教育王國

標題: 求教：我快被我囡激到嘔血，如何辦？ [打印本頁]

作者: lovestupid5 時間: 19-6-2 18:07 標題: 求教：我快被我囡激到嘔血，如何辦？

女兒現7歲半，於屋村二線小學讀小一。成績差（全級排名差不多最後那幾個）但依然唔爹唔吊，本身佢專注力已是差，也有過度活躍，人亦懶也不願學習，溫書唔會自動自覺不在話下，總要人攬佢才肯做練習。我堅持唔攬佢，佢可以吵鬧大哭成個鐘都唔收聲！同佢溫書真係超嘔血，唔知點好？求大家意見。

作者: faikam 時間: 19-6-2 18:16 標題: 回覆樓主：

本帖最後由 faikam 於 19-6-2 21:35 編輯

我就無呢方面嘅經驗, 但可以試下用隻公仔或其他嘢代替你去俾佢攬, 當然中間要搵個令佢聽得開心或信服嘅原因啦。

另外做練習係做補充練習? 我諗如果係嘅, 可能會適得其反。

作者: 濼晴 時間: 19-6-2 19:06

搵間有愛心既補習社
幫手溫一半，大家不用搵鋸
小朋友知你就佢，錫佢
實唔會合作

作者: Yanamami 時間: 19-6-2 19:31

專注力差、过度活躍……有無check埋有無学习障礙？

作者: miujoey 時間: 19-6-2 20:08 標題: 回覆樓主:

咁樣唔係辦法，你壓力都會好大，學校有否社工等可以跟進。

作者: lovestupid5 時間: 19-6-2 22:10

我已有向政府申請做呢方面測試，但要等到2020年10月才排到。好遺憾讀幼稚園時老師從來沒反映過呢方面問題，要是及早發現或可早申請。我也同小學社工反映，要求幫手提前排期，但即使我囡班主任也有幫手反映問題，那位社工竟自稱有觀察過我囡稱她沒問題！唉！我可以點做？出面做一次評估起碼6000元啊。

作者: lovestupid5 時間: 19-6-2 22:11

都試過沒用，反而更心散。佢不抗拒寫字但遇到唔識就即時放棄唔做。

作者: Yanamami 時間: 19-6-2 22:24

唔怪得成曰話学校d社工無用……
如果老師有及早留意真係可以早d应对｡我女有近視禁小事都係班主任同我講，叫我带女去驗眼｡

作者: Yanamami 時間: 19-6-2 22:31

本帖最後由 Yanamami 於 19-6-2 22:31 編輯

去SPECIAL特殊教育果边睇下有無resources? 果边同路人較多~
https://www.pathways.org.hk/

作者: faikam 時間: 19-6-2 23:46

我仔初小有女同學日日做功課做到12點, 後來驗到專注力失調同閱讀障礙, 最後媽咪辭職, 專心全職湊女, 加埋三年班轉去間程度輕鬆啲嘅學校, 依家讀得唔錯, 起碼唔會對學習有挫敗感同失去興趣。

作者: qip1371 時間: 19-6-3 01:11

回覆 lovestupid5 的帖子

囡囡有無參考興趣班？有無特別專長？除了留意小朋友學習問題，留意下佢有無其他興趣。畢竟唔係人人都係對讀書有興趣，如果小朋友有某一方面既嗜好/潛質，加以發展，可能仲可以培養到有助學習既能力。

作者: brother4 時間: 19-6-3 07:52

專注力訓練可用興趣班／運動，芭蕾舞／游水等有幫助的，讀書昰悠長的旅程，先保持自己的心情，孩子也要上學校的支援小组班，初中也全班全级考尾尾，現入大學了…

作者: HaYi 時間: 19-6-3 08:52

此的確是好多SEN 的困境.
1. 私人是很貴, 但可以令小朋友在8歲的黃金期內快些得到幫助的話, 可能咬牙需要一試.

2.  學校方面, 因社工面臨的case 太多, 老實說如果個SEN 冇在學校搞人, 通常都排後些. 所以一定要由家長主導.同學校溝通, 告知你已覺得惰況嚴重, 已排專業隊中, 不過需時久, 但現在的功課同考核是否可以先做調整. ( 我識一些小朋友本是ADHD 加上其它的SEN, 學校容許他的功課量是人家的1/3, 如果沒有學校合作接納, 他下下手冊都被寫滿紅字 , 老師又投訴, 家長心都好煩.  )

3. 家長先調低要求, 不要要求合格之類, set 一個大人和小孩都可達的數字才慢慢提高.  如功課太多, 安排在補習社限時做完, 回家可以由家長主導其它活動, 大家都可以輕鬆些.

2,3 可以減少家長迫功課追成績的壓力, 亦盡量減少小朋友憂鬱症的機會  (很多SEN 會有).
去特殊教育版取下經吧.

作者: bananaGi 時間: 19-6-3 18:57

要攬？？

作者: IloveJJ 時間: 19-6-4 07:27

提示: 作者被禁止或刪除內容自動屏蔽

作者: kakit703 時間: 19-6-4 07:45

完全同我小朋友一樣，一喊就要求要攬，唔攬唔收聲，可以喊好耐好長氣，我都開始懷疑佢專注力不足，應該點做？

作者: GreenMaDad 時間: 19-6-4 08:58

可能有用又吾駛太貴的，試下買個小籃球，同阿囡去街場打吓。

作者: subb 時間: 19-6-4 17:41

本帖最後由 subb 於 19-6-4 17:42 編輯

你唔肯攬她的原因是 ???

點解對一個小孩, 來一個小小的big hug 都唔得???

也是一個big heart !

記住, ....她只是一個小孩

作者: SUMCHINGB 時間: 19-6-5 00:54

樓主，如果唔介意，可以分享個故事你聽。雖然我唔係父母。
我有2個學生係專注力不足，同有過度活躍。最初嚟補習嗰陣，成績表係通紅，佢哋個中文字寫唔到就油到成格黑曬，坐3小時唔做嘢都得。
後期，我成日同佢哋講一步一步嚟，8分拎到2~4分先，同佢講拎到已經好叻仔。每次佢哋做到，我都會同佢講，好叻仔，等佢哋有返自信心。慢慢，佢學識咗去試，有時真係錯曬，但佢哋（而加）冇放棄過，好肯去學習。雖然做嘢仲係好慢~
到上次學校個 text，佢由23分考到7x分，老師都讚佢，佢更加有動力去做好，其實功勞全部都係小朋友度！我只係件工具。
由於身份問題，我唔可以同佢哋有身體接觸，如果我係父母，我都會想俾個 big hug 佢。

作者: IloveJJ 時間: 19-6-5 13:04

提示: 作者被禁止或刪除內容自動屏蔽

作者: kakit703 時間: 19-6-5 17:34

老師無同我講過呀，係咪即係唔算呢？

作者: Jane1983 時間: 19-6-5 18:38

被鬧、爆喊，跟住要求攬，係好正常的。因為佢心裏要你攬住佢，攞reassurance 你仍然愛佢。

小朋友有時曳係好抵鬧，但佢地始終係細個，其實都好可憐的。

作者: IloveJJ 時間: 19-6-5 19:26

提示: 作者被禁止或刪除內容自動屏蔽

作者: alicewithtwins 時間: 19-6-5 19:42

提示: 作者被禁止或刪除內容自動屏蔽

作者: Osiana 時間: 19-6-6 04:28

唔好意思，恕我冒昧，家長管教方面有無問題呢？
其實，家長同小孩好似係一個權力角力的關係，大家互試底線。你可以找社工或上課去了解自己管教style及方法，學習有什麼可以改善地方，有什麼有效策略去處理。知己知彼，百戰百勝

作者: yveoone 時間: 19-6-6 13:27

有冇食藥？佢唔合作，未必想，可能係控制唔到。你可試下去健康院話嚴重咗

作者: boboT 時間: 19-6-13 09:03 標題: 回覆樓主:

專注力和活躍要靠時間慢慢調節，為免錯過佢學習嘅時機，攬吓個女無蝕底嘅，過幾年升中學想攬都無得攬架喇。

作者: artai430 時間: 19-6-14 13:30

坊間有些感統訓練機構. 會評估對小朋友. 再比訓練. 對專注力/ 過導活躍/ 自閉的小朋友有幫助.
(若唔想比錢, 就上Youtube找下資料.)

另外, 朱古力. 可樂對於過導活躍小朋友會更刺激興奮. 不要食.

作者: bear2014 時間: 19-6-17 13:42 標題: 回覆樓主:

首先一定要想辦法評估咗搵出係乜嘢問題先至可以解決到，如果評估小朋友都冇問題就要改變下教導方式, 小朋友一定要你攬住先至肯溫書做功課會唔會係因為佢缺乏安全感? 或者佢對住啲功課真係好困難冇信心? 搵出原因先可以搵到解決方法

如果小朋友專注力不足但佢又唔搞人坐喺個位度發夢老師係冇辦法注意到或者唔會理

作者: Ferfer88 時間: 19-8-29 00:19

你比錢出去做test啦！因為一出result 有可以即刻同學校排特別的班同政府有資助比返學校架！好過你慢慢排做測驗。測完又要慢慢排

作者: annie133 時間: 19-8-29 06:55

佢情緒不好，攬下佢有咩所謂，佢係需要多些安全感的小孩, 我小朋友小時都係咁，大大下就唔要你攬了。
你自己先唔好忟，降低要求一步步來。
看來需要專業人士幫忙，你多看書學習下先，網上片面的資料是不足夠了。

作者: LeeCC 時間: 19-8-29 09:23

不錯，呢d錢唔可以悭,評估後未排到政府，都要俾錢出去跟私人機構做訓練

已經7歲，黃金訓練期的尾聲，不要再浪費時間了。

作者: pearlpea 時間: 19-9-3 21:27 標題: 回覆樓主:

唔好等政府，去私家做檢查，唔好錯過黃金治療期

作者: marbel 時間: 19-9-7 00:44 標題: 回覆樓主:

認同之前有媽媽話，要先降低要求，然後你要加高自己耐性，因為媽媽無耐性小朋友更易分心。
教sen呢條路一開好慢長，但做到之後你會好輕鬆。
1. 功課分兩組，做完一組有15分鐘遊戲時間做獎勵。
2. 做第一組功課時，要伴做，幫小朋友去解題分析，當中要引用好生活化嘅例子，引導佢思考，佢有答你就算錯都唔緊要，慢慢佢會覺得做功課唔係咁簡單。
3.一啲抄寫嘅功課，就玩計時遊戲，係限時內做完有糖/小禮物。限時以外完成扣返啲糖。

仲有好多方法，大致都係令做功課變得更好玩。試下用大人返工角度諗，份工有趣啲，你都唔會想轉工啦。

作者: albee.ttts 時間: 19-9-9 13:31

回覆 IloveJJ 的帖子

認同

作者: jli008 時間: 19-9-21 10:56

提示: 作者被禁止或刪除內容自動屏蔽

作者: easymom112 時間: 19-10-6 16:09

回覆 lovestupid5 的帖子

平時係咪自己帶開小朋友?

歡迎光臨教育王國 (/)