教育王國
標題: 小朋友在K2時讀下午班之考小準備之分享 [打印本頁]
作者: cheriedglau 時間: 19-8-8 21:17 標題: 小朋友在K2時讀下午班之考小準備之分享
（長文，慎入，但希望大家看完全部文字後有所得益）
簡單介紹番先，我是一位需要工作的媽媽，星期一至五早出晚歸。我有兩個小朋友，大的將升小三，小的將升小一，她們兩個都是畢業於某九龍塘的名幼，大女兒是1月B，小女兒是8月B。我睇左好多年EK，跟EK前輩學左好多野，以前只係睇，連account都冇開，從來都冇開Post或留言，細女今年有個好好的小學offer後，我好感恩，亦坦白說收到offer後到現在已經半年多我仍非常興奮，促使我好想分享一下我大女和細女在考小不同的安排和不同的結果。
我大女是兔B，當年人多考學校困難D，細女是蛇B，人數的確少了很多，不過我不覺得因人數少了而易考左，反而是在安排上，我汲取了大女的經驗，細女在升學上整體是較順利的。我認為直私只會越來越難考，因為現在的家長都準備得越來越早，準備的東西也越來越多。
作者: cheriedglau 時間: 19-8-8 21:17
大女現在在一間位於又一村的普通私校就讀，我對學校是滿意的，當然這間學校並不是我當年心目中的頭五位，但我明白大女兒沒甚麼Offer，能夠入讀一間原來也適合她的學校已經很不錯了。回想大女的幼稚園階段，我們對她在升小的準備也多的，不過就是沒有好好善用她K2番下午班時上午的空閒時間，在揀選外補、面試班和興趣班方面也不夠細心。由於囡囡的學校番K2時是所有學生都是下午班，我一時間未能由上午班的作息pattern轉過來，在平日早上沒有安排甚麼給她學，但是有請了一個大學姐姐替她在早上溫下學校上一周學過的東西，也有簡單的畫畫訓練，一星期上門兩天(1.5hrs each time)，此外，我也有準備一些練習讓工人姐姐安排給大女在早上做，所以囡囡在學校的成績也不錯，也曾當上數次的honour student。在平日的晚上，我和我先生都盡量跟小朋友一起看講故事，不過，我兩位小朋友都算早睡，我和先生亦不能早歸，所以大家真正的相處時間其實也很少。至於上興趣班和面試班，我都安排在周末我不用上班的時間時上，用意是我自己可以跟得貼D，亦和老師可以交流多D。大女周六上一個面試班和英文班，下午則是游泳，她周日早上學小提琴和上中文班，下午則是上數學班。
作者: cheriedglau 時間: 19-8-8 21:18
可是，大女在小一面試時卻面對了一個問題。大女在幼稚園的成績算是出色的，所以有不少的學校的first interview她都pass到，但一到second or third interview，她就止步了，另外，那些要家長interview的，我覺得我和先生也表現欠佳。最主要原因我相信是因為在我不用上班的日子的大部分時間帶女周圍去上堂，她欠缺與我們有深度的相處，這是我大大的安排失當，每每學校一問到小朋友平時假日會跟家人做甚麼，又或者再問仔細一點與家人一起的活動時，她就答得不好，即使是問我和我先生，我們都答得不夠真誠，畢竟，我和先生跟女兒們的相處時間也不多，就連某大角咀直資要求小朋友畫的那幅家庭畫，其實面試班的老師都建議過阿女可以怎樣畫，但阿女去到學校時畫的竟然是我帶她上不同的extra classes，我和先生在和校長會面的那次被校長問到口啞啞。
作者: cheriedglau 時間: 19-8-8 21:18
此外，我最初原意星期六日帶小朋友去上堂是因為想與老師有多一點交流，能就著老師對阿女的comment去幫阿女follow up，可是，大部分的外補其實老師都沒有詳細的debrief，其中面試班就只是略略說說該堂教了些甚麼，然後有一個summary表間單剔了些格仔關於小朋友的表現，老實說，那些格仔剔那一格對於我來說是一樣的，因為我無從知到小朋友的實際情況，亦沒有詳細描述，我連老師的直接聯絡方法也沒有。如果是這樣，我根本不用周末放假時突登送小朋友去外補去上面試班，平日上根本也會是一樣，如果是平日上，我可騰空了周末來跟小朋友進行多些親子活動，就算不外出，在家一起整pizza、捉下棋也好好。我大女最終只有鑽石山學校的正取offer，又一村現在就讀的學校是後期call waiting得到的。
作者: cheriedglau 時間: 19-8-8 21:19
到了二女時，我改變了策略，盡量把外補、面試班、興趣班，能搬的都搬到weekday上午，但限著每天只會上一堂（除了星期五），上的課堂不會多於90分鐘，盡量在11：45am前完成，好讓小朋友可以慢慢吃一個午餐再上學去。在星期一至星期四，小朋友會上一個小組面試班、一個英文班、一個數學班、一個個人面試班（這個個人面試班也會替我跟進學校默書和中文學習），這四個班就是分佈於星期一至星期四，每天一個課堂。至於星期五，小朋友早上會學小提琴（30min)和畫畫(1hr)，但放學後她也會學游水的。平日的晚上，我們依舊會盡我們的能力花時間和小朋友看書說故事。不過，我自己也花了不少時間在大女的功課和溫習上，所以始終在平日我們未有花太多時間跟小朋友談心。至於星期六、日，細女不會上任何外補或興趣班，因為星期五放學後要游水，所以我星期六會盡量讓她睡到自然醒，但不會過10點，之後由我自己去跟進學校和外補老師說她不足的地方，還有陪她練練小提琴，吃過午饍後，都是一家人的相處時間，可能是戶外活動，可能是參觀博物館、香港名勝等等，有時候，我們也會在星期六的早上參加賣旗活動，到了晚上，我們會抽空再跟小朋友再溫習一下她們正在學習或比較弱的東西。。如果不外出，我們會在家一起hea下傾下計，有時也會一起煮下野食，例如一齊包下餃子焗下蛋糕等等。至於星期日，我們會跟公公婆婆或爺爺嫲嫲相處，我覺得我早幾年也忽略了我自己的父母和老爺奶奶，要小朋友明白何為「孝」，我們做大人的身教也很重要。
作者: cheriedglau 時間: 19-8-8 21:19
要自己能夠不親身帶小朋友上課也知道小朋友有甚麼不足的地方去跟進，老師和家長的溝通是相當重要的。在大女那時，雖然我自己親身帶出帶入去上interview class or 外補班和其他興趣班，但在接放學時，老師大多數不能個別跟我談小朋友的表現，也不會另花時間跟我談談小朋友甚麼地方要跟進，更別說有甚麼建議給我去幫小朋友。到了小女兒的時候，由於我一早計劃不親身送她去外出上堂，將所有外補面試班等等在平日早上上，所以我努力地明查暗訪去找一些會願意花時間私底下跟家長溝通的老師，希望即使我沒有送阿女去上堂，也能夠跟貼女兒的學習情況，我不得不感謝這些願意與我緊密聯繫的老師。
作者: cheriedglau 時間: 19-8-8 21:19
經過一年多後，我完全感受到hea的面試班老師和用心的面試班老師的分別。大女時參加的面試班又聲稱要referral，又一交要交一個term即幾個月的學費，張申請表連爸媽是否神校校友也要mention，但上左成年，我都冇辦法同老師正式傾家姐的表現，我冇老師的聯絡方法，只有CENTRE個EMAIL，連請假都through email且很少會回覆，說真的，我十分後悔JOIN了那個班。到了細女，我JOIN了十分令我難忘的面試班和數學班，兩個老師都不認識，亦不是來自同一個中心，兩個老師都不是連瑣店形式，也不會賣廣告，那個面試班老師甚至連FB也冇，但這兩個老師分別都教得非常好，亦都和家長溝通得好好。面試班老師更經常跟我談及一些parenting issue、小朋友的性格or習慣建立的個案，我真的學到不少！坦白說，小朋友在1.5hours的班未必學到很多或學得很穩固，但如果老師能和我溝通多一點，我請教老師的時候她又會盡量去協助我，整個效果已很不同了。
作者: cheriedglau 時間: 19-8-8 21:22
雖然細女並沒有像家姐般在學校得到honour student的榮譽，但細女十分榮幸得到某神校的offer，亦鐵定會入讀。我不逐一談及她有的offer，但我想highlight她有培正、坑真、聖心私和TSL這些對外學位少或有勁多人報名的學校的offer，原來安排得好一點，考小的過程會走少很多冤枉路的。我打那麼多字是希望幫到一些將要升K2，又是讀下午班的小朋友，而家長又覺得自己為小朋友升小準備未夠甚至乎未開始準備，希望你們能在剩餘的時間做最後衝刺！
轉眼又一年，明明好像自己剛剛才考音小，怎料原來升K3的小朋友也已經收到offer，我在此祝福大家升小順利！
作者: 千語mami 時間: 19-8-8 21:52 標題: 回覆樓主:
恭喜，感謝你的分享，很有心，請問是港島神校嗎？還是佐敦女校呢？
作者: 1218ck 時間: 19-8-8 21:56
感謝樓主分享(emoji)(emoji)(emoji)(emoji)(emoji)(emoji)
作者: areyouangry 時間: 19-8-8 22:25
嘩⋯⋯⋯⋯老實講睇完有啲嚇親，不過好難得你打那麼多字給予大家咁真誠的分享，俾個like你
作者: purplepiggy 時間: 19-8-8 22:26
好多謝你的分享，請問細女係邊度上面試班？
作者: cheriedglau 時間: 19-8-8 22:36
purplepiggy 發表於 19-8-8 22:26 
好多謝你的分享，請問細女係邊度上面試班？
不好意思，我純分享兩女之考小部分歷程，不想將此post變做宣傳，望見諒
作者: babycatrina 時間: 19-8-8 22:48
媽媽好有心！大女長遠來講都會好成功，家庭教育最重要！
作者: cheriedglau 時間: 19-8-8 23:09
areyouangry 發表於 19-8-8 22:25
嘩⋯⋯⋯⋯老實講睇完有啲嚇親，不過好難得你打那麼多字給予大家咁真誠的分享，俾個like你
...
我都明有點怪獸，不過希望大家也有所得著
作者: cheriedglau 時間: 19-8-8 23:40
babycatrina 發表於 19-8-8 22:48
媽媽好有心！大女長遠來講都會好成功，家庭教育最重要！
謝謝
作者: renaya 時間: 19-8-8 23:42
cheriedglau 發表於 19-8-8 21:19
到了二女時，我改變了策略，盡量把外補、面試班、興趣班，能搬的都搬到weekday上午，但限著每天只會上一堂 ...
請問小朋友如果每天早上會先上不同的興趣班或面試班，才上學去，會影響下午的課堂表現嗎？囡囡在K1時已就讀下午班，所以在安排上都傾向於平日放學之後，你有甚麼看法呢？
作者: cheriedglau 時間: 19-8-8 23:52
renaya 發表於 19-8-8 23:42
請問小朋友如果每天早上會先上不同的興趣班或面試班，才上學去，會影響下午的課堂表現嗎？囡囡在K1時已就 ...
我的小朋友是早上上外補比起放學才上的吸收得較好，她們在學校的表現也算好的。不過我所分享的重點是weekday學野，所以你傾向在平日放學野也ok呀！就番自己小朋友的學習習慣便可！
作者: LittleMy226 時間: 19-8-8 23:55
多謝樓主無私的分享！想問下，樓主要番工又要湊兩個小朋友，咁你放工之後的時間係點安排同佢地睇故事同玩嘅呢？另外，樓主大女已小學，而家有冇話要補習定還是幼稚園個底打得好所以都唔使點補？
作者: cheriedglau 時間: 19-8-9 00:01
LittleMy226 發表於 19-8-8 23:55
多謝樓主無私的分享！想問下，樓主要番工又要湊兩個小朋友，咁你放工之後的時間係點安排同佢地睇故事同玩嘅 ...
我放工後其實冇乜同佢地玩，細女暫時只是看看書，大女就要跟功課，大女放學後有補習，上門私補。
作者: LittleMy226 時間: 19-8-9 00:09
咁我想問下，小學功課繁重，咁幼稚園學的興趣班仲有冇keep r?
作者: cheriedglau 時間: 19-8-9 00:11
LittleMy226 發表於 19-8-9 00:09
咁我想問下，小學功課繁重，咁幼稚園學的興趣班仲有冇keep r?
Keep了一音一體
作者: 大雯bb 時間: 19-8-9 00:15
多謝樓主無私分享
想問大細女offer唔同， 其實會不會大部分原因是性格不同？ 通常細女做講野快點，吸收好點...
另外，我見到你細女平日都有很多外補.. 中英數 音樂面試.. 你認為這和offer 有關係嗎？ 我成日都想填滿佢時間表，但唔忍心.. 成日諗會否overload 
作者: cheriedglau 時間: 19-8-9 00:21
大雯bb 發表於 19-8-9 00:15
多謝樓主無私分享
想問大細女offer唔同， 其實會不會大部分原因是性格不同？ 通常細女做講野快 ...
其實我大女和細女的外補範圍幾乎一樣的
至於性格，我覺得大女比較顧及別人，亦較成熟，細女則直腸直肚，自己想要做的行先，兩個都很外向，說話也有條理，愛交朋友！
作者: infong2011 時間: 19-8-9 01:13
cheriedglau 發表於 19-8-8 21:17
（長文，慎入，但希望大家看完全部文字後有所得益）
簡單介紹番先，我是一位需要工作的媽媽，星期一至五早 ...
多謝分享～
作者: kwywing 時間: 19-8-9 03:15
提示: 該帖被管理員或版主屏蔽
作者: 1162694sd 時間: 19-8-9 03:26 標題: 回覆樓主:
謝分享，能夠8月b都考到神校，厲害！
作者: Katharinethepig 時間: 19-8-9 04:40 標題: 回覆樓主:
好agree , 同小朋友相處都好重要
作者: cheriedglau 時間: 19-8-9 06:34
Katharinethepig 發表於 19-8-9 04:40
好agree , 同小朋友相處都好重要
看到重點
作者: cheriedglau 時間: 19-8-9 07:19
1162694sd 發表於 19-8-9 03:26
謝分享，能夠8月b都考到神校，厲害！
背後的努力加運氣
作者: pingu_julie 時間: 19-8-9 08:08
提示: 該帖被管理員或版主屏蔽
作者: Vana 時間: 19-8-9 08:50 標題: 回覆樓主:
首先恭喜樓主，好有心分享 
我係 ftm, 有 3個小朋友，都係二仔 k2轉校時先發現下午班既好處，我地無乜上興趣班不過學校有好好既面試班，但我可以利用上午時間主要陪佢.... 去公園，去街市, 去圖書館.....
唔好睇少去街市，end up 對佢考小幫助最大 我第日有機會再開 post分享
小兒有幸黎緊入讀我地心儀既男校，除左運氣我覺得最大幫助係學校既學術同考小訓練，加上我陪佢多活動多傾談.....
每個家庭/小朋友formula 不一樣，希望大家都搵到大家一個合適的 
作者: cheriedglau 時間: 19-8-9 09:14
Vana 發表於 19-8-9 08:50
首先恭喜樓主，好有心分享
我係 ftm, 有 3個小朋友，都係二仔 k2轉校時先發現下午班既好處，我地 ...
作者: Darklady 時間: 19-8-9 10:13
cheriedglau 發表於 19-8-8 21:19
到了二女時，我改變了策略，盡量把外補、面試班、興趣班，能搬的都搬到weekday上午，但限著每天只會上一堂 ...
是已自動介了小睡習慣?
作者: cheriedglau 時間: 19-8-9 10:16
Darklady 發表於 19-8-9 10:13
我小朋友黎緊K1讀下午班(不過亦係全體K2都會強制轉下午班)，請問K2已經不用日間小睡嗎
是已自動介了小睡習 ...
作者: Chan343 時間: 19-8-9 10:25
感謝樓主無私分享。真的好明白你指的weekend 上面試班，想聽debriefing ，還有其他班，搞到無晒親子時間。
想問下細女你weekend 會帶佢去邊？先舉例一下summer ，因為覺得真的很熱，而且好像周圍都好多人，我唔想下下都波波池。博物館說實話佢不感興趣，去太多都無意義......
作者: cheriedglau 時間: 19-8-9 10:42
Chan343 發表於 19-8-9 10:25
感謝樓主無私分享。真的好明白你指的weekend 上面試班，想聽debriefing ，還有其他班，搞到無晒親子時間。
...
作者: yyshiu 時間: 19-8-9 10:45
多謝樓主的分享！
我大仔考小學時和你安排大囡的情況相似，考小結果亦很接近，連幼稚園相信都是同一間。
9月到細仔要上K2，亦是讀同一幼稚園，近日在想怎樣分配時間及想在安排上有些轉變。很開心在這個時候看到你的分享！
經過哥哥之前考小學既經驗，確實在幼兒階段，有質素的親子時間比參加多個興趣班和面試班更為重要。
作者: Chan343 時間: 19-8-9 10:45
cheriedglau 發表於 19-8-9 10:42
其實我都有講我有時是會hea下，在屋企整下野食，其實呢D都係親子時間。現在坊間亦有好多室內活動可參加，例 ...
明白了，謝分享！
作者: cheriedglau 時間: 19-8-9 10:47
yyshiu 發表於 19-8-9 10:45
多謝樓主的分享！
我大仔考小學時和你安排大囡的情況相似，考小結果亦很接近，連幼稚園相信都是同一間。
作者: May1216 時間: 19-8-9 11:56
多謝你的分享，請問細女係邊度上面試班？因為我也為小朋友煩惱如何安排外補，親子時間，做功課温習，但也不忍心天天上外補，真的好頭痛。
作者: cheriedglau 時間: 19-8-9 12:10
May1216 發表於 19-8-9 11:56
多謝你的分享，請問細女係邊度上面試班？因為我也為小朋友煩惱如何安排外補，親子時間，做功課温習，但也不 ...
完全明白的，如果你認為不需要，其實真的別勉強，因為真是不一定要這樣做的
作者: BBG_SASA 時間: 19-8-9 12:25
多謝分享~
我小朋友都係K2轉PM class, 應該同一間, 同你之前諗法一樣, 我其實都將重點項目放係weekend 先親自小朋友一齊上, 但真係搞到冇哂假期咁... 所以最近我都開始將游水班普通話班放平日
作者: cheriedglau 時間: 19-8-9 12:27
BBG_SASA 發表於 19-8-9 12:25
多謝分享~
我小朋友都係K2轉PM class, 應該同一間, 同你之前諗法一樣, 我其實都將重點項目放係weekend 先 ...
加油呀！
作者: happygirl001 時間: 19-8-9 12:41
提示: 該帖被管理員或版主屏蔽
作者: rinarina 時間: 19-8-9 12:44
樓主的是一位準備充足的媽媽, 不過我覺得收生睇好多因素，我有個年尾細囡考小一, 今年的確容易左, 樓主以上的OFFER, (除了PC無考) 我囡都考到, 不是晒命, 係真的今年易左.......而且我囡無上任何interview class, 同學仔都不少考到SPCC, 下年馬年, 人數多少少, 會難D
作者: cheriedglau 時間: 19-8-9 13:05
rinarina 發表於 19-8-9 12:44
樓主的是一位準備充足的媽媽, 不過我覺得收生睇好多因素，我有個年尾細囡考小一, 今年的確容易左, 樓主以上 ...
咁我地係咪同學仔呢？你是否也揀了南區學校？
作者: rinarina 時間: 19-8-9 15:33
cheriedglau 發表於 19-8-9 13:05
咁我地係咪同學仔呢？你是否也揀了南區學校？
作者: cheriedglau 時間: 19-8-9 18:21
rinarina 發表於 19-8-9 15:33
Spcc我冇報，呢間細B陪跑多
咁你話以上都有，咪即係細B中 DG?（如果你所指的神校不是spcc)
好犀利呀！你是聖心幼嗎？DG VS SH, 如果住港島，真的難取捨！
作者: fatbao 時間: 19-8-9 18:29
感謝樓主無私的分享
作者: miriam 時間: 19-8-9 20:28
版主按：含有PM回文，請看基本版規第一項
作者: testher 時間: 19-8-9 20:47
rinarina 發表於 19-8-9 12:44
樓主的是一位準備充足的媽媽, 不過我覺得收生睇好多因素，我有個年尾細囡考小一, 今年的確容易左, 樓主以上 ...
你好，想請教你們，小朋友中英數要去到什麼程度才算可應付你們考的學校？
另外、是否要學術很出色還是要整體表現都很好呢？
作者: ednamode11 時間: 19-8-9 22:00
Vana 發表於 19-8-9 08:50
首先恭喜樓主，好有心分享
我係 ftm, 有 3個小朋友，都係二仔 k2轉校時先發現下午班既好處，我地 ...
本帖最後由 ednamode11 於 20-7-30 01:08 編輯
Deleted
作者: chengfsl 時間: 19-8-10 01:02
提示: 該帖被管理員或版主屏蔽
作者: miriam 時間: 19-8-10 18:57
版主最後提示：含有PM回文，請看基本版規第一項
作者: hahaha1231 時間: 19-8-10 23:11
Vana 發表於 19-8-9 08:50
首先恭喜樓主，好有心分享
我係 ftm, 有 3個小朋友，都係二仔 k2轉校時先發現下午班既好處，我地 ...
係咪英華定男拔？ 比d tips點入? 謝
作者: slaw1 時間: 19-8-13 10:51
testher 發表於 19-8-9 20:47
你好，想請教你們，小朋友中英數要去到什麼程度才算可應付你們考的學校？
另外、是否要學術很出色還是要整 ...
同問，樓主可唔可以喺呢方面講下？感謝
作者: jli008 時間: 19-8-15 18:07
提示: 作者被禁止或刪除 內容自動屏蔽
作者: Q4 時間: 19-8-19 16:03
感謝樓主分享
作者: Q4 時間: 19-8-19 16:16
我都傾向weekday學野,,
作者: Tanyafish 時間: 19-8-20 20:40
cheriedglau 發表於 19-8-8 21:22
雖然細女並沒有像家姐般在學校得到honour student的榮譽，但細女十分榮幸得到某神校的offer，亦鐵定會入讀 ...
謝謝分享，我的小孩也是將會在k2轉做下午班，妳的分享很有幫助.
他們在音樂不是很有天份。想問下妳覺得一體一藝對考小學有幾緊要？其實我常常有個疑惑，大部分小孩都不是音樂或運動天才的情況下，他們學的對於考學校有幾大幫助。運動我是一定讓他們學的，但是也不指望他們會拿到什麼獎。
另外，中文我見妳沒有外補，係因為幼稚園本身已經很勁對嗎？
作者: Chan343 時間: 19-8-21 00:31
我都想問樓主有沒有外補中文
作者: cheriedglau 時間: 19-8-21 12:07
Chan343 發表於 19-8-21 00:31
我都想問樓主有沒有外補中文
作者: Chan343 時間: 19-8-21 12:16
cheriedglau 發表於 19-8-21 12:07
我有安排了老師跟進小朋友的學校默書和中文學習的，我只是想減少自己放假時跟小朋友溫習的壓力和時間。其實 ...
老師除左跟學校進度，有無再教定小學的東西？
作者: cheriedglau 時間: 19-8-21 12:25
Chan343 發表於 19-8-21 12:16
老師除左跟學校進度，有無再教定小學的東西？
作者: szeti 時間: 19-8-21 13:08
Vana 發表於 19-8-9 08:50
首先恭喜樓主，好有心分享
我係 ftm, 有 3個小朋友，都係二仔 k2轉校時先發現下午班既好處，我地 ...
下午班普遍細班，呢個係我最早接受原因，見早上和下午校車情況就知，早上校車係緩慢好多, 上上落落太多；囝可以早上自然醒，晚上又自然上床，我發覺佢習慣都係22:30-8:00，9:30上個英文班，11-12:00 再小睡，吃飯後上學，這安排不錯；我也很開心返工前和他有5分鐘在床上morning talk，以前一定不能，有時只在床上碌嚟碌去；因為剛放學不久，我回家後佢會好活躍分享學校即事，早放工我係可以6:00回到家..作為返工媽，我巳比人多時間...(只係有時太攰，撻唔著第一時間陪佢); 基本上佢放學回家休息一陣工人就餵早飯，我吃飯時佢只陪食或吃生果，比以前午睡後有下午茶，吃正餐時未肚餓，煩小很多....
但我和朋友說pm 班優點，佢哋係唔明的，甚至有個放棄咗個幾好的pm 學位，很可惜.
暑假後上k2，現在也計劃新時間表, 我很開心樓主及各位分享，點醒我要假日陪伴多些，因為有時會忽然好迷失. ...
作者: piglover 時間: 19-8-21 14:05
好多謝媽媽的分享。
作者: ddtt347 時間: 19-8-21 16:09
樓主都外判了好多。咁樣自細外補私補法，真不是普通家庭可以承受。
作者: cheriedglau 時間: 19-8-21 16:16
ddtt347 發表於 19-8-21 16:09
樓主都外判了好多。咁樣自細外補私補法，真不是普通家庭可以承受。
作者: Clement9328 時間: 19-8-21 18:10
各位, 我的小朋友今年9月上K3, 我在5月時已開始為她報直資及私小, 現時已報了7間 (計劃報15間以下), 已面試了一間(聖瑪嘉利), 而28號是德望面試。在申請直小及私小時, 我發現了一點被人疏忽了的重要事情, 現提出給仍在K2的小朋友家長作出準備,
在申請資小或私小時,不論該校是否收或不收profile , 都會要求家長提供課外活動的資料及得獎狀資料,可以看出課外活動的重要性, 現在大部份家長都是集中小朋友的個人獎項, 如英文考試, 數學或奧數考試, 普通話考試, 朗誦考試等等, 但完全 忽略了團體的證書, 我想如小朋友有英文, 數學, 普通話 (個人) 加上一至二項團體證書, 是否更易被小學收取 (因有全方位發展), 是否是所有小學想要的學生嗎?
小女的媽媽很早已像其他的家長為小朋友安排了一連串英文及數學和奧數的課程及考試並取得中上成績(因資質所限, 無法達到頂級), 但大部份小朋友都有上述的考試, 可能成績也非常好, 有些更時頂級成績, 不過小女幸運地在3yrs時加入了Jazz Dance舞團, 於2019年參加了兩次團體跳舞比賽並得了冠軍(有證書) , 另在幼稚園K2時被選中入了詩歌班, 亦在2019 3月參加了學界比賽, 得了金獎(有證書)。所以在我制作小女profile 時發現了可表現出她的個人及團體的優點, 是否比其他小朋友會佔優些 ?(我覺得是會有優勢)的, 令我信心增加了不少。
上述只是我個人的推測, 但今年的小學面試所考的英文及數學都很深 (根據我小朋友 及朋友所考的學校, 如聖瑪嘉利, 真道, 優材) , 所以如在K2的小朋友家長如想報讀直資或私小, 可考慮我的提議加入一些團體的課外活動並參與有一定認受性的比賽並取得獎狀以增加成功的機會。
小女現正處於戰斗期, 我希望在今年12月可提供她的取錄結果看看是否真的有幫助!
至於參加那些團體及項目, 因每個小朋友的性格及喜好都不同, 便需要自己留心及安排 , 在此無法提供意見了,
希望我的想法是正確及祝大家好運
作者: cheriedglau 時間: 19-8-21 18:51
Clement9328 發表於 19-8-21 18:10
各位, 我的小朋友今年9月上K3, 我在5月時已開始為她報直資及私小, 現時已報了7間 (計劃報15間以下), 已面試 ...
多謝你的分享呀！我都係收番上面我話刪post呢句說話，希望呢個post會一路滾落去，大家一齊share d 實際的內容比後人參考！
作者: kuehcero 時間: 19-8-21 22:35
樓主分享得好好呀，其實坦白講唔緊張係假架，但你至少話俾我知返下午班既好處，確實上午佢地吸收係好好，將啲外補或興趣班既班放係平日上午確實令佢地唔好浪費左呢啲時間，不過想知道幼稚園係咪名幼係咪真係對升直私小學會好大影響？
作者: Chan343 時間: 19-8-22 00:50
Clement9328 發表於 19-8-21 18:10
各位, 我的小朋友今年9月上K3, 我在5月時已開始為她報直資及私小, 現時已報了7間 (計劃報15間以下), 已面試 ...
謝謝分享
作者: sunnymama2 時間: 19-8-22 10:46
本帖最後由 sunnymama2 於 19-8-22 10:47 編輯
szeti 發表於 19-8-21 13:08
我最初都係被迫接受下午班, 但好快就覺得以前眼光太淺.
我都唔止一次分享下午班的好處，但好多人見到下午班驚到好似讀下午班冇前途咁。
我仔幼稚園老師親口同我佢地老師比較喜歡教下午班，一黎佢地教完上午班吸收經驗可以知道點樣教好下午班，二黎佢地話下午班小朋友普遍精神d,活躍d, 三黎師生比例好，佢地可以有更多時間了解每位同學的需要，亦有較多時間和小朋友深入討論。
我好慶幸讀下午班，因為我小朋友得益唔少。可能學生人數少，想當年我我仔係轉校生，英文普通話唔識聽唔識講，老師真係單對單捉住我仔教佢英文。又因為人數較少，阿仔有好多時間分享。
好認真講，一間學校的理念幾好都好，如果太多學生一定會影響教學質素。上午班當然有上午班的好處，下午班亦唔係洪水猛獸。
仲有小朋友讀下午班對雙職的父母有另一好處，係親子時間多好多。
作者: testher 時間: 19-8-22 12:00
cheriedglau 發表於 19-8-21 16:16
所以我都好怕再分享落去，免得被人狂插，都係收下口算，遲下怕且封埋個帖去穩陣D。
...
樓主、，唔需要理人點講，我都有好多外補，我仲要係FTM， 我覺得學到的是小朋友，最緊要自己認為值得，不需要在意其他人說話
作者: Clement9328 時間: 19-8-22 12:01
我都想分享多一件事, 就是小女參加學界歌唱比賽時,共有十隊參加, 唔同地區, 有保良局等辨學團體的幼稚園, 出來的水準我覺得很差,
十隊中只有3隊比較好, 本來我以為小女的幼稚園都是陪跑, 但出來表演的水準令我有驚訝,
是剛說的三隊其中一隊, 但我要指出3隊入面最好的1隊是學之園(名幼), 此隊的表現是超班, 如有冠亞季必是冠軍, 有時名幼的水準, 是你可以無法想像, 好彩該此比賽是以水準作評級, 達到冠軍水平便有金獎, 否則必是學之園取勝
真正的名幼是有很多大家看不見的原因而成為名幼, 在裹面讀書的小朋友是獲益的,
如金錢及地點許可, 報讀名幼比普通幼稚園的信心是大很多(當然家長必須跟隨學校課程同小朋友溫習, 否則
讀神先學校也沒用)
上述只是本人的看法 (小女不是讀名幼, 只是屯門普通的國際幼稚園)
作者: cat20203 時間: 19-8-22 12:14
本帖最後由 cat20203 於 19-8-22 12:16 編輯
小朋友讀半日，可以上不同的興趣班
又可豐富小朋友的知識和發展興趣
但我覺得'空間'對小朋友尤其重要，如他自己坐下的時間，拿本書，玩具，看電視，這是他應有的空間。我無數據顯示空間的重要性，可能大部份認為不安排節目就是浪費時間。
每人每日24小時，有得必有失，我相信全面發展較重要。
利申:只有游水，phonics 2個所謂興趣班
作者: MrsPerthLiu 時間: 19-8-22 13:46
cheriedglau 發表於 19-8-21 16:16
所以我都好怕再分享落去，免得被人狂插，都係收下口算，遲下怕且封埋個帖去穩陣D。
...
樓主，多謝你嘅分享。
希望你唔好封post，我女女嚟緊升k1，同你女女以前同一幼稚園，我已經諗緊點鋪排佢升小嘅路，你嘅經驗分享好有用，謝謝！
作者: Candyhcs 時間: 19-8-22 19:02
謝謝樓主及各位分享，我仔黎緊k2轉校都係下午班，我都會將游水，phonics 放係930~1030早上學，都點醒左我，星期六日要多d 出去同小朋友親子時間，我都係working mum, 所以陪唔到佢的時間俾佢學2~3樣都ok 我覺得，因為我老人家幫我睇，我daddy 都係開電視應付我小朋友，所以我寧願有d 時間出去俾小朋友去活動學下野都無壞。另一聽聞考私小中文程度好緊要，我都煩惱緊自己放工點教中文，請問有無好方法呀？
作者: testher 時間: 19-8-22 19:58
Candyhcs 發表於 19-8-22 19:02
謝謝樓主及各位分享，我仔黎緊k2轉校都係下午班，我都會將游水，phonics 放係930~1030早上學，都點醒左我， ...
伴讀是認字最好方法
伴養閱讀最緊要
作者: Chan343 時間: 19-8-23 01:14
我想問下大家有無邊間學drama推介，想練膽量和上台表演。
邊間伏唔好試
作者: littlechen 時間: 19-8-23 01:26
cheriedglau 發表於 19-8-8 21:19
經過一年多後，我完全感受到hea的面試班老師和用心的面試班老師的分別。大女時參加的面試班又聲稱要referra ...
如何為之一個難忘的面試班？有沒有建議？
作者: Candyhcs 時間: 19-8-23 10:47
testher 發表於 19-8-22 19:58
伴讀是認字最好方法
伴養閱讀最緊要
明白，我一歲開始每晚都伴讀了，而家開始同阿仔每晚教小小認字，謝謝回覆
作者: Honeyme22 時間: 19-8-25 00:59
cheriedglau 發表於 19-8-21 18:51
多謝你的分享呀！我都係收番上面我話刪post呢句說話，希望呢個post會一路滾落去，大家一齊share d 實際的 ...
多謝你的分享，我大女都應該同樓主大女讀同一間幼稚園，都拎過honour student ，不過最後考小一都不是很順利，我都有後悔為她參加了一個面試班（很可能是樓主大女同一個呢）浪費了好多時間，當年每個星期六下午都要出去上面試班，回想都覺得有點兒內疚要犧牲大家寶貴的家庭樂時間。
所以現在有二寶升k2了，我都決心同先生說不要再編排任何課程在星期六日了，恭喜你二女入到神校呢，相信你二女都一定有過人之處，多謝你的無私分享，祝孩子們都學習愉快！
作者: MrBeast 時間: 19-8-25 09:15
http://www.yingwaps.edu.hk/mp4/temp/EP01.mp4
http://www.yingwaps.edu.hk/mp4/temp/EP02.mp4
http://www.yingwaps.edu.hk/mp4/temp/EP03.mp4
作者: chingchub 時間: 19-8-25 09:20 標題: 回覆樓主:
回想n年前係ek爬文，都好多媽媽堅持上午班既好處，但我真心喜歡下午班，兩公婆返工已冇太多親子時間，因為成8pm先返到屋企仲要食飯，如果9pm已迫小朋友上床訓，根本唔會有時間同佢地玩同伴讀。語文能力多弱都好睇父母點分配時間同放幾多落親子閱讀。
而興趣班同學術班，上到星期六已好盡，星期日應留黎親子，hea 好，去玩好，行街好，小朋友都希望父母伴在身邊的!
作者: annie133 時間: 19-8-26 08:04
原來入神校咁多準備功夫，怪不得我同事小朋友連普通直私都入唔到，佢星期六日親子活動做足，但平時冇乜補學術及冇上面試班，看見樓主連面試班都上兩個，果然成功非僥倖。
作者: annie133 時間: 19-8-26 08:08
cheriedglau 發表於 19-8-8 21:17
（長文，慎入，但希望大家看完全部文字後有所得益）
簡單介紹番先，我是一位需要工作的媽媽，星期一至五早 ...
不過我見身邊蛇B整體升小是順利很多，很多都有不少offer, 冇offer的抽奬命中率都高過以前。
作者: cheriedglau 時間: 19-8-26 09:20
annie133 發表於 19-8-26 08:04
原來入神校咁多準備功夫，怪不得我同事小朋友連普通直私都入唔到，佢星期六日親子活動做足，但平時冇乜補學 ...
作者: mamamic 時間: 19-8-27 00:09
cheriedglau 發表於 19-8-26 09:20
其實入乜學校一定冇條緊左的程式，我只係分享，冇話跟我就一定成功，我的經驗亦未必被一D零外補入神校的成 ...
真心感謝樓主的無私分享。
作者: annie133 時間: 19-8-27 08:17
cheriedglau 發表於 19-8-26 09:20
其實入乜學校一定冇條緊左的程式，我只係分享，冇話跟我就一定成功，我的經驗亦未必被一D零外補入神校的成 ...
本帖最後由 annie133 於 19-8-27 08:18 編輯
樓主，難得你肯真誠分享，你絕對不是過火，這世界不努力那有免費午餐，好過那些人地問佢點準備，佢永遠只答「我乜都冇補冇準備架」但又唔係真相個D人。
作者: hkgra 時間: 19-8-27 09:10
回覆 cheriedglau 的帖子
謝謝你的分享,我小朋友都是上下午班,
平時課外班,盡量安排星期一至五,
星期六係家庭樂,星期日我都有番兼職,晚上一定和小朋友食晚飯~
希望這樣的安排,令小朋友能夠學習之餘,亦可以家庭樂一下
作者: hkgra 時間: 19-8-27 09:15
回覆 sunnymama2 的帖子
小朋友未讀下午班前,我都好抗拒下午班,
因各種因素接受了下午班~
讀完K1,覺得下午班無甘可怕,小朋友仲好鍾意上下午班,
對於全職父母黎講,小朋友返下午班,晚上仲可以有較多時間同小朋友交流
作者: lollylolly 時間: 19-8-27 11:31
我想請教下如果我想安排啲體能嘅興趣班，應該點搞？
我小朋友N 班係上午，放學訓一陣之後可以去游水，足球，跆拳道。玩完仲可以去公園玩
黎梗下午班，如果玩完先返學我怕佢攰得滯，但呢啲興趣班又冇可能放哂係星期六上
作者: cheriedglau 時間: 19-8-27 11:50
lollylolly 發表於 19-8-27 11:31
我想請教下如果我想安排啲體能嘅興趣班，應該點搞？
我小朋友N 班係上午，放學訓一陣之後可以去游水，足球 ...
作者: cheriedglau 時間: 19-8-27 11:54
annie133 發表於 19-8-27 08:17
本帖最後由 annie133 於 19-8-27 08:18 編輯
樓主，難得你肯真誠分享，你絕對不是過火，這世界不努力那 ...
作者: cylau2 時間: 19-8-27 22:25
本帖最後由 cylau2 於 19-8-27 22:25 編輯
cheriedglau 發表於 19-8-26 09:20
其實入乜學校一定冇條緊左的程式，我只係分享，冇話跟我就一定成功，我的經驗亦未必被一D零外補入神校的成 ...
首先恭喜樓主，亦感謝樓主非常詳盡嘅分享。
根據我同小女走嘅升小之路，以及觀察其他朋友嘅經歷，的確係冇固定程式（有嘅話大家都跟咗啦）。而當一個家長做咗幾樣嘢（甚至乎幾十樣嘢）之後，即便成功入讀心儀學校，其實係冇辦法知道邊樣係有效，邊樣係冇效（甚至乎當唔成功嘅時候，邊樣係有反效果）。
我個人係抗拒外補學術嘅，可能因為我自視頗高，唔覺得我自己會教得比其他人差，所以我係採取「內補」，即係由我親自教導女兒學術，不過我用嘅都只係小女所讀嘅幼稚園嘅教材，再加埋圖書。
(當然，我身邊好多抗拒外補嘅家長朋友，到高小都無一例外地有請補習，所以可能我過多幾年都要「投降」都唔出奇。)
我睇完你講大女同細女嘅教養方法嘅分別，我覺得高質素嘅親子時間係起關鍵作用，亦同我教女兒嘅方法類似:
//星期六、日，細女不會上任何外補 ... 由我自己去跟進學校和外補老師說她不足的地方，還有陪她練練小提琴，吃過午饍後，都是一家人的相處時間，可能是戶外活動，可能是參觀博物館、香港名勝等等，有時候，我們也會在星期六的早上參加賣旗活動，到了晚上，我們會抽空再跟小朋友再溫習一下她們正在學習或比較弱的東西。。如果不外出，我們會在家一起hea下傾下計，有時也會一起煮下野食，例如一齊包下餃子焗下蛋糕等等。至於星期日，我們會跟公公婆婆或爺爺嫲嫲相處，我覺得我早幾年也忽略了我自己的父母和老爺奶奶，要小朋友明白何為「孝」，我們做大人的身教也很重要。//
正如校長同各位家長大大聲咁讀嘅箴言22:6 ：「教養孩童，使他走當行的道，就是到老他也不偏離。」 (shhh.............)
幫助小朋友考小學係一時，教養小朋友做人係一世。
作者: ariel823 時間: 19-8-28 02:29 標題: 回覆樓主:
多謝樓主用心的分享。
我仔黎緊升K3,佢都係返下午班，9月份開始揀學校，我覺得自己好多嘢未準備好，譬如：幾時開始上面試班？小組面試班同個人面對班有好大分別？我仔嘅興趣班我一直都係安排係上午，我唔想放學之後仲要去上堂，太攰了，我攰佢都攰，我仲有個一嵗半嘅囡要凑，我係Fulltime媽媽…我見好多同學仔學5678樣興趣班，我自問真係安排唔到咁多時間，夜唔想谷得咁緊要，佢唔會開心☹️
作者: ariel823 時間: 19-8-28 02:35
renaya 發表於 19-8-8 23:42
請問小朋友如果每天早上會先上不同的興趣班或面試班，才上學去，會影響下午的課堂表現嗎？囡囡在K1時已就 ...
我仔黎緊升K3,佢一直都係返下午班，我帮佢報嘅興趣班亦都安排係上午，因為上午精神比較集中，如果放學之後去學一定無上午好，佢地返學3個鐘都用佐唔少精神…我個人咁覺得 
作者: sunnymama2 時間: 19-8-28 07:23
本帖最後由 sunnymama2 於 19-8-28 07:26 編輯
cylau2 發表於 19-8-27 22:25
首先恭喜樓主，亦感謝樓主非常詳盡嘅分享。
根據我同小女走嘅升小之路，以及觀察其他朋友嘅經歷，的確係冇 ...
其實都係ga, 自己識教自己教，除非冇時間。我阿仔幼稚園都係全內補。到而家讀小學，中英數都主要內補，就算最差的英文都冇外補，因為暫時自己都handle 到。內補個好處係flexible 好多，因為家長最了解自己小朋友進度，又慳好多錢和travelling time。又可以隨時帶小朋友出去玩，唔駛俾補習時間表fix 死。
不過雙職家長真係會辛苦d, 要好準時放工，放工後要打個第二份工，同佢温習又要同佢玩又講講故事，私人時間唔多，所以真係幾辛苦
| 歡迎光臨 教育王國 (/) |
Powered by Discuz! X1.5 |