教育王國

標題: 請問可以中三下學期轉學嗎 [打印本頁]

作者: susucathy 時間: 19-10-13 23:51 標題: 請問可以中三下學期轉學嗎

我的女兒今年係屯門讀中三但係讀的唔開心所以想轉校我想請問中三下學期轉學會不會重讀或者會比較難選科因為我驚佢係因為中途轉過去新學校淨係計佢係新學校考試嘅分數咁咪會俾人少因為俾人得少考一次試驚佢到時選唔到自己心意嘅科目

作者: YmOra 時間: 19-10-14 07:38

本帖最後由 YmOra 於 19-10-14 07:39 編輯

susucathy 發表於 19-10-13 23:51
我的女兒今年係屯門讀中三但係讀的唔開心所以想轉校我想請問中三下學期轉學會不會重讀或者會比較難選科 ...

會有影響，亦要視乎你囡囡想揀嘅選修科是否多人爭。又或者咁諗，可能升到高中已經遠離咗Ｄ唔夾嘅同學仔就未必一定需要轉校呢！

作者: bbeasy25 時間: 19-10-14 08:42

不如現在試吓插班

作者: 王家爸爸 時間: 19-10-14 10:03

susucathy 發表於 19-10-13 23:51
我的女兒今年係屯門讀中三但係讀的唔開心所以想轉校我想請問中三下學期轉學會不會重讀或者會比較難選科 ...

如果真係讀得唔開心，好想轉校，越快越好。會唔會比較難選科，好睇小朋友既興趣，想讀邊啲科。如果係成績唔好而讀得唔開心，留一年可能更好。

作者: goodmama2003 時間: 19-10-14 10:14

提示: 作者被禁止或刪除內容自動屏蔽

作者: goodmama2003 時間: 19-10-14 10:22

提示: 作者被禁止或刪除內容自動屏蔽

作者: 小時了了 時間: 19-10-14 10:25

本帖最後由小時了了於 19-10-14 10:28 編輯

susucathy 發表於 19-10-13 23:51
我的女兒今年係屯門讀中三但係讀的唔開心所以想轉校我想請問中三下學期轉學會不會重讀或者會比較難選科因為我驚佢係因為中途轉過去新學校淨係計佢係新學校考試嘅分數咁咪會俾人少因為俾人得少考一次試驚佢到時選唔到自己心意嘅科目

啱啱打電話問以下 3 間元朗/天水圍直資:

宏信書院 https://www.luac.edu.hk/home/en/curriculum.php?cid=8 >> 全年任何時間都接受申請插班, 依家都可以申請插 s3

香港青年協會李兆基書院 http://www.hlc.edu.hk/contactinfo/ >>> 可以申請插下學期, 但依家未接受申請, 請留意學校網站插下學期班申請日子公告, 又或者打電話問.

中華基督教青年會中學: 每年只會 4 / 5 月左右接受下一學年插班申請, 唔接受中途插班

如果家庭收入鬆動, 不妨依家考宏信10月或11月轉去宏信讀

作者: WinnieCatCat 時間: 19-10-14 17:03

susucathy 發表於 19-10-13 23:51
我的女兒今年係屯門讀中三但係讀的唔開心所以想轉校我想請問中三下學期轉學會不會重讀或者會比較難選科 ...

睇你想轉甚麼學校，和女兒現在成績如何。除了band3校，一般學校是不會收個成績中等的學生中途插班的。即假設你讀緊band1c成績中等，想插同level band1c是機會不大的，要插band2a甚至2b才有機會。

作者: susucathy 時間: 19-10-14 20:21

回覆 YmOra 的帖子

我女女話佢想揀生物同化學都係比較熱門嘅科所以好驚揀唔到

作者: susucathy 時間: 19-10-14 20:26

回覆 YmOra 的帖子

佢話佢同唔啱嘅同學成績好接近所以一定會升同一班佢地好多小圈子我個女頂唔順覺得好困擾

作者: susucathy 時間: 19-10-14 20:28

回覆王家爸爸的帖子

佢想讀生物同化學都比較搶手而且可能會插班插去下學期到

作者: susucathy 時間: 19-10-14 20:31

回覆 bbeasy25 的帖子

係諗住插去下學期但驚因為第一次開始唔係新學校新學校淨係計後兩次咁揀科嗰陣就好蝕抵

作者: In2c68 時間: 19-10-15 08:08

其實有時都無可能兩全其美，一係留校揀科，一係轉校舒服！無論去或留，都要佢明白得同失，留校可能揀到好科但要自己去化解番d人際關係。如果走就要佢明白去到第二間都可能有果d人或比想像中更差，因我相信你呢個時間插到都應該比自己成績低的學校，值唔值得就見人見智了！

作者: 王家爸爸 時間: 19-10-15 08:28

susucathy 發表於 19-10-14 20:26
回覆 YmOra 的帖子

佢話佢同唔啱嘅同學成績好接近所以一定會升同一班佢地好多小圈子我個女頂唔順覺得 ...

好多小圈子？咁係唔係女校？如果係咁，轉去男女校可能好啲。

作者: 王家爸爸 時間: 19-10-15 08:30

susucathy 發表於 19-10-14 20:28
回覆王家爸爸的帖子

佢想讀生物同化學都比較搶手而且可能會插班插去下學期到 ...

生物同化學真係比較搶手，所以除非本身成績好好，如果唔係既話，插班下學期未必係好事。

作者: goodmama2003 時間: 19-10-15 10:27

提示: 作者被禁止或刪除內容自動屏蔽

作者: goodmama2003 時間: 19-10-15 10:31

提示: 作者被禁止或刪除內容自動屏蔽

作者: susucathy 時間: 19-10-15 19:49

回覆王家爸爸的帖子

唔係係男女校來但係佢話啲女仔都好衰例如之前我幫我個女買左一支比較貴嘅潤唇膏佢地特登整斷左依啲野唔止一次仲有試過趁我女唔係班房去佢個位拎佢書包來睇俾我個女撞正明明我個女已經就算同班都完全冇同佢地接觸但佢地都係要不停係到講我個女壞話針對佢都唔知話佢地妒忌心太強定係點我個女宜家日日都過得好唔開心

作者: 持之以恆 時間: 19-10-15 20:01

susucathy 發表於 19-10-15 19:49
回覆王家爸爸的帖子

唔係係男女校來但係佢話啲女仔都好衰例如之前我幫我個女買左一支比較貴嘅潤唇膏 ...

你女嘅情况，不少學校都有發生，轉去第二間可能都一樣。

作者: susucathy 時間: 19-10-15 20:01

回覆 In2c68 的帖子

宜家間學校啲人際關係冇可能緩解到我個女依家俾佢地講壞話講到我個女覺得每次見到佢地佢地都係到講緊我女嘅壞話仲要經常特登係我女嘅面前講俾我個女聽到講的好大聲佢地係連放學我個女去廁所佢地臨走前都要係廁所門口大叫入去講啲說話俾我女聽我個女聽都已經聽煩佢地日日咁講唔煩唔厭嘅咩本身我女就當佢地係小學雞扮聽唔到但後尾越講越過分我嘅女本身係嗰啲好忍得但佢咁樣我個女真係覺得好困擾

作者: susucathy 時間: 19-10-15 20:16

回覆持之以恆的帖子

我地未搬屋前個女係係大埔讀嘅我個女話佢係嗰到讀嘅時候過得好開心同一班嘅人無論男女都可以一齊玩到就算唔鐘意對方大聲講出來或者鬧一場交就冇事聽我可以玩得好開心但係依間學校佢唔中意你唔會同你講會擺係個心到表面都係笑笑口咁等到啱時機先一次過爆出來啲人都好好心機又八卦無論男女都係咁跟住仲有人同我咁個女講你係依啲地方冇心機係冇可能生存得到佢話佢小學睇唔慣一個人就夾埋其他比較蠢嘅人陷害佢然後講責任推去比較蠢嘅人到我想講點解屯門啲人咁細個就可以諗埋依啲野佢地究竟係係一個點嘅環境長大先會咁樣諗野未搬去屯門之前完全冇試過係咁

作者: goodmama2003 時間: 19-10-15 20:16

提示: 作者被禁止或刪除內容自動屏蔽

作者: susucathy 時間: 19-10-15 20:26

回覆持之以恆的帖子

未搬屋之前我個女喺大埔讀書佢話嗰度啲人都好好大家無論男女都可以玩埋一齊完全唔會有小圈子嘅問題就算唔妥對方大家講出嚟或者鬧一場交就冇事又可以玩得好開心但係嚟到屯門讀書之後就好多小圈子出現特別係女仔之前有個同學同阿女玩得好埋佢同女講係呢啲地方冇心機完全係生存唔到我就唔明點解屯門啲人會係咁樣嘅係佢得嘅生活方式唔一樣咁細個就係咁樣仲要唔係一兩個係全部我女識嘅都係咁之前仲有同學試過係老師面前扮喊屈另外一個同學但其實係佢嘅錯係佢後尾同返我個囡講嘅

作者: 持之以恆 時間: 19-10-15 20:50

susucathy 發表於 19-10-15 20:16
回覆持之以恆的帖子

我地未搬屋前個女係係大埔讀嘅我個女話佢係嗰到讀嘅時候過得好開心同一班嘅人無論 ...

又未必關區份事，你女情况我仔學校都有發生，老師唔想理又或理唔到咁多。

作者: YmOra 時間: 19-10-15 21:16

susucathy 發表於 19-10-15 19:49

唔係係男女校來但係佢話啲女仔都好衰例如之前我幫我個女買左一支比較貴嘅潤唇膏佢地特登整斷左依啲野唔止一次仲有試過趁我女唔係班房去佢個位拎佢書包來睇俾我個女撞正明明我個女已經就算同班都完全冇同佢地接觸但佢地都係要不停係到講我個女壞話針對佢都唔知話佢地妒忌心太強定係點我個女宜家日日都過得好唔開心

從分享嘅例子，明顯係針對，轉校係比較好Ｄ，就算留一年班都係值得嘅，開心學習最重要。ｊｍ朋友個孩子給老師針對，返學返得好唔開心，決定轉去一所Ｂａｎｄｉｎｇ較低嘅中學，但仍然修讀到自己喜歡的選修科，結果讀得又開心成績又十分好。

作者: In2c68 時間: 19-10-15 23:39

susucathy 發表於 19-10-15 20:01
回覆 In2c68 的帖子

宜家間學校啲人際關係冇可能緩解到我個女依家俾佢地講壞話講到我個女覺得每次見到佢 ...

如果係咁，唔好等到有事先走，為左個女著想，降band都轉吧，反正係讀到去到邊用心d一樣讀到！睇下有無邊間學校有你個女小學的好朋友讀緊，去有熟人係到易融入d！

作者: kirstyau 時間: 19-10-15 23:55 標題: 回覆樓主：

本帖最後由 kirstyau 於 19-10-15 23:59 編輯

早走早著，已經唔係讀書問題，影響緊個女既身心理。試想一日返學時間仲多過係屋企（扣除訓覺），如果日日返去都唔開心，冇人幫到自己，到有一日頂唔順到極點爆煲，唔知會發生咩事。

由大女入中學，我最緊張係佢人際關係，見到佢識到好幾個固定好朋友先安落D。

作者: YmOra 時間: 19-10-16 10:52

kirstyau 發表於 19-10-15 23:55
早走早著，已經唔係讀書問題，影響緊個女既身心理。試想一日返學時間仲多過係屋企（扣除訓覺），如果日日返 ...

有共嗚呀！我也認為中學時期找到"好朋友"十分重要，好大機會會伴隨成長到老。

作者: In2c68 時間: 19-10-17 07:04

kirstyau 發表於 19-10-15 23:55
早走早著，已經唔係讀書問題，影響緊個女既身心理。試想一日返學時間仲多過係屋企（扣除訓覺），如果日日返 ...

我都係咁話，成績當然重要，但可以在中學搵到一兩個好朋友一齊成長更重要！有番一兩個朋友番學都精神d！

作者: goodmama2003 時間: 19-10-17 12:06

提示: 作者被禁止或刪除內容自動屏蔽

作者: susucathy 時間: 19-10-17 21:29

回覆 YmOra 的帖子

同banding會唔會插得入？

作者: lctang 時間: 19-10-17 23:13

本帖最後由 lctang 於 19-10-17 23:14 編輯

susucathy 發表於 19-10-17 21:29
回覆 YmOra 的帖子

同banding會唔會插得入？

無論同banding得唔得，都應盡快行動試咗申請先! 贊同樓上講就算降少少banding, 只要阿女能與同學開心正向相處一齊學習也是值得! 又或者你會否考慮搬噃大埔，阿女試吓可否讀噃之前大埔間學校？應該收噃她機會都大!

作者: YmOra 時間: 19-10-18 08:37

本帖最後由 YmOra 於 19-10-18 08:39 編輯

susucathy 發表於 19-10-17 21:29
回覆 YmOra 的帖子

同banding會唔會插得入？

唔好誤以為同Ｂａｎｄｉｎｇ或更高是沒可能插班成功，對你女兒來說，轉校係比較好，咁！就不要諗太多，盡快轉才是目標，未必如你心願想揀同Ｂａｎｄ定佭Ｂａｎｄ中學，其實，甚至高少少Ｂａｎｄ都要試下去叩，要考慮勝算才去叩就大大減少了成功率了。祝成功！

作者: YmOra 時間: 19-10-18 08:44

本帖最後由 YmOra 於 19-10-18 08:52 編輯

susucathy 發表於 19-10-17 21:29
回覆 YmOra 的帖子

同banding會唔會插得入？

樓主，小妹忽發奇想，會否考慮於原校留班一年，問題可能會變得容易ＤＤ解決。目的係為避開難夾的同學仔。

作者: susucathy 時間: 19-10-18 23:51

回覆 lctang 的帖子

阿女轉校前嗰個校長就已經同我地講返返來都唔會再收返所以……

作者: susucathy 時間: 19-10-18 23:52

本帖最後由 susucathy 於 19-10-18 23:53 編輯

回覆 YmOra 的帖子

費事啦見到大家都係唔係咁好我今日已經去左兩間學校拎表啦一間banding好啲一間冇咁好都試下先

作者: YmOra 時間: 19-10-23 11:06

susucathy 發表於 19-10-18 23:52
回覆 YmOra 的帖子

費事啦見到大家都係唔係咁好我今日已經去左兩間學校拎表啦一間banding好啲一間冇咁 ...

預祝轉校成功

歡迎光臨教育王國 (/)