教育王國

標題: 我仔間小學是咁的... [打印本頁]

作者: DELLENDA 時間: 19-12-12 11:29 標題: 我仔間小學是咁的...

本帖最後由 DELLENDA 於 19-12-13 00:15 編輯

我仔經大抽獎入讀了一間區內二線小學，小一由9月開學到現在，其他家長和阿仔跟我分享小事如下：

1. 阿仔開學兩星期，給同學弄壞了眼鏡，要買過。
2. 有同學在上課時經常走出位，行來行去，其他同學叩櫃桶吶喊。
3. 小息時有同學在走廊亂跑撞人，沒有老師當值。
4. 小息時，有同學在男廁大力踢廁所門，還爬上廁格頂偷看在廁格內的人。
5. 有同學打人，一打打十拳。
6. 有同學握住學生證飛打同學，把那同學的手指割起一塊肉。
7. 有同學上課時打女老師的屁股，女老師當場叫非禮。
8. 昨天，有同學在男廁亂跑撞跌同學，那同學個口撼落角位，成口血。
9. 今天，無厘頭發現有大便在男廁地上。

以上事情有些是阿仔親眼目擊，事情後來如何就不太清楚。有時我會問班主任，她多數說不知道要了解下就避開了。

有時聽到我覺得學校的紀律好有問題，但又無乜經驗，不知道是不是自己站在道德高地，請問大家小朋友讀的學校有沒有類似情況？

而我是不是只能教好自己小朋友，其他的就沒甚麼可以做呢？

作者: 小曳人 時間: 19-12-12 11:46

如果係某少數同學重覆出現以上表現，有可能係過度活躍

無辦法，如果學校唔能夠正視問題，只能教好自己嗰個

作者: DELLENDA 時間: 19-12-12 11:58

在課室內發生的事，多數由某兩三個同學做出來，真無奈。

作者: little_yolky 時間: 19-12-12 15:44

DELLENDA 發表於 19-12-12 11:29
我仔經大抽獎入讀了一間區內二線小學，小一由9月開學到現在，其他家長和阿仔跟我分享小事如下：

1. 阿仔開 ...

你有無返工？如可以，參加學校家教會/義工，同老師熟D，了解多D。

作者: 1998Ruby1998 時間: 19-12-12 19:45

似過度活躍，唔係學校想控制就控制到。識人係呢類學生，讀一線校，學校好注重品德架，不過佢地忽視規則，打架、除褲都有。

一線學校少啲呢類情況，因為 1. 的確一線係好注重品德同學術，唔會接受偏差行為，少少都唔允許（包括唔準跑步、上堂飲水一定要問）。2. 入得去大家都預左要谷成績，送過度活躍嘅小朋友入去讀書，家長都辛苦，一開始都唔會揀入。3. 過度活躍小朋友成績同行為好容易被投訴，投訴得多，家長自己都唔好意思/辛苦，轉去其他學校。

多啲參加學校活動、義工，同老師熟悉了解下。

作者: Mrs.Luckycat 時間: 19-12-12 21:19

以上所說的，除了第一點（可能係無心之失），其他不能接受。有冇唸過轉校？

作者: Jane1983 時間: 19-12-12 21:40

如果係有特殊情況的同學，做出上述行為，有時真係無計

有d學校多d，有d學校少d，始終都有。朋友個仔讀國際學校，佢班有個Adhd的男仔，係課室擲個波，打爛天花板的燈，跌落黎的碎片整損咗佢仔。佢都係少少呻吓，無辦法。

作者: NNbaby 時間: 19-12-12 22:11

如果情況持續而老師搞唔掂/無心搞，操好個仔成績去插班，插另一間二線都好

作者: ar_mak 時間: 19-12-12 23:24

提示: 作者被禁止或刪除內容自動屏蔽

作者: annie133 時間: 19-12-12 23:30

DELLENDA 發表於 19-12-12 11:29
我仔經大抽獎入讀了一間區內二線小學，小一由9月開學到現在，其他家長和阿仔跟我分享小事如下：

1. 阿仔開 ...

津校大抽獎入係咁，乜人都有。朋友入傳統一線名校都有

，D同學都怕左佢，老師都好似冇乜乎。

作者: fasola 時間: 19-12-12 23:33

明顯係校園欺凌問題

唔關過度活躍事

問班主任話唔知道, 佢絕對係知道

作者: fasola 時間: 19-12-12 23:37

第二點已經係集體行為. 點可能個個過度活躍? 係教師課室管理唔得.

作者: DELLENDA 時間: 19-12-12 23:44

little_yolky 發表於 19-12-12 15:44
你有無返工？如可以，參加學校家教會/義工，同老師熟D，了解多D。

WKM，有報名做義工，不過抽唔中

作者: DELLENDA 時間: 19-12-12 23:46

Mrs.Luckycat 發表於 19-12-12 21:19
以上所說的，除了第一點（可能係無心之失），其他不能接受。有冇唸過轉校？
...

本帖最後由 DELLENDA 於 19-12-13 00:07 編輯

一線難插，又無乜二線可以揀，又唔想跨網

作者: DELLENDA 時間: 19-12-12 23:48

ar_mak 發表於 19-12-12 23:24
第4點果度我可以比個小小建議,可唔可以搵幾個同學組織埋一齊,當其中一個有需要入廁格果陣,就分別派2個去埋 ...

痾屎都咁大陣仗，搵到呢啲朋友肯聞臭臭又幾好

作者: DELLENDA 時間: 19-12-12 23:52

先多謝大家嘅分享及意見，我真係孤陋寡聞唔清楚一般小學的情況，感激不盡。

作者: DELLENDA 時間: 19-12-12 23:55

fasola 發表於 19-12-12 23:37
第二點已經係集體行為. 點可能個個過度活躍? 係教師課室管理唔得.

我覺得有唔妥，無紀律，無得搞。

作者: easymo 時間: 19-12-13 10:02

小一好似中一咁喎

作者: retriever 時間: 19-12-16 09:07

DELLENDA 發表於 19-12-12 11:29
我仔經大抽獎入讀了一間區內二線小學，小一由9月開學到現在，其他家長和阿仔跟我分享小事如下：

1. 阿仔開 ...

幾有趣?

幾年級?

係咪男校?

作者: 藴藴 時間: 19-12-16 09:51

小一咋喎，6歲小朋友唔係應該單純d?
如果只係2-3個小朋友，老師唔教好難做到咩。
你可以教好自己小朋友，小一完左後搵間紀律好既轉校。
好似我地返工，總會有x人在左近，好難避，不過小一咁既情況又真係難頂d。
又或者可以搵幾個家長一起同老師傾下，睇下情況有無改善。

作者: DELLENDA 時間: 19-12-16 10:42

我仔小一男女校，在課室內發生的事，是由某兩三個同學做成的，我相信其中一人即使拍老師屁股，都不是出於咸濕的本意，他應該是有樣學樣或學其父母。

在小息或廁所內發生的事情，是有高年班的份，由此讓我看到，學校的紀律看似不太好，由小到大都學不乖似的。

我意想不到阿仔的小學生活會在這種旋律中開始，這樣的校園生活太成熟了，跟剛完成的幼稚園的呆板生活大不同，希望在小學裡，不會發生像玫瑰崗中學那近期的傷人事件吧。

作者: DELLENDA 時間: 19-12-16 11:21

回覆藴藴的帖子

多謝你意見，之前我試過做炸兩與被打同學仔的媽媽一起見老師，老師當時說不知道要了解，之後調位了事，個打人的同學依然繼續打人，我希望學校搞好啲紀律，但都無其他嘢可以做。

作者: haihaimom 時間: 19-12-16 20:22

回覆 DELLENDA 的帖子

的確聽落係跨咗啲。

作者: Cheeselover 時間: 19-12-16 23:25

真係見識少，我好少聽阿女講學校有這樣情況，你不如叫令郞努力完成一年，考個好成績轉校，良禽擇木而棲。

作者: retriever 時間: 19-12-17 13:36

DELLENDA 發表於 19-12-12 11:29
我仔經大抽獎入讀了一間區內二線小學，小一由9月開學到現在，其他家長和阿仔跟我分享小事如下：

1. 阿仔開 ...

樓主講既野, 除左第6 點, 都係而家一班男同學, 每年聚舊, 年年LOOP, 年年笑既一些事, 一些情呢...

作者: Diversifyedu 時間: 19-12-17 15:30

回覆 retriever 的帖子

連拍打女老師屁股都算係一些情? 何況一班男同學應該係中學聚舊唔係小學聚舊啩.

作者: retriever 時間: 19-12-17 17:11

Diversifyedu 發表於 19-12-17 15:30
回覆 retriever 的帖子

連拍打女老師屁股都算係一些情? 何況一班男同學應該係中學聚舊唔係小學聚舊啩. ...

都話除左第6點, 物你無聽書架!

作者: little_yolky 時間: 19-12-17 17:19

retriever 發表於 19-12-17 17:11
都話除左第6點, 物你無聽書架!

喂！係你無睇清楚，拍屁股係第7點喔！

作者: little_yolky 時間: 19-12-17 17:23

DELLENDA 發表於 19-12-12 11:29
我仔經大抽獎入讀了一間區內二線小學，小一由9月開學到現在，其他家長和阿仔跟我分享小事如下：

1. 阿仔開 ...

唔駛擔心，我哋學校只係無5-7，第二點同學無吶喊，然後偷睇廁格係變咗女仔而已。不過我哋唔係一年級，係高年級。

作者: retriever 時間: 19-12-17 17:33

little_yolky 發表於 19-12-17 17:19
喂！係你無睇清楚，拍屁股係第7點喔！

哈哈, 咁除第7點囉!

都係話當年既題材!

作者: retriever 時間: 19-12-17 17:34

little_yolky 發表於 19-12-17 17:23
唔駛擔心，我哋學校只係無5-7，第二點同學無吶喊，然後偷睇廁格係變咗女仔而已。不過我哋唔係一年級，係高 ...

你指你細個讀果間?

作者: little_yolky 時間: 19-12-17 19:35

retriever 發表於 19-12-17 17:34
你指你細個讀果間?

本帖最後由 little_yolky 於 19-12-17 19:38 編輯

兩個女讀間小學呀！

1. 有P1小朋友放小息時，俾高年級男同學一支箭咁標埋去，小朋友用手撐住牆，斷咗！
2. 家姐話成日有男仔上上下堂無啦啦行出位，行嚟行去。
3. 高小時，阿大同班有個女同學，成日去廁所gap人。搞到阿女唔想去廁所。
4. 又係男仔，響班房玩，你推我撞，撞到另一個男同學個頭撞埋檯角度。佢阿媽嬲到響谷入面寫英文嚴正聲明⋯⋯大家靜晒，不過撞人同學家長原來唔響谷入面。
5. 阿大P1時都見過廁所地下有大便

作者: little_yolky 時間: 19-12-17 19:36

retriever 發表於 19-12-17 17:34
你指你細個讀果間?

我細個讀間小學好嚴，咁玩法十條命都唔夠！

作者: ar_mak 時間: 19-12-17 21:54

提示: 作者被禁止或刪除內容自動屏蔽

作者: ar_mak 時間: 19-12-17 21:56

提示: 作者被禁止或刪除內容自動屏蔽

作者: NNbaby 時間: 19-12-17 22:13

ar_mak 發表於 19-12-17 21:56
我細個讀果間,如果老師打手板果陣,連間尺都打斷埋既話,家長係要陪番錢架!!! ...

作者: little_yolky 時間: 19-12-18 06:32

ar_mak 發表於 19-12-17 21:56
我細個讀果間,如果老師打手板果陣,連間尺都打斷埋既話,家長係要陪番錢架!!! ...

我記得我隔離位個男仔，俾老師一巴打到流鼻血，一間恤衫都係。學校叫阿媽攞件校服換，阿媽去到老師連阿媽都鬧埋，點解唔好好教下個仔

作者: little_yolky 時間: 19-12-18 06:34

ar_mak 發表於 19-12-17 21:56
我細個讀果間,如果老師打手板果陣,連間尺都打斷埋既話,家長係要陪番錢架!!! ...

我間學校係從來無打斷過間尺，因為校長係疊埋幾把間尺打的！力量分散咗就無咁易斷。

作者: bobbob 時間: 19-12-18 12:15

little_yolky 發表於 19-12-18 06:34
我間學校係從來無打斷過間尺，因為校長係疊埋幾把間尺打的！力量分散咗就無咁易斷。
...

我間小學都未打斷過，因為把間尺成半吋厚

作者: DELLENDA 時間: 19-12-19 10:39

多謝大家分享

，睇番轉頭啲回憶係幾輕狂，只係現在人在局中，都要諗下有冇乜嘢求生術囉。

作者: NNbaby 時間: 19-12-19 10:39

bobbob 發表於 19-12-18 12:15
我間小學都未打斷過，因為把間尺成半吋厚

我明，裁縫造衫咁大把既間尺

作者: DELLENDA 時間: 19-12-19 10:43

有時老師靠嚇係有用，為師都係嚴啲好，可惜現在有投訴文化。

作者: DELLENDA 時間: 19-12-19 10:49

本帖最後由 DELLENDA 於 19-12-19 10:57 編輯

講開有大便在廁所，我識一個曾做過QC和SJC的校工，都話發生過有大便在地上、沖水箱上和洗手盤上，睇嚟'有大便在廁所' 呢件事好碎料。

作者: Raccch 時間: 19-12-19 11:20

回覆 DELLENDA 的帖子

咁恐怖。。。我要同阿女了解下佢學校先，因為佢係唔中意係學校去廁所的，忍得就忍。。。

作者: little_yolky 時間: 19-12-19 16:07

Raccch 發表於 19-12-19 11:20
回覆 DELLENDA 的帖子

咁恐怖。。。我要同阿女了解下佢學校先，因為佢係唔中意係學校去廁所的，忍得就忍。 ...

唔好咁喔！我阿女P1又係咁，搞到尿道炎。

作者: little_yolky 時間: 19-12-19 16:10

NNbaby 發表於 19-12-19 10:39
我明，裁縫造衫咁大把既間尺

裁縫D木尺好化學㗎咋，阿爸係裁縫，細個時佢用裁衫把尺打我，一打就斷

作者: Raccch 時間: 19-12-19 16:23

回覆 little_yolky 的帖子

我女好恐怖，可以返成日學水壺d水無少到

我諗佢係唔想去廁所就唔飲水

作者: little_yolky 時間: 19-12-19 16:27

Raccch 發表於 19-12-19 16:23
回覆 little_yolky 的帖子

我女好恐怖，可以返成日學水壺d水無少到我諗佢係唔想去廁所就唔飲水 ...

係呀，D細路係咁！如果飲水少，去廁所少同埋量少，咁D菌就唔可以定時沖出嚟，多咗，抵抗力一差就尿道炎。

作者: NNbaby 時間: 19-12-19 17:28

little_yolky 發表於 19-12-19 16:10
裁縫D木尺好化學㗎咋，阿爸係裁縫，細個時佢用裁衫把尺打我，一打就斷
...

原來得個樣，早知就唔洗咁驚

作者: little_yolky 時間: 19-12-19 17:35

NNbaby 發表於 19-12-19 17:28
原來得個樣，早知就唔洗咁驚

作者: 964000 時間: 19-12-19 18:43

little_yolky 發表於 19-12-17 19:35
本帖最後由 little_yolky 於 19-12-17 19:38 編輯

兩個女讀間小學呀！

男仔真係百厭好多, D女仔自小要學下點「容忍」D男仔

作者: ar_mak 時間: 19-12-19 23:09

提示: 作者被禁止或刪除內容自動屏蔽

作者: ar_mak 時間: 19-12-19 23:14

提示: 作者被禁止或刪除內容自動屏蔽

作者: ar_mak 時間: 19-12-19 23:16

提示: 作者被禁止或刪除內容自動屏蔽

作者: ar_mak 時間: 19-12-19 23:21

提示: 作者被禁止或刪除內容自動屏蔽

作者: ar_mak 時間: 19-12-19 23:24

提示: 作者被禁止或刪除內容自動屏蔽

作者: little_yolky 時間: 19-12-20 07:15

ar_mak 發表於 19-12-19 23:16
飲水可以沖左D菌出黎???

係飲水令上廁所數量正常同尿量正常。菌就存在響度，就係靠定時定後去廁所，沖走大部分。如果無飲水，上廁所次數少，尿量亦少，就唔能夠沖走咁多菌，菌多咗，繁殖量亦相對多同快，就瀨嘢。

作者: DELLENDA 時間: 19-12-20 10:24

本帖最後由 DELLENDA 於 19-12-20 10:37 編輯

ar_mak 發表於 19-12-19 23:09
屎係一種好好玩,好令人著迷既玩意.

話說是咁的,有個同學就請大家上佢屋企玩,作客其中一位同學仔就人有三急 ...

點樣被揭發出黎呢? 係咪有個屋企人終於頂唔住沖完涼全身屎味，拆開個花灑頭發現有舊poopoo在裡面，再和所有屋企人一齊研究邊個做，發現只有某同學借過廁所拉大便最有可疑，就鎖定目標人物是某同學。

而追問下，某同學自爆佢係經過多次在自己屋企做實驗，要先衝破心理關口可以徒手拎起舊poopoo，再精通開拆花灑頭的技術，講到自己好似天才咁來表示自己似個整蠱專家。

呢個某同學係咪就係閣下？

作者: DELLENDA 時間: 19-12-20 10:48

以後去旅行可能要認真check 下酒店房的花灑頭有冇味

作者: little_yolky 時間: 19-12-20 15:12

DELLENDA 發表於 19-12-20 10:24
點樣被揭發出黎呢? 係咪有個屋企人終於頂唔住沖完涼全身屎味，拆開個花灑頭發現有舊poopoo在裡面，再和所 ...

麥兄D嘢睇咗笑完就唔好咁認真諗啦，諗到你頭痛呀

作者: DELLENDA 時間: 19-12-21 11:40

little_yolky 發表於 19-12-20 15:12
麥兄D嘢睇咗笑完就唔好咁認真諗啦，諗到你頭痛呀

本帖最後由 DELLENDA 於 19-12-21 11:41 編輯

多謝提醒

作者: Bigpig_2007 時間: 19-12-31 00:47

轉校啦！

歡迎光臨教育王國 (/)