教育王國
標題: 對老師的疑惑 [打印本頁]
作者: joeywylo 時間: 20-1-4 13:32 標題: 對老師的疑惑
最近我小孩喺學校發生左d事，老師嘅處理手法令我好懷疑，覺得好唔妥。
事件係小孩因為一啲事被學校記缺點，佢操行一向A或B,我地家長經過了解後認為係無心之失，而校方堅持小孩係蓄意貪玩所致。感覺上，無論家長點樣解釋，校方嘅所有決定係冇得改變，校方一定會覺得父母係偏幫小孩。
不過呢個唔係令我最唔舒服嘅地方，最覺得有懷疑係一位訓導主任如何令孩子「招認」自己貪玩嘅手法。
小朋友發生左犯錯事件之後幾天，嗰位訓導主任叫佢寫悔過書之類去交代事情，過程中只有佢同訓導主任。而我小孩因為由此至終都覺得係因為自己「唔小心」所致而犯錯（其實佢只係一位小五生，佢所講嘅「唔小心」我理解係「無心之失/誤以為」），但主任堅持話佢唔應該寫唔小心，仲講「我有好多張草稿紙，可以等你寫到啱為止」，於是我小朋友意會到「唔係唔小心」即係「故意」，而且覺得如果唔寫「故意」就冇得離開，於是佢就寫「故意」。之後，嗰位主任就打電話俾我話我小朋友已經承認貪玩。
因為「承認貪玩」呢個過程令我地好有懷疑，想確認小孩所講嘅係咪事實，於是幾天後同呢位主任面談。當我叫我小孩再講一次招認過程時，小孩講到一半已被主任大聲質問「事實唔係咁喎，你諗清楚先講」，之後我小孩冇再繼續講，事後佢話驚再繼續講會再受罰，所以冇繼續講落去。
呢位主任嘅處理方式唔能夠令我地信服。其實事件已經過了幾星期，昨晚我小朋友無端端再講起呢件事，語氣顯得無奈同唔開心，令我耿耿于懷。都小五了，係咪應該淡化件事就算？想聽聽大家意見。
作者: dreambutterfly 時間: 20-1-4 15:47
回覆 joeywylo 的帖子
想了解你孩子犯了什麼事而記缺點呢？這才清楚知事情始未。
作者: joeywylo 時間: 20-1-4 19:07
回覆 dreambutterfly 的帖子
電腦quiz 時，佢話顧住同同學傾計，冇聽到老師指示而誤將其他同學响share folder嘅進評cut and paste落自己部電腦，但係老師覺得佢係故意貪玩做呢樣野,而且老師問邊個郁過d files時，佢冇承認。我小孩解釋以為嗰個folder入面有其人嘅files係唔啱，所以cut and paste放入另外個folder。因為佢顧住傾計冇聽老師指示，佢唔知咁做係錯，所以佢冇即時向老師承認，寫悔過書時都寫自己唔小心做錯。
作者: yaijing 時間: 20-1-4 19:31
提示: 作者被禁止或刪除 內容自動屏蔽
作者: vin105 時間: 20-1-4 19:44
joeywylo 發表於 20-1-4 19:07 
回覆 dreambutterfly 的帖子
電腦quiz 時，佢話顧住同同學傾計，冇聽到老師指示而誤將其他同學响share fol ...
是否仲有前因或其他原因，聽落不是很大件事，電腦科不用呈分吧。孩子有咩動機有心犯錯先？
會否是不得人尊重，孩子才不尊心上堂，而他想有效控制班房的秩序，所以才有這過敏的行為？
請問知唔知他做咗訓導主任有幾耐時間啊？
作者: b3410 時間: 20-1-4 20:33
通常5，6年級就要呈分，學校記缺點會比較謹慎，是否主任覺得事件好嚴重，先要記缺點？
作者: joeywylo 時間: 20-1-4 21:05
回覆 vin105 的帖子
老師話唔理佢咩動機，總之郁動過d quiz files就算係違反測考規則，而且影響全班，又冇承認錯誤，認為佢冇誠信，所以要記。
唔太清楚電腦老師為人，上次面談只覺得佢好固執，完全唔接受學生解釋。
訓導主任好似升左呢個位兩丶三年。
作者: joeywylo 時間: 20-1-4 21:08
回覆 b3410 的帖子
老師話涉及違反測考規則，所以算嚴重。
作者: dreambutterfly 時間: 20-1-4 21:08
本帖最後由 dreambutterfly 於 20-1-4 21:12 編輯
回覆 joeywylo 的帖子
關鍵可能在於這是"Quiz" 1)應當態度認真 只顧住傾計已是十分奇怪現象...亦十分不尊重老師。
2)孩子所造的行為 會否涉及到其他同學成績/公平???
3)孩子的行為非故意並未做到的 且涉及多個步驟才可做到
4)可能老師希望比ㄧ個教訓他。 就是因為五年級快將呈分; 如果考試時又話唔小心 "作弊" 到時仲大件事。
而測驗和考試態度也應當認真 不論什麼科目。
作者: joeywylo 時間: 20-1-4 21:11
回覆 yaijing 的帖子
如果唔係要呈分試，我地會同佢轉校。轉校怕佢有適應問題會影響到成績。
作者: joeywylo 時間: 20-1-4 21:20
回覆 dreambutterfly 的帖子
係呀，老師話要俾個教訓佢，呢個教訓真係大。
不幸中的大幸係個缺點唔會印响成績表，但宜家擔心佢嘅操行分會點。
作者: b3410 時間: 20-1-4 21:24
joeywylo 發表於 20-1-4 21:08
回覆 b3410 的帖子
老師話涉及違反測考規則，所以算嚴重。
作者: dreambutterfly 時間: 20-1-4 21:25
本帖最後由 dreambutterfly 於 20-1-4 21:50 編輯
回覆 joeywylo 的帖子
相信老師也不會希望學生派到不理學校的。小五成績表 升中自行須看的。但如孩子只是ㄧ次犯事 老師操行不會評得太差的, 且還可下學期再努力進步改變老師對他的印象。
作者: b3410 時間: 20-1-4 21:26
joeywylo 發表於 20-1-4 21:20
回覆 dreambutterfly 的帖子
係呀，老師話要俾個教訓佢，呢個教訓真係大。
作者: joeywylo 時間: 20-1-4 22:16
多謝大家嘅意見同鼓勵！呢件事實在令我好困擾和勞累，希望我可以儘快調整好心態。
訓導組老師會有份俾操行分，希望真的唔會評得太差。
作者: ar_mak 時間: 20-1-4 22:40
提示: 作者被禁止或刪除 內容自動屏蔽
作者: haihaimom 時間: 20-1-5 15:49
本帖最後由 haihaimom 於 20-1-5 15:57 編輯
回覆 joeywylo 的帖子
我覺得老師做事好粗疏大意,有乜理由唔畀得學生睇嘅files, 可以喺 share folder入面隨便畀學生搞到,其實都幾不可接受。但學生話掛住傾計唔知道....................亦都講唔過去,因為事後老師有問,但同學冇招認,因為唔小心呢個解釋,十個小朋友十個都會咁講,對老師嚟講係冇乜說服力。對小朋友嚟講係一個好好嘅教訓。就等如你掛住傾偈,買嘢唔記得畀錢就會當你高買。如果中學大學先發生,後果更嚴重。當然小五操行會影響升中,大家都唔想,我都明白家長嘅心情,我會同學校反映 1. 嗰啲files唔應該畀小朋友搞到
2. 小朋友有唔啱,要改過,家長會配合
3. 有冇補償嘅機會可以做,畀佢改過
4. 坦白同老師講擔心影響佢升中
作者: NNbaby 時間: 20-1-5 16:30
記隱形缺點就算啦，無謂得罪老師，小三小六尼兩年好關鍵，唔好搞對抗。你小朋友都真係有做錯，佢對住你實係講唔小心架，始終你唔在場，好難判斷。
作者: Jane1983 時間: 20-1-5 18:31
既然學校擺明唔會改變決定，樓主又諗住唔會轉校，咁就好好收拾心情，考好呈分試閃人。
記隱形缺點算係不幸中之大幸。千祈唔好比呢件事拖到無心機讀書。
作者: Diversifyedu 時間: 20-1-5 22:03
haihaimom 發表於 20-1-5 15:49
回覆 joeywylo 的帖子
我覺得老師做事好粗疏大意,有乜理由唔畀得學生睇嘅files, 可以喺 share folder入面 ...
跟據樓主描述，應該係電腦科quiz完要將自己個quiz file放入老師個folder當交卷，佢小朋友交file見到有其他同學嘅files 係個folder度，就將其他files move 咗去自己電腦，老師開folder見唔啱數但個個學生都話交咗就發覺可疑，問又無人認有郁過files, 結果查岀啲files係佢小朋友個電腦度，所以記缺點。
老師同小朋友對“故意”嘅理解有好大分別，如果將“故意”轉為“主動”會比較易理解。老師認為小朋友係“主動”搬走同學files, 慶幸無影響測驗成積，所以記缺點了事。小朋友認為佢無“主動”去改變測驗成積，只係“唔小心”搬走files而被記缺點，所以心中憤憤不平。
樓主應該要小朋友明白雖然佢非要改變測驗成積而去搬走files，但呢種唔遵守考試規則行為的確可以引致嚴重後過，例如考DSE唔記得熄電話，可以取消該科成積一樣，記缺點算係小懲大誡，當買個教訓。
作者: joeywylo 時間: 20-1-5 22:46
回覆 haihaimom 的帖子
其實你建議喱4點我地都做晒，只是結果不由我地家長控制
作者: haihaimom 時間: 20-1-5 23:35
回覆 joeywylo 的帖子
唯有接受同放下
作者: 2jkidsfather 時間: 20-1-6 08:33
回覆 joeywylo 的帖子
老師用殺一儆百的手法。
似曾相識。
作者: tantanmama 時間: 20-1-6 11:09
樓主小朋友話"以為嗰個folder入面有其人嘅files係唔啱，所以cut and paste放入另外個folder。" --> 就算有人做錯嘢放錯落share folder度, 樓主子女搬入自己個folder都唔合理啦, 咁人地咪會唔見咗個file囉?
喺一個quiz時將同學嘅file cut and paste落自己個folder度, 點睇都冇可能係"唔小心"做成. 做完仲要唔認, 諸多藉口又話傾計又話誤會...... 喺老師角度, 呢個學生毫無悔意. 喺測考過程中存心犯錯, 亦有機會影響其他同學成績, 嚴肅黎睇記決點唔會太過份呀.
作者: haihaimom 時間: 20-1-6 15:54
回覆 tantanmama 的帖子
如果冇理解錯，即係如果當曰老師唔發現，就會有同學冇交，如果事後老師先發現，老師可能懷疑嗰個同學自己冇交，咁佢咪冇分！如果老師俾佢再做再交，又會唔會對其他同學唔公平？如果真係發生咗，同學家長實嬲到爆。就好似偷偷收埋咗同學仔份考卷，老師發現問邊個攞咗又冇人認，結果搜書包搵到，其實都唔係小事。唔錯都錯咗，小朋友受到教訓，總好過大啲先發生.......
作者: b3410 時間: 20-1-6 17:31
tantanmama 發表於 20-1-6 11:09
樓主小朋友話"以為嗰個folder入面有其人嘅files係唔啱，所以cut and paste放入另外個folder。" --> 就算有 ...
anyway, 儘快放低，專心準備呈分試。
| 歡迎光臨 教育王國 (/) |
Powered by Discuz! X1.5 |