教育王國

標題: 懷疑阿囡係資優 [打印本頁]

作者: chu25 時間: 19-7-5 01:03 標題: 懷疑阿囡係資優

本帖最後由 chu25 於 19-7-5 01:12 編輯

作者: 小曳人 時間: 19-7-5 06:36

本帖最後由小曳人於 19-7-5 06:39 編輯

我覺得就咁睇，睇唔到

只可以話佢有創意，貪玩
一般資優學習能力高，記性好，想法與別不同，好奇

作者: 王家爸爸 時間: 19-7-5 17:04

chu25 發表於 19-7-5 01:03

幾歲？
畫得唔錯，起碼小肌肉控制得好好。

作者: chu25 時間: 19-7-5 17:34

回覆王家爸爸的帖子

下個月六歲

作者: gracelam 時間: 19-7-6 16:44

chu25 發表於 19-7-5 17:34
回覆王家爸爸的帖子

下個月六歲

老實講如果6歲我又唔覺得係。

仲有冇其他特徵? 如超强記憶, 自學能力等

作者: chu25 時間: 19-7-6 20:07

回覆 gracelam 的帖子

呢份功課係去年11月份做，當時都係5歲半都未夠

作者: totorogo2009 時間: 19-7-6 21:35

香港地，個個都想自己小朋友係資優

講真
6歲寫字寫成咁，你擔心佢係讀寫障礙可能仲大

作者: conniewktang 時間: 19-7-7 01:22

totorogo2009 發表於 19-7-6 21:35
香港地，個個都想自己小朋友係資優

講真

我也看不出。資優其實有咩好，而且有些仲有情緒問題添，平凡些仲好！

作者: totorogo2009 時間: 19-7-7 07:19

conniewktang 發表於 19-7-7 01:22
我也看不出。資優其實有咩好，而且有些仲有情緒問題添，平凡些仲好！

好多人既小朋友都只係....普通人你唔識統計學都知天才都真係好少

所以我間唔中經過呢度見到人問資優
又或者係唔係都去做IQ test...
都覺得好攪笑

我都識人都IQ test...做到有130...話佢阿仔係資優
點知過幾年...佢話阿仔係學校考中文同數學可以有多啲時間......
我開頭唔明點解資優仲可以考試多啲時間
原來因為佢阿仔做完測試後.....證實係讀寫障礙....

我諗如果小朋友真係資優.....你唔使係EK問都會知

作者: conniewktang 時間: 19-7-7 08:09

totorogo2009 發表於 19-7-7 07:19
好多人既小朋友都只係....普通人你唔識統計學都知天才都真係好少

所以我間唔中經過呢度見到人問資優

本帖最後由 conniewktang 於 19-7-7 09:06 編輯

我識個IQ Test 有160幾，女仔，好叻，但自己比自己壓力大到瞓唔到，返唔到學，中四已休學一年，重讀中四考級前，到中五，情緒問題又嚟了，都唔知點算，佢亞媽照顧佢壓力大到暈，這2-3年老了好多！
Even有些IQ test只有130幾的細路，可以沒有其他問題也有情緒問題。上帝好公平，個腦不同，IQ高就其他低返，例如EQ，做亞媽一樣壓力好大壓力，人都顛！資優，有咩好呢，知憂就真！
想知係咪資優，比幾千元去協康丶中文做下IQ test咪知囉，但從上圖，一啲都唔似。IQ高少少，even 只130幾以上，細細個，2歲多少少已可背曬全班N班的人名，可以背曬講得出所有識嘅人的電話號碼，過人的語言能力（12月早產超細男B，9個月大開始講單字），反應快，邏輯思維比同齡好！2歲班老師已話佢好聰明，結果6歲幾（因有情緒），IQ test證實為資優，分數已不高，但2-3歲已看得出。

作者: 小曳人 時間: 19-7-7 08:14

本帖最後由小曳人於 19-7-7 08:17 編輯

totorogo2009 發表於 19-7-7 07:19
好多人既小朋友都只係....普通人你唔識統計學都知天才都真係好少

所以我間唔中經過呢度見到人問資優

資優禮物包當中，無講過係天才，資優只係學習能力高、轉數較快嘅一群 (~3%)
呢個世界邊有咁多天才？就算我仔係 top 0.1%，我都唔覺得佢係天才，佢所付出嘅努力時間，絕對比一般人多

至於讀寫障礙，其實同資優無關 (independent)，資優的確可以係SEN，你試諗下：個腦轉得快，但手眼讀寫唔協調，係咩感覺？小朋友好辛苦呀！而且，資優亦唔一定係積優，可以無學習動機，亦可以興趣或專長同學術無關

我好怕d人對資優有誤解，包括成績好、學得快、記性好，但無情緒問題，所以唔係資優！最好笑係數學比賽有大獎都話唔係資優！
其實每個孩子都唔同，專長能力都各有分別，可能有d特質一樣，但有d特質又會唔同

作者: conniewktang 時間: 19-7-7 08:28

小曳人發表於 19-7-7 08:14
資優禮物包當中，無講過係天才，資優只係學習能力高、轉數較快嘅一群 (~3%)
呢個世界邊有咁多天才？就算我 ...

本帖最後由 conniewktang 於 19-7-7 09:09 編輯

非常同意！
識人是資優但同時又是讀障⋯
識人是資優，一樣要努力，才成績好...
又識人是資優，但字好醜因腦轉得快但手肌發展又慢又不靈活，非常痛苦，而且讀有要求的學校，考試快寫而字又要靚，因此手肌好痛好痛...
識人是資優，有過人的記憶力，但不喜歡讀書，資優而非績優...
（其實績優，只需above average 的IQ加努力已有機會做到，不用資優的IQ)
如果有得選擇，我識的媽媽，都寧可選擇平凡的孩子，只要他健康快樂地成長已經夠！若果家中有資優兒，在教養同栽培上反而更要付出雙倍努力，好多做媽媽的都身心俱疲！大家加油！

作者: miffyian 時間: 19-7-7 09:06

資優唔係一個光環，係一個金鋼圈，好嘅時候咪開心，唔好嘅時候就頭痛死。

作者: conniewktang 時間: 19-7-7 09:10

miffyian 發表於 19-7-7 09:06
資優唔係一個光環，係一個金鋼圈，好嘅時候咪開心，唔好嘅時候就頭痛死。 ...

本帖最後由 conniewktang 於 19-7-7 09:33 編輯

仲要冇咩人明白！

作者: annie133 時間: 19-7-7 18:03

conniewktang 發表於 19-7-7 08:28
本帖最後由 conniewktang 於 19-7-7 09:09 編輯

非常同意！

你說得對，認識有個朋友兒子，自少品學兼優，社交性格都很好，音樂運動十項全能，小學插入神校繼續考頭五，中英普流利，參加CTY課程又拿high score award, 我問他媽媽孩子是資優的嗎？她説初小時學校有gift program 所以check 過，還差幾分不算是，她也繼續當他普通人。
我心想，真係夠晒用了！
題外話，許多不是資優也一樣會很多情緒問題，大家加油！

作者: conniewktang 時間: 19-7-7 19:24

annie133 發表於 19-7-7 18:03
你說得對，認識有個朋友兒子，自少品學兼優，社交性格都很好，音樂運動十項全能，小學插入神校繼續考頭五 ...

本帖最後由 conniewktang 於 19-7-7 23:52 編輯

香港地，細路好多壓力！有個男仔讀幼稚園升小學已有情绪問題，因為父母催谷同不停去考小一面試，最後個仔入男拔小，其父是醫生，有要求。

作者: annie133 時間: 19-7-7 23:44

conniewktang 發表於 19-7-7 19:24
本帖最後由 conniewktang 於 19-7-7 19:24 編輯

香港地，細路好多壓力！有個男仔讀幼稚園升少已有情绪 ...

成日覺得，幼稚園已經要催谷先考得入一間學校，可能間學校間本不適合你，勉強冇幸福

作者: conniewktang 時間: 19-7-7 23:50

annie133 發表於 19-7-7 23:44
成日覺得，幼稚園已經要催谷先考得入一間學校，可能間學校間本不適合你，勉強冇幸福
...

本帖最後由 conniewktang 於 19-7-7 23:51 編輯

Agree
好多細B仲留一年班入名小P1, 所以名校不少超大B呢！

作者: totorogo2009 時間: 19-7-8 11:26

其實小朋友最易教係麥明師呢類
資優(天才?)例子我會話係Steve jobs, James Cameron, Thomas Edison
天才但情緒/脾氣差

作者: pamelaywy 時間: 19-7-8 13:14

本帖最後由 pamelaywy 於 19-7-8 13:16 編輯

我本身讀大學時讀心理學，主攻教育心理學，有讀過資優相關課程
我一向不太buy IQ test, 因為我一直相信人嘅智能係一個changeable continuum, 而唔係一個clear cutoff. 140係咪比130叻？咁141又如何？
大學讀gifted edu 有讀過Renzulli’s Three Rings Model, 對我好大提醒
一個小朋友gifted 與否，不只是純數字顯示的智能，而包括commitment 同creativity
我細仔一直比人話資優，甚至係高度資優，但我真係唔覺，佢只係學習好輕鬆、理解力強，名列前茅、有好多數學大獎，但係佢個人無創意，做事亦無乜火，完全見唔到commitment
相對我大仔，雖然佢唔似一般理解嘅資優，我估計佢IQ test 唔方高分，但佢做事好有「火」好投入，亦好有創意，人人都有眼見嗰種，佢更似Renzulli 所描述嘅資優
從兩個仔身上，我更明白到，有獎有高score 又如何？
人人都有自己發光點，小朋友資唔資優根本唔重要
又是一句：本來無一物，何處惹塵埃

作者: annie133 時間: 19-7-9 05:29

totorogo2009 發表於 19-7-8 11:26
其實小朋友最易教係麥明師呢類
資優(天才?)例子我會話係Steve jobs, James Cameron, Thomas Edison
天才但 ...

本帖最後由 annie133 於 19-9-1 12:07 編輯

D)))

作者: annie133 時間: 19-7-9 06:07

pamelaywy 發表於 19-7-8 13:14
我本身讀大學時讀心理學，主攻教育心理學，有讀過資優相關課程
我一向不太buy IQ test, 因為我一直相信人嘅 ...

本帖最後由 annie133 於 19-9-1 12:06 編輯

D)))

作者: 小曳人 時間: 19-7-9 14:06

本帖最後由小曳人於 19-7-9 14:10 編輯

就算做資優教育嗰班，都會話個評估有bias，因為只睇到數理強，以及部份語文強嘅人，但其實如果某方面有天份加passion，都可以話係gifted，當中包括leadership

問題係，無passion，無資優負面特質，係咪就唔係資優?? 咁就好睇你想用咩definition，一般而言，IQ score >130 ~或~ 某方面有天份+passion ，都係資優我個人較鍾意CTY 用嘅評估方式，以高兩年嘅SCAT卷，同大兩年嘅group比較，高過某個cut-off (英文能力係6x percentile) 就已經係能力高於一般，可參與佢地嘅課程

資優只係 "你可能做某d野叻d，學野快上手d"，一樣要付出，一樣會遇到難題所以，HKAGE 收學員，唔係睇IQ score

作者: annie133 時間: 19-7-10 07:35

小曳人發表於 19-7-9 14:06
就算做資優教育嗰班，都會話個評估有bias，因為只睇到數理強，以及部份語文強嘅人，但其實如果某方面有天份 ...

本帖最後由 annie133 於 19-9-1 12:06 編輯

D)))

作者: 王家爸爸 時間: 19-7-10 16:25

totorogo2009 發表於 19-7-6 21:35
香港地，個個都想自己小朋友係資優

講真

可以話有道理，家長需要留意觀察小朋友既發展，但係我覺得現階段未需要擔心住。

作者: 王家爸爸 時間: 19-7-10 16:26

conniewktang 發表於 19-7-7 01:22
我也看不出。資優其實有咩好，而且有些仲有情緒問題添，平凡些仲好！

同我諗法相同，我從來唔叫自己小朋友去做測試。

作者: 王家爸爸 時間: 19-7-10 16:55

annie133 發表於 19-7-9 05:29
本帖最後由 annie133 於 19-7-9 16:24 編輯

其實好似好多天才，都私人生活和人際都坎坷，甚至 ...

其實真正既天才，又唔會係私人生活和人際有問題，在世最天才既人應該係 Stephen Wolfram，讀過工程、數學、科學既人都受益於佢既廿幾歲時開發既 Mathematica，佢同佢個數學家老婆都唔知道幾好，仲生咗四個小朋友。第二個在世最天才既就係 Linus Benedict Torvalds，佢讀大學時寫既 Linux 核心系統，你屋企唔少設備都應該用緊佢既系統，你呢個 post 都係因為佢而出到街，佢同佢個空手道冠軍老婆都好好，仲生咗三個小朋友。

坎坷、情緒病，只係：
1，後人穿鑿付會。
2，將個別例子誇張，放大。
3，制度下，將勤力既笨蛋，當係天才。
4，假天才當真天才，所以壓力大，最後出事。

作者: kuruma617 時間: 19-7-10 21:35 標題: 回覆樓主:

還是好好栽培小朋友吧