教育王國
標題: 點樣去處理唔鍾意做功課嘅中學生 [打印本頁]
作者: mtplee 時間: 20-1-13 01:01 標題: 點樣去處理唔鍾意做功課嘅中學生
家中有個極之討厭做功課嘅中學生，我容許佢欠交，但佢過唔到自己嗰關，日日做功課做通宵，攪到我日日都唔夠瞓，好想帶佢睇心理醫生，佢好聰明，上堂唔聽書，唔溫書都可以考得好好，佢話老師未教佢都識，睇心情嚟考試，無心情可以考得差。
作者: 海之風 時間: 20-1-13 08:09
轉間少功課的學校
我小朋友學校好少功課，通常40分鐘做晒，有時仲完全冇功課。
作者: YmOra 時間: 20-1-13 08:57
mtplee 發表於 20-1-13 01:01 
家中有個極之討厭做功課嘅中學生，我容許佢欠交，但佢過唔到自己嗰關，日日做功課做通宵，攪到我日日都唔夠 ...
睇嚟孩子有佢資優部份，建議你轉去無乜工課嘅中學對孩子的成長更配合更好，我估他的聰明不是放响"密密做"，而是放响"大視野"的學習領域之上。
作者: Jane1983 時間: 20-1-13 09:27
轉一間適合佢的學校。
如果佢唔聽書、唔溫書，都可以考到好好。咁佢係讀書材料，你何必要佢一定要做好多功課，去磨平佢讀書的興趣。睇心理醫生有咩用，睇完一樣係一大堆功課。要睇醫生睇到鍾意做功課，人生已完結。
作者: mtplee 時間: 20-1-13 21:40
回覆 Jane1983 的帖子
中一諗轉校諗到中三，決定放棄band1英文同佢轉間band3直資，因為我個仔講過理科讀中文仲辛苦過用英文讀，所以一直放唔低，我見佢越嚟越唔開心，中三我先發現佢有完美主義，佢唔鍾意做功課，但做project做完各人果part之外，佢永遠做埋包底執漏，佢做功課唔滿意會不停塗，有時會嬲自己無用。中一時唔轉係因為班主任覺得唔交功課係佢角度唔係好重要，令我放下心頭大石，老師話會睇重因材施教，佢話會上堂多D向佢發問，令佢引導同學多方面思考，中一下學期搵過社工架，班主任都好幫佢，過渡中一二，中三就好似又比中一嚴重，可能科目多咗，功課自然又多咗。其實呢間學校都畀咗好多機會我個仔去嘗試，發揮所長，亦都係我唔捨得嘅地方。
作者: IloveJJ 時間: 20-1-13 22:43
提示: 作者被禁止或刪除 內容自動屏蔽
作者: Jane1983 時間: 20-1-13 23:30
回覆 mtplee 的帖子
你仔仔點諗？佢想唔想轉校？
多功課的學校有一個通情達理的老師，不如一間少功課的學校有一班合情合理的老師。
作者: YmOra 時間: 20-1-13 23:54
mtplee 發表於 20-1-13 21:40
回覆 Jane1983 的帖子
中一諗轉校諗到中三，決定放棄band1英文同佢轉間band3直資，因為我個仔講過理科讀中 ...
睇嚟你兒子是一個做事認真的人，一係唔做一做必定要完成，甚至乎要做到最好，唔鍾意做功課，但有能力做妥做好功課，我家嘅一家之主Ｃ６話，似足嗰套卡通片火影裏頭那個叫鹿丸嘅忍者，他經常掛在口邊說：「真係好麻煩呀！」總是怕做Ｄ麻煩事，但其實有能力做，其實係"領袖"的好材料，其實你兒子都係領袖材料，老師感覺得到，老師識得利用領袖的特徵幫助身邊其他人，如果要咁辛苦調離開這環境，倒不如留低，加上學校有給機會他有專登留意他有想幫助他，留低不是想繼續不開心，而是試圖改變自己對多功課的""心態""對待，心態改變不是一兩日嘅事，但要潮向這努力，我會鼓勵孩子說：「有能力嘅人，如領袖般的人是最多嘢做，這些工作不是懲罰，而是鍛鍊而是為自己增加能力，日子只會越見輕省，先苦後甜嘛！升到高中必定無現在咁辛苦，你比其他人已經行前好多了，你勤力過好多人了，到咗其他人知醒知要勤力嘅時候已經嚟到ＤＳＥ期考了。」在我眼中，你兒子大有能力的，只是對功課量轉了牛角尖而矣！試下換個心態對待功課這個東西吧！努力呀！
作者: YmOra 時間: 20-1-14 00:13
IloveJJ 發表於 20-1-13 22:43
轉去少功課學校吧！好多b1學校都少功課的。
我大仔無你那個咁聰明，但佢都係讀書快，做功課慢，在多功課 ...
我試過對着做功課超慢的小孩子，有些經獎勵性的鼓勵係有改善的，但有些就無法改變，生性係咁，我建議孩子"慢慢地"做和"邊做邊學習"，我要孩子利用做功課的時間同時順便"溫習"埋課程內容，經過日子的鍛鍊，孩子既不再懼怕功課這東西，又找到樣""適合""自己的學習方法，這方法幫助到佢响該科大約４０％左右的考試溫習內容，其餘６０％就繼續從書本中學習，但溫習時間就變得無咁緊張了。
作者: mtplee 時間: 20-1-14 01:14
回覆 YmOra 的帖子
佢有自己嘅主見，唔多聽人講，佢想即時轉校，越早走越好，呢間學校係佢覺得自己係垃圾嘅地方，咁簡單做功課都做唔到，自我價值好低，佢想轉換環境，從新開始，雖然理科的生字轉中文佢一個都唔識，佢仍然堅持要走，呢個未知嘅新環境，仲要係讀咗一半嘅學期插班，我睇到佢眼有自信，喺band1中學可以某D科目唔溫書都考到全級頭5名，band3佢充滿自信添，不過間學校仲未有回覆收唔收架。
作者: 海之風 時間: 20-1-14 07:13
mtplee 發表於 20-1-14 01:14
回覆 YmOra 的帖子
佢有自己嘅主見，唔多聽人講，佢想即時轉校，越早走越好，呢間學校係佢覺得自己係垃圾 ...
作者: IloveJJ 時間: 20-1-14 07:35
提示: 作者被禁止或刪除 內容自動屏蔽
作者: b3410 時間: 20-1-14 08:52
考唔考慮轉國際學校？如果喜歡做project，又好有自己主見，資優，喜歡的科目自己一定要做到最好。可能轉去國際學校，可以有更大的發展空間
作者: Jane1983 時間: 20-1-14 10:44
由band1英中轉去band3直資，有保留。小朋友成績好，沒有其他選擇嗎？
作者: Danielhk 時間: 20-1-14 11:04
本帖最後由 Danielhk 於 20-1-14 13:44 編輯
功課多，也不會日日十一點。除非是前面累加的功課。
如果是SEN,要找到他適合做功課的模式。獎賞-> 刺激->形成習慣。
絕對不贊同轉校。新校有新校的問題。現在中學能包容他欠功課，不記缺點。實在是太好了。再換也找不到更好的了。
心理醫生的建議是，提供一個安靜整潔的學習空間。
看描述，你孩子不是不願意做功課。是追求功課完美。
要相信大多數老師，功課量會在學生能力呢。
何謂功課少？只有一篇作文，提前三五天，日日到凌晨。每個字，每句話都要最完美。我聽到有作文功課就怕。但現在好了，這個問題解決了。
天才都要學習。有信息輸入才有輸出和發揮空間。
我最近在懷疑有類人，他們的溫書方式與眾不同。我們認為他們沒溫書。其實他們大腦內時時刻刻在溫書。
“呢間學校係佢覺得自己係垃圾嘅地方，咁簡單做功課都做唔到，自我價值好低”
b1換b3就改變了嗎？按照他的邏輯不是應該挑戰全港最top的學校嗎？完全看不懂這混亂的邏輯。
作者: YmOra 時間: 20-1-14 11:25
本帖最後由 YmOra 於 20-1-14 11:25 編輯
mtplee 發表於 20-1-14 01:14
回覆 YmOra 的帖子
佢有自己嘅主見，唔多聽人講，佢想即時轉校，越早走越好，呢間學校係佢覺得自己係垃圾 ...
這類"領袖"型嘅人好有"主見"係好正常，既然你道出孩子必走的心情和理由，原因充足無理由唔轉，但我亦建議你多留意孩子的""情緒""問題，處理不當嘅話，將來好難响社會生活。你們要努力呀！
有無去過啲Ｂ２學生也有機會收嘅直資中學，例如"顏寶玲"，來自Ｂ１中學的學生會否容易ＤＤ入到，話晒全英學習嘛！不過，功課量估計都有一定程度。其實你選擇那所Ｂ３中學，是否因為睇中該中學功課量十分少呢？！若是，都理解。
作者: YmOra 時間: 20-1-14 11:45
本帖最後由 YmOra 於 20-1-14 11:47 編輯
IloveJJ 發表於 20-1-14 07:35
係架，我都係叫佢做功課當埋溫書，有部分功課的確可以，例如佢既中史功課，其實就等同考試模式，將整課內 ...
是的。中學時期的數學功課會比較針對性多ＤＤ，機械式的鍛鍊不復見係件好事。如果，學校科老師Ｄ功課問題問得好係好有指引性，做功課就等於邊做邊溫習。但，若然有些科目的功課無料到，我曾遇見過這類問題，我建議學生與未斷聯絡的小學同學仔交換學科工作紙嚟仔細的做一次，交換的同學仔各得好處互補各自中學的學科功課之不足。咪當係阿媽買咗Ｄ練習番嚟做咁對待囉！
作者: IloveJJ 時間: 20-1-14 15:27
提示: 作者被禁止或刪除 內容自動屏蔽
作者: YmOra 時間: 20-1-14 16:06
本帖最後由 YmOra 於 20-1-14 17:00 編輯
IloveJJ 發表於 20-1-14 15:27
唔同校既工作紙有用嗎？課程內容一樣嗎？
有用架！以數學科為例，工作紙有時係書商提供嘅加埋老師自己緝錄的數題，阿女試過有人俾別校嘅數學工作紙的一Ｄ數題她做，遇然會有些"超深"，幾有挑戰性，佢哋班小學群組响到鬥快"解"，都算係良性競爭，互推進步。
作者: IloveJJ 時間: 20-1-14 16:43
提示: 作者被禁止或刪除 內容自動屏蔽
作者: YmOra 時間: 20-1-14 16:55
IloveJJ 發表於 20-1-14 16:43
我誤會了，以為你指其他科目。
唔係呀！我只是舉咗數學科為例咋！
作者: mtplee 時間: 20-1-14 22:31
回覆 YmOra 的帖子
我個仔數學堂唔聽書，自己出題目畀自己做，考試亦唔會溫數學都試過攞到全級第二名，佢話老師未教佢都已經識做，佢好憎做mc因為有得揀，越難嘅題目佢越鍾意，但好難嘅佢又做到佢好懶嬲自己，嬲自己做得慢剪爛本數學書，佢由細到大都懶，乜嘢練習簿都唔會做，小學時曾經為咗呈分試去補過1年幾數學，佢就經常挑戰老師的計算方式，老師問我佢係屋企係咪咁，補習功課永遠唔做。佢唔係有特殊問題嘅學生，佢小學係一個好乖嘅學生，班主任都好錫佢。一升中學就變咗另一個人，做阿媽嘅當然唔想佢轉校，可能佢身邊太多負能量同學，日日搵佢傾談，佢本身都唔係好正能量仲吸埋咁多負能量，咪頂唔順，日日都唔開心，唯一開心嘅時刻就係打機時，佢日日都問我幾時轉得校，佢覺得自己有能力讀好書考到港大，唔好在意學中文定英文。
作者: Danielhk 時間: 20-1-14 23:48
本帖最後由 Danielhk 於 20-1-15 00:19 編輯
mtplee 發表於 20-1-14 22:31
回覆 YmOra 的帖子
我個仔數學堂唔聽書，自己出題目畀自己做，考試亦唔會溫數學都試過攞到全級第二名，佢 ...
你確定不是Sen？是你自己推斷還是測評結果？有測過智商嗎？有找心理醫生評估過嗎？
數學級二或比較靠前，是僅僅一次還是多次？是偶然還是必然？
不是所有家長都能識別SEN.中一第一次考試有偶然性。希望你兒子的數學級二成績，不是中一第一次考試。
我兒子也不溫書。但有勤力完成功課。空白的人不可能有好成績。電腦也要輸入數據先跑起來。不聽課，也必然要自己看書。天才完全有可能自創學科，前提：讀過前人成果。
真的喜歡數學，有各種機會可以挑戰。有許多奧數比賽。不喜歡做MC,還是不會做？也可能：遇到容易題目歡天喜地，遇到難的題目，諸多藉口。
b1轉到b3,會有更多正能量？
自認為轉校b3可以考入港大？
有這份自信，即使轉校也是B1A,只要足夠優秀，中四一定有空位！
他的自信來自何處？是考試成績優異嗎？
拿著漂亮成績表，根本不愁找不到滿意學校。
如果成績不漂亮但自信能力高，那一切，我認為都是幻覺。
作者: In2c68 時間: 20-1-15 03:03
mtplee 發表於 20-1-14 22:31
回覆 YmOra 的帖子
我個仔數學堂唔聽書，自己出題目畀自己做，考試亦唔會溫數學都試過攞到全級第二名，佢 ...
其實好多band2都唔係好多功課，可以試左band2先，band2學生會乖少少可能家長會接受d，而有無sen都好，好多學校都會有社工，就好似我個仔學校咁乜學生都有，有唔識中文的但其他科ok的，老師都會慢慢同佢補，能力不足的，A班同D班功課量可以差好遠！
我覺得你仔仔要搵間學校搵到d志同道合的朋友，咁開開心心，佢那個問題應該就會改善！
作者: Danielhk 時間: 20-1-15 07:17
本帖最後由 Danielhk 於 20-1-15 07:33 編輯
In2c68 發表於 20-1-15 03:03
其實好多band2都唔係好多功課，可以試左band2先，band2學生會乖少少可能家長會接受d，而有無sen都好，好多 ...
看描述不是功課多寡，
功課簡單，鬧！
功課太困難,撕書，繼續鬧！
只喜歡有難度題目，速度慢或不識答，鬧！
允許不做功課，鬧！
我感覺到的是邏輯混亂。
這間中學同樣有校工，也願意因材施教。不記缺點，不留班，我感覺這已經是有愛心的學校。
作者: In2c68 時間: 20-1-15 07:48
Danielhk 發表於 20-1-15 07:17
看描述不是功課多寡，
功課簡單，鬧！
咁我都相信學校有關顧佢，可能係青春期反叛加中學適應問題！ 而完美主義者呢點其他人無得幫，最慘係佢把事情完美，但無人認同，分數同其他人一樣！咁重辛苦！
唔知係咪小學係頭位，而上到band1大家咁上下而番得唔開心？因我知有呢種人。
所以如果想完勝果種滿足感，去band3又真係做到！而入U問題，band3總有幾個入到大學，佢肯定做到果幾個咪ok囉！
其實人生係佢，佢自己行得開心已可！
作者: 洋蔥頭媽咪 時間: 20-1-15 08:55
mtplee 發表於 20-1-13 21:40
回覆 Jane1983 的帖子
中一諗轉校諗到中三，決定放棄band1英文同佢轉間band3直資，因為我個仔講過理科讀中 ...
睇晒樓主描述，只感到貴子弟有小聰明，但每日做功課至深夜，佢咁大個仔自己冇諗過有咩解決方法？樓主只描述過小朋友唔温數學成绩亦好，其他科成績呢？是否都唔温習？以小聰明去應付考試並非良好學習態度。初中課程不深還可以，到高中要應付公開試，想取好成績绝不可能唔温唔操練。另外小朋友在校有否参加活動？待人處事態度又如何？中學生涯並非只有學業，亦培養緊孩子待人處事、與人相處及解決問題能力。B1轉B3只是貴子弟怕困難想留在佢認為安穩區域吧！孩子越大就越難再改變，建議你同小朋友可约見心理學家，盡快尋求專業協助。
作者: Danielhk 時間: 20-1-15 09:24
洋蔥頭媽咪 發表於 20-1-15 08:55
睇晒樓主描述，只感到貴子弟有小聰明，但每日做功課至深夜，佢咁大個仔自己冇諗過有咩解決方法？樓主只描 ...
建議盡快看心理醫生。
我兒子小六才看心理醫生。之前表現也是乖巧懂事，老師喜歡。多位老師曾經讚我兒子聰明。但我一直告訴他“不笨也不聰明，一個普通的孩子”。
我小兒子，我一直堅信學習基礎差。我觀察半年開始懷疑讀寫障礙。現在小二也正約見心理醫生。
協康去年九月漲過價。要預算8000元。
除非你的描述片面。我真心建議你帶孩子去評估。通常同時評估智力。就算一切正常，花錢評估一下智力水平也值得。
另外，約見心理醫生需要提前許多天。
作者: YmOra 時間: 20-1-15 10:54
mtplee 發表於 20-1-14 22:31
回覆 YmOra 的帖子
我個仔數學堂唔聽書，自己出題目畀自己做，考試亦唔會溫數學都試過攞到全級第二名，佢 ...
其實，年青人可素性十分高，我經常鼓勵女兒係有能力完成學習。但要响這個"暴風期"情緒容易爆發裏盡能力學習控制情緒才能渡過中學階段，唔好被情緒影響學習的""黃金期""，過後發覺原來是敗响自己的情緒手上先嚟後悔就太遲了。個人認為，中學生學習的成與敗有很大的決定性在於"情緒控制"，情緒強烈的年青人，學習態度往往十分主觀，唔願意聽別人的建議。見心理醫生，尋求專家意見係好的，我們只能支持你繼續努力幫助兒子渡過他的暴風期，靜待平靜日子的來臨。「暴風期」與「黃金期」就偏偏同時期發生和進行，從子女的角度看就知道佢哋過得唔容易架！我哋要多體諒他們，我們做父母嘅就只有經常提點、開解和提供正能量，企响子女背後做""啦啦隊員""十卜十卜孩子。
作者: S-Kwok 時間: 20-1-15 11:48 標題: 回覆樓主:
心理醫生有佢哋說話嘅技巧、拆彈能力，尤其青少年，如果佢哋可以跟唔同層面嘅人接觸，同佢哋傾偈，不論家長，還是孩子，都十分有得著。
（當然唔係只傾一、兩次啦）
作者: mtplee 時間: 20-1-17 07:42
回覆 Danielhk 的帖子
我仔成績一直在精英班，中一至三都是，見過社工允許不做功課的老師都是中一的情況了，中二有改善，但中三又打回原形加上負面同學有很多圍在身邊，日日搵佢傾訴，聽埋聽埋，再加社會現況，我覺得佢因而頂唔順，出現情緒問題，我有講過同佢睇心理醫生，佢唔肯去，話自己無病，佢覺得自己好廢，佢有幾樣學會嘅工作係身，我覺得一走了之很不負責任，老師又要中途搵人頂佢嘅工作，佢話會親自同老師講，佢要走的心很堅決，今日去新學校交插班報名表，讀唔讀到大學就睇佢自己啦，我都寧願佢日日夠瞓有精神上堂，我日日催佢做功課大家都唔開心。
作者: mtplee 時間: 20-1-17 07:44
回覆 S-Kwok 的帖子
佢中一時經朋友介紹咗一個心理醫生，佢聽完我個仔嘅情況後話，呢D聰明仔要搵個勁D嘅同佢傾，不過勁時果個時間我就唔到，一直未睇過
作者: 洋蔥頭媽咪 時間: 20-1-17 07:55
mtplee 發表於 20-1-17 07:44
回覆 S-Kwok 的帖子
佢中一時經朋友介紹咗一個心理醫生，佢聽完我個仔嘅情況後話，呢D聰明仔要搵個勁D嘅同 ...
正式要揾應該係揾 心理學家/精神科醫生。
作者: Jane1983 時間: 20-1-17 08:24
回覆 洋蔥頭媽咪 的帖子
x2。邊有心理醫生咁樣講，佢唔夠資格應付呢個症？咁佢出咩黎掛牌 
作者: 洋蔥頭媽咪 時間: 20-1-17 08:26
Jane1983 發表於 20-1-17 08:24
回覆 洋蔥頭媽咪 的帖子
x2。邊有心理醫生咁樣講，佢唔夠資格應付呢個症？咁佢出咩黎掛牌 ...
可能只係識少少，根本非醫生。
作者: Jane1983 時間: 20-1-17 08:30
回覆 洋蔥頭媽咪 的帖子
係都唔定。
作者: 王家爸爸 時間: 20-1-17 09:14
mtplee 發表於 20-1-13 01:01
家中有個極之討厭做功課嘅中學生，我容許佢欠交，但佢過唔到自己嗰關，日日做功課做通宵，攪到我日日都唔夠 ...
作者: 王家爸爸 時間: 20-1-17 09:26
mtplee 發表於 20-1-13 21:40
回覆 Jane1983 的帖子
中一諗轉校諗到中三，決定放棄band1英文同佢轉間band3直資，因為我個仔講過理科讀中 ...
佢做project鍾意包底執漏，其實原因係嘜？鍾意做？做project同做功課其實有好多類似既地方，點解做功課又無呢種態度？
做功課唔滿意會不停塗，係唔係只出現係語文科？
如果唔係轉咗去另一間學校，情況未必會唔同。
作者: Danielhk 時間: 20-1-17 15:16
mtplee 發表於 20-1-17 07:42
回覆 Danielhk 的帖子
我仔成績一直在精英班，中一至三都是，見過社工允許不做功課的老師都是中一的情況了 ...
當智力高於多數人時，我們會用褒意詞“聰明”“績優”
低於多數人時，用貶意詞“白癡”
其實智商高或低，都是與普通人不同，都屬於“異類”
其他言行也是如此。有人偏內向，有人偏運動。當過於“運動”時，也是SEN,俗稱的“多動”
心理學的與眾不同，不似感冒生病，無儀器，無驗血或者無法基因檢測，來確診。
只能通過經驗觀察，問卷，這些方式總結歸納，行為是否與眾不同。這樣的方式，註定有錯誤結論。尤其是邊緣性的情形。
我曾經內心質疑“心理學”的科學性。也一直試圖去理解這門學科的意義。
隨著深入發展，個性劃分越來越細。可以說人人與眾不同，人人都是SEN
| 歡迎光臨 教育王國 (/) |
Powered by Discuz! X1.5 |