教育王國

標題: (家長入)優待女兒私校-懷疑保良局蔡繼有面試不公 [打印本頁]

作者: yettalam 時間: 19-9-30 10:31 標題: (家長入)優待女兒私校-懷疑保良局蔡繼有面試不公

全港如有幫小朋友報保良局蔡繼有的爸媽可否挺身留言有關今次面試的方式！！以往如何冇從追究！但今年面試原來唔同唔公平的接見和接待方式面試。例：如果你家中小孩就讀幼稚園係【文娜雅拔幼稚園】咁就可以得到全面的面試，包括單獨的考（1）個人自我介紹（2）講中/英故事（3）中/英的題目（4）數學看圖數數量（5）表演唱歌 {全面性的面試}！

但如果不幸的你只係不知名的私幼咁接見方式就係一次過4組共幾十個小朋友共處一課室同時間睇完影片油完顏色----走得！！唔會再考個人任何問題！（請問老師您如何判斷該位小朋友唔啱你學校呢）

請問咁嘅學校面試公平嗎？好彩今次我哋幾位媽媽的小朋友同齡但不同學校先發現到啫！（利申：其中一位讀緊文娜雅拔），大家報名費一樣都係400大元是否應該公平俾小朋友一個機會呢？而不是要呢班小朋友和家長來做陪跑呢！

PS. 原來文娜雅拔幼稚園的校監是蔡繼有校長的女兒...

作者: RWKT 時間: 19-9-30 10:42

"原來文娜雅拔幼稚園的校監是蔡繼有校長的女兒..." Are you serious?!

作者: sunnymama2 時間: 19-9-30 10:43 標題: 回覆樓主：

本帖最後由 sunnymama2 於 19-9-30 10:56 編輯

以前有冇特別照舊某校的學生我唔知，但我仔之前3次面試相信都得到公平對待，亦考得全面。

況且就算優待某校的學生都冇咩特別，如啟思幼稚園考啟基，浸會幼稚園考王錦輝，什至弟妹考兄姐的學校都會有分加，佢地都係比一樣的報名費。

利申，非cky 用家，阿仔間幼稚園非名幼，係好多人的back up之選

作者: sunnymama2 時間: 19-9-30 10:46

RWKT 發表於 19-9-30 10:42
"原來文娜雅拔幼稚園的校監是蔡繼有校長的女兒..." Are you serious?!

知左好耐喎，好奇怪?

事實上，以往讀文娜雅拔係多d 機會入cky, 呢個係幼稚園一大賣點，絕對唔係咩袐密。

利申，非文娜雅拔用家

作者: testher 時間: 19-9-30 10:49

yettalam 發表於 19-9-30 10:31
全港如有幫小朋友報保良局蔡繼有的爸媽可否挺身留言有關今次面試的方式！！以往如何冇從追究！但今年面試原 ...

一向考學校都會有唔公平情況出現架啦！兄弟姊妹加分，名幼有印象分加唔通又投訴咩？

作者: RWKT 時間: 19-9-30 10:50

Ic ic :) didnt apply cky though.

作者: adrianbaby2013 時間: 19-9-30 10:51

有些小朋友好厲害，可以好仔細說出面試內容；另一些小朋友則什麼也說不出，但並不代表沒有做過同樣的事情

作者: Lilianyu500 時間: 19-9-30 10:51

RWKT 發表於 19-9-30 10:42
"原來文娜雅拔幼稚園的校監是蔡繼有校長的女兒..." Are you serious?!

本帖最後由 Lilianyu500 於 19-9-30 10:58 編輯

不嬲都知㗎啦, 算啦睇開啲啦,間間學校都有唔公平嘅情況嘅. 優先收舊生嘅仔女，優先收弟妹考生，睇地址職業加分。這不是秘密。

作者: sunnymama2 時間: 19-9-30 10:57

Lilianyu500 發表於 19-9-30 10:51
不嬲都知㗎啦

好明顯有些家長考小冇做過研究

作者: RWKT 時間: 19-9-30 10:59

回覆 sunnymama2 的帖子

吾扮豬又點知你醒

作者: anfisonbb 時間: 19-9-30 11:01

um... 估唔到咁多家長覺得冇問題我覺得若指控屬實非常大問題喎!!!

作者: lambeanmama 時間: 19-9-30 11:01

非就讀文中所指幼稚園，但小兒出來的分享，與閣下所謂「全面」的面試一致。同意樓上版友分享，小朋友無講到，也不代表他沒有做到。

作者: mimi222shi 時間: 19-9-30 11:03

早知

有參觀CKY,但没有報考.

作者: sunnymama2 時間: 19-9-30 11:05

RWKT 發表於 19-9-30 10:59
回覆 sunnymama2 的帖子

吾扮豬又點知你醒

其實無意針對任何人，只係想指出，指控一間學校不公時，希望家長有批判性思考。

同意上面某家長所講，有些小朋友醒d，可以講到好多野出黎。有些可能表達能力差d,就會講乜都冇，就好似冇考過咁。

所以指控一間學校時，希望有多些客觀標準才作出指控

作者: RWKT 時間: 19-9-30 11:06

回覆 sunnymama2 的帖子

作者: Charlotte_mom 時間: 19-9-30 11:07

唔止直私，津校都會特登去target幼稚園辦資訊日

作者: volar 時間: 19-9-30 11:26

yettalam 發表於 19-9-30 10:31
全港如有幫小朋友報保良局蔡繼有的爸媽可否挺身留言有關今次面試的方式！！以往如何冇從追究！但今年面試原 ...

幼稚園開校時，其賣點之一就係有絕對優勢入CKY，

這個已是多年來公開的秘密！

作者: yettalam 時間: 19-9-30 11:28

有聯繫的學校有印象分，或者兄弟姐妹加分并冇問題，但大前提下係應該一視同仁下俾每一位小朋友同樣的面试方式，而唔係有關係的就係單獨面試，冇關係嘅就50位一齊面試！

作者: MrBeast 時間: 19-9-30 11:31

testher 發表於 19-9-30 10:49
一向考學校都會有唔公平情況出現架啦！兄弟姊妹加分，名幼有印象分加唔通又投訴咩？
...

雖然係但制度必需公平和透明，不過如其他網友提到，可能是小朋友講唔出所有项目，又或者是過唔到first rd 咪早d放你走，無謂花大家時間，都是有可能的。
利申，身邊也有幾fd 入左cky, 非校長女kg

作者: deco99 時間: 19-9-30 11:39

本帖最後由 deco99 於 19-9-30 13:07 編輯

sunnymama2 發表於 19-9-30 10:46
知左好耐喎，好奇怪?

事實上，以往讀文娜雅拔係多d 機會入cky, 呢個係幼稚園一大賣點，絕對唔係咩袐密。 ...

可惜我小朋友入幼稚園後我先知，我本身好鍾意cky，可惜三輪面試後未入到，我都諗過如果讀咗manhabit可能結果唔同，但都無辦法。

利申，舊年我小朋友第一輪都有詳細考核，第二輪同其他人有唔同，但好多人都唔同。面試從來都唔係絕對公平，其它學校都一樣，好多間第一輪面試內容唔同，我都好無奈，但自己揀咗非名幼都要自己面對

作者: sunnymama2 時間: 19-9-30 11:40

MrBeast 發表於 19-9-30 11:31
雖然係但制度必需公平和透明，不過如其他網友提到，可能是小朋友講唔出所有项目，又或者是過唔到first rd ...

咁又係，傳聞DB初步考得好的會再入第二間房interview。

仲有，如果一心想收Manhabitat 的學生點解仲要專登in得咁全面咁哂時間，個個先加10分就得啦。正如SPB都係有關係人士都係先加10分的。

作者: Buggyjai 時間: 19-9-30 11:43

回覆 yettalam 的帖子

我身邊D非Manhabit小朋友都係「全面」interview ....

作者: spookykenny 時間: 19-9-30 11:43

其實是私校一間，何以存在公平不公平？

作者: yettalam 時間: 19-9-30 11:43

回覆 lambeanmama 的帖子

明白你亦同意你所講！但本人小朋友就係屬於可以將成件事和步驟表達得非常清楚的小朋友，同時今次我哋係3位小朋友同一日去in,2位出來答案都一樣都話老師冇單獨面對面對問過任何一條問題而係直接去課室睇完影片油完顏色就可以走得！但另1位小朋友（文娜雅拔）就話老師單獨考咗自我介紹，中/英故事，數學看圖數數量，中/英問題，表演唱歌！分別之大，如果有媽媽都覺得咁嘅方式係冇問題，咁本人只可以客氣嘅講大家心目中之「不公平」定儀唔一樣！

作者: sunnymama2 時間: 19-9-30 11:46

deco99 發表於 19-9-30 11:39
可惜我小朋友入幼稚園後我先知，我本身好鍾意cky，可惜三次面試後未入到，我都諗過如果讀咗manhabit可能結 ...

我都係阿仔要準備考小學先知咩叫三私一直，cky, 阿仔而家讀緊的小學都係k2要準備報考才認識。

作者: yettalam 時間: 19-9-30 11:48

回覆 sunnymama2 的帖子

一心收M學生但并不是全部收，所以會認真in去選擇，其他學生有幾千位又何必讓費咁多時間呢（除非名幼）！

作者: yettalam 時間: 19-9-30 11:52

sunnymama2 發表於 19-9-30 10:57
好明顯有些家長考小冇做過研究

有做過研究，但冇諗過cky面試會做到咁出面啫

作者: testher 時間: 19-9-30 11:52

yettalam 發表於 19-9-30 11:43
回覆 lambeanmama 的帖子

明白你亦同意你所講！但本人小朋友就係屬於可以將成件事和步驟表達得非常清楚的 ...

我又舉個例，以我所知SMC 第一輪已經會將啲佢覺得有talent 既學生再拉入獨立房面談，呢類小朋友會另外加分，咁你覺唔覺有問題？有時學校計分政策係學校話事，佢一句話你小朋友唔得，咁可以點？告佢嗎？

作者: MrBeast 時間: 19-9-30 11:54

yettalam 發表於 19-9-30 11:43
回覆 lambeanmama 的帖子

明白你亦同意你所講！但本人小朋友就係屬於可以將成件事和步驟表達得非常清楚的 ...

先利申，只是路過。
若你懷疑的是事實，絕對是問題，不過同時你有冇諗過其實亦可能睇片畫畫都是考核的一部分？

作者: pcpcdak 時間: 19-9-30 11:55

Lilianyu500 發表於 19-9-30 10:51
本帖最後由 Lilianyu500 於 19-9-30 10:58 編輯

不嬲都知㗎啦, 算啦睇開啲啦,間間學校都有唔公平嘅情況 ...

世界上不嬲都存在不公平存啦。

你搵工識人都會易入的，我唔覺得有咩大件事

SPCC 講明會收70% 有關係人事，唔通又話佢唔公平

唔值得為咁小事咁勞氣

作者: 恐龍爸爸524 時間: 19-9-30 11:58

本帖最後由恐龍爸爸524 於 19-9-30 12:27 編輯

yettalam 發表於 19-9-30 10:31
全港如有幫小朋友報保良局蔡繼有的爸媽可否挺身留言有關今次面試的方式！！以往如何冇從追究！但今年面試原 ...

只能夠說一句 (睇開 D 啦) ...... 其實直私呢個遊戲，不但考小朋友能力，亦考家長心智。
有 D 人話公平，我可以講 (廢話，從來唔會有公平)。你打機一樣贏左一定話公平，但係一個唔公平既環境到輸左呢 ? 已經唔係用輸嬴去做定論啦.....

等於你想讀陳守仁就要入學之園，你要入學之園都要入到佢地 PN ，你要入學之園又要有錢 ?

我明白呢個係幼稚園既賣點，但可唔可以公正一點去玩遊戲呢 ?

我不點名說蔡繼有 .... 因為確實不是人人都可以讀。如果真係優先收生你直接可以同家長講，唔好扮晒公平，其實就是不公平。

yettalam ......都係一句睇開 D 啦 !!

作者: sunnymama2 時間: 19-9-30 12:00

testher 發表於 19-9-30 11:52
我又舉個例，以我所知SMC 第一輪已經會將啲佢覺得有talent 既學生再拉入獨立房面談，呢類小朋友會另外加 ...

都係，阿仔in某間學校，又係一組1x人輪流in幾張枱，個個等叫名出去，阿仔和其他小朋友in完等走，其中一個老師臨尾(冇叫名)拖住我個仔出去再問多幾條問題。。。看似都幾唔公平ga對其他小朋友，但老師的評分準則你永遠唔會清楚，有時運氣都好重要。

作者: 993rs 時間: 19-9-30 12:05

本帖最後由 993rs 於 19-9-30 12:53 編輯

其實就算文娜有優勢，頂多咪有分加（利申：我唔係文娜用家、亦唔知有冇分加）。相對DB、SPCC，填 form 打開第二頁時果種「無力感」，CKY 真係唔算d乜。

玩過兩年既經驗，CKY interview 方式算係較「公平」既一間，佢有老師用心地同小朋友玩到開開心心先去 interview，比班天性較怕醜既小朋友預先熱身，發揮到真正實力。

另一間我覺得較公平既係 SFA，大家一齊做券，得就得 2nd in、唔得就唔得。

btw 我個證人就係冇（2）講中/英故事、冇（3）中/英的題目、冇（4）數學、冇（5）表演唱歌，冇關系、冇文娜 background、冇 3rd in，入去玩完遊戲出來，而有 offer

作者: purpleLover 時間: 19-9-30 12:29

yettalam 發表於 19-9-30 11:43
回覆 lambeanmama 的帖子

明白你亦同意你所講！但本人小朋友就係屬於可以將成件事和步驟表達得非常清楚的 ...

我個證明人都有睇影片油顏色。佢話播廣東話故事，就影片內容問問題。填顏色其實係color the circles with the right answers. 係做選擇題。

佢都有唱歌，臨走時睇baby shark video, 大家跟住唱/跳舞。

作者: sailormercury 時間: 19-9-30 12:34 標題: 回覆樓主:

我覺得樓主的驚訝都合理ge....唔刨開EK 可能未必知道文校同cky 咁"友好"。而且又唔係果啲兄妹/舊生/同辦學團體加分呢啲慣常嘢。

樓主，唔緊要，其實好多人唔讀文校都考到 cky 的。

作者: 天行 時間: 19-9-30 12:35

回覆 anfisonbb 的帖子

我都估唔到咁多家長覺得冇問題......

我明白有學校可能會優待某些幼稚園的學生，又或者會對有兄姊在學的考生加分。但至少我們都希望有一個機會(緃使可能會俾其他考生欠缺優勢)可以藉著我們孩子的能力考到心儀的學校。

如果事情屬實，如此明顯不同的待遇，緃使有些我們的孩子是如何優秀，看來也是沒有機會的。如果樓主指控屬實，這不只是"優待"或"加分"的問題，這是根本性的"抹煞"。

我都明白學校可以有其自主評分準則，但可以考慮報名前講明先。有些家長會因為撞期選擇面見CKY而放棄面見另外一間可能都不錯的學校，那就更加可惜。

作者: picalo 時間: 19-9-30 12:51

Cky 我end up 冇報
但正如上星期去KY一樣
校長一條問題都冇問
另一位老師只問成組一條無聊問題
咁就走la
也覺得已經screen out 了

作者: sailormercury 時間: 19-9-30 12:53 標題: 回覆樓主:

其實傳聞 cky 也是很喜歡收 LH 的小朋友的。所以學校具體的準則係如何就無從而知，亦都沒人可以過問，因為始終是"學校內政"

作者: Chan343 時間: 19-9-30 12:55

yettalam 發表於 19-9-30 11:28
有聯繫的學校有印象分，或者兄弟姐妹加分并冇問題，但大前提下係應該一視同仁下俾每一位小朋友同樣的面试方 ...

我小朋友無關係，但無50 人一齊in，都有考上文的「全面」野

作者: cat20203 時間: 19-9-30 12:59

Spcc講明%收有關係人士
有些學校講明兄姊舊生有分加
給家長們知道係正面，公開。講明主要收邊間幼稚園更好，唔好浪費大家時間
所以大家討厭黑箱作業

作者: Chan343 時間: 19-9-30 13:02

yettalam 發表於 19-9-30 11:43
回覆 lambeanmama 的帖子

明白你亦同意你所講！但本人小朋友就係屬於可以將成件事和步驟表達得非常清楚的 ...

所有人interview time是自選，grouping是即時assigned。本身文娜小朋友的group 是否和你小孩一樣？

文娜小朋友如何記認要捉佢去in耐些？可否問問你朋友label 有沒有記號？

作者: CruzSze 時間: 19-9-30 13:05

我囡囡上星期五in,出來講的就係如樓主所講，4組小朋友由大哥哥大姐姐一齊帶入班房，3個小朋友一張枱，成個班房坐到滿晒。班房入面有4位英文老師，2位中文老師，由英文老師講咗轉頭點做，跟住一齊睇完影片油顏色然後俾咗份小禮物就拜拜。我問佢有冇同老師講早晨或拜拜佢話冇機會，因為由大哥哥大姊姊帶入帶出，老師企在最前面，所以冇機會

作者: yettalam 時間: 19-9-30 13:11

回覆 Chan343 的帖子

同一日唔同時间

作者: deco99 時間: 19-9-30 13:16

天行發表於 19-9-30 12:35
回覆 anfisonbb 的帖子

都只能講睇開啦，面試從來都唔公平，間間都唔會公平，人生都一樣，有些事只能勸慰自己冇緣分啦。

作者: hkpapa852 時間: 19-9-30 13:17

RWKT 發表於 19-9-30 10:42
"原來文娜雅拔幼稚園的校監是蔡繼有校長的女兒..." Are you serious?!

呢個唔係多年嚟公開既秘密咩?

作者: hkpapa852 時間: 19-9-30 13:18

yettalam 發表於 19-9-30 10:31
全港如有幫小朋友報保良局蔡繼有的爸媽可否挺身留言有關今次面試的方式！！以往如何冇從追究！但今年面試原 ...

其實無咩好投訴, 所有私校/直資都可以自訂收生要求, 實際點評分, 點解收/唔收你, 根本無需要向你交待

EDB根本唔會理, 除非你去評機會或PLK投訴. 不過我唔認為佢地會受理

作者: deco99 時間: 19-9-30 13:19

CruzSze 發表於 19-9-30 13:05
我囡囡上星期五in,出來講的就係如樓主所講，4組小朋友由大哥哥大姐姐一齊帶入班房，3個小朋友一張枱，成個 ...

可能真係兩種方式面試，學校隨機揀人。好似有學校first in分組有in中文有in英文，都睇彩數。

作者: piglover 時間: 19-9-30 13:21

我唔明有咩咁嬲？一向考幼稚園，考小學都唔公平㗎，可以點呢？

想入cky，其實除佐Manhabit, LH, st cat都好多學生可以考到。除佐學校，家長都有在背後發功㗎。

作者: 993rs 時間: 19-9-30 13:29

deco99 發表於 19-9-30 13:19
可能真係兩種方式面試，學校隨機揀人。好似有學校first in分組有in中文有in英文，都睇彩數。 ...

我唔知文娜有冇、有幾大優勢，但個樓主個 accusation 唔合邏輯，如屬實，即文娜學生要接受更全面既考核？呢個似係 penalty 多d。我仍然覺得，直接加分就是了

作者: fadgare 時間: 19-9-30 13:40 標題: 回覆樓主:

睇開d... 直私收生係咁... 間間都有自己玩法, 冇謂因為呢d野搞到自己唔開心, 小朋友盡左力就算了

作者: tinporee 時間: 19-9-30 14:02

RWKT 發表於 19-9-30 10:42
"原來文娜雅拔幼稚園的校監是蔡繼有校長的女兒..." Are you serious?!

本帖最後由 tinporee 於 19-9-30 14:08 編輯

本帖最後由 tinporee 於 19-9-30 14:08 編輯

一開幼稚園就打正旗號去蔡繼有。同事話第一年畢業生是100% 有 offer. 無法無天的一個校長！

真心覺得校長好有問題！有時間應該寫信去PLK.

作者: tinporee 時間: 19-9-30 14:04 標題: 回覆樓主：

本帖最後由 tinporee 於 19-9-30 14:06 編輯

不單只校長有收私利！用校長身份長私利就犯法！

作者: adrianbaby2013 時間: 19-9-30 14:07

我卻認為津校的世襲制度不公平⋯⋯

作者: 宮二 時間: 19-9-30 14:13

tinporee 發表於 19-9-30 14:04
不單只校長有收私利！用校長身份長私利就犯法！

政府批地俾PLK開辦私校
與納稅人的錢有沒有關係？
如果有，私相授受就很有問題

作者: Sheung07 時間: 19-9-30 14:14

但凡有人為參予嘅會面，都會有偏頗，一定唔會公平。而你又願意參加，咁就要接受。

作者: piglover 時間: 19-9-30 14:16

adrianbaby2013 發表於 19-9-30 14:07
我卻認為津校的世襲制度不公平⋯⋯

Agree, 呢個更唔公平，點解無人吵？

作者: 天行 時間: 19-9-30 14:33

本帖最後由天行於 19-9-30 14:34 編輯

同意學校有自主權選擇收什麼學生。

但從各家長得知，有不少家長的子女，只係有睇Video填顏色答卷既Formality。
如果收得呢一斑學生既每人$400申請費，但由一開始都無諗過會收佢地，呢個會唔會係詐騙罪？

申請費都係其次，如果知道一早唔會收，可能好多家長都唔會報名，唔會請假，唔會放棄其他撞時間的學校面見，唔會給予小朋友希望再令佢失望。

作者: lambeanmama 時間: 19-9-30 14:33

本帖最後由 lambeanmama 於 19-9-30 14:43 編輯

其實大家真的不用「發」到咁大來講；其實也只是一兩位小朋友的片面陳述，便講到人家私相授受，有點那過。我家證人口供如下:
1. 哥哥姐姐帶入場
2. 老師問叫咩名
3. 睇片段，用顏色筆填色畫答案 (即有張紙，紙上有答案，在答案上填色)。片段是有關動物和動物叫聲的. 答案紙上有數字，有英文，有中文。
4. 一齊唱歌跳舞 (不是BABY SHARK);
5. 畫畫等走
6. 老師再問佢叫咩名

全程無用口答過其他問題。
我仔出來個陣，塊面好多紅色顏料........

以上所講，我起碼問過十位以上不同學校的家長，大家小朋友口供一致。

補充：答案紙上; 有數數題 (叫小朋友數有約多隻動物)，也有中文同英文.....同樓主最初分享分別不大......

另外，我仔是見第一日早上時段的。

作者: Poyau 時間: 19-9-30 15:08

RWKT 發表於 19-9-30 10:42
"原來文娜雅拔幼稚園的校監是蔡繼有校長的女兒..." Are you serious?!

「蔡繼有總校長劉筱玲博士，同文娜雅拔校監李詠儀小姐，係兩母女」

https://www.sundaykiss.com/244560/blog_sundaykiss/【好動囝囝揀幼稚園】蔡繼有總校長女兒的文娜雅/

作者: sailormercury 時間: 19-9-30 15:29 標題: 回覆樓主:

仲記得舊年CKY在三面前因為程序唔清楚，引起EK爭議。估唔到今年又俾人攞黎討論

作者: Sing13 時間: 19-9-30 15:43

其實收最多關係人士既是SPCC, 何況SPCC是直資, 而CKY是私校.
又有沒人走去投訴SPCC不公呢, (不過人地乾脆唔收你報名費).

作者: Diversifyedu 時間: 19-9-30 15:44

天行發表於 19-9-30 14:33
同意學校有自主權選擇收什麼學生。

但從各家長得知，有不少家長的子女，只係有睇Video填顏色答卷既Formali ...

$400申請費只係申請面試機會既費用, 並非面試程序應有考核內容既費用喎.
何況詐騙罪如何去証明一開始完全唔考慮收佢地呢? 又如何去証明全部取錄小朋友都有經過你所講全面考核?

(非用家)

作者: dragonhorse 時間: 19-9-30 15:49

yettalam 發表於 19-9-30 10:31
全港如有幫小朋友報保良局蔡繼有的爸媽可否挺身留言有關今次面試的方式！！以往如何冇從追究！但今年面試原 ...

樓主，你嘅心情我好明白，我囡囡係星期五早上面試，佢話係入去睇片唱歌跟住油顏色，送左擦膠走得。其實如果學校一早好似其他學校講明先，家長預先打左底會好啲，例如，浸信會幼稚園報王錦輝有分加，st Paul boy校友/哥哥讀緊加10分．．．即學校一早講明，家長照報，係明買明賣，而家cky咁樣就好似俾人覺得不公平。
算啦，世界就係咁吾公平（當然吾代表家長要接受，鬼叫自己N無咩），好好凖備之後嘅面試啦，加油！！

作者: Chan343 時間: 19-9-30 15:55

lambeanmama 發表於 19-9-30 14:33
其實大家真的不用「發」到咁大來講；其實也只是一兩位小朋友的片面陳述，便講到人家私相授受，有點那過。我 ...

塊臉好多顏色

好可愛
我女都是成手顏色，佢仲突登俾我睇，証明真係有油色

作者: spookykenny 時間: 19-9-30 16:03

Chan343 發表於 19-9-30 15:55
塊臉好多顏色好可愛
我女都是成手顏色，佢仲突登俾我睇，証明真係有油色
...

我個囡話另一個小朋友霸住哂啲顔色，只肯分黑色俾佢。

結果呀囡同老師講，老師幫手

作者: DengCK 時間: 19-9-30 16:07

sailormercury 發表於 19-9-30 12:53
其實傳聞 cky 也是很喜歡收 LH 的小朋友的。所以學校具體的準則係如何就無從而知，亦都沒人可以過問，因為 ...

LH 英普雙語教學，學生都係活潑開朗型為多。CKY收得多LH學生也很正常

作者: sunnymama2 時間: 19-9-30 16:12

DengCK 發表於 19-9-30 16:07
LH 英普雙語教學，學生都係活潑開朗型為多。CKY收得多LH學生也很正常

本帖最後由 sunnymama2 於 19-9-30 16:13 編輯

好多人倒果為因。

作者: 天行 時間: 19-9-30 16:22

本帖最後由天行於 19-9-30 16:29 編輯

回覆 Diversifyedu 的帖子

同意家長門申請/俾報名費並非可以要求完全一致的"面試程序及考核內容"。唯程序明顯不同，或許能反映出學校有既定的收生意向。(由於家長不能親眼看到面見過程，因此亦同意舉證是困難的。)

詐騙的說法可能說得比較嚴重，聽起來有點誇，但如果樓主說的是事實(i.e. 該等程序根本不可能考核到某些小朋友)，詐騙不是完全不可能成立的。只是舉證比較困難。

根據《香港法例》第210章盜竊罪條例16A條，如任何人藉作任何欺騙〈不論所作欺騙是否唯一或主要誘因〉並意圖詐騙而誘使另一人作出任何作為或有任何不作為，而導致— 該另一人以外的任何人獲得利益或該進行誘使的人以外的任何人蒙受不利或有相當程度的可能性會蒙受不利，則該進行誘使的人即屬犯欺詐罪。

如果樓主說的是事實，應用在這件事上:
(1) 誘使 : 公開接受申請
(2) 任何欺騙: 一早唔會諗住收
(3) 利益: $400 x 根本不會考慮的申請人數目

再者，如果知道一早唔會收，可能好多家長都唔會報名，唔會請假，唔會放棄其他撞時間的學校面見，唔會給予小朋友希望再令佢失望。

作者: DengCK 時間: 19-9-30 16:25

恐龍爸爸524 發表於 19-9-30 11:58
只能夠說一句 (睇開 D 啦) ...... 其實直私呢個遊戲，不但考小朋友能力，亦考家長心智。
有 D 人話公平， ...

點解想入陳守仁就要入Lh？
大把不同幼稚園生都可以入到。

與其常常自怨自艾，怨是細B、卷幼，或怨自己無錢讀私幼，不如努力栽培（或訓練）小孩，又或者努力賺錢。

在EK我都見識過有券幼的家長，用心教導子女，現在也有很多名校second in。

常常自怨自艾，子女看在眼內也不是好事。

作者: DengCK 時間: 19-9-30 16:30

天行發表於 19-9-30 16:22
回覆 Diversifyedu 的帖子

同意家長門申請/俾報名費並非可以要求完全一致的"面試程序及考核內容"。唯程序 ...

如果全部都是一對一問問題，一個問易d、一個問難d,又是否不公平？對你易的問題，又可能對其他人是難。
對他人是易的問題，又可能是對你難。

就算真如樓主所說的第二款考核，很少問問題，是看電視（考坐定定、吸收內容），填色（考小肌肉協調、跟其他小朋友溝通（如上文有網友話有個小朋友霸哂d顏色筆點處理），填工作紙（考理解），唱歌遊戲（考聆聽、指令、跟動作）等

係咪真係無考核過任何野？

作者: 993rs 時間: 19-9-30 16:34

天行發表於 19-9-30 16:22
回覆 Diversifyedu 的帖子

同意家長門申請/俾報名費並非可以要求完全一致的"面試程序及考核內容"。唯程序 ...

點解EK變得更不可理喻？一句聽聞、加上一句懷疑，就可以盡情地向某一方作出嚴重指控？完全唔需要理會邏輯

作者: 天行 時間: 19-9-30 16:37

回覆 DengCK 的帖子

咁唯有希望事實真相真的如你所說啦

作者: Diversifyedu 時間: 19-9-30 16:46

回覆天行的帖子

樓主所論述假設係因為老師沒有考核個人任何問題, 所以不能判斷小朋友能否適合學校, 亦只有文娜雅拔幼稚園學生方可以得到全面的面試, 並推論到學校根本一早決定唔收，好明顯係一個滑坡理論.

期待樓主或其他家長等到面試結果公佈後, 公開結果作對比, 等往後家長有準確資料參考.

(非用家或今年考小家長)

作者: piglover 時間: 19-9-30 17:26

DengCK 發表於 19-9-30 16:25
點解想入陳守仁就要入Lh？
大把不同幼稚園生都可以入到。

講得好。

作者: babycatrina 時間: 19-9-30 17:30

其實半龍校咪仲唔「公平」，有啲係小學老師入幼稚園課堂觀課，有啲係只交portfolio連見都唔駛見。私校來的，私校有自己收生取向好正常喎！

倒轉諗，蔡繼有有自己的教學方針，無自己的幼稚園，但有「友好」幼稚園，而該幼稚園某程度受自己「影響」，如教育方針，咁收多啲有幾奇？

唔係派老師去文幼直接見已經叫做較公平啦！

作者: MrBeast 時間: 19-9-30 17:32

993rs 發表於 19-9-30 16:34
點解EK變得更不可理喻？一句聽聞、加上一句懷疑，就可以盡情地向某一方作出嚴重指控？完全唔需要理會邏輯 ...

你太年輕了，像我們這些老餅，是不會在這裏斗纏

作者: Chan343 時間: 19-9-30 17:35

spookykenny 發表於 19-9-30 16:03
我個囡話另一個小朋友霸住哂啲顔色，只肯分黑色俾佢。

結果呀囡同老師講，老師幫手

下！要share 顏色

咁又考多樣野

作者: MrBeast 時間: 19-9-30 17:38

朋友想考青苗，網上有說明所有教核項目，但教練溫馨提示第一rnd 打唔到40板就可以走得，另外有銀章的有分加，以曾相識？

作者: lambeanmama 時間: 19-9-30 17:40

Diversifyedu 發表於 19-9-30 16:46
回覆天行的帖子

樓主所論述假設係因為老師沒有考核個人任何問題, 所以不能判斷小朋友能否適合學校, 亦只 ...

就算樓主最終無二面，都不代表學校有問題。我仔無英華二面，佢當日出來都話咩都無考過佢。唔通我又要出文質疑人？可能我仔當場百厭即時被DQ呢？我講我仔咋。絕無其他意思的。

作者: MrBeast 時間: 19-9-30 17:44

cat20203 發表於 19-9-30 12:59
Spcc講明%收有關係人士
有些學校講明兄姊舊生有分加
給家長們知道係正面，公開。講明主要收邊間幼稚園更好 ...

我小朋友當年考spcc，有一朋友first in有去見校長，而我個就15分鐘就落番來，痛恨冇去平機會投訴

作者: rabbitboy 時間: 19-9-30 17:45 標題: 回覆樓主:

一早就知佢地係有關系，所以個個先想去讀佢間幼稚園咋ma

作者: maylulu 時間: 19-9-30 18:25

其實CKY TSL同LH青衣有咩關係？好似瞇埋眼咁收？

作者: MrBeast 時間: 19-9-30 18:31

maylulu 發表於 19-9-30 18:25
其實CKY TSL同LH青衣有咩關係？好似瞇埋眼咁收？

不如加埋sfa

作者: autumnfly 時間: 19-9-30 18:43

Chan343 發表於 19-9-30 13:02
所有人interview time是自選，grouping是即時assigned。本身文娜小朋友的group 是否和你小孩一樣？

文娜 ...

面試嗰陣，小朋友要帶學生手册嘅

作者: Chan343 時間: 19-9-30 18:46

autumnfly 發表於 19-9-30 18:43
面試嗰陣，小朋友要帶學生手册嘅

係喎！這是good point

作者: DengCK 時間: 19-9-30 18:50

maylulu 發表於 19-9-30 18:25
其實CKY TSL同LH青衣有咩關係？好似瞇埋眼咁收？

係咪曲？

作者: CruzSze 時間: 19-9-30 19:19

支持樓主！非常明白你感受！

如果cky你講到明同某d幼稚園有聯繫會收%幾或加分當然冇問題，明買明賣，一個願打一個願挨，就算係得0.001%都肯試咁就係家長問題！或者你一樣方式的機會俾小朋友試完同分而優先收某名幼我哋亦冇問題，怪只怪當初自己冇留意一早的關係！但依家係50人大集會in和單一面對面in 咁都話冇唔公平的家長我只可以話你心態寬闊到令人敬佩！

作者: 迷你人 時間: 19-9-30 19:24

救命！好怕Lee D家長，小小問題（自認為）就走上黎開哂名大吵大鬧，好心啦，公平？點為止公唔公平？符合你們心目中的定義先為止公平？何況世界上無邊度算係可以公平。
其實好多學校、社會都係咁，再者，好多人表面咁做一套，實際也是唔公平，咁又點？教好自己的兒女做好面試，做好自己已足夠

作者: DevilPig 時間: 19-9-30 19:36

CruzSze 發表於 19-9-30 13:05
我囡囡上星期五in,出來講的就係如樓主所講，4組小朋友由大哥哥大姐姐一齊帶入班房，3個小朋友一張枱，成個 ...

請問你小朋友幾月份 B，我囝 9月B，考既就係你講 lee 種，可能分大細B去考？

作者: cat20203 時間: 19-9-30 19:57

樓上家長叫人禁聲，咩世界？
好彩咁多名校生出來，求改變！
世界上無絕對公平，CKY有咁嘅面試安排，預咗畀人講！
莫要人不知.....
冇報cky

作者: MrBeast 時間: 19-9-30 20:10

DevilPig 發表於 19-9-30 19:36
請問你小朋友幾月份 B，我囝 9月B，考既就係你講 lee 種，可能分大細B去考？ ...

不會la 吧, otherwise 必定有人告上平機會。我只知tsl 會張大B細B分開在不同group，玩集體遊戲是唔會因爲大細B差異而影響結果，不過內容應該還是一樣

作者: piglover 時間: 19-9-30 20:22

恐龍爸爸524 發表於 19-9-30 11:58
只能夠說一句 (睇開 D 啦) ...... 其實直私呢個遊戲，不但考小朋友能力，亦考家長心智。
有 D 人話公平， ...

我都想知點解入陳守仁要入學之園？

至少我識幾個入陳守仁的都不是讀學之園。

你講到學之園學費貴，但一樣大把人爭住入。學之園學生，性格活潑主動，英普雙語能力高，而呢d正正係直私最喜歡收的學生。

學之園其實都有收細B㗎，你有無試過報讀先？

作者: helloeunicebb 時間: 19-9-30 20:37

Sing13 發表於 19-9-30 15:43
其實收最多關係人士既是SPCC, 何況SPCC是直資, 而CKY是私校.
又有沒人走去投訴SPCC不公呢, (不過人地乾脆唔 ...

呢間SPCC無謂講，我小朋友同我fd小朋友同一時段考，考嘅嘢唔一樣，出嚟嘅時間都唔一樣，一早根本已經揀好哂

作者: NNbaby 時間: 19-9-30 20:41

Sing13 發表於 19-9-30 15:43
其實收最多關係人士既是SPCC, 何況SPCC是直資, 而CKY是私校.
又有沒人走去投訴SPCC不公呢, (不過人地乾脆唔 ...

幾年前，spcc兩條隊分得好明確，有關係見超過一個鐘，無關係者等完一大輪只係問幾條基本問題就走得，ek都有多人鬧過。
係近幾年有改善，兩條隊都見差唔多時間。

作者: helloeunicebb 時間: 19-9-30 20:42

yettalam 發表於 19-9-30 10:31
全港如有幫小朋友報保良局蔡繼有的爸媽可否挺身留言有關今次面試的方式！！以往如何冇從追究！但今年面試原 ...

樓主，完全明白你感受，撐你！
同一個interview,考嘅嘢應該一樣，至少要俾小朋友發揮，佢可能畫畫唔叻，但答問題或跳baby shark好呢？點解唔係考哂所有項目再計分？咁樣好唔公平！
不過呢間學校不讀也罷，行政超亂，上年先因為出錯明明無second interview都可以有offer!

作者: NNbaby 時間: 19-9-30 20:43

helloeunicebb 發表於 19-9-30 20:37
呢間SPCC無謂講，我小朋友同我fd小朋友同一時段考，考嘅嘢唔一樣，出嚟嘅時間都唔一樣，一早根本已經揀好 ...

上年考？

作者: helloeunicebb 時間: 19-9-30 20:44

NNbaby 發表於 19-9-30 20:43
上年考？

係
我同自己講過，到細嗰個考小一時，我一定唔會再報呢間！

作者: Poyau 時間: 19-9-30 21:11

volar 發表於 19-9-30 11:26
幼稚園開校時，其賣點之一就係有絕對優勢入CKY，

這個已是多年來公開的秘密！

「「保良局蔡繼有學校」總校長劉筱玲博士，育有一對子女，長女Winnie今年初也加入教育界，於九龍塘開辦幼稚園，她則擔任顧問，從旁協助。」

https://eastweek.my-magazine.me/main/22675

作者: Chan343 時間: 19-9-30 22:41

CruzSze 發表於 19-9-30 19:19
支持樓主！非常明白你感受！

如果cky你講到明同某d幼稚園有聯繫會收%幾或加分當然冇問題，明買明賣，一個 ...

問題是我們大部分証人都不是「50人大集會」，會不會只有樓主小孩誤會了？

作者: 993rs 時間: 19-9-30 22:42

MrBeast 發表於 19-9-30 17:32
你太年輕了，像我們這些老餅，是不會在這裏斗纏

實在睇唔過眼，你睇，過咗5頁，呢個懷疑已經講到好似事實一樣。

何況文娜有咩優勢，都遠不如 LH，人地入DB, YW, GT, KTS, 港同啲人多到。唔通佢哋校長係咁多間小學校長嘅契仔咩？

歡迎光臨教育王國 (/)