教育王國

標題: 尋英文拼音班 [打印本頁]

作者: bbmic 時間: 19-5-15 09:02 標題: 尋英文拼音班

小朋友讀緊一年班，由幼稚園開始，認讀英文字已有困難，而家學期尾，好多生字都唔識串，老師提議去學拼音，但一般拼音班，恐怕小朋友未必跟到，有冇一啲遊戲方式拼音班？英文認讀好似好少support?

作者: angelist 時間: 19-7-2 01:17

同問，謝謝

作者: 綠荳媽媽 時間: 19-7-4 22:56 標題: 回覆樓主:

我諗上門教拼音好d，出面d班多人又唔會特別照顧你進度，上3堂都未必及一對一嘅一堂。

作者: funEE 時間: 19-7-5 08:17

回覆 bbmic 的帖子

我覺得上YMCA幾好，因為Phonics 1&2 都要家長一齊上堂，可以同小朋友日日重溫學過嘅音。但係上到 3&4, 就仲唔係太blend到啲字.... 所以建議搵出面上小班嘅好啲！

不過要留意，因為我小朋友之後試過上單對單一堂45分鐘，可能壓力太大，小朋友上唔夠5堂，就好抗拒上英文班。老師話轉去2人班，同個叻啲嘅一齊上，希望有啲互動又可以少啲壓力.... 但事與願違，我仔反而自信心下滑，仲開始有負面情緒....

到最近要預備9月上小一，暑假開始上3-4人嘅小班，開始咗一星期兩堂，佢話上堂好開心！睇書時，開始會試下讀下，或者問下我點讀。（我仔細個已經自己會睇書睇成個鐘，不過之前係睇圖畫多過睇字）

默書方面，我仔要用phonics+圖像+故事+唔同顏色嘅筆去幫佢，你可以試下有咩方法比較適合。（佢由第一次默書唔識一半，第二次默書全部留空唔寫，之後慢慢進步到第八次嘅中英文默書滿分）只要搵到一個小朋友覺得有趣嘅學習方法，就會事半功倍！努力加油！

作者: Ferfer88 時間: 19-7-8 12:57

我女係樂富青年空間學緊。係外國人教，唱遊方式咁教。識唔識就唔知，我女上左4堂，起碼佢覺得返去好好玩。唔會悶。我有帶過我女去jolly kingdom 個的。一來我女麻麻地。 2來佢地無分班咁上我唔like

歡迎光臨教育王國 (/)