教育王國

標題: FTM睇住都退步,求意見 [打印本頁]

作者: 肥豬豆豆    時間: 19-6-19 09:39     標題: FTM睇住都退步,求意見

我個女小二,兒童精神科評估佢唔係ADHD, 但專注力比平常小朋友差。亦評估到佢智商較高,未到資優, 但學校課程應該會應付到綽綽有餘。

但下學期,英數都大退步,主要係今年佢英數上堂唔專心,加上做功課好拖拉, 每日冇溫書時間, 亦冇備課,考試溫書完全入唔到腦。

另外因為太拖拉, 連玩嘅時間都冇,越嚟越唔用腦,而家連思考都慢。

我睇住佢所有嘢都退步晒(中文除外),覺得自己好失敗,做FTM都教得唔好。

今個暑假已set 時間表,在家惡補, 大家可否俾啲意見仲有乜嘢可以做

作者: jli008    時間: 19-6-19 10:02

提示: 作者被禁止或刪除 內容自動屏蔽
作者: 肥豬豆豆    時間: 19-6-19 10:10

jli008 發表於 19-6-19 10:02
回覆 肥豬豆豆 的帖子

既然都測過智商高,專注力差一點,正常都不是什麼太大問題.

本帖最後由 肥豬豆豆 於 19-6-19 10:12 編輯

佢只係做校內功課,沒有加其他學習,放學已先俾佢睇半小時電視輕鬆下,做完功課已到晚餐時間,佢連食飯都慢,限時都冇用。

佢學校生活係開心,座唔定唔專心老師都唔鬧,用溫和嘅方法提佢。

佢唔鍾意英數就唔專心唔想做功課,唉,我諗唔到點令佢鍾意

佢有話因為上堂唔明,所以唔專心,我先諗住暑假惡補,加埋要備小三嘅部份課程打下底

作者: sunnymama2    時間: 19-6-19 10:12

本帖最後由 sunnymama2 於 19-6-19 10:14 編輯

我小朋友性格和你小朋友好相似。

我小朋友一年級,我公司都有好多媽媽,每逢考試都會請假陪小朋友温書。我就冇請假,同事都覺得奇怪點解我唔駛請假陪太子温書。我同佢地講,我年假好寶貴,我唔想浪費我的年假去咆哮(因為我小朋友依賴性好強,要講好耐先郁郁)。

考試早放,我會同佢講媽媽放工前,你要温乜乜乜。阿仔驚我番黎咆哮,所以都會(hea住)咁睇吓温習範圍,雖然hea 温,但至少都做到基本要求。
如果小孩子依賴性強,又有拖延症,我覺得揾方法訓練佢自律,好過補乜補物。

作者: 肥豬豆豆    時間: 19-6-19 10:16

sunnymama2 發表於 19-6-19 10:12
我小朋友性格和你小朋友好相似。

我小朋友一年級,我公司都有好多媽媽,每逢考試都會請假陪小朋友温書。我 ...

我之前返工都係咁處理,當時小一,成績都OK,轉做FTM後佢都有進步,點知今年就... 唉

我有咆哮,已起唔到作用,下年再係咁,我返工同送佢去功課班,可能分開下等佢冇得依賴我

作者: sunnymama2    時間: 19-6-19 10:27

肥豬豆豆 發表於 19-6-19 10:16
我之前返工都係咁處理,當時小一,成績都OK,轉做FTM後佢都有進步,點知今年就... 唉

我有咆哮,已起唔到 ...
肥豬媽,我明,我真係明!
我小朋友功課唔多,冇外補啦,又俾佢睇電視,但食飯又慢,搞到日日都好似唔夠時間用。最根底問題,係唔識時間管理!

上堂唔專心,我仔都係呀。佢係成日玩到好夜先瞓,所以日日唔夠精神。

你小朋友係唔係因為都瞓得少?

作者: 肥豬豆豆    時間: 19-6-19 10:38

sunnymama2 發表於 19-6-19 10:27
肥豬媽,我明,我真係明!
我小朋友功課唔多,冇外補啦,又俾佢睇電視,但食飯又慢,搞到日日都好似唔夠時間 ...

佢大約十點半前瞓著。

每一日都唔夠時間用, 成日話佢做埋啲無謂嘢嘥時間, 軟硬功都出過,佢唔理解亦唔入腦。

作者: retriever    時間: 19-6-19 10:54

肥豬豆豆 發表於 19-6-19 09:39
我個女小二,兒童精神科評估佢唔係ADHD, 但專注力比平常小朋友差。亦評估到佢智商較高,未到資優, 但學校 ...

做FTM 未必要跟足功課既,做門神都OK 架。

跟太足有時讓細路太依賴,唔踢唔做!

作者: pekovian    時間: 19-6-19 10:57

有無做過專注力訓練?
如果無,趁暑假去上堂,你陪埋阿女上堂,學專業人士方法,回家繼續做訓練,同佢共同set time table,要train佢專注力同唔好拖拉。

作者: Jane1983    時間: 19-6-19 10:59     標題: 回覆樓主:

同你女講吓道理,讀書最緊要心到。心唔到,亞媽點跟,點補亦事倍功半。

作者: cl919    時間: 19-6-19 10:59

我覺得趁暑假可以係屋企做啲訓練專注力嘅活動,好似玩拼豆呢類,我諗好多女仔都會鍾意。

作者: pekovian    時間: 19-6-19 11:00

你女資質好,搞掂專注力問題,管理好時間,成績好易追番,所以重點唔係惡補成績。

作者: 肥豬豆豆    時間: 19-6-19 11:00

pekovian 發表於 19-6-19 10:57
有無做過專注力訓練?
如果無,趁暑假去上堂,你陪埋阿女上堂,學專業人士方法,回家繼續做訓練,同佢共同s ...

冇做過,其實佢係有需要,都搵緊相關課程,但唔知邊個機構好啲

作者: 肥豬豆豆    時間: 19-6-19 11:02

Jane1983 發表於 19-6-19 10:59
同你女講吓道理,讀書最緊要心到。心唔到,亞媽點跟,點補亦事倍功半。
...

道理成日講,講時話明,之後又冇咗件事。

作者: pekovian    時間: 19-6-19 11:06

肥豬豆豆 發表於 19-6-19 11:00
冇做過,其實佢係有需要,都搵緊相關課程,但唔知邊個機構好啲

你可以問下學校社工/EP睇下有無介紹,或者EK search下,揀親子班。你最大優勢係可以跟埋上堂,學完返屋企做。

作者: 肥豬豆豆    時間: 19-6-19 11:08

retriever 發表於 19-6-19 10:54
做FTM 未必要跟足功課既,做門神都OK 架。

跟太足有時讓細路太依賴,唔踢唔做!

係,我都覺佢越來越依賴,已每次提佢先嘗試自己處理,下一次又係搵咗我求救先,總之就係唔用腦,我而家態度好堅決,希望慢慢迫佢用返自己個腦先。

作者: Happy_Charles    時間: 19-6-19 11:12

本帖最後由 Happy_Charles 於 19-6-19 11:17 編輯

回覆 肥豬豆豆 的帖子

其實無用架,功課班佢都唔會快,因為佢本身聰明,佢會搵方法去拖。

最重要係,佢如果要玩,反而係玩夠先做功課,試下俾佢欠交,佢知道有後果先會幫到。

同佢溝通好些,要了解佢想點,明顯地,你出一招黎佢一招擋,你想同佢溫習,但佢唔想加班。老師又覺得佢唔同,溫和提醒,有時佢更唔覺自己有問題。




作者: little_yolky    時間: 19-6-19 11:26

jli008 發表於 19-6-19 10:02
回覆 肥豬豆豆 的帖子

既然都測過智商高,專注力差一點,正常都不是什麼太大問題.

拿,今次個意見就好喇,有益有建設性,撐你

作者: jli008    時間: 19-6-19 11:29

提示: 作者被禁止或刪除 內容自動屏蔽
作者: little_yolky    時間: 19-6-19 11:31

肥豬豆豆 發表於 19-6-19 10:38
佢大約十點半前瞓著。

每一日都唔夠時間用, 成日話佢做埋啲無謂嘢嘥時間, 軟硬功都出過,佢唔理解亦唔 ...

佢幾點起身?我阿大好易瞓著,P2時8:30上床,6:00起身。唔夠瞓小朋友係難集中。

作者: sunnymama2    時間: 19-6-19 11:52

本帖最後由 sunnymama2 於 19-6-19 11:54 編輯
jli008 發表於 19-6-19 11:29
回覆 肥豬豆豆 的帖子

提吾起英數的興趣吧. 小小依賴總會有,男孩子的SUNNY媽媽用HEA的方法可以解決到,女孩 ...

唔係真係hea 就解決到,其實係想循序漸進。如果佢肯“自動”温,我覺得係好的開始。
今次考試,我同佢講我番黎之前要睇吓聽日考試的野。我放工番黎,佢真係有睇,但問多幾句就知佢係hea 住睇。我諗住再深入同佢温,阿仔就抗議,話原來媽媽番黎都要温書,早知下午唔温啦。我當刻係諗,又係喎,佢有口齒,我應該放過佢以作“獎勵”。所以夜間就1同佢玩捉棋又睇電視。

分數喺小一唔重要(假設基礎冇問題),最重要係建立良好的温書習慣。佢小一係hea d, 同埋唔識温書技巧,但我會從旁引導,令佢明的點樣温得更有質素,佢只係初小,都算有好多時間等佢自己模索。

作者: jli008    時間: 19-6-19 12:02

提示: 作者被禁止或刪除 內容自動屏蔽
作者: 肥豬豆豆    時間: 19-6-19 12:29

Happy_Charles 發表於 19-6-19 11:12
回覆 肥豬豆豆 的帖子

其實無用架,功課班佢都唔會快,因為佢本身聰明,佢會搵方法去拖。

你講得好啱,佢係搵方法拖,見招拆招,我試過限時做唔晒功課就欠交,佢冇感覺,咪第日補交,一啲都唔驚。

佢自己有提出過玩咗先,但冇用,玩完做功課話眼瞓。

我拆招拆到心好累,而家係佢乜籍口都唔理佢,但佢又依然固我。

作者: YolandaTam    時間: 19-6-19 12:37     標題: 回覆樓主:

你估你由得佢,老師會唔會成日揾你呢?或者就由得佢拖甚至欠交吖,等佢明白讀書係佢責任。

作者: 肥豬豆豆    時間: 19-6-19 12:38

jli008 發表於 19-6-19 11:29
回覆 肥豬豆豆 的帖子

提吾起英數的興趣吧. 小小依賴總會有,男孩子的SUNNY媽媽用HEA的方法可以解決到,女孩 ...

佢有唔明一定會問我,例如數學,我引導佢去思考,結果係佢越來越依賴我,毫無解難能力,唔理佢呢,就坐喺度發呆。叫佢唔明要問,佢唔問,因為太多唔明。

上學期考試後因溫得熟,之後上堂佢話明白咗,但好快,佢將之前溫嘅學嘅忘記晒,又返去之前個 mode.

佢七點半起身,佢幾早上床瞓都好,都要十點至十點半先瞓著。

作者: sunnymama2    時間: 19-6-19 12:39

本帖最後由 sunnymama2 於 19-6-19 12:45 編輯
肥豬豆豆 發表於 19-6-19 12:29
你講得好啱,佢係搵方法拖,見招拆招,我試過限時做唔晒功課就欠交,佢冇感覺,咪第日補交,一啲都唔驚。
...

你個女驚唔驚老師鬧?
你個女比老師讚開唔開心?

我阿仔做野求其,上堂發夢,我會要求老師如果阿仔上堂係發夢,,功課做得差,麻煩佢幫我鬧得"甘"d。

好彩我仔仲驚老師,有時做得好都會比老師讚,所以呢招有用。

作者: assado    時間: 19-6-19 12:44

肥豬豆豆 發表於 19-6-19 09:39
我個女小二,兒童精神科評估佢唔係ADHD, 但專注力比平常小朋友差。亦評估到佢智商較高,未到資優, 但學校 ...

讀津小, 私/直小 ?

作者: hkmm888    時間: 19-6-19 14:59     標題: 回覆樓主:

本帖最後由 hkmm888 於 19-6-19 15:05 編輯

我個小朋友都係一樣,仲衰既就係佢啲態度,最近試行一種方法,如佢吾合作就叫佢係門口罰企,解釋比佢聽,做功課讀書係佢既責任,如吾合作就即係冇事負責,直接罰企,等佢自己揀要罰還是合作,如合作就會讚賞小獎勵,吾合作就由佢欠交功課,每日6點前要完成所有功課,做吾曬就欠交。
另外,有冇出動爸爸? 我果個暫時仲驚佢爸爸。
ps. 我自認變態。

作者: jli008    時間: 19-6-19 15:01

提示: 作者被禁止或刪除 內容自動屏蔽
作者: hkmm888    時間: 19-6-19 15:20     標題: 回覆樓主:

數學方面,可以試下同佢一齊計算,比佢贏下,等佢覺得做功課溫習冇甘悶,同埋有成功感。
另外,相信佢記性都吾差,叫佢做老師教你,每日學校教過既野,佢就可以當溫習。

作者: 肥豬豆豆    時間: 19-6-19 16:24

YolandaTam 發表於 19-6-19 12:37
你估你由得佢,老師會唔會成日揾你呢?或者就由得佢拖甚至欠交吖,等佢明白讀書係佢責任。
...

佢明欠交係唔啱,但係“唔想做"呢個念頭蓋過晒所有嘢

作者: 肥豬豆豆    時間: 19-6-19 16:25

assado 發表於 19-6-19 12:44
讀津小, 私/直小 ?

津小,因為佢專注力問題搵間唔谷嘅二線學校

作者: 肥豬豆豆    時間: 19-6-19 16:27

sunnymama2 發表於 19-6-19 12:39
你個女驚唔驚老師鬧?
你個女比老師讚開唔開心?

小學老師冇鬧過,不過我估佢唔驚,以前幼稚園已唔聽老師話

作者: 肥豬豆豆    時間: 19-6-19 16:34

hkmm888 發表於 19-6-19 14:59
我個小朋友都係一樣,仲衰既就係佢啲態度,最近試行一種方法,如佢吾合作就叫佢係門口罰企,解釋比佢聽,做 ...

爸爸時常出動,佢驚我哋鬧,好慘咁認錯,但佢好似控制唔到咁一做英文數學就冇晒專注力。

最慘佢中文常識可以自己專心溫兩個鐘都冇問題

作者: 肥豬豆豆    時間: 19-6-19 16:36

hkmm888 發表於 19-6-19 15:20
數學方面,可以試下同佢一齊計算,比佢贏下,等佢覺得做功課溫習冇甘悶,同埋有成功感。
另外,相信佢記性 ...

呢個方法好好,我會試下

佢嘅記性同專注力一樣,係選擇性,英數點溫都係記唔耐

作者: jli008    時間: 19-6-19 16:40

提示: 作者被禁止或刪除 內容自動屏蔽
作者: 肥豬豆豆    時間: 19-6-19 16:41

jli008 發表於 19-6-19 15:01
回覆 肥豬豆豆 的帖子

孩子做得好時候,你有什麼反應?

會清楚讚佢邊度做得好

作者: 肥豬豆豆    時間: 19-6-19 16:44

jli008 發表於 19-6-19 16:40
回覆 肥豬豆豆 的帖子

有時候我們大人同孩子玩,適量的輸贏給孩子都做一下,也要令孩子覺得學到的東西原來家 ...

都啱,學習時提升佢嘅自信,呢樣我係冇做嘅,同大家傾完,我諗我嘅問題係要陪伴佢一齊用有趣嘅方應付英數,再喺適當嘅時間放手。

作者: hkmm888    時間: 19-6-19 17:44

肥豬豆豆 發表於 19-6-19 16:34
爸爸時常出動,佢驚我哋鬧,好慘咁認錯,但佢好似控制唔到咁一做英文數學就冇晒專注力。

最慘佢中文常識 ...

而度有人講過,IQ高既小朋友,數理應該係比較好,但語境仍需要培養浸淫,可能你要係英語 語境方面諗諗。

作者: assado    時間: 19-6-20 05:04     標題: 回覆樓主:

本帖最後由 assado 於 19-6-20 10:41 編輯

要有興趣學習, 才會成績好。
P2 課程不難, 不用太擔心, 暑假都可以放鬆啲。

作者: assado    時間: 19-6-20 10:43

hkmm888 發表於 19-6-19 17:44
而度有人講過,IQ高既小朋友,數理應該係比較好,但語境仍需要培養浸淫,可能你要係英語 語境方面諗諗。
...

同意, 英文一定要打好基礎。

作者: sunnymama2    時間: 19-6-20 11:22

本帖最後由 sunnymama2 於 19-6-20 11:34 編輯
assado 發表於 19-6-20 10:43
同意, 英文一定要打好基礎。

同意英文要打好過底。

作者: retriever    時間: 19-6-21 14:24

肥豬豆豆 發表於 19-6-19 16:25
津小,因為佢專注力問題搵間唔谷嘅二線學校

二線可能更谷。

留意,學校唔係為你細路訂造,係為大圍。佢二線更加想向上爬。

想輕鬆D可以考慮下某些直資。

作者: Yanamami    時間: 19-6-21 15:16

事沿自專注力,係咪越早解決呢个问題,其他接住就自然会解決到?btw, 我两个女-个呆d-个醒d, 都無每日温書備課之类,係考試前两个周末开工咋。
作者: 子恩    時間: 19-6-21 18:00

肥豬豆豆 發表於 19-6-19 10:16
我之前返工都係咁處理,當時小一,成績都OK,轉做FTM後佢都有進步,點知今年就... 唉

我有咆哮,已起唔到 ...

送去功課班/ 補一補個底
再加自己回來再跟
會好一點

作者: jli008    時間: 19-6-22 10:35

提示: 作者被禁止或刪除 內容自動屏蔽
作者: assado    時間: 19-6-22 11:21     標題: 回覆樓主:

有時間玩, 對小朋友都同樣重要。

作者: hkmm888    時間: 19-6-22 13:57     標題: 回覆樓主:

我估就算去功課班,啲老師好大機會頂吾住而類小朋友,跟住會比答案佢抄,應可以達到完成功課既目標,但成績應該吾會有進步,除非遇上了一位非常好既老師。

作者: jli008    時間: 19-6-22 15:09

提示: 作者被禁止或刪除 內容自動屏蔽
作者: mandymandy802    時間: 19-6-22 18:58

pekovian 發表於 19-6-19 10:57
有無做過專注力訓練?
如果無,趁暑假去上堂,你陪埋阿女上堂,學專業人士方法,回家繼續做訓練,同佢共同s ...

邊度有得做專注力訓練?

作者: assado    時間: 19-6-22 18:59     標題: 回覆樓主:

FTM 有時間, 但都要識得教。

作者: pekovian    時間: 19-6-22 19:09

mandymandy802 發表於 19-6-22 18:58
邊度有得做專注力訓練?

好多地方有,你上網search就有,但最好搵間朋友學過既,先知好唔好
有需要搵學校睇下有有介紹

作者: jli008    時間: 19-6-24 10:02

提示: 作者被禁止或刪除 內容自動屏蔽
作者: jli008    時間: 19-6-24 10:16

提示: 作者被禁止或刪除 內容自動屏蔽
作者: 肥豬豆豆    時間: 19-6-24 11:42     標題: 回覆樓主:

謝謝大家的建議,我決定這個暑假 一半時間玩一時間學習, 玩樂會集中玩一啲專注力同關於STEM嘅嘢, 都會預留時間畀佢玩佢自己鍾意嘅嘢。

做得ftm都係想佢好, 我承認我唔算識教, 唯有邊做邊學

作者: 肥豬豆豆    時間: 19-6-24 11:43

jli008 發表於 19-6-24 10:16
回覆 肥豬豆豆 的帖子

這個叫

這個方法很好哦,可以隨時隨地玩。

我想問做嘅所有動作都係關於開同關嗎? 還是需要混合一些無關係的動作?

作者: 肥豬豆豆    時間: 19-6-24 11:49

jli008 發表於 19-6-22 15:09
快樂學習不是因學校不多功課做成的,孩子沒那個心就什樣都不會容易好,學習也是一樣,聽講讀寫這四個步驟,也是 ...

我諗我之前用錯一個方法,就係急於訓練佢自立,成日迫佢去自己完成一啲事情,唔肯陪佢做, 漸漸佢就失去咗動力同興趣,結果連個成績都差埋。

我諗我需要陪佢一齊做多啲

作者: jli008    時間: 19-6-24 12:05

提示: 作者被禁止或刪除 內容自動屏蔽
作者: jli008    時間: 19-6-24 12:27

提示: 作者被禁止或刪除 內容自動屏蔽
作者: hkmm888    時間: 19-6-24 21:27

jli008 發表於 19-6-24 12:27
回覆 肥豬豆豆 的帖子

FTM好處就是隨時隨地都可以陪伴,讓孩子覺得媽媽是世上最安全最保護自己的,所以媽媽 ...

你讓我諗起,我小朋友讀活動教學幼稚園果陣係完全冇專注力不足既問題,可能而家係傳統小學,而家既教學模式,可能佢真係覺得冇趣,但我暫時都吾會考試轉校,我吾捨得一線學校同埋成績,唯有自己諗下有咩學習方法,令佢覺得比較興趣有趣啦。

作者: jli008    時間: 19-6-25 11:10

提示: 作者被禁止或刪除 內容自動屏蔽
作者: hkmm888    時間: 19-6-25 13:37

jli008 發表於 19-6-25 11:10
回覆 hkmm888 的帖子

正常孩子玩耍就已經是專注一部份,所以活動教學為何孩子會比較享受投入.當然什麼都是 ...

多謝你既回覆,我會消化下你分享既野,再調整一下管教模式。

作者: jli008    時間: 19-6-30 10:58

提示: 作者被禁止或刪除 內容自動屏蔽
作者: annie133    時間: 19-6-30 19:08

肥豬豆豆 發表於 19-6-19 16:34
爸爸時常出動,佢驚我哋鬧,好慘咁認錯,但佢好似控制唔到咁一做英文數學就冇晒專注力。

最慘佢中文常識 ...

咁唔係專注問題,係冇興趣。
老師有冇要求?對呢D小朋友有時反而嚴少少好,我小朋小時都係咁,但唔交功課要留堂做埋先走,佢之後唔敢了。

作者: hkmm888    時間: 19-6-30 19:57

jli008 發表於 19-6-30 10:58
遊戯有玩嗎?若ok了可改進階版,讓專注度加深,但發問者反應力也要穩住的。

進階版就是孩子知道口是答案 ...

佢玩左一次就吾同我玩,可能因為佢估吾到。
而家比較得閒,陪佢玩下棋& uno,訓練下佢耐性。

作者: chrischeung    時間: 19-7-2 18:46

回覆 肥豬豆豆 的帖子

功課拖拉已是一個問題,正常自己做哂功課,上堂明白,應成績不錯了。
作者: hkmm888    時間: 19-7-3 10:59

chrischeung 發表於 19-7-2 18:46
回覆 肥豬豆豆 的帖子

功課拖拉已是一個問題,正常自己做哂功課,上堂明白,應成績不錯了。 ...

學術肯定識又吾一定成績好,考試吾睇題目,自己估,照抄答案都寫錯字,可以計錯簡單運算,默書聆聽好低分,因為吾專心聽吾到答案。

作者: hkmm888    時間: 19-7-3 11:00

chrischeung 發表於 19-7-2 18:46
回覆 肥豬豆豆 的帖子

功課拖拉已是一個問題,正常自己做哂功課,上堂明白,應成績不錯了。 ...

再加上堂發夢,話老師冇教過,好攞命

作者: chrischeung    時間: 19-7-3 14:22

回覆 hkmm888 的帖子

明白的,唯有做亞媽跟足些




歡迎光臨 教育王國 (/) Powered by Discuz! X1.5