教育王國

標題: 聖家 vs 播道 [打印本頁]

作者: sukitse20 時間: 19-12-17 20:01 標題: 聖家 vs 播道

呢兩間大家如何選擇？應該英文小學還是中文小學較好？比較著重品德方面行為。

作者: Poyau 時間: 19-12-17 20:26 標題: 回覆樓主:

兩間學術/德育都辦得好
可從升中及宗教因素考慮

作者: 十分鐘 時間: 19-12-17 20:46

聖家

作者: 1998Ruby1998 時間: 19-12-17 22:28

兩間德育都唔差。播道自由度大啲，升中亦 100% 保證，DSE 成績亦上升緊，你唔鍾意播道書院，都有呈分畀你跳出去。唯獨係遲放學（好似 16:00？），如果住得遠就辛苦啲。同埋播道主張小學時期悠哉悠哉，你如果係傳統型家長，讀呢類學校你可能覺得「唔正常」。同埋學校少對外比賽，想參加朗誦、才藝比賽嗰啲，要自己教。聖家就係傳統學校，早過播道放學，升中頭幾名都肯定外闖，部份 Band 2 可入聖家，聽聞九龍塘聖家中文都深，唔知你係城定塘。

作者: Gummama 時間: 19-12-18 08:36

sukitse20 發表於 19-12-17 20:01
呢兩間大家如何選擇？應該英文小學還是中文小學較好？比較著重品德方面行為。
...

我早兩年放了聖家，take 播道。當時的考慮點係英小(打算放洋), 全人發展 (少功課), 而且用家口碑普遍唔錯。功課算少，但補開直私的老師説程度唔淺。

我的小朋友有參與公開比賽，的確學校冇乜支援，不過學校少功課，小朋友有多啲時間喺出面上堂，亦都有奬攞。

作者: 蓮蓉包 時間: 19-12-18 21:54

我小朋友讀播道，有親戚讀聖家。聖家比播道傳統，亦較谷；播道雖然得兩考，但密密quiz, 作為用家，並不贊同播道係優哉悠哉（家還有另一小孩讀另一間小學）。品德方面，播道做得很好，學生一般都乖，很喜歡上學。不敢說播道英文很好，但學生確實會比較習慣用英文，亦傾向多看英文書。播道返8:30放4:00，好處昰不用太早起，當然住得遠確會較晏回家。

歡迎光臨教育王國 (/)