教育王國

標題: 初小用英語字典推介 [打印本頁]

作者: mikona 時間: 19-7-11 18:46 標題: 初小用英語字典推介

請問有冇初小用英語字典推介，謝謝。

作者: retriever 時間: 19-7-12 06:42

mikona 發表於 19-7-11 18:46
請問有冇初小用英語字典推介，謝謝。

幼稚園時有冇買左PICTURE DICTIONARY？

初小我哋用返正常字典，有例句果D。

作者: Elenalan 時間: 19-7-12 08:02 標題: 回覆樓主:

因為我女自己做功課睇書 (父母要返工冇人陪/教)，買2手黑白芒果種字典機俾呀女用，有發音有例写句有跟讀功能。

作者: face13 時間: 19-7-15 17:31

Elenalan 發表於 19-7-12 08:02
因為我女自己做功課睇書 (父母要返工冇人陪/教)，買2手黑白芒果種字典機俾呀女用，有發音有例写句有跟讀功 ...

黑白好難睇架字又細咁不如用手機字典我就買左小達人圖解字典唔會傷眼搵到個字筆一點埋去就讀埋中英文解釋及例句你聽 618買時都係398人仔連32g點讀筆

作者: Elenalan 時間: 19-7-15 17:39

本帖最後由 Elenalan 於 19-7-15 17:41 編輯

face13 發表於 19-7-15 17:31
黑白好難睇架字又細咁不如用手機字典我就買左小達人圖解字典唔會傷眼搵到個字筆一點埋去就讀埋中英文 ...

用字典機就係唔想佢咁細個用手機 (我認我怪獸, 我女沒有用手機習慣)。唔係成日用字典機我覺得okay的, 買黑白芒就係唔想傷眼, 用牛津高階有例句有跟讀。但我都唔主張成日查字典, 佢頂唔順先查, 如果睇上文下理估到就唔使查。

作者: face13 時間: 19-7-15 17:57

Elenalan 發表於 19-7-15 17:39
用字典機就係唔想佢咁細個用手機 (我認我怪獸, 我女沒有用手機習慣)。唔係成日用字典機我覺得okay的, 買黑 ...

為什麼會覺得自己是怪獸不用手機也是正常

作者: Elenalan 時間: 19-7-15 18:14

face13 發表於 19-7-15 17:57
為什麼會覺得自己是怪獸不用手機也是正常

因為好多小學生(其實未讀書o既BB)都已經得到父母準許玩/用手機/ipad等電子產品, 呢樣野係我想盡力推遲發生的, 我覺得小朋友太細, 容易沉迷, 就好難再好好培養閱讀興趣。

作者: face13 時間: 19-7-15 18:20

Elenalan 發表於 19-7-15 18:14
因為好多小學生(其實未讀書o既BB)都已經得到父母準許玩/用手機/ipad等電子產品, 呢樣野係我想盡力推遲發生 ...

任何事只要好好利用都可轉為幫助學習的利器比如當成獎勵動力也可以輔助學習像出來社會做事不是你改變人就你去適應人只能好好變通

作者: Elenalan 時間: 19-7-15 18:29

face13 發表於 19-7-15 18:20
任何事只要好好利用都可轉為幫助學習的利器比如當成獎勵動力也可以輔助學習像出來社會做事不是你改變 ...

到佢有需要用o既時候就會俾佢用啦, 佢得6歲, 可以用電腦做功課搵資料, 但冇需要用流動o既電子產品。不過以上都係我自己o既教育方法, 暫時都幾成功, 但未必人人適用。

作者: wongtw 時間: 19-7-15 18:29

回覆 Elenalan 的帖子

以前想法與你一樣，但進了小學發現高年級要用ipad上課，加上現今網上資訊實在太多，之後便容許小朋友用手機和上youtube，同時學會打機，亦間接導致中文一直較差。

作者: Elenalan 時間: 19-7-15 18:33

wongtw 發表於 19-7-15 18:29
回覆 Elenalan 的帖子

以前想法與你一樣，但進了小學發現高年級要用ipad上課，加上現今網上資訊實在太多， ...

我女都有用電腦做功課、自己搵資料、睇youtube卡通, 但每日唔多過一小時。通常都係weekends或長假期先用。佢好鍾意睇書(英文書), 中文都睇唔少(當然要我氹下), 亦喜歡寫作。有時會用電腦繪圖, 玩photoshop, 只係以上可以用desktop computer去做, 冇需要用流動電子產品。

作者: face13 時間: 19-7-15 18:43

wongtw 發表於 19-7-15 18:29
回覆 Elenalan 的帖子

以前想法與你一樣，但進了小學發現高年級要用ipad上課，加上現今網上資訊實在太多， ...

非常同意就好似性教育一樣道理我們不能避而不談這只是令孩子晚一點沉迷若比佢早點認識電子產品不要令他心存好奇和花心想念因得不到是會反而令人想念奇待的反而好好利用及加已約束令他學習自我約束的機會

作者: wongtw 時間: 19-7-15 18:45

回覆 Elenalan 的帖子

我就更加開放，只限制不合小朋友的網站，你可以在網上任何角落遊走，現在多數用作打機，交流和看youtube。忘了回樓主，阿仔有不明白都是自己google找答案。

作者: retriever 時間: 19-7-16 09:51

Elenalan 發表於 19-7-15 17:39
用字典機就係唔想佢咁細個用手機 (我認我怪獸, 我女沒有用手機習慣)。唔係成日用字典機我覺得okay的, 買黑 ...

既然擔心用手機, 點解唔直接用傳統字典?

作者: Elenalan 時間: 19-7-16 10:12

retriever 發表於 19-7-16 09:51
既然擔心用手機, 點解唔直接用傳統字典?

因為揭厚字典慢(對6歲小朋友黎講，揭10分鐘都未必搵到個字，但佢已心急想繼續睇書了)，另外就係冇發聲(不過我今個暑假會教佢phonetics, 佢想學睇音標)。

留意，我女係冇人陪讀，以上係佢自己完成 (父母要上班，家中只有helper和老人家)，咁我緊係要提供一d方法方便我女學習。

如果有家長/補習老師陪讀，當然可以陪個6歲小朋友慢慢查傳統字典啦，仲可教埋佢點讀。

按需要用自己嘅方法吧，查字典不是學習重點，只係一種工具。我重點係令孩子盡量無障礙閱讀。

作者: retriever 時間: 19-7-16 10:37

Elenalan 發表於 19-7-16 10:12
因為揭厚字典慢(對6歲小朋友黎講，揭10分鐘都未必搵到個字，但佢已心急想繼續睇書了)，另外就係冇發聲(不 ...

哈哈, 你對...

英文字意思好易估, 前文後理, 如保持無障礙閱讀, 根本唔駛查字典.

不過, 中文查字典係學習重點, 對認字有大幫助!

作者: Elenalan 時間: 19-7-16 10:48

retriever 發表於 19-7-16 10:37
哈哈, 你對...

英文字意思好易估, 前文後理, 如保持無障礙閱讀, 根本唔駛查字典.

呀女小一上學期話睇大偵探福爾摩斯未睇得明(我估係內容仲有都有唔少深字), 到下學期已可以完全睇得明集集追, 我覺得小朋友學認中文字, 都係一樣可以靠多睇、再用前文後理估番個字吧。佢未識查中文字典, 偶爾會問我中文字, 但好少問。可能佢都睇好多漫畫, 睇漫畫有連環圖, 更容易估字和學認字。

作者: retriever 時間: 19-7-16 11:07

Elenalan 發表於 19-7-16 10:48
呀女小一上學期話睇大偵探福爾摩斯未睇得明(我估係內容仲有都有唔少深字), 到下學期已可以完全睇得明集集 ...

因為繁體字按字結構，多查字典係認字會多左，唔止詞意，係記得個字點寫（折字），而且可以擴展。

作者: MrBeast 時間: 19-7-16 11:19

google

作者: Elenalan 時間: 19-7-16 11:20

本帖最後由 Elenalan 於 19-7-16 11:26 編輯

retriever 發表於 19-7-16 11:07
因為繁體字按字結構，多查字典係認字會多左，唔止詞意，係記得個字點寫（折字），而且可以擴展。
...

拆字就等學校慢慢教喇,
呀女學校中文科教學好完善, 中文字形部件筆順及查字典學校都會循序漸進咁教。整個小一課程,只計部件筆順o既教材就已經有幾十冊, 全部考試範圍, 老師又會教哂字形字義來源,我女仲熟過我。所以, 基本上語文上o既學習, 我完全信靠學校教學。

我只係幫手輔助佢課外閱讀支援。

作者: mikona 時間: 19-7-20 16:56 標題: 回覆樓主:

多謝各位嘅意見。
有時我會陪佢用電話查，但都想有本字典在家，亦覺得佢兩樣都要識同習慣。

作者: notcool 時間: 19-7-23 19:30

起初買了學生版詞典,試過幾次都找不到要找生字,然後買了厚一點的版本.

閱讀時,很多時候都不會查字典,都係估下估下。但有時做功課時,就會查下字典.

查字典的好處就是慢,你一頁一頁找嘅時候,可能會看其他字.

要快的時候,很多時候google查字

歡迎光臨教育王國 (/)