教育王國
標題: 怕格內向唔講野，k 全炒，應點做預備考小學 [打印本頁]
作者: 20170101 時間: 19-12-21 15:34 標題: 怕格內向唔講野，k 全炒，應點做預備考小學
阿囡大b ,但性格慢熱內向，分離焦慮，面試好像被點穴啞左唔講野,自己入去的更加是爆喊收場。
1.5岁开始已上2日playgroup,每星期有老師上門教普通話，最近一個月每星期上跳舞(但唔肯投入，只是看人地)，8 月開始上n .每晚陪讀。成日同佢出街見人去遊樂場都是內向，咁點算，我教育方法出了什么問題會搞到佢咁？佢係屋企好活潑好多野講，出去就人人話佢怕醜唔出聲。.係咪其他家長們你地更努力培養子女？ 我唔夠勤力？虛心求教未來應點做。
作者: bubblescat 時間: 19-12-21 18:31
我仔當年情況都差不多，n班喊足半年，去遊樂場站一邊唔同人玩
不過隨住年紀大左，k1讀完之後已經好大改善，每日都好開心返學，性格都開朗晒
我覺得你再看看他大一點有沒有融入校園生活，有班玩熟左的同學仔，會情況變好
作者: Reitsal 時間: 19-12-21 20:15
回覆 20170101 的帖子
係咪平時太過保護？或者成日陪佢佢慣左有媽咪喺身邊？或者一啲原因令佢冇安全感？可以出街俾多啲task佢？好似俾佢幫手俾的士錢，拍下八達通，幫手㩒下lift之類，帶多啲佢去公園但唔好跟得咁實，喺屋企都俾佢自己玩多啲，如果未試過可以試下。
作者: Cacameister 時間: 19-12-21 22:52
我覺得性格內向係天生，唔太關家庭教育事，媽媽唔好自責。
我個女都係好內向，我反而接受左佢係咁，慢慢調低對佢呢方面嘅要求，佢一有少少突破，例如今日去公園突然主動左同小朋友有少少互動，就大讚佢。我諗多d鼓勵、少d比較，係可以慢慢建立佢自信。
唔好太在意k1面試結果啦，既然都過咗去，不如諗下呢幾年幼稚園陪佢多啲、鼓勵佢多啲，等佢多d正面思維，人會慢慢開朗d。
我個女去到k2下學期d社交先好d，所以媽媽加油呀(emoji)(emoji)
作者: EstrellaDamm 時間: 19-12-21 23:19
20170101 發表於 19-12-21 15:34 
阿囡大b ,但性格慢熱內向，分離焦慮，面試好像被點穴啞左唔講野,自己入去的更加是爆喊收場。
1.5岁开始已上 ...
好肯定唔係你問題，唔好自責。有啲小朋友天生係咁，我自己嘅細路都係。
回想起我細個嗰時，其實根本一樣樣。大大下到時到候就會學識點樣面對人。
繼續伴讀，平日鼓勵佢多嘗試唔同活動（但唔好勉強）。
作者: KatieSo11 時間: 19-12-21 23:36
本帖最後由 KatieSo11 於 19-12-21 23:38 編輯
我囡都係大b，在家活潑，外出害羞，in n班 時一係不出聲，一係爆哭，已不是報名幼，但最後都無咩offer。In k自己入的都係爆哭，我們都好擔心，但幸好我陪入的表現正常，最後都有自己心儀的學校收。因為她性格內向，我一心有龍讀龍。但返左k1加大個左慢慢變得活潑左，喜歡同其他小朋友玩，以前自己上興趣班都有困難，現在自己入無問題。成長需要時間，當然慢慢學習放手令她學會獨立也好緊要。慢熱內向的小朋友善於觀察，坐得較定，要欣賞小朋友的優點。考小或許性格主動健談有優勢，但別灰心，小朋友大大下無咁怕分離，而且可嘗試不同活動，慢慢建立自信，多點與其他小朋友玩，一定會進步，加油!
作者: 1998Ruby1998 時間: 19-12-22 02:27
本帖最後由 1998Ruby1998 於 19-12-22 02:27 編輯
已知有兩間係筆試為主，唔少官津亦係有筆試。如果到時候佢「突破」唔到自己，咁都可以用學術搭救。但要 train 到呢個戰鬥力，係長時間累積+小朋友天賦。
你小朋友 3 歲都唔夠，字都未識睇，要佢一下子對陌生環境覺得舒服同埋大膽自信係好困難。你諗下如果你有一日搬去外國住，或者係由細公司跳入大公司做，你都會緊張，需要時間去摸清環境同身邊嘅人，更何況係個「冇見過世面」嘅小朋友。佢又冇你咁高，冇你識咁多野，身邊所有野對佢黎講都好似長頸鹿咁。
小朋友咁細，仲有好多變數，有啲係天生容易對外緊張，有啲處之泰然理得你點諗。畀時間佢哋係積累信心同習慣。
作者: chingchub 時間: 19-12-22 08:54
20170101 發表於 19-12-21 15:34
阿囡大b ,但性格慢熱內向，分離焦慮，面試好像被點穴啞左唔講野,自己入去的更加是爆喊收場。
1.5岁开始已上 ...
性格幾天生，後天只能微調到小部分。見過極小數考小一都仲喊緊，相信呢類小朋友比較缺乏安全感，倚賴感好重，自信心不足。大人要帶佢見多啲人，同埋俾佢一個試下同其他大人/小朋友相處，家長唔好陪伴左右。見過返主日學3歲小朋友都係咁成日喊，父母離開就喊要揾爸媽，跟住導師好多時又衝埋去安撫，咁樣個小朋友只會變本加厲再扭得勁，有時反而導師唔理佢，佢見冇人理就慢慢將注意力去返上堂既task，所以有時小朋友好醒，都好睇人黎蝦，父母就更加蝦得多。
你既情況，要睇下你啲playgroup係咪要父母一齊陪上，最好搵返啲自己一個上，普通話上門教都唔係群體學，跳舞唔投入係咪佢根本唔鍾意跳舞？可能要再執下啲興趣班類型同型式。平時俾多啲小task 佢自己試，做到就勁鼓勵，賞粒糖，令佢覺得自己原來做得到，試多幾次做到應該自信心會提升返啲。
不過我有朋友女兒都係咁，所以好早期佢已覺得女兒唔會考到直私，所以考直私只報左2間志在參與，考完冇喊已係最大安慰，同覺得個女進步左，最後都係target 返津小抽獎算，不過小朋友大大下當然都喊少左好多，不過慢熱怕羞始終就係性格，改不了。
作者: annie133 時間: 19-12-22 17:13
Plan定搬屋抽獎。性格和自信心問題，未必一兩年內改到，你改到時人地又進步了。
作者: keikei0923 時間: 19-12-22 17:30
20170101 發表於 19-12-21 15:34
阿囡大b ,但性格慢熱內向，分離焦慮，面試好像被點穴啞左唔講野,自己入去的更加是爆喊收場。
1.5岁开始已上 ...
本帖最後由 keikei0923 於 19-12-22 17:34 編輯
本帖最後由 keikei0923 於 19-12-22 17:33 編輯
樓主, 每個小朋友性格也不一樣，唔使怪自己亦都唔使同人比較 。 只要你有心， 你會慢慢幫到小朋友成長和進步。
為左鼓勵仔仔願意同人講嘢或者玩， 用咗下面兩個方法。
第一， 仔仔好鍾意動物，我哋成日去海洋公園， 成日都鼓勵佢問職員關於動物嘅資料， 一開頭都係我自己問， 慢慢日子耐咗佢就會同職員傾 下。
第二，仔仔到K1時去到公園都系自己玩多。 幸運的找到一個好多友善小朋友嘅公園，會準備好多可以一齊玩嘅集體遊戲或者小玩意， 去到公園搵啲小朋友一齊玩。 會鼓勵自己嘅小朋友一齊玩， 佢唔想玩都唔會逼佢。 當時， 我認識曬公園啲小朋友， 仔仔都係有時玩有時唔玩。 但時間耐咗， 個個小朋友都識佢， 對佢又友善， 我就慢慢淡出交俾佢哋自己玩啦。
e d 只係我嘅方法， 小小嘅分享。 如果你願意都可以試下， 但係小朋友嘅進步可能好需要時間， 微小嘅改善你都要大力稱讚佢呀！ 同埋你要欣賞自己為小朋友嘅努力， 佢會感受到你嘅愛㗎。加油！
作者: BABA124 時間: 19-12-22 17:42
性格來的，只可以報多啲熱身下。我女都係咁，幸好有龍，但我其實好討厭人逼我女講嘢，人哋唔講咪唔講囉！每人性格不同。
作者: 20170101 時間: 19-12-23 14:20
多謝大家俾意見呀。急唔來。唯有多方面的嘗試鼓勵。
作者: Luikm 時間: 19-12-23 16:51
我女女都係咁，不過返左D興趣班好似大膽左D，請教下面試班有用嗎？
作者: scgift 時間: 19-12-24 09:34 標題: 回覆樓主:
我個女性格超慢熱內向怕羞，in K1時in 8間只有一間肯講野有offer。到K2下學期開始好少少，考小學有offer簡直好似奇蹟咁 
返小一後班主任都係話佢超級怕羞講野超細聲。性格係咁都冇辦法，我能做既已經盡做，只有等待小朋友自己慢慢成長 
由bb開始已經成日帶佢去公園，返playgroup。佢天生性格係咁都冇辦法，只有俾時間佢自己慢慢長大變得冇咁怕羞。
作者: tinnytinny 時間: 19-12-24 10:08
我想問... 面試有無得唔係由媽媽帶去？
其實我女只會係有我係度時先會分離焦慮..
試過其次去新興趣班..
喊爆唔肯入去..
老師照抱佢入去.. 一關門佢見唔到我就即唔喊..
老師比返影片我睇..
佢上堂好投入仲玩好開心..
其實如果面試時有人夾硬帶佢入去..
佢係 ok 的..
作者: piglover 時間: 19-12-24 11:20
考小係另一埸戰爭，考K offer king or queen並非代表考小一定得。 識人考K無offer, 而家考小係offer king，一大堆神小，名小比他選擇。
作者: 千語mami 時間: 19-12-24 13:39 標題: 回覆樓主:
唔關你事，唔好自責，係天生性格影響，大大下自然會好
作者: Joeyyin 時間: 19-12-25 01:32
我大女今年考小一，一半有2nd, 現有龍校offer.
細仔今年考k, 炒晒(emoji)♀️細仔好活躍，活躍到我懷疑佢有問題，去interview 坐唔定唔答老師問題，但我大女係女校，完全幫唔到細仔，我都懷疑緊係唔係我問題，點解可以差咁遠，不過小朋友甘細好多變數，大家加油啦
作者: zaba 時間: 20-1-3 09:33
20170101 發表於 19-12-21 15:34
阿囡大b ,但性格慢熱內向，分離焦慮，面試好像被點穴啞左唔講野,自己入去的更加是爆喊收場。
1.5岁开始已上 ...
樓主, 性格多少係生出既, 囡囡應該係內向型小朋友.
如果你自己本身係外向型, 的確比較難理解或接受.
介紹你睇下有關 highly sensitive children (HSC) 既資料, 可能你囡係其中一員.
利申: 我個小朋友係 HSC.
作者: fishball_cream 時間: 20-1-3 13:34
我囡都係怕醜內向，係highly sensitive children, 自小好細膽，好敏感，易喊、缺乏安全感，有分離焦慮。我睇過書去研究下點處理。同時，亞囡大大下，佢表達能力強左，同佢傾計下發覺原來佢心思細密，諗野成熟所以有時諗多左。所以，我慢慢同佢傾多啲，解答佢嘅疑慮，亦不時比信心乍唔去試，話佢知你得嘅。
而在學術上，因佢係內向、成熟，所以坐得定，亦專注力高，我自己係ftm 可以自己教佢，所以佢學術底好。考小學時，佢慢熱係明顯較輸蝕。但有時講緣份嘅，我當時大不了咪諗住有學術底讀咩學校都不會太差，考唔到直私都無所謂。
最後，都考到一線直資，而家小二，依然內斂、慢熱，但見佢愈來愈進步了。
樓主，你小朋友仲細，慢慢來，你同佢傾多啲比多啲信心、安全感佢，同佢出去報多啲唔同活動玩下，去接觸多啲不同面口嘅人，耐不耐帶佢走出「comfort zone」接觸陌生人。另外，keep 住伴讀。
作者: ada100525 時間: 20-1-20 12:38
回覆 fishball_cream 的帖子
謝謝分享！
因為我囡係讀卷幼，但想考直私小。本身讀的卷幼學術程度唔高，亦打算自己跟但唔知點入手或者無教材。可否分享一下，你是怎樣評估小朋友的學術程度呢？你有無用什麼教材？還是會購買其他學術高的學校的二手書，然後自己教？
萬分感謝！
作者: lambeanmama 時間: 20-1-21 08:03 標題: 回覆樓主：
本帖最後由 lambeanmama 於 20-1-21 08:23 編輯
本帖最後由 lambeanmama 於 20-1-21 08:04 編輯
其實坊間有不是學校仍偏向取錄文靜乖巧的小朋友。多了解子女強弱同性格，選校時更貼近現實地考慮和選擇。不要人人話好就覺得好。當年考幼稚園，我仔只有一間offer, 今年考小，我因應他的個性，挑選了五間重點小學，再加兩神校和三warm up 的小學。有些人人讚好的小學也因為各種考慮而無報考。最終都有六個offer, 包括四間我們喜歡的重點學校。
多了解子女，多認識學識。其實乖巧小朋友好有market 的。不要太擔心。好好準備吓。
作者: tinnytinny 時間: 20-1-21 09:41
chingchub 發表於 19-12-22 08:54
性格幾天生，後天只能微調到小部分。見過極小數考小一都仲喊緊，相信呢類小朋友比較缺乏安全感，倚賴感好 ...
我同事個女.. 佢地本身係國內人.. （媽媽係香港工作）..
個女係國內讀國際幼稚園...
來香港考小一.. 一來到就爆喊.. 點都唔肯入去...
之後考幾間都係咁.. 結果全軍覆沒..
但我見佢個女平時又無咩野..
初次見我地都好外向活潑友善..
佢媽話佢平時好獨立.. 4歲幾就自己落街買野（
大陸人好放養）
應該唔存在過度保護既問題..
佢媽只嘆同學校無緣份.. 
作者: jazzcf 時間: 20-1-21 10:19
lambeanmama 發表於 20-1-21 08:03
本帖最後由 lambeanmama 於 20-1-21 08:04 編輯
其實坊間有不是學校仍偏向取錄文靜乖巧的小朋友。多了解子 ...
作者: lambeanmama 時間: 20-1-21 15:49
jazzcf 發表於 20-1-21 10:19
請問可否指教有邊 d 小學偏向取錄文靜乖巧的小朋友?
識一位文靜內向女同學，有 SFA, 禮賢, 聖心, St Clare, 同坑真offer.
作者: jazzcf 時間: 20-1-22 14:00
lambeanmama 發表於 20-1-21 15:49
識一位文靜內向女同學，有 SFA, 禮賢, 聖心, St Clare, 同坑真offer.
作者: bubblescat 時間: 20-1-22 16:36
jazzcf 發表於 20-1-22 14:00
咁請問有邊 d 小學偏向取錄文靜乖巧的男生?
Sfa。只做卷，學術好就應該ok
作者: lambeanmama 時間: 20-1-22 17:25
jazzcf 發表於 20-1-22 14:00
咁請問有邊 d 小學偏向取錄文靜乖巧的男生?
男仔，坐得定，肯專心聽指令已贏一半對手。其實大部份男女學校都有男女比例目標，所以，乖巧受教男仔其實有優勢呀。如果真的是惜字如金的學術乖仔，記得考埋spb, sfa, st jo (kln bay)。
利申：我仔不是文靜乖巧型。
作者: jazzcf 時間: 20-1-22 17:37
明白了, 謝謝你們!
作者: cocoto313 時間: 20-1-23 00:45
20170101 發表於 19-12-21 15:34
阿囡大b ,但性格慢熱內向，分離焦慮，面試好像被點穴啞左唔講野,自己入去的更加是爆喊收場。
1.5岁开始已上 ...
退後一步看，唔一定直資私校top既學校，先最適合小朋友和家長！
小朋友辛苦，大人又有壓力！
香港教育制度，係令家長小朋友辛苦！
媽媽加油
作者: asweetmom 時間: 20-1-24 01:13 標題: 回覆樓主:
了解一下選擇性緘默症
| 歡迎光臨 教育王國 (/) |
Powered by Discuz! X1.5 |