教育王國

標題: 弱弱一問：有無家長唔識英文，而小朋友讀緊國際小學 [打印本頁]

作者: zp1875 時間: 19-11-11 20:36 標題: 弱弱一問：有無家長唔識英文，而小朋友讀緊國際小學

本帖最後由 zp1875 於 19-11-11 20:38 編輯

弱弱一問：有無家長唔識英文，而小朋友讀緊國際小學

作者: Jane1983 時間: 19-11-11 21:17

有見過，不過真係唔多。

作者: zp1875 時間: 19-11-11 21:22 標題: 回覆樓主:

其實我自己就系

作者: Jane1983 時間: 19-11-11 21:31

回覆 zp1875 的帖子

你小朋友已經讀緊？定係你驚自己唔識英文，會影響佢考入和入讀？
唔識英文，係完全唔識聽唔識講，定係聽ok講唔掂？父母都係想比能力範圍內最好的教育比仔女，你覺得IS好、適合佢，咁就得。

作者: peter1 時間: 19-11-12 00:36

好奇如何能通過面試，吾以為全部國際學校都係用英文？

作者: Jane1983 時間: 19-11-12 08:38

回覆 peter1 的帖子

唔少學校interview唔見家長的。

作者: 964000 時間: 19-11-12 08:38

zp1875 發表於 19-11-11 20:36
弱弱一問：有無家長唔識英文，而小朋友讀緊國際小學

如果聽得明，唔識講，平常不大問題，係見家長有時，你只可聽佢講冇得交流下。但如果聽都聽唔明都幾麻煩，學校有時會打電話來，例如小朋友唔舒服，放學特別安排，你溝通唔到，有些學校可能有D staff還可說中文，但有D真係只有校工識講，或者你要叫菲傭代聽。
可能找ISF，yew Chung, CIS etc 呢D，會多職員說中文，也會出中通告。
不過家長唔識英文也有好處，呢D小朋友

的中文通常講得好好，因為逼著要多講。

作者: 964000 時間: 19-11-12 08:47

peter1 發表於 19-11-12 00:36
好奇如何能通過面試，吾以為全部國際學校都係用英文？

一DD，例如就幼稚園初小：
ISF, CIS 家長可用中文面試，廣東話都得。
FIS, GSIS 是小朋友自己入去，全程不用in 家長。
ESF :K1要家長一起入，Y1就分開in家長。
ICS : 小朋友及家長分開自己in。

作者: mandy_ng207 時間: 19-11-12 09:00

我仔嗰間， Office職員全部識講廣東話，但老師就完全唔識。最近派通告話見家長，如果家長不諳英文，可帶識英文的親人一同前往。但學校通告和通訊全是英文，屋企至少要有一個人識睇先至搞得掂。

作者: zp1875 時間: 19-11-12 10:09

Jane1983 發表於 19-11-11 21:31
回覆 zp1875 的帖子

你小朋友已經讀緊？定係你驚自己唔識英文，會影響佢考入和入讀？

小朋友讀緊幾個月，目前學校通告都搞得定，但最近老師約我見面傾小兒進度，我就不知所措了。識睇簡單D文字，聽少少，說唔出。同埋平時見到同學仔的家長，我由於溝通唔到都避而远之。都自卑呀！

作者: zp1875 時間: 19-11-12 10:10

peter1 發表於 19-11-12 00:36
好奇如何能通過面試，吾以為全部國際學校都係用英文？

面試時，只有小兒去面試。無需見家長

作者: zp1875 時間: 19-11-12 10:14

964000 發表於 19-11-12 08:38
如果聽得明，唔識講，平常不大問題，係見家長有時，你只可聽佢講冇得交流下。但如果聽都聽唔明都幾麻煩， ...

尋日就系校巴去唔到學校，老師通知家長接返小朋友，好彩聽到幾個單字估到意思。以後就漫漫長路……(emoji)

作者: Jane1983 時間: 19-11-12 10:23

回覆 zp1875 的帖子

有無英文ok的親友？搵人傍住一齊見老師，就好好多。

作者: kkwong2208 時間: 19-11-12 10:31

如果閱讀ok，只係聽同講的問題，建議你開心見誠同老師講，因為如果老師唔知你唔太聽得明，下次有緊要嘢要通知你，佢又以為講左你明，就可以好大問題。如果佢知道，起碼佢會講慢啲，或者淺白d，又或者send email 比你。

作者: Jane1983 時間: 19-11-12 12:54

回覆 zp1875 的帖子

如果自卑會激發你努力學好英文，咁無所謂。但如果你的自卑會令你唔開心，咁我勸你無需要。
人生階段唔同，你為人母，最緊要係教好仔女。你英文叻，當然好，但因為種種原因英文唔掂，亦無礙你做個好媽媽。加油呀！

作者: peter1 時間: 19-11-12 16:59

964000 發表於 19-11-12 08:47
一DD，例如就幼稚園初小：
ISF, CIS 家長可用中文面試，廣東話都得。
FIS, GSIS 是小朋友自己入去，全程不 ...

清楚。謝謝

作者: 羊羊-媽咪 時間: 19-11-13 10:12

zp1875 發表於 19-11-12 10:09
小朋友讀緊幾個月，目前學校通告都搞得定，但最近老師約我見面傾小兒進度，我就不知所措了。識睇簡單D文字 ...

我都系。

作者: meimeimandy 時間: 19-11-13 12:24

小朋友大個應該個問題冇咁大，有乜野靠佢自己同老師溝通
小朋友太細個就唔太方便，始終有好多野仍然需要家長嘅support同向老師了解。如果有識英文嘅監護人或工人姐姐幫助做翻譯可能會好d

作者: clarasun 時間: 19-11-13 22:04

zp1875 發表於 19-11-11 20:36
弱弱一問：有無家長唔識英文，而小朋友讀緊國際小學

我覺得都幾有難度，唔係面試問題，係之後初小嘅學校生活好多時家長都會想參與，間唔中接放學見到老師都會傾下小朋友情況，有陣時睇完通告都會有好多濕濕碎碎小問題想問番老師，好難想像完全唔同學校溝通接觸。

作者: codeblue 時間: 19-11-14 11:32

本帖最後由 codeblue 於 19-11-14 11:33 編輯

考入去唔太大問題, 之後係會有少少唔方便, 但學校又唔會因為咁歧視小朋友~

我太太就係英文唔好, 所以目前大部份家長活動我都要親自出席, 目測普遍家長英語都非常流利, 我諗如果有一日我不在港工作, 我會聘請一個全職助理協助我太太順便代我跟進一切小朋友學習事務~

作者: mandy_ng207 時間: 19-11-15 14:27

其實你仲要考慮將來小朋友同你溝通嘅問題……我仔一向英文比中文好好多，但屋企得我一個人可以講流利英文，佢同其他家人已經係用廣東話溝通，不過廣東話仍然係麻麻哋。尋晚我同老公好開心咁用廣東話傾偈，傾到有講有笑，我個仔就似乎聽唔明，我偷偷望到佢眼角有眼淚。之後我用半中半英嘅方法交代返我哋嘅談話內容（主要係將啲名詞轉返做英文），佢就笑返開心晒。而家我係不斷做人肉翻譯，試過返返下工長老打嚟問我仔講的英文嘅中文係乜嘢，如果唔係佢哋兩個完全係雞同鴨講……

作者: bigbighei 時間: 19-11-20 18:51

zp1875 發表於 19-11-11 20:36
弱弱一問：有無家長唔識英文，而小朋友讀緊國際小學

我見有日本人媽咪唔識英文，要個仔做翻譯.

作者: Activehealth 時間: 19-11-20 19:18

bigbighei 發表於 19-11-20 18:51
我見有日本人媽咪唔識英文，要個仔做翻譯.

本帖最後由 Activehealth 於 20-4-22 09:46 編輯

學校都有韓國媽媽、日本媽媽唔識英文，但佢地好齊心（比其他國籍媽媽齊心好多），自己圍內媽媽會互相幫忙、互通消息，仲自發組織義工隊做好多PTA 義工，如幫學校籌款晚會佈置及搞日本/韓國美食攤位，深受其他媽媽尊重愛戴（雖然無必可單對單溝通到）。

香港媽媽們真自愧不如！

作者: 964000 時間: 19-11-20 20:18

Activehealth 發表於 19-11-20 19:18
阿仔ESF學校都有韓國媽媽、日本媽媽唔識英文，但佢地好齊心（比其他國籍媽媽齊心好多），自己圍內媽媽會互 ...

佢地真係好好人又團結，這幾天冇學番，兩個日本媽媽幫手照顧幾個女仔一整天，又去食飯又去踩單車，萬分感激。

作者: mky456 時間: 19-11-21 06:54

zp1875 發表於 19-11-11 20:36
弱弱一問：有無家長唔識英文，而小朋友讀緊國際小學

你好，其實我也跟你有類似情況，想小朋友讀國際學校，請問你小朋友讀緊邊間呀？

作者: icloud 時間: 19-11-27 14:31

Which international school is your kid studying ?

作者: zp1875 時間: 19-12-1 08:56

Jane1983 發表於 19-11-12 12:54
回覆 zp1875 的帖子

如果自卑會激發你努力學好英文，咁無所謂。但如果你的自卑會令你唔開心，咁我勸你無需 ...

Thanks Jane

作者: janicelwy 時間: 19-12-9 11:47

回覆 Jane1983 的帖子

其實我反而擔心仔女英文會比人差，始終其他母語係英文講既機會多好多

作者: Jane1983 時間: 19-12-9 13:36

回覆 janicelwy 的帖子

如果由小學開始讀，又唔覺得小朋友會因為父母唔係native speaker而吃虧，英文會比白人同學差。呢d其實好睇個人，有無多閱讀，有無留意世界、感受生活。父母個個月萬萬聲交學費比佢讀IS，為佢打開一度我小時候發夢都唔咁想的門，算係咁，唔好再會自己唔係native speaker而費煞思量。
以前有同事初中去英國，前後10年，英文口語全港式，仲唔流利。有時候有d嘢要睇個人造化。

作者: 小寶貝兒 時間: 19-12-16 15:26

zp1875 發表於 19-11-12 10:09
小朋友讀緊幾個月，目前學校通告都搞得定，但最近老師約我見面傾小兒進度，我就不知所措了。識睇簡單D文字 ...

又唔好太擔心，我英文都唔太好，我囡幼稚園時讀國際班，雖然有本地老師可以幫手翻譯，但我仍然用好差的英文慢慢同net 班主任溝通，一年之後進步好多，聽明8成，講就6成啦！而家轉左讀IB都2年啦，當然英文同其他家長比係差好遠，但起碼能夠同老師溝通到，不過寫email就仲係我一大弱項
加油，勇敢d去講英文，外國人係呢方面都幾包容

作者: annie40 時間: 19-12-16 18:41

回覆 zp1875 的帖子

Zp1875媽媽，
你真的不需要「弱弱的」，大家是中國人，不懂英文是很正常的事。請記著去讀國際學校的是你的孩子，不是你，因此無須因為父母不懂英文而成為弱弱的。

英美華人不少不曉英語，終身在華人餐館洗大餠，他們的孩子入讀平常的平民學校，長大了照樣是哈佛，麻省理工的高材生。

愈是缺乏愈是謙虛，這些素質十分值得孩子學習，也是另類身教，凡事總有得失，這個「弱弱的」能成為孩子未來的「亮點」也未可知。

祝生活愉快！

Annie

歡迎光臨教育王國 (/)