教育王國

標題: 更新遲下番健康院見醫生 ~懷疑BB係自閉 [打印本頁]

作者: kissapplegirl 時間: 19-6-17 23:56 標題: 更新遲下番健康院見醫生 ~懷疑BB係自閉

本帖最後由 kissapplegirl 於 19-8-2 21:06 編輯

今日番健康院打一歲半針，姑娘要佢做既野都做到，即場手指指表示想要件玩具，連埋d發音未正既單字識講廿幾個字，識好多身體部位，識聽姑娘指示，不用2歲覆診，但佢呢期起碼一半時間用腳尖行路，無聊時會高速fing頭連續轉幾下，仲會成日fing手，有時見到佢會開合手，姑娘幫我約左番健康院見醫生，睇下需唔需要轉介

本帖最後由 kissapplegirl 於 19-6-18 22:54 編輯

16個半月大，背景：平時得我一個湊佢，老公好夜先收工，每日大部分時間BB只係對住我，但我每日都會帶佢去街買餸去公園玩
(1)佢唔望陌生人，例如我同朋友食飯，朋友叫佢名10幾次都唔應，唔會點同佢地互動，同一班親戚去玩，佢都唔會專登去望去留意人地，佢好怕生保人
(2)對一樣高既BB無興趣，試過係公園有個BB掂佢，佢勁驚立即走人，係街見到其他BB唔會望人地，佢係公園見到人地玩緊咩都會沖去學人一齊玩(即係等於搶人玩緊嘅嘢一樣)
(3)佢唔鐘意比人掂/捉住/拖住(佢只比熟悉既人掂佢)
(4) 叫佢同人打招呼永遠唔望人
(5)14個月識行路，到而家都行唔好，成個醉酒佬，發覺佢近來愛用腳尖行路
(6)每日係屋企來回行來行去，無時停，有時會自轉但唔多
(7)佢唔敢捐隧道，但佢玩到公園嘅瀡滑梯千秋爬樓梯
(8)佢可以著住鞋行草地，但佢驚沙驚草唔敢掂到
(9) 任何軚盤都會好開心咁玩，都會玩車輪但唔沉迷，兩三分鐘玩完，喺街見到會轉嘅嘢望半分鐘就走唔會著迷
(10)理解我地說話，識指令： hello/ bye bye/飛吻/錫錫/揼垃圾/轉圈圈/give me five/扭patpat/俾野人/跳舞等
(11)識講媽媽/爸爸/奶奶/duck/喵/餅/mun mun，另外Banana ，Apple， butterfly識講但講唔正
(12) 問佢要唔要/食唔食佢會識得搖頭或點頭表示，喺餐廳食嘢佢識得用手指住想飲嗰杯嘢飲
(13)識手指指，另外有時睇到有興趣既野會望住我分享我知
(14) 識身體各部分，識疊積木，唔會將玩具排列，識喂公仔食野飲奶幫公仔梳頭，成日扮講電話
(15) 佢可以花灑沖涼，對聲音冇特別敏感
(16)佢呢排成日搖頭刺激自己，不過問佢睇唔睇youtube可以立即停止變點頭

請問仔仔似有自閉嗎? 我呢刻可以做d咩幫助佢?
佢對街外人眼神勁差，我出街見其他bb會望住我個仔，但我個仔從來唔會望住佢哋，有時搭降機佢又會望住啲姨姨叔叔，有時佢又死都唔望，唔知佢想點

作者: RaindyCheuk 時間: 19-6-18 09:04 標題: 回覆樓主:

我覺得唔似自閉，識手指指，亦唔覺有好多固執性行為，似社交力弱，當然我不是專家，好擔心可以去健康院覆診時叫姑娘幫你轉介CAC, 你不如俾佢讀N班，或報playgroup, 等佢接觸多d不同既人啦

作者: FLCHOW 時間: 19-6-25 11:09 標題: 回覆樓主:

似感統失調

作者: FLCHOW 時間: 19-6-25 11:10 標題: 回覆樓主:

認同，不是專家，去健康院覆診時叫姑娘幫你轉介

作者: FLCHOW 時間: 19-6-25 11:17 標題: 回覆樓主:

戒色素食物

圖片附件: 1561432609411.JPEG (19-6-25 11:17, 356.14 KB) / 下載次數 8
/forum.php?mod=attachment&aid=MzAwNTkzfGJjMjBhNjc2fDE3NTAyNTcxODd8MA%3D%3D

圖片附件: 1561432610272.JPEG (19-6-25 11:17, 418.1 KB) / 下載次數 7
/forum.php?mod=attachment&aid=MzAwNTk3fGExOTA0Mjg1fDE3NTAyNTcxODd8MA%3D%3D

圖片附件: 1561432610637.JPEG (19-6-25 11:17, 343.74 KB) / 下載次數 8
/forum.php?mod=attachment&aid=MzAwNjAxfDk2MDlhNGE3fDE3NTAyNTcxODd8MA%3D%3D

作者: idak 時間: 19-6-27 20:37 標題: 回覆樓主:

你留意吓佢有無望你對眼，視線轉得好快唔定。

作者: kissapplegirl 時間: 19-6-28 00:27

RaindyCheuk 發表於 19-6-18 09:04
我覺得唔似自閉，識手指指，亦唔覺有好多固執性行為，似社交力弱，當然我不是專家，好擔心可以去健康 ...

我帶佢上左幾堂playgroup ，好快就唔專心自己走來走去，老師叫佢做既指令唔聽，我叫既先聽，捉住佢又扭計尖叫，不過上左幾堂有明顯集中左d
去公園仲係自己玩，唔望唔理其他小朋友

我都打算18個月番健康院同姑娘講下

作者: kissapplegirl 時間: 19-6-28 00:29

FLCHOW 發表於 19-6-25 11:09
似感統失調

我都估係有感統問題，我現在會盡量日日帶佢去公園玩滑梯同千秋，等到18個月番健康院再睇下點...

作者: kissapplegirl 時間: 19-6-28 00:31

idak 發表於 19-6-27 20:37
你留意吓佢有無望你對眼，視線轉得好快唔定。

佢望我既眼神好好，仲會成日搵我玩痴住我，同我有交流，係對街外人眼神差，好奇時會望下大人，但唔會望小朋友

作者: idak 時間: 19-6-28 00:39

kissapplegirl 發表於 19-6-28 00:31
佢望我既眼神好好，仲會成日搵我玩痴住我，同我有交流，係對街外人眼神差，好奇時會望下大人，但唔會望小 ...

你同佢講嘢時，佢眼球有無左右郁來郁去？你叫佢名有無望住你？

作者: kissapplegirl 時間: 19-6-29 21:27

idak 發表於 19-6-28 00:39
你同佢講嘢時，佢眼球有無左右郁來郁去？你叫佢名有無望住你？

平時如果我同佢講嘢或者問佢野，係唔會集中望實我㗎，通常望一兩秒就會望其他野，但唔係飄忽嘅眼神，因為佢對住街外人係好明顯佢只會望一眼就唔望，咁樓下保安日日見到，冇咁陌生嘅佢就可以望實喇
叫佢名回應我，但有時係唔會認，我都唔知係咪因為可能佢個刻太專心定係選擇性認我

作者: idak 時間: 19-7-14 04:55

kissapplegirl 發表於 19-6-29 21:27
平時如果我同佢講嘢或者問佢野，係唔會集中望實我㗎，通常望一兩秒就會望其他野，但唔係飄忽嘅眼神，因 ...

佢望你一、兩秒時有無望住你對眼？或只係望你塊面？我女差不多兩歲時，去健康院醫生問過以上問題。

你可以約吓有BB的朋友，等佢同其他小朋友玩，你就會睇到有乜嘢唔同。

我好認真講一件事，不過我都做唔到，唔好比佢睇電話，尤其係YouTube，會領到佢對周圍的人和事無興趣、情緒差、影響腦部發展和表達能力。佢望你一、兩秒有可能係習慣咗睇電話，一秒內已經有多個不同影像，唔知道要放慢眼睛，專注做一件事。

作者: kissapplegirl 時間: 19-7-18 01:38

idak 發表於 19-7-14 04:55
佢望你一、兩秒時有無望住你對眼？或只係望你塊面？我女差不多兩歲時，去健康院醫生問過以上問題。

你可 ...

同呀仔講野，佢有時可以對眼望實我一兩秒，如果係玩緊好開心可以望住我對眼好耐，但佢平時係慣性望空氣多
同佢出街差唔多大既BB都會望住呀仔個樣，但我個仔從來都當佢地透明，如果有位家長拖住小朋友，呀仔會望住個家長都唔望個小朋友，係公園玩更加係唔會點理其他小朋友，係公園有bb玩緊軚盤，呀仔想玩仲會一手捉起人地隻手再fing走，根本就當人係物件
同埋佢有時叫名唔應人，唔係完全唔應，但有時係叫5、6聲佢個名先轉頭搵我，唔知個刻佢係唔聽理我，定係其他野啦，因為我叫佢個名唔應我通常都係商場係街係公園，可能佢有好多野要觀察研究掛

我覺得佢明顯同其他小朋友唔同在佢唔望同高度既人。。。

作者: idak 時間: 19-7-18 20:19

kissapplegirl 發表於 19-7-18 01:38
同呀仔講野，佢有時可以對眼望實我一兩秒，如果係玩緊好開心可以望住我對眼好耐，但佢平時係慣性望空氣多
...

你仔咁唔算有望你，你試吓踎低接近佢視線先同佢講嘢。每次同佢講嘢時，都拍一拍佢先，再叫佢個名，之後叫佢做嘢。

你可以每日定時，同佢玩某D收入櫃的玩具，比佢自己選擇一樣，要佢坐定定，5分鐘內，只係讚他或形容佢當時做緊D乜，佢手上玩具係乜，和乜嘢顏色等。

作者: BCDJP 時間: 19-7-18 21:48

kissapplegirl 發表於 19-6-17 23:56
本帖最後由 kissapplegirl 於 19-6-18 00:00 編輯

16個半月大，背景：平時得我一個湊佢，老公好夜先收工 ...

似ASD, ADHD, Sensory issues.

作者: kissapplegirl 時間: 19-7-19 00:20

idak 發表於 19-7-18 20:19
你仔咁唔算有望你，你試吓踎低接近佢視線先同佢講嘢。每次同佢講嘢時，都拍一拍佢先，再叫佢個名，之後叫 ...

請問如果想18個月去私人評估邊間機構可以做而報告政府認可?

作者: kissapplegirl 時間: 19-7-19 00:21

BCDJP 發表於 19-7-18 21:48
似ASD, ADHD, Sensory issues.

邊間機構18個月可以做評估呀thx

作者: idak 時間: 19-7-22 03:40 標題: 回覆樓主:

我女已經9歲了！我以前係排政府，只係等咗半年，聽人講以家要排好耐。自閉症要3歲先可確診。你可打去協康、聖公會和耀能問吓，有D課程都適合2歲。

歡迎光臨教育王國 (/)