教育王國
標題: （比較）香港讀國際學校 v 讀本地學校到中學出國留學 [打印本頁]
作者: 細佬Bebe 時間: 19-10-10 00:42 標題: （比較）香港讀國際學校 v 讀本地學校到中學出國留學
目標都係打算送佢去外國讀大學 （讀到既話 讀唔到就唔勉強啦）
而家仲15/16 猶豫緊邊條路好
我係新手媽媽 以下係我刨左好耐EK 又問左好多人既two cents分析 歡迎討論同指教！
A) 係香港由幼稚園開始讀國際學校 讀哂year 13 大學先出國
優點：
1）香港LS 升學讀書壓力大 讀IS 家庭和諧啲 兩公婆（在職）多啲時間搵錢/休息 唔駛晚晚溫測驗 （我地願意陪佢學習）
2）小朋友有留白 可以培養睇書既興趣 我係真心想佢鐘意睇書
3） 小朋友會比較presentable 會識問問題 英文 普通話應該會講得好啲
其實好想佢自主學習 唔知係咪唸得好理想 國際學校係咪真係做得到呢？但我自己讀local school見到身邊既朋友9成都唔多睇書同對知識無渴求
缺點：
1）（最最最重要）中文讀寫比較弱 一般國際學校生都比較抗拒中文 無信心自己係呢一點會比其他家長做得更好 如果中文唔好 驚佢將來難就業
2）讀書氣氛唔夠local school
3）國際學校啲同學仔普遍都家庭環境好啲 驚佢變得重視物質（不喜勿插 可能係我識既人少）我自己識一批IS朋友 都比較唔肯捱 （唔算有家底 所以我覺得同家底無關） 比較爛玩 重物質 鐘意攀比
錢（唔計興趣班）：學費雜費1年2x萬 讀15年 當350-400萬
B) 香港讀local school 全力訓練中英普同數學 唔想佢去最top local school 但想入啲師資同氣氛好少少既直私
其他科佢盡力讀就算 中四去英國讀boarding school 考gcse and a-level
優點：
1）中文底子好啲
2）刻苦耐勞啲 過慣左努力讀書既日子
3）同學中 貼地既比例會高啲
缺點：
1）係香港點都要谷下 如果唔係都入唔到好既中小學 同英國好既中學
2）送出國驚學壞 同父母關係可能疏啲
開支：
我暫時對呢條路不是好了解 但我大概既了解係 要去好既學校讀 香港都唔可以太差 所以應該要咁行
私幼：每月7000學費連雜費
直資私立小學中學： 每月6000-10000學費雜費
為左考到直私學校既補習 要寫係portfolio上既興趣：5000一個月
以上加埋 出國前要用大概150-200萬
出國4年 200萬
總數都350-400萬
我計過 錢銀上 兩邊好似唔差好遠
行B路既好處係 more flexible financially 除左出國讀boarding school個筆 其他都豐儉由人 如果中途覺得佢唔係好肯讀書 可以cut好多駛費 但國際學校就係一條不歸路
請大家多多指教！
作者: katrinafu 時間: 19-10-10 04:41 標題: 回覆樓主：
本帖最後由 katrinafu 於 19-10-10 04:42 編輯
你孩子現在多大 ？
其實香港讀國際學校好多讀到 Year 9都會出國讀書 。
重物質 無論讀 LS and IS 都一樣會有，但與父母教導孩子價值觀都有關係 。 睇書可以在由家長引導， 父母齊齊放下電話，大家都各自拿本書來看。
但選校上 ， 又想自主學習，家庭和諧 ， 又想讀書氣氛好，又想中文底子好，仲要是中英普數都好 ， 又想LS咁一日十幾樣功課刻苦耐勞。 我只能說針冇兩頭鋒利的 ，讀國際學校都一樣可令到中文好的 ， 放學後或星期六日 補中文。
你呢個Topic 應該國際學校那版 和 中學論壇發貼會得到較多迴響 ，因為你先要解決目前幼稚園和小學方向先 ， 現時係香港想考好的直資、私立的小學競爭也非常大 ，就算好的IS 也不易 。到小學 4-5年級準備升中學 前再決定幾時出國讀書啦。
作者: 細佬Bebe 時間: 19-10-10 11:28
katrinafu 發表於 19-10-10 04:41 
你孩子現在多大 ？
其實香港讀國際學校好多讀到 Year 9都會出國讀書 。
我小朋友而家考K1 所以要決定佢行邊條路
多謝你詳細既回覆
係 我都知直私係比較穩當既選擇 又有flexibility 但又好難考 我都有問自己 係咪未跑就放棄 
作者: katrinafu 時間: 19-10-10 12:34
細佬Bebe 發表於 19-10-10 11:28
我小朋友而家考K1 所以要決定佢行邊條路
唔係要放棄，係考到先算。考到再去揀。 小朋友成長時期太多變化，正如現在香港情況，已見很多家長提早讓孩子出國讀書， 早到講緊是Year 4,5,6 。
就算香港都有私小直資小學，都是活動教學，比傳統學校Hea D , 但又比國際學校讀的多D, 中文底又會打得好D .
作者: samsam123321 時間: 19-10-10 13:30
本帖最後由 samsam123321 於 20-4-2 01:10 編輯
,,,,,,
作者: katrinafu 時間: 19-10-10 13:45
samsam123321 發表於 19-10-10 13:30
國際學校 hea😄？hea 就唔會咁多ib45分.無讀過好的ib幻想出來
所以選國際學校都要 選邊間， 就算直資/私小都係，要有方向。香港的IB成績名列前茅 。
大前題是樓主想要國際學校模式，自主學習， 但同時本地學校出來學生般刻苦耐勞 ， 谷到中普英數科科Smart 。
作者: samsam123321 時間: 19-10-10 13:50
本帖最後由 samsam123321 於 20-4-2 01:09 編輯
katrinafu 發表於 19-10-10 13:45
所以選國際學校都要 選邊間， 就算直資/私小都係，要有方向。香港的IB成績名列前茅 。
大前題是樓主想要 ...
........
作者: 細佬Bebe 時間: 19-10-10 14:36
samsam123321 發表於 19-10-10 13:50
Smart 的可能是top b1a的那小部分人。請說清楚
公平而論 ib 45分都係少數人 40分以上已好叻
我想問 國際學校既補習風氣如何？得私教？無補習班？ 聽講要800一個鐘 supply唔多 都係國際學校既老師 大家可否分享下？
作者: 細佬Bebe 時間: 19-10-10 14:37
katrinafu 發表於 19-10-10 13:45
所以選國際學校都要 選邊間， 就算直資/私小都係，要有方向。香港的IB成績名列前茅 。
大前題是樓主想要 ...
咁邊間好？
作者: 細佬Bebe 時間: 19-10-10 14:39
katrinafu 發表於 19-10-10 13:45
所以選國際學校都要 選邊間， 就算直資/私小都係，要有方向。香港的IB成績名列前茅 。
大前題是樓主想要 ...
唔係 我唔係想要自主學習 同時又刻苦耐勞
我係重視個朋輩既學習氣氛 因為自己屋企幾嚴都好 高小中學都係朋輩影響最大
正常佢肯學習 我唔介意佢盡左力讀得唔好
作者: samsam123321 時間: 19-10-10 15:00
本帖最後由 samsam123321 於 20-4-2 01:09 編輯
細佬Bebe 發表於 19-10-10 14:36
公平而論 ib 45分都係少數人 40分以上已好叻
我想問 國際學校既補習風氣如何？得私教？無補習班？ 聽講要 ...
.......
作者: kml32 時間: 20-9-21 19:00
唔好意思，請問樓主最後選要那條路呢？因為我小朋友而家都讀緊直資，都15/16諗緊俾唔俾佢轉國際學校好。
作者: Vivi@ma 時間: 20-9-21 22:33
kml32 發表於 20-9-21 19:00
唔好意思，請問樓主最後選要那條路呢？因為我小朋友而家都讀緊直資，都15/16諗緊俾唔俾佢轉國際學校好。
...
我兩個女兒在香港完成year 13, 先後在兩間國際學校讀， 之後到了英國升大學， 你的問題涉及很多想法， 正如其他樓主的意見，針沒兩頭利， 啱吾啱， 仍要視乎你小朋友的本質， 一般若非關係金錢， 我都會建議我自己個套， 但真係三言兩語又點可以解決到你所有疑慮呢⋯⋯
作者: Yanamami 時間: 20-9-21 23:58
本帖最後由 Yanamami 於 20-9-22 00:04 編輯
－个銀仔有两面，你自己想要乜？Set好priorities其实唔难｡永遠都係得到乜就要犧牲另一样｡：
我自己想女讀中文，又無錢讀IS，亦怕果种学习模无式我自己唔慣，所以揀私小｡ 不过我自己本身中中畢業，誓要孩子英文好，所以自己好俾心机同佢地浸两文三語｡我亦唔太鍾意功課測考默多既学校，所以情願程度深但亦唔要功課多既…知道自己要乜咪自然識揀｡大女考完DSE先出国讀U, 英文ielts有8,當然唔及从小讀国際学校既咁native, 但魚与熊掌，佢都叫讀左咁多年中文，英文有呢个程度收貨了……細女同家姐－样，但比較早左少少出国，中四下学期走，不过英文亦可以应付，外国学校老師評語為無缝接軌｡
由幼稚園开始都訓練佢地自己搞掂功課收拾暑包，尖係測考時佢地自己温完我会问書test下佢地温成点，上到中一已全放手，都叫得上自主既｡
楼上所言甚是，揀咩都其實要家、校、学生三方互相配合，咁成效会好好多｡
作者: kml32 時間: 20-9-22 06:17
Vivi@ma 發表於 20-9-21 22:33
我兩個女兒在香港完成year 13, 先後在兩間國際學校讀， 之後到了英國升大學， 你的問題涉及很多想法， 正 ...
因為我哋其實唔一定要佢去外國讀大學（當然前提係佢都要讀到）
但係又覺得IS 學習真係比較適合現今社會的模式，而且都想佢成為一個世界公民，有世界性的視野。
小朋友而家仲細，剛剛P1 直資，我覺得仲可以shape 到，反而係覺得，如果喺香港完成國際教育，到頭來喺香港讀返大學，會唔會到時反而唔適應呢..
（雖然心底裏都知道，教育應該係植在心裏的價值觀，唔應該太link up 大學學科或者職業) 但係都有少少呢方面掙扎。
作者: 細佬Bebe 時間: 20-9-22 14:02
kml32 發表於 20-9-21 19:00
唔好意思，請問樓主最後選要那條路呢？因為我小朋友而家都讀緊直資，都15/16諗緊俾唔俾佢轉國際學校好。
...
揀左IS
由K1開始讀IS
幾時出國讀 視乎香港既國際學校教成點 佢讀成點 屋企會唔會移民等
其實我鐘意香港讀IS多過寄宿學校 因為要學獨立香港也可以
反而青春期留係身邊比較好 有咩成長/心理問題及早發現
大學+ post grad+將來做野 有足夠時間 佢融入外面既世界
作者: 細佬Bebe 時間: 20-9-22 14:03
Yanamami 發表於 20-9-21 23:58
－个銀仔有两面，你自己想要乜？Set好priorities其实唔难｡永遠都係得到乜就要犧牲另一样｡：
我自己想女 ...
本帖最後由 細佬Bebe 於 20-9-22 14:07 編輯
想請問 K1開始要佢地搞掂自己功課？ 難度高嗎？有無心得可分享？
我都知係幼稚園時期 建立好既學習習慣係最重要
你大女好叻女 ielts8分 local school 8分好叻 出埋國更上一層樓
作者: Yanamami 時間: 20-9-22 14:47
本帖最後由 Yanamami 於 20-9-22 16:16 編輯
細佬Bebe 發表於 20-9-22 14:03
本帖最後由 細佬Bebe 於 20-9-22 14:07 編輯
想請問 K1開始要佢地搞掂自己功課？ 難度高嗎？有無心得可 ...
应該由生活入手，细细个訓練自己的事自己做，訓練自理力……如，玩完要收拾好，飯自己食，食完攞碗入㕑房……佢能力做到既要自己做。我無工人，好难跟貼佢，佢要自己做自己野｡本来我無expect佢，只係有次係廚房忙紧嗌出去：好快尐做功課啦(K1有咩做吖，連下線油下顏色咁啫)~点知佢嗌番入黎：一早做完執埋書包啦……咁，我先知之前落既功夫有效了，唔洗做人肉紙牌陪太子讀書｡好細个开始生活有規律係好重要｡除左天資好之外，其實小朋友如能做到專注、自理有規律，大尐尐再教好責任心，—路上去成績差極有限｡呢尐要好細开始教，大左唔so你｡
作者: 細佬Bebe 時間: 20-9-22 15:49
Yanamami 發表於 20-9-22 14:47
应該由生活入手，细细个訓練自己的事自己做，訓練自理力……如，玩完要收拾好，飯自己食，食完攞碗入㕑房 ...
多謝你詳細既分享！
我既小朋友就係而家K1 我就係想同佢開個好頭 建立好既習慣 等佢知道返學既一日要點做
我同你一樣 都覺得要佢地要習慣自己做 唔好慣左有人幫 習慣係最重要 細細個佢地唔會question 習慣
作者: Yanamami 時間: 20-9-22 16:30
細佬Bebe 發表於 20-9-22 15:49
多謝你詳細既分享！
我既小朋友就係而家K1 我就係想同佢開個好頭 建立好既習慣 等佢知道返學既一日要點做 ...
作者: kml32 時間: 20-9-23 08:55
細佬Bebe 發表於 20-9-22 14:02
揀左IS
由K1開始讀IS
幾時出國讀 視乎香港既國際學校教成點 佢讀成點 屋企會唔會移民等
非常認同，我平時都係諗住最少都係香港完成中學課程，身邊都有少許例子，係中學時去了外國，親子關係反而變差左（當然唔能夠以偏概全）。但係作為父母，都貪心少少，想一路睇住佢成長多啲，
作者: Vivi@ma 時間: 20-10-5 19:54
kml32 發表於 20-9-22 06:17
因為我哋其實唔一定要佢去外國讀大學（當然前提係佢都要讀到）
但係又覺得IS 學習真係比較適合現今社會的 ...
P1 仲好細， 我見身邊的家長朋友一般要到P3/4/5 先開始嗌救命⋯
如果係香港讀IS, 都絕對可以適應本地大學， 適應到～同佢開吾開心又係兩件事⋯例如我女兒的同學， 若果讀醫， 打算留港執業， 就吾洗諗到外地啦，讀Law 嘅就本地外地都得....到佢讀大學嘅時候， 你都要同子女商量啦！吾係你一個人嘅決定啦
作者: Radiomama 時間: 20-10-7 22:32
Yanamami 發表於 20-9-22 16:30
最紧要有耐性，晤好嫌佢做得慢或論論盡盡，practice makes perfect, 大家捱过先苦就会有後甜｡Eg唔好担心佢 ...
你應該多啲蒲頭、講吓呢啲教養心得。
作者: Radiomama 時間: 20-10-7 22:37
講返主題，我幫個仔首選條路都係先在港讀國際學校，然後海外升大學。阿仔幼稚園時已講佢知呢個計劃；今年年頭曾動搖，問佢早啲去外國讀高中最後兩年好唔好，佢話想在香港完成埋IBDP.
作者: Yanamami 時間: 20-10-7 23:22
Radiomama 發表於 20-10-7 22:37
講返主題，我幫個仔首選條路都係先在港讀國際學校，然後海外升大學。阿仔幼稚園時已講佢知呢個計劃；今年年 ...
作者: Radiomama 時間: 20-10-8 07:50
Yanamami 發表於 20-10-7 23:22
其實IB全世界都有，出国繼續亦無問題，點解一定要在港完成？
因為同學仔囉。
的確也有同學因各種原因，年初攪去外國升學，所以暑假後走咗一些同學。有去英國讀A level, IBDP, 也有去加拿大。
作者: brother4 時間: 20-10-8 08:50
細佬Bebe 發表於 19-10-10 00:42
目標都係打算送佢去外國讀大學 （讀到既話 讀唔到就唔勉強啦）
而家仲15/16 猶豫緊邊條路好
目標明確，又支持到費用，小朋友愉快學習，家長冇壓力，小朋友將來不用擔心生活，不用詢問，去吧！或者將來小朋友想留學才箅，唔想咪唔留學…不過有例外如小朋友在學校記得太多缺點，就一定送佢留學，例子朋友孩子出名國際學校，讀書唔成，又拍拖又打架，朋友送外國，小朋友又冇皇管，上年月使－百萬，朋友cut咗佢張卡
作者: Yanamami 時間: 20-10-8 09:10
本帖最後由 Yanamami 於 20-10-8 09:11 編輯
Radiomama 發表於 20-10-8 07:50
因為同學仔囉。
的確也有同學因各種原因，年初攪去外國升學，所以暑假後走咗一些同學。有去英國讀A level ...
光纖網絡發達，其實地球每个角落都好近｡去左外国又会擴濶生活圈子認識更多新朋友，至於旧朋友，有距離仍然keep到既，更係—世既朋友，否則亦唔太可惜｡又有机会，你因人地唔走，但人地未必為你留｡雖然澳洲封国，我幾乎成年無见过尐女(亦可能更長時間)，但我仍兴幸提早送走佢地｡
作者: 小時了了 時間: 20-10-8 10:33
本帖最後由 小時了了 於 20-10-8 10:48 編輯
Yanamami 發表於 20-10-8 09:10
光纖網絡發達，其實地球每个角落都好近｡去左外国又会擴濶生活圈子認識更多新朋友，至於旧朋友，有距離仍然keep到既，更係—世既朋友，否則亦唔太可惜｡又有机会，你因人地唔走，但人地未必為你留｡雖然澳洲封国，我幾乎成年無见过尐女(亦可能更長時間)，但我仍兴幸提早送走佢地
嗯! 只係我感情用事, 自己情感覺得青蔥歲月對於孩子成長及回憶係重要嘅, 中學同學係難得嘅人生中嘅同行者, 什或是將來剩下來嘅成為知心嘅3,5知己.
孩子升中時千辛萬苦考入父母心目中最最心儀中學, 好似唔係學校完成整個中學旅程我好似幾唔捨得. ----- 純粹我感情糾結去留, 孩子卻對高中留學無所謂, 她表示高中可去可唔去(因為孩子身邊不少相熟同學呢2年內陸陸續續去外國留學了), 大學就有共識一定會去海外讀. 然而, 我唔鍾意高中DSE 課程及通識科, 真係唔係好想阿女係度考 DSE
P.S. 阿女表明係香港讀的話佢唔想轉校
作者: Yanamami 時間: 20-10-8 14:07
小時了了 發表於 20-10-8 10:33
嗯! 只係我感情用事, 自己情感覺得青蔥歲月對於孩子成長及回憶係重要嘅, 中學同學係難得嘅人生中嘅同行者, ...
作者: beastiebistro 時間: 20-10-8 19:24
本帖最後由 beastiebistro 於 20-10-8 19:54 編輯
回覆 Yanamami 的帖子
我非常同意。我當年都係讀完中二去英國寄宿，今日不但同香港中學同學會出嚟吹水／踢波／服務母校，亦都同英國中學老死嘅非洲酋長王子，歐洲投行話事人，英國無國界醫生、詩人、電視主播同學有聯絡，差唔多七大洲都搵到飯腳。話晒寄宿時差唔多一條運動褲幾分著...（係因為男仔通常都冇乜手尾，叫起手要用就攞隔籬嘅...）。
呢個我估就係中學去嘅優勢。啲同學咩人都有，將來亦咩行業都可能會做。反而入咗大學，大部分時間大家同系，摯友可能都係做埋類似嘅嘢，少咗啲variety。我估一般家長無諗得咁仔細喇...
個世界真係好大，要時間去explore。早啲俾仔女出去，佢咪多啲時間發掘...
作者: EASTCOAST 時間: 20-10-9 00:33 標題: 回覆樓主:
我認為在本地中學讀至畢業，再出國升讀大學比較好。
第一開支最小，第二中文方面可以達到應用水平，第三可以與同學共同成長，成為人生中的好友。
作者: beastiebistro 時間: 20-10-9 07:37
如果講錢，咁我諗一定係喺香港讀平啲。
如果講中文，我就咁睇。讀香港local school，中六DSE水平嘅中文係癲癲哋嘅，其實讀到中一二已經夠晒日常應用。我就讀到中二啫，而家都有好多中文廣告文案都係我自己寫返（不過無得考公務員囉）。讀國際學校，我諗有一部分小朋友其實讀到中六中文程度都唔好得去邊（得罪晒...），同去咗外國無咩分別。
至於朋友圈子，除非個小朋友係自閉症，如果唔係大部分人都好快適應新環境有新朋友。讀完中一二去，分分鐘有三個密友圈（香港中小學，外國中學，外國大學），個network又更加國際化。
我就一早舖排我小朋友讀local中小學讀到中一，然後去英國寄宿。大仔今年剛出發，二女明年。
作者: GreenMaDad 時間: 20-10-9 08:18
聽到Brighton的朋友講，由香港去的來自St Paul Coedu，DGS, La Salley, Queen's 同 German Swiss，所以如果係我揀，我會先揀top tier 學校。如果全部top tier 都收，我會試local先，因小孩學中文無壞，吾適合先再揀。
作者: EASTCOAST 時間: 20-10-9 08:23 標題: 回覆樓主:
中文根底好些，對將來生活始終有好處。
我的小朋友在中學畢業後才出國升學，適應及融入新環境完全没
問題，更減少了許多家長的煩惱，他會自己一手處理升學申請，簽證及租住等事情，我主要負責付款
作者: LWTLI 時間: 20-10-9 08:51
回覆 EASTCOAST 的帖子
乜嘢年紀去留學，我認為係取捨嘅問題，有得就有失，你要中文程度高啲就自然會捨棄一點英文程度。至於朋友圈，當然有人Sixth Form或大學去都可以搵到好朋友，但難度會高啲，要好sociable 同埋主動，細個去大家單純啲玩玩下打下波就好容易玩埋一堆。我女今年去讀Y8短短一個幾月已經有唔少英國好朋友啦！😄
作者: Yanamami 時間: 20-10-9 12:23
beastiebistro 發表於 20-10-9 07:37
如果講錢，咁我諗一定係喺香港讀平啲。
如果講中文，我就咁睇。讀香港local school，中六DSE水平嘅中文係 ...
阿妹中四既中文，真係日常应用唔会有问題，又唔係要佢去教書……阿妹就真係应該会有三圈朋友~
作者: Yanamami 時間: 20-10-9 12:26
本帖最後由 Yanamami 於 20-10-9 12:33 編輯
EASTCOAST 發表於 20-10-9 08:23
中文根底好些，對將來生活始終有好處。
我的小朋友在中學畢業後才出國升學，適應及融入新環境完全没
問題， ...
而家小朋友好叻，我細女亦曉－手搞掂升学、考車牌、銀行……生活事項｡不过未成年租唔到屋，－定要家姐搞了~学校有问卷，问佢家長有無关注你学業呀……生活问題呀……之類，佢竟然填阿妈無理，佢一手包辦
講到我好似唔关心佢咁……
总括而言，適唔適合出国、幾多歲出国因人而異｡成熟自理力高生性既咪早尐無问題。唔係人地得就自己果个实得｡
作者: beastiebistro 時間: 20-10-9 13:00
回覆 Yanamami 的帖子
叻女
作者: EASTCOAST 時間: 20-10-9 13:35
Yanamami 發表於 20-10-9 12:26
而家小朋友好叻，我細女亦曉－手搞掂升学、考車牌、銀行……生活事項｡不过未成年租唔到屋，－定要家姐搞 ...
妳個女真叻女
我個仔都學梗車，仲問我點揀二手車，呢樣我自己都唔識，只講話太便容易中伏。
作者: EASTCOAST 時間: 20-10-9 14:19
GreenMaDad 發表於 20-10-9 08:18
聽到Brighton的朋友講，由香港去的來自St Paul Coedu，DGS, La Salley, Queen's 同 German Swiss，所以如果 ...
阿仔的同學也是完成中四後轉入Brighton 讀AL中六，之後也順利考入理想大學。
正是條條大道通羅馬。
作者: beastiebistro 時間: 20-10-9 14:30
回覆 GreenMaDad 的帖子
呢個絕對有關係。如果話香港學生報外國學校係隔山打牛，咁調翻轉佢哋收生一樣都係。俾你係佢都盡量揀啲有保證嘅。咁top tier學校就有優勢喇，一嚟in general成績可能長年高企，最緊要係呢啲學校多師兄師姐去外國，啲外國學校起碼有聽過呢啲學校，對出品有個譜容易衡量啲。
我嘅小朋友都係DBS同DGS出品。
作者: kk1186 時間: 20-10-9 16:06
回覆 Yanamami 的帖子
好多謝你既分享，聽完會更加俾到信心俾我決定阿囡中學去留學, 請問你大囡在澳洲讀什麼系？有冇考慮留低澳洲做嘢？
作者: Yanamami 時間: 20-10-9 16:19
本帖最後由 Yanamami 於 20-10-9 16:23 編輯
kk1186 發表於 20-10-9 16:06
回覆 Yanamami 的帖子
好多謝你既分享，聽完會更加俾到信心俾我決定阿囡中學去留學, 請問你大囡在澳洲讀什 ...
讀埋尐揾唔到食系
International Relationship.
－早叫左佢唔好番香港，係果边落地生根｡而家每星期都有做三日casual, 所以我只需租屋俾佢住，洗費自己已搞掂哂｡
作者: Yanamami 時間: 20-10-9 16:28
beastiebistro 發表於 20-10-9 13:00
回覆 Yanamami 的帖子
叻女
作者: kk1186 時間: 20-10-9 17:29
回覆 Yanamami 的帖子
你的心態幾好，我知道有些媽媽擔心仔囡係外國留學唔返來，變成老了冇人照顧。
作者: Yanamami 時間: 20-10-9 17:50
本帖最後由 Yanamami 於 20-10-9 17:50 編輯
kk1186 發表於 20-10-9 17:29
回覆 Yanamami 的帖子
你的心態幾好，我知道有些媽媽擔心仔囡係外國留學唔返來，變成老了冇人照顧。 ...
我先唔要做佢地負累｡仔大女大有自己生活同家庭，我見到佢地开心自己都开心｡雖然两个女而家係外国，因疫情近乎成年無見，都会掛住，不过成曰聯絡住，都仲觉得好close. 佢地乜都同我講－餐，唔感覺距離好遠，真要多謝光纖之父~
| 歡迎光臨 教育王國 (/) |
Powered by Discuz! X1.5 |