susucathy 發表於 19-10-13 23:51
我的女兒今年係屯門讀中三 但係讀的唔開心 所以想轉校 我想請問中三下學期轉學會不會重讀或者會比較難選科 因為我驚佢係因為中途轉過去 新學校淨係計佢係新學校考試嘅分數 咁咪會俾人少 因為俾人得少考一次試 驚佢到時選唔到自己心意嘅科目
宜家間學校啲人際關係冇可能緩解到 我個女依家俾佢地講壞話講到我個女覺得每次見到佢地 佢地都係到講緊我女嘅壞話 仲要經常特登係我女嘅面前講 俾我個女聽到 講的好大聲 佢地係連放學 我個女去廁所 佢地臨走前都要係廁所門口大叫入去講啲說話俾我女聽 我個女聽都已經聽煩 佢地日日咁講唔煩唔厭嘅咩 本身我女就當佢地係小學雞扮聽唔到 但後尾越講越過分 我嘅女本身係嗰啲好忍得 但佢咁樣我個女真係覺得好困擾
susucathy 發表於 19-10-15 19:49
唔係 係男女校來 但係佢話啲女仔都好衰 例如之前我幫我個女買左一支比較貴嘅潤唇膏 佢地特登整斷左 依啲野唔止一次 仲有試過趁我女唔係班房 去佢個位拎佢書包來睇 俾我個女撞正 明明我個女已經就算同班都完全冇同佢地接觸 但佢地都係要不停係到講我個女壞話 針對佢 都唔知話佢地妒忌心太強定係點 我個女宜家日日都過得好唔開心
歡迎光臨 教育王國 (/) | Powered by Discuz! X1.5 |