKH, 感覺入讀神校或一線直資有幫助。但重讀的話，是冇保証。要接受到呢一點。另外再看看小朋友本身做細B進展如何。做大B，條路一定順暢啲，先天優勢。神校的確收超大，大B比例高好多。

作者: 香蕉煎餅 時間: 20-1-20 14:51

1998Ruby1998 發表於 20-1-16 16:02
如果將來係考慮讀直私唔玩抽獎的話，細 B 可以找讀住 P1 官津，然後第二年考嗰幾間大熱，起碼學術、品德都 ...

如果第二年考唔到直私咁點算

作者: 1998Ruby1998 時間: 20-1-20 19:22

香蕉煎餅發表於 20-1-20 14:51
如果第二年考唔到直私咁點算

照讀/插班。

好少會第二年乜都冇，始終係“谷”左一年，學術上肯定夠班。而且咁樣經歷過兩年考直私，點都一定有收穫。

作者: lambeanmama 時間: 20-1-21 07:55 標題: 回覆樓主：

本帖最後由 lambeanmama 於 20-1-21 07:56 編輯

過來人，我選擇repeat K1。考慮點不只考直私，還包括小朋友心智和社交發展。還有的是，K1個陣小朋友咩都未知，repeat可以糊混小孩，但repeat 小一，一來無保證考到心儀小學，二來小朋友又可能會抗拒再考小學。何苦呢？

如果你擔心超大b都考不到心儀小學而考慮考兩次小一；咁你根本無信心做細B 會考到直私。咁仲點解要去考兩次小一呢？考小真的不好玩。大人小孩要面對不少壓力。

本人結果是最心儀三間直私中了兩間。沒有其他人說超大B 勁有優勢，但小朋友大多一年去考，更了解他的性格和能力，所以考小過程無大風浪。很感恩。

作者: tummypooh 時間: 20-1-21 10:05

回覆香蕉煎餅的帖子

如果兩年都考唔到，唯有只可以講小朋友暫時唔啱讀個啲學校。
繼續原校努力再戰。

作者: monodad 時間: 20-1-21 14:05 標題: 回覆樓主

我兩個小朋友都係超細repeat K1入龍幼，個人覺得如非龍幼無必要repeat K1。無backup 去考直私假如失敗就只有考插班呢條路可行，因為你無可能再repeat P1。我兩位老闆其實最後都無升龍小，一個叩咗入有直屬中學嘅津校，另一個N冇身份入咗直資男女校（好多SKH都想入果間），亦有朋友私小細B畢業入咗聖公會屬下港島男直資，第二年repeat P1入返男女直資。最後一提，假如N冇人士，最好不要對SKH升神校機會有過份遐想。

作者: tummypooh 時間: 20-1-21 15:29

我就選擇Repeat P1，如果小朋友好醒，可能超細B都考到直私。如果考唔到，先諗大抽獎讀P1定REPEAT K3。抽到間心儀的就唔使再考，繼續讀上去。如果一條心要考直私，又可以用大B身份考多次，或插小二。

作者: fadgare 時間: 20-1-21 16:30 標題: 回覆樓主:

我小朋友超細b，舊年3私其中2間收咗，照讀，有諗過p1再考神校，最後冇，因為覺得佢讀得幾好，想照上。我覺得p1先再諗repeat彈性啲。而且佢自細性格唔係健談果類，我覺得repeat再考幫助不大，寧願如果讀得好考插班。今年有朋友名幼大b考小，offer同我仔一樣。我覺得大細b考小/讀咩學校，不是好大關係。可能有幫助，但最主要看小朋友資質/品行/其他“關係”。如果target學校只收大b，p1再考也可。

作者: Leanne123 時間: 20-1-23 13:46 標題: 回覆樓主:

repeat K1 好一些。小孩细過自己不知自己repeat

歡迎光臨教育王國 (/)