教育王國

標題: 究竟補全科定專科補習好？ [打印本頁]

作者: heather1106 時間: 19-8-1 13:26 標題: 究竟補全科定專科補習好？

升小一，英普小學。其實係轉校重讀一年班。成績一般，有啲迷茫，究竟俾佢去功課班（科科功課都有人教）定專科補（中英數）？有冇家長可俾意見

作者: kayi0556 時間: 19-8-1 13:36

小朋友會唔會自覺做功課？做功課會唔會做到好夜？

作者: heather1106 時間: 19-8-1 14:22

kayi0556 發表於 19-8-1 13:36
小朋友會唔會自覺做功課？做功課會唔會做到好夜？

佢知要做功課，但會拖慢時間先拎出來做，之前同佢做功課多數食飯前都做晒。佢中文同常識課比較差，因為佢認中文字有難度，理解能力弱。英文同數學就好少少，但都吾係好得去邊

作者: kayi0556 時間: 19-8-1 18:26

回覆 heather1106 的帖子

搵上門老師專科教比較好，叫老師教佢認字睇題目先要成績有進步，功課班未必幫到手
如果家長跟到功課的，就最好自己跟，同埋培養小朋友限定時間做曬功課

作者: heather1106 時間: 19-8-1 20:04

kayi0556 發表於 19-8-1 18:26
回覆 heather1106 的帖子

搵上門老師專科教比較好，叫老師教佢認字睇題目先要成績有進步，功課班未必幫 ...

專科一星期先一堂，驚冇咩效用。而且中英數都需要補，仲有個歲半女，跟功課時阿妹就會黎搞搞震影響哥哥做功課，有時候我都教到心累，

作者: Diversifyedu 時間: 19-8-2 14:48

轉校重讀一年班係考入? 如果之前成績無問題照計學過唔會唔識, 轉校後課程係咪深左? 之前做功課有冇拖拉問題?

作者: ncp 時間: 19-8-2 16:59

功課輔導班只應付功課默書個d，如果果要補底真係要一對一。如果哥哥做功課時叫家人帶妹妹行商塲公園甘囉，小一除左英文之外其他科自己都可以教啦！妺妹再大d就哥哥一邊做功課，妹妹就睇書油顔色玩泥膠呢類靜態小小既活動，培養一齊做功課既氣氛，慢慢就好好多架勒。

作者: heather1106 時間: 19-8-2 17:09

Diversifyedu 發表於 19-8-2 14:48
轉校重讀一年班係考入? 如果之前成績無問題照計學過唔會唔識, 轉校後課程係咪深左? 之前做功課有冇拖拉問題 ...

係上年派位吾好，果陣叩門結果吾好，所以再報直資小一，咁我仔係細b重讀吾係問題。佢份人吾係笨，係懶。學習態度吾好囉，次次都係為左完成功課急腳做完就收埋去玩。佢第一次考試考得吾錯，中交常識就70幾分，英文同數學90幾。但隔左兩個月第二次考試、完全退步晒，跌晒落50-70分。

作者: heather1106 時間: 19-8-2 17:11

ncp 發表於 19-8-2 16:59
功課輔導班只應付功課默書個d，如果果要補底真係要一對一。如果哥哥做功課時叫家人帶妹妹行商塲公園甘囉， ...

本帖最後由 heather1106 於 19-8-2 17:11 編輯

依家佢間學校附近既功課班，暑假優惠都成2700一個月。補底一對一都吾平，仲要一星期一次，有效嗎？

作者: 子恩 時間: 19-8-2 17:39

heather1106 發表於 19-8-1 13:26
升小一，英普小學。其實係轉校重讀一年班。成績一般，有啲迷茫，究竟俾佢去功課班（科科功課都有人教）定專 ...

重讀一年，重要轉英普學校
好好打好英普先

作者: ncp 時間: 19-8-2 19:25

如果係針對考試分數緊係一對一補底啦，功課輔導班只係應付到功課默書架咋，叫做有人幫手睇下功課甘囉！

作者: heather1106 時間: 19-8-2 20:08

子恩發表於 19-8-2 17:39
重讀一年，重要轉英普學校
好好打好英普先

佢吾係因為成績差才重讀，而是派位叩門吾理想，而報左直資諗住再再讀多年。佢英文ok的普通話就麻麻，不過我吾係擔心佢語言，而係佢學習未能集中，教佢既野一時記得一時吾記得，所以諗住睇下邊種方法補習適合

作者: kayi0556 時間: 19-8-3 11:01

回覆 heather1106 的帖子

專注力弱就更加要一對一，出面一班多人，佢會好受其他同學影響

作者: Sharpay_leung 時間: 19-8-3 11:10

提示: 作者被禁止或刪除內容自動屏蔽

歡迎光臨教育王國 (/)