教育王國
標題: 最好教育是自學 [打印本頁]
作者: planetearth 時間: 20-1-4 09:42 標題: 最好教育是自學
最好教育是自學 數學神童沈詩鈞爸爸：一日唔想跑唔會有起跑綫
香港競爭激烈，不少家長望子成龍，均會為子女報讀大量補習班，冀「贏在起跑綫」，「數學神童」沈詩鈞的父親沈振雄卻有另一番見解：「佢一日唔想跑，就唔會有起跑綫。」
他08年起義務為學童擔當人生教練，為逾300個家庭「看診」，發現香港家長普遍過分依賴名校和補習社。他認為最好的教育是自學，家長有最大責任，啟發子女從小思考和解決問題。
沈家一門雙傑：次子沈詩鈞在07年破天荒以9歲之齡入讀浸大數學系，時稱「數學神童」，其後到美國修讀博士，現在加州大學洛杉磯分校擔任數學系客席助理教授；長子沈怡謀亦在14歲考入英國牛津大學數學系，17歲以一級榮譽畢業，現職英國雷丁大學數學系講師。
▲ 沈詩鈞現於美國加州大學洛杉磯分校，擔任數學系客席助理教授。（圖片來源：天窗出版社提供）
沈詩鈞9歲之齡 07年入浸大
兒子成名後，沈振雄開始廣為人知，不少人叩門請他教子女讀書，「去街個個都認得我，一年最少有30個人問我點教仔。」隨着接觸的家長愈來愈多，他發現不少港人對教育有誤解，於是在08年開始義務擔當人生教練，為學生「診斷」學習問題，堅持分文不收，去年更將教養兩子和義教的經驗結集成書。
過去11年，沈振雄見過300多個家庭，歸納出普遍失敗原因在於過分依賴學校和補習老師，「佢地風吹雨打報名校；聽日考試，補習社俾晒10年試卷，佢做晒、背晒，聽日咪100分囉，其實佢唔明。」他指不少家長沒有留意子女心理狀況，當仔女遇到困難和挫敗，容易感到孤獨，變得消極和行為異常，家庭悲劇由此產生。
寄語家長 勿依賴名校補習社
沈振雄昨出席樂思集團主辦的分享會時以自己為例，小時候曾兩度跳級，當時班主任主動陪他升班，「雖然幫助並非十分大，但令我有安全感，有勇氣面對困難。好似盲人跑馬拉松有人陪跑咁。」
05年長子怡謀考入牛津大學時，他辭去上市公司副總經理的高薪厚職，和怡謀到英國同住兩年；後來次子詩鈞於07年獲浸大取錄，他又陪讀一年，「小朋友心理變化可以好大，個個大佢10年，會好慌！」
▲ 沈詩鈞的哥哥沈怡謀（左），17歲在英國牛津大學數學系以一級榮譽畢業。（圖片來源：天窗出版社提供）
他認為最好的教育是自學，讓子女學會自行克服困難和挫敗，「你一問就即刻俾答案，就乜嘢都學唔到。你經歷過掙扎，有感受，你成世都會記得。」他不准學生在中五、中六前補習，認為最重要是善用學校，學童在學習上有不明白處，應立即向老師發問。「你唔明，點解唔上堂問老師？英國學生不怕老師，有乜嘢都會舉手講『I do not agree with you』。」
家長需啟發子女思考
談到香港教育缺陷，沈振雄指香港學校只教「What to think」而非「How to think」。他認為要啟發學童自行思考，父母的角色至為關鍵，惟不少家長怕辛苦，不願意投放時間陪子女讀書，問他們問題，「好多家長覺得好小事，認為浪費時間，其實好重要。你不問，子女就不思考，學習就自然慢。」
▲ 沈怡謀（左）和沈詩鈞（右）學業成績卓越。（圖片來源：天窗出版社提供）
他透露現時每周仍與兩子視像通話15至20分鐘，6成時間問他們最近的成果和未來計劃，其餘時間講意見和交流。
沈振雄在300多個家庭中揀選的15名兒童，個個學業有成，他卻笑言變態家庭佔多數，「有父母是高薪高學問，爸爸深夜一時放工回家，不知為何定要叫齊全家一起陪佢睇電視，佢哋都唔肯改變，兩個細路唔夠瞓，成績都好差。」
對於近年家長推崇「贏在起跑綫」，沈振雄卻反問「起跑綫幾時開始？」他認為最重要是孩子本身「想跑」，「要令個細路想跑先得，佢一日唔想跑，就唔會有起跑綫.
作者: stillgood20 時間: 20-1-4 10:33
本帖最後由 stillgood20 於 20-1-4 11:09 編輯
planetearth 發表於 20-1-4 09:42 
最好教育是自學 數學神童沈詩鈞爸爸：一日唔想跑唔會有起跑綫
香港競爭激烈，不少家長望子成龍，均會為子 ...
天生我材, 悉心培養, 又或是人生際遇.
先天, 自發, 又或是努力.
起跑線在那. 又或是因材施教. 又或是隨遇而安.
因人而異.
沈詩鈞確是一個美好的典範. 夢寐以求.
百年鍊一劍.
好像, 朗朗跟父親case. 父子同心.
天才+刻苦+機遇.
成功, 便成仁.
可是,...真的是天才.
作者: jli008 時間: 20-1-4 11:30
提示: 作者被禁止或刪除 內容自動屏蔽
作者: jli008 時間: 20-1-4 11:37
提示: 作者被禁止或刪除 內容自動屏蔽
作者: stillgood20 時間: 20-1-4 11:51
本帖最後由 stillgood20 於 20-1-4 11:52 編輯
jli008 發表於 20-1-4 11:37
雖成長路上不是很合適,但起碼朗父是專一,唔會要孩子多心向多方面,純音樂就音樂,唔會要十八般武藝上身,都情 ...
曾看過電視節目訪問朗朗父親, 有关朗朗生命歷程.極之艱苦, 甚至差不多是身家性命相抵去令朗朗走上的成功之路.
個人很喜歡. 朗朗鋼琴, 跟父親二胡合奏的"賽馬"一曲.
作者: Jane1983 時間: 20-1-4 12:12
回覆 stillgood20 的帖子
朗朗父母好彩，佢仔真係有才華和夠堅毅。睇報導，佢早期好多時係鬧得逼得好激，嘈得激烈時有挑釁個仔去跳樓。講到全家家無恆產咁栽培朗朗，如果唔成功就全家自殺.....
咁樣的教法，大家見到成功的朗朗，可能痴咗、死咗的不知幾多。
作者: jli008 時間: 20-1-4 12:26
提示: 作者被禁止或刪除 內容自動屏蔽
作者: jli008 時間: 20-1-4 12:37
提示: 作者被禁止或刪除 內容自動屏蔽
作者: stillgood20 時間: 20-1-4 12:37
Jane1983 發表於 20-1-4 12:12
回覆 stillgood20 的帖子
朗朗父母好彩，佢仔真係有才華和夠堅毅。睇報導，佢早期好多時係鬧得逼得好激， ...
堅毅, 也是身體內的DNA. 是天份.
很難強求.
作者: jli008 時間: 20-1-4 13:01
提示: 作者被禁止或刪除 內容自動屏蔽
作者: Jane1983 時間: 20-1-4 13:24
jli008 發表於 20-1-4 12:37
朗父年代同現今年代生活及資訊都差很多. 但現在香港所謂的教育制度,父母有冇痴咗、死咗就真係唔知,但都已 ...
呢個世代生兒養女確係難。為另一個個體，付出一生咁多時間、金錢和精力，對方仲要未必對你好，感激你的付出......值唔值得真係好難講。
之前係BK，有女網友湊仔感嘆好後悔。佢話打工唔鍾意，可以辭工。結婚唔適合，可以離婚。但生仔就至少18年的責任。其他人勸佢上到中學會好好多，佢話而家先2歲，十幾年好難過。我唔會帝佢生之前做乜唔諗清楚，因為真係難。
作者: Jane1983 時間: 20-1-4 13:32
stillgood20 發表於 20-1-4 12:37
是的.可能"偉人"是這樣鍊出來的.
堅毅, 也是身體內的DNA. 是天份.
先唔講小朋友係咪命硬，只講父母。發現小朋友有天份，即刻辭工、變賣資產，兩公婆分隔兩地，一年唔見一次，帶個仔女周圍拜師、比賽。咁樣的玩法，有幾多人會咁做。
作者: stillgood20 時間: 20-1-4 13:46
jli008 發表於 20-1-4 13:01
每個孩子都一樣有機會係"偉人",衹係父母點樣自身教學,唔可以一味單靠學校老師, 若是單靠老師,後果隨時很不 ...
自問小兒数學是小優．話不上天才,
已是天份很高．
但,從未有想走向沈詩鈞那種境界．
亞仔活得自在, 從未要求特大數學成就．
現在, 進入大數據時代, 小兒修大數據科,
游魚得水．
縱觀, 小朋友各善勝長．家長能夠理解和指導自已兒女發揮所長．已經很好了．
作者: jli008 時間: 20-1-4 14:07
提示: 作者被禁止或刪除 內容自動屏蔽
作者: 小曳人 時間: 20-1-4 17:31
stillgood20 發表於 20-1-4 13:46
說的對．
自問小兒数學是小優．話不上天才,
已是天份很高．
作者: Jane1983 時間: 20-1-4 17:40
回覆 jli008 的帖子
我有個前輩朋友，後生時他無結婚、無仔女，一路多少有d遺憾。
近一兩年，佢工作麻麻地如意，提早退休移民他鄉，買了間大屋養了6隻狗，種了好多植物。佢話想不到當初的遺憾原來是blessing in disguise。一家黃口小兒等你養，唔到你唔搏殺。
作者: planetearth 時間: 20-1-4 21:00
stillgood20 發表於 20-1-4 10:33
天生我材, 悉心培養, 又或是人生際遇.先天, 自發, 又或是努力.起跑線在那. 又或是因材施教. 又或是隨遇而 ...
作者: Radiomama 時間: 20-1-5 09:52
planetearth 發表於 20-1-4 21:00
父母的悉心培養都好重要, 又要父母自己有能力去教. 沈父及郎爸都要有相當的相關學問,才可以train出奇才. 或 ...
你的孩子的確幸福，因為有你親自教導。
作者: planetearth 時間: 20-1-5 14:49
Radiomama 發表於 20-1-5 09:52
你的孩子的確幸福，因為有你親自教導。
其實我覺得能教他的非常有限. 最多也是中學數學及在理科方而能給他多一點啟發,
大部份的知識都靠他自己想學, 語文及其他都要靠在學校浸 .他們這個年代書本又多網上資訊又多, 想學什麼都容易, 負擔得起的可以給他報些比較優質的科學summercamp(如CTY).
至於數學, 是最容易教的一科, 最多參考書最多練習. 但還是要他自己肯學才教到. 當然過程中父母還是要不斷提點的. 現在初中成熟一點最想他學習專心及認真做好每一件事, 學好時間管理...
慶幸在EK都看到不少前輩分享育兒心得, 不斷從錯誤中學習. 有時見到在別人身上work的, 在自己兒子身上又唔work, 又要重新學習. 每個孩子的成長步伐不同.
我最想還是想兒子身心健康地成長. 追求好的成積或者將來在社會的成就也是為他自己負責任. 成就的定義很廣, 我們普通人覺得
讀完高等教育有份好工已經滿足了.
作者: Radiomama 時間: 20-1-5 14:56
小曳人 發表於 20-1-4 17:31
我搵過沈先生傾計，坦白講，就算有天份，亦好難做到佢所付出嘅！真係好多學習嘅時間，無乜娛樂，當人人話佢 ...
有趣啊！真的是免費服務？介意分享多一點他的advice嗎？
你的孩子會試行那一條路呢？HKUST的Dual program會否已用他好多時間？
作者: 小曳人 時間: 20-1-5 17:53
本帖最後由 小曳人 於 20-1-6 11:16 編輯
Radiomama 發表於 20-1-5 14:56
有趣啊！真的是免費服務？介意分享多一點他的advice嗎？
你的孩子會試行那一條路呢？HKUST的Dual program ...
係免費，係近年已經唔收細路，因為呢代d細路無決心改變命運，佢近年就算收，都係窮苦家庭，唔怕辛苦，最重要嘅係：想讀醫科！
佢嘅advice 應該書上有，我收到嘅formula 係中一至中三要學哂高中課程，高中時集中做past paper，最少10年，年日定下time table，放學無活動，返到屋企去完廁所衫都唔好換就開始做功課，每日最少1小時自修，有問題一星期見補習老師一次時問
問心，我唔想仔讀醫，亦無需改變命運，所以佢嗰套唔啱我
至於DP，又唔算好花時間，但的確會有野唔明，睇多兩次又OK，因為我地想要ref letter，所以都希望仔佢做好d，有需要就會搵朋友幫手睇一下佢d功課 (我自己大學讀pure science，總變到d朋友幫到忙)
我仔，暫時係自製加速課程，會自修報考IAL，考完再決定升學問題，始終仲細，佢仲想痴住屋企，如果局勢正常返，傾向俾佢响科大讀，讀到想去外地先走，無時間表，但海外就最好滿16歲，會比較易入知名大學，特別係美國！但同d 教育顧問傾過，似乎強大自學能力、鍾意學習，呢d並唔係吸引人收嘅特質，唔算係personal statement 重心
作者: planetearth 時間: 20-1-5 18:56
小曳人 發表於 20-1-5 17:53
係免費，係近年已經唔收細路，因為呢代d細路無決心改變命運，佢近年就算收，都係窮苦家庭，唔怕辛苦，最重 ...
作者: Radiomama 時間: 20-1-5 19:44
小曳人 發表於 20-1-5 17:53
係免費，係近年已經唔收細路，因為呢代d細路無決心改變命運，佢近年就算收，都係窮苦家庭，唔怕辛苦，最重 ...
Wow, 初中讀晒高中的課程，高中就drill past paper, 以入醫為首要。
跟EK一位每天寫好多篇日誌的網友似乎係同一類型。
Same here, 我仔沒有讀醫的打算、也不是要求改變什麼命運，好難照著辦。不過認識的年輕人就算讀醫科，也沒有push得咁緊要；反而我擔心這樣培訓出來的醫學生，承受不了失敗的壓力，容易行歪路。
作者: 小曳人 時間: 20-1-5 20:01
Radiomama 發表於 20-1-5 19:44
Wow, 初中讀晒高中的課程，高中就drill past paper, 以入醫為首要。
跟EK一位每天寫好多篇日誌的網友似乎 ...
作者: planetearth 時間: 20-1-6 00:00
本帖最後由 planetearth 於 20-1-6 00:04 編輯
小曳人 發表於 20-1-5 17:53
係免費，係近年已經唔收細路，因為呢代d細路無決心改變命運，佢近年就算收，都係窮苦家庭，唔怕辛苦，最重 ...
'這位 沈爸，其實好有心，好欣賞佢幫 窮人。
對於一些比較聰明又勤力的孩子，要有目標地集中精力學提早完成某些科目其實不難，尤其理科及數學。當然要花桓對大的努力。如果要佢十項全能，十級鋼琴游泳校隊，就不能要求太多了。如果是窮人家也未必有錢學音樂。香港最困難是母語中文，又要用英語學知識。在兒子身上的感覺是，他用英語作爲母語學所有用於學業上的知識，而中文是中常生活應用。相對輕鬆一點
另一位喜歡分享又集中讀醫的heha網友, 看他的分享肉緊又真實，要做精英，苦功是少不免的，要有成就無捷徑。
對於自己孩子，真的量力而爲，資源豐富的他們，要懂得珍惜及努力。
作者: stillgood20 時間: 20-1-6 08:28
planetearth 發表於 20-1-6 00:00
'這位 沈爸，其實好有心，好欣賞佢幫 窮人。
對於一些比較聰明又勤力的孩子，要有目標地集中精力學提早完 ...
作者: planetearth 時間: 20-1-6 10:31
小曳人 發表於 20-1-5 17:53
係免費，係近年已經唔收細路，因為呢代d細路無決心改變命運，佢近年就算收，都係窮苦家庭，唔怕辛苦，最重 ...
外國大學都要先考慮成積好, 再要看看申請的學生有什麼特質, 英國大學好像直接以成積作考慮, 美國大學就會成積之外再看某方面特質(我只是一知半解, 未詳細了解)
可以再分享下顧問的意見嗎?
作者: planetearth 時間: 20-1-6 10:33
本帖最後由 planetearth 於 20-1-6 11:39 編輯
stillgood20 發表於 20-1-6 08:28
仍然可見到這裡對教育有熱枕的家長們．深感高興．謝謝．
對呀, 不少網友的分享真的獲益不少.(之前居然打錯字...)
作者: 小曳人 時間: 20-1-6 11:11
planetearth 發表於 20-1-6 10:31
我仔上完第一堂DP, 無朋友, 悶, 唔想上. 我就同佢講, 讀DP可以學到學校以外更深的課程, 對申請大學可能有幫 ...
關於IGCSE or IAL, 我地試過响"補習社" 免費做評估，結果係無任何prep+部份topic未接觸過嘅情況下，攞到highest grade！所以我地skip IGCSE, 會直接考IAL，所以，有需要時，可以揾有offer IGCSE 嘅補習社
至於升學顧問，其實我見過市面上好幾個顧問或佢地嘅講座，包括Axxx, Exxx，仲跟緊Cxxx上英文，但又偏偏唔想俾顧問服務俾我地
in short, 英國大學簡單d，成績行先，但就算你全top score 都好，牛劍兩間係收唔哂嘅，所以都要靠面試同personal statement 揀人，劍見嘅比例比牛高，有人話劍係到面試時先睇下份PS，問下問題咁，唔知真定假。有師兄提過，攞住學校嘅predicted score 去報大學，conditional offer 通常要求比較低，考試壓力會細d，但如果攞齊成績先去報，一般offer嘅成績會高dd
美國就被顧問強烈唔建議太細報名，原因係無其他人咁多時間/機會去製造學習/服務經驗，預計去美國，最少要3年時間製造經驗，去寫好PS，美國大學係寧可收一個精彩嘅地球人，都唔會收一條書蟲，所以社會服務、國際觸覺/經驗、leadership 等，都好緊要！而比較樂意收young applicant 嘅STEM強大學有MIT同 Carnegie Mellon，但... 顧問話MIT呢兩年唔見收中國護照嘅學生
其實聽完佢地講，我終於有d明白，點解較多case係自修IAL，然後入劍牛
作者: planetearth 時間: 20-1-6 12:04
小曳人 發表於 20-1-6 11:11
當初我仔上DP，咁啱班上有3個小學生，堂堂坐頭位，所以好快3個人仔就熟絡起嚟，其中一位係同校嘅師弟仲住同 ...
成積好的人好多，要在叻人中要挑選，系要有其他特質。而"特質"其實又好廣，因人而異，美國人特別注重創意.是否死讀書其實他們都好易就分到。做個精彩的地球人
作者: stillgood20 時間: 20-1-6 12:35
planetearth 發表於 20-1-6 12:04
謝謝分享! 我仔其實冇你仔咁叻，我打算佢正常年紀升學. 但我希望在他能力接受到的情程下教他高於常規課程， ...
是的, 每個小朋友都有"特質".
我囝有很好的數學天賦, 但奇怪, 沒有賦予他對數學的興趣.
所以, 他完全不像別的數位資優生, 深刻研究, 鑽研數學.
我也隨遇而安, 好了!
不過, 我是十分支持發揮小朋友所長.
只是, 自己做得不好而且,
作者: planetearth 時間: 20-1-6 13:58
stillgood20 發表於 20-1-6 12:35
是的, 每個小朋友都有"特質".我囝有很好的數學天賦, 但奇怪, 沒有賦予他對數學的興趣.所以, 他完全不像別的 ...
你個仔讀大數據, 其實已經很有效地應用數學了.
細佬仔你有時估佢唔到, 好似我外甥, 原本中學都無心機讀書, 去左外國讀書, 突然間成熟左, 讀完大學(理工科)返香港工作, 轉了很多工, 他轉工的原因是想學更多野, 個個老板都留佢, 叫佢再反來, 幾年間他在香港不同大學讀了起碼兩個碩士, 最後份工做金鎘科技方面的. 成日話D知識唔夠用, 而家又去澳洲深造一年.
只要孩子有正面心態, 他們會懂得為自己開創一條新路.
作者: akys 時間: 20-1-6 23:30
stillgood20 發表於 20-1-6 12:35
是的, 每個小朋友都有"特質".我囝有很好的數學天賦, 但奇怪, 沒有賦予他對數學的興趣.所以, 他完全不像別的 ...
作者: stillgood20 時間: 20-1-7 12:41
planetearth 發表於 20-1-6 13:58
你個仔讀大數據, 其實已經很有效地應用數學了. 細佬仔你有時估佢唔到, 好似我外甥, 原本中學都無心機讀書, ...
作者: nkd 時間: 20-1-7 16:27
akys 發表於 20-1-6 23:30
隨緣吧！我孩子又係夠就算，逼唔到。
等啦，花自然會開。
作者: stillgood20 時間: 20-1-7 16:35
akys 發表於 20-1-6 23:30
隨緣吧！我孩子又係夠就算，逼唔到。
作者: shadeslayer 時間: 20-1-9 13:19
最好的學習方法？計我話不是自學，是有個伯樂帶住。
作者: planetearth 時間: 20-1-9 15:17
shadeslayer 發表於 20-1-9 13:19
最好的學習方法？計我話不是自學，是有個伯樂帶住。
作者: mikimoto12 時間: 20-1-9 17:41
本帖最後由 mikimoto12 於 20-1-9 17:57 編輯
唔明點解話沈家兄弟發展好好係美好的典範。而家沈怡謀係Leeds 數學系講師，沈詩鈞係UCLA adjunct guest lecturer，亦即合同工臨時講師，在學界係好普通，並不是甚麼成就。相信以他兩兄弟的聰明，當日不跳級，亦不會比現在差。那麼家長又何必為博個天才名聲，犧牲咗細路仔一切娛樂，咁細入大學，仲要連累父親辭去工作，家庭經濟陷入困境？是否是家長要出天才仔嘅願望過於迫切，置孩子及家庭最佳利益於不顧，堅持製造天才。這樣真的是美好嗎？今時今日，最後其實都是做普通人來的。所以為搶跑犧牲咗咁多，最終都是無所謂
作者: shadeslayer 時間: 20-1-9 18:35
planetearth 發表於 20-1-9 15:17
同意, 有伯樂帶住, 都要肯自學. 只有自己有desire去追求才有用. .伯樂是要點火, 要有效地啟發孩子的興趣. ...
有伯樂就唔係沈爸爸口中簡單「自學。」
作者: stillgood20 時間: 20-1-9 18:35
shadeslayer 發表於 20-1-9 13:19
最好的學習方法？計我話不是自學，是有個伯樂帶住。
作者: stillgood20 時間: 20-1-9 18:39
mikimoto12 發表於 20-1-9 17:41
唔明點解話沈家兄弟發展好好係美好的典範。而家沈怡謀係Leeds 數學系講師，沈詩鈞係UCLA adjunct guest lec ...
也難定．
個人覺得, 是早上路,
而路有多遠, 未知之数．
作者: shadeslayer 時間: 20-1-9 18:40
mikimoto12 發表於 20-1-9 17:41
唔明點解話沈家兄弟發展好好係美好的典範。而家沈怡謀係Leeds 數學系講師，沈詩鈞係UCLA adjunct guest lec ...
睇下如何訂義美好，成功。
人哋醉心於數學研究，大學係最佳地方。
作者: shadeslayer 時間: 20-1-9 18:45
mikimoto12 發表於 20-1-9 17:41
唔明點解話沈家兄弟發展好好係美好的典範。而家沈怡謀係Leeds 數學系講師，沈詩鈞係UCLA adjunct guest lec ...
No offence. 我覺得最大問題，係9歳入浸大。 10歲入HKU，牛津可以嗎？
識一個女孩好勁，14歲入到英國唔錯大學，但唔係最頂幾間，佢唔讀，最終17歲入牛津。
作者: shadeslayer 時間: 20-1-9 18:56
stillgood20 發表於 20-1-9 18:39
是沈家自已取向．而且,兩兄弟未來發展, 有何突破,
也難定．
個人覺得, 是早上路,
唔知點解有好多細個就好神童的，大個就冇咁神。又有啲細個一無是處，大個又好神。
快上路，係咪最佳策略，見仁見智。
作者: stillgood20 時間: 20-1-9 19:22
shadeslayer 發表於 20-1-9 18:56
唔知點解有好多細個就好神童的，大個就冇咁神。又有啲細個一無是處，大個又好神。
快上路，係咪最佳策略 ...
多培養, 早上路, 行遠d．
我家嗰位神童, 只會扮唔知, 扮唔叻．
等緊佢变身．
一無是處,可能係扮出嚟．可能係智慧．
作者: shadeslayer 時間: 20-1-9 19:30
stillgood20 發表於 20-1-9 19:22
人,隨年月,自然長大,是天然定律．有些面對優質的子女, 當然希望多做事,
多培養, 早上路, 行遠d．
鬼佬似乎看神童比較隨心，無亞洲學校家長看咁得咁重，下下冠以神童精英，最短時間上到最高點，可能錯過不少沿途風景。
作者: shadeslayer 時間: 20-1-9 19:37
stillgood20 發表於 20-1-9 19:22
人,隨年月,自然長大,是天然定律．有些面對優質的子女, 當然希望多做事,
多培養, 早上路, 行遠d．
如果下下神童前，精英後，壓力唔係個個孩子頂到。唯有扮普通。
又或者家長不懂得停，孩子識又加深加多啲，正常人都識扮蠢做少啲。
作者: planetearth 時間: 20-1-9 21:06
shadeslayer 發表於 20-1-9 19:30
鬼佬似乎看神童比較隨心，無亞洲學校家長看咁得咁重，下下冠以神童精英，最短時間上到最高點，可能錯過不 ...
聽人說MIT最多高功能自閉症的人. 那些人在普通世界可能什麼也做不成，那裡就求才若渴。中囯也喜歡捉D天才去培訓，當然失敗的個案是有的，但相信有很多好的成果。
世事好難預料，又要天時地利人和。但一樣野比較肯定，免強就無幸福。
作者: Radiomama 時間: 20-1-9 21:17
比利時男孩勞倫特·西蒙斯（Laurent Simons）原本希望創下9歲大學畢業的世界紀錄，但夢想難以實現，他已經從就讀的荷蘭大學退學。
勞倫特的父母一直希望他能在10歲生日，也就是今年12月26日之前大學畢業，成為世界上第一個年僅9歲的大學畢業生。
不過荷蘭艾因霍溫理工大學（Eindhoven University） 告訴他們說，勞倫特在生日之前仍然有太多考試還沒有完成。
學校建議勞倫特在2020年年中畢業，但是他的父母立刻決定中斷他的大學課程。
勞倫特的父親亞歷山大·西蒙斯向荷蘭媒體透露，艾因霍溫理工大學批評他經常與媒體拉關係宣傳兒子。
「我們被學校告知，媒體曝光給孩子太多壓力，如果我們繼續讀下去，需要給孩子做心理檢查。」
「如果一個小孩足球踢得好，我們就覺得媒體關注很好很正常。我的兒子有不一樣的天分，他為什麼就不能自豪呢？」
勞倫特自己也在社交網站Instagram上發了一張截圖，上面顯示艾因霍溫理工大學11月發的電郵，顯示他可能在12月畢業的日期。勞倫特給這張截圖配文說：騙子騙子，大騙子！！！
艾因霍溫理工大學所發的一份聲明表示，勞倫特要在10歲生日之前完成所有課程是不實際的，而且他還需要發展自己的「洞察力、創造力和分析批判能力」。聲明說，如果他一定要匆忙完成課程，他的學業可能受到影響。
艾因霍溫理工大學同時表示，應該謹慎對待避免「給9歲學生過大的壓力」，而這個學生「有超凡脫俗的天分」。
勞倫特的智商水平達145分，4歲開始上小學。
他6歲時入讀中學，用了不到兩年的時間讀完了6年的中學課程，為大學課程打下基礎。
根據吉尼斯世界紀錄大全，美國人邁克·基尼（Michael Kearney）1994年獲得大學學位，創下最年輕大學生世界紀錄。他當時年僅10歲。
Source: BBC中文 2019年 12月 11日
作者: Radiomama 時間: 20-1-9 21:18
以上是一則近日的新聞報導，想指出外國也有愛炫耀的家長。
作者: planetearth 時間: 20-1-9 23:12
Radiomama 發表於 20-1-9 21:18
以上是一則近日的新聞報導，想指出外國也有愛炫耀的家長。
作者: shadeslayer 時間: 20-1-10 14:51
planetearth 發表於 20-1-9 21:06
鬼佬都好重視因材施教，好像澳洲的華裔神童陶哲軒。澳洲當年都國寶級咁培養，不斷challenge拿好多奬。現在 ...
不是不因材施教，只係不把神童，天才，精英標簽隨便派。
作者: shadeslayer 時間: 20-1-10 14:58
Radiomama 發表於 20-1-9 21:18
以上是一則近日的新聞報導，想指出外國也有愛炫耀的家長。
也有。
作者: stillgood20 時間: 20-1-10 18:39
小曳人 發表於 20-1-4 17:31
我搵過沈先生傾計，坦白講，就算有天份，亦好難做到佢所付出嘅！真係好多學習嘅時間，無乜娛樂，當人人話佢 ...
作者: 小曳人 時間: 20-1-10 20:37
stillgood20 發表於 20-1-10 18:39
會唔會知沈氏兄弟lQ指數？是超級天才？愛恩斯坦嗰隻？
佢咁train法，又點可能去到愛恩斯坦 level 呀？!
作者: mikimoto12 時間: 20-1-10 22:15
早先讀過沈家兄弟的故事，總感覺係佢地父親想要兒子跳級，不肯等，要證明兒子們係天才。只看到父親全力push兩個仔，犧牲了自己的工作與個人時間，將全部生活圍繞陪仔讀書。
但是，我唔知是佢兩個仔迫切要自學，還是父親迫切要他們學。
兩兄弟究竟是否必須跳級咁多才能學習？我認為並不是有必要。如果佢地當初正常升學，成就有可能仲高過現在
作者: stillgood20 時間: 20-1-11 14:06
本帖最後由 stillgood20 於 20-1-11 14:20 編輯
小曳人 發表於 20-1-10 20:37
以我所知，無check其實佢兩個係有能力加用功得到成就嘅，我個人唔太鍾意"天才" 呢個term, 好似唔駛用功咁
...
謝謝！有天賦．也必須用功．
只是事半功倍而已．
更加上環境(资源)輔助．
才有不一樣的效果．
作者: Osiana 時間: 20-1-17 23:37
mikimoto12 發表於 20-1-9 17:41
唔明點解話沈家兄弟發展好好係美好的典範。而家沈怡謀係Leeds 數學系講師，沈詩鈞係UCLA adjunct guest lec ...
跟一般叻嘅人都可以做到，只不過你早幾年，佢地遲幾年。
又唔係諾貝爾獎，又唔係有創新發明。
一個平常叻人，22歲大學畢業，跟住上碩士博士，做研究，專心研究，得到學術成就，如高錕、黃麗松，更加叻。（香港大學，中文大學都有好多世界級出色的醫生教授。)
作者: piglover 時間: 20-1-18 08:20 標題: 回覆樓主：
本帖最後由 piglover 於 20-1-18 08:23 編輯
我覺得大家討論嘅重心錯佐。沈先生小朋友是否天才，並不是要討論的地方。其實，沈先生話香港家長過份依賴補習社，令小朋友失去自學能力。
我眼見好多K1-2 小朋友，已經忙於上補習班。中文認字要補早X, 數學要補eyexxxxx mathxxxxx。普通話又補，英文又補。仲有一大堆面試班，就係要操練考小學。我其實有問過班家長，小朋友過份補習，平時返學還會專心上堂嗎？
我以前的年代 ，中四會考才會上補習班。
作者: ANChan59 時間: 20-1-18 15:07
小曳人 發表於 20-1-4 17:31
我搵過沈先生傾計，坦白講，就算有天份，亦好難做到佢所付出嘅！真係好多學習嘅時間，無乜娛樂，當人人話佢 ...
訪問他兩個兒子，他們的角度又會點呢？
我最記得電视看过訪問他的細仔，當時已经入咗大學，佢最想跟小學同學玩........ 咁乜野係愉快学习？！又听听其他同学点睇父亲陪着他上课的情景！
作者: ANChan59 時間: 20-1-18 15:09
piglover 發表於 20-1-18 08:20
我覺得大家討論嘅重心錯佐。沈先生小朋友是否天才，並不是要討論的地方。其實，沈先生話香港家長過份依賴補 ...
他的儿子沒有出去䃼习班，只是在家中私补。有什么分别呢？
作者: piglover 時間: 20-1-18 23:09
ANChan59 發表於 20-1-18 15:09
他的儿子沒有出去䃼习班，只是在家中私补。有什么分别呢？
如果小朋友覺得覺學校小的課程浅，請私補，想學深d，我覺得可以接受。
作者: ANChan59 時間: 20-1-19 06:24
piglover 發表於 20-1-18 23:09
如果小朋友覺得覺學校小的課程浅，請私補，想學深d，我覺得可以接受。
我明白你的想法，但栽培資優兒童要考慮得更多更遠。人生苦短，亦好公平，有得肯定有失，數學超前，語文，社交，價值觀都要考慮。
我的個別經驗是要專精同時，不要太多其他缺點，在未來社交上，社會上條路會易啲走落去，而且會開心些，平衡些。坦白說，我不知道沈家兒子們數學以外的狀況。
我現在還記得我問過兒子，你返學會唔會覺得課程太淺，冇嘢學，他的答案是返學最開心是打乒乓波，同同學玩，放學校外排隊吃燒賣。他小五已經學 Stanford EPGY 的 Calculus，我們跟他的小學校長商量過兩次，最後缺定不跳班，但上多一些增潤課程。
我作這個決定之前，兒子已經知道自己數學的天份，但亦清楚大學不會讀數及理科工程，所以大家走咗去多元智能發展，十多年後，他的數學在專業上都是出色的，社交及人際關係都唔錯。
作者: piglover 時間: 20-1-19 10:15
ANChan59 發表於 20-1-19 06:24
我明白你的想法，但栽培資優兒童要考慮得更多更遠。人生苦短，亦好公平，有得肯定有失，數學超前，語文， ...
你可能有所誤解，你說的是精英孩子。但的想說的是，普遍香港家長太依賴補習班。但這些小朋友係普通人，並非精英。
作者: Jane1983 時間: 20-1-19 10:34
回覆 ANChan59 的帖子
我作這個決定之前，兒子已經知道自己數學的天份，但亦清楚大學不會讀數及理科工程。
@@@
好奇一問，你仔仔小五已清楚大學不會讀數及理科工程？他那時是想讀什麼？
作者: ANChan59 時間: 20-1-19 11:07
piglover 發表於 20-1-19 10:15
你可能有所誤解，你說的是精英孩子。但的想說的是，普遍香港家長太依賴補習班。但這些小朋友係普通人，並 ...
我一直按你的話題開始，你說沈父不建議補習班，我說他在家私補，我誤會什麼？
作者: ANChan59 時間: 20-1-19 11:17
Jane1983 發表於 20-1-19 10:34
回覆 ANChan59 的帖子
我作這個決定之前，兒子已經知道自己數學的天份，但亦清楚大學不會讀數及理科工程。 ...
我自己是工程師，在家中我們會討論不同學科的內容，優缺點。
自小讓他接觸不同的學科，包括在大學旁聽，參觀一些科研成果，有兩三次，他有一些認知。
當時沒什麼特別喜歡的科目，我們教導他不知道喜歡什麼學科沒所謂，當要知道什麼你不喜歡。
他到中二在 Imperial College 修一個 STEM 課程，在 company visit 之後，才清楚自己知道想讀數學應用在經濟或金融方面。
作者: Jane1983 時間: 20-1-19 11:34
回覆 ANChan59 的帖子
謝謝分享 
作者: October. 時間: 20-1-19 14:59
本帖最後由 October. 於 20-1-19 15:06 編輯
ANChan59 發表於 20-1-19 11:17
我自己是工程師，在家中我們會討論不同學科的內容，優缺點。
自小讓他接觸不同的學科，包括在大學旁聽， ...
我仔對BIO,CHEM 有興趣，之前嗰課教到DNA, 佢好感興趣，一路解釋啲CASE俾我地聽，學校又推薦佢去參加BIO比賽，令到佢更加有信心，佢話想讀生物工程，我就完全不懂，覺得呢科係香港讀完唔知做乜好？ 據你所知，呢啲科易揾工嗎？（師9角度，，男仔要養妻活兒，揾工揾食都要考慮）
作者: ANChan59 時間: 20-1-19 16:50
October. 發表於 20-1-19 14:59
我仔對BIO,CHEM 有興趣，之前嗰課教到DNA, 佢好感興趣，一路解釋啲CASE俾我地聽，學校又推薦佢去參加BIO比 ...
首先利申：我唔止一個工程師專業資格，其中一个是生物医学工程。
这一科BME跟其他科有些不同，特别在 Multidisciplinary Studies ，不是传统的工程，是跨学科，因为中大及港大都是工程及医学院合作的课程，所以在一些基本医疗及工程都要修读，因此这一科，所修学分会多一些，如果好学的学生会鈡意，如果想 hea 住毕业，咁不如读其他工程。
在几间大学，近年来除了土木工程之外，这科收生成绩最高，而且多数是独立收生，所以不需要被电脑拖住收生要求，所以M1M2，物理是必须的。
毕业之后，跟其他工程的出路一样，亦有分别。例如走 BME Scheme A, 政府EMSD，医管局，私家医院及HKPC有位。
私人公司有关医疗器械的有项目工程师，销售，技术服务，法规(绝大部份医疗器械要经不同國家注册认可，例如美国FDA，欧盟 CE MDR, 中国药監局等等)，品质(用 ISO 13485 ，而不是一般的 9001。)，医疗设备在电子，电机设计方面都另外有標準，安全系数，风险评估都有更高的要求。
我个人觉得 multidisciplinary 的最大好处，就是训练懂得如果跟不同专业沟通，例如医生，护士，物理治疗师，監管人员等等。
最近考咗一个BME的申请者，他在私人机构做技术服务，医管局合约两年，私家医院三年，做了不少项目，例如设备的风险管理，提高採购品质，改善手朮室的网络系统及不同牌子设备的整合，实验室的安全设施设计及施工，验收，都可以几多元化。
我识的 mentees 有些是做銀行Mangement Trainee 机管局航空管制员，投资银行，初创医疗设备公司(例如手机机械人，wearable devices), 补习都有。
如果他真的有兴趣向这方面发展，我建议读埋 PHD ，香港首选中大港大，还有出去外國深造。我知不少男仔想做设计，我的忠告是拿住 BEng 就唔好谂，起码都 MPhil 及PHD.
私人的问题，PM我好d。
作者: October. 時間: 20-1-19 18:14
本帖最後由 October. 於 20-1-19 18:16 編輯
ANChan59 發表於 20-1-19 16:50
首先利申：我唔止一個工程師專業資格，其中一个是生物医学工程。
这一科BME跟其他科有些不同，特别在 Mul ...
原來要TAKE物理,唔使諗囉，我仔冇讀PHY.
多謝您分享. 讀呢科,職業都幾多選擇.
作者: ANChan59 時間: 20-1-20 10:54
October. 發表於 20-1-19 18:14
原來要TAKE物理,唔使諗囉，我仔冇讀PHY.
多謝您分享. 讀呢科,職業都幾多選擇.
現在不少工程科已經不再那麼集中工程知識方面，加上中學及大學通識教育的改變，是適合更多不同的行業及工種。
如果我們不再限制單一行業，不少專業學位可以跨行業的，但跨界别之後，有些是差咗，有些會持平，有些會有另一片天。要看眼光及際遇。
作者: LingChiBaBa 時間: 20-1-20 13:50
October. 發表於 20-1-19 18:14
原來要TAKE物理,唔使諗囉，我仔冇讀PHY.
多謝您分享. 讀呢科,職業都幾多選擇.
中大嘅BME，Physics唔係compulsory。
作者: ANChan59 時間: 20-1-20 14:27
LingChiBaBa 發表於 20-1-20 13:50
中大嘅BME，Physics唔係compulsory。
不少大學因為遷就工程學院，不能寫得咁死，但如果獨立收生，過咗工程學院的最低要求，就可以按申請人數，平均成績，自己再作調整。
非三大因為要保學額，收咗冇 Physics，只有combined science - Physics及冇M1M2，結果是讀唔掂。以後，唔會寫出來，但就不會隨便再收。
每次審核香港不同大學工程學院，HKlE都好關注他們的收生學科組合情況及入讀後的表現。
作者: LingChiBaBa 時間: 20-1-20 15:52
ANChan59 發表於 20-1-20 14:27
不少大學因為遷就工程學院，不能寫得咁死，但如果獨立收生，過咗工程學院的最低要求，就可以按申請人數， ...
中大BME Year1都會讀返Phy/Chem/Bio/Maths 嘅Foundation course，我諗如果真係有興趣，都可以考慮嘅。
我覺得BME，Phy/Chem/Bio都用得著，又唔係好多學生DSE都修齊Phy/Chem/Bio/M2。
作者: ANChan59 時間: 20-1-20 16:18
LingChiBaBa 發表於 20-1-20 15:52
中大BME Year1都會讀返Phy/Chem/Bio/Maths 嘅Foundation course，我諗如果真係有興趣，都可以考慮嘅。
我 ...
我们的分歧只是，入学 vs 毕业！
亦带出新高中学制的缺陷，过份强调文中有理，理中有文，但数学减半，变成两头唔到岸；语文理論上有提升，但又唔觉，课堂时间根本唔夠深入教咁多科！
作者: October. 時間: 20-1-20 19:56
ANChan59 發表於 20-1-20 10:54
現在不少工程科已經不再那麼集中工程知識方面，加上中學及大學通識教育的改變，是適合更多不同的行業及工 ...
明白, 讀嗰科唔一定做嗰行。
BME入學分數都好高, 有時會諗, 以高分入, 出來唔係做專業, 倒不如讀一科可以考牌既.
作者: October. 時間: 20-1-20 19:57
LingChiBaBa 發表於 20-1-20 13:50
中大嘅BME，Physics唔係compulsory。
作者: lovenature 時間: 20-1-21 06:44
October. 發表於 20-1-20 19:56
明白, 讀嗰科唔一定做嗰行。
BME入學分數都好高, 有時會諗, 以高分入, 出來唔係做專業, 倒不如讀一科可以 ...
作者: ANChan59 時間: 20-1-21 10:54
lovenature 發表於 20-1-21 06:44
香港就業種類不夠多樣化，好似高分的人聚哂係某些科目，跟我們上一代很不同 ...
这个要看政府及中央对香港的定位，经常口唇边讲，金融、物流，创科，其他又如何呢？
如果不多元化，自然係有几个特别瞩目！
作者: ANChan59 時間: 20-1-21 10:56
October. 發表於 20-1-20 19:56
明白, 讀嗰科唔一定做嗰行。
BME入學分數都好高, 有時會諗, 以高分入, 出來唔係做專業, 倒不如讀一科可以 ...
你留意是两个计算方法不同，31是星星加咗分的，27是 best of five 冇特别为星星加分，27 是合理。
作者: shadeslayer 時間: 20-1-21 10:59
October. 發表於 20-1-20 19:56
明白, 讀嗰科唔一定做嗰行。
BME入學分數都好高, 有時會諗, 以高分入, 出來唔係做專業, 倒不如讀一科可以 ...
都唔一定，興趣重要。
環球商業都好高分，都係無牌。出香港，英國神科 PPE，都係無牌。
老闆用唔同牌的專業人士，多數自己無牌。
作者: stillgood20 時間: 20-1-21 12:09
本帖最後由 stillgood20 於 20-1-21 12:12 編輯
ANChan59 發表於 20-1-21 10:54
这个要看政府及中央对香港的定位，经常口唇边讲，金融、物流，创科，其他又如何呢？
如果不多元化，自然 ...
中央和香港對年青人的工作安排, 有什麼影響, 暫且不提.
最基本, 香港家長, 對職業理解, 和孩子前途, 已經比較狹窄.
比如, 我一位朋友, 孩子也算讀到書, 成績都唔差, 佢特點係刻苦, 可以長年累月, 長期間溫習.
家長目標只有一個: 醫生,
始終, 考試也有高低, 醫生未能達標, 也找物理治療讀.
後來, 我問朋友: 你囝很有志向, 致力從醫. 朋友回覆: 亞囝完全沒有什麼主動, 只是為了長期生活穩定, 當然, 社會地位高, 才選物理治療專業.
專業有保障啊!!!
香港要多元化. 首先, 家長/學生可以見識到什麼?
你我都是都處跑, 接觸較廣.
國內電視經常有些專輯介紹工作人員, 社會時事.
就以國內工程為例, 工種多的是.
比如, 一位新疆碩士, 跑去開發ARJ21第一代中國商用飛機, 從0開始至民航局審批飛機可合格飛行.
又一位女工程師, 做風力發電, 每天爬上風力發電機頂, 做研究. 一天便一整天.
又一個歌唱節目, 一位年青女觀眾是火箭工程博士, 一家三代從事火箭工程.
這一些, 香港也少接觸.
三年前, 去蘇州一家小的機器用刀具廠. 工廠面積不大, 卻有研發機械人,
經理自己掌開發, 下面, 簡單也分機械, 電腦程序, 甚至, 有同事是專門是數學計算.
更有些保育, 動物科學家, 長年累月, 留流荒山野嶺, 視察野山頻危動物.
不過, 香港年青人需要和應該做什麼職業.
應該自由度很大. 未必需要跟國內比較.
曾認識一位朋友, 孩子去澳洲讀汽車設計. 比較冷門. 可能是興趣. 但, 未有聽見入職汽車設計.
相反, 我認識另一位菲律賓人設計的同事, 係香港入職了瑞典的汽車設計部.
作者: ANChan59 時間: 20-11-15 14:46
mikimoto12 發表於 20-1-10 22:15
早先讀過沈家兄弟的故事，總感覺係佢地父親想要兒子跳級，不肯等，要證明兒子們係天才。只看到父親全力push ...
可能我估錯，多年嚟我都觉得沈爸爸所谓培养孩子是满足自己的 unfulfilled dreams.，不全是为孩子着想。
我还记得电视台访问沈父，兴高采烈讲细仔识什么数学理论，细仔讲最喜欢同小学同学一起玩的时候，当时他在浸大一年班，反差实在太大了… 真的是伯乐？我唔知道？！
作者: Jane1983 時間: 20-11-15 21:35
本帖最後由 Jane1983 於 20-11-16 07:10 編輯
回覆 ANChan59 的帖子
同意。好多時家長出來講的嘢，並非真實果套。
幾年前，有個又係跳級早升大學的女仔，佢媽接受訪問，講到自己幾隨意幾無所謂，全是佢女自己努力。其實背後係虎媽，佢女多次和同學講，好不滿佢亞媽係咁逼佢 
作者: akys 時間: 20-11-15 23:17
ANChan59 發表於 20-11-15 14:46
可能我估錯，多年嚟我都觉得沈爸爸所谓培养孩子是满足自己的 unfulfilled dreams.，不全是为孩子着想。
...
諗深一層，天才好多，亦有唔少人跳級，但歷史上有幾多個成名科學家數學家，偉人是行這條路的? 循序漸進是否才對他們好? 冇咗童年，友情，朋友，早啲完成學業，為乜? 我都覺得為自己多。
作者: ANChan59 時間: 20-11-16 01:06
Jane1983 發表於 20-11-15 21:35
回覆 ANChan59 的帖子
同意。好多時家長出來講的嘢，並非真實果套。
我在兒子初小的時候，有掙扎過俾唔俾佢跳班，不是虛榮心，反而我覺得會唔會浪費咗佢嘅數學天分。
之前我都在日誌講過，我請教他的小學校長，她啓發我多元智能的重要性，所以冇因為數學超前而跳班，讓他多學不同增潤課程，改善語文水平及人際關係等等，數學尖子特別明顯的弱項。
到長大後，現在看來冇乜光環，但他肯定不會怨我一世，一家人和諧，開心，滿有愛，就心滿意足！
作者: ANChan59 時間: 20-11-16 01:09
akys 發表於 20-11-15 23:17
諗深一層，天才好多，亦有唔少人跳級，但歷史上有幾多個成名科學家數學家，偉人是行這條路的? 循序漸進是 ...
整段訪問給我最大的衝擊是，父親不知道兒子喜歡什麼，或者數學比童年，朋友關係更重要，我覺得有些唔妥。
當然之後會唔會有變化，我就冇跟進了！
作者: Jane1983 時間: 20-11-16 07:24
回覆 ANChan59 的帖子
你仔小學校長講得好好，全人發展係好緊要，讀書叻係好重要，但亦只係一部份。成績好可以幫小朋友開到一些門，但行入去之後發展得好唔好。除了知識，仲有好多軟實力，果d係需要在現實生活中學習。
作者: ANChan59 時間: 20-11-16 08:04
Jane1983 發表於 20-11-16 07:24
回覆 ANChan59 的帖子
你仔小學校長講得好好，全人發展係好緊要，讀書叻係好重要，但亦只係一部份。成績好 ...
你这番话我很有共鸣，全人发展，多元智能，比lQ 150 更重要。
兒子工作了三年多，軟實力的重要性比考試成績高很多，特別入得去個個成績都唔錯，對人處事態度、方法就係分水嶺。
所以有時睇資優教育那處，感覺家長太專注IQ 幾多分，可能忽略咗好多重要嘢！
作者: ABC-DAD 時間: 20-11-16 08:43
照沈氏嘅教育方向，一直都係家長定位操作，成敗論英雄，算係「得左」嘅產品工程，同自發學習似乎對不上焦點。
作者: ABC-DAD 時間: 20-11-16 08:47
本帖最後由 ABC-DAD 於 20-11-16 08:55 編輯
ANChan59 發表於 20-11-16 08:04
你这番话我很有共鸣，全人发展，多元智能，比lQ 150 更重要。
兒子工作了三年多，軟實力的重要性比考試成 ...
「補番講早晨先」幸福，在全人教育上，陳sir 伉儷相當成功。
作者: ANChan59 時間: 20-11-16 16:09
ABC-DAD 發表於 20-11-16 08:47
「補番講早晨先」幸福，在全人教育上，陳sir 伉儷相當成功。
Thanks so much.
作者: Osiana 時間: 20-11-18 02:00
ABC-DAD 發表於 20-11-16 08:43
照沈氏嘅教育方向，一直都係家長定位操作，成敗論英雄，算係「得左」嘅產品工程，同自發學習似乎對不上焦點 ...
問題係自學嘅定義。 自學是否自己去做功課溫書就係自學，抑或係有好奇心、求知慾咁去追求學習，自己睇書學新事物。
作者: ABC-DAD 時間: 20-11-18 09:43
Osiana 發表於 20-11-18 02:00
當時佢細仔6歲時，真係好難會自學自發，因為小朋友一般天性自由。 如果唔係家長定位，小朋友唔會唸咁多嘢。 ...
到底行咩方向，仔 女係自已己嘅，父母自己揀。
盆栽。園林景都係人工，郊野公園難道不是嗎？
認為細路仔唔識嘢，就係畀左一個 限制畀佢嘞，我估沈氏並不是這類。
你係唔係？
作者: ABC-DAD 時間: 20-11-18 09:53
我想指出，自學能力本來應該係指自主學習能力，並非指「無師自通嘅過人天份」。
重點呢，係唔好拔苗助長，因為某啲數字或表像，影響左身心全人發展嘅機會。
作者: planetearth 時間: 20-11-18 17:17
//「起跑綫幾時開始？」他認為最重要是孩子本身「想跑」，「要令個細路想跑先得，佢一日唔想跑，就唔會有起跑綫.//
我都唔太讚成孩子失去與同輩成長的經歷, 但我認同要孩子想跑.
兒子初中,長大了突然成熟, 對自己有高要求, 自己追求卓越成積, 我是感受到孩子想跑才有起跑線. 相反, 他某些同學, 到這個年紀, 突然反叛, 或者無目標, 父母干著急.
作者: ABC-DAD 時間: 20-11-18 17:52
生理同心理成長，皆有發展成熟嘅週期，16歲，18歲，21歲，因種族、地理及社會文化有分別，反叛、聽話、起跑線都好虛，能否有能力獨立思考，獨立生活就比較實在。
成長都有階段，先要有好視野同價值觀，才可以有焦點去定目標。
若家長自己有章法，年輕人只要成熟有自己方向，唔聽話、反叛都只係反映一時嘅單向嘅親子關係，處之泰然，無咩大不了。
作者: planetearth 時間: 20-11-18 18:11
ABC-DAD 發表於 20-11-18 17:52
生理同心理成長，皆有發展成熟嘅週期，16歲，18歲，21歲，因種族、地理及社會文化有分別，反叛、聽話、起跑 ...
| 歡迎光臨 教育王國 (/) |
Powered by Discuz! X1.5 |