教育王國
標題: 讀學之園需外補嗎 [打印本頁]
作者: Chocobee 時間: 19-6-6 05:58 標題: 讀學之園需外補嗎
仔仔下年K1 PE offer 但另有另一間心儀幼稚園 仲考慮緊邊間
學之園已經學術好強好全面
請問學之園的媽媽
可唔可以分享下你地小朋友讀LH其間，仲有冇外補？如有，會補咩科？
另外讀英普對考小一會唔會好大幫助？面試通常係咪廣東話+英文
thanks
作者: pekovian 時間: 19-6-6 08:43
另一間係咩？龍幼？
好老實，aim at考一線直私讀邊間都要外補，係補多定補少架啫。學校有面試班，但我識有LH同學再去外面上面試班。
作者: piglover 時間: 19-6-6 09:05
我識考到一線直私嘅，都有外補。 我知道考到dg果個有上面試班。我小朋友私補嘅net，收好多LH學生。
外唔外補真係好個人。 我知道有人讀happy 幼稚園，無外補，一樣入到st paul，陳守仁，港同。
我見到嘅係入到龍幼，外補會少d。始終唔使出公海同人爭。 做好本份，已經有小學back up。
作者: Chocobee 時間: 19-6-6 09:08
pekovian 發表於 19-6-6 08:43 
另一間係咩？龍幼？
好老實，aim at考一線直私讀邊間都要外補，係補多定補少架啫。學校有面試班，但我識有 ...
高幼 pm
作者: Chocobee 時間: 19-6-6 09:13
pekovian 發表於 19-6-6 08:43
另一間係咩？龍幼？
好老實，aim at考一線直私讀邊間都要外補，係補多定補少架啫。學校有面試班，但我識有 ...
少左好多英文堂 而家n係英普
返左下午班 小朋友k1冇得訓晏教 影響佢集中力
同埋朝早冇咁多班補英文
所以唔知點揀好
作者: wg_ann 時間: 19-6-6 09:46 標題: 回覆樓主:
LH既學術程度係足夠考小，但外唔外補真係好睇家長，有人唔補都考到一線如港同，只可以睇家長對外補既取態同對小朋友有幾大信心，某d分校家長普遍較進取，所以亦較多人外補。
作者: chujojo 時間: 19-6-6 10:16
Chocobee 發表於 19-6-6 09:13
少左好多英文堂 而家n係英普
返左下午班 小朋友k1冇得訓晏教 影響佢集中力
同埋朝早冇咁多班補英文
你諗既野同我好像，我有pc pm ，都係擔心小朋友無得午睡，同影響習中力。
作者: Chocobee 時間: 19-6-6 10:33
chujojo 發表於 19-6-6 10:16
你諗既野同我好像，我有pc pm ，都係擔心小朋友無得午睡，同影響習中力。
...
咁你諗住take唔take呀
作者: piglover 時間: 19-6-6 13:02
chujojo 發表於 19-6-6 10:16
你諗既野同我好像，我有pc pm ，都係擔心小朋友無得午睡，同影響習中力。
...
Pc k3全部都係pm
作者: chujojo 時間: 19-6-6 13:05
piglover 發表於 19-6-6 13:02
Pc k3全部都係pm
到k3我覺得又唔同，大大下唔洗訓午覺
作者: Chocobee 時間: 19-6-6 14:15
piglover 發表於 19-6-6 13:02
Pc k3全部都係pm
本帖最後由 Chocobee 於 19-6-6 14:42 編輯
同意大大下唔係點訓晏教 亦知道好多名幼都係K2開始全部返下午班 戒晏教
但K1始終仲細 都要有充足睡眠
作者: pekovian 時間: 19-6-6 15:45
我又唔覺得瞓晏覺咁重要，我女K1已唔瞓晏覺，每晚8:30上床，瞓11個鐘，記性好，專注力強，最緊要有充足睡眠。
作者: pekovian 時間: 19-6-6 15:46
所以我會揀高幼pm
作者: chujojo 時間: 19-6-6 22:28
pekovian 發表於 19-6-6 15:45
我又唔覺得瞓晏覺咁重要，我女K1已唔瞓晏覺，每晚8:30上床，瞓11個鐘，記性好，專注力強，最緊要有充足睡眠 ...
不過即係無親子時間。食完飯就訓。FTM除外
作者: pekovian 時間: 19-6-6 22:56
chujojo 發表於 19-6-6 22:28
不過即係無親子時間。食完飯就訓。FTM除外
我係wm，6:45開飯，7:30前食完飯，對功課後每晚都伴讀至少兩本圖書，分享學校趣事，仲有時間練英文、計數、玩棋、做手工（每晚唔同），絕對係quality time
作者: chujojo 時間: 19-6-6 23:01
pekovian 發表於 19-6-6 22:56
我係wm，6:45開飯，7:30前食完飯，對功課後每晚都伴讀至少兩本圖書，分享學校趣事，仲有時間練英文、計數 ...
本帖最後由 chujojo 於 19-6-6 23:04 編輯
你好早翻到屋企？我6:30番屋企，玩一會砌圖7:00， 沖完涼7:30，食完飯8:00 。再玩下油顏色，小手肌遊戲，Lego 都9:00 。刷牙，傾下偈。睇一個鐘畫。10:30訓覺
作者: chujojo 時間: 19-6-6 23:13
同埋自己第二朝可親手同佢刷牙，食早餐。送佢上校巴。校巴未到又可睇本書先。
自己心態係可以自己做，就唔叫姐姐幫手。 都知道好學校難求，不過如另一間學校差距唔係好大，就會希望揀上午班。
當然，如小朋友一向遲起床，或一早起床，上學前可小睡又另計。 始終每個家庭作息都唔同。
LH 課程好好，其實最多外補phonics 。 興趣班多少就個個家長唔同。如LH am ，我選LH
作者: pekovian 時間: 19-6-6 23:33
chujojo 發表於 19-6-6 23:01
本帖最後由 chujojo 於 19-6-6 23:04 編輯
你好早翻到屋企？我6:30番屋企，玩一會砌圖7:00， 沖完涼7:3 ...
我都係6:30左右返到屋企，即開飯，要訓練小朋友自己做晒功課同快手食飯，就會有多d時間淨。PN/K1 10:30瞓太夜啦，早返個鐘會好d。
我女K2 9:00 / K3 9:30瞓，連續瞓到十個鐘，小一希望都keep任可以9:30上床。
不過如果你咁鍾意LH，咁就放高幼啦。但我身邊既LH小朋友，就唔止外補phonics一樣。
作者: chujojo 時間: 19-6-6 23:36
pekovian 發表於 19-6-6 23:33
我都係6:30左右返到屋企，即開飯，要訓練小朋友自己做晒功課同快手食飯，就會有多d時間淨。PN/K1 10:30瞓 ...
LH 同高幼我無offer 呀。
作者: pekovian 時間: 19-6-6 23:37
chujojo 發表於 19-6-6 23:36
LH 同高幼我無offer 呀。
誤會左你係樓主，sor
作者: pekovian 時間: 19-6-6 23:38
chujojo 發表於 19-6-6 23:36
LH 同高幼我無offer 呀。
PC都好好，升小壓力無咁大，你放左大把人多謝你
作者: piglover 時間: 19-6-7 06:18
pekovian 發表於 19-6-6 23:33
我都係6:30左右返到屋企，即開飯，要訓練小朋友自己做晒功課同快手食飯，就會有多d時間淨。PN/K1 10:30瞓 ...
可惜我無報高幼。 如果LH新校 vs 高幼，我一定會捒高幼。 始終LH新校通常頭一兩年成績都真係麻麻地。 如果認為讀LH補少d，就真係........
我認識嘅LH小朋友，都真係補唔少。至少英文一定要外補，雖然有net在教室，但一個net，28個小朋友，小朋友有幾多時間同老師講到英文。 靠學校，一定不足以應付小一面試。仲有學校雖然有面試班，但都係唔夠，想入神校，一線直私，又係要上出面嘅面試班。
高幼，進可攻，退可守。 做好本份，已經可以入高小。 當然，如果家長目標遠大，志不在高小，就另計。 小一，仼何直私，每間都幾千人面試，真係身心疲累。
作者: HauMiranda 時間: 19-6-7 10:05
我女當年在LH, 冇人不外補，因為讀得LH, 大家升小目標一定有番咁上下高。補英文不在話下，有同學甚至搵1:1 net私補。數更多人補，當年班中只有一位同學沒有補數，老師反而說他的數麻麻，最後那位小朋友都去補數。
作者: HauMiranda 時間: 19-6-7 10:08
然後我仔由LH轉高幼，都繼續如我大女一樣補英及數，但壓力細好多，因為有高小做backup. 升小壓力細左，我幫仔外補是為學習（升小打好根基）而不是谷小朋友去面試。
作者: HauMiranda 時間: 19-6-7 10:12
我女都是由PN上午轉去K1高幼下午。當初都怕不太習慣，但我女暑假時因為顧住玩，所以慢慢地已不睡午覺，反而玩完早睡（九時），瞓足（十時）才起床，一樣有十一小時的睡眠。番上午及下午各有各好。以我經驗，番下午可以瞓飽先番學，醒醒晨晨番學，尤其冬天更加不想早起，校長逗我地班下午家長都話下午小朋友番學最醒晨。其實放學四時許回家再睡一會當午睡也可以的。一樣有大把小朋友番下午，所以我覺得上下午班不是一個大問題。
作者: piglover 時間: 19-6-7 16:00
HauMiranda 發表於 19-6-7 10:05
我女當年在LH, 冇人不外補，因為讀得LH, 大家升小目標一定有番咁上下高。補英文不在話下，有同學甚至搵1:1 ...
我個NET就係有一對一，一對二幫LH私補。
我識幾個讀LH嘅人，都係全科補。 所以，認為LH就不用外補，真係太天真啦。
出面爭一線直私，唔講st cat，KV，就係幾間LH已經有幾百人，加埋其他名幼，二三千人。但一間收百幾人，要突圍而出，可想而知有幾難？
作者: IreneKam1314 時間: 19-6-7 17:33
piglover 發表於 19-6-7 16:00
我個NET就係有一對一，一對二幫LH私補。
我識幾個讀LH嘅人，都係全科補。 所以，認為LH就不用外補，真係 ...
愚蠢一問，如果kv 同LH , 邊間可以補少d ??
作者: KatieSo11 時間: 19-6-7 18:11
今天識左個讀LH的小朋友
主動有禮 閱讀能力不錯 因為她拿圖書讀給我聽 但考直私結果多係waiting 抽獎雖抽到第一志願 但父母最想她考到其他直私 我無問她有無外補 只是覺得考小這遊戲不易玩
作者: piglover 時間: 19-6-7 19:31
IreneKam1314 發表於 19-6-7 17:33
愚蠢一問，如果kv 同LH , 邊間可以補少d ??
KV 數學同中文都夠，補一科英文就足夠。資料來自讀KV 的朋友。
作者: piglover 時間: 19-6-7 19:34
KatieSo11 發表於 19-6-7 18:11
今天識左個讀LH的小朋友
主動有禮 閱讀能力不錯 因為她拿圖書讀給我聽 但考直私結果多係waiting 抽獎雖抽到 ...
所以，有龍要龍絕對係正路選擇。
不過，未經歷過考小，個個父母都會覺得可以有更好選擇。
作者: IreneKam1314 時間: 19-6-7 20:34
piglover 發表於 19-6-7 19:31
KV 數學同中文都夠，補一科英文就足夠。資料來自讀KV 的朋友。
但我從LH 用家聽來，LH 課程已經很足夠，不用外補也夠應付考小一！但kv 起碼要補英文、普通話同面試班！！
家長真的要自行判斷，不過我覺得零外補是冇可能！分別在於惡補or hea 補！
作者: piglover 時間: 19-6-7 21:54
IreneKam1314 發表於 19-6-7 20:34
但我從LH 用家聽來，LH 課程已經很足夠，不用外補也夠應付考小一！但kv 起碼要補英文、普通話同面試班！！ ...
不外補可以應付上到小一的課程，但並不代表足以應付小一面試的遊戲。
我認識考到dgs的LH學生係有外補，更加有上面試班。
作者: bubuG 時間: 19-6-7 23:18 標題: 回覆樓主：
本帖最後由 bubuG 於 19-6-7 23:19 編輯
LH學生費 加 外補。好金
作者: bbmo403 時間: 19-6-8 11:03
其實LH只係學校有面試班，吾使吾使上喎（只可以叫吾係外補，係內補）(emoji)(emoji)(emoji)
作者: adriantai 時間: 19-6-8 13:25
夠唔夠係睇家長要求, 考小一並不需要好高既學術.
作者: tyyho1 時間: 19-6-8 19:28
adriantai 發表於 19-6-8 13:25
夠唔夠係睇家長要求, 考小一並不需要好高既學術.
點解話 考小一並不需要好高既學術 既？
無好好既學術點係面試取勝？
作者: fanfan822 時間: 19-6-9 00:27
本帖最後由 fanfan822 於 19-6-9 00:29 編輯
我係LH現讀家長，試下答你，學校著重小朋友有足夠玩樂時間，多生活體驗，校內外補氣氛唔強，我小朋友k2時開始1星期1小時，英文興趣班（唔要補習社形式，小朋友們上堂好多笑聲），另外2個絕對係玩樂性質興趣班，十分滿意學校同小朋友能力
作者: ggyan 時間: 19-6-9 03:21
我都係LH 家長今年K3給你參考，小兒無外補只玩音樂運動興趣班，每星期仲帶佢四圍去街玩。班中外補氣氛都唔覺，今年神校一線offer的絕大多數沒有外補，小朋友們都是好鍾意返學而且家長之間關係好好，上堂開心又學到非常滿意。
作者: ggyan 時間: 19-6-9 03:23
tyyho1 發表於 19-6-8 19:28
點解話 考小一並不需要好高既學術 既？
無好好既學術點係面試取勝？
其實考得深的只有兩三間，絕大多數都是普通幼稚園程度。
作者: chujojo 時間: 19-6-9 09:17
ggyan 發表於 19-6-9 03:21
我都係LH 家長今年K3給你參考，小兒無外補只玩音樂運動興趣班，每星期仲帶佢四圍去街玩。班中外補氣氛都唔 ...
其實幼稚園「全補」真係有點兒... 英文 同普通話，始終講求發音。外補可理解。但數學，中文真係有外補必要？
每日填滿不同的學術補習班，小小腦袋有空間去沉澱所學？有時間去發揮創意？ 所以我相信你們，不一定外補愈多，面試成績愈好。
雖然未經過考小一，但我相信一線神校禮貌，彈性，思考反應，主動性與學術能力缺一不可，再加上點點運氣。
希望幾年後唔會後悔。
作者: tyyho1 時間: 19-6-9 09:52
chujojo 發表於 19-6-9 09:17
其實幼稚園「全補」真係有點兒... 英文 同普通話，始終講求發音。外補可理解。但數學，中文真係有外補必要 ...
我都好難想像幼稚園要全補....
讀書真係漫漫長路....
其實LH語境咁好... 仲需要外補？
作者: Vana 時間: 19-6-10 19:02 標題: 回覆樓主:
我小朋友k2 有外補半年 phonics... 之後無，亦無其他
Pth對考小一無乜用，我自己都prefer 英粵班，不過當時插班無得揀
作者: Chocobee 時間: 19-6-11 09:46
Vana 發表於 19-6-10 19:02
我小朋友k2 有外補半年 phonics... 之後無，亦無其他
Pth對考小一無乜用，我自己都prefer 英粵班，不過當 ...
學校phonics係咪用佢自己個套？
點解仲要補既？
作者: Vana 時間: 19-6-11 11:22 標題: 回覆樓主:
用 letterland
因為我個仔係插班，我想佢進度快少少....都只係上左半年
作者: yeungskylar 時間: 19-6-11 11:39
回覆 Chocobee 的帖子
LH 用letterland.
我仔而家K1
暫時拼音學哂Starting Sound and Ending Sound
因為想讀上午校，所以選讀英粵
而家外補普通話
作者: cylau2 時間: 19-6-24 14:11
以下純屬個人意見，僅供參考...
小女即將由 LH K3 畢業。
除咗學之園本校安排嘅英文班 (K1) 同面試練習班 (啟迪班)，小女冇外補學術。每星期會上嘅係音 (鋼琴，唱歌)，體 (游水)，藝 (畫畫)。學術主要由我自己用學校嘅教材去教，另外加圖書閱讀 (但亦冇追求譬如 ORT 要讀到 Level 幾)。如果要講同中英數相關嘅，唯一係K2時期因為發音口齒不清去過言語治療。
至於考小學嘅整體成績，一般 (waiting 多過 reject, reject 多過 offer)，不過慶幸有幾間心儀嘅小學收佢 (亦非常幸運及意外地包括 DGJS)。所以冇乜話「冇人不外補」或者「零外補是冇可能」。
不過我唔否認補習係可以有用，譬如部份直私考嘅數學係超出LH K2/K3上學期範圍，譬如20以內要進位借位嘅加減，另外一啲百/千/萬嘅基本概念，譬如一百加一百係幾多。
如果目標係所謂神校，我認為家長花時間去陪伴小朋友 (唔一定要去圖書館科學館太空館動植物公園海洋公園濕地公園, 可以係落樓下公園玩下, 喺屋企一齊砌下lego, 甚至簡單如每晚一齊食飯, 分享下每日生活)，令小朋友更有自信，安排多啲小朋友同其他小朋友相處嘅機會，比學術更重要(小女喺班入面，學術肯定唔係前列)。呢啲大都唔使用錢，但係亦係最貴。
如果目標係其他直私，咁的確要加強學術能力。
至於普通話，對考小一的確冇乜幫助，反而有時會混淆粵語同普通話，不過當年只有普英班有位，所以小女係讀LH普英班，靠我去教粵語。(不過如果小學係普教中，咁普英班可能會有幫助小一適應。)
作者: Kainy 時間: 19-6-26 22:58
cylau2 發表於 19-6-24 14:11
以下純屬個人意見，僅供參考...
小女即將由 LH K3 畢業。
作者: tyyho1 時間: 19-6-29 09:16
cylau2 發表於 19-6-24 14:11
以下純屬個人意見，僅供參考...
小女即將由 LH K3 畢業。
你女女好叻
作者: piglover 時間: 19-6-29 11:54
我覺得外唔外補，好睇個人需要。通常都係小朋友好醒目，唔靠外補都有好成績嘅，才會出嚟分享。 外補考到好成績的，通常唔會出聲，因為會被有d人話，你的好成績靠外補。無外補，又衰佐嘅，更加唔會出聲。網上世界嘅嘢，得啖笑，大家講完都不用負責任。 我可以好肯定咁講，要好成績，9成人都有補，補d咩，補幾多，就睇下自己的要求。 做人不要太天真。
樓上無外補，不過一星期三四樣課外活動，咩又係另類的補習。
作者: piglover 時間: 19-6-29 11:57
真正少外補的，反而係龍幼，因為有小學back up，小朋友成績不太差，已經有保障。
作者: cylau2 時間: 19-7-2 18:04
tyyho1 發表於 19-6-29 09:16
你女女好叻
正如我所講，佢嘅學術亦只屬平平。呢個亦解釋咗點解小女好多直私面試結果都係 rejected 或者 waitlisted (有去面試 同 收到offer 嘅比例大約係 4 比 1)。如果大家目標係注重學術嘅直私或者官津 (叩門)，咁就有必要提升學術能力嘞 (慶幸小女唔需要)。
我覺得家庭同學校既要相輔相成，亦要互補不足，譬如學之園唔會特別培養音體藝，咁就由我哋做家長嘅安排。我堅持嘅係，每一樣興趣班都要係小女自己有興趣去上堂嘅。實際啲諗，如果面試時候，校長見小朋友嘅申請有講乜乜乜興趣班甚至比賽獲獎，問小朋友你中唔中意學乜乜乜㗎，小朋友答：「Errr... 可以啦 / 爸爸媽媽叫我去上我咪上囉 / 唔中意㗎 / 其實好攰㗎，我想多啲時候休息或者玩。」你覺得校長會點諗？ (我亦喺簡介會聽過有校長講返類似經歷。)
家長嘅教養理念唔同，選擇唔同好正常，只要認清自己想要嘅係乜，多啲用心觀察小朋友嘅成長，加以調節，唔好人云亦云，人做我又做。譬如我想小女培養好嘅品德，加強同人嘅溝通，現階段唔需要太注重學術，要多元化發展，所以有我嘅選擇。 (當然，上咗小學後可能要調節。)
作者: cylau2 時間: 19-7-2 18:25
Kainy 發表於 19-6-26 22:58
你好，我仔仔九月LH K1，想問下K1學校有提供英文班？
作者: vickling 時間: 19-7-3 08:16
piglover 發表於 19-6-29 11:57
真正少外補的，反而係龍幼，因為有小學back up，小朋友成績不太差，已經有保障。
...
本帖最後由 vickling 於 19-7-3 08:18 編輯
人人接收的資訊唔同，我聽到/朋友身上講的同你的好唔同。
我所知龍家長真係唔少有外補，龍好多教得淺.
如果升唔上龍小而要出公海，真係等運到，龍家長多唔會坐以待斃..所以都唔少有補 由其英文。
作者: vickling 時間: 19-7-3 08:17
cylau2 發表於 19-7-2 18:04
小女的確有佢嘅優點 (開心，有愛心，關心別人，冇乜物質追求，好奇，愛分享，等等)，但缺點亦唔少。
正如 ...
我覺得你分享好好 又好有氣度，你女女有靚offer 不無道理
作者: Forgetmenot999 時間: 19-7-3 11:04
不明神校校長在簡介會上，經常強調上面試班那些小孩神校職員一眼看穿，學校不會對這些小孩有興趣，但我想話比大家聽，身邊無論過往甚至現屆，我所認識的家長及其考獲神校的小朋友，全部均有上過面試班。
作者: LittlemBB 時間: 19-7-3 16:44
cylau2 發表於 19-7-2 18:04
小女的確有佢嘅優點 (開心，有愛心，關心別人，冇乜物質追求，好奇，愛分享，等等)，但缺點亦唔少。
正如 ...
想請教一下，我都想比女兒上興趣班，想佢接觸下唔同既野。你之前提到，果時你女一星期上3-4樣興趣班。甘我讀 LH PM 係咪無時間上興趣班囉？我啲時間唔知點分配好。
作者: wg_ann 時間: 19-7-3 18:12
vickling 發表於 19-7-3 08:16
本帖最後由 vickling 於 19-7-3 08:18 編輯
如spk雖然直升比例高，但普遍都補得好勁，一來學校教得淺，二來家長揀得呢間都係有要求的人，更擔心小朋友成為少數跌入公海果批。
作者: cylau2 時間: 19-7-3 18:22
本帖最後由 cylau2 於 19-7-3 18:24 編輯
LittlemBB 發表於 19-7-3 16:44
想請教一下，我都想比女兒上興趣班，想佢接觸下唔同既野。你之前提到，果時你女一星期上3-4樣興趣班。甘我 ...
小女都係讀LH下午班, 興趣班安排如下 (過去一兩年到而家):
- 星期四 10am 鋼琴
- 星期六 下午 繪畫
- 星期日 10am 游水
呢三樣上咗小學都應該會繼續, 不過鋼琴就要改時間。
之前星期三上午有學唱歌, 不過已經停咗 (因為同佢一齊唱嘅同學都冇繼續唱, 佢就唔想繼續)。
之前間唔中都會試下其他嘢 (學過下芭蕾舞, 試過劍擊一次), 不過似乎佢興趣唔大, 而且唔想同時太多嘢。
作者: ceresves 時間: 19-7-7 01:57
外補很個人，外補多少和升小结結果不一定成正比，我大仔在LH讀了三年，我不隱瞞，他是有外補，除了學校啓迪班，也另外有上面試班，但你問我上多上少跟考小的成績真的有關嗎？我也不肯定，因為外補得更犀利的同學也有，但考小成績亦未如理想。大仔他很幸運地入了南區某直資，我亦因此替小女兒選了另一家幼稚園（因當初希望maximize女兒入哥哥學校的機會），這叧一家的幼稚園比起學之園在學術要求方面較低，但這學校也有家教會辦的模擬面試，而在外補上可能有了哥哥的經驗我反而沒有替妹妹安排那麼多外補。不過去到最後，妹妹結果也沒有跟哥哥一起上南區小學，選了另一家比較適合她的學校。其實外補真的很個人需要，不用介意別人的眼光，補了心理上過得好一點已經是幫了自己和小朋友一個大忙。至於讀不讀學之園，其實也很個人，好像我一樣，哥哥讀得不錯但最終也為妹妹選擇了另一家。
作者: ceresves 時間: 19-7-7 10:43
wg_ann 發表於 19-7-3 18:12
如spk雖然直升比例高，但普遍都補得好勁，一來學校教得淺，二來家長揀得呢間都係有要求的人， ...
作者: konew720 時間: 19-7-16 00:27
我2個囡都係讀LH，細果個今年都畢業。分享下。
外補真係好個人需要，幾次同校長講到外補，校長都話家長自己覺得需唔需要，而唔係人補我補。
我大囡有補數，因為佢數感好差，我自己教會教到關係破裂，所以我俾佢補。另外，我對2個囡既英文有要求，我想佢地小一已經可以自己聽完個生字識得串出黎，純粹我係為左自己以後可以輕鬆d，所以就算學校有教phonics，我都俾2個囡出去補，而phonics係要成日接觸先會熟，如果唔係好易唔記得。同埋phonics學好，口音問題都大大改善左。
細囡數感好，所以冇補數學，只補phoincs。
經歷了2次考小一，得出結論係，考小結果受好多因素影響，學術只係其中一小因素，其他仲有性格、家教、溝通能力、與人合作能力、臨場表現等等，呢d係唔可以靠外補得黎。學校會通過唔同方式去試每個小朋友。有一間小學second in時問我細女好多關於屋企既野，我細女當然毫不隱瞞咁答。我細囡同我講返d問題，我覺得我地一家既私隱已被嚴重侵犯。所以未經歷過考小一，永遠唔會明白考小一既難處。一味谷學術係冇用，十幾張証書係冇用。我2囡既portfolio 只有學校成績表同學校奬狀。朋友有10幾張証書(Cambridge, Trinity, 各種比賽)，都係0 offer。
撇除考小因素，LH係一間好出色既幼稚園。學校冇過份催谷小朋友，只有家長自己催谷。眼見有好多幼稚園K1開始寫字，但LH係堅持K2先開始寫字，學校仲不停叫家長唔好太早要小朋友寫字，話對手肌發育唔好。另外一提，LH對德育都好著重，呢樣係我揀LH既原因，每個小朋友都單純、有禮、幾叻既小朋友都絕不驕傲。
另外，可能大家都低調，所以冇咩人知道其實好多小學同幼稚園校長副校長既小朋友都係LH讀書。咩原因唔讀自己既幼稚園，要俾錢讀其他幼稚園？
作者: konew720 時間: 19-7-16 00:38
Kainy 發表於 19-6-26 22:58
你好，我仔仔九月LH K1，想問下K1學校有提供英文班？
其實LH 一班會有3個老師全日係課室，1 Net & 2個中文老師。每日都有中英數科節，就算唔係英文堂，net 都會係課室幫忙處理小朋友。
作者: piglover 時間: 19-7-16 06:10
konew720 發表於 19-7-16 00:27
我2個囡都係讀LH，細果個今年都畢業。分享下。
外補真係好個人需要，幾次同校長講到外補，校長都話家長自 ...
你的意見最中肯。
作者: wyan16 時間: 19-7-17 17:22
konew720 發表於 19-7-16 00:27
我2個囡都係讀LH，細果個今年都畢業。分享下。
外補真係好個人需要，幾次同校長講到外補，校長都話家長自 ...
| 歡迎光臨 教育王國 (/) |
Powered by Discuz! X1.5 |