教育王國

標題: 移居 Quebec 的決擇 [打印本頁]

作者: easytone 時間: 19-11-23 11:26 標題: 移居 Quebec 的決擇

講下背景

我42歲，女兒讀 P.5, 家庭收入約 60k,

現有機會拿 work permit 去 Quebec (montreal)工作，人工除稅後可能得 25k

因為年紀比較大，本身我 Quebec 技術移民只得 50分（passing score是59分）可以去做嘢累積經驗加分

不過自己最終想去 vancouver, 因為怕凍，而且唔識法文，怕女兒學唔好英文

就算累積經驗，都只是剛剛合格，而且聽聞 Quebec 政府著重法語怕到時移民政策又變

幾種因素令人卻步，到底去唔去好？

作者: 小時了了 時間: 19-11-23 12:07

本帖最後由小時了了於 19-11-23 12:11 編輯

easytone 發表於 19-11-23 11:26
講下背景

我42歲，女兒讀 P.5, 家庭收入約 60k,

Quebec 省移民， google 爬文好似移民官要考法文面試對答及法文要有CEFR B2 程度先至 pass 到移民，詳情問移民顧問最準
http://www.gmstudy.com/Immigration/Country/1/

作者: Cara2006 時間: 19-11-24 10:40

本帖最後由 Cara2006 於 19-11-24 10:50 編輯

小時了了發表於 19-11-23 12:07
Quebec 省移民， google 爬文好似移民官要考法文面試對答及法文要有CEFR B2 程度先至 pass 到移民，詳情問 ...

你呢個 link ，係教人先讀書，再移民。
其實風險好大。
表面可以立即帶 spouse 和子女去，但始終只是 study visa ，讀完書，未必就可以留低。
聽聞最近有不少人讀完書，找不到相關工作，又或者就算找到工，也未必批 work permit。
要夠資格移民，就更加難。
今時不同往日，今日香港的時勢，好多人申請移民，
加拿大已經開始間中會停收移民申請，因為根本做唔切。
一年前有人成功行讀書 + 移民，而家未必得。
最近，某些顧問，甚至教人去加拿大 Montreal 讀一年 French，取 study visa ，帶埋子女去。
呢 d 真係要小心，唔好聽佢坤，分分鐘浪費一年時間和金錢，就要執包袱返香港。

作者: Cara2006 時間: 19-11-24 10:52

本帖最後由 Cara2006 於 19-11-24 12:09 編輯

easytone 發表於 19-11-23 11:26
講下背景

我42歲，女兒讀 P.5, 家庭收入約 60k,

移民加拿大，全部省都係計分制，cut off score 個個月變，今個月夠分，過兩個月可能已經唔夠。
我有朋友係專業人士，會計師，理論上到 Toronto Vancoucer 都應該夠分，但始終人多申請，要等。
佢唔想等太耐，怕有加拿大 policy 變，所以申請去 Alberta ，但都等咗幾個月先有消息，聽聞連 Nova Scotia 等都開始多人去，時勢唔同，唔到你揀。
Montreal 其實一半半，只識英文都可以生活 (今時唔同往日)，Quebec City 就真係 90+% 法文。
有 job offer 都要睇批唔批 work permit，加拿大移民 policy 話變就變，真係想走，就去當地工作，work permit 居住，儲兩三年工作經驗再算。
你自己都話唔夠分，冇乜其他 option 了。

後加：
你要問清楚熟當地法律的專業人士財務如何安排。
你 work permit 留加拿大，雖然非 PR，但政府也會要求你申報香港的收入，到時要小心處理。

作者: Shellyxlk 時間: 20-3-11 12:21

你囡囡年紀有啲大如果P5開始學法文，要可能浪費一至兩年讀 welcome class, 不過都睇性格啦，你要知道你去到一定係讀法文學校（除咗俾錢讀英文獨立私校）, 而Quebec 學校係唔想教學生英文(我當年中一去），一個星期一至兩堂而老師都係上堂講法文（因為啲學生都根本聽唔明英文），因為French Canadian 人士驚啲小朋友學得好英文就唔會再用法文，想保護自己文化，講真英文文法簡單好多，所以你哋屋企一定要諗清楚，好容易英文又學得唔好、法文又唔好、中文亦都唔好，不過依家唔知有冇改變，我近年summer返去都叫做多咗人講英文

作者: happybaby0608 時間: 20-3-17 11:53

Shellyxlk 發表於 20-3-11 12:21
你囡囡年紀有啲大如果P5開始學法文，要可能浪費一至兩年讀 welcome class, 不過都睇性格啦，你要知道你去到 ...

Hi Shellyxlk,
請問你知唔知道wellcome class 只係讀法文？
會唔會當中都有英文堂架？
都會用年紀嚟分班？

作者: Shellyxlk 時間: 20-3-18 15:54

happybaby0608 發表於 20-3-17 11:53
Hi Shellyxlk,
請問你知唔知道wellcome class 只係讀法文？
會唔會當中都有英文堂架？

Yes, welcome class只有法文, 應該有用年齡分，讀完一兩年之後會再睇你年齡加程度分正常班

歡迎光臨教育王國 (/)