教育王國

標題: 港大醫學院fb：學歷不認可　孫中山「有限度執業」 [打印本頁]

作者: elbar 時間: 19-5-24 17:44 標題: 港大醫學院fb：學歷不認可　孫中山「有限度執業」

港大醫學院facebook出帖介紹孫中山，話原來當年英國唔承認香港華人西醫書院嘅資格，孫中山只獲有限度執業許可證。唔知佢後來棄醫從文同拎唔到正式註冊資格有無關係呢？

【明報專訊】近日社會熱議如何吸引海外醫生，家陣海外醫生可以用「有限度註冊」形式喺公立醫院行醫，但考獲執業資格考試前唔可以私人執業。香港大學醫學院facebook噚日出帖介紹國父孫中山，原來當年英國唔承認港大醫學院前身、香港華人西醫書院嘅資格，孫中山未能正式註冊，只獲有限度執業許可證，無幾耐佢就棄醫從文。

英國不承認華人西醫書院資格

帖文提到，孫中山喺1887年入讀同年創立嘅香港華人西醫書院，成為兩名首屆畢業生之一，其中小型手術實習同公共衛生兩科專業試，佢考獲第一名。後來1911年爆發辛亥革命，華人西醫書院併入同年成立嘅港大，但原來當時英國醫務委員會只肯承認港大畢業生資格，畢業於華人西醫書院嘅孫中山只獲一張「有限度執業許可證」，無法成為正式註冊醫生。

後來佢短暫喺澳門同廣州行醫後就棄醫從文，全身投入革命工作。唔知同拎唔到正式註冊資格有無關係呢？

作者: retriever 時間: 19-5-30 15:29

elbar 發表於 19-5-24 17:44
港大醫學院facebook出帖介紹孫中山，話原來當年英國唔承認香港華人西醫書院嘅資格，孫中山只獲有限度執業 ...

呢個要攪清楚喎, 話說英國受清政府壓力, 孫中山不能在港行醫, 輾轉到澳門鏡湖開醫館.

但佢挈友兼同窗關景良, 碓係在港行醫並成為養和創辦人之一...

有錯請指正!

作者: www 時間: 19-5-31 15:24

elbar 發表於 19-5-24 17:44
港大醫學院facebook出帖介紹孫中山，話原來當年英國唔承認香港華人西醫書院嘅資格，孫中山只獲有限度執業 ...

孫中山在香港華人西醫書院的成績麻麻，在小型手術實習同公共衛生兩科專業試，只考獲尾二，其他科目更是包尾。

作者: DINK 時間: 19-5-31 16:54

回覆 www 的帖子

畢業生人數未必等於學生人數! 而每科考生亦未必相同

作者: fefemom 時間: 19-6-2 08:02

本帖最後由 fefemom 於 19-6-2 08:03 編輯

www 發表於 19-5-31 15:24
孫中山在香港華人西醫書院的成績麻麻，在小型手術實習同公共衛生兩科專業試，只考獲尾二，其他科目更是包 ...

佢畢業嗰年不是只有兩位畢業生嗎？

作者: austinau 時間: 19-11-25 09:00

作者: Cheeselover 時間: 19-11-25 20:48

www 發表於 19-5-31 15:24
孫中山在香港華人西醫書院的成績麻麻，在小型手術實習同公共衛生兩科專業試，只考獲尾二，其他科目更是包 ...

老孫説向一個人開刀有啥利害！我向滿清政府動手術，不更利害嗎？
他忙於搞活動，聯黨結派，怎有閒讀書。

歡迎光臨教育王國 (/)