教育王國
標題: 教仔教到好攰好灰，好想放棄佢 [打印本頁]
作者: 蘋果香蕉橙 時間: 19-12-11 01:16 標題: 教仔教到好攰好灰，好想放棄佢
細細個已經知佢唔受教。唔喜歡返學又唔喜歡做功課。已經讀緊普通村校，功課唔深，遍遍做功課時咩都話唔識，旨意我講答案比佢，最慘係講咗答案，都唔寫。日日遊魂。完全跟唔上進度。
中文字，筆順全錯，係教極都錯，同一個錯法。有心玩嘢咁，最慘係默書時個個字都唔識，零分。
英文，又係冇一個字識串，做作業，圈曬書本上的答案叫佢抄，又話睇唔到，要我逐個字母串俾佢聽，冇心機抄。默書當然長期零分。
數學，冇心機計，冇心機學，已經學緊除數(3位除2位)，教極都唔識，有時問佢餘數相減，4減3等於乜都要諗又要攞手指出嚟數，玩嘢咁。
常識，聖經科都差。因為d中文字寫錯曬，唔識寫。
晚晚功課做到夜一夜，都做唔曬要欠交，因為根本簡單功課都唔願意去做。課外書完全沒時間睇。中英默書冇乜時間溫，試過同佢一齊溫，又係發夢遊魂。完全過目即忘。
學校每日都有1.5小時功課輔導班，但冇一次可以完成晒d功課，因為寫字太慢又冇心做，結果每晚又係繼續做功課，但其實遊魂時間多。
已經好想放棄佢了。永遠我好俾心機教，永遠換嚟事倍功半。好似每晚都在浪費大家時間。就算完成功課，佢都好似乜嘢都唔識咁。
到底可以點樣幫佢有番團火做功課? 定係只係可以等佢有朝一日開竅？定係放棄佢，中三之後自己去做學徒做些體力勞動的工作?
呻完，多謝收看。
作者: bbba05 時間: 19-12-11 01:31
蘋果香蕉橙 發表於 19-12-11 01:16 
細細個已經知佢唔受教。唔喜歡返學又唔喜歡做功課。已經讀緊普通村校，功課唔深，遍遍做功課時咩都話唔識， ...
冷靜d先。如果你提到嘅學習問題，有冇check過會唔會有讀寫障礙之類嘅問題？做唔到總有原因，係唔願做，定係佢能力有問題？如果唔願做，係唔係有情緒問題？照你描述係長時間的，so far學校社工有冇跟進過？
作者: sunnymama2 時間: 19-12-11 07:24
蘋果香蕉橙 發表於 19-12-11 01:16
細細個已經知佢唔受教。唔喜歡返學又唔喜歡做功課。已經讀緊普通村校，功課唔深，遍遍做功課時咩都話唔識， ...
樓主，會唔會係讀障問題? 你帶小朋友check 左先，真係確診，都唔關小朋友事，佢自己都辛苦。
作者: jli008 時間: 19-12-11 09:06
提示: 作者被禁止或刪除 內容自動屏蔽
作者: MrBeast 時間: 19-12-11 09:08
筆順, phonics apps + fine motor training
作者: IloveJJ 時間: 19-12-11 10:53
提示: 作者被禁止或刪除 內容自動屏蔽
作者: haihaimom 時間: 19-12-11 11:06
回覆 蘋果香蕉橙 的帖子
聽落有啲似學障、數障或專注力不足嘅問題，你講嘅只係表徵，要找出原因，佢自己都唔想，盡快同老師反映，安排評估，未必一定係，要專家評估，不過都可以了解下先，睇吓似唔似。https://asld.org.hk/認識學障/特殊學習障礙/
https://www.master-insight.com/陳凱怡醫生：如何判別小朋友專注力不足/
作者: anfisonbb 時間: 19-12-11 11:33
老套啲講 天生我才必有用
好明白你而家好嘔血 同意樓上講 試吓搵ROOT CAUSE先 對症下藥
CHECK 到有學障 本身又冇興趣讀書 亦可試下發掘其他才能
運動? 藝術? 就算做建築/水電/裝修 都係一技之長
樓主加油!!!
作者: wpc666 時間: 19-12-11 11:52
借位呻下，我都教女教到好嘔血，之前想放手比補習社，但發現補習社一點用都冇，只好自己教。 日日玩嘢，態度超級不配合。學習態度好差，我放工返到屋企已經好辛苦，仲要浪費我時間。我仲要比我媽指責唔識教。
我媽話佢來教，要培養小朋友學習興趣，不可以閙。我之前有事不在香港，我媽教到成績倒退幾十名，日日電視ipad 放題獎勵佢叫做培養學習興趣。
作者: jli008 時間: 19-12-11 12:21
提示: 作者被禁止或刪除 內容自動屏蔽
作者: 蘋果香蕉橙 時間: 19-12-11 12:22
bbba05 發表於 19-12-11 01:31
冷靜d先。如果你提到嘅學習問題，有冇check過會唔會有讀寫障礙之類嘅問題？做唔到總有原因，係唔願做，定 ...
小一時已經去咗政府做評估，結果不是讀寫障礙，又不是專注力不足。但是視覺感知有些問題，即刻抄寫有困難。學校都幫佢做咗功課調適，抄生字由3次改為1次。默書改正只改詞語，不用改課文等等。又做過物理冶療。職業冶療就要排到出年2月。
但佢問題係，有困難不想去面對，逃避，抗拒做功課，成日話自己做唔到。態度問題比能力問題更嚴重。
作者: 蘋果香蕉橙 時間: 19-12-11 12:26
sunnymama2 發表於 19-12-11 07:24
樓主，會唔會係讀障問題? 你帶小朋友check 左先，真係確診，都唔關小朋友事，佢自己都辛苦。
...
評估過是視覺感知有些問題，即抄寫有困難。
但佢問題係完全唔想面對功課，抗拒唔願做。鼓勵、讚賞已經盡量做。但有時見到佢d態度，又好難唔發火。
作者: 蘋果香蕉橙 時間: 19-12-11 12:31
jli008 發表於 19-12-11 09:06
感覺得出孩子是對著幹,沒有對學習有喜歡的念頭,先了解一下是什麼原因做成.你在小學這邊發問,應該孩子都是小 ...
冇錯！感覺佢就是對着幹，玩嘢，完全冇心做功課。態度問題比能力問題更嚴重。如果我忍心放手唔理佢，佢跟本係handle 唔到d功課的，因為真係唔識做。所以只有我急佢唔急。
作者: 蘋果香蕉橙 時間: 19-12-11 12:35
MrBeast 發表於 19-12-11 09:08
筆順, phonics apps + fine motor training
筆順 phonics 呢已經係由細教到大。佢就係唔跟，佢話筆順好難，但用自己方法又寫錯。phonics 出去學過，我又教過，又係拼極都唔識。
人哋話小朋友就像一舊海綿，會不斷吸收知識。但我個仔只像一舊石頭，點樣教都係吸收唔到㗎。
作者: jli008 時間: 19-12-11 12:37
提示: 作者被禁止或刪除 內容自動屏蔽
作者: Jane1983 時間: 19-12-11 12:39 標題: 回覆樓主:
佢真係有困難，唔係詐死扮嘢偷懶，你又何必火。佢咁既情況，係學校都唔會好受，包容吓。面對呢d情況，都係治療訓練和鼓勵並用。
由佢而家到中學畢業，都係幾年時間。用盡所有愛心和耐心幫佢，不枉母子一場緣份。
作者: 蘋果香蕉橙 時間: 19-12-11 12:42
IloveJJ 發表於 19-12-11 10:53
平日生活（唔係讀書）係點？
係咪「飯來張口，衣來伸手」？
有無打機？
日常生活，做嘢都係慢吞吞嗰類，冇乜條理。打機都少。當然會成日俾人鬧啦，樣樣嘢叫4、5次先做。但有時做得好都會讚吓嘅，例如上次中默居然有2x分，唔係零分，我都有讚吓佢，叫佢下次繼續努力。但大多數時間都係鬧多過讚，因為真係冇嘢可以讚。
作者: 蘋果香蕉橙 時間: 19-12-11 12:46
wpc666 發表於 19-12-11 11:52
借位呻下，我都教女教到好嘔血，之前想放手比補習社，但發現補習社一點用都冇，只好自己教。 日日玩嘢，態 ...
大家同路人 (emoji)(emoji) give me five!
我仲慘，全識媽媽，都教到個仔咁樣。有時候諗，我去返工，唔好理佢太多，佢會唔會好d做功課有返d責任心?
作者: bbba05 時間: 19-12-11 12:50 標題: 回覆樓主:
本帖最後由 bbba05 於 19-12-12 11:04 編輯
Deleted
作者: 蘋果香蕉橙 時間: 19-12-11 12:55
jli008 發表於 19-12-11 12:37
我覺得係自信心方面問題,你先降低其他要求,令孩子自信方面提高,將心中成日覺得困難的事情都可以有機會解決 ...
多謝你嘅提議。我會盡量試吓用玩嘅方法教。
其實每日放學返嚟，我都係心情愉快嘅情況之下叫佢開波做功課㗎，只係見到佢個態度衰衰咁，就開始火。做做吓又話去廁所。一到夜晚10點半。見佢仲有一堆功課未做，而未做曬嘅原因係因為之前懶懶閒浪費時間，我就好火滾㗎啦。
作者: 蘋果香蕉橙 時間: 19-12-11 12:58
Jane1983 發表於 19-12-11 12:39
佢真係有困難，唔係詐死扮嘢偷懶，你又何必火。佢咁既情況，係學校都唔會好受，包容吓。面對呢d情況，都係 ...
係，佢喺學校都唔好受，成日要留小息，因為堂課做唔曬。不過學校都幾好，搵幾個叻的同學坐佢隔離，有時可以幫吓佢堂課，甚至幫手抄家課冊。
作者: 蘋果香蕉橙 時間: 19-12-11 13:02
anfisonbb 發表於 19-12-11 11:33
老套啲講 天生我才必有用
好明白你而家好嘔血 同意樓上講 試吓搵ROOT CAUSE先 對症下藥
真係發掘唔到咩天份、才能。 個人真係冇咩叻。運動、音樂，佢都冇咩興趣咁。成日想hea ，睇電視，食嘢，打機(好少俾佢打，因為d功課完成唔到)。
作者: 蘋果香蕉橙 時間: 19-12-11 13:15
另外想問一下，我仔咁嘅情況，即係見佢之後都應該唔係太讀到書嗰類，唔會升到本地大學。
中學送佢去赤柱航海學校寄宿，學返紀律、一技之長，會唔會好d?
又如果中三後送佢去外國讀，入大學機會可能大d，就算讀唔到大學，當去幾年學吓英文見識世界。呢條路可行嗎?
作者: yaijing 時間: 19-12-11 13:30
提示: 作者被禁止或刪除 內容自動屏蔽
作者: yaijing 時間: 19-12-11 14:15
提示: 作者被禁止或刪除 內容自動屏蔽
作者: MrBeast 時間: 19-12-11 15:33
蘋果香蕉橙 發表於 19-12-11 12:35
筆順 phonics 呢已經係由細教到大。佢就係唔跟，佢話筆順好難，但用自己方法又寫錯。phonics 出去學過，我 ...
作者: MrBeast 時間: 19-12-11 15:37
本帖最後由 MrBeast 於 19-12-11 18:15 編輯
蘋果香蕉橙 發表於 19-12-11 12:26
評估過是視覺感知有些問題，即抄寫有困難。
但佢問題係完全唔想面對功課，抗拒唔願做。鼓勵、讚賞已經盡量 ...
有冇看過職業治療C？有些小朋友平均行力弱也會影響閱讀和抄寫能力
作者: IloveJJ 時間: 19-12-11 22:31
提示: 作者被禁止或刪除 內容自動屏蔽
作者: Cheeselover 時間: 19-12-11 23:16
蘋果香蕉橙 發表於 19-12-11 13:02
真係發掘唔到咩天份、才能。 個人真係冇咩叻。運動、音樂，佢都冇咩興趣咁。成日想hea ，睇電視，食嘢，打 ...
我認為跟他說一下他自己有什麼想法？自己的將來？
我猜他最大嗜好是電視，吃東西和打機，先看看在有條件下作有限度提供(當然三餐是必須的)，條件當然是完成學校基本要求，再增加力度來換取好處，例早半小時完成功課就多半小時電視時間。用時間來迫使他完成任務，若未能及時完成，便扣減好處，看看是否有初步改善。
作者: MrBeast 時間: 19-12-12 06:59
蘋果香蕉橙 發表於 19-12-11 12:22
小一時已經去咗政府做評估，結果不是讀寫障礙，又不是專注力不足。但是視覺感知有些問題，即刻抄寫有困難 ...
作者: 仔仔錫錫你 時間: 19-12-12 08:55
本帖最後由 仔仔錫錫你 於 19-12-12 09:04 編輯
自然學校可能幫到小朋友
http://www.gaiaschool.edu.hk/
或者搵行芬蘭教育的本地小學都應該得
作者: jli008 時間: 19-12-12 10:11
提示: 作者被禁止或刪除 內容自動屏蔽
作者: 貝珠 時間: 19-12-12 10:23
你講到佢完全冇動力，睇嚟都係要轉去非傳統學校，要搏一搏。處理左做人態度先，功課學業遲啲先算。
作者: haihaimom 時間: 19-12-12 10:53
本帖最後由 haihaimom 於 19-12-12 11:23 編輯
回覆 蘋果香蕉橙 的帖子
其實視覺感知，係好影響讀寫能力同數感。試諗諗小朋友大部份時間都在學校，默書零分，測試考試低分，佢喺學校有自信嗎？開心嗎？自我形象價值如何？回到家佢需要媽媽嘅安慰、鼓勵，唔係再打沈佢。你需要話佢知，佢唔需要同猴子鬥爬樹，佢可能係一條條魚，游得快過猴子，亦可能係一隻小鹿，跑得快過猴子，你話佢知我哋一齊去搵答案，俾佢知道你俾佢嘅係unconditional love,即係無論佢叻定唔叻，你都一樣愛佢。盧冠庭有讀寫障礙，佢寫嘅電影音樂，攞過幾多㢡，Tom Cruise 同Jammie Oliver大家都識，一樣係有讀寫障礙。你話佢圈住都抄唔到，要你串，其實已經好明顯，佢真係有困難。人類好得意，一個感官有事，會發展另一個。一個人失明，佢嘅聽覺就會發展得比其他人好，下肢有問題行唔到，上肢就會特別有力，你需要同佢一齊搵一個適合佢嘅學習方法，佢唔係視覺學習嘅人，但可能係聽覺或觸覺學習嘅人，話佢知媽媽唔會放棄，你都唔好放棄。
作者: jstarry 時間: 19-12-13 09:54
蘋果香蕉橙 發表於 19-12-11 12:55
多謝你嘅提議。我會盡量試吓用玩嘅方法教。
其實每日放學返嚟，我都係心情愉快嘅情況之下叫佢開波做功課㗎 ...
可唔可以叫佢響妳放工番黎之前做左識做既功課先？如果自發做功課就有獎勵貼紙，慢慢攪番好個學習態度先
同埋要同佢講明，妳要求佢做功課果陣唔可以離開個位，或者挑戰下佢，妳估妳今日做功課會唔會離開個位，會走開幾多次？希望慢慢可以培養佢專心番d
作者: miujoey 時間: 19-12-13 10:11
我相信每個小朋友各有天賦, 叻既野都唔同, 天份不在讀書方面, 不坊發掘其它長處, 運動音樂? 唔好太早定奪小朋友無興趣,樣樣野都要放多d時間比佢試下, 慢慢可能佢會感受到當中樂趣, 培養小朋友的自信心好緊要. 媽媽辛苦了, 加油
作者: haihaimom 時間: 19-12-13 11:35
回覆 haihaimom 的帖子
要放棄嘅唔係佢嘅學業，而係那些出現在測試卷或成績表上嘅分數。希望媽媽有一曰唔會再因為仔仔唔懂的東西而懊惱，而係會因為佢𢤦的東西而鼓舞，媽媽加油。
作者: little_yolky 時間: 19-12-13 15:14
貝珠 發表於 19-12-12 10:23
你講到佢完全冇動力，睇嚟都係要轉去非傳統學校，要搏一搏。處理左做人態度先，功課學業遲啲先算。
...
睇嚟唔關學校事，係家庭問題。
作者: little_yolky 時間: 19-12-13 15:25
蘋果香蕉橙 發表於 19-12-11 13:15
另外想問一下，我仔咁嘅情況，即係見佢之後都應該唔係太讀到書嗰類，唔會升到本地大學。
中學送佢去赤柱航 ...
其實你連送佢去讀航海學校都無問題，咁做唔到功課、默書唔合格，又有咩問題呢？
你話佢學緊除數，即係二年班啦，你自己俾D心機學下如何教有呢類問題既小朋友，睇唔得就讀俾佢聽，讀下D有趣既課外書，中文同英文，持之以恆。放假同佢一齊煮下嘢食、踩下單車、就算行下公園都好，總之，你同佢都要放輕鬆。讀唔到書唔駛死既，唔開心就會死喇！係架，放工放假仲做咁多嘢，辛苦架。做人阿媽係咁㗎啦。
作者: roseangel 時間: 19-12-17 15:37 標題: 回覆樓主:
樓主我同你情況一樣，我個仔小一，又係對學習完全冇興趣，無論係返學，學游水，學畫畫，學樂器，對任何嘢都冇學習興趣， 功課日日拖慢版 ，做唔曬就欠交，我都係日日拉牛上樹，好辛苦， 好明白你感受
作者: little_yolky 時間: 19-12-17 17:12
roseangel 發表於 19-12-17 15:37
樓主我同你情況一樣，我個仔小一，又係對學習完全冇興趣，無論係返學，學游水，學畫畫，學樂器，對任何嘢都 ...
繼續努力啦，俾D心機，唔好因為覺得佢唔聽就唔教，要叫佢努力，自己都要堅持。我個小一都係咁，曾幾何時我以為佢係有障礙。到二年班就開始肯做功課，不過都係唔溫書；三年班叫肯溫書；四年班開始有心溫，但因為起步慢，成績都係唔好。依家五年班喇，成績係唔好㗎，咪繼續努力囉，無話個個都要做B1格。有D小朋友進步係慢既，努力呀！
作者: ar_mak 時間: 19-12-17 21:32
提示: 作者被禁止或刪除 內容自動屏蔽
作者: little_yolky 時間: 19-12-18 06:30
ar_mak 發表於 19-12-17 21:32
我唔係冇嘗試過，我嘗試安分守己，日讀夜讀，得嗰少少分！我試過！但係B1嗰啲人，B1嗰啲人！佢哋識讀書咩？ ...
咁我哋學校D B1又唔係個個操卷既，尤其最叻果幾個。真係各有前因莫羡人。
乜你好似形容緊阿妹咁既
作者: wmkcnw 時間: 19-12-18 08:28
ar_mak 發表於 19-12-17 21:32
我唔係冇嘗試過，我嘗試安分守己，日讀夜讀，得嗰少少分！我試過！但係B1嗰啲人，B1嗰啲人！佢哋識讀書咩？ ...
作者: LeeCC 時間: 19-12-18 10:33
本帖最後由 LeeCC 於 19-12-18 10:38 編輯
既然已經知道系視覺感知問題，就唔好坐系度等，自己同佢做多些家居訓練(玩迷宮，找找看，找相同,拋波入圈/籃)，去公園玩千秋攀爬，打羽毛球或乒乓球,呢D都可以訓練眼球追踪
每日做功課前，先做以上家居訓練15分鐘，才埋位做功課
每日盡量安排出戶外活動30分鐘
放學後就功課班個半鐘，大腦根本無休息過，大人都無可能朝8晚5，不停坐系度，中間要俾佢放鬆大腦
作者: jli008 時間: 19-12-18 10:34
提示: 作者被禁止或刪除 內容自動屏蔽
作者: jli008 時間: 19-12-18 10:57
提示: 作者被禁止或刪除 內容自動屏蔽
作者: little_yolky 時間: 19-12-18 11:25
jli008 發表於 19-12-18 10:34
可能以為死死板板的操卷就一定好,或許跟本不明白讀書意義,我女考試日子都一樣有看電視玩手機聽歌唱歌,當然 ...
不過我知B1尾同B2頭係操得好勁！好似我阿細咁B2尾就真係操嚟嘥氣嘥錢嘥時間，慳返啖氣好過
作者: jli008 時間: 19-12-18 11:48
提示: 作者被禁止或刪除 內容自動屏蔽
作者: little_yolky 時間: 19-12-18 11:50
jli008 發表於 19-12-18 11:48
也不需用灰的心態,好像版友WMKCNW心態所講,還原基本步順其自然,讓你呀細開心些學習,將來都一樣有可能係一個 ...
我係咁望。
作者: bobbob 時間: 19-12-18 12:11
little_yolky 發表於 19-12-18 11:25
不過我知B1尾同B2頭係操得好勁！好似我阿細咁B2尾就真係操嚟嘥氣嘥錢嘥時間，慳返啖氣好過
...
作者: little_yolky 時間: 19-12-18 12:18
bobbob 發表於 19-12-18 12:11
唔係講笑，今次呈分有唔少本來中下游嘅鏢咗上嚟，原來個個補足7日，暑假開始溫書，係得我仔仲係懵剩剩:sigh ...
我諗，當年標得最勁就係我個女喇
佢補咗數，通晒
作者: bobbob 時間: 19-12-18 12:23
little_yolky 發表於 19-12-18 12:18
我諗，當年標得最勁就係我個女喇佢補咗數，通晒
作者: little_yolky 時間: 19-12-18 12:37
bobbob 發表於 19-12-18 12:23
你大女算上游啦，我哋嗰啲真係下下哋
其實越下進步既空間係越大的。阿妹試過進步3X名
作者: Diversifyedu 時間: 19-12-18 14:39
ar_mak 發表於 19-12-17 21:32
我唔係冇嘗試過，我嘗試安分守己，日讀夜讀，得嗰少少分！我試過！但係B1嗰啲人，B1嗰啲人！佢哋識讀書咩？ ...
亞麥哥你真係好鬼正，可以創作岀一個創世紀B1版
作者: little_yolky 時間: 19-12-19 16:16
jli008 發表於 19-12-18 10:57
所以,其實印証了不論入什麼學校,開開心心盡自己能力學到應有的知識靈活運用就得. 將來事鬼知,而家都學得唔 ...
呢樣真！
我親戚個仔，成個小學都唔開心，到P6時問我揀乜學校，我見佢得一粒仔，就介紹佢去咗間B2尾直資，依家讀得鬼咁開心，又校隊又攞操行獎，成績仲唔錯，個人都開心咗，唔係好似小學咁日日打機。
作者: jli008 時間: 19-12-19 17:24
提示: 作者被禁止或刪除 內容自動屏蔽
作者: little_yolky 時間: 19-12-19 17:35
jli008 發表於 19-12-19 17:24
所以更要給幼稚園/小學家長知道,不要因為入唔到自己理想的學校就冇晒希望,入了那一間學校都好,"開心"學習往 ...
之前我親戚只求唔學壞，中三出嚟做學徒，依家佢小朋友讀得咁開心咁好，佢一天都光晒
作者: siupekchu 時間: 20-1-3 12:06
蘋果香蕉橙 發表於 19-12-11 13:02
真係發掘唔到咩天份、才能。 個人真係冇咩叻。運動、音樂，佢都冇咩興趣咁。成日想hea ，睇電視，食嘢，打 ...
你好，比小小愚見你，不如你試下做指紋分析，我女同其他朋友仔都做左，知道用咩方法教佢，我女平時好受教，但原來佢要返活動教學先可以令到佢發揮佢嘅才能，另外朋友個仔脾氣大坐吾定，反而要有schedule 真係乖左
作者: vin105 時間: 20-1-3 17:48
little_yolky 發表於 19-12-19 16:16
呢樣真！
我親戚個仔，成個小學都唔開心，到P6時問我揀乜學校，我見佢得一粒仔，就介紹佢去咗間B2尾直資 ...
Hey Little_yolky,
咩直資中學咁正？
我同意比機會孩子一展所長好重要，重拾啲自信心個人就有動力去讀書！
樓主那個case，反轉黎睇孩子都好聰明啦，已經摸清楚自己嘅方向，可以點樣Hea到個家長！所以只要佢搵到個正確嘅目標，都會好有潛能比去達成到！多啲試吓從佢哋嘅角度考慮下啦！其實做功課考試真係好鬼悶！儘量俾啲玩樂時間，俾個蘿蔔引下佢哋先有心機做功課同埋溫習 ！
灰心同家長信下係OK嘅，盡量唔好同孩子講你灰心！反過來屋企道門永遠為佢打開嘅，有咩唔開心都返嚟同屋企人講！
樓主加油啊！
作者: littlebear328 時間: 20-1-9 18:54
其實男孩子係會比女仔遲熟，到六年班都塑造緊佢哋自己嘅性格，何況一二年級。我仔今年五年班，做功課都係拖慢版，但起碼比一二年班有進步，默書試過14分，但到而家去到90幾分，依然仲想有進步！建立佢嘅價值觀，比分數重要，讓佢知道讀書係為咗自己有更多嘅選擇！加油！
作者: shadeslayer 時間: 20-1-9 19:46
蘋果香蕉橙 發表於 19-12-11 13:15
另外想問一下，我仔咁嘅情況，即係見佢之後都應該唔係太讀到書嗰類，唔會升到本地大學。
中學送佢去赤柱航 ...
未睇哂。不如立即轉校，最好有國際學校收。
作者: shadeslayer 時間: 20-1-9 19:52
bobbob 發表於 19-12-18 12:11
唔係講笑，今次呈分有唔少本來中下游嘅鏢咗上嚟，原來個個補足7日，暑假開始溫書，係得我仔仲係懵剩剩:sigh ...
又係呢啲鬥快鬥多鬥勤力，冇乜意思
作者: shadeslayer 時間: 20-1-9 20:01
ar_mak 發表於 19-12-17 21:32
我唔係冇嘗試過，我嘗試安分守己，日讀夜讀，得嗰少少分！我試過！但係B1嗰啲人，B1嗰啲人！佢哋識讀書咩？ ...
公平。公平機會，就是公平。既然冇秘密，人人都可以決定玩唔玩 band 1 遊戲。
作者: ar_mak 時間: 20-1-9 22:27
提示: 作者被禁止或刪除 內容自動屏蔽
作者: sunnymama2 時間: 20-1-10 10:02
siupekchu 發表於 20-1-3 12:06
你好，比小小愚見你，不如你試下做指紋分析，我女同其他朋友仔都做左，知道用咩方法教佢，我女平時好受教 ...
指紋分析真係有用?
我都幫個仔做指紋分析，但落差好大喎
作者: ar_mak 時間: 20-1-10 10:14
提示: 作者被禁止或刪除 內容自動屏蔽
作者: bobbob 時間: 20-1-10 14:56
shadeslayer 發表於 20-1-9 19:52
又係呢啲鬥快鬥多鬥勤力，冇乜意思
作者: bobbob 時間: 20-1-10 14:57
ar_mak 發表於 20-1-10 10:14
我試過真係有用.
經朋友介紹,我就決定先訓練隻大門學習指紋分析,得出來的臨床實驗結果相當驚人! 我只要放 ...
作者: shadeslayer 時間: 20-1-10 15:02
ar_mak 發表於 20-1-9 22:27
公平機會,就是公平?
我有十碗飯,自己拎起五碗,然後你地十個人打交爭贏就有得食,呢個係咪公平機會?都好似係 ...
你簡單講B1只係操卷（暫時不討論這是否過分簡化）。咁操唔操卷，是個人選擇，是公平機會。又點和一個人拿五碗飯比？
作者: MrBeast 時間: 20-1-10 17:20
bobbob 發表於 20-1-10 14:57
咁我部電話都識睇相，望一望我就幫我解鎖
作者: shadeslayer 時間: 20-1-10 17:30
bobbob 發表於 20-1-10 14:56
我覺得小學已經chur到咁盡，中學大學時點算？
Burn out
作者: shadeslayer 時間: 20-1-10 17:31
sunnymama2 發表於 20-1-10 10:02
指紋分析真係有用?
不如做 DNA 有用。
作者: IloveJJ 時間: 20-1-10 18:03
提示: 作者被禁止或刪除 內容自動屏蔽
作者: ar_mak 時間: 20-1-10 23:06
提示: 作者被禁止或刪除 內容自動屏蔽
作者: shadeslayer 時間: 20-1-10 23:20
ar_mak 發表於 20-1-10 23:06
你將一個二次創作,誤當成係我既見解,請問你係咪幾廿年黎都未睇過電視劇架??? ...
本帖最後由 shadeslayer 於 20-1-10 23:26 編輯
我真係好耐無睇港劇。
有啲似依家EK咁，對我來講養份欠奉之餘，又無乜娛樂性。
作者: ar_mak 時間: 20-1-10 23:43
提示: 作者被禁止或刪除 內容自動屏蔽
作者: shadeslayer 時間: 20-1-11 01:04 標題: 回覆樓主：
本帖最後由 shadeslayer 於 20-1-11 01:14 編輯
要靠呢D野找生趣，咁你都好苦悶。
作者: b3410 時間: 20-1-11 14:26
你哋兩個是不是前世冤家
作者: shadeslayer 時間: 20-1-11 14:33
b3410 發表於 20-1-11 14:26
你哋兩個是不是前世冤家
無呀，有啲人觀點特別。其他唔講，郁吓要生要死，刀仔吉大脾。唔食西餐泰國餐又使唔使死？
EK 要有啲咁既人。
作者: ar_mak 時間: 20-1-11 18:51
提示: 作者被禁止或刪除 內容自動屏蔽
作者: siupekchu 時間: 20-1-13 18:02
sunnymama2 發表於 20-1-10 10:02
指紋分析真係有用?
有用，可以知道有些東西不用浪費＄去學，返傳統定活動教學比較適合！想知你做完有什麼落差？
| 歡迎光臨 教育王國 (/) |
Powered by Discuz! X1.5 |