教育王國

標題: year 1 唔想返學 [打印本頁]

作者: mandy_ng207 時間: 19-9-9 10:55 標題: year 1 唔想返學

本帖最後由 mandy_ng207 於 19-9-9 10:55 編輯

我仔剛開學兩星期，英式小校year 1. 頭兩日好開心，出門口頭也不回，但上星期開始話返學好悶，話要family day. 但去到學校門口就自動波入去，而且學校適應無問題（佢有幼稚園同學一齊升上去，也識左新朋友，從同學家長口中得知校園生活愉快。）
已經讀國際學校，咁都嫌悶？我真係唔知點勸佢好啦⋯⋯大家會點處理？

作者: princewilson11 時間: 19-9-9 11:26

悶既原因會唔會係學校教既又係小朋友已經學過,所以上堂好似無咩新野可以吸收?

作者: mandy_ng207 時間: 19-9-9 11:46

princewilson11 發表於 19-9-9 11:26
悶既原因會唔會係學校教既又係小朋友已經學過,所以上堂好似無咩新野可以吸收? ...

一半半啦，佢普通話同數學上過興趣班，英文就無特別補。學校每星期有newsletter俾家長，教d嘢好生活化，一d都唔悶（我覺得）。

作者: Jane1983 時間: 19-9-9 12:46 標題: 回覆樓主:

比d時間佢適應。學校再好都要坐好學習，梗係無family day咁free咁開心。

作者: Saboc 時間: 19-9-9 13:30

樓主都知道小孩其實冇乜大問题。佢講話悶又真係唔需要特別有太大嘅反應。小孩同大人一樣有時都會有情緒嘅上上落落，可能過幾日就冇事。
小孩大咗，我會同佢解釋唔係樣樣嘢都係咁有趣咁好玩㗎。有時係真係會悶，但有啲嘢係冇得揀㗎喎，係一定要做例如返學讀書

作者: 抺茶雪糕 時間: 19-9-9 13:40

我個仔都係，以前非常鍾意返學，升左小學就唔係咁鍾意，同我講話想快啲weekend同放假，佢以前係唔鍾意放假鍾意有得返學嘅日子，開始都有啲擔心，不過同樓主一樣發覺佢又有朋友返學其實冇咩唔開心，佢終於同我講話因為返學要學好多嘢覺得好悶，希望佢快啲明白同適應大個仔就係要學多啲野，唔係日日都喺度玩

作者: mandy_ng207 時間: 19-9-9 14:35

原來如此，男仔真係貪玩⋯⋯希望佢快d大個仔明白讀書嘅重要性啦。謝謝指教。

作者: Valerielicious 時間: 19-9-9 20:52

會唔會係half day變whole day唔慣?

作者: ZackMama 時間: 19-9-10 10:26

回覆 mandy_ng207 的帖子

建議你同老師溝通吓，問問小朋友喺班裡面嘅情況。有時可能係座位距離老師比較遠，又或者近窗口易分心等等，令小朋友唔可以集中專注課堂活動。又或者小學突然多咗各樣class rules，小朋友未跟得到，想同朋友講嘢但上堂唔俾講等等，都可能令到小朋友覺得返學唔好玩。

作者: mandy_ng207 時間: 19-9-10 11:16 標題: 回覆樓主：

本帖最後由 mandy_ng207 於 19-9-10 11:16 編輯

今朝又再問仔，佢話因為學校冇玩具（第一個星期上堂係有得玩玩具同埋睇電視嘅） ……咁唯有慢慢叫佢接受現實，返學就係咁悶㗎啦

作者: Jane1983 時間: 19-9-10 11:50

mandy_ng207 發表於 19-9-10 11:16
今朝又再問仔，佢話因為學校冇玩具（第一個星期上堂係有得玩玩具同埋睇電視嘅） ……咁唯有慢慢叫佢接受現 ...

咁又唔好講到係咁悶咁慘，小學讀IS功課默測考少，好多時間做自己鍾意的嘢，已經係好幸福。

作者: mandy_ng207 時間: 19-9-10 12:14

Jane1983 發表於 19-9-10 11:50
咁又唔好講到係咁悶咁慘，小學讀IS功課默測考少，好多時間做自己鍾意的嘢，已經係好幸福。
...

我有咁同佢講㗎，我話爹哋媽咪細個讀書要坐定定，邊有你上堂咁開心呀……

作者: tcbobo 時間: 19-9-14 08:15

mandy_ng207 發表於 19-9-9 10:55
我仔剛開學兩星期，英式小校year 1. 頭兩日好開心，出門口頭也不回，但上星期開始話返學好悶，話要family d ...

是相對的，在家很悶冇嘢玩父母又嚴格，小孩返學就會覺得好正

作者: mandy_ng207 時間: 19-9-14 12:04

tcbobo 發表於 19-9-14 08:15
是相對的，在家很悶冇嘢玩父母又嚴格，小孩返學就會覺得好正

我諗國際學校的小孩應該沒有這樣的父母吧⋯⋯咁咪好多人都唔想返學？

作者: Charlie妹 時間: 19-9-16 07:19

mandy_ng207 發表於 19-9-14 12:04
我諗國際學校的小孩應該沒有這樣的父母吧⋯⋯咁咪好多人都唔想返學？

會否因為是英式呢? 英式教育係咪會相對嚴謹些? 我朋友的兒子讀Anfield, 說比較辛苦。

作者: mandy_ng207 時間: 19-9-16 08:48

Charlie妹發表於 19-9-16 07:19
會否因為是英式呢? 英式教育係咪會相對嚴謹些? 我朋友的兒子讀Anfield, 說比較辛苦。
...

咁佢學校一定係比幼稚園辛苦，佢幼稚園係超Hea冇功課。今日返學終於冇扭計啦，可能真係要時間適應，同埋我好認真咁再講一次星期六日先係family day，星期一至五係要返學，爸爸媽媽就返工。

歡迎光臨教育王國 (/)