教育王國
標題: 懷疑個仔係亞氏保加症/資優 [打印本頁]
作者: TroyBB 時間: 19-7-15 03:48 標題: 懷疑個仔係亞氏保加症/資優
本帖最後由 TroyBB 於 19-7-15 04:11 編輯
本帖最後由 TroyBB 於 19-7-15 04:06 編輯
本帖最後由 TroyBB 於 19-7-15 04:03 編輯
我同老公都覺得我個仔係比同齡小朋友聰明，返playgroup嘅老師（名幼嘅）、同學家長都特別留意佢，話佢好聰明。我家姐個仔都係資優（做咗test IQ140），我想知我個仔係咪資優，而決定之後嘅教育方式。同埋我地好驚佢係亞氏保加症，想大家俾D意見，多謝！
我個仔幾個月大已經好鐘高睇字，未夠一歲已經認得同識讀A-Z（大細楷都認得）。而家兩歲三個月識得約一千個（其實可能多過一千個）英文vocabularies, 識嘅意思係指無論見到個樣野嘅任何形態（如：實物、卡通等）都可以講出係咩，有部分已經認得個字點串，就咁俾個英文字佢佢都識，同埋大部分中文名稱都識（佢中文差D，因為我兩公婆大部分時間都係全英文同佢溝通，中文係我父母得閒教）。甚至我就咁形容個樣野佢都可以估得到個樣野係咩（當然係無圖片提示、無選擇嘅情況下佢自己估到）。同埋我地無特登教佢，但佢自己識得將物件分catergory, (e.g.apple, orange 係fruit, pig,cow 係animal)。sight word已經識哂同埋理解意思同部分已經識得運用。識得自己串簡單嘅英文同部分sight word。其實我地無特登逼佢學，通常係佢自己住指D書想我地教佢，佢求知欲好強、記性超好，通常講一兩次佢已經記得，係真係記得唔洗再教而過一排再問佢佢都記得。甚至有D字係我地無教佢但唔知點解佢會識。最近對solar system好有興趣，俾佢睇咗幾次youtube d video佢已經認得D planet 個名點串、佢地嘅排列次序、基本特徵（如：咩顏色、由咩組成、熱得凍等）。同埋我地懷疑佢識拼音，因為有D字連我地自己都唔識讀所以一定無教過佢，但佢自己讀，而我地check 返佢個發音係啱嘅。
佢推理能力都幾好，例如我地教佢數one to thirty, 佢自己識得thirty-one thirty-two咁數落去。聯想力都好好，例如，聽到我地講birthday, 佢會話eat birthday cake, candle on the cake, blow candle。佢音感好好，我彈琴彈咗幾粒音佢已經估到係咩歌，仲快過佢老豆估到，同埋佢唱歌音好準。仲有佢好鐘意跳舞
缺點係脾氣差，會因爲不明嘅個人原則發脾氣（通常係要自己做，或者要我地跟佢方式去一樣野做），我地而家教緊佢數one to twenty calm down, 佢通常都可以平服到，有時仲會自己主動數。佢對人地嘅comment好敏感，成日以為人地笑/鬧佢而發顛。同埋佢唔鐘意做勞作，因為佢好唔鐘意隻手污糟。平時整污糟咗隻手即刻要抹手或洗手。鐘意同教到佢野嘅人玩，當同齡既小朋友透明。係唔熟既人面前出聲，但係熟人面前好活躍。成日自high, 好識自娛。有時享受一個人唔想人打擾。古怪行為係好鐘意拎D野黎轉，咩都轉一餐（好細個已經係咁），同埋好鐘意玩車"look"(wheels)。同埋佢每晚臨訓前會自己做revision, 練習個日學咗D咩（又係好細個已經係咁）。佢唔鐘意玩普通玩具，好鐘意拎住A-Z既英文字粒自己砌字，同埋由A開始數A stand for apple, ant.... B stand for ballon, banana.... 但其實唔知點解佢會知D野係咩字頭，因為有D字我地都無教。最後佢BB時主要用左手，而家大咗開始用返右手，但轉野一定用左手，俾筆佢佢都係用左手先再用右手，有時兩隻手一齊揸筆。間中食飯會無啦啦用左手揸叉。
請大家俾下意見，唔該哂！
作者: Radiomama 時間: 19-7-15 09:27
小朋友聰明伶俐，恭喜啊！
但是他的IQ score是高是低，對當下父母給予他的愛與教養會有分別嗎？
若否的話，不如繼續你現在的方式，讓他在情緒、個性上更平穩地發展，更著重愛的培育和表達自己，讓他認識世界以致學會關懷别人。
作者: 小曳人 時間: 19-7-15 10:58
我諗起我當年... 哈哈！
我都曾經好似樓主咁，想知仔係咪資優，但最後都係嗰句：佢係咪資優，我都係咁教佢，我唔會唔答佢問題架！
所以，好快就放低咗，選擇隨緣
到仔入讀私小，學校出通告問做唔做評估，我地先俾錢做，結果係有dd似亞氏，因為用咗好長時間warm up 先有eye contact，但因為佢有eye contact，所以亦rule out 咗亞氏
樓主，好好教禮儀、自理，俾書佢自己睇，你應該好快見到佢自學！
作者: akys 時間: 19-7-15 12:07
TroyBB 發表於 19-7-15 03:48 
本帖最後由 TroyBB 於 19-7-15 04:06 編輯
本帖最後由 TroyBB 於 19-7-15 04:03 編輯
平時整污糟咗隻手即刻要抹手或洗手。
好鐘意拎D野黎轉，咩都轉一餐（好細個已經係咁），同埋好鐘意玩車"look"(wheels)
多留心這兩點。
作者: TroyBB 時間: 19-7-15 12:18
回覆 小曳人 的帖子
其實我地唔擔心佢學習方面, 而係擔心佢既情緒問題。因為佢好似越黎越大脾氣, 同埋最近開始打人, 擔心佢有情緒病或亞氏保加, 唔知洗唔洗帶佢去睇醫生, 我又唔知可以去邊度CHECK... 所以想問下有相同經驗既家長意見.
想知佢係咪資優, 因為知道好多時佢地都會有情緒問題, 可能要有唔同既方法教佢, 我係主張同佢講道理, 但係我老公就好火爆會好惡鬧佢, 都唔知應該用咩方法去教佢... 想知佢係真係曳呀, 一話係因為資優附帶既情緒問題, 如果佢係資優, 可能老公會較體諒個仔因為係先天因素影響, 會俾多D耐性去教佢。因為D親戚成日話佢脾氣好大, 唔知係咪有情緒病
作者: TroyBB 時間: 19-7-15 12:29
回覆 Radiomama 的帖子
其實我唔係想知佢IQ係幾多,而係想知佢係咪資優附帶既情緒問題. 係學習方面其實我地好放手由我個仔自己去發展,我地主要係關心佢係EQ方面既發展, 想搵一個適合既方法去教佢, 我同老公係呢方面好大分歧. 我比較正向, 主張講道理, 但我老公比較火爆, 會好惡鬧佢, 如果知佢真係因為資優而附帶既情緒問題, 我老公應該會俾多D耐性同體諒個仔, 所以想聽聽有相同經驗既家長意見…想知對呢類小朋友應該點樣可以令佢情緒平穩D…
作者: TroyBB 時間: 19-7-15 12:31
回覆 akys 的帖子
係咪有可能係亞氏保加?
作者: akys 時間: 19-7-15 12:50
TroyBB 發表於 19-7-15 12:31
回覆 akys 的帖子
係咪有可能係亞氏保加?
我唔係專業人士，但如果有懷疑又負擔得起，早啲找個明白，聽講越早處理越好。
https://www.edu-kingdom.com/forum.php?mod=viewthread&tid=3727557&highlight=%E4%BA%9E%E6%B0%8F%E4%BF%9D%E5%8A%A0
作者: Iloveu520 時間: 19-7-15 13:23 標題: 回覆樓主
我個仔同樓主有d似，宜家2歲2個月，一樣係學習能力，認知，邏輯，聯想力比同年齡叻，一樣係用左手，同埋一樣唔鍾意messy play(除左沙同水，所以creamy 狀都唔鍾意)
學術上完全唔洗擔心，因為真係一教就識，而且識自己消化，融匯貫通。但做父母總係會好多野擔心，尢其係擔心上天比一個好既腦袋佢既同時又會拎走一樣野...
我之前都好擔心佢會係亞氏，因為佢：
1. 好自我好固執，如果同佢expect既野稍微有小小唔同既時候就會喊
2. 剛2歲時有推人同想打人,跟住係度笑
第一點上網睇原來係因為秩序敏感期，我跟住網上既方法處理，宜家好似好好多了，宜家肯委協，返學好乖坐定定，想喊想淨係扁咀d眼淚浪下浪下又唔喊出黎，好似嘗試控制自己，想扮乖博老師讚佢
第二點只係維持左1個月，佢插班讀緊n班，日日好多時間同其他小朋友相處，佢似乎已經摸索到應該點樣同其他人相處，無再出現唔好行為
但宜家又出現其他問題，佢好古惑，又開始講大話，面對呢d小朋友，做父母真係好忙，成日要觀察佢，見到有問題要逐一擊破。
作者: TroyBB 時間: 19-7-15 13:29
回覆 akys 的帖子
唔該哂!!!
作者: TroyBB 時間: 19-7-15 13:37
回覆 Iloveu520 的帖子
多謝你既分享! 請問你有咩方法處理佢情緒問題?
佢黎緊8月會返PN, 好驚佢返學情緒失控整親/嚇親其他小朋友...
作者: 小曳人 時間: 19-7-15 13:46
本帖最後由 小曳人 於 19-7-15 13:54 編輯
回覆 TroyBB 的帖子
你小朋友係兩歲幾？有無試過從佢對眼看呢個世界？
兩歲本身就trouble 2，如果唔係兩歲，佢講又未識講到好似大人咁 (有d野，大人都唔識講啦)
再講，每個孩子都係獨一無二嘅，佢地想法亦可以各異，但爸媽完全唔講道理，完全唔明白人家感受，唔好話阿B，我聽見都嬲呀！
脾氣好唔好，可以係性格，亦都可以同其他先天因素有關
e.g. 我一秒就明嘅野，點解你地要講咁慢？我想睇嗰本書，點解你要我坐定定而唔俾我去睇書？
我成日响資優家長圈子講：呢班細路好多個腦過度活躍，停唔到！
係佢停唔到，唔係佢要唔想聽話！爸媽，你有無強人所難先？
當時，我有幾樣野會做
- 試講出佢嘅感受 (等佢覺得有人明白佢，同時教佢新嘅感覺類別詞彙)
- 認同佢感受 , 話佢知有呢個感覺無問題，媽媽都會咁
- 但係.... 我地同時都要照顧其他人或事 (呢個，要隔一陣，等佢平靜時講，唔好長編大論)
我兒都e+ 升中學，佢都唔係點講感受嘅，但佢仲係好痴我，知道阿媽已經係最明白佢嘅人 (要明白佢一d都唔容易)，更重要嘅係，感覺無對錯，我地要學習照顧自己感受之外，亦要照顧他人感受 (相反亦然)
我仔去到10歲+先開始妥協，多咗妥協，收埋自己想做嘅事、感受，為其他人而強迫自己做一d野 (對白：媽媽睇到，媽媽明白你唔想，但都去做~)
要幼兒學識"聽話"，一d都唔容易，特別係有主見嘅資優兒，太多idea，但未有能力講出嚟
作者: Taisingb 時間: 19-7-15 14:02
回覆 TroyBB 的帖子
唔怕的. 我個仔都好敏感, 一有人大聲D, 或人多就哭, 依家K2, 咁耐以來都係一表演就驚同哭
但同學的家長同我講, 佢個仔最好的朋友是我個仔, 而我見我個仔又慢慢地有好多好朋友
小朋友的世界, 好可愛...... 我以為他會麻煩到同學, 但同學又接納佢喎
很認同樓上的家長, 資優與否, 不影響我地對小朋友的愛, 他情緒不好, 就教他管理情緒, 就算沒有什麼資優/ 咩症, 也可以和專業的導師多多指教, 多看教養書...
作者: 小曳人 時間: 19-7-15 14:04
講曳，咩叫曳？
有心同你作對，明知唔應該做，但仲去做？
咁，小朋友咁細，你點解釋.. 其實佢都未必明白點解唔可以做，更加唔好講同大人作對，我唔信咁細個人仔識作對！
體諒佢多一d，點解一定要係佢被"斷症"？點解唔可以因為佢係獨一無二？
我EQ都唔高，經過呢十多年，EQ應該好咗好多...
好好珍惜佢仲需要你嘅日子
作者: TroyBB 時間: 19-7-15 14:17
回覆 小曳人 的帖子
我仔啱啱2歲3個月, 自問我有從佢既角度去睇, 我係EQ好高既人, 好少對佢發脾氣,就算佢發脾氣都唔會大聲鬧佢, 會等佢平靜咗先同佢講道理, 平時無逼佢做佢唔想做既野, 同埋我地真係無逼佢學野, 佢做得好, 會讚佢, 做唔到, 我都會讚佢做得好好。平時都係用正面既字眼同佢講野, 表示明白佢感受,
同埋有時我真係忍唔住大聲左同話佢, 之後都會對佢講對唔住
其實大部份時間佢發脾氣係因為佢對自己有要求, 達唔到佢自己既要求佢就會發顛, 感覺佢係一個完美主義者, 例如, 佢想自己開一個樽, 我見到佢開好耐都開唔到, 就問一句, 洗"唔洗媽媽幫你", 佢聽到就會發顛, 係咁話"XX(佢自己個名)開", 但其實我根本都無掂到佢... 又例如, 佢自己係度用英文字母粒砌字, 佢要砌到好整齊, 所有字粒要拍得好齊, 有少少歪左都唔得, 砌好耐都砌唔到又會發顛... 其實大部分時間都係因為佢自己既原則問題而發脾氣, 我地根本都無掂到佢或者控制佢或逼佢做野, 同埋佢係唔會因為學習問題而發脾氣, 通常都係因為D有關生活上既細節而發脾氣 (可能因為佢學習上無咩遇過問題)
其實真係好想知道有咩方法可以令佢情緒平穩D, 或者點教佢學習控制情緒,因為隨住佢越黎越大, 佢要做既野真係好多, 佢成日因為自己既原則而發顛都唔係辦法…
作者: Radiomama 時間: 19-7-15 14:18
TroyBB 發表於 19-7-15 12:29
回覆 Radiomama 的帖子
其實我唔係想知佢IQ係幾多,而係想知佢係咪資優附帶既情緒問題. 係學習方面其實我地 ...
每個Trouble Two都有他/她的獨特之処，但也有普遍性。父母學習parenting的書籍和課程好多，不妨試試；重點是父母去學習而不是孩子。
認識一個小朋友自小情緒穩定，他媽媽的育兒心得是孩子四歲前不上學，每日早上黃昏只帶孩子公園散步，看樹木、雀仔和昆蟲。看著他輕輕鬆鬆醫學院畢業，資優而隨和，是少有的個案。歸功於父母也是講道理和溫和的人。
作者: TroyBB 時間: 19-7-15 14:31
回覆 小曳人 的帖子
自問我有從佢既角度去睇, 我係EQ好高既人, 好少對佢發脾氣, 就算佢發脾氣都唔會大聲鬧佢, 會等佢平靜咗先同佢講道理, 同埋有時我真係忍唔住大聲左同話佢, 之後都會對佢講對唔住,
平時都無逼佢做佢唔想做既野, 我從來唔覺得佢係曳,而係覺得佢情緒控制有D問題
其實大部份時間佢發脾氣係因為佢對自己有要求, 達唔到佢自己既要求佢就會發顛, 感覺佢係一個完美主義者, 例如, 佢想自己開一個樽, 我見到佢開好耐都開唔到, 就問一句, 洗"唔洗媽媽幫你", 佢聽到就會發顛, 係咁話"XX(佢自己個名)開", 但其實我根本都無掂到佢... 又例如, 佢自己係度用英文字母粒砌字, 佢要砌到好整齊, 所有字粒要拍得好齊, 有少少歪左都唔得, 砌好耐都砌唔到又會發顛... 其實大部分時間都係因為佢自己既原則問題而發脾氣, 我地根本都無掂到佢或者控制佢或逼佢做野
所以我只係想知道有咩方法可以令佢情緒平穩D, 或者點教佢學習控制情緒
作者: 小曳人 時間: 19-7-15 14:32
回覆 TroyBB 的帖子
咁佢唔係曳喎，點解daddy會怪佢曳呢？
媽媽你已經做得好好，孩子學習唔係用言語學習咁單一，好多生活上嘅事物，孩子都努力學習中
建議你睇一睇蒙特梭利相關教學，原因係，蒙氏主張安全環境下，大人不干預下自主學習
呢種學習，可以可以解決你部份問題
作者: Iloveu520 時間: 19-7-15 14:38
TroyBB 發表於 19-7-15 13:37
回覆 Iloveu520 的帖子
多謝你既分享! 請問你有咩方法處理佢情緒問題?
上面前輩講得好好，
而我自己就會：
1. 比無限既愛佢，成日同佢講好多人好錫佢，即使佢做錯時我地都會話我地信任你可以做返岩，除左返工外我地兩個都將所有時間比晒佢，周圍去唔同地方探索，同佢傾計同佢玩，雖然已經返n班但weekend 都會同佢上playgroup, 唔係為左比佢學野，係為左係唔同環境觀察佢既表現
2. 加強同理心，情緒控制能力同社交能力好多時都建基於同理心，講任何道理時我地都提到別人既感受，要佢習慣做所有事可要考慮到別人。
3. 以身作則，唔想佢做既野一定唔可以對佢做，如果你唔想佢一不如意就大吵大鬧，就要反思一下自己係佢無故發脾氣時有無好大聲好惡咁鬧佢，我地就算幾嬲都會忍住，只會改變聲調好認真咁同佢講：咁樣係唔岩，我地不能接受呢個行為，對佢惡係一d教育意思都無
4. 製造一個適合既環境: 呢個年紀好受環境影響，我地好重視玩具既類型，我屋企既玩具唔多，但有好多書，role play 玩具如公仔，動物，人figure 等,等佢放學返黎用黎沉澱下，我地無閃燈玩具，亦乜學術上既玩具如串字，數學等，但我地會玩好多board games，從中亦可學到英文，數學既內容
其實我都係新手媽媽，呢d會都係睇書學，有錯請指導一下
作者: TroyBB 時間: 19-7-15 14:39
回覆 Taisingb 的帖子
係.. 我個仔超敏感, 有時人地笑, 又以為人地笑佢, 人地張大個口, 佢又以為人地鬧佢... 根本係度大喊..... 佢對人地個面部表情好敏感...
其實我自己都有睇下應該點教, 但係屋企人就唔係好認同我既方法, 覺得我種壞個仔, 覺得小朋友要鬧要打先會乖..... 上一代人同我地唸法唔同, (因為我兩公婆平時返工, 四大長老會輪流揍佢), 個個都話我種到個仔咁大脾氣...
作者: TroyBB 時間: 19-7-15 14:45
回覆 小曳人 的帖子
我老公父母係好傳統個D, 覺得小朋友係要打要鬧先識乖架! 佢地覺得D小朋友應該係阿呆咁坐定定就係乖! 我老公由細到大俾人打慣鬧慣, 同埋俾人控制慣, 淨係可以讀書讀書讀書個D..... 因為我兩公婆平時返工, 四大長老會輪流揍佢, 我係主張俾小朋友自由發揮, 唔應該成日打鬧, 要同佢講道理, 但係個個都話我種到個仔咁大脾氣...
多謝你既意見!!! 會睇下蒙特梭利相關教學
作者: TroyBB 時間: 19-7-15 17:16
回覆 Iloveu520 的帖子
其實我EQ都算高, 自問都可以做到以身作則, 平時會用對老公既十倍包容同溫柔對個仔, 不過最慘係, 我地兩公婆平時返工, 四大長老會輪流揍.... 我6299係好傳統個D, 又唔識同小朋友相處, 又係老一輩思想, 覺得小朋友係要打要鬧先得
, 我老公都係慣咗佢地個套由細俾人打/鬧到大, 我父母會好D, 不過佢地無咁好耐性對住我個仔, 只係覺得佢脾氣大, 個個淨係話我種到個仔咁大脾氣..... 可能係佢地既字典入面, 唔打唔大聲鬧就叫攸種掛! 好無奈
作者: 武航 時間: 19-7-15 17:29
小兒"亞視人", 我是過來人, 但非專家, 令郎的行為與小兒當年有好多相似, 我建議你去找專家睇睇. 我當然祝願令郎係正常"無線人", 但作為一個過來人, 如果真係確診了, 令郎豈碼有張護身符, 當某年某月佢被學校投訴, 呢個確診可以起到某程度的保護, 帶來點點的同理心, "亞視人"並非頑皮, 並非不合群, 天生架, 你估我地想㗎
作者: TroyBB 時間: 19-7-15 17:35
本帖最後由 TroyBB 於 19-7-15 17:35 編輯
回覆 武航 的帖子
請問係咪應該搵兒童心理學家? 咁細個係咪都睇得架? 聽人講學校唔係咁鐘意收呢類學生, 如果真係有都唔知講唔講俾學校聽好..
咁你仔仔有無大大下好D呀?
作者: 武航 時間: 19-7-15 17:40
回覆 TroyBB 的帖子
我兒當年是幼稚園高班確診, 確診時已有小學offer, 小二時家長會告知當時班主任老師給社工.
我同意部份學校並不一定歡迎"亞視人", 請小心處理
我也不知應該幾多歲可以去測試, 不好意思
作者: TroyBB 時間: 19-7-15 17:48
回覆 武航 的帖子
唔該哂你呀!
作者: 王家爸爸 時間: 19-7-15 17:49
TroyBB 發表於 19-7-15 17:16
回覆 Iloveu520 的帖子
其實我EQ都算高, 自問都可以做到以身作則, 平時會用對老公既十倍包容同溫柔對個仔, ...
1。過度縱容，如果你既四大長老係用打打鬧鬧既方法，你小朋友點都唔會被過度縱容。
2。耳濡目染，如果四大長老被小朋友定性為脾氣壞，耳濡目染，潛移默化之一，小朋友就學咗，呢個會唔會係可能既原因？
3。自尊心強，小朋友想自己既事自己做主，但係無被接受，所以有啲挫折感，自尊心受損，呢個會唔會係可能既原因？
4。過度疲勞，如果四大長老都係直昇機，小朋友會唔會感覺學業繁重，壓力大，睡眠不足，過度疲勞？
作者: 小曳人 時間: 19-7-15 21:15
學校未必對阿氏仔反感，佢地一般比較聰明，唔搞人，所以只要唔刺激佢地，可以係隱形人
FYI，有A仔成績小二插班轉校，亦有中一考入SPCC
作者: Iloveu520 時間: 19-7-17 14:47 標題: 回覆樓主
FYI, 岩岩睇到一段野:
如果想分辨小朋友係資優還是有自閉傾向，資深臨床心理學家潘麥瑞雯博士話家長可以嘗試睇下小朋友有冇同理心，佢識唔識得將心比己。資優嘅小朋友可能對其他人嘅說話比較有興趣，會追問﹔但有自閉傾向嘅小朋友會「只有我講冇你講」，唔會對別人嘅說話有好奇心。
作者: 王家爸爸 時間: 19-7-17 18:16
Iloveu520 發表於 19-7-17 14:47
FYI, 岩岩睇到一段野:
如果想分辨小朋友係資優還是有自閉傾向，資深臨床心理學家潘麥瑞雯博士話家長可以嘗 ...
作者: cl_kaka 時間: 19-7-18 10:47
本帖最後由 cl_kaka 於 19-7-18 10:47 編輯
Iloveu520 發表於 19-7-17 14:47
FYI, 岩岩睇到一段野:
如果想分辨小朋友係資優還是有自閉傾向，資深臨床心理學家潘麥瑞雯博士話家長可以嘗 ...
我小朋友非常自我同固執，見到人跌親唔會去扶人地(因為佢覺得自已唔夠力)，呢幾年好D，但都只會係見到細過佢既小朋友跌到時會走埋去問句你有無事呀！睇電視見到D慘事情，會眼濕濕！知道人地有病會幫人祈禱！但同同學相處就唔肯就人同讓人，好固執！甘算係有同理心定無同理心？
資優嘅小朋友可能對其他人嘅說話比較有興趣，會追問 - 我仔好奇心非常強烈，好留意人地講咩，你講一句佢可以不停追問你！
但有自閉傾向嘅小朋友會「只有我講冇你講」- 同樣地，我仔有時會好沈醉係自己世界，不停講佢有興趣既野，長篇大論，講到令人覺得好煩！
所以我到而家都分唔到佢係咩，但最大機會係2樣都有！
作者: 王家爸爸 時間: 19-7-18 17:55
cl_kaka 發表於 19-7-18 10:47
我小朋友非常自我同固執，見到人跌親唔會去扶人地(因為佢覺得自已唔夠力)，呢幾年好D，但都只會係見到 ...
作者: cl_kaka 時間: 19-7-19 10:41
王家爸爸 發表於 19-7-18 17:55
會唔會係 Selective Mutism？對有興趣或者熟悉既話題，非常多口，講唔停。相反對無興趣或者唔熟既話題，有 ...
作者: 王家爸爸 時間: 19-7-19 10:44
cl_kaka 發表於 19-7-19 10:41
應該唔係，我仔無論對住咩人，咩話題佢都好多野發表！
作者: Danielhk 時間: 19-9-3 15:45
講話有無eye contact是判斷是否自閉比較簡單有效方法。
作者: Radiomama 時間: 19-9-5 13:11
最近接觸一位「亞視」女，讀傳統小學三年班，成績ok, 但性格剛烈，不妥協、不聽指令、在學校以外地方不守規矩，會帶動其他小朋友一起對抗導師。有經驗分享應如何處理嗎？
| 歡迎光臨 教育王國 (/) |
Powered by Discuz! X1.5 |