教育王國
標題: 小一這一關- 留給有緣人的拙見 [打印本頁]
作者: chiumingchun 時間: 19-6-18 15:01 標題: 小一這一關- 留給有緣人的拙見
今個升小之旅終於完結, 有以下經驗總結給有緣人借鑑:
1. 如果係細B又想考直資私校, 最好係等多年先玩呢個遊戲, 差半年都好緊要, 個仔舊年7-9月面試個陣5歲未到(12月B), 相比今日去叩門5歲半, 各方面都有顯著進步. 除非小朋友係天才, 否則直私幾千人考百幾個位, 讓半年九個月真係好難讓得起.
2. 面試班係有一定作用, 起碼令個小朋友知道入到去係要做啲咩, 依家啲學校唔係佢問下你答下, 唔係讀下字講下故仔咁簡單, 特別係多人考個啲直私, 好多花款, 例如有啲玩BINGO, 小朋友如果無玩過, 單靠老師用英文同佢講一次規則就埋位, 點可能會知做緊咩? 有啲睇電視之後IPAD答問題, 又或者舉手搶答; 有啲就入去同你講一段野, 玩完遊戲走個陣問返你一開始老師講過咩… 如果完全無試過, 出到黎都唔知入去做過咩.
3. 讀名幼有一定優勢, 我發覺名幼係長期有相類似於面試既訓練, 小朋友行出黎係比較有自信, Outgoing, 識玩好多野, 肯同陌生人講野. 唔係話啲老師見佢地係名幼就揀佢地入, 而係有啲特質名幼小朋友身上會搵到. 另一點, 好重要, 就係叩門見你係名幼, 俾機會你面試既機會都大啲, 有得見就有機會.
4. 人事關係很重要, 識人好過識字, 信教既搵神父, 要有力的(唔識就諗辦法搵人介紹). 唔信教既, 睇下識啲咩教育界人仕如校長校監等. 可能一封信或者一個電話就搞掂.
大家努力！共勉之！
作者: hahaha1231 時間: 19-6-18 15:29 標題: 回覆樓主:
多謝
作者: vincielau 時間: 19-6-18 16:08 標題: 回覆樓主:
我信有準備點都會好D。
作者: mamaskylar 時間: 19-6-18 16:11 標題: 回覆樓主:
thanks for sharing
作者: gsummer 時間: 19-6-18 16:35
多謝分享
作者: kingking888 時間: 19-6-18 16:53 標題: 回覆樓主:
有同感
作者: tem_2106 時間: 19-6-19 15:33
本帖最後由 tem_2106 於 19-6-19 20:18 編輯
回覆 chiumingchun 的帖子
你講嘅係有關年紀、面試班、名幼同關係。我個仔都係今年升小學，同你小朋友一樣，都係月12月B，所以你講同年嘅差異，我基本同意。如果有得再揀，我會揀遲一年入學，咁我唔洗咁勞心勞力去教，小朋友學習嘅節奏可以唔洗咁趕。
我同意要比小朋友知道個面試形式，但面試班我自己覺得可以唔洗上，面試形式家長可以上網搵資料，同埋自己教小朋友。我小朋友無上面試班，因我覺得會對小朋友造成壓力。
我覺得搵一間發揮到小朋友能力同愛護學生嘅學校重要過名幼，同埋要配合家庭支持，真正搵一間家長認同理念嘅學校，可以家校合一，學校同家庭對小朋友嘅要求係一致嘅。
關係就好難講，我諗大部份人都無依樣...哈
作者: Bighamster 時間: 19-6-19 15:53
多謝分享
作者: Vana 時間: 19-6-19 16:58 標題: 回覆樓主:
我仔都係12月... 一開始就做超大，都係今年升小一，我都覺得佢考小學好 ready, 好難想像如果佢係一年前去考係咩狀況
一年前佢應該都未係咁合作去考學校, 而家大個仔除咗好合作好ready 專注力執行力 應對各方面感覺都有明顯優勢
作者: rafaelbaba 時間: 19-6-19 17:07
早點來這裡爬下文,已經慳了很多功夫~
作者: piggyeyso 時間: 19-6-19 22:43 標題: 回覆樓主:
我女也是12月超細b, 選擇了今年細b升小，其實學術上呀女ok ready的，但所有野都好趕咁去係真既，上年考直私可能入面未係好ready, 考唔到咩，今年叩門同樣明顯進步左定左好多，希望有好消息！
作者: jli008 時間: 19-6-22 16:01
提示: 作者被禁止或刪除 內容自動屏蔽
作者: fixedstar99 時間: 19-6-22 16:17 標題: 回覆樓主:
面試班絕對唔系必須啦！甚至讀唔讀名幼都影響唔大，關鍵係睇家長點栽培，名幼更似係將一幫有心栽培小朋友既家長group埋，但唔代表冇入名幼既家長就唔會用心栽培小朋友或小朋友沒潛質。
作者: Lomum 時間: 19-6-22 17:07
fixedstar99 發表於 19-6-22 16:17 
面試班絕對唔系必須啦！甚至讀唔讀名幼都影響唔大，關鍵係睇家長點栽培，名幼更似係將一幫有心栽培小朋友既 ...
絕對同意
作者: luckybaby2011 時間: 19-6-22 20:49
chiumingchun 發表於 19-6-18 15:01
今個升小之旅終於完結, 有以下經驗總結給有緣人借鑑:
1. 如果係細B又想考直資私校, 最好係等多年先玩呢個 ...
很真誠的分享
作者: deco99 時間: 19-6-22 21:30
fixedstar99 發表於 19-6-22 16:17
面試班絕對唔系必須啦！甚至讀唔讀名幼都影響唔大，關鍵係睇家長點栽培，名幼更似係將一幫有心栽培小朋友既 ...
完全同意。但有d名幼都俾家長壓力去訓練小朋友，非名幼家長自由度大，peer pressure小，可能都唔會train得咁緊要
作者: kenyuenkc 時間: 19-6-22 21:44 標題: 回覆樓主:
好好既建議
作者: Chan343 時間: 19-6-22 22:51
chiumingchun 發表於 19-6-18 15:01
今個升小之旅終於完結, 有以下經驗總結給有緣人借鑑:
1. 如果係細B又想考直資私校, 最好係等多年先玩呢個 ...
真心想問學術要不要谷。話要達一定程度，但其實都唔知邊個位是Standard ，例如Starter，有些人串字認字好叻，咁實ok la，但有些小朋友就是點努力都拉牛上樹，係咪死心好了？
作者: chiumingchun 時間: 19-6-23 02:49
本身唔諗住再覆任何嘢, 但見有不少回應, 咁就再分享一下. 純粹個人經歷及意見, 可以自行選擇性參考:
首先主要分岐係面試班及名幼, 先講面試班, 我都自以為是, 無上過, 好後悔. 有部分家長話無必要, 自己搞都得, 我意見係俾人搞啦, 出面嘅人教, 小朋友先會認真聽, 同一班人一齊上先吸收得多. 人地收得你錢仲要多人報一定唔多唔少有啲用, 有正規模式有系統. 我同老婆都大學畢業, 都係從事業務拓展, 之前主要係香港, 近年拓海外多(日, 韓, 台, 新, 越, 英, 美...), 見客見陌生人多過食飯, 如果講做presentation, 即時對答, 我夠膽狂妄啲講好過9成人, 亦因為咁, 我覺得我地處理就得, 結果係錯了. 上網搵資料再自己去教, 同每個星期去接受有系統嘅訓練係兩回事. 當然唔排除有成功例子, 又或者小朋友真係天資超班考到.
再講名幼, 我都無去考名幼, 嫌遠嫌煩, 揀咗就近一間傳統私幼, $4950一個月收足12個月, 貪佢學術夠深, 個仔中文字認同寫都好堅, 英文串字更強, 每星期一默一次中文一次英文, 大約10個詞語加兩句句子, 個仔經常100分, 數學加減數, 100以內單雙數及3-9嘅倍數, 功課做過n次考過n次. 我當初覺得呢啲係內功, 面試技巧個啲只係招式, 內功好怕咩(即係九陽神功大成, 點打都無得輸), 結果係大錯特錯! 去考直私跟本無要你認字串字(或者極少), 主要係玩遊戲, 可能人太多, 無可能續個小朋友問, 續個俾時間你諗下咩字英文點串(叩門就真係多考內功), 主要係一group group 咁玩遊戲, 搶下答, 合作完成一啲task. 名幼呢度贏晒, 因為小學已假設名幼學生學術係default一定過關, 而面試技巧及自信名幼有培訓, 所以你見名幼入2nd in比例上係多得誇張, 順利考入名校人數亦自然多, 十幾個十幾個咁入.
By the way, 請大家留意返, 我個post係講話想考比較出名嘅直私(即係幾千人考嗰啲), 我都只係考咗4間- 英華, 拔萃, 陳守仁, 聖方濟各. 港島區一線及其他九龍區名校如KTS, APS無考, 但相信出名嘅小學多人考嘅小學都係差唔幾. 栽培小朋友我相信絕大部分家長都盡力去做, 只係target同expectation唔同.
祝大家好運, 小朋友考到或派入心儀小學.
作者: aprilapril123 時間: 19-6-23 07:45
同意 難得一個咁中肯槪分享
作者: sunnymama2 時間: 19-6-23 08:28
本帖最後由 sunnymama2 於 19-6-23 09:28 編輯
chiumingchun 發表於 19-6-23 02:49
本身唔諗住再覆任何嘢, 但見有不少回應, 咁就再分享一下. 純粹個人經歷及意見, 可以自行選擇性參考:
首先 ...
你講的野令我有些感觸。
阿仔讀happy 私幼（程度淺到so far我諗唔到有邊間淺過佢），你講的寫字串字，什至x數可能喺其他私幼好普通，但我的仔考小時係完全唔得。所以有自知之明，唔會考3私一直。可能阿仔肯講野，都有直私收。
我要多謝阿仔幼稚園，因為train up 佢好肯講野，所但另一方面，入到去學術追到我氣咳，有“埋怨”過點解當初唔揀學術多d的幼稚園。不過調轉諗，可能谷學術多d，阿仔講野可能冇咁叻（只apply to 我仔only, 因為實有人學術又叻，把口又叻)。
我同事今年個仔揀K,.我作為過來人同佢分享，其實考小大部分學校的學術都唔深，英普都唔係最重要，好多神校名校仲只問中文或極少量英文。對中文反應對答才是最重要（based on 我阿仔考過的學校，重申冇考3私一直，或聽聞面試深的wkf, 培僑等等）。
不過有得揀，點都揀名幼或學術好d的學校，因為即使考唔到直私，但叩門好有用，小一學術都可以比同學前列好多，輕鬆得多。
講黎講去，學術要有基本認知，但更重要係小朋友present 到有自信，唔怕錯，肯講野，考直私的機會都大的。
作者: mytambb 時間: 19-6-23 09:48
chiumingchun 發表於 19-6-18 15:01
今個升小之旅終於完結, 有以下經驗總結給有緣人借鑑:
1. 如果係細B又想考直資私校, 最好係等多年先玩呢個 ...
本帖最後由 mytambb 於 19-6-23 09:48 編輯
大部分應用於叩門階段都對。但如果面試階段，未必對。我相信你心儀的是叩門入，對嗎？
作者: CxN_2013 時間: 19-6-23 09:52
chiumingchun 發表於 19-6-18 15:01
今個升小之旅終於完結, 有以下經驗總結給有緣人借鑑:
1. 如果係細B又想考直資私校, 最好係等多年先玩呢個 ...
絕對同意
作者: chiumingchun 時間: 19-6-23 11:13
回覆 sunnymama2 的帖子
常聽有人話要happy school, 快樂童年, 但咁諗要貫徹始終, 接受小學入唔到比較好的, 成績無咁好, 之後中學如是, 大學如是.... 但如果你係要佢之後追返, 咁唔好玩啦, 先苦後甜好過.
作者: chiumingchun 時間: 19-6-23 11:18
回覆 mytambb 的帖子
錯了, 全部是應對面試, 一線直私.
作者: wongszehang 時間: 19-6-23 11:55
chiumingchun 發表於 19-6-23 02:49
本身唔諗住再覆任何嘢, 但見有不少回應, 咁就再分享一下. 純粹個人經歷及意見, 可以自行選擇性參考:
首先 ...
多謝前輩無私的意見，祝您搵到心儀學校
作者: sunnymama2 時間: 19-6-23 12:01
本帖最後由 sunnymama2 於 19-6-23 12:04 編輯
chiumingchun 發表於 19-6-23 11:13
回覆 sunnymama2 的帖子
常聽有人話要happy school, 快樂童年, 但咁諗要貫徹始終, 接受小學入唔到比較好的 ...
我又唔認為讀happy school 會去到中學，大學不如人。係初頭辛苦d。阿仔期終試都比之前有進步。
學術係追得辛苦少少，但揀多一次，都會揀happy school, 阿仔真係過左3年無憂無慮的幼稚園生活。
同埋happy school 同是否入到好小學唔一定有掛勾，家長是否伴讀，有質素的親子對話亦關鍵。
作者: jxhmy517 時間: 19-6-23 13:34
sunnymama2 發表於 19-6-23 08:28
你講的野令我有些感觸。
阿仔讀happy 私幼（程度淺到so far我諗唔到有邊間淺過佢），你講的寫字串字，什至 ...
扣門都未必有用！很多小學面試，第一輪係團體面試，考個唔係學術，去到第二關先考學術，所以學術好，其他團體表現、表達過唔到關都係冇用！
所以我個人感覺，考小學最最重要都係個小朋友的溝通和應變能力，唔怕醜！
我個小朋友兩文三語都算唔差，學術方面都跟OK,每日都有伴讀，總係超大B!但係性格好慢熱，表達能力唔好，考邊間邊間唔得！灰心到爆！好在派位后有一家心儀個小學CALL waiting
作者: hkbu 時間: 19-6-23 13:44
chiumingchun 發表於 19-6-23 02:49
本身唔諗住再覆任何嘢, 但見有不少回應, 咁就再分享一下. 純粹個人經歷及意見, 可以自行選擇性參考:
首先 ...
好認同你的睇法! 謝謝分享
作者: Lomum 時間: 19-6-23 17:23
剛玩完考小一遊戲，覺得父母栽培最重要,栽培並非指上面試班補習班，而係培養軟實力同豐富生活體驗
作者: 吉蒂小豬 時間: 19-6-23 18:02
作者: Lomum 時間: 19-6-23 21:41
Chan343 發表於 19-6-22 22:51
真心想問學術要不要谷。話要達一定程度，但其實都唔知邊個位是Standard ，例如Starter，有些人串字認字好 ...
睇學校路向，有d學校唔太睇學術，但有d會重視少少
作者: Lomum 時間: 19-6-23 21:44
sunnymama2 發表於 19-6-23 08:28
你講的野令我有些感觸。
阿仔讀happy 私幼（程度淺到so far我諗唔到有邊間淺過佢），你講的寫字串字，什至 ...
同意！自信、肯講野、心口掛個勇字最重要
作者: chiumingchun 時間: 19-6-24 00:36
不好意思, 可能我表達不清晰. 我說happy school 的小朋友上到去會不如人是假設一直讓童年happy落去. 當然如果用初小幾年去追是不會有問題. 我只覺得既然要辛苦追, 咁只係將快樂和痛苦搬前搬後. 3-5歲快樂童年, 但6-8辛苦追趕進度, 那何苦?
見太多家長同身邊嘅朋友話要有快樂童年, 我有唔少要happy school幼稚園嘅朋友嘅小朋友因為關係或運氣考入或派入一啲一線嘅小學, 就算係地區名校都已經完全跟唔上, 初小要谷更加痛苦, 日日補習停不了, 有部分小朋友更加喪失自信, 問父母點解成班同學都識係我唔識? 點解人地咁快做晒功課? 點解人地放學可以去玩課外活動我要補習?
個人見解, 幼稚園嘅小朋友跟本唔知咩係辛苦唔辛苦, 咩係無憂無慮, 返到幼稚園見到身邊所有小朋友都係咁做, 所有嘢係理所當然, 唔會特別有負面情緒, 反而上到小學開始識嘢, 人識我唔識, 人去玩我去補, 感覺更差. 當然我唔係話要谷佢去考咩劍橋試, 要考幾多級鋼琴, 又畫畫又外語 (我全部都冇,只係ABC學phonics,另外佢鐘意嘅學踢波同游水, 完了. 想夾個仔學琴但佢唔鐘意就唔學). 但入讀程度深少少嘅幼稚園, 平日做晒啲功課, assessment跟得上進度, 咁之後升小會舒服好多.
可能有些家長同我嘅觀念不同, 角度不一, 唔緊要, 因為結果最後都係殊途同歸, 就係希望小朋友開心快樂而學有所成. 大家一同努力!
作者: sunnymama2 時間: 19-6-24 07:37
本帖最後由 sunnymama2 於 19-6-24 07:57 編輯
chiumingchun 發表於 19-6-24 00:36
不好意思, 可能我表達不清晰. 我說happy school 的小朋友上到去會不如人是假設一直讓童年happy落去. 當然如 ...
好多研究都講左過早催谷（包括寫字和學數）的壞處。我因為抱着呢個信念，給兒子找一間唔駛考默和k3都好少寫字的happy 私幼。結果.。。。我兒子學術最弱的並非知識層面上，係寫字。
好多研究都講睇片對小朋友將來閱讀能力和分析能力有負面影響,我抱住呢個信念唔比小朋友睇YouTube。。。結果，喺冇外傭和英文語境及冇外補下，我兒子英文比同學（會睇youtube）弱。
那些所謂研究是否正確或會否過期我唔知，但肯定的係我兒子小學階段係“輸在起跑線”，但我揀多一次，都係覺得寧願給3，4，5歲人仔開開心心，每日上學學吓和人相處，唱吓歌仔，玩吓玩具，建立自信和創意（呢d軟實力越早發展越好），享受佢短暫的3年珍貴的童年。
你的說話很有道理。特別係能力差的小朋友上到小學，見到人識自己唔識會唔開心。所以我開學前，已和兒子心理預備，同佢講好多同學都大過你（兒子在校中是細B）,而且校長揀的全部都係叻的小朋友，包括你在內，你差過人時唔好唔開心，反而應該高興，因為你可以跟好多叻的小朋友學習，你自己亦有得益呢。
作者: picalo 時間: 19-6-24 08:05
重覆抄寫未必好
但可以用每日寫d來練字
而且要同小朋友分析字嘅結構
點先叫寫得個字四正
開始寫字前train好小手肌自然冇咁辛苦
我極少俾個女睇YouTube
亦從來唔相信外傭英文會比自己講得好
我女d英文oral靠自己執同出去上oral, phonics
作者: tiger1106 時間: 19-6-24 08:26
chiumingchun 發表於 19-6-23 11:18
回覆 mytambb 的帖子
錯了, 全部是應對面試, 一線直私.
作者: sunnymama2 時間: 19-6-24 08:29
picalo 發表於 19-6-24 08:05
重覆抄寫未必好
但可以用每日寫d來練字
而且要同小朋友分析字嘅結構
作者: sushimama 時間: 19-6-24 09:18
我都相信世上沒有free lunch ，上到小學不能再完全happy 學術冇要求。
但我也不相信讀學術強的幼稚就一定能是先苦後甜，入了一線小學後，咪又係要繼續追，不進則退，什麼是「甜」的定義呢？
讀卷幼happy school 學了一些非學術的價值觀，莫非又會是在整個人生中都不需要學嗎？
選擇不同幼稚園只是父母安排了小朋友在不同地方和不同階段去學習。
無疑happy school一般學術的確不足應付小一銜接，家長需要自己跟下或外補；但不能否定happy school 某些方面的優點和得益。
作者: chiumingchun 時間: 19-6-24 10:36
回覆 tiger1106 的帖子
就係一間都考唔到, 又派得唔好要周圍叩, 所以先有此檢討.
作者: Lingcheung 時間: 19-6-24 10:50 標題: 回覆樓主：
本帖最後由 Lingcheung 於 19-10-6 19:23 編輯
Delete message
作者: hkpapa852 時間: 19-6-24 10:52
sunnymama2 發表於 19-6-24 07:37
好多研究都講左過早催谷（包括寫字和學數）的壞處。我因為抱着呢個信念，給兒子找一間唔駛考默和k3都好少 ...
如果長時間表現無改善, 始終會有問題.
作者: sunnymama2 時間: 19-6-24 11:06
chiumingchun 發表於 19-6-24 10:36
回覆 tiger1106 的帖子
就係一間都考唔到, 又派得唔好要周圍叩, 所以先有此檢討.
作者: Q4 時間: 19-6-24 11:17
好好槪分享 & 建議,
作者: sunnymama2 時間: 19-6-24 11:24
本帖最後由 sunnymama2 於 19-6-24 11:29 編輯
hkpapa852 發表於 19-6-24 10:52
細B能力較弱呢種講法, 有效期只得一年半載.
如果長時間表現無改善, 始終會有問題.
知道呀。
佢在幼稚園係最叻嗰幾個，但入到去真係好明顯比下去，以前幼稚園幾乎得佢成日舉手答問題，而家個個都踴躍舉手答問題，佢隻手又短過人，老師點會睇到佢，慢慢自信都低落左。。。
講佢係細B（喺學校黎講）係想佢心裡好過些，始終環境，特別身邊同學的能力轉變好大。
你講得啱，個差距唔係藉口，能力弱d就係能力弱，所以而家積極諗緊補救工作。
作者: sunnymama2 時間: 19-6-24 11:28
Lingcheung 發表於 19-6-24 10:50
路過. 阿大去年剛升中一. 睇下當年同班幼稚園同學仔去左邊間中學. 超過一半都好好, 好的定義係. 有QC, Q ...
只怪呢個教育制度，令到揀讀happy school 變得好異類和令人抗拒。所以即使入唔到一線小學，只要學校程度適中，讓happy school的同學仔過渡期，happy school 的小朋友在高小亦可以讀得很好。
作者: wongszehang 時間: 19-6-24 11:31
chiumingchun 發表於 19-6-24 00:36
不好意思, 可能我表達不清晰. 我說happy school 的小朋友上到去會不如人是假設一直讓童年happy落去. 當然如 ...
樓主前輩真係袋左好多錢比我地
真心多謝您！為人父母真係確不同
作者: Lingcheung 時間: 19-6-24 11:54
sunnymama2 發表於 19-6-24 11:28
好好的分享!
只怪呢個教育制度，令到揀讀happy school 變得好異類和令人抗拒。所以即使入唔到一線小學，只 ...
本帖最後由 Lingcheung 於 19-10-7 07:59 編輯
Deleted message
作者: chloe_b 時間: 19-6-24 13:22
我小朋友正正就係呢個情況，細b，無讀名幼(讀普通私幼)，又係當年考直私全軍覆沒，後尾我同我個教名校既親友講起先知，原來就算考小一都係搵曬d大b，細b係唔會考慮 (當然係有細b入到直私，但好多都係靠關系、父母係舊生等等，唔排除有好叻既細b，但收既比例真係會好少)。
利申：之後小一只係叩左一間，入o左second in但無offer(因為豬隊友爸爸問題)，到小三先再考插班，終於插到入直私。入到直私，我小朋友先發現自已(佢10月)係全班最細果2個之一，所以真係好明顯唔收細b
作者: rchan1 時間: 19-6-24 15:14
chiumingchun 發表於 19-6-24 00:36
不好意思, 可能我表達不清晰. 我說happy school 的小朋友上到去會不如人是假設一直讓童年happy落去. 當然如 ...
↑正正係我心中所想！只係父母配合快樂的氣氛, 幼稚園生無比較下真係唔知咩係谷定唔谷的。
謝謝很中肯的分享！
作者: picalo 時間: 19-6-24 17:41
sunnymama2 發表於 19-6-24 08:29
請教如何教小朋友分析字的結構? 如何才可寫端正的字?
香港小學習字表呢個app可以同小朋友一齊睇筆順之外
我會同個女講埋
留意下筆劃位置
例如左右比例，右邊呢劃對返左邊係邊個位置開始寫
作者: ddtt347 時間: 19-6-25 09:15
以我上年經驗所見，出生率降低後，學校收生個pool大大縮小，直私都收好多細B。超細B如十一月十二月收offer嘅都大有人在。前年龍B競爭大，都有十二月超細B入讀真道。學校唔見得特別鍾意大B超大B，尤其九十月重讀真係好浪費小朋友光陰。
作者: wg_ann 時間: 19-6-25 10:25
chiumingchun 發表於 19-6-24 00:36
不好意思, 可能我表達不清晰. 我說happy school 的小朋友上到去會不如人是假設一直讓童年happy落去. 當然如 ...
獲益良多
作者: Poyau 時間: 20-6-19 15:16 標題: 回覆樓主:
謝謝分享 
作者: wyan16 時間: 20-6-19 16:45
rchan1 發表於 19-6-24 15:14
「個人見解, 幼稚園嘅小朋友跟本唔知咩係辛苦唔辛苦, 咩係無憂無慮, 返到幼稚園見到身邊所有小朋友都係咁做 ...
是, 很認同, 3歲小朋友不知咩叫辛苦, 我都是放他在學術較深的學劵幼稚園, 每日放學回來都有功課, 希望他上小學能輕鬆地適應，我自己寧願假日與他多點外出, 一樣可有快樂童年。
多謝各位的分享
作者: euniceyuyan 時間: 20-6-19 16:48
樓主說得很中肯。我個女也是今年準備升小學面試。之前有諗過要不要上面試班，看到很多家長話面試班冇用，所以未上。呢半年，我自己當full time 媽咪，自己係屋企教小朋友學術方面嘢。加上幼稚園提供支持，每天個幾至幾個鐘Zoom上堂。然而，我宜家發現我教小朋友有限，佢需要一個環境，同其他小朋友一起去操面試時實際遇到的問題。所以，最近我都還報咗一個面試班，上咗一堂，老師話個女講嘢細聲，冇乜自信。其實呢個係面試時好大問題，希望通過面試班有所改進。另外，我唔知我女的幼稚園是否屬於名幼（York)，但學校在課程編排上好用心，停課期間持續對小朋友進行視像教學，功課量都唔少。我覺得對小朋友係有好大幫助。
作者: fadgare 時間: 20-6-19 17:21 標題: 回覆樓主:
如決定以細b身份考小，盡量報多幾間打底（收咗會讀的話）。有間私小（就算不是最心儀）揸手抽獎都可以進取啲，唔使咁心慌慌，就算叩門都輕鬆些。學術基礎一定需要的，否則升小一辛苦。如想以超大b再考小一，讀小一時再考小一也是可以的。或者小朋友成績好，可直接插班P2。3私1直，英華果啲都收細b的。
作者: fadgare 時間: 20-6-19 17:28
rchan1 發表於 19-6-24 15:14
「個人見解, 幼稚園嘅小朋友跟本唔知咩係辛苦唔辛苦, 咩係無憂無慮, 返到幼稚園見到身邊所有小朋友都係咁做 ...
同意。幼稚園少功課，每週適當地安排一些課外活動，唔會太覺得谷的。如果上小學先發覺跟得辛苦，做功課溫習都花大量時間，老師對小朋友又有不好的評語，同學間又有比較，又要外補，到時更谷更辛苦。況且如幼稚園太happy，小學突然咁多workload，小朋友會更不開心。幼稚園開始循序漸進地谷下，漸漸佢適應咗就冇問題了。
作者: infong2011 時間: 20-6-19 17:34
chiumingchun 發表於 19-6-23 02:49
本身唔諗住再覆任何嘢, 但見有不少回應, 咁就再分享一下. 純粹個人經歷及意見, 可以自行選擇性參考:
首先 ...
請問小朋友最後有 offer嗎？還是大抽獎？
作者: 1222Wingb 時間: 20-6-19 17:47
樓主嘅分享好好，有好幾點我都有親身感受，thank you.
作者: sisbro 時間: 20-6-19 19:17
多謝告知！
作者: mamakarena 時間: 20-6-19 23:09
Lomum 發表於 19-6-23 17:23
剛玩完考小一遊戲，覺得父母栽培最重要,栽培並非指上面試班補習班，而係培養軟實力同豐富生活體驗
...
很同意“軟實力”和“豐富生活體驗”是很重要的。
作者: sisbro 時間: 20-6-20 00:14
chiumingchun 發表於 19-6-24 10:36
回覆 tiger1106 的帖子
就係一間都考唔到, 又派得唔好要周圍叩, 所以先有此檢討.
請問，現在如何？
我正正就是你翻版！
作者: amwau07 時間: 20-6-20 00:35
樓主講既情況， 作為細b 家長真係好深感受。 考小一， 大部分學校first round 都以 Soft skill 為主。 就算小朋友學術ok, 都唔會有人知。 先唔講比少人時間train, 高度都輸一截。 真係有苦自己知。。
作者: sisbro 時間: 20-6-20 02:08
amwau07 發表於 20-6-20 00:35
樓主講既情況， 作為細b 家長真係好深感受。 考小一， 大部分學校first round 都以 Soft skill 為主。 就算 ...
之後，就會有人沖出嚟，講識得邊個細B入咗邊間邊間學校！
但係你係嗰啲，幾千人考嗰啲學校，睇吓個壁報板，6789月出世嘅小朋友，係成班加埋都冇四個！
九月打後，分分鐘嗰啲都係大B！
這個遊戲已玩完
作者: tummypooh 時間: 20-6-20 02:56
我玩左兩次︰
1. 報幾多間學校？
視乎小朋友情況，呢樣真係好主觀了，報名考直私，我覺得你可以報好多間，點解呢，因為實會撞期，你報五間，撞三間，已經將你入讀直私機會減半。到出晒時間表後，你再要揀當中最多十間到去IN就夠了﹐因為IN太多，可能會出現反效果。
2. 學術要到咩程度？
老實講，我估冇人知學校考到咩，就自小朋友出黎可以100%講返俾你知佢IN左咩，但學校想係面試過程中睇到啲咩有幾多人知？學術我估大部份學校「最多」都係要求去到小一開學時的程度，反而小朋友的臨場反應，對答，題問、舉動、互動（老師同在場小朋友），可能先係關鍵。
3. 面試班？
成效唔敢講，因人而異。唔同人教又有唔同效果，自行考慮啦下。我女皇要個女上左三堂，都唔去了。
4. 名幼優勢？
與期話名幼優勢，我更傾向係俾小朋友入讀名幼的家長大部份更有資源＼更谷＼更有方法去為小朋友準備。一班勁家長集合埋一齊，更係會有優勢，因為小學都會睇下讀更的學生來自邊度多，咁呢班師兄自然會幫到手了。但調返轉，讀卷幼都有好多人考到直私，咁又點解呢？所以小朋友的實力，家長下的苦功不能少。樓主話讀私幼小朋友有自信，可能係真，但點解有自信，除左學校外，家庭影響有冇考慮埋？同埋我估自信某些情況下會有反效果的。
5. 家長要做咩？
我認為如要直私，小朋友要保持一定識字數量，呢個會係一定優勢，但不是全部。有啲小朋友真係對認字未掌握到，但點算？呢句真的，同佢一齊睇下書，講下故事，互動下，哪怕佢跟本唔睇個啲字，但佢個腦其實係活動更的，佢會吸引知識，而呢啲知識可能會有大作用。
6. 關係？
呢樣更係有用，但真係唔係人人有。有的話就唔使上呢度了，係咪。 ^_^
作者: MrBeast 時間: 20-6-20 06:59
chloe_b 發表於 19-6-24 13:22
我小朋友正正就係呢個情況，細b，無讀名幼(讀普通私幼)，又係當年考直私全軍覆沒，後尾我同我個教名校既親 ...
作者: MrBeast 時間: 20-6-20 07:07
tummypooh 發表於 20-6-20 02:56
我玩左兩次︰
1. 報幾多間學校？
視乎小朋友情況，呢樣真係好主觀了，報名考直私，我覺得你可以報好多間， ...
其實名幼都有不同，真正好的，課程不會太深，循步漸進，commercial 的就教快和深，只有叻的小朋友才能受惠
作者: jtw_ki 時間: 20-6-20 07:47
其實要睇小朋友性格同睇下想考邊類型小學，唔一定讀面試型同名幼先入到心儀學校，不過我同意大b著數d
作者: jtw_ki 時間: 20-6-20 07:58
euniceyuyan 發表於 20-6-19 16:48
樓主說得很中肯。我個女也是今年準備升小學面試。之前有諗過要不要上面試班，看到很多家長話面試班冇用，所 ...
本帖最後由 jtw_ki 於 20-6-20 07:59 編輯
呢間應該唔算名幼，算係學術唔錯嘅私幼
作者: lambeanmama 時間: 20-6-20 08:08
同為今年升小一的超大B家長，我覺得有以下可分享：
1. 超大B肯定是有「著數」的。我仔K1做過一年細B, 知識學術全無問題，但自理社交小手肌是需要時間發展的；在K1下學期中，我決定要重讀K1。這個決定，無悔。當然身邊有很出眾的細B, 但父母也要「很給力」才可以拉近與其他大B的距離；我是一個不想太追趕的人，所以不想競賽短途跑。
2. 面試班是否必須？我有上，覺得是「安心錢」多啲。我同意在EK可資料搜集很多；但雙職父母有沒有時間教，有沒有能力教是一個問題。還有一點，便是不少直私面試都有出現的「合作考驗」；這是家有獨子/獨女的家庭很難在家自教的。不過，最終還是要睇家長想考咩學校。考傳統學術型學校，真的是「操」好學術便最重要，打算考活動教學的，也別以為不考學術，但基本功是夠用的。我家兒子幼稚園期間沒有中英數外補，但媽媽我有跟中英文，無串字，無考cert; 所以沒有報考三私一直及出名學術深的學校；目標一直只是合適兒子的學校。
3. 作為「名幼」家長，我不敢說有無幫助，但身邊家長多是「全攻型」，不多不少在耳濡目染下也會對考小更上心。也會接收到更多相關資訊。
4. 我揀幼稚園時，不重學校學術能力。反正學術我可以自己教。但我更著重學校教嘅軟實力；如社交，表達，自信等。相比其他名幼，我覺得我哋學校嘅學術能力不過是中上。但大部份小朋友也屬於自信樂於參與類。
5. 最後，想提醒一點；閱讀最重要。真的。我仔學術一般，中文、數學是正常K3程度；絕對沒有超前教育。但一樣有心儀offer, 除了因為超大B, 少少靚仔（我覺得眼緣遊戲的面試都有啲用）外，便是因為他真心喜歡閱讀。在面試過程中，展現到出來而獲得垂青。
作者: MrBeast 時間: 20-6-20 08:26
lambeanmama 發表於 20-6-20 08:08
同為今年升小一的超大B家長，我覺得有以下可分享：
1. 超大B肯定是有「著數」的。我仔K1做過一年細B, 知識 ...
作者: b3410 時間: 20-6-20 09:54
lambeanmama 發表於 20-6-20 08:08
同為今年升小一的超大B家長，我覺得有以下可分享：
1. 超大B肯定是有「著數」的。我仔K1做過一年細B, 知識 ...
良心分享
補充一下名幼論，或者也適用於三私一直。可以講，係某種程度的物以類聚，人以群分。考入去的父母，家庭，大家通常目標一致，重視教育，出來的效果自然不同D。
作者: B.B.BaBa 時間: 20-6-20 10:46
本帖最後由 B.B.BaBa 於 20-6-20 10:47 編輯
愛閱讀呢點係好重要，唔講對考小考中呢 D 關口有幾多幫助，在整個求學階段係非常非常重要，受用無窮
| 歡迎光臨 教育王國 (/) |
Powered by Discuz! X1.5 |