教育王國

標題: 應該比個機會小朋友去試嗎？ [打印本頁]

作者: kmbe 時間: 19-10-21 17:52 標題: 應該比個機會小朋友去試嗎？

本帖最後由 kmbe 於 19-10-21 20:17 編輯

好動小朋友，坐唔定，一心諗住選間二線活動關愛的津小給小朋友，因為N無人仕，有預備叩門，所以報左2間直資讓小朋友知道何為面試，意外地剛剛被通知有直資英小取錄。幼稚園是happy school，沒有吹谷，一星期1小時學英文，因為屋企小講，小朋友又不是太主動學習，讀書要伴讀，暫時半主動做功課。
直資小學重閱讀，重主動學習，就是小朋友沒有主動閱讀之心，我唔知小朋友應唔應付得來，有點擔心，應該給小朋友試下嗎？

作者: Jane1983 時間: 19-10-21 17:58

快手研究下，了解多d間學校的課程（有無教快）、要求和功課量，再作決定。

一般情況，考到又負擔到，我會比小朋友試，當然你要傍住佢。反正你最初都係打算二線關愛學校，唔得再回頭，都應該可以插番班讀。

作者: Poyau 時間: 19-10-21 18:09 標題: 回覆樓主:

是否SMC? SMC值得積極考慮

作者: 1998Ruby1998 時間: 19-10-21 18:11

收你都覺得你係讀得掂，性格唔錯，如果地點唔太遠，學校升中都 OK 的話，可以試。當然，要睇埋你係邊間英小，有冇教深、學術要求、功課量、測考次數。到時候你唔適應，轉返去二線津小，都冇問題。

作者: kmbe 時間: 19-10-21 18:17

本帖最後由 kmbe 於 19-10-21 20:16 編輯

回覆 Jane1983 的帖子

都有了解過，有去過簡介會。屬區內一線，算是活動教學。直小相對重學術，重閱讀，重主動學習，功課唔算多，可能是全英，英語課程比津小深，讀書方面，相信津校會輕鬆些。關愛方面相對津校較關愛，但直小簡介會時，校長亦有提到不會放棄每一位學生。直資學校的網上意見都是好評，主要是成績，派中學理想，學生品行亦不錯，主要是擔心小朋友應付不來

作者: Jane1983 時間: 19-10-21 18:41

kmbe 發表於 19-10-21 18:17
回覆 Jane1983 的帖子

都有了解過，有去過簡介會。屬區內一線，算是活動教學。直小相對重學術，功課唔算多 ...

5歲幾可以半自動做功課，算幾乖。聽落幾好呀，學校收得，即係覺得他得，唔使咁早認輸話驚讀唔掂。

不過，當然開始的時候要比他多d支持。大部分學校其實都係比正常能力的小朋友讀，唔使要天材都可以勝任。

作者: ar_mak 時間: 19-10-21 22:23

提示: 作者被禁止或刪除內容自動屏蔽

作者: lambeanmama 時間: 19-10-22 07:40

kmbe 發表於 19-10-21 17:52
好動小朋友，坐唔定，一心諗住選間二線活動關愛的津小給小朋友，因為N無人仕，有預備叩門，所以報左2間直資 ...

學校揀得，即是適合。不用過慮小朋友程度問題。不如問吓自己，有咩野令到自己對呢間學校卻步。每間學校都有好有不好之處，多了解間學校，有助你自己做最後決定。

作者: Jane1983 時間: 19-10-22 12:28

ar_mak 發表於 19-10-21 22:23
如果有人請我去大酒店食自助餐,我又真係唔會驚自己細食而唔去呀!

PS:學校係可以容納不同類型既小朋友,小朋 ...

你講得好搞笑

作者: sunnymama2 時間: 19-10-22 13:48 標題: 回覆樓主：

本帖最後由 sunnymama2 於 19-10-22 13:48 編輯

如果交通學費冇問題，唔明點解唔揀英小直資去揀二線津校，要知道好多二線津校係好谷的

作者: retriever 時間: 19-10-22 19:24

ar_mak 發表於 19-10-21 22:23
如果有人請我去大酒店食自助餐,我又真係唔會驚自己細食而唔去呀!

PS:學校係可以容納不同類型既小朋友,小朋 ...

大酒店係食自助餐架咩？！

作者: ar_mak 時間: 19-10-22 22:35

提示: 作者被禁止或刪除內容自動屏蔽

作者: ar_mak 時間: 19-10-22 22:36

提示: 作者被禁止或刪除內容自動屏蔽

作者: kmbe 時間: 19-10-22 23:16

現在同小朋友伴讀5頁K2英文書，已說好眼訓，唔想讀，讀到喊，我真係好爭扎？

作者: Jane1983 時間: 19-10-22 23:21

回覆 ar_mak 的帖子

哎呀，乜我有鬧過你，真係唔好意思

我最近兩年試過幾次好唔開心，為我女d雞毛蒜皮、完全唔影響大局的的小事，又失眠又忍唔住喊。睇番轉頭好無謂，但我老公和家姐都完全勸我唔到。最終，我自作自受，出咗一大堆白頭髮，又覺得突然老咗唔少，嚇到我呆咗。所以我係另一個帖勸Yolky睇開d，唔值得。

作者: hapi_mami 時間: 19-10-22 23:45

kmbe 發表於 19-10-21 18:17
回覆 Jane1983 的帖子

都有了解過，有去過簡介會。屬區內一線，算是活動教學。直小相對重學術，重閱讀，重 ...

是否屯門英小？
其實不論是哪一類學校，我相信培養好小朋友閱讀能力及習慣都一定對將來讀書無往而不利，直資可能讓小朋友有更多空間去接觸書本，小朋友在大圍的氣氛下可能會變得更積極閱讀的。距離升小仲有差不多一年時間，家長仲有好多時間培養佢嘅閱讀習慣的，加油！

歡迎光臨教育王國 (/)