教育王國

標題: 講大話 [打印本頁]

作者: irisw 時間: 19-12-8 18:47 標題: 講大話

兩姐弟間中會指責對方講大話，兩個都話自己冇做過or冇講過，呢啲情況一定有一個講大話，呢種情況越來越多，過來人指導下可以點處理

作者: irisw 時間: 19-12-8 18:51

我地兩公婆都唔係打鬧型，所以應該唔係怕我地鬧所以唔認。
只怕小朋友講開大話就會成日講，但永遠都唔知道係家姐定細佬講大話

作者: DengCK 時間: 19-12-8 19:58

兩個獨自審問，實有人穿崩

作者: irisw 時間: 19-12-8 20:00

DengCK 發表於 19-12-8 19:58
兩個獨自審問，實有人穿崩

已經試過，兩個都堅持冇。
咁樣我仲驚，咁細個就咁好戲。

作者: Jane1983 時間: 19-12-8 20:16

幾多歲？有時細路哥睇既角度，和對事物的定義同我地唔同，唔一定係講大話，係講事實的某一面。

另外，有時係學校，有d同學會明明做咗，又話無呀無呀，好似好有趣咁，佢地跟住做都唔奇。

作者: ask_not_tell 時間: 19-12-8 22:24

提示: 作者被禁止或刪除內容自動屏蔽

作者: ar_mak 時間: 19-12-8 23:03

提示: 作者被禁止或刪除內容自動屏蔽

作者: Cheeselover 時間: 19-12-8 23:09

ask_not_tell 發表於 19-12-8 22:24
應該分開問，然後同佢地講咩：其實屋企有裝cctv,邊個唔坦白，一睇cctv 就知道，講大話個個就會慌或者學古代 ...

＂分開問＂，我即時想起摶弈論中的囚徒困境。我不會説裝了個cctv(如果真的沒有裝)，因為我也成講大話一份子，給小朋友一個壞印象。
如果我是樓主，最後找不出誰說謊，我便說了一次謊，日後也會説，今次找不到，就寄帳到下次，下次會雙倍懲罰。

作者: ar_mak 時間: 19-12-8 23:25

提示: 作者被禁止或刪除內容自動屏蔽

作者: 1998Ruby1998 時間: 19-12-9 04:58

我信小朋友唔少情況係一半真，一半假，真在兩個都冇講大話，假在冇講曬事情全部。簡單如「老師話唔洗考吖」，可以真在：老師冇講過考核範圍，假在：佢都冇問老師要考咩，咪話唔洗考。

又或者係兩個都有份，所以點問都冇人肯認，就算大家一齊罰都唔會認。

盤問可以分開問，但應該有返啲技巧，學警察咁，錄口供同一樣野問三次，仲要問到好仔細。無論小朋友有幾醒幾識作故仔，總有甩漏/穿崩，尤其係犯錯嗰個。例如撞到檯所以盆植物跌爛左，咁就要問三次，阿大/阿細係點樣撞跌、身體邊個部位撞到，當時你企邊度。問啲 open-ended 嘅問題，咁好快就知答案。

唔建議講大話話屋企有 CCTV，做家長以身作則，有就有，冇就冇。最簡單方法就係真係裝 CCTV，有第一二次 CCTV 做證據，以後就算冇 CCTV，佢哋（若冇發現 CCTV 冇開）都唔敢唔認錯。

作者: Yanamami 時間: 19-12-9 08:02

本帖最後由 Yanamami 於 19-12-9 08:06 編輯

irisw 發表於 19-12-8 18:47
兩姐弟間中會指責對方講大話，兩個都話自己冇做過or冇講過，呢啲情況一定有一個講大話，呢種情況越來越多， ...

佢地囗中“冇做过”d乜野？打爛野？偷糖食？开电視睇？“冇講过”d乜？講对方坏話？花名？無人肯講真話？連坐法可能都無乜用，佢地心諗反正一齐罰，点都好过認左只罰－个，除非話誠實認左两个都唔罰，否則一齐罰｡

作者: little_yolky 時間: 19-12-9 09:41

Yanamami 發表於 19-12-9 08:02
佢地囗中“冇做过”d乜野？打爛野？偷糖食？开电視睇？“冇講过”d乜？講对方坏話？花名？無人肯講真話？ ...

連坐法呢D真係唔好！

阿妹有一次P1時，係，又係阿妹，唔記得乜事，總之係小事，老師問責，當然無人認，老師話無人認咁全班罰。點知，阿妹唔想大家俾人罰，唔係佢做佢居然舉手認罪！老師好似無乜罰佢，但返到屋企俾我鬧到豬頭咁

真係火到我呢！我同佢講，如果無做過，就算俾人大刑侍候都唔可以認！

作者: irisw 時間: 19-12-9 11:30

結果尋晚經過一輪盤問之後，到最後終於有人認咗。
我地試過單對單問，全家坐低一齊問，問來問去亦問唔到破綻。
其實我都幾唔開心，只係咁少事，認錯都咁難？而且仲要誣蔑對方。好唔應該。

作者: irisw 時間: 19-12-9 11:34

其實事情係咁嘅，家姐九歲，弟弟六歲。
互相指責對方對自己講’低能’。
首先講呢個詞語已經唔好，另外大家都話對方有講，自己冇講，咁即係當中有人講大話啦。
由於事情最近已經唔係第一次發生，所以我認為需要正視。

作者: irisw 時間: 19-12-9 11:37

我有諗過一齊罰嘅，但我覺得對冇做過嗰個好唔公平。

作者: DengCK 時間: 19-12-9 13:16

其實好少事，當初要去到審邊個講先係咪嚴重左？有時自己講先都唔記得架喎。如果係我我只會重申咁講唔好

作者: Jane1983 時間: 19-12-9 14:47

可能我比較care free，真係好小事wor

作者: Yanamami 時間: 19-12-9 23:25

本帖最後由 Yanamami 於 19-12-9 23:33 編輯

楼主，兄弟姊妹都係打交、鬧交大，其实唔係㔾野大問題。边个講先有無講其実唔算大件事，無人認咪－齐听你教导囉｡得佢地明白鬧呢d說話唔好听，亦会令人伤心，唔应該講，就已經足夠了……等我以為乜大件事必須要揾出真兇添｡

禁認左果个係咪要双倍罰？－條罪你開人低能，另一條較嚴重係講大話｡乘机教佢，做錯事係应該老实承認，打就企定，講大話去掩飾就罪加－等，更嚴重｡不过可能又会嚇親佢，下次唔講真話了，因双倍罰｡大概先講好道理規矩先，唔老实既人，最終惡果都係自己承受番……乘機去图書館揾下关於成誠既故事講下~

作者: irisw 時間: 19-12-10 07:58

我都知其實好少事，兄弟姊妹成長一定鬧交又咩都爭一餐。所以之前發生類似嘅事件我都係話兩句就算。
但問題在於講大話嘅人仲要理直氣壯唔認，仲要屈對方。呢個先係我最care嘅問題。大人都唔可以啦，可況小朋友？
講大話係可以好小事，亦都可以好大件事。小朋友未知嚴重性同後果，我今次講明唔會罰同鬧，我只想佢地勇於諗錯，唔好推卸責任。

作者: kkl0317 時間: 19-12-11 01:34

ask_not_tell 發表於 19-12-8 22:24
應該分開問，然後同佢地講咩：其實屋企有裝cctv,邊個唔坦白，一睇cctv 就知道，講大話個個就會慌或者學古代 ...

你個黑箱好正

作者: nanch 時間: 19-12-13 01:38 標題: 回覆樓主:

提示: 作者被禁止或刪除內容自動屏蔽

作者: Yanamami 時間: 19-12-13 10:11

irisw 發表於 19-12-10 07:58
我都知其實好少事，兄弟姊妹成長一定鬧交又咩都爭一餐。所以之前發生類似嘅事件我都係話兩句就算。
但問題 ...

明白｡禁应該同佢地講明道理，誠實既重要性，举多d反面教材同嚴重後果俾佢地｡约法三章，以後係坦自从寬，推卸責任同唔誠實係从嚴｡

作者: little_yolky 時間: 19-12-13 16:43

irisw 發表於 19-12-9 11:34
其實事情係咁嘅，家姐九歲，弟弟六歲。
互相指責對方對自己講’低能’。
首先講呢個詞語已經唔好，另外大家 ...

我覺得有可能兩個都有講喔

作者: ABC-DAD 時間: 19-12-14 13:40

本帖最後由 ABC-DAD 於 19-12-14 13:40 編輯

對別人講誠信，自然建立到自己誠信，保密都係誠信嘅一種，好多做人成長要經歷嘅階段，家長就分享自己經驗就可以，無人，係無人係無唔犯錯嘅人，唔好令家庭生活太大負擔。

歡迎光臨教育王國 (/)