教育王國
標題: 如何防止小朋友用ipad 瀏覽色情網站 [打印本頁]
作者: 泓毅媽媽 時間: 19-11-6 13:52 標題: 如何防止小朋友用ipad 瀏覽色情網站
今日收到學校老師匯報話小朋友( 小學六年班 )在10月試過兩次利用ipad 上色情網站， ipad是學校要求使用的學習工具 ，所以學校安裝了監控系統 。
本身小朋友沒有自己的手機， 屋企也沒有電腦提供他使用， 所以他唯一上網的工具便是ipad或爺爺嫲嫲的手機。
因為發現他常常借用嫲嫲的手機 ，所以我在九月份已為嫲嫲的手機安裝了密碼及指紋開鎖， 所以他不能使用 。
我試過一次發現他在書房內利用ipad上網玩遊戲 ，我已嚴格責罵他 ，但是我也想知道有如何方法可以阻擋例如pop-up的色情網站。
我試過一次偷看他ipad的內容，我發現他是利用無痕上網，所以取得的資料不多。
求各賜教良方, thx!
作者: ilyrd 時間: 19-11-6 15:39
带領,引導他參與其他活動,打波,游水,跑步,捉棋,睇小說,探討生活有趣話題.....但要家長一起陪同做.
作者: 泓毅媽媽 時間: 19-11-6 18:37
ilyrd 發表於 19-11-6 15:39 
带領,引導他參與其他活動,打波,游水,跑步,捉棋,睇小說,探討生活有趣話題.....但要家長一起陪同做. ...
你好似對我的問題有誤解 
還有我要上班，放學後他要上網做功課及搜集資料，你説這完美做法在香港讀高小以上的學童來講是不可行，首先家長最好全職在家、要有學識、要做直升機……，但我唔會，我只會做一個 mentor 去做好自己去身教他，小朋友會成長、獨立。
我在他三歲時考了碩士學位，我四十幾歲人學小提琴，我早上五時多起床煮午餐給他帶回校，我每年都帶小朋友同爺爺嫲嫲一起去旅行，教他做人道理。
我早上五時多起床煮午餐給他帶回校，他校内活動都盡量請假出席，運動完幫他按摩，我仔有玩花式跳繩、跆拳道、 參加銀行隊，學小提琴， 他有哥哥陪他捉棋， 但冇可能完全唔上網，唯有想辦法防止小朋友接觸那些不良網站。
作者: Radiomama 時間: 19-11-6 18:54
開心見誠同佢討論收到學校的report, 告訴佢有些網站在他這年紀不能/不准使用囉。
另外也建議定立用iPad 的規舉，除功課以外，可使用的用途和時間。
作者: 泓毅媽媽 時間: 19-11-6 23:39
Radiomama 發表於 19-11-6 18:54
開心見誠同佢討論收到學校的report, 告訴佢有些網站在他這年紀不能/不准使用囉。
另外也建議定立用iPad 的 ...
今晚已和他傾了一小時了解到當中的情況，是因為一次用google查生字的時候進入了一個網站，當中一個廣告彈了出來，他不小心按了進入，然後很驚便即時離開及用防毒軟件 scan嗰部ipad。 他告訴我本來打算告訴我的但因為ipad冇電最後沒有。
事隔多日後他瀏覽網頁紀錄時發現這網站，在好奇心的驅使下進入了這色情網站瀏覽了兩分鐘，主要是瀏覽圖片。
其實我有和他定下規矩，但他多在放學後同嫲嫲講要用 ipad 查資料，所以要用，我早已同他講 ipad 只可父母在家時才可用，可惜他做不到 
作者: ilyrd 時間: 19-11-7 10:59
坊間有的過濾apps,唔知得唔得,我冇用過,因不需要.
作者: akys 時間: 19-11-7 11:34
本帖最後由 akys 於 19-11-7 11:34 編輯
ilyrd 發表於 19-11-7 10:59
坊間有的過濾apps,唔知得唔得,我冇用過,因不需要.
如果孩子懂得網絡，係冇用嘅。太多方法可以避開過濾軟件，例如用免費VPN就邊度都去到。
所以最終都係需要正確輔導。
作者: drupal 時間: 19-11-8 10:58
其實可以通過 router 設置 blacklist/whitelist ，依家稍為新啲嘅 router都有哩種功能。在 network 出口的地方加鎖，小朋友點都翻唔過。不過如果用手機 network 就無用。
作者: nkd 時間: 19-11-8 12:12
解釋他聽色情網站的危險，早點給他認識健康的性教育，明白他的生理發展和需要，順其自然。
老公怎樣看？
作者: cylau2 時間: 19-11-8 13:10
Google 下 iPad parental control，Apple網頁有教點做，未必100%攔到，但係都起到一定作用。
作者: jli008 時間: 19-11-8 16:57
提示: 作者被禁止或刪除 內容自動屏蔽
作者: Jane1983 時間: 19-11-8 21:48 標題: 回覆樓主:
直接同佢講收到老師通知，同埋再同佢講清楚ipad只可以用來做功課，學校會monitor的，上色情網站一定會穿煲。小六生知道睇鹹網揚咗，多少會驚，應該唔會再犯。
小朋友呢個年紀對性好奇都好正常，叫爸爸同佢傾吓。
作者: 泓毅媽媽 時間: 19-11-10 09:27
Jane1983 發表於 19-11-8 21:48
直接同佢講收到老師通知，同埋再同佢講清楚ipad只可以用來做功課，學校會monitor的，上色情網站一定會穿煲 ...
第二日已和老師個人會面及與小朋友一同三人傾談，解釋了不良網站的害處，ipad 會被校方沒收至考試完畢，其後會考慮限時鎖機。
我已在書局買了一面超大的人體結構書，由頭到腳包括性器官及生育過程都圖文並戊，任佢睇。 至於性教育就交給爸爸負責講解。
至於屋企的 TP link router 剛好不列入家長監控的型號。
作者: Jane1983 時間: 19-11-10 10:15
泓毅媽媽 發表於 19-11-10 09:27
第二日已和老師個人會面及與小朋友一同三人傾談，解釋了不良網站的害處，ipad 會被校方沒收至考試完畢，其 ...
咁樣安排，用ipad睇的問題應該解決咗。
呢件事睇到佢對呢方面已有d興趣，多d疏導、多d關注。
作者: Radiomama 時間: 19-11-10 13:19
泓毅媽媽 發表於 19-11-10 09:27
第二日已和老師個人會面及與小朋友一同三人傾談，解釋了不良網站的害處，ipad 會被校方沒收至考試完畢，其 ...
你處理得好好啊！不過我老公都會提醒我，男孩子會好奇、會睇咸濕網/笑話，是正常表現。
作者: 泓毅媽媽 時間: 19-11-10 19:50
Radiomama 發表於 19-11-10 13:19
你處理得好好啊！不過我老公都會提醒我，男孩子會好奇、會睇咸濕網/笑話，是正常表現。
...
係呀，正常男性都好呢味，哈哈!
所以，有同阿仔講，日後你同啲同學睇咸書的話，最好唔好俾老師發現，記住小心些收埋一齊睇，否則會被老師罰。
作者: Yanamami 時間: 19-11-12 19:47
泓毅媽媽 發表於 19-11-10 19:50
係呀，正常男性都好呢味，哈哈!
所以，有同阿仔講，日後你同啲同學睇咸書的話，最好唔好俾老師發現，記住 ...
作者: b3410 時間: 19-11-14 12:26
IPAD同其他電腦是否應該有個switch 去控制pop up 網站？其實有時唔想睇，不過莫名其妙彈出來，都好煩。
作者: ABC-DAD 時間: 19-11-14 20:33
一方面要學習網絡安全，防pop up 係一種，另一方面，正面去學習面對好奇，同學習自制係可以終生受用，爸爸同媽媽都可以合作教育下異性相處時，不同人會有嘅不同價值觀。
保持開放嘅雙向溝通係要花點心神。
作者: anitelab 時間: 19-11-15 20:43
邊有男仔未睇過，你關心吓佢睇啲野正唔正常好過啦，收收埋埋倒不如打開嚟講
作者: 泓毅媽媽 時間: 19-11-16 13:21
anitelab 發表於 19-11-15 20:43
邊有男仔未睇過，你關心吓佢睇啲野正唔正常好過啦，收收埋埋倒不如打開嚟講 ...
希望你回覆別人帖事請細心睇一次前文才作出評擊。
作者: 泓毅媽媽 時間: 19-11-16 13:31
Yanamami 發表於 19-11-12 19:47
其實又唔一定要由daddy去同仔講解正確性教育，你都可以。正正經經講又無咩好尷尬。接受呢個喺正常須需要， ...
你叫我教點生仔、月經是甚麼、甚麼事是女性不喜歡的……，我做阿媽可以教，但男性生理反應、生理需求、夢遺……，我就真係唔識(無硏究過)，絶不是尷尬的問題，加上我不是男人，所以如男人的性興奮我就更加無可能知，以上這些當然由爸爸講解最好啦。
作者: 泓毅媽媽 時間: 19-11-16 13:35
ABC-DAD 發表於 19-11-14 20:33
一方面要學習網絡安全，防pop up 係一種，另一方面，正面去學習面對好奇，同學習自制係可以終生受用，爸爸 ...
作者: Yanamami 時間: 19-11-16 14:20
泓毅媽媽 發表於 19-11-16 13:31
你叫我教點生仔、月經是甚麼、甚麼事是女性不喜歡的……，我做阿媽可以教，但男性生理反應、生理需求、夢 ...
作者: 健康傻蛋 時間: 19-11-17 10:39 標題: 回覆樓主:
提示: 作者被禁止或刪除 內容自動屏蔽
作者: ABC-DAD 時間: 19-11-17 13:50
跟小朋友談性，大可從尊重別人感受入手，不一定要從生理。解剖或者兩性關係入手，『性』大概不能單只能從生殖方面去理解
作者: ABC-DAD 時間: 19-11-17 14:05
本帖最後由 ABC-DAD 於 19-11-17 14:07 編輯
不宜把色情網站與性教育混為一談，提供觀能刺激嘅商品，如網上遊戲/手遊，視頻，音樂都有主題有導向性，家長可以讓小朋瞭解一下商品提供嘅訊息係有需要分類，要有不同嘅態度去接觸，同樣類似嘅情況出現在粗口文化，食煙，飲酒，濫葯...等等。
好奇心會因人而異，成長階段，家長唔一定只可以扮演管理同指導角色，聆聽同伙伴嘅角色都同樣有意義，好多時表達家長自己嘅感覺同觀點，而不必強調小朋友只可以有一個選擇，保持互動，雙方都會增加信任同安全感及相互尊重。
作者: chun719 時間: 19-12-11 15:39
其實IPAD IOS 12之後就有兒童模式，可限制成人網頁。
作者: yiuyiu22 時間: 20-7-6 14:56
提示: 作者被禁止或刪除 內容自動屏蔽
作者: www 時間: 20-7-8 14:29
本帖最後由 www 於 20-7-8 14:30 編輯
泓毅媽媽 發表於 19-11-6 13:52
今日收到學校老師匯報話小朋友( 小學六年班 )在10月試過兩次利用ipad 上色情網站， ipad是學校要求使用的學 ...
這是一個兒童教育的問題，應該從教育方面解決，你應該和丈夫一起與孩子對話溝通，先聆聽孩子的說話以了解原因，梳理孩子的想法，並提供正確的性教育。
將這問題看成資訊技術問題，是本末倒置，治標不治本，只會事倍功半，甚至徒勞無功。
作者: 03050 時間: 20-8-29 14:33
https://support.apple.com/zh-hk/HT201304
作者: Baby_peter 時間: 20-12-9 15:10
我發現現在的孩子都好早熟啊，我覺得可以培養一下他的興趣愛好之類的，不過現在的孩子都會好奇的
作者: babejaiiiiii 時間: 20-12-14 14:55
開家長監控模式
作者: henrylau010 時間: 21-8-1 23:41
回覆 泓毅媽媽 的帖子
既然你小朋友對性教育有興趣，你可以健康、正向、坦白甘教育佢，比佢明白「性」係咩東東，而唔係一味叫佢唔好睇喊野。
如果你叫佢唔好睇喊野的話，係同叫個鐘意食薯片既人叫佢唔好食薯片同一道理，佢知錯、但唔想改。
可以上網search下人地點樣用性教育兒童。
作者: babachau 時間: 21-8-31 11:03
及早對孩子進行性教育
作者: www 時間: 22-5-1 16:18
nkd 發表於 19-11-8 12:12
解釋他聽色情網站的危險，早點給他認識健康的性教育，明白他的生理發展和需要，順其自然。
老公怎樣看？
| 歡迎光臨 教育王國 (/) |
Powered by Discuz! X1.5 |