教育王國
標題: 其實大家為子女選擇學校時以乜為準則？ [打印本頁]
作者: In2c68 時間: 19-12-7 13:53 標題: 其實大家為子女選擇學校時以乜為準則？
本帖最後由 In2c68 於 19-12-7 14:01 編輯
我見到時不時有人會開d題目去討論幾多入三大dse幾多分，睇校報都集中係呢點！但學校高低係咪唔只係得成績呢？學校其他方面都應該算在內！但去中學好多時除左俾小朋友成績同樣都教導佢地他日出嚟社會的人生方向或價值觀。明白band1希望成績能精益求精，但去到band2或更後係咪應該另有選舉呢？
作者: In2c68 時間: 19-12-7 13:54 標題: 回覆樓主:
呢幾日見到band3成績英文唔合格都有家長搵緊直資英中學校，其實明白各家長都小朋友係有聰明之處，但正正呢點就應該搵適合的學校多過名氣大的學校呢？每年簡介會校長為乜要做同家長為乜要去，就係要了解多些學校同直接去問一些你小朋友需要而人地未必care的問題！
作者: In2c68 時間: 19-12-7 14:10 標題: 回覆樓主:
果日同d朋友係到討論，現在大學生都無我地當年出嚟咁值錢，咁其實係唔係應該到左中學俾佢自己從興趣出發呢？眼見有讀完建築師去拍片，咁咁辛苦去入建築糸和讀為乜呢？最慘係父母為你地好想你入果科，而佢地又為還父母心願讀果d，呢d係最可悲的！
作者: lm251099 時間: 19-12-7 14:16
In2c68 發表於 19-12-7 13:53 
我見到時不時有人會開d題目去討論幾多入三大dse幾多分，睇校報都集中係呢點！但學校高低係咪唔只係得成績呢 ...
應該咁講囉，成績較好嘅學校，係其他方面嘅表現都會相應地提高囉，不過係依家呢個時世，一定有人吾同意，好多好學校都教出一些廢青
作者: mcl203 時間: 19-12-7 14:38 標題: 回覆樓主：
本帖最後由 mcl203 於 19-12-7 14:40 編輯
人生方向和價值觀等等，我哋從來都係自己教，唔會期望他人代努～～～
作者: In2c68 時間: 19-12-7 15:02
回覆 mcl203 的帖子
但有些如小兒一上到中學，老師一句勝過我地十句，明明同一件事同一道理！
作者: kirstyau 時間: 19-12-7 15:07
In2c68 發表於 19-12-7 13:53
我見到時不時有人會開d題目去討論幾多入三大dse幾多分，睇校報都集中係呢點！但學校高低係咪唔只係得成績呢 ...
本帖最後由 kirstyau 於 19-12-7 15:15 編輯
性格。
大女 文靜唔夠進取，太進取有小學部上中學，都唔太適合佢，算自動自覺溫書，唔想搵勁多勁多功課中學。
細女 聰明轉數快但懶，唔擔心識朋友，太自由怕心野唔知飛左去邊，唔想搵太少功課學校，現在尋找中。
唯一要求女校。
作者: In2c68 時間: 19-12-7 15:13
回覆 lm251099 的帖子
有d野真係好難講，我唔鍾意黃之鋒但佢讀果間匯基我就好喜歡，其實正面d睇學校都叫幫黃之鋒搵到佢人生的道路，佢自己enjoy已可！
作者: hkpapa852 時間: 19-12-7 15:19
本帖最後由 hkpapa852 於 19-12-7 15:19 編輯
In2c68 發表於 19-12-7 13:54
呢幾日見到band3成績英文唔合格都有家長搵緊直資英中學校，其實明白各家長都小朋友係有聰明之處，但正正呢 ...
關於：
B3成績英文唔合格去搵直資英中
其實我一直都唔明，唔理咩成績但英文都係唔合格水平，勉強入到間英中唔通英文能力就忽然會曉飛？
只怪太多人過度重視英中標籤而忽略小朋友真正既需要
作者: In2c68 時間: 19-12-7 15:23
回覆 kirstyau 的帖子
咁又真係煩惱左d，如果呢d情況我會選擇五六間再同佢哋去學校聽下睇下，叫佢地諗到乜就問下當場d哥哥姐姐，上年我見我個仔問d野都唔係我地大人所關心的，所以幫佢地篩左等佢哋選擇吧，至少佢少任何一間都叫滿意，佢自己用自己揀他日又無得怪父母！
作者: kirstyau 時間: 19-12-7 15:28
In2c68 發表於 19-12-7 15:23
回覆 kirstyau 的帖子
咁又真係煩惱左d，如果呢d情況我會選擇五六間再同佢哋去學校聽下睇下，叫佢地諗到乜 ...
本帖最後由 kirstyau 於 19-12-7 16:00 編輯
大女已經升中， 而家睇返好合適。
細女P5,煩惱中，今年報好多升中取消左。
作者: In2c68 時間: 19-12-7 15:35
回覆 hkpapa852 的帖子
我身邊太多細個讀唔到，但中學的導師改變左佢，今年有個在英國讀博士！所以我覺得去下間學校，見下d在校老師問下問題，呢d好直接，見完都唔係自己心目中杯茶又何必在一起！
當然你揀人時人揀你！所以好似上年咁d人話匯基黃之鋒讀喎，但去到每一間房見到d老師同同學，你會喜歡係到番學，再聽校長上台講完重like , 雖然最後都係入唔到，喜歡就係喜歡！連我現在細女重有幾年至到，佢上年去完都話未來要入呢間！
作者: mcl203 時間: 19-12-7 17:25
In2c68 發表於 19-12-7 15:02
回覆 mcl203 的帖子
但有些如小兒一上到中學，老師一句勝過我地十句，明明同一件事同一道理！ ...
上到中學仲信老師講嘢？～～～
作者: In2c68 時間: 19-12-7 17:48
mcl203 發表於 19-12-7 17:25
上到中學仲信老師講嘢？～～～
乜上到中學就會唔信長輩？再加上現在大多學生見老師時間比較長，而現今老師和學生關係亦師亦友咁我諗唔到呢點有乜問題喎！唔通你中學生活過得好唔如意而得出呢個論點？
作者: mcl203 時間: 19-12-7 17:53
In2c68 發表於 19-12-7 17:48
乜上到中學就會唔信長輩？再加上現在大多學生見老師時間比較長，而現今老師和學生關係亦師亦友咁我諗唔到 ...
本帖最後由 mcl203 於 19-12-7 20:15 編輯
咁又唔係噃，佢仲係服從性非常高，不過由小學嘅衷心信服，會變成宜家嘅對老師講嘅嘢會用自己既觀察，理解和分析，去判斷對錯！
老師係教書嘅，教做人都係自己兩老教啦！～～～
作者: YmOra 時間: 19-12-7 17:56
In2c68 發表於 19-12-7 13:53
我見到時不時有人會開d題目去討論幾多入三大dse幾多分，睇校報都集中係呢點！但學校高低係咪唔只係得成績呢 ...
我係以"適合"作為選擇中學嘅主要因素，不一定要看高一線，就算揀間低於孩子Ｂａｎｄｉｎｇ一線的中學也可以，只要那中學適合我的孩子，能夠讓孩子""穩步成長""和學曉""愛人幫人""就得肋！
作者: In2c68 時間: 19-12-7 18:48
YmOra 發表於 19-12-7 17:56
我係以"適合"作為選擇中學嘅主要因素，不一定要看高一線，就算揀間低於孩子Ｂａｎｄｉｎｇ一線的中學也可 ...
放低半線已係各家長心理位，就好似1B生要係銀禧咁，入丘佐榮係心理位，所以學校所俾的1B或1C成績無得計，一線之差，出到嚟有出入，又無公布！老師話1C就1C一去到何官已喊晒！
作者: 王家爸爸 時間: 19-12-7 19:16
In2c68 發表於 19-12-7 13:53
我見到時不時有人會開d題目去討論幾多入三大dse幾多分，睇校報都集中係呢點！但學校高低係咪唔只係得成績呢 ...
作者: 29XX86 時間: 19-12-7 19:27
程度適合, 校風, 德育培訓, 關愛, 宗教.
作者: mcl203 時間: 19-12-7 20:26
王家爸爸 發表於 19-12-7 19:16
三大準則：適合，適合，同埋適合。
唔係 考到，入到，先到適合咩～～～
作者: Sheep06 時間: 19-12-8 00:13
本帖最後由 Sheep06 於 19-12-8 00:21 編輯
mcl203 發表於 19-12-7 17:53
本帖最後由 mcl203 於 19-12-7 20:15 編輯
咁又唔係噃，佢仲係服從性非常高，不過由小學嘅衷心信服，會 ...
-->老師講嘅嘢會用自己既觀察，理解和分析，去判斷對錯！
-->老師係教書嘅，教做人都係自己兩老教啦！
same here. 完全同意 
作者: chelchel0126 時間: 19-12-8 01:36 標題: 回覆樓主:
我咪就係嗰啲英文唔合格但走去in英文直資中學嘅家長囉。。
英文係咪我所追求嘅呢？N!O!
不過我睇緊嘅兩間英中直資，其實都係老師叫我試嘅，我自己去感受過，覺得啱小朋友，跟住我先報嘅。。
你問我擔唔擔心，英文唔好，再加英中，係咪搵嚟搞，不如我講吓，作為b3生家長嘅心態，成績唔係我唸嘅第一個點，反正我都b3，可以再有幾差？我只想揀搵到一間能夠令到佢有動力去返學嘅學校，包括，學習環境啦，老師對學生嘅態度啦，同學之間嘅關係啦，佢地去到中學，我都冇能力可以事事管制得到，出咗門口點知佢去咗邊？唯一可以依靠嘅就係返學留得住佢地個心，學壞機會細咗，b3家長表示當贏咗㗎啦
作者: In2c68 時間: 19-12-8 02:52
chelchel0126 發表於 19-12-8 01:36
我咪就係嗰啲英文唔合格但走去in英文直資中學嘅家長囉。。
英文係咪我所追求嘅呢？N!O!
唔係想講到你的痛處，只係見今年開始報名的家長有d迷惘，但好多時唔記得左入幼稚園或小學時希望小朋友如何成長！我個仔上年成績唔會好你個仔好多，你講果間都去過，你所講band3其實已無得再差我都有諗過，我派果時老師叫揀band2結果去左間打仔學校，明白家長果種擔心！結果左叩右叩入左現在呢間，又明白到小學佢讀得辛苦又唔開心，佢現在有時講番d學校野，明白適合的學校的重要，我個仔成日講的"呢d先叫生活！"其實我地由day1番學只係想佢開開心心，幾時變到職場咁要鬥生鬥死！俾我如果開心我接受到考23分入 ive！反正重有呈三睇下有無得再加油加油，因七月有d直資會有d位放番出嚟，到時去in 呈三d分都重要！重有半年加油吧！
作者: luluhaha 時間: 19-12-8 07:32
近屋企，校風，語境
作者: 王家爸爸 時間: 19-12-8 09:51
mcl203 發表於 19-12-7 20:26
唔係 考到，入到，先到適合咩～～～
作者: deen 時間: 19-12-8 10:09
表哥band 3生，去年派左去band 3頭中中，個仔自己唔想，媽媽同佢叩門勉強去了直資英中，返了中一至今三個，問題開始出現，雖然三個私人補習老師跟尾，但近半個月返屋企回家向媽媽哭訴，上堂聽唔明，唔開心，好想轉校，好辛苦！
我仔今年升中，成績不是最top，算band one，也很想找一間適合的中學讓他讀得開心，帶他去看，看活動，看校園生活，看老師為主。
但對適合也有點迷惘，入到去讀先知會否適合
朋友仔，小學頭十，自行考入1a英中，中學三年，五班，考13x，選科有點限制，有一科不是自己最想讀。媽媽不擔心入大學，因為學校入大學率好高，但係小朋友係咪好開心呢？自信心大嗎？
1a成績選1a校叫合適啦！入到去仍是要自己努力，繼續同人爭。適唔適合，讀成點，無人會知。
作者: pccw2017 時間: 19-12-8 10:29
In2c68 發表於 19-12-7 15:13
回覆 lm251099 的帖子
有d野真係好難講，我唔鍾意黃之鋒但佢讀果間匯基我就好喜歡，其實正面d睇學校都叫幫 ...
作者: pccw2017 時間: 19-12-8 10:43
29XX86 發表於 19-12-7 19:27
程度適合, 校風, 德育培訓, 關愛, 宗教.
作者: chelchel0126 時間: 19-12-8 12:33
In2c68 發表於 19-12-8 02:52
唔係想講到你的痛處，只係見今年開始報名的家長有d迷惘，但好多時唔記得左入幼稚園或小學時希望小朋友如何 ...
本帖最後由 chelchel0126 於 19-12-8 12:38 編輯
你呢個舖好好呀，我又多一啲睇法，謝謝你 
打仔學校真係好驚，我嗰區有間叫武館 
作者: In2c68 時間: 19-12-8 14:32
deen 發表於 19-12-8 10:09
表哥band 3生，去年派左去band 3頭中中，個仔自己唔想，媽媽同佢叩門勉強去了直資英中，返了中一至今三個， ...
band1成績如果英文好留band1, 如果英文由到到尾谷出嚟而唔係自己喜歡咁學番嚟，咁揾間英中都會用d中文教或中中！始終全英文書好多都過唔到，成績一差無心機，band1年年總有人留有人走，讀得唔好選唔到科，叫理科人如果讀文科！所以選校係一個智力題，有人只求上番同一band已可，有人計定高中選科！不過不用太擔心，成績好自然選擇高好多！
作者: In2c68 時間: 19-12-8 14:38
chelchel0126 發表於 19-12-8 12:33
本帖最後由 chelchel0126 於 19-12-8 12:38 編輯
你呢個舖好好呀，我又多一啲睇法，謝謝你
咁我入左你講果間！我三十間都無揀㗎，我個仔又唔識，以為無野！我黑面到九秒九離開學校，都未試過咁down,但又唔想太影響個仔重要安慰下佢，因佢立刻又要面試面試同面試！
作者: In2c68 時間: 19-12-8 14:42
deen 發表於 19-12-8 10:09
表哥band 3生，去年派左去band 3頭中中，個仔自己唔想，媽媽同佢叩門勉強去了直資英中，返了中一至今三個， ...
神校最有趣的問題係大多每間學校全級頭的坐晒係到，以前個個尖子！但神校總有人考後面，其實會接受到嗎？名次以前單位數變可能三位數
作者: deen 時間: 19-12-8 14:56
In2c68 發表於 19-12-8 14:42
神校最有趣的問題係大多每間學校全級頭的坐晒係到，以前個個尖子！但神校總有人考後面，其實會接受到嗎？ ...
係呀！
唔好話神校，一般band one學校，總有band one人入去，名次由1x,2x跌到三位數
升中適應就是要適應這種心態的轉變
作者: pauljr 時間: 19-12-8 15:08
近, 近, 近
作者: In2c68 時間: 19-12-8 15:12
pauljr 發表於 19-12-8 15:08
近, 近, 近
同區已係極限，升中有時無得自己揀！成績好的神校未必近，近的未必自己like! 成績唔好等人揀等天命！做家長只能盡做
作者: 978212 時間: 19-12-8 15:57
有啲家長明明小學都死補爛補，但覺得自己小朋友好叻，我識一個就係，心雄想spcc,我就唔出聲喇，費事得罪人，唔好話呢啲頂級，普通Band1上到去都發現天外有天，大把叻人，有啲以為仲好似小學咁靠補習，上到去科目多，高中課程深，會見真章啲。家長要了解自己小朋友嘅讀書資質+學習態度揀學校。
作者: In2c68 時間: 19-12-8 17:15
978212 發表於 19-12-8 15:57
有啲家長明明小學都死補爛補，但覺得自己小朋友好叻，我識一個就係，心雄想spcc,我就唔出聲喇，費事得罪人 ...
又真係！中學d答題又真係好唔同，有d小學無咁谷得但上到中學反而吹得，得分反而高d，而有d谷左上去但得背又轉唔到反而辛苦d！父母真係要多了解小朋友，每間學校都有出入！
作者: pauljr 時間: 19-12-8 17:35
你又試諗下，有時課外活動係到6點，冬天時天已黑齊，仲要等車、搭車。
我有時見d學生6、7點至喺學校出黎，仲要行15分鐘至到地鐵站，都咪話唔慘，仲未計返到屋企之後食飯、沖涼、做功課...
所以我覺得近係好緊要。
當然要神校又另計，要神校，仲考慮其他准則？諗下神校收生准則好過啦。
仲有，有時他區係近過同區，如果你好似我咁住正邊邊
作者: 29XX86 時間: 19-12-8 18:20
pccw2017 發表於 19-12-8 10:43
除左宗教, 其他都好認同. 自己由細到大都讀聖公會既學校由細比人纏到大, 依家聽到都驚. ...
我相反，中學讀基督教學校，亦有短期返過教會，好多真理植左係心，一直堅守唔行差踏錯，尤其呢個年代，我覺得學生更需要，我而家都無返教會，但都好希望囡第日會返。
作者: lm251099 時間: 19-12-8 20:01
mcl203 發表於 19-12-7 17:25
上到中學仲信老師講嘢？～～～
一定有說服力過家長
作者: YmOra 時間: 19-12-8 20:04
In2c68 發表於 19-12-7 18:48
放低半線已係各家長心理位，就好似1B生要係銀禧咁，入丘佐榮係心理位，所以學校所俾的1B或1C成績無得計， ...
我唔知其他中學情況如何？！不過，銀禧和丘中嚟講，我都識人Ｂ１ａ入讀這兩所中學，由於學校的（"土壤"）十分［""適合""］她們的孩子响那裏｛"""茁壯成長"""｝，所以成績不繼進步，亦十分愛上學。
作者: mcl203 時間: 19-12-8 20:14
lm251099 發表於 19-12-8 20:01
一定有說服力過家長
好彩，我哋唔係～～～
作者: conniecheung 時間: 19-12-8 20:18 標題: 回覆樓主:
banding相若，校風良好
作者: B.B.BaBa 時間: 19-12-9 10:05
In2c68 發表於 19-12-8 14:42
神校最有趣的問題係大多每間學校全級頭的坐晒係到，以前個個尖子！但神校總有人考後面，其實會接受到嗎？ ...
如果校內排名同全港排名係三位數，其實都唔係好難接受
作者: bobbob 時間: 19-12-9 10:24
In2c68 發表於 19-12-8 14:42
神校最有趣的問題係大多每間學校全級頭的坐晒係到，以前個個尖子！但神校總有人考後面，其實會接受到嗎？ ...
作者: 仔仔錫錫你 時間: 19-12-9 10:33
當年阿仔屬band 1a 組別， 因小學老師喜歡箝制思想又冇咩活動，令阿仔痛苦六年。 所以升中時都冇選聯繫的band 1a學校，自行選咗間我覺得合適的重德育及運動 band 1b學校。老師校長經常苦口婆心 循循善誘同學們 尊敬師長，考順父母， 初中時玩多啲 不要死讀書。現在中2，讀得開心成績中上，應該頭20名。
作者: jli008 時間: 19-12-9 10:36
提示: 作者被禁止或刪除 內容自動屏蔽
作者: jli008 時間: 19-12-9 10:39
提示: 作者被禁止或刪除 內容自動屏蔽
作者: In2c68 時間: 19-12-9 20:43
仔仔錫錫你 發表於 19-12-9 10:33
當年阿仔屬band 1a 組別， 因小學老師喜歡箝制思想又冇咩活動，令阿仔痛苦六年。 所以升中時都冇選聯繫的ba ...
難得的家長，肯放棄高排名而選擇開心！中學番學又真係要開開心心，當然番到神校又讀得嚟當然無問題啦！但如果鬥心不足，係果到就變得苦事！
作者: luluhaha 時間: 19-12-9 21:14
第一，語境，第二，遠近，三，校風，四，無宗教
作者: dailings 時間: 19-12-9 22:23 標題: 回覆樓主：
本帖最後由 dailings 於 19-12-9 22:24 編輯
我依家都好苦惱，我仔成績係中等，但英文次次都唔合格咁濟⋯
岩岩星期六都去左2間學校簡介會，學校a係區內算band2a，新晉年輕校長，講明校風嚴格多功課，整場簡介會不停講要點推行宗教活動（呢樣我反感）一級4班，2班為全英教學，其餘2班就有1/4時間都要用英文教其他科
學校b，同區band2b，中中，左派學校，校舍大設施新淨，強調學生為本，6年中學生涯總有一次家訪。但缺點係到中五都仍然以中文去教理科（因為睇到學生功課展），擔心若果有幸讀上大學，會更難追英文
我自己偏向b學校，因為聽番黎學生都係讀得開心既，但班主任就覺得我應該試a學校，唔應該咁保守
作者: In2c68 時間: 19-12-9 22:30
dailings 發表於 19-12-9 22:23
我依家都好苦惱，我仔成績係中等，但英文次次都唔合格咁濟⋯
岩岩星期六都去左2間學校簡介會，學校a係區內 ...
但首要問題b2A英文唔合格自行未必會見，大抽獎入到可能都辛苦！重有入到2A過六年先到大學，但又唔一定入到，其中又要睇中間幾多人走左去外國或頂唔順去其他學校！我自己會選後面果間等佢讀得開心d想番學先再諗大學的事吧！
作者: 小余 時間: 19-12-10 02:11
978212 發表於 19-12-8 15:57
有啲家長明明小學都死補爛補，但覺得自己小朋友好叻，我識一個就係，心雄想spcc,我就唔出聲喇，費事得罪人 ...
我就係有呢個迷茫，我都分唔到到底無咗補習班的話仔仔有幾多"實力”。亦唔知佢到底適合做大池小魚還是小池大魚。
揾學校我有呢個憧憬~無欺凌，乖同學，老師講書講得明白，有關愛。但呢啲資料都唔知可以如何求證!?
作者: In2c68 時間: 19-12-10 02:45
小余 發表於 19-12-10 02:11
我就係有呢個迷茫，我都分唔到到底無咗補習班的話仔仔有幾多"實力”。亦唔知佢到底適合做大池小魚還是小池 ...
大池小魚和小池大魚的問題，其實小朋友面唔面對失敗？有d人失敗左就會沉，但有d就會越戰越強！好似我個女鬥心都強成績見得人，但係強校永遠在中間或有時中下，佢有時會問為何人地咁勁？呢d問題常會出現，不過佢重想鬥多一會。我大仔係另一例子，大池去唔到去左小池，由無信心人仕到自己話自己幾叻，有左自信心人積極左愛番學左！
至於學校老師佢地可以佢like的有愛唔like的少d，你問同一班都可以唔同感覺！所以上討論區，少d負面討論就ok吧！其實最可以了解的只有環境，近唔近屋企，校園安唔安靜，學校附近多唔多易學壞的地方……
作者: little_yolky 時間: 19-12-10 06:45
dailings 發表於 19-12-9 22:23
我依家都好苦惱，我仔成績係中等，但英文次次都唔合格咁濟⋯
岩岩星期六都去左2間學校簡介會，學校a係區內 ...
拿，即係咁，一次半次唔合格，就可以話失手，但次次唔合格，咁已經好清楚話俾你聽佢英文唔掂又無興趣。咁仲揀乜學校A，升唔升到班都成問題，仲話大學。JM你個目光又太長遠了。
作者: little_yolky 時間: 19-12-10 06:46
小余 發表於 19-12-10 02:11
我就係有呢個迷茫，我都分唔到到底無咗補習班的話仔仔有幾多"實力”。亦唔知佢到底適合做大池小魚還是小池 ...
//揾學校我有呢個憧憬~無欺凌，乖同學，老師講書講得明白，有關愛//
JM你要求都幾高架喔
作者: zanezane 時間: 19-12-10 08:43
回覆 little_yolky 的帖子
老師講書講得明白，有關愛
真係唔係咁易中, 每區都會有, 但唔你選就一定會入.
作者: dailings 時間: 19-12-10 20:13
little_yolky 發表於 19-12-10 06:45
拿，即係咁，一次半次唔合格，就可以話失手，但次次唔合格，咁已經好清楚話俾你聽佢英文唔掂又無興趣。咁 ...
係，我仔就係一見到英文就頭暈個種
我自己係偏向b校，但老師話我咁樣太保守，b校自行實收
但我最終都應該會揀b校，讀得開心，學好做人最重要，我唔想佢日日做功課做到無哂時間淨，無得抖
作者: little_yolky 時間: 19-12-10 20:34
dailings 發表於 19-12-10 20:13
係，我仔就係一見到英文就頭暈個種
我自己係偏向b校，但老師話我咁樣太保守，b校自行實收
我都係咁覺得。
作者: 仔仔錫錫你 時間: 19-12-10 23:57
dailings 發表於 19-12-10 20:13
係，我仔就係一見到英文就頭暈個種
我自己係偏向b校，但老師話我咁樣太保守，b校自行實收
作者: lun_shan925 時間: 19-12-11 00:37
本帖最後由 lun_shan925 於 20-8-14 22:51 編輯
仔仔錫錫你 發表於 19-12-10 23:57
大部份老師比的意見多注重中學bsnding多於是否合適小朋友，多一個學生入高banding中學，自己學校招牌就更省 ...
-----------------------------------
作者: jli008 時間: 19-12-11 09:21
提示: 作者被禁止或刪除 內容自動屏蔽
作者: B.B.BaBa 時間: 19-12-11 09:39
人家只說 "大部份老師比的意見多注重中學banding"，根本沒有人說過 "所有的學校老師都係咁,一定要學生入最TOP的中學"，某版友卻乘機炫耀一番...... 暈！
作者: lun_shan925 時間: 19-12-11 09:53
本帖最後由 lun_shan925 於 20-8-14 22:50 編輯
jli008 發表於 19-12-11 09:21
都不一定所有的學校老師都係咁,一定要學生入最TOP的中學,當時老師給予意見都是附近中學,聽到女兒說的學校 ...
-----------------------------------
作者: jli008 時間: 19-12-11 11:25
提示: 作者被禁止或刪除 內容自動屏蔽
作者: lun_shan925 時間: 19-12-11 11:31
本帖最後由 lun_shan925 於 20-8-14 22:50 編輯
jli008 發表於 19-12-11 11:25
所以資訊既野收到唔好全都相信,都要自己了解一下.不能夠全都聽取. 更何況97之後的香港教育專業性,我係覺得 ...
-----------------------------------
作者: jli008 時間: 19-12-11 11:53
提示: 作者被禁止或刪除 內容自動屏蔽
作者: samsam123321 時間: 19-12-12 10:55
中文要好
| 歡迎光臨 教育王國 (/) |
Powered by Discuz! X1.5 |