教育王國

標題: 信用卡繳費問題 [打印本頁]

作者: ydoris 時間: 19-6-11 14:26 標題: 信用卡繳費問題

收到學校宿舍電郵,要俾250鎊訂金.我仲未開英國戶口.唯有用本地信用卡俾錢住先啦.咁填好晒野次後,佢有一版問用VISA, VISA DEBIT,VISA ELECTION.....等等,咁我選VISA啦.跟住佢問我用港幣定英鎊俾?請問有咩分別?如果我有外幣戶口既,是否可以用外幣交卡數?我而家選左港幣,佢兌得好差再加3%.不過只是2000鎊先.想知點做最慳錢?謝謝大家.

作者: cow 時間: 19-6-11 14:56

本帖最後由 cow 於 19-6-12 10:02 編輯

回覆 ydoris 的帖子

比港幣, 佢同你對, 如兌得差再加3%, 就比英鎊.
比英鎊, visa同你對, 一般卡加1.95%手續費, 有啲卡唔使比(Aeon,earnMORE)
用回贈多嘅信用卡或唔使比手續費嘅卡.
邊張信用卡可以抵銷手續費　仲有3.65%回贈？

動態貨幣交易（DCC）
簡單而言，在外地商戶以Visa/Mastercard消費時，消費者可以選擇以外幣或是港幣作結算交易，而以港幣結算的交易便算是DCC。驟看之下，以港幣結算好像並沒有任何壞處；但其實商戶和銀行一般合共會向DCC交易收取最少4%手續費！因此，在外地消費時，千萬要以外幣直接結算，不要墮入DCC陷阱！

無需再帶現金-旅行信用卡攻略

註: 交學費唔一定當海外簽賬有回贈, 最好問清楚. 我就先交少少, 見有回贈再先交其餘學費.都要註意回贈上限

作者: cfs 時間: 19-6-11 16:03

ydoris 發表於 19-6-11 14:26
收到學校宿舍電郵,要俾250鎊訂金.我仲未開英國戶口.唯有用本地信用卡俾錢住先啦.咁填好晒野次後,佢有一版問 ...

我果時未有英鎊戶口，我選擇開滙票或滙款，滙票可以比agent寄，開滙票每間銀行收費吾同，好像八十至百幾蚊都有，滙款就收二百多手續費。

如果你一定要比信用卡，我會選擇英鎊，因為有啲銀行選港元係儲唔到分，仲蝕。所以一定選外幣，當網上購物甘儲

作者: ydoris 時間: 19-6-11 17:18

回覆 cfs 的帖子

佢係宿舍費,一定要上網俾既,下期要俾幾萬蚊架.即係登記左回贈先用英磅俾最抵.咁開左英國戶口是否一樣可以網上俾架?佢得VISA,MASTER呢D無第二D.學費吾知點俾架,因為未有成績表去攞OFFER.謝謝

作者: 3b 時間: 19-6-11 17:52

ydoris 發表於 19-6-11 17:18
回覆 cfs 的帖子

佢係宿舍費,一定要上網俾既,下期要俾幾萬蚊架.即係登記左回贈先用英磅俾最抵.咁開左英國 ...

開了英國戶口，有張Visa debit card, 到時可以上網直接比錢，即時扣戶口同一currency

作者: MsSleepy 時間: 19-6-11 20:45

回覆 ydoris 的帖子

提提你，你幫孩子開英國戶口，最好自己都要有户口(單名或联名户口都可)，並申请 debit card。一來你可用網上銀行交學費、住宿費，唔使比手續費。另外，如果你過去英國探孩子你自己有張debit card，方便好多。
我係用HSBC英國網上銀行戶口交學費/住宿費，但要注意每日係有銀碼上限，我試過用Visa Debit Card 交學費，由於銀碼大，系統不接受，我要电話联络英國HSBC，叫佢作一次性嘅特別安排。

如果學校接受分期交學費或住宿費，你可以通知學校你英國銀行戶口資料，佢就會跟 schedule去扣你個戶口，你只需要確保戶口有足夠資金就得啦。

作者: ydoris 時間: 19-6-12 09:05

回覆 MsSleepy 的帖子

謝謝妳意見,吾怪得我問HSBC開戶問題時佢問我是否開聯名戶口?原來有原因既.不過阿囡都過十八歲啦,佢開左戶直接放晒D錢係佢度繳費都得啦.而家未有OFFER,未有學校戶口.到時先可以再做呢D野啦.都係去開左戶口自啦...至於有上限,我開戶時再問清楚都好WOR....費事到時吾知點算好..

作者: MsSleepy 時間: 19-6-12 11:10

回覆 ydoris 的帖子

再提提你，如果你將啲錢擺曬喺阿女英国銀行戶口，你記得擺落佢saving account，叫佢用几多，便轉几多到佢嘅current account，因為current account係同debit card連結，萬一張卡比人盗用，有可能啲錢會冇曬。
另外，匯豐有一個非常好用的global transsfer功能，可隨時近乎即時將資金轉賬至您在世界各地的滙豐户口。Premier 客户免手續費，Advance 客户收費。

不過要留意，如果你係 Premier 客戶但沒有英国户口，而你女兒並非Premier 客户，那麼她轉錢去英國就有費用。

作者: ydoris 時間: 19-6-12 11:33

回覆 MsSleepy 的帖子

謝謝.明白

歡迎光臨教育王國 (/)